إجا واحد لعند سيدنا الشيخ رسلان رضي الله تعالى عنه وأرضاه تعرفوا وين مدفون الشيخ رسلان؟ الشيخ رسلان الدمشقي رضي الله عنه المعروف في له كراماته المشهور بكراماته أنه كان يطير فوق سماء الشام فإجا واحد قليل أدب ذهب الى الشيخ رسلان حكى للخادم قال له هذا شيخ؟ الشيخ رسلان شيخ؟ الشيخ رسلان له مقامه. ثاني مرة جاء قال هذا منه شيخ وضرب التابوت برجله قال له إذا كان شيخ خلي يبين لي حاله. الخادم مسكين انفعل هذا واحد ناس زكرتي يعني عامل حاله شلون هيك يعمل؟ ليلتها شاف الشيخ بالمنام الخادم يا سيدي قال له هيك قال له يا ابني بكرة بيجي قل له إن كنت رجال روح زور قبل تلميذ الشيخ ابن فلان، تاني يوم اجا قال له إذا كنت رجال روح زور تلميذ الشيخ قبل، قال له اذا الشيخ ما صار شي معه قال له أي روح زور تلميذ اذا كنت رجال. راح لما وصل للقبر مد اجره بده يضرب القبر انطرقت اجره انكسرت اجره ما عاد يحسن وقف انطرقت يده وقع على يده انكسرت يده كمان يده ورجله. الخادم قال له شو رأيك؟ قال له اهل الكمال ما بيئذوا الشيخ في كمال لا يؤذيك لكن المريد ما وصل للكمال فشو رأيك؟ قال له والله آمنت. الشيخ بحالة كمال يا ابني لا يؤذيك لكن المريد لا يتحمل حامي لا يتحمل كسر له يده ورجله. قال له شو رأيك المرة التانية؟ قال له خلص التوبة يا ابني حرمة اهل الله لو صار له ميت الف سنة اوعى يا ابني تسيء الادب معهم. من 30 سنة اظن او اكتر طلعت على بغداد رحت سيدنا الشيخ عبد القادر الجيلاني رضي الله عنه وارضاه وزرت سيدنا أبو حنيفة لما فتت لعند سيدنا أبو حنيفة والله يا اخواني كأني 50 رجة عم تهزني خوف خفت خوف بشكل هيبة هيبة وجلال العلم قعدت وانا عم برجف كلني خايف قعدت حوالي ربع ساعة وطلعت قمت لكن ما صدقت انه اطلع روحي لح تطلع فقلت له رضي الله عنك وارضاك جايين لعندك باللطف شوي هيبة العلم جلال العلم. تاني يوم زرت مولانا الشيخ عبد القادر الله اكبر كأنه ما بقي انس بالدنيا الا موجود. انس انس الى ابعد حدود الانس طمأنينة هدوء الله اكبر. شو هالفرق بين هون وهون؟ هذا جلال العلم هذا حضور مع الله. شو قديش في فرق بين هون وهون طلعت وانا ماشي كان معي أبو محمد سليم ماشيين في الطريق وإذ جاي امام الجامع مكفوف ما في بصر اعمى قال لي نسلم عليه قلت له خلينا نمشي وإذ يقول عم يدق السلام عليكم يا أولياء الشام شو هاد؟ ما شايف وما في حدن معه عم يدق بالعصاية السلام عليكم منسلم عليكم اذا انتم ما بتسلموا علينا. قلت له تعال خلينا نسلم عليه انه كشف، جينا السلام عليكم كيف صحة مولانا؟ كيف صحة سيدنا؟ مين سيدنا؟ قال لي ملك الدائرة تبعنا دائرة أولياء الله الملك شيخنا عامل حالك ما عارفنا صار في كلام أبو محمد سليم قال لي شو هاد. هدول يا ابني هادول اهل الله ما بدك تعرف كرامتهم قال لي بتعرف شو ابو حنيفة عامل معك؟ قلت له انت بتعرف قال لي خوّفك قلت له والله خوفني قال لي مشان تعرف ان العلم له جلال وهيبة ما بس انس الانس عن سيدنا عبد القادر اما عند سيدنا ابو حنيفة جلال هيبة يالله ادعي لنا الله يرضا عنهم. يا ابني فوين حرمة الشيخ ؟ حرمة الشيخ حي هو ميت فاذا قام المريد بحرمة الشيخ يا ابني بصير في عنده خلق يتأثر فيه بيعرف حرمة الاخوان وهي نادرة اخ يعرف حرمة الاخوان يا ابني حرمة الاخوان بيصبر على جفاهم هذا جافاه هذا اذاه هذا حكى معه كلمة بيصبر على جفاء الاخوان بعظم الكبير وبيرحم الصغير متى ما عرف الشيخ يا ابني بيعرف حرمة الاخوان فبيقدر الاخوان هذا يحترمه وهذا بيجله وهذا بيقدره وهذا بيصبر عليه. اما هذا بيخانقه وهذا بيروش عليه وهذا ما بيلتفت اليه وهذا ما بيسلم عليه هذا ما عرف لسه يا ابني. المريد لذلك يا ابني مع الاخوان شو بده يكون؟ وأكثر من الاخوان يا اخواني بينقطع من الجامع بسبب الاخوان ما بسبب الشيخ لأنه ما عاد اجا ليش ما عاد اجا ؟ هذا الاخ متقل عليه هذا الاخ حكى معه هذا الاخ خاصة في بعض الاخوان الله يهدينا ويهديهم ياللي ما بده يثبت بينقطع بيروح يقول للاخ الاخ الشيخ ما بده ياك الشيخ غضبان منك يكون الشيخ في حالة ما سلم في حال يعني بشر يا ابني يكون زعلان متأثر فهذا الاخ بياخد على خاطره من الشيخ غضبان الشيخ زعلان لا ابني تعال عند الشيخ تلاقي الشيخ لا زعلان ولا غضبان أنا ما بزعل من الاخوان أنا طبيعتي ما بزعل من الاخوان ولا بتأثر من الاخ ولو كان حط راسي بين نعال الاخوان ما بزعل منهم لو دعسوا على راسي ما بزعل كرمال اسم الله يلي عم تذكروه لو حطيت راسي بين نعالكم ما بزعل ذاكرين لله أما أنا أزعل على أخ أو أغضب من أخ لا يا ابني فلا يظن أخ يحمل بقلبه إن الشيخ زعلان مني مطلقاً اوعى تفكر فيها ولا يخطر ببالك إن الشيخ زعلان الشيخ ما سلم علي يا ابني ما بتعرف الشيخ شو الحال اللي كان فيه الشيخ شو كان بحال متأثير شايف ما شايف فما اعذره يا ابني فالأخ اللي بيحسن يصبر على الاخوان في بعض الاخوان سبحان الله بيداعب لكن داعبته تقيلة بيداعب هذا ويداعب هذا بيحكي مع هذا ومع ذاك بعض الاخوان بيطلع كلام تقيل بيقول والله بطلنا نجي ما بينقطع واحد من الشيخ يا ابني الأخ إذا كان انكسر من الشيخ الاخوان بيجبروه إذا كان صار معه شيء من الشيخ تأثر وراح الاخوان بيجبروا خاطره بيرجعوه أما إذا انقطع من الأخ الشيخ ما بيجبره لو حكى الشيخ معه ما بيرجع الأخ بيأثر بعض الأوقات واحذروا يا اخواني انتبهوا كم مرة صرت منبه عليها انتبهوا إذا مجلس ذكر مجلس اخوان قاعدين عم يذكروا إياكم يا ابني تتخطوا رقاب الاخوان اوعا تطلع علي أخ من رقبة لرقبة أخ بكون قاعد عم يذكر في حالة توجه إلى الله في حالة صفاء جيت انت مريت من فوقه قطعت عنه هالسلسلة هي فهذا يقطعه الله ما بيكمل الطريق بينقطع فانتبهوا يا ابني قلب الأخ أرق من الزجاج وإذا انكسر بيصير معك مصائب كبيرة اوعكم إذا في مجلس علم واحد تخطى أنا لما بيجي بقعد وراء ما أنا نبينا عليه الصلاة والسلام كان إذا دخل مجلس جلس وين؟ حيث ينتهي به المجلس أما انتقلنا من واحد لواحد حتى نصل للامام يا ابني والله والله أنا شايفها بعيني وحاسس فيها ما واحد تخطى رقاب الأحباب في حالة الذكر وكمل الطريق ما في واحد إلا ينقطع لأنه هذا قطع صلته بالله هذا له الملائكة معه فلما انقطعت صلته بالله الله بينتقم له ، له كرامة عند الله إذا واحد عم يصلي ومريت من امامه العوام شو بيقولوا قطع صلاته لا ما انقطعت الصلاة لكن قطع صلته بالله ما قطع صلاته، صلاته كاملة أما أنت قال عليه الصلاة والسلام لأن يقف أحدكم أربعين خريفاً أربعين سنة خيرٌ له من أن يمر بين يدي المصلي أربعين سنة إذا بتوقف أفضل ما تمر بين يديه وهو عم يصلي هذا المصلي واقف عما يقرأ فهذا صاحب صلة بالله متوجه في آخر الذكر مراقبة في حالة توجه إلى الله شاعر أنه مع الله قاعد جيت أنت مشيت من فوق منه شوشته انقطع الصلة هذا ما بيصير مريد يا ابني المريد هو الذي لا يتأذى منه أحد. تعى بكير اقعد قدام أما تجي متأخر وبدأت تجي للامام هذا خطأ لا في صلاة الجمعة ولا في الدرس ياللي بيجي متأخر بيقعد وراء بيجي بكير لقدام أهلا وسهلا إلا إذا الشيخ ناداه وقال له تعال هون فمعناتها في حالة يا تكريم أو غير التكريم شوفي غير التكريم لح أحكي لكم ممكن يكون جاي واحد جاي يقعد له عشر دقايق ويمشي الشيخ يقول له تفضل لهون شرف لهون اجا قعد ما بقى يحسن يطلع انحبس حتى يخلص الدرس يلي جاي لقدام هون ببلاش وهون ببلاش ما في شي لكن قربناه لقدام حتى ينتفع اما لو قعد برا بيقعد عشر دقايق ويضهر ويمشي أما قدام ما بقى يحسن يفز صار يستحي فإما تكريما للأخ وإما مصيدة حتى نصيده هذا لا تزعل ليش أنا الشيخ ما قال لي قرب لقدام الشيخ بيقرب الغريب ولا بيقرب ابنه؟ بيقرب الغريب ما بيقرب ابنه ابنه وين ما حطه لو على العتبة معليش أما الغريب يلي بينخاف على إيمانه بيقوله قرب لقدام فما يعني واحد يتأثر الشيخ دلل فلان ما دللني جاب فلان ما جابني ليش أنا ما جابني ليش في بعض الاخوان بيقعد لازم نقرب لقدام خليه شوفه بعد الدرس كاشش قال له حقك علي لي ما قدمتك ما حبيت أنه الاخوان يلتفتوا إليك قال لي والله شكرا ما حبيت أنه تنعرف أنه أنت جيت على الجامع يعني حالتك ما لازم حدا يعرف أنه أنت جيت على الجامع قال لي والله ما اجيت لبالي يعني يلي بقلبه راحت فحرمة يا ابني الحرمة لذلك يقولون فلان خادم الشيخ. أشد الناس خوفا الخادم للشيخ أو الأخ يلي دائما فايت طالع فايت طالع بظن أنه صار الشيخ صاحبه رفيقه فايت طالع السلام عليكم شلونك راحت الحرمة ماعد في نفع ما دامت الحرمة موجودة فالنفع موجود فإذا ذهبت الحرمة سقط النفع من الأخ لذلك انتبهوا يا ابني هاي مريد اللي بده يصل ما الشيخ خلينا نحكي غير. أبوك ما دام تعرف توقير والدك بيضل والدك بيحترمك بيعطيك المصروف وبيدللك ما دام تعرف توقير والدك أما إذا ما عرفت توقير الوالد ولا احترمت الوالد كمان الوالد يقول قلعوه ما بقى يلتفت إلك ما هيك؟ صلى الله عليه وسلم لما ذكر الإيمان ليس منا من لم يوقر كبيرنا ويرحم صغيرنا ويعطي لعالمنا حقه. شو حقه؟ ما حقه مصاري حقه يا ابني من التوقير والإحترام توقير العلم توقير الشرع. خاصة اخواني حرمة المسلمين خصوصا العلماء والصالحين و الأولياء بعض الاخوان لحوم العلماء مسمومة لما بتحكي على شيخ من المشايخ يتأثر القلب والله مرة جاني أخ مسكين مقلوبة أحواله من أحوال الصفاء إلى التعكير من الذكر إلى الغفلة من القرب إلى الشهوات دخيلك قال لي لح موت لح اقتل شو صاير لي؟ قلت له اقعد لشوف قلت له إذا سألتك تصدقني بالجواب بالله عليك، قال لي والله بحكي لك الدغري. قلت له سهران سهرة حاكي فيها على أحد أولياء الله؟ قال لي أي والله كانوا عم يحكوا على الشيخ محيي الدين وأنا كمان حكيت عليه قلت له هاي المصيبة اطلع عند سيدنا الشيخ محيي الدين مرغ خدودك على قبره واعتذر منه فإن سامحك ترجع لك حالتك. طلع راح لعند الشيخ محيي الدين مسح خدوده بقبره صار يبكي ودخيلك والتوبة وأنا كنت جاهل ومني عرفان اعتذر تاني يوم رد الله إليه أحواله رجع إلى مكان. حرمة يا ابني أولياء الله أوعى إذا ذكروا في مكان أوعى يا ابني تمد لسانك أوعى تسيء إلى واحد منهم ولا بكلمة وهذا مشهورة يا ابني بيقولوا أولياء الله يا ابني لهم ملائكة ملائكة الولي بغاروا عليه لأنه مادام حديث يلي وارد إن غابوا يفتقدوهم وإن مرضوا عادوهم وإن كانوا في حاجة أعانوهم بغاروا عليهم فإذا كان حكيت عليهم بغاروا فممكن تسلب أحوالك كلها بقولك على فلان أو فلان ما بتعرف مين اللي يا ابني له عند الله كل الخلق لا ترضى بكلمة ناقص على واحد هذا اتخذوها أدب لا تذكر أحد من المسلمين بنقص فلان بيعمل فلان بساوي كذا أبدا أوعى معصوم؟ لا إذا ما معصوم ممكن يعمل معصية بس ما تذكر له نقص شو رأيكم بهذا الأدب هذا أدب يا ابني قليل من المسلمين اللي بيتأدبوا فيه فإذا الله وفقكم انتم يا ابني وتأدبتم ما حدا من المسلمين لا بيعمل كذا لا بيساوي كذا أنا مني إله حاكم الخلق. أنا عبد مذنب مثل حكايتهم فلا تذكر قدامي نقص أحد أنا لما بيجي واحد بده يغتاب واحد ما بسمح له بقول له مع السلامة عندي ما حدا بيغتاب واحد تذكر لي نقص فلان أو نقص فلان. فلان بيعمل جيب أربع شهود ما بتجيب أربع شهود ثمانين عصاية بظهرك ثمانين جلدة والله بده يموت بالثلاثين والأربعين بده يموت أبداً ما تذكروا أحد بنقص يا ابني فهذا حال المسلمين يا ابني ومن كان منكم أراد الاستقامة فعليه بخدمة الاخوان من أراد الوصول عليه بخدمة الاخوان من أراد صفاء القلب عليه بخدمة الاخوان من أراد الوصال والعطاء فعليه بخدمة الاخوان وصدق الرسول الأعظم قال: سيد القوم خادمهم رواه الحاكم والبيهقي رضي الله تعالى عنهم اجمعين. فاخدت اليوم كمان تنتين احوال زكية وحفظ الحرمة ان شاء الله. الله يديم مجالس الايمان بيننا حتى نعرف مريد هيك بيصير مريد؟ مريد يعني بس حضر الدرس يعني صار مريد؟ مريد يا ابني عذاب وشروط واخلاق لسا ما بدينا يلي بده يصير مريد بده يلازم يتعلم ويتخلق حضرت الدرس وضبيت الورق وبقيت يعني على اخلاقك تيتي تيتي متل ما رحتي متل ما جيتي ما بتنتفع بدنا نطبق يلي عم نتعلمه لا تذكر احد بنقص ولا تحكي على احد ولا تشير الى احد ولا تتخطى رقاب الاحباب في حالة صفاءهم وذكرهم انتبهوا هلق في الاسلام يعني اذا واحد دخل عالجامع بيجوز يقول السلام عليكم؟ دخل والدرس قائم بيجوز يقول السلام عليكم؟ لا اذا قال السلام عليكم بياخد اجر ولا اثم؟ يأثم خطيب عم يخطب شفته يقول السلام عليكم ما بيصير في الدرس ما في السلام عليكم فوت دغري تسلم بينك وبين نفسك السلام علينا وعلى عباد الصالحين وتقعد اما يقول السلام عليكم قاعدين جماعة عم يقرؤوا القرآن السلام عليكم هذا اثم انه بده يقطع قراءة القرآن مشان يرد عليه السلام فلا يا ابني هي من اداب المجلس اذا دخل بيدخل برجل اليمين اذا في واحد عم يقرأ القرآن تسلم بينك وبين نفسك تفوت تقعد اما بتقول السلام عليكم كيف احوالكم وهم عم يقروا القرآن قطعوا قراءة القرآن مشان يردوا عليه السلام. او واحد عم يذكر الله بده يرد عليه او هذا خطأ فاذا السلام يلي هو فرض ما بصح تسلم اذا كان في مجلس او اذا كان في قارئ قرآن فكيف اذا كان جالس مراقب لله حاضر مع الله لا يصح السلام ولا بيجي واحد ينكشه هو قاعد ينكشه عم يذكر الله شو بدك بدنا نسألك سؤال انا قاعد عم بذكر كنت اجاني اخ يا سيدنا يا سيدنا شيخ رجب يا سيدنا نكشني خمس ست مرات سبع مرات ما في حدا قام ومشي تاني يوم شافني قال لي أي جينا نسلم عليك قلت له انا ما رديت عليك انا بالذكر انا مع الله بدك ياني حاكيك مين انت قدام الله انا مع الله قاعد عم بذكر الله تجي انت قدام قال لي ما بعرف هالشي هذا قلت له اوعى عم يصلي اذا كان واحد عم يصلي تجي تقول له بدي حاكيك؟ هذا مع الله يا ابني قاعد قلت له استغفر الله وإلا بدك تاكلها والله اكلها والله اكلها واكلها قاسي والله طالعوه من وظيفته طالع بإساءة قال لي هيك قلت له قللت أدب شو بدي اعمل لك. مع الذكر يا ابني لا تنكشه ولا تفيقه ولا تنكزه اتركه نايم صحيح الذاكر يا ابني بينام لكن بتنام عيونه لكن لما بيفتح عيونه بيلاقي قلبه عم يشتغل متل مروحة ما بيغفى القلب لو نمت بالذكر لكن قلبك ما بينام فما بيصح تفيقه ولو كان نايم بالذكر خليه نايم والنوم في الذكر بعض اوقات يا ابني هذا من نعمة الله بعض اوقات على بعض المريدين نعمة الله انه ينام بالذكر هي انتم ما بتعرفوها بكون جاييه تجلي الهي لو كان صاحي ليصرخ ويشق ثيابه بينيمه بيتفضل عليه بالعطاء بيفز بشوف قلبه وجسمه كله عم يهز باسم الله شو هاد اتاه عطاء وهو نايم لذلك لا يجوز يا ابني نفيق الذاكر او نهزه او ندله خليكن دائما متأدبين مع اهل الذكر على الواقف على القاعد على النايم شلون ما كان لا تقرب على اهل الذكر وتزعجه. اسأل الله ان يوفقني وإياكم وان يغفر لنا ولكم ويتقبل منا ومنكم بقبول حسن ان شاء الله الله بينفعنا وإياكم وصلى الله على سيدنا محمد والحمد لله رب العالمين.