نحن بتوفيق الله عز وجل في سلوك الطريق للوصول الى معرفة الله ومحبة الله والسلوك هو العمل بالأخلاق النبوية والقرآنية. عمل بالقرآن وعمل بالسنة المطهرة فاذا سلك سُمي مريدا اما قبل السلوك لا يسمى مريد. المريد هو الذي يسلك بكمال الفضائل والأخلاق التي وردت في القرآن وفي السنة المطهرة. مر معنا بالنسبة لآداب المريد 11 قاعدة من القواعد اليوم نأخذ القاعدة ال12 . 12 قاعدة مختصرة مما يقارب ال70 قاعدة التي يجب على المريد ان يتخلق بها. قاعدة اليوم بتوفيق الله وفضل الله هي ستر الاعمال والاحوال ما بينه وبين الله. اكتم حالك مع الله واخلص له. هذه القاعدة ارتكزت على حديث سمعه سفيان الثوري رضي الله عنه فقال: بلغني ان العبد ، يعني مما ورد في الاحاديث عن النبي ﷺ بلغني ان العبد يعمل العمل سراً فلا يزال به الشيطان حتى يغلبه فيُكتب بالعلانية ، يعني يكشف عمله، ثم لا يزال به الشيطان حتى يحب ان يحمد عليه ، يعني الناس تذكره وتقول ما شاء الله، فينسخ من العلانية فيثبت في الرياء. والرياء كما نعلم انه يمحو الحسنات ويمحو العبادات والطاعات. هذه ثلاثة من الاخلاق الفاسدة او أربعة تمحو الحسنات وتثبت السيئات. الرياء أولها ان تعمل ليراك الناس والعجب والكبر وسوء الظن بالله. هذه الاخلاق الأربعة من الاخلاق النفسية فاذا الانسان أصابه الرياء يعني عمل ليراه الناس ليمدحه الناس وليثني عليه الناس ذهب اجره وذهب عمله او اعجب بالعمل رأى انه عملَ عمل منيح عمل عمل صالح من نفسه او الكبر شاف حاله افضل من غيره ذهب كذلك اجره او ساء الظن بالله ان الله لن يغفر له لن يرحمه هو انسان عامل ذنوب اكبر من رحمة الله اذا قال ذلك حبط عمله كله. فالاخ عندما يسلك الطريق بذكر الله عز وجل ويصحب الشيخ في الانتفاع من الصحبة عليه ان يستر الاعمال والاحوال. كل عمل عملته بينك وبين الله لا تخلي حدا يطلع عليه كل عمل عملته ذكرت الله تلوت القرآن صار معك حالة انس بالذكر صار معك ما بتحكي لأحد خليه سر بينك وبين شيخك هذا كتم الحال يزداد به الانسان كمالا ويزداد به قربا اما اذا كشف حاله للاحباب او للاخوان او لأهله صار معي كذا صار معي كذا بيحكي انه انا صرت منيح وشوفوا شو صار معي الله فتح عليّ الله نورني رأيت النور فبهذا الحال اذا قال للغير سلب الله منه ما أعطاه السلب يكون الله يسلب من الانسان احواله عندما يراها منه ليس من الله لما يصير يقول للناس انا ذكرت صار معي هيك انا قرأت صار معي هالحال فرحاً ان الحال صار منه بحالة ذكره الله يسلبه الحال ويرده الى أسوأ مما كان. فالمؤمن اذاً مهما ادرك من الأحوال والمقامات لا يذكرها للغير انما يبقيها بينه وبين الله جل وعلا حتى يزيده الله منها. السر في ذلك ان الأحوال والانوار والتجليات والفيوضات الإلهية كل ذلك يأتي من الله فضلاً ليس اجتهاداً من الانسان فاذا رأيت الاجتهاد منك سلبت هذا الحال اما اذا رأيت هذا الحال فضلا من الله زادك الله منه وزادك الله من عطائه. فالاحوال تأتي من حضرة اله قهار. الله عز وجل بقدرته بقوته كشف الغطاء عن قلبك فتجلى على روحك او اراك شيئاً من انواره فهذا كله بينك وبين الله ما لازم يطلع عليه احد اما بيروح لعند امه والله يا ماما اليوم ذكرت قام صار معي كذا كذا والله يا بابا انا اليوم ذكرت قام صار معي حال كذا فيقطع هذا الحال منه ويسلب هذا الحال. مثاله عطيت انا واحد 100 الف ليرة قلت له اشتغل فيهن والمربح لك بترجعلي ياهن بعد سنة 100 الف هيدول هدية مني لك لتشتغل فين فنزل الى السوق وصار يقول لهم انا معي 100 الف جمعت 100 الف انا صمدت 100 الف عم يتاجر بال100 الف تبعه ما قال والله واحد انعم عليّ تفضل عليّ قال لي خذ هول قال هول منه جابن منه صاحب المال ماذا يقول له؟ جايبن منك المصاري؟ رجعلي ياهن. شو بيرجع؟ بيرجع فقير شحاد. فدائماً رد الحق لأهله الحق فضل من الله كرم من الله رد الحق الى الله الله تفضل الله تجلى الله تكرم والأفضل ان لا تذكر هذا لأحد تعمل العمل مخلص بينك وبين الله فالشيطان يضل يحر يضل يركض وراك انت عملت انت اشتغلت شجعهم عشان يكون عندهم الهمة عندهم الخير فيصير يحكي للغير ليشجعهم على الخير حقيقة انتقل العمل من السر الى العلانية بيرد يكرر خليهم يشدوا همتهم خليهم يعملوا خليهم يساووا انتقل من العلانية الى الرياء فالعمل هنا حبط العمل كله هذه كثير من الاسرار التي الناس لا تعلمها اذا ما صار له شيخ والشيخ يكون على مستوى التربية لا يعرف هذا الحال الذي يصير. اكثر الناس يصير له انا صار لي حال انا وصلت لمقام كذا. مثل القصة التي صارت معي حكيت لكم إياها انا صار لي امام بالجامع رايح على الجامع بدي صلي واحد بالطريق لافف لفة مثل التاج عاملها وعرباية عم يبيع عليها قزاز كاسات وبلورات والخ فنادى لي انا ماشي بالطريق اقرأ يا شيخ يا شيخ ممكن سؤال؟ اتيت اليه نعم قال لي سمعت انك من أبناء الطريق أي خير ان شاء الله قال لي كم صار لك مع شيخك؟ قلت له يا 6 او 7 سنوات قال لي لأيّ مقام اوصلك؟ هذه من قلة الادب. هذا يعتبر قليل الادب لان حال المريد بينه وبين شيخه لا احد يتدخل فيه. فأنا خفت انه مستوى ما في العقل هذا قلت له انا ما اتبعت الشيخ حتى يوصلني الى مقامات. انا اتبعت الشيخ حتى صلح عبادتي وطاعتي مع الله. قال لي لا قل للشيخ خليه يوصلك اطلب منه خليه يوصلك. قلت له ليش انت طلبت من شيخك؟ قال لي نعم انا شيخي وصلني لمقام النفي والاثبات. ما شاء الله قلت له وصلت لمقام النفي والاثبات؟ قال لي نعم. شو مقام النفي والاثبات؟ لا اله الا الله النفي عن الكون كله واثبات لله. لا اله هذا نفي، الا الله هذا اثبات. وصله شيخه لمقام النفي والاثبات. انوار النفي انوار الاثبات صار بده.. خير ان شاء الله وهو عم يحكي عم يشرح الانوار والمقامات بده يسحبني لعند شيخه صاحب أحوال وصاحب ولد جاي على البسكليت فلت الفرام معه طرق بالعرباية وقعت كاسة انكسرت يمكن حقها فرنك 5 قروش هو شاف الكاسة انكسرت ونفضت 3 – 4 اديان ورا بعضهم دي دي دي.. اطلعت هذا مقام النفي والاثبات؟ بين انه ما في بالعلية ولا قمحة. ضليت ماشي مقام النفي والاثبات تسب الدين؟ خسر صلاته وصيامه وحجه كله راح مشان كاسة حقها فرنك. لو كان واصل لمقام النفي كان يقول لا اله الا الله الفعال واحد يلي كسر له الكاسة مين؟ الله الفعال. لو كان واصل للمقام كان عرف ان الفعال هو الله لكن شاف ان الفعال هو الطفل وبده ياخده يطعميه اطلة وين النفي والاثبات بقى؟ فلا تفتخر يا ابني بحالك ولا تفتخر لما وصلت اليه ما في حال الا في ارفع منه وما في مقام الا في ارقى منه لو صرت سيدنا موسى صلوات الله عليه كليم الله في عبد من عبادنا في مجمع البحرين هو اعلم منك يا موسى لو صرت سيدنا موسى في اعلم منك. مع انه سيدنا موسى شريعة سيدنا موسى رسول معه شرع قال أي عبد من عبادنا لا بنبوة ولا رسالة عبد هو اعلم منك يا موسى. فما بتعرف يضع سره هذا مثل يقوله العوام يوضع سره في اضعف خلقه. ماذا وراء هذا المتل؟ هذا له سبب مشان ما يفكروا الناس هذا واحد مجدوب يوضع سره بأضعف خلقه. عند أولياء الله ما في نقص اما هذا ما عم يعرف يحكي وهذا ما عم يعرف والتاني عم ينجس بأواعيه اوعى.. فسره في اضعف خلقه لما أراد الله ان يخلق العسل أوحى للخلق اني خالقٌ فيكم خلق فيه شفاء للناس هذا كان لكل الوحوش والطيور اني خالقٌ فيكم خلقاً فيه شفاء للناس فاتى الديك رفع خرطومه انه انا اقوى الحيوانات اتى الجمل رفع رأسه الزرافة كل واحد انا انا الا النحلة راحت تخبت تحت ورقة التوت قالت انا دبانة صغيرة شو بده يطلع مني تخبت ورا ورقة التوت قال مين انا امام هذا الخلق فنظر الله الى تواضعها وافتقارها فجعل العسل فيها فقال المتل سره بأضعف خلقه يعني بالذي يتواضع لله كثيرا الله يحمله هذا السر فحملها سر العسل لتأمين العسل تطير النحلة ما يزيد عن 10 الاف كلم لتؤمّن لك وقية عسل الله جعل فيه شفاء للناس. فسره بأضعف خلقه. فمهما ادركت أحوال ومقامات خلي الحال بينك وبين الله. نحن نشوف دائماً يلي بيقرقع كتير صار معي وصار معي وشفنا وشفنا هيدول دائماً المفلسين المفلس دائماً بيقرقع كتير. اما الغني كان من قبل الشليفة يبيعوا على الحمار كانوا يضعون التشليف على الحمار يضعون الفجل والبصل والبطاطا ينادي على الطريق بصل فجل بطاطا يكون مارق بالطريق تكون مارقة مرا ما في عندها تشتري منه بصل بطاطا بندورة وتسلم الاكل لزوجها بعدين صاروا يبيعوا على العربيات. من عبكرا لعشية بياع البقدونس والكزبرة بياع البقدونس يقول اليوم بعت 500 الف كم جمع؟ كان زردة البقدونس يسمونها ال100 الف يبيعها بفرنك كم بعت اليوم؟ 500 الف 5 فرنكات عم يخشخش فيهم بالجيبة عم يخشخش وواحد غني حاطت بجيبته دفتر شيكات كل ورقة فيها 100 الف كم يطلعوا 10 مليون ماشي بالطريق ما حدا حاسس فيه حاطت دفتر الشيككات ما حدا حاسس فيه وهيداك 5 فرنكات عم يخش كيف منه ماشي يخشخش لذلك المريد بأوله يخشخش كتير صار معنا احوالنا وانوارنا وتجليات وكذا وكذا شوف الشيخ ما بيحكي شيل ايش هيداك حكا والشيخ ما حكا؟ يعني اغنى من الشيخ من احواله؟ لا يا ابني بس هيداك فرحان بالخشخشة الأحوال والانوار كلها خشخشة الطفل بيفرح بالخشخيشة اما الكبير هل يفرح بالخشخيشة؟ اذا عنده 4 أولاد كل ولد خشخيشة اما هو يلعب بالخشخيشة ؟ عنده دفتر الشيكات والصادرات والواردات والتجارة 12 مليون 20 مليون كلما استغنى اكتر يحفظ غناه اكتر والفقير كلما استغنى بيشوف حاله اكتر. فلذلك في الطريق السالك في الطريق اذا كان من اهل التمكين ما حدا بيعرف عن حاله شي شو صار معه شو احواله شو انواره ما حدا بيعرف شي اما الفقير والله اليوم صار معنا كذا اليوم صار معنا حال ما شاء الله اجمع الأحوال كلياتها كم تطلع؟ لا بسوق الدنيا تنباع ولا بسوق الاخرة سوق الدنيا ما حدا يدفع له فرنك وسوق الاخرة صارت رياء ما مقبولة. وين بقى المريد لذلك الان المريدين ما بيطلع المريد قليل وين المريد الصادق الذي يريد الله لا يريد أحوال يا ابني لا يريد انوار في أحوال في مقامات. لتنتبهوا شو هي الأحوال دايما يقولوا أحوال الأحوال مثال واحد راكب سيارة وبده ينزل من هنا لعرنوس كم شجرة تمر معك؟ كم بناية كم دكان؟ عم تمر معك وتتحول تحولت بناية بناية تانية شجرات هي الأحوال الأحوال تمر عليها وتمشي حولت عنها اسمها حال لانك تحولت عنها اما المقام صار لك دكان وقعدت فيها هذا ما يقال له؟ مقام الصدق مقام الإخلاص هذا مقام ثبت فيه ما عاد يتحول. اما الأحوال يتحول ماشي بالسيارة كم بناية مر معك تقول والله اكتر من الف بناية شو الك فين هول كلن؟ ولا شي نظر ومشي فالاحوال اذاً تتحول وليس لك منها شيء اما المقام ما ثبت فيه مدة الحياة صدق على طول صادق وفي على طول وفاء مخلص على طول اخلاص هذا يا ابني يلي بده الله ينفعه ففي فرق بين الحال وبين المقام. المريد يفرح بالاحوال مسك المسبحة غمض عيونه قعد ذكر شوي حس بشوية صفاء شوية انس ما بقى يساع حاله والله شو حالة والله شو حالة مرت معي بالذكر يا سلام شو هدوء شو انس لك ابني هيدا راح هلق انت شو راح هيدا حال تحول. اما انس المقام ان تبقى في كل حياتك وانت مستأنس بالله الله معك في كل لحظات حياتك. فالمريد يفرح بالأحوال اما يا ابني صاحب السلوك كل الأحوال ما بتأثر عليه ولا واحد بالالف عم تتحول اشكال والوان والاحوال تنقسم الى قسمين حال يأتيك من الله وحال يوسوس لك فيه الشيطان مشان ينتبه المريد ما يخلي الشيطان يلعب عليه حال يأتيك من الله وحال من الشيطان وسوسة وحال تدخل فيه النفس النفس تريك انه انت صرت ما شاء الله حولك النفس بتنفخ بتشوف حالها بتكبر هذه النفس اما الشيطان وساوس يخطر ببالك انه انت ذكرت انت منيح انت كذا الشيطان يوسوس والنفس تعطيك عظمة تنفخك كتير اما ما كان من الله تعالى كلما زاد العطاء زاد الانخفاض والتذلل والافتقار. هذا الفرق بين حال التجلي وبين حال الشيطان وبين حال النفس. بدكن تنتبهوا بعض أوقات الشيطان يلعب على الأخ يفكر حاله انه صاحب حال لكن هو بيكون شيطان عم يوسوس له تكون النفس الامارة بالسوء توسوس وهو مفكر حاله انه صاحب حال. هذا كثير من الاحباب ما بيكونوا بيعرفوا هذه الأمور فحتى اذا الله عز وجل اكرمكم حتى نكشف لكم الحال يعرف حاله الواحد كيف ماشي. ماشي بالطريق كم عامود كهربا مر عليك وانت ماشي بالطريق؟ هي عامود كهربا عامود من النور مر النور كشف انوار هي أحوال راحت بدك توصل للغرفة وتشعل الكهربا وتقعد هيدا مقام. اما الطريق كلها أحوال فالمريد يفرح بالاحوال شفنا الانوار شفنا التجليات شفنا بيجي لعنده اخ بيحكي له والله شفت كذا وكذا بيقول له والله انا صار هيك معي والله عم تحكي يلي بقلبي اووه صار معه أحوال صار يعرف شو في بقلوب الخلق يا ابني هذا من النفس اوعى تظنه من الله. هذا من النفس حتى تشوف حالك فاذا شفت حالك هذا من العجب فاذا أعجبت حبط عملك كله. راح العمل. عجب ساعة يعني دقيقة يحبط عمل سبعين سنة سبعين سنة بالطاعات كلها تنمحى بعجب دقيقة. قديش بده يكون الانسان منتبه حتى لا يقع فيما توسوس به النفس او يوسوس به الشيطان.
من ناحية تانية لما الأخ يذكر الأحوال ويفرح بالاحوال فالله عز وجل يسلبه الصدق فيها يمنع من الصدق بالاحوال فيصير احواله أحوال أطفال ما عاد فيها اخلاص ما عاد فيها صدق ما عاد فيها انتاج ما عادت تنتج. لح جبلكم مثال فيكم فلاحين؟ بعض أوقات بيروح الفلاح يشتري بزر ليزرعه بيكون البزر مسوس ينثر البزر ما بيطلع شي البزرة رايح اللب تبعها السوسة آكلة اللب تبعها. زرع حرث وزرع ما طلع الزرع راحت السنة ليش؟ البزرة رايح اللب تبعها كمان انت صرلك عم تشتغل قدي سنة سنتين تلاتة ما انتفع لانه النفس اكلت لب الإخلاص صفيانة قشرة انت زرعت قشرة ما طلع لك شي فهي لب الحب الإخلاص يكون عندك اخلاص بالعمل اخلاص بالطاعة والا كله لح يروح منك ما لح يبقى شي. والله عز وجل امر العبد ان يكتم حاله. اكتم سرك من غير ان تبوح به. (فان اتبعتني فلا تسألني عن شيء حتى احدث لك منه ذكرا). خلي حالك مخبى ما تحكي حتى المعلم يحكي لك عن الشيء يلي بدك ياه. والا افشاء الحال هذا يدل على قلة اخلاصه مع هذا الحال. كلنا لازم نعرف يقينا يا اخواني ان كل ما يكون مع الذاكر هو فضل الهي لا قدرة للمريد فيه عطاء الهي والله انا ذكرت اليوم 10 ساعات مشان هيك صار معي كذا نقول لك لا يا ابني لو بتذكر 10 سنين ما في أهلية الفضل فضل الله بس انتبهوا المريد لما يصير معه الحال بده يعرضه على الشيخ حتى الشيخ يبين له هالبندورة نوع اول ولا نوع تاني ولا نوع تالت؟ هالتفاح نوع اول ولا نوع تاني ولا نوع تالت؟ بده يعرف الشيخ يفصل لك انت ما بتعرف في تفاح الكيلو ب10 ورقات في تفاح ب20 في تفاح الكيلو ب40 ليرة. هيدا تفاح وهيدا تفاح وهيدا تفاح لكن هذا تفاح مبعجر هذا تفاح سكري هذا تفاح ستاركن انت ما بتعرف تفصل فبدك تعرض احوالك على الشيخ حتى الشيخ يبين لك ممكن يقول لك يا ابني انت مغشوش جاءني كتير اخوان صاير معه كتير أحوال اخ من الاخوان اتى هذا مشان تنتبهوا شايف حاله طلع على السما واجتمع بالله جل وعلا والله خاطبه حاكاه وشاف العرش وشاف الجنة ما شاء الله وهو يذكر شايف هالاحوال كلها فجاي عم يحكي لي الحال مفكر حاله انه صار وين. طلع كله خيال في خيال في خيال.
ما في معه ولا ذرة كله خيال مثله متل جحي تسطح وعنده جرة العسل قال والله هالعسل فيها عشرة كيلو عسل بكرا بنزل ببيع العسل كل كيلو بألف بيجيبوا لي 10 الاف ليرة بشتري فيهم دجاج هالدجاجات بيبيضوا نضع عليهم رقاقات بيفقصوا صار في عندهم 100 الف دجاجة بيبيع بيشتري خواريف صار عنده الف خاروف بيشتري بقر اشترى بقر اشترى جمال صار غني من الأغنياء عنده 10 الاف راس غنم عشر الاف راس بقر من هالعشر الاف لما يصير بهذا الغنى بيروح يطلب بنت الملك يتزوج بنت الملك بليلة الدخلة يقول لها بدك تسمعي كلامي والله اذا بتخالفيني لاضربك بهذه العصاية ضرب حمل العصاية قدامه وضرب ضرب اكسرت القدرة ونزلوا العسلات. قديش قبضت من العسلات؟ هذا يا ابني المريد بالخيالات عم يتخيل صار انه طلع على السماء والتقى بالله والله حاكاه يا ابني وينك انت الله عز وجل يعفي عنا وعنكم ارجع يا ابني انت قليل ذكر منك ذاكر ذكرك كله وهم متوهم انك قاعد عم تذكر قال لي والله قاعد 4 ساعات قاعد عم بذكر متوهم يا ابني نمت ساعة وسهيت ساعة وتفكير بالذكر ساعة وقمت من الذكر منك فهمان شي. كله أوهام بأوهام قال لي لكن انا ما طلعت للسما يا ابني الله واحد ولا كم واحد؟ الله واحد. شاف الله وشاف الناس وشاف الملايكة وشاف الجن وشاف وشاف يلي بده يشوف الله بيشوف واحد ما بيشوف معه كل هذا هذا كله يا ابني تصورات خطأ كلها. فبدك تعرض حالك على شيخك حتى يبين لك هل انت من اهل الحقيقة او من اهل الخيال او من اهل الظن واحد اجا شايف النبي ﷺ ما شاء الله ومن رآني فقد رآني حقا ما شاء الله كيف رأيت؟ طلع ما شايف النبي سيدنا الشيخ محيي الدين رضي الله عنه قال برؤية رسول الله مائة الف مقام حتى يرى رسول الله حقاً. طلع شايف خيال متوهم في رؤية وهمية في رؤية خيالية في رؤية ظنية في رؤية تصور اما رؤية حقيقية يا ابني بدها شروطها ولها.. فلذلك المريد اذا صار معه هذه الأمور يجب ان يكون دائما كاتم للأحوال ساتر لحاله فاذا افشاها بلغ الحال معه هالحال ممكن يكون معه حال مثلا حال عشق لله حال انس مع الله صار معه هذا الحال لما يفشي هذا الحال يبرد متل كاسة شاي كبيت عليها مياه باردة شو صار بالشاي؟ برد حالك كله برد هذا ليس فقط ذلك الماء البارد يطفئ نور او حرارة الايمان. بعد الذكر ما في شرب ماء اذا واحد ذكر بعدين شرب يطفئ نور الذكر كمان اذا صار معه حال وقال حالي كذا وكذا ذهب حاله فشو صعب يرجع الحال بقى. يحجب عن الله يا ابني، حال يحجبه عن الله قاعد عم يذكر الله في حالة الذكر سمع نداء النداء الذي سمعه انت عبدي وانا ربك انت عبدي وانا ربك سمع نداء مرتين تلاتة فرح بهالحال تاني يوم بيقعد ليذكر لا يذكر الله قعد مشان شو؟ ليسمع النداء مرة تانية يا ابني لو كان النداء من الله لقال لك انا ربك وانت عبدي اما انت عبدي وانا ربك ليس منه. في فرق؟ نعم العظماء لما بدن يكتبوا رسالة يقولون من فلان الى فلان. اما الأجير لما بده يكتب المكتوب يقول الى فلان من فلان يذكر العظيم أولا ثم يذكر اسمه الى حضرة فلان من فلان؟ فدائما نذكر العظيم أولا فاذا سمعت انت عبدي وانا ربك هذا الشيطان يوسوس لك وانت مفكر حالك من الله. الحاصل هذا قعد تاني مرة ليذكر حتى يسمع النداء فما عاد ذكر هذا حجب عن الله بالنداء قاعد ناطر حتى يسمع هذا النداء عقله وقلبه وين صار عند النداء حجبت عن الله بنداء وهم متوهم فيه يقول الله يناجيني؟ لا يا ابني. بعض الصحابة كان يقرأ القرآن رأى متل غيمة نازلة من السماء صارت الفرس صارت تروح وتجي خاف على ابنه من الفرس حتى وصل له فحمل ابنه وراح فحكى للنبي ﷺ فالنبي قال: تلك السكينة لو صبرت حتى تنزلت كانت غطتك السكينة ما تحمل في ناس ما بيتحملوا بيروح يتسطح بالفرشة يا احبابي اذا اجاك الحال وانت قاعد مع الله الله أراد ان يعطيك يأتي الملك ليعطيك قام من الذكر وصار بالفرشة على شو خايف؟ الذاكر ما بيصير معه شيي لو اتاك الموت وانت تذكر الله انت مع الله. يقوم الى الفرشة ما بده هالعطاء خسرته راح منك اقعد خليك قاعد الذاكر لا يحصل معه شيء يا ابني اولا الشيطان ما بيقدر يقرب لك يوسوس لك من بعيد في النفس النفس تدخل فاياك بدنا نذكر (وما امروا الا ليعبدوا الله مخلصين له الدين) مخلص لله بدك تترك الكل وتخلص لله تعالى في ذكرك. لذلك نقول اذكر الله وانت ذاكر لا تذكر وانت غافل. كن ذاكراً بذكرك كيف؟ وانت ذاكر تتذكر عظمة الله تتذكر جلال الله تتذكر هيبة الله وانت تذكر اما هذا ذاكر بذكره. والله تعالى يقول (واذكر ربك اذا نسيت) كيف؟ عند النسيان بدك تذكره؟ اذا نسيت نفسك من الوجود فاذكر ربك ذكر الحضور. تنسى حالك انك موجود تذكر الله انت ما بقا موجود. اما عم تذكر بدك أحوال بدك انوار فيا ابني انت منك طالب الله طالب فتح طالب نور ما طالب الله اما يلي بده يطلب الله ما بيطلب غيره فتح ما فتح اعطى ما اعطى قاعد سنة سنتين ما صار فتح يعني الله ما بده ياني لا. لو ما بده ياك ما خلاك تذكره مين يلي وفقك للقعدة؟ مين يلي الهمك الذكر؟ الله يا ابني اجلسك بين يديه تقول ما بده ياني؟ لو ما بده ياك كان شغلك بالنساء بالطريق يشغلك بالقمار لعبة الشيش بش بده ياك خلاك تقعد تذكر الله اقعد أي ما فتح ما فتح حتى يأذن لك انت بدك ياه له او بدك يفتح له انت عبد الله او عبد الفتاح؟ اسال نفسك بدك الفتح؟ سكروا عليه الباب وطلعوه برا هذا بده من عنا ما بده يانا. بدك ياه او بدك من عنده؟ بدنا ياه بدك ياه له. لا تنسوا قصة الملك الذي انتصر رجع على بلده منتصر فرحان بالنصر نادى قوات الجيش والوزراء والكل قال لهم سكروا البواب سكروا البواب قال لهم انا فرحان بيلي الله عز وجل كتب لنا النصر ووفقنا وربحنا كرامة هذا النصر انا ابحت لكم القصر كله بما فيه كل واحد يشوف شو بيعجبه وياخده. واحد اخد سجادة واحد اخد الصنية واحد اخد طاولة كل واحد اخد شي يلي بيعجبه من القصر اجا واحد ركض حمل الملك شو هاد نزّل قال له ما بنزل ليش ما بتنزل؟ قال ما انت قلت كل واحد بيعجبه شي ياخده؟ انا ما عجبني غيرك. حمل الملك قال لهم سكروا الأبواب رجعوا لي ياهم كلهم انت رئيس الوزراء شو اخدت اخد كذا وانت الوزير شو اخدت اخد كذا انت القائد اخد هذا الصنية اخد تمثال هذا قال لهم كل واحد اخد شيء من القصر الا هذا حمل الملك ما عجبه شي الا الملك فاشهدوا ان هذا نديمي في الحياة وخليفتي بعد الموت. في الحياة نديمي يبقى معي واذا انا متت بيصير هذا الملك. هذا عجبه الملك حمل الملك. فانت بدك الملك او بدك من القصر؟ يلي بده الملك حصّل المُلك كله حصّل القصر يا ابني يلي بده الله ما بده شي منه. بدك منه ولا بدك ياه؟ اسال حالك ماذا تطلب؟ بدك ياه لا تطلب منه بدي كذا بدي كذا لا لا انت اطلبه وهو ادرى بنفسك من نفسك اعلم بك مما في نفسك يعطيك ما تريد لانك احببته كما يريد. هذا يا ابني المؤمن الذي نسأل ان يصل الى هذه الحالة. المراد اذا الله عز وجل تجلى عليك بأنوار بحال بتجليات لا تذكرها لأحد لا امك ولا ابوك ولا اخوك ولا جارك حال خاص تذكره لشيخك ان كان حال صالح يقول لك هذا حال حق واذا كان حال غير صالح يقول لك يا ابني استقم ذكرك غير صحيح رابطتك غير صحيحة فالشيخ ينبهك على هذه الأمور حتى تكون من اهل الفضل ومن اهل الكمال. صلوا على الحبيب. اللهم صل وسلم وبارك على سيدنا محمد وآله.
النفس دائما يا اخواني تحب اللذة دائما تنشرح لما تنمدح تحب المدح لذلك لما النبي رأى رجلا يمدح رجلا قال النبي له ويحك قسمت ظهره كسرت له ظهره يمدحه لانه متى ما مدحته شاف حاله واذا شاف حاله اعجب بنفسه فحبط عمله. ضيعت حياته كلها فالإنسان لا يفرح بمدح او يحزن لذم. واحد ذمك حزنت واحد مدحك فرحت انت لست بمخلص. الإخلاص ان لا تفرح لمدح ولا تحزن لذم. هذا الإخلاص. اما فرحت بالمدح انت لك حظ نفس. فالنفس يا اخواني مجبولة على حب المدح ومجبولة على الذكر الحسن مجبولة بدها دايما مين يمدحها لذلك في طريق اهل الله لا يصح ان تمدح انساناً تقول له والله انت من الاولياء انت من الصالحين انت من المقربين انت ما شاء الله صاير معك انت صرت من اهل كذا لا يا ابني هذا الكلام لا يجوز بين الاخوان. لا يصح يمدحك لا يعرف القلوب الا الله تريد ان تمدحه قل له الله يزيدك ثبات الله يزيدك حب الله يزيدك ذكر الله يوفقك لتسليك السلوك. اما تقول له ما شاء الله حولك صار عندك أحوال صار عندك ما شاء الله صرت من المقربين لا يعلم هذا الا الله. سالوا شيخنا الله يرضا عنه سيدي كم اخ يلي عندك مين من الاخوان يلي تعتمد عليهم شيخنا العالم صاروا مريدين له قال له كم تقول؟ قال له اقل ما يكون 10 الاف قال له عندي 20 اخ مددهم من قلبي وعندي اخ مدده من رسول الله اخ واحد.