السيدة عائشة (رضى الله عنها وأرضاها) لما نزلت تبرأة الله لها. برأها الله من سبع سموات اتهموها.النبي عليه الصلاة والسلام تركها وأعرض عنها (وبقيت 17 يوم تبكي حتى انزل الله برائتها من السماء في سورة النور. فلما نزلت برائتها قال سيدنا ابو بكر لها.. قومي فاشكري رسول الله نزلت الأيات وبلغك اياها فقالت: لا والله لا اشكر الا الله .
فعليه الصلاة والسلام قال عرفت الحق لأهله. امها قالت لها قومي اشكري رسول الله قالت لا اشكر الا الله. النبي ما زعل (عرفت تشكر الله) من الذي وهبها هذه البراءة مع انه كلهم شكوا فيها.
حسب ما طلعت الدعاية.. وصار الكبير والصغير يحكوا فيها (راح احكي لكم القصة من اولها حتى تعرفوا كيف كانت. النبي صلى الله عليه وسلم قبل ما يسافر يعمل قرعة بين نساءه يلي تطلع قرعتها يأخذها معه حتى ما واحدة تقول اخذ غيري ولم يأخذني يعمل قرعة بينهم يلي تطلع قرعتها ياخذها. فهذه المعركة النبي عمل قرعة فطلعت قرعة ستنا عائشة اخذها معه عليه الصلاة والسلام. فالنبي صلى الله عليه وسلم امر ان يحملوا ويمشوا.. ستنا عائشة كانت نائمة قامت فرأت ان طوقها قد ضاع فذهبت تفتش على طوقها ففكرت انه ضاع محل قضاء الحاجة" فكان الجيش حمل ومشي. النبي صلى الله عليه وسلم كان يضع واحد في آخر الجيش يمشي وراءهم حتى إذا نسي احدهم شيء من اغراضه يحملها له. فهو عم يدوّر الجيش راح فرأى امرأة تحت الشجرة قاعدة استغفر الله (مين) بيعرفها لعائشة قبل الاسلام بيعرفها.. قال لها أماه ما اجلسك الجيش ذهب فركبها على الجمل ومشي وامسك بالجمل حتى يلحق بالجيش لحق الجيش الظهر. كان يمشي بآخر الجيش المنافقين وكان رئيس المنافقين ماشي بآخر الجيش شافوا ساحب الجمل وجاي ما هذا؟ معك عائشة لوحدك جايبها فطالع الدعاية انه والله لا نجت منه ولا نجا منها بدهم يعكروا قلب النبي عليه الصلاة والسلام. وطلعت الدعاية (لو بده يعمل شي ما بيعمل بالنهار) ولكن المنافقين دغري طالعوا الدعاية وانتشرت.
النبي صلى الله عليه وسلم بلغه وقال ما هذا الكلام وجاء وسأل الجارية فقالت له والله لا اعلم عنها الا كل خير.. والله ان القط يأكل عجينها بريئة. سأل الصحابة فبرأوها سأل سيدنا علي فسيدنا علي ما بده النبي يزعل.. قال يا رسول الله لا تتأثر النساء غيرها كثير (بس هذه الكلمة التي حكاها سيدنا علي) النساء غيرها كثير يعني خليك مروق ف صلى الله عليه وسلم كان كل يوم يدخل على ستنا عائشة ويقول لها كيف صحكتم كيفكم فغيرعادته صلى الله عليه وسلم وصار إذا دخل يقول شلونكم ويبرم ظهره ويمشي.
فسيدتنا عائشة احست على النبي صلى الله عليه وسلم بأنه متغير ولكن لم تفهم شيئاً لم يأتيها الخبر بعد.. فليلة من الليالي طالعة هي ويلي تخدمها لتقضي الحاجة.. فالخادمة تفركشت بثوبها وقالت: تعس مسطح.. مسطح هو قريب سيدنا ابو بكر كان سيدنا ابو بكر ينفق عليه المال ينفق عليه هو وأهله.
فقالت لها: لااا هذا رجل مؤمن كيف تتكلمين عليه) فقالت لها الا تدرين ماذا حصل.. فقالت لا ماذا قالت لها لقد تكلموا عليكِ كذا وكذا واتهموكي.. فعرفت لماذا النبي متغيرصلى الله عليه وسلم فقالت للنبي صلى الله عليه وسلم اتأذن لي ان اذهب الى بيت اهلي فقال لها. اذهبي فذهبت الى بيت اهلها شو الخبر فقالت لها امها يا ابنتي كل وحدة بتكون ضرة وزوجها يحبها بيطالعوا عليها حكاية فاصبري لا تزعلي.
فاشتغلت بالبكي وبقيت 18 يوم بالبكاء.. فالنبي (ص ) في آخر مدة دخل عليها وقال لها يا عائشة اذا وقع منك شيء اخبريني استغفر الله لك والله يغفر لك فقالت له: وأنت كمان انت كمان شككت بي.اييه الانسان بيخطىء فقالت له: لا اجد بيني وبينكم الا كما قال ابو يوسف..شو قال (إنما اشكو بثي وحزني الى الله فصبر جميل والله المستعان. وصارت تبكي (فأنزل الله عزوجل الأيات بسورة النور ثلاث او اربع صفحات بدئها "إِنَّ الَّذِينَ جَاءُوا بِالْإِفْكِ عُصْبَةٌ مِّنكُمْ ۚ لَا تَحْسَبُوهُ شَرًّا لَّكُم ۖ بَلْ هُوَ خَيْرٌ لَّكُمْ ۚ لِكُلِّ امْرِئٍ مِّنْهُم مَّا اكْتَسَبَ مِنَ الْإِثْمِ ۚ وَالَّذِي تَوَلَّىٰ كِبْرَهُ مِنْهُمْ لَهُ عَذَابٌ عَظِيمٌ "ونزلت الآيات الى اخر الايات الله عزوجل قال (الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ ۖ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ۚ أُولَٰئِكَ مُبَرَّءُونَ مِمَّا يَقُولُونَ " براءة من السماء نزلت) فالنبي صلى الله عليه وسلم راح الى بيت سيدنا ابو بكر حتى يبشر عائشة بالبراءة. الله برئك يا عائشة فقال لها قومي فاشكري النبي فقالت لا اشكر الا الله فشكرت الله عزوجل والنبي صلى الله عليه وسلم يلي اتهم التهمة فيها جلد ("إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ) يعني يلي بيتهم المراة الصالحة بذنب او الرجل الصالح بذنب فاجلدوهم 80 جلدة وسقطت كرامته ولا تقبل منهم شهادة ابداً.
فأقام الحد على مسطح الذي تكلم عليها. فالله انزل برائتها هذه البراءة هبة من الله عزوجل لستنا عائشة فهذه الهبة ستنا عائشة عرفت ان الله هو الذي برأها النبي عليه الصلاة والسلام بشر فلما نزلت البراءة النبي صلى الله عليه وسلم طلب قتل رأس المنافقين بعدين قال لهم ..لا بعدين بقولوا النبي عم يقتل اصحابه فلم يقتله.
هذه من الهبة يلي الله وهبها لستنا عائشة وهب لها البراءة ليراها مليون.. مليار مسلم يقرأ البراءة الا الشيعة لهلق ما برئوها.. الله انزل البراءة اما هم ما برئوها الله يهدينا ويهدي جميع خلق الله. فمن الشكر يلي بده يهدي
الشكر.قلنالكم له ثلاث مراتب المرتبة الاولى ان تعلم ان هذه النعمة من الله فإذا كانت من الله تشكر الله وحده هذا اول شكر.. ثانياً يمتلىء قلبك بالحمد لله سبحانه وتعالى نحمد الله على ما انعم (الله) ثالثاً تقوم تخدم عباد الله بالنعمة يلي الله انعمها عليك.. الله انعم عليك هلق المحامي الله انعم عليه بفهم خاص بيعرف النعمة من الله ويشكر النعمة وبيخدم عباد الله بهذه النعمة.
ثلاث انواع لشكر النعمة وكما قال الشاعر(أفادتكم النعماءُ مني ثلاثةً يدي ولساني والضمير المُحجّبا) تشكر بيدك وتخدم بيدك وبلسانك بتمدح وتثني عليه وبقلبك تبقى دائماً التقدير والاحترام.. طيب هذا بالنسبة للهبة الإلهية إذا وهبك شيء ان تقوم فتخدم بها عباد الله عزوجل (في قول الله تعالى هل جزاء الإحسان الا الاحسان)
معناها اذا بدنا نضع معناها الله يقول( يا عبدي اذا استقمت على امر وخدمت عبادي ودللتهم علي ونصحتهم وعاونتهم وتكرمت عليهم فقد احسنت لعبادي فهل انساك من احساني هل جزاء احسانك يا عبدي إلا ان احسن اليك (فالله شكور) اذا العبد قام بخدمة عباد الله الله يشكره. الله يحسن إليه انت تحسن لعباد الله والله تعالى يحسن إليك. هل جزاء احسانك يا عبدي الا ان احسن إليك تحسن للعباد والله يحسن إليك. فالمؤمن لا يرى من الله الا المعاملة الحسنة كل معاملة الله لنا بالحسنى. انعم علينا بالعافية وأنعم علينا بالإيمان وأنعم علينا بالستر وأنعم علينا بالحفظ وأنعم علينا بفضل الله هذا كله نعم من الله عزوجل فتحتاج منا الاستقامة على الطاعة وعلى العبادة وشكراً لله في كل حال ان اكلت بدك تشكر وإذا نمت بدك تشكر وإذا مشيت لازم تشكر كل حركة من الحركات بدها شكر لأنها هبة من الله. القوة لحتى تمشي هبة من الله لو سلبك القوة بخليك تقعد ما في حركة لو سلب الريق من فمك فلا تقدر ان تأكل ولن تقدر ان تتكلم.. ولو سلب النظر نسأل الله العفو والعافية فدائماً نعم الله عزوجل تحتاج الى شكر تشكر وتقدم الى الله الشكر والله يزيدك من نعمه. فمن علامة الإيمان ان ترى ما انت فيه نعمة من نعم الله عزوجل وفضل من فضل الله عليك. دائماً الحمد لله الذي انعم بكذا وأنعم بكذا وإن انت خدمت عباد الله اتاك عون من الله عز وجل والنبي صلى الله عليه وسلم يقول والله في عون العبد ما كان العبد في عون أخيه..ما دام او ما كان ما دام العبد في عون اخيه الله في عون العبد ما دام بتساعد اهلك بتساعد والدتك بتساعد جارك فالله في معونتك هناك آية ثانية من الله عزوجل "لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ ۗ إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنفُسِهِمْ ۗ وَإِذَا أَرَادَ اللَّهُ بِقَوْمٍ سُوءًا فَلَا مَرَدَّ لَهُ ۚ وَمَا لَهُم مِّن دُونِهِ مِن وَالٍ".الوقائع والاحداث كلها تؤكد ان الله وهاب كثير الهبة لعباده. حادثة وقعت لبعض المؤمنين بعض الأحباب يعمل في محل دخله بالشهر 3000 ل. له اخ مؤمن فقد عمله جاء إليه يشكو له همه قال له ولا قرش عم يدخل لي.. فقال له تعال واشتغل معي خذ نص الربح عم اربح 3000 ل خذ 1500 ل.جاء واشتغل عنده قال فأقسم لي وهو صادق انه في اول شهر ربح عشرة امثال الدخل (بده يساعده فالله ساعده مالك إلك الفضل الفضل لله) عشر امثال الدخل السابق فقال: فعلمت انها هبة من الله شغلته عندك يعني ما تفكر انت يلي انت جبته وأنت يلي عطيته عم تقبض 3000 عملنالكم اياهم 10.000 ل فضل الله دائماً واسع فضل الله سابق فلا تنظر انك انت المعطي..المعطي هو الله. اعطي وخلي ثقتك بالله يعطيك اضعاف ما انفقت. هذا الذي عرفناه من معاملة الله يا ابني انفق بلالا ولا تخشى من ذي العرش إقلالا .يلي بتنفقه من يومها الله يبعتها بيومها وزيادة.. ما إلك فضل انت على عباد الله الفضل لمين الفضل لله انت انفقت (انا عملت بهذه القاعدة الله طلب منا قرضاً (وأقرضوا الله قرضاً حسناً انت قدم قرض الله والله يعطيك الفضل اعطي قرضاً وخذ من الله فضلاً. هذا المؤمن يعطي وياخذ يعطي وياخذ. بخليك تحتاج بخليك تقع في ضيق فرج عباد الله. واحد بده يتوب الى الله من شان الله بدي توب خلصني.. خلصني بدي توب انفق له شو بكي فرجت همه وكشفت كربه بكى وضحك بعدين وقال الحمد لله معناتها بده الله اياني توب مساعدة الانسان خصوصاً وقت بكون واقع في ضيق (شاب واقع في خطيئة بده يتوب وما عم يقدر كل ما اقبل الى التوبة تأتيه المعاصي لأنه العاصي المعصية تعرفه. تأتي إليه قال لي كرمال الله خلصني قال لي والله ما خليت شيخ ولا خليت طبيب كرمال الله.. قلنا له بسيطة ما عطيناه الا وهو بفضل الله ناوي التوبة قال لي كانت سوسة بقلبي هلق طلعت الحمد لله. بأحسان بسيط ما بتدفع شيء الا والله بعوضه. يلي اندفع.. رجعت الى البيت لقيت ظرف على المخدة من اين هذا؟ قال انت وضعته والله ما حطيته ما عندي خبر. ضعف المبلغ.. ليس لاحد على الله منة.. انفق بلالا ولا تخشى من ذي العرش إقلالاً والله يا ابني عاملوا الله.. والله يلي بعامل الله لا يخسر عاملوا الله بتشوفوا المرابح تأتيكم من حيث لا تحسبوا لا تخلوا واحد في ضيق إلا وساعدوه يقول الله في الحديث القدسي (انا عند المنكسرة قلوبهم من اجلي) واحد قلبه منكسر بده يقبل على الله بده يحب الله بده يذكر الله انا عند المنكسرة قلوبهم من اجلي دائماً احسن الى العباد دائماً خلي جيبتك اليمنى للقرض لقرض الله (اي متى جاء قبض لله عزوجل) جيبتك اليسار خليها إلك لتسير أمرك انت بتعطي من جيبتك اليمنى وهو بعبيلك جيبتك اليسار، يلي بعامل الله.. والله يا ابني معاملة الله بتشيب ما بخليك تقول يا الله
والله مرت علي ساعات إذا بدي قول يا رب استحي على قد ما تقول يا الله عم يعطيك.. ليه عم تعن قد ما تقول يا رب عما اعطيك. ولا مر يوم ولا شهر ولا سنة قد ما تقول يا الله عم يهيئلك فخليك مع الله دائما الواحدً بيدعي يا رب.. يا رب منيح الدعاء والالتجاء منيح لكن لا تظن ان الله ينساك العبد هوعم يمنع إجابة الدعاء (النبي صلى الله عليه وسلم قال ان الله يستجيب لأحدكم ما لم يعجل.. قالوا وكيف يعجل يا رسول الله قال: يقول دعوت فلم يستجب لي (ما في إلا مندعي مندعي والله ما عم يستجيب (انت وقفت الدعاء انت وقفت الإجابة الله ما رح يستجيب لك صبور ان الله يستجيب لأحدكم ما لم يعجل.. فإذا استعجل ما بقى في إجابة وكيف يعجل يا رسول الله يقول: دعوت فلم يستجاب لي.. هذه الكلمة وقفت الاستجابة لكن شو بدنا نعمل.. نعمل بالحديث الثاني ادعوا الله وانتم موقنون بالإجابة واعلموا ان الله لا يستجيب دعاء من قلب غافل لاهي قلب غافل عن الله لاهي عن الله الله ما بيستجيب دعائه. لو بتتوجه الى الله بصدق وتسأل الله بأخلاص فالله يعطيك. هذا الوهاب لو بحثنا قد ما بحثنا مين الوهاب من الاسماء الرزاق..الوهاب والرزاق(الرزاق ليس بعطاء المال الناس بفكروا دائماً الرزاق هو الذي يعطي المال.. المال رزق والإيمان رزق..والعلم رزق..والهداية رزق..والتقوى رزق..والمحبة لله رزق..الرزق انواع الله بيعطيك فأي نوع انت طالب فالرزاق موجود شو نوع الرزق يلي بدك أياه؟ واحد طلب محبة الله عم يصلي وعم يبكي اللهم اني اسألك حبك وحب من يحبك وحب من ينفعني حبه عندك. عم يطلب الحب بيطلب يوم يومين ثلاثة جمعة بيكون قاعد ما جاي لباله بيجي واحد ويقول له قوم معي الى اين.. والله في مشوار قوم معي بياخدوا على مجلس حبيب من احباب الله (بيعلق) إجا الفتح هبة ورزق اجا الرزق شو صرلك والله..(فألقت عصاها وأستقر بها النوى) مين دلك مين جابك خلص لا تسأل كيف العطاء الإلهي كل واحد منا اذا بده يسأل شلون مجيئه الى الجامع شلون الله عرفه لا اب ولا أم ولا عم فضل إلهي.. الأب والأم إلهم بعض الفضل إذا كان الأب صالح واستودع ابنه عند الله عزوجل الله بيهيء لابنه السعادة
الايمانية والدينية المهم لما بيكون لك ولد استودعه عند الله (اللهم اني استودعه عندك اللهم انت العليم به اسأل الله (حطه عند الله بيخسر؟ صلى الله عليك يا رسول الله فإذا كان الأب فيه شيء بيطلع الولد بيقولوا النسب بونس..بس بده يعمل لحتى يحصل بقى.. بتوفيق الله وبفضل الله لما الأب بكون فيه شوية صلاح بيطلع بالولد الصلاح. بعض اوقات بكون الاب بعيد بيطلع الولد من اولياء الله وين الأب وين الولد مين هذا.. هذا الفضل من الله عزوجل بدك تعرف وان الفضل بيد الله يؤتيه من يشاء.. الرزاق جل جلال الله يعطي من يشاء كما يشاء بفضله من غير نوال بيعطيه في مقابل في واحد منا يقابل النعم يلي الله عم يعطيه اياها.. جلا جلال الله فلذلك الرزاق هو الذي يعطي من غير نوال يعطيك بغير سؤال يحقق لك الأمل من غير ما تطلب اذا كان إلك همة.. صاحب الهمة بحقق ما يريد ما بالهمة بكثرة السؤال من الله تعالى يا الله.. يا الله.. يا الله.. بس يطلب على قده في ناس بيطلبوا اكثر من حدوا يطلب على قدو هذا الادب مع الله طلوب على قدك.. ايه جيبتي بتسع عشر ورقات.. اذا بدي اطلب عشر آلاف ما بيكون قلة ادب.. طلوب على قدك اللهم انت العليم بنا اللهم ارزقنا ما يليق بفضلك ووسع علينا بما يليق بفضلك وإحسانك فكلمة الرزاق الله يعطي من يشاء ما يشاء كما يشاء (احفظوها) شو الطريقة الله يتكفل بها. اذا الرزاق هو الذي يأخذ من رزق الله عزوجل يأخذ هبة ويعطي الله قرضا.. اعطي قرضاً وخذ فضلاً.. (الله اكبر) فضل الله يؤتيه من يشاء بتأخذ من الله الفضل وقدم إلى الله الى القرض..
كل انفاق انفقه الانسان يرجو به رضاء الله فهو قرض لله.. صغيراً كان او كبيراً ممكن تكون قضامية طعميها لأخوك تريد بها وجه الله هذا قرض ممكن بإيدك تمرة طعميها لأخيك تريد بها وجه الله هذا قرض..انتظر الفضل الإلهي بيجيك علبة التمرهذا فضل الله انفق من غير ما تفكر شو يلي بيجيك انفق لله وبتاخذ عطاء من الله. العطاء من الله لاتفكر فيه انت اديش.. اديش وشلون وكذا الله يعطي ما يشاء من يشاء كما يشاء جل جلال الله ويمنع من عباده من يشاء ما يشاء كما يشاء يعطي ويمنع يخفض ويرفع يعز ويذل بيده ملكوت كل شيء. بعض الصالحين سيدنا داوود كان يدعو دعاء يقول"اللهم يا رازق النعاب ارزقنا (مين النعاب ابن الغراب فرخ الغراب..غراب اسود الفرخ لما بيطلع من البيضة بيطلع ابيض عليه شحم ابيض فلما بشوفه بفكره مش ابنه بيتركوا ما بقرب عليه فهذا الولد منين بياكل الله عز وجل يهيء له الطعام بيطعمه لما بيطلع ريشه بيطلع اسود برجعوا ابوه لعنده بطعميه فا مين رزقه 10-15 يوم لحتى طلع ريشه اللهم يا رازق النعاب ارزقنا هذا دعاء سيدنا داوود. هذا اضعف انواع الطيور هالولد الصغير الذي خرج من البيضة طلع عليه مادة شحمية بيضاء فأبوه شافه ابيض بيتركه ما بقرب عليه ولا يطعمه بفكرها لبيضة غير بيضته بده عشر ايام لحتى يروح الشحم ويطلع الريش الاسود بيرجعوا مين عم يرزقه بهالعشرة ايام مين عم يطعميه بهالعشرة ايام. الكوكو هذا طير ما بربي بيضة ابدا شي عجيب هالطير هذا بيروح لعش الدجاجة بيبيض بيضة قد بيضتها بيسرق بيضة من بيضاتها ويضع البيضة تبعه هو طير ببيض بيضة قد بيضة الدجاجة ما بتنزل صغيرة حتى ما يكشفها بيجي للقاق بحط بيضة عنده بياخدلوا البيضة وبيبيض بيضة قد بيضته يذهب الى 20 طير بيسرق لهم بيضة وبيبيض بيضة عندهم البيضة مثل البيضة يلي يضعها ويترك بيضاته بيضبوا البيضات لحتى يفقسوا وعندما يفقسوا البيضات هذه فيها كوكو وهاي فيها كوكو .. ويبقى يربيهم لما بيكبروا بيرجعوا لعنده بيرجعوا الى عش ابيهم مين رزقهم ومين جابهم وشلون رجعوا. دخيل الله اذا بدك تدرس هالكون بتلاقي عجايبك عجايب هذا الكوكو مثل واحد خلى الناس يآمنوا بالله كوكو الواحد
بلايتيموس(اسم طير) الثاني حيوان منقاره منقار بط جناحه جناح نسر فيه عشرين نوع من الحيوانات كلهم موجودين فيه ليس موجود من الحيوانات نوعين من كل حيوان نوع (كيف طلع هذا) من الذي جمع هذه الانواع وسواها هالحيوان كتافه مثل كتاف التمساح منقاره منقار البيض ايديه مثل ايدين الدجاج كيف مين خلق ومين رزق الله اكبر..الشيوعيين لما قالوا ما في الله لما شافوا بلايتموس هاتوا لشوف اي طبيعة صنعته هذا؟ هذا ما في طبيعة تساوي عشرين نوع من الحيوانات موجودي بالحيوان هذا حتى ذنبه كمان لحيوان آخر الرجلين لحيوان آخر بيزحف على رجليه وكتاف لا إله الا الله. فالمهم الرزاق يعطي من يشاء ما يشاء كما يشاء مين رزق الولد الحليب جل جلال الله والله.. خلق الله بشيب يا ويل يلي ما بخاف الله الولد لما اجا بأي مدرسة درس الرضاع مين علموا الرضاع بينزل من هون تضعها على صدرها يرضع مين علمه مين عمل له الدم حليب.. هذه لحالها خلينا ندرسها نحن خلينا نفكر فيها شوي..الدم ما لونه احمر مين عم يساويه ابيض لون الاحمر ما بصيرابيض يضعوا لون الاصفر يضعوا لون الاخضر فابيتغير 2.. الدم طعمه مالح مين بيجعل طعمه حلو بغير الملح للحلاوة بتقدروا تساووها.. ملعقة ملح حطها لكاسة الشاي حط فوق منها خمس معالق سكر بيمشي حالها عشر معالق سكر خلص بدها كب فمين غيّر الملح تبع الدم غيره للسكر.. الحليب حلو لما بيرضع الولد الحليب حلو سكر غيرلوا الملح بالسكر. الدم مستودع الجراثيم غيرلوا الجراثيم الى الادهان والغذاء.. قلب له الموت الى الحياة (مين) غير اللون وغير الطعم وغير المستورد جل جلال الله وهذا في الثدي..اهل الارض لو اجتمعوا بيقدروا بغيروا هذا. مين رزقه لو نحن بدنا نسقيه حليب مرة حليب بقر ومرة حليب معزة بصير معه انتان في الامعاء وبصير معه حمة في الامعاء على المقبرة ما بعيش لا اله الا الله الرزاق (الرزاق) جل جلال الله لما بنقول الرزاق رزق الطفل ورزق الدود بحجر الجلمود.. بتعرفوها القصة قصد سيدنا موسى.. سيدنا موسى لما أمره الله ان يبلغ الرسالة يا موسى قم لبتليغ رسالتي فقال موسى يا رب ومن لأهلي وولدي (مين بده يطعمي اهلي وأولادي) فقال الله تعالى يا موسى خذ المعول واذهب الى الصخرة الفلانية واكسرها (إذا ما بتشتغل بالدعوة بشغلك كسار حجار روح اكسر الصخرة تلك) اخذ المعول وذهب طرق طرق طرق انفلقت الصخرة وكانت صخرة ثانية فأوحى الله له ان اكسر الصخرة الثانية. ايضاً طرق.. طرق.. طرق حتى انفلقت عن صخرة ثالثة والثالثة عن رابعة والرابعة عن الخامسة قال هذه الصخرة الخامسة هذه الصخرة الاخيرة فقال له اكسرها.. كسر الصخرة الاخيرة فانفلقت عن دودة دودة بالصخرة في امامها بشوية رطوبة وقدامها شوية حشيش والله رفع الغطاء عن آذان سيدنا موسى فسمعها تقول الدودة جوات الصخرة الخامسة سبحان الله من يراني ويسمع كلامي ويعلم مكاني ويرزقني ولا ينساني فأوحى الله الى موسى: يا موسى إني ارزق الدود في الحجر الجلمود خمس صخرات كسرتها حتى وصلت لها افأنساك وقد ذهبت لتبليغ رسالتي جل جلال الله( بينسى) الحمد لله على فضل الله.
اول ما طلعت ع اللاذقية للدعوة بفضل الله اول ما طلعت عاللاذقية بالبيت ما في شيء وكلت اخ الله يرضى عليك قلت له شو بيحتاجوا جبلهم بس ارجع ادفع لك انا ما في معي.. طلبوني باللاذقية منشان درس ما معي غير اجرة الطريق صدقوا وآمنوا بالله طعام أكله بالطريق ما معي.. طلعت لما وصلنا للنبك إجا واحد جبلي سندويشة يا ابني لا.. قال لي كرمال الله بتاكلها كرمال الله اخذناها وأكلناها.. دعينا واشتغلنا وبلغنا.. نزلت بقيت حوالي 5 ايام ورجعت جئت الى البيت كيف الطبخ عندهم سألت زوجتي قالت والله الحمد لله يلي ما كنت عنا لو كنت عنا ما بتجينا هالنعمة.. نعم الحمد لله. رحنا لله الله ما نسينا الرزاق خليكم عم تفكروا بالرزاق يرزقكم من حيث لا تحتسبوا بس بدكن وحدة بدك الله عزوجل يرزقك من حيث لا تحتسب.. ثق بأن الله لا ينساك إذا وثقت بالثقة بيبعتلك من حيث لا تحتسب شو بدك لا تقول له بدي يعلم السر وأخفى من السر بيعرف شو بدك طلوب منه اولياء الله (رضي الله عنهم وأرضاهم) عنهم بعلموا حالهم على الثقة بالله على الاعتماد على الله بيخطر بقلبه كذا لا يخطر بقلبك خلص هو بيعرف شو بدك بيجيك بالوقت يلي انت بدك اياه يا ريت اليوم الفلاني يصير معي كذا ياريت كذا يا ريت كذا يلي بدك اياه بصير معك في ساعتك. بس خلي ثقتك بالله.. ايه بقول والله قاعدين صرلنا يومين ثلاثة ما اجانا زبون ما إجا حدى لا تقول له.. قل له يا رب انا عبدك وأنت ربي استغفرك وأتوب إليك استغفر الله ما بدك استغفر الله وأتوب إليك شو بيعطيك بعدها (استغفروا ربكم انه كان غفاراً يرسل السماء عليكم مدراراً ) .. مدراراً مو بالنقطة ويمددكم ما مال واحد اموال في مال تجارة وفي مال صناعة وفي مال اعمال وفي مال هدايا في مال بأموال وبنين ويجعل لكم انهاراً مالكم لا ترجون لله وقاراً (ليه ما عم يمتلىء قلبك من هيبة الله ليه مالك؟ فكر شوي توجه الى الله بيعطيك (الله يتقبل منا ومنكم وسنبحث اسم الرزاق في الدرس الجاي ان شاء الله ارجو الله عزوجل ان يرزقني وإياكم من فضله.. مدد القلب والله من الله مدد..مدد..مدد مني عم تطلبوا المدد عم يطلبوا المدد من الشيخ.. لا شيخ ولا يا رب المدد مددك والعطاء عطاءك وما في واحد بيعطي متل الله. ولا واحد بيجبر الخاطر متل الله.. بس الله يرزقك توقف على باب الله (ما بغنوا علباب انا علباب افتحلي يا بواب )والله مو حافظ غيرها افتحلي يا بواب بس خليك علباب لا تمل.
سألوا الإمام الجنيد رضي الله عنه قال له منين عندك هالهمة وهالصبر فقال لهم والله استاذي فيها جردون مولانا شو هالحكي الإمام الجنيد استاذي بالهمة جردون.. شلون فقال لهم مرة ذاهب الى صلاة الصبح شفت الجردون عم يطلع على المأذنة بده يصل للزيتات بده يشرب الزيتات عديت عليه 70 مرة وقع..70 مرة كل ما عم يطلع عم يوقع بعدين تركته رحت صليت ورجعت لقيته واصل عم يغط ذنبه بالزيت ويلحسه عد عليه سبعين مرة بعد منها كم مرة؟ فنوديت في سري يا جنيد هذا اراد الزيت فطلب فهالمصايب سبعين ثمانين مية مرة وقع بعدين وصل لهدفوا فلا تكون في طلبك هدفك اقل منه. الله اكبر هذه وحدة فقال ثاني يوم خرجت شفت قطة مواجهة حجر فأرة عم تنتظر الفأرة بمجرد ان تخرج منشان تطب فيها. فقال وقفت وأنا انتظر قرأت جزء من القرآن ما تحرك فيها شعرة فقال: قرأت الجزء الثاني وقرأت الجزء الثالث وهي قاعدة ولا حركة قلت ثلاث اجزاء خليني ارجع بقى.. قال فلما اردت الرجوع سمعت حركة خرجت الفأرة ونطت الهرة فوقها وتناولتها. فقال فنوديت في سري لا تجعلني في نظرك اقل من الفأرة ولا تكن في طلبي ادنى حالاً من الهرة. 3 ساعات قاعدة تنتظرها حتى تطلع طلعت وبعدين امسكت بها فأنت بدك طلبك الله فأديش بدك تقعد اديه بدك لحتى تحصل بدك الله عطيه هالهمة هاي.
غفر الله لنا ولكم وتقبل الله منا ومنكم بسم الله الرحمن الرحيم الحمد لله رب العالمين وصلى الله على سيدنا محمد وعلى اله وصحبه اجمعين اللهم اننا نسألك ايماناً لا يرتد وقرة عين لا تنقطع ونسألك مرافقة نبيك صلى الله عليه وسلم في الجنة يا مقلب القلوب والابصار ثبت قلوبنا على دينك الله تقبل منا واقبلنا وعافينا واعفو عنا اللهم امدنا بمددٍ من عندك انك انت الفتاح انك انت الكريم ياارحم الراحمين اللهم اغفر لنا والوالدينا ومشايخنا واحبابنا ومن جالسنا وللمسلمين اجمعين وصلى الله على سيدنا محمد واحمدلله رب العالمين