الاسئلة و الفتاوى

أسئلة من درس سر الحال - سماحة الشيخ د. رجب ديب 2002 

س. كنت ابوح بالاسرار . والان بعد هذا الدرس تبت الى الله.

ج. ارجع يا ابني استغفر الله وتب الى الله واصدق الله في الطلب فلعل الله عز وجل ان يقبل توبتك ويرد اليك ما ذهب منك.

س. رأينا وسمعنا من عدد من الاحباب الذين يزعمون القرب من الشيخ اعمالا واقوالا تتنافى مع اصول المسيرة وربما مع الشريعة. فنقول كيف تقول هذا او تفعله؟ فيقول استشرت شيخي او سألته فقال افعل ذلك. فنقول كيف ومتى فيقول بحالة رابطة وذكر..

ج. هذا يا ابني انسان مختلط عليه الامر. هذا عنده نفس امارة ويظن انها رابطة. الرابطة ابني ما هيك. يا ابني الرابطة دائما مقيدة بالشريعة. فكل ما خالف الشريعة فليس من الطريق الطريق خادم لشرع الله. فأي مخالفة شرعية فهذا الاخ يعتبر من اهل الزلل وليس من اهل السلوك.

فعندكم انتم الان لازم تعرفوا ان كل اخ يظهر منه بعض المخالفة او بعض التقصير وينسب الى انه من امداد الشيخ فهذا يكون كاذباً مختلط عليه الامر دخلت عليه النفس ووساوس الشيطان فظنها من طريق الحب ما عرف الطريق.

س. كيف يكون صدق التوجه؟

ج. انت بتعرفه. لما بدك تتفرج عالتمثيلية او عالفتبول والرياضة بتعطي نص ادن ونص عين ولا كلياتك متوجه عالتلفزيون واذا واحد بده يحكي بتقول له اسكتوا لنشوف مين بده يعطي غول.. مين.. هذا كله متوجه.. هذا اسمه صدق التوجه. ان لا يكن في توجهك احد. ما تخلي احد يدخل في توجهك ابدا. يكون توجه كلي الى هدفٍ واحد.

اسئلة من درس الحج الحلقة 3 سماحة الشيخ د. رجب ديب  4-7-2013

- س. هل يكفي سعي واحد لكذا عمرة اذا الواحد عمل عمرة ورا عمرة ورا عمرة بيقدر يسعى مرة وحدة؟

- ج. : كل عمرة بدها طواف وسعي وحلق. بيطوف وبيسعى وبيحلق. فلو مثلا جبنا 12 عمرة بدك تسعى 12 مرة بتطوف وبتسعة وبتحلق. هي العمرة. العمرة طواف وسعي وحلق. انتهت العمرة. اما الحج احرام ووقوف في عرفة ومزدلفة ومنى وسعي وطواف .. الحج له شغل كتير.

- س. اعلاننا عن القيمة المادية للكفارة عن افطار يوم بشهر رمضان بعذر المرض.

- ج. اطعام مسكين اكلة يلي انت بتاكل منها طعمي المسكين منها. بس. ما بدها اكتر من هيك لا منقول لك . ادي بتكلف؟ انا باكل شي والتاني بياكل شي كل واحد له اكل.. انا بعض اوقات الاكلة بتكلف الف ليرة بعض اوقات باكل ب25 ورقة. ما بكلف. باتنجانة بشويها بحطلها شوية حمص صارت بابا غنوج باكل . ادي بتكلف؟ بيمشي حالي. بعض اوقات باكل لحم. فالاكل يلي بياكله الانسان هو يلي بده يطعميه كفارة للانسان.

- س. لي دين مع شخص مبلغ 200 الف ليرة سوري. من عدة سنوات وهو معسر ولا اعلم متى يستطيع اعادته فاني اسدد عنه كل شهر فاتورة حوالي الف ليرة. فاصبح المبلغ حاليا يتعدى ال200 الف ل. والمبلغ في زيادة. هل يتوجب عليّ دفع الزكاة عنها وعن اي مبلغ ادفع الاصلي او الجديد؟

- ج. هذا المبلغ يلي انت مدينه ضايع ما في عليه زكاة لحتى انت تقبضه. ما دام قبضته بتطالع عليه زكاة. الدين الضايع ما في عليه زكاة حتى يقبضه. فمتى قبضته بتطالع عليه زكاة

- س. خاتم دهب وفيه الماسة كيف يتم تقييمه لنطالع عليه الزكاة؟

- ج. منطالع الزكاة على الدهب الماسة ما عليها زكاة.

- س. امرأة سجلت عالحج ودفعت التكلفة حجزت في الطائرة وقبل حجها مات زوجها واذا لم تذهب هذه السنة ممكن ان لا يحق لها التسجيل مرة ثانية

- ج. فنقول لكِ لا يصح لك الخروج الى الحج ما لم تؤدِّ العدة. حتى تخلصي العدة بتطلعي عالحج والا لا يجوز طلعتك عالحج الان ولو كان معك محرم. لو فاتها التسجيل هالسنة بتسجل مرة تانية ومرة تالتة والله بيفتح عليها وبيسر لها

- س. يوجد في رمضان دورات تكميلية لطلاب العلم امتحانات فهل يجوز افطار الطلاب وكيف يكون ذلك؟

- ج. لا يجوز افطار الطالب لاداء الامتحان. لانه اداء الامتحان لا هو تكسير حجار ولا هو .. لذلك بدك تؤدي الامتحان من غير افطار. فان افطر قبل ما يفوت عالامتحان افطر وجب عليه الكفارة الكبرى صيام 60 يوم متتابعات اما اذا دخل للامتحان وهو في الامتحان داخ او استفرغ او كذا فشرب مي.. فعليه القضاء فقط . لكن لا يجوز ان يأكل .. انه خلص افطرت هاتو لناكل نقول له لا. لو تقيأت ولو كذا ما بتفطر

- س. كفارة الصيام؟

- ج. الكفارة بيطالعها 100 ليرة عالوقعة. وقعتين 200 ليرة بيعطين لفقير عنده ولاد بيمشي الحال.

- س. صاير يلي لازم يروح عالحج لازم يكون تجاوز ال65. بس في رشوة اذا بده يحج قبل هل حجه صحيح؟

- ج. صحيح

- س. زوجتي مريضة وبدي طالعها معي عالحج مشان ما تطلع لحالها نسوان ورجال .. قلت بصطبر لتشفى زوجتي وبطلع انا وياها..

- ج. هل هذه اول حجة لك ؟ نعم

اسمع من هاللحية. اول حجة اطلع لحالك. حج بتعرف هنيك الاماكن بتعرف الكذا بتصير خبير فيها تاني سنة اطلع انت وزوجتك. والا الله يستر تكره الحج وترجع بلا حج.

- س. هل يجوز ان اذهب الى الحج على حساب مؤسسة عم تعطي رحلات للحج ولو كنت مقتدر ولم اعيق احد اخر غير مقتدر للتسجيل للذهاب الى الحج؟

- ج. نعم يجوز ما فيها شي.

- س. البيع بأجل. قمت بالبيع بأجل واستحق هالسنة. ولكن لم يدفع ولا مبلغ يترتب عليه 200 الف بالسنة. لو عطاني ياهن هالسنة لتاجرت فين مع تاجر. لكن هو معه وما عطاني. يعني نحن ما بيترتب علينا شي. هل هناك فتوى لانه يحيك في صدري شيء تجاه هذا الانسان بشوفه طالع بسيارته ورايح وجاي وما عم يدفعلي مصاريي..

- ج. نعم يوجد فتوى. ما بتنحكى بمجلس عام. يصح ناخد الحق يلي طلع لنا . انه لو اشتغل المال اديش بيطلع اديش بيكون ربح؟ بدنا ناخده نعم. الحمد لله فتوى عالهوى ما مكتوبة.

- قاله بتعطيني المبلغ بالدولار بعد عشرين يوم غلي الدولار

-  يعني باعه بالدولار؟

قال له بتعطيني ياهن بعد عشرين يوم بالدولار.

خلص ما دام اتفقو : البياعان في الخيار ما لم يتفرقا. قال له انا ببيعك بالدولار وقبل يشتري بالدولار ما في مانع. كان الدولار هلق ب50 بعد 10 ايام صار ب250 بيعطيه ياه ب250.

- س. اذا تدين، ورجعله المبلغ ودفع له زيادة تبرع فوق المبلغ يجوز؟

- ج. احسن الناس وفاء يلي بيدفع وبيزيد. النبي (صلى الله عليه وسلم) تدين من يهودي رجعله وزاده عليه ما في مانع. لما في اوقات الدين المتدينين ما بيصح ناخد منه شي. انا دينتك 10 الاف ليرة لشهر. بهالشهر ما بيصح اكل عندك ولا قضاماية. لان هي بتكون ربا. حتى بعد الشهر رجعت ال10 الاف ورجعتلي معهم تنكة زيت ما في مانع. رجعت ال10 الاف ومعهم خاروف ما في مانع . باوقات الدين لا يصح تاخد شي. اما بعد الوقت ما فيا شي. هذا في الاسلام جائز.