هذا الشيخ ما لازم نقتله قال لي حملت الفرد وجيت على البيت، جاي على البيت بدي اقتلك على كتر ما حكوا قال لي لقيت عندك جلسة عم تذكرهم بالله وحب الله ومحبة الله وذكر الله اعوذ بالله قال لي والله هذا ما بينقتل، والله هذا حرام قال لي بقيت قاعد بالجلسة وصرت ابكي وانا قاعد بالجلسة اني انا جاي لهون الله جابني، قال لي والله جابني لعندك وخلصنا قام الفرد وصار ذاكر لله محب لله حكوا لي عن شيخ من المشايخ على المنبر نازل بالشيخ رجب عن المنبر فلما نزل من المنبر جاء واحد قال له شيخنا هذا وين محله الشيخ رجب؟ قال لي والله ما بعرف قال لي ما بتعرفه؟ قال له والله ما بعرفه.. طيب كيف عم تحكي عليه، ما بيعرفني ولا قاعد معي عم يحكي، قال لي هيك الناس عم تحكي عليك..اي هذا اسمه شيخ هذا؟! اقل ما يكون تعا سماع من الشيخ اول الكل الحاصل يا ابني ما بدنا نضيع الوقت نحن الله عزوجل يغفر لنا ولجميع الاخوان فا يا ابني التصديق صدق صريح.. ان تصدق بسر الخصوصية ان الله يختص برحمته من يشاء.. اختص سيدنا ابو بكر برحمة الله بسيدنا محمد سيدنا محمد هو الرحمة المهداة من اختصه فيه اختص سيدنا ابو بكر بحب رسول الله هي خصوصية اختص سيدنا عمر خصوصية ففي خصوصية يا ابني اختص سيدنا ابو هريرة بحفظ الحديث اختص سيدنا عمر بالحق كل واحد اختصه باختصاص يلي اختصه بالحب الخالص مين؟ سيدنا ابو بكر في بعض الصحابة كمان أحبوا لكن الحب على درجات فبدك تآمن بدك تكون يا ابني صدقك صريح بسر الخصوصية التي اختص الله بها من شاء من عباده فمن لا صدق له لا سير له اذا ما صدقت لا تستطيع ان تسير ولو بقي بصحبة الشيخ الف سنة اذا ما صدقت لا تصل بدها صدق ..صدق شلون صدق وجهة واحدة مافي وجهتين طريق واحد مافي طريقين حب واحد مافي حب هون حب هون هذا يا ابني الصدق أن يتعرف بك ذرة من ذرات مشيته مع شيخه يتفرج يتعلم من شيخه بعض اوقات يا ابني كلمة تسعد المريد كل حياته كلمة بعض اوقات يا ابني بعمل شيخ بيعمل قدامك عمل حتى اذا اقتديت به سعدت في دينك ودنياك الله يرضى على أخينا الشيخ عدنان الله يوفقه ويرضى عليه سافر معي سفرة في هذه السفرة نزلنا باوتيل وإذ لقيت بعض الاولاد سابقني على الاوتيل في غرفة قدام غرفتي مين اللي بده يكون قدام الغرفة؟ قعد ابني بالغرفة يلي قدامي الشيخ عدنان قعد بالغرفة التانية بعيدة ليلتها ما نمت يا ابني ما نمت الصبح اجا الشيخ عدنان لحتى نصلي قلت لهم الليلة ما نمت أنا ليه؟ قلت له لاني اخطأت خطأ كبير قدمت عاطفتي على الشريعة قدمت العاطفة على الشرع في شرع وفي طبع أنا قدمت الطبع اليوم على الشرع وهذا خطأ كبير قال لي شو قدم الطبع على الشرع ما فهمت قلت له كان الاولى انت تنام جاري وابنائي يناموا بره بالغرفة البعيدة اما نيمت الولد وأنت بعدتك فأنت الشرع وهم الطبع فقدمت الطبع على الشرع وهذا خطأ في الشريعة كان المفروض قدم الشرع على الطبع قال لي ايه شو هي من وين بدها تجي ببالنا.. إي أخدها درس قال لي والله لو ستين سنة الي في العبادة ما تعلمت مثل ما تعلمت منك هالخلق شو هالخلق هذا؟؟ هذا يا ابني الخلق تقديم الشرع على الطبع اما قدم الطبع فقلت له أنا طول الليل عم استغفر الله من هالذنب يلي أخطأته اليوم قال لي إي هذا حقك انه يكون ابنك قريب عليك احسن ما يكون الغريب..لااا الشراع غير الطبع قال لي يا ابني خلق بسيط هذا ما تنام وانت عم تحاسب نفسك كيف عملت هالعملة هذه فيا ابني هذا بده يكون الواحد دائما على هالمراقبة هذا اختصاص ما كل واحد بيطلع بيده يعمل هيك وانا ليس بيدي والله يا ابني هذا توفيق الله وفضل الله عز وجل فيا ابني الصدق هو الثمن الذي ينفق به المريد على روحه وقلبه وسره هذا الثمن الذي تنفقه على روحك وقلبك وسرك هو الصدق ومن لا صدق له في الشيخ لا ينفق من سره شيئا ما له صدق من أين بده ينفق اذا الصدق مافي، مافي شيء تنفقه ورد في الحديث القدسي يا ابني انا مشان اثبت لكم الكلام : يؤتى بعبد محسن في نفسه لا يرى له سيئة فيقال له هل كنت توالي اوليائي ؟ قال يا رب كنت من الناس سلما انا مسالم ما بحكي مع حدا ولا اختلط مع حدا كنت من الناس سلما قال فهل كنت تعادي اعدائي؟ قال يا رب لم اكن احب ان يكون بيني وبين احد شيئا ما كنت حب جالس ولا خالط أبقى لحالي فيقول الله عز وجل وعزتي وجلالي لا ينال رحمتي من لم يوالي أوليائي ويعادي اعدائي هذا الصدق الصريح هذا الحديث ثبت لكم إياه صدق صريح بدك تحب اهل الله لكن اي حب؟ في حب ببوس الايد وجه وقفه إي ما شاء الله في حب الشم بيشم الايد ما شاء الله في حب يأتي يعانق هذه المعانقة ما لازم.. المعانقة للمسافر فقط أما والله جاي واحد بده يسلم عالشيخ بده يعانقه بده يبوسه خلي البوسة لمرتك الشيخ المسافر يعانق أما يلي حاضر يصافح مصافحة والله معك أكتر من هيك ما بدها بده يبين حبه الحب يا ابني لا بالمعانقة ولا بالبوسة الحب يا ابني تذكر الله بدك تحب الشيخ بتذكر الله في ذكر انت حبيبي ولو ما التقينا ما بتذكر الله والله لو بتكون جوات ثيابي بتكون انت بتكرهني وانا بكرهك ليس بيني وبين احد صلة الا ذكر الله مافي ذكر الله مافي صلة قريب بعيد غريب ذكر الله يلي بده يكون يتقرب الى الشيخ يتقرب بالذكر يا ابني هذه الصلة بيني وبينكم مافي ذكر الله مافي صلة تحب الشيخ أديه عم تذكر الله.. والله ماعم بذكر إي أنت لست محباً.. هذا أنا مهر الصحبة هذا يلي بده يدفع مهر الصحبة ذكر الله مافي ذكر من يخطب الحسناء يعطي مهرها أي حسناء أعظم من أن تتقرب الى حضرة الله جل وعلا في أعظم منه هيك تقرب الى الله بذكر الله يا إبني, طيب هلق ثانيا من لحق واحدة تالتة هلق اخذنا اولا قصد صحيح.. وصدق صريح.. ثالثا وآداب مرضية هذا مفتاح الباب فمن لا أدب له لا دخول له ومن أساء الأدب مع الاحباب طرد الى الباب ومن اساء الادب عند الباب طرد الى سياسة الدواب هذا ما خرج يجالس من لا أدب له لا دخول له فمن لم يتأدب مع الشيوخ ومع الإخوان لا تزيده صحبتهم إلا الحرمان لذلك نشوف فلان جالس إنقطع لماذا إنقطع؟؟ لأنه قلل الأدب مع الأحباب بعض الأوقات الاحباب كمان بتقلوها على الواحد هذا بيجي بزاحم وهذا بيجي بيحكي وهذا بيجي إخوانا لما عم يتقلوها انظروا يا أبني والله طريقنا يا أبني مثل الصراط المستقيم مثل الشعرة أحد من السيف وأرفع من الشعرة هالأخ لما أتى ضايقك هو ما بيقصد يضايقك عم يداعبك ويلعب معك لكن هالمضايقة هي كرمال تبين صدق حبك من عدم الصدق إن كنت صادق لو بيمشوا على راسي ما بقول أخ لو بيمشوا على عيوني ما بقول أخ بدي أصل لكن إذا جاي كرمال يفحص ويمتحن ويشوف شو راح ياخد شو بده يعطي إي هذا لا يصل نكشة من النكشات بيترك ويطلع ولو كان كل الأحباب موجودين لا يسعكم هذا الجامع ولا جامع الأموي بيسع ... فضل الله عز وجل لكن لا إله إلا الله فيمن صدق وأخلص فلازم في منهم يلي إلو 30 سنة ويلي إلو 40 سنة ويلي إلو 50 سنة فضل الله ملازم وفي واحد سنة سنتين يترك بيمشي ليش ترك الشيخ طالعه؟ لا الشيخ ما بقلع حدى لكن سوء الأدب أخرجه خاصة يا إبني المساجد لها ملائكة إذا ما بتتأدب في بيت الله ملائكة بتطردك من بيت الله المساجد كلها يا إبني ملائكة الله عز وجل جعلها عمار لبيوته فإذا ما بتتأدب معهم في واحد يدخل الى الجامع يجلس ويمد رجليه لاحظوا عليه جلسة جلستين لا يعود يأتي على الجامع طرد من الجامع ليش؟؟ لأنه قلل ادب في بيت الله ما في مد اجرين يابني في بيت الله أدب قاعد في بيت الله أنت لست في بيت السلطان أو بيت الرئيس أو بيت الملك في بيت الله بدك تكون متأدب لذلك الإنسان إذا دخل المسجد يكتب له الصلاة ما دام جالس ما لم يخرج منه ريح ينتقض و ضوءه أو يتنخم (يعني كانوا يمسكوا الصباط يبزق يضع الصباط عالبصقة خلي في محرمة بجيبتك طالع المحرمة تبصق فيها وبتقيمها فإذا في الجامع أساء الأدب يطرد من بيت الله يا إبني الملائكة ما بتقبله يقول والله أنا بحب إجي على الجامع لكن ما عم بحسن والله ما عم بحسن بفوت على الجامع حابب يجي على الدرس ما عم بحسن فوت على الجامع ليش؟؟ والله ما بعرف قلت له أنا بحكي لك لأنك وإنت قاعد بالجامع بتكون قاعد بتطالع ريح..فقال هذه والله مرتين عملتها..إي طالعوك من الجامع.. بالجامع عم تطالع ريح لازم تكون ريحتك تطالع قنينة العطر تتعطر أما طالع ريحة طرد من الجامع يا إبني بيوت الله إلها ملائكة فبدك تمتثل دائما تكون صاحب أدب ومن كان على أدب نال الارب ما تريد حصلت إذا كنت صاحب أدب( فأداب مرضية) والأدب إلها راح أحكي لكم هلق المريد راح ياخد معكم شهر وشهرين أدب المريد كم أدب للمريد؟ في آداب هدول ما اداب يا ابني اللي عم نأخذهم هدول شروط المريد 8 حتى تقبل أما الأدب آداب كثيرة الأدب مع الأحباب الأدب مع الشيخ الأدب في المكان الأدب مع رسول الله الأدب مع الله كلها آداب هذه ياابني... والادب هي كمال المؤمن كمال الإيمان يا ابني الأدب يلي ما له أدب ما له إيمان فلا تظن أنه أنت بتتصرف كيف ما بدك.. بدك تتصرف بقواعد الشريعة المطهرة آداب صلى الله على سيدنا محمد وعلى آله وصحبه وسلم كان عليه الصلاة والسلام قاعد في المجلس فدخل بعض الأمراء قاعد على الباب فالنبي شلح له العباية ورماها له.. اجلس عليها عباية النبي ! أخذها وقبلها ووضعها على صدره النبي صلى الله عليه وسلم قاعد على المخدة قام من تحته المخدة ورماله إياها وقال له اجلس عليها النبي عطاه؟ نعم أمرنا أن ننزل الناس منازلهم كل واحد له مكانة له كرامة فما تحط صاحب الكرامة برا وتحط يلي ليس له كرامة قدام كل واحد له يا ابني مكانة لذلك أنا حكيت لكم تتذكروا وأظن حفظتوها مني أنه إذا لا تقعد ووراك واحد شايب التفت إذا كان شايب قدامه لا تعطي ظهرك لشايب احترم الشيبة لأن الشيبة نور فاحترم هذا النور أما شاب قعد وسند ظهره وامامه واحد شايب محني ظهره قاعد قوم عن العامود خليه هو يسند ظهره وانت اجلس أنت بعدك شاب أما هذا حامل ستين سبعين سنة على ظهره حطله كرسي خليه يسند ظهره بدنا نكون على مستوى الأدب
الكامل يا ابني حتى الله عز وجل يرضى علي وعليكم نسأل الله عز وجل ذلك فالأدب يا ابني مفتاح كل خير أي خير طلبته في الحياة طلبه من طريق الأدب طلبه من طريق الأدب طريق الأدب بيوصلك إلى الكمال في دينك ودنياك في يا ابني اداب اللسان في اداب اليد في اداب الرجل في اداب الوجه هذه كلها اداب.. اداب اللسان أن لا تتكلم بكلمة تجرح فيها عاطفة أخ لا تتكلم بكلمة تؤذي فيها أخ ممكن واحد مع أخ عم يمزح مزح قال له الشيخ ما بيحبك انت هاي كلمة ممكن تكسر خاطر الأخ وانتبهوا والله يا ابني أنا بحب دائما نبهكم كسر خاطر الشيخ يا ابني يجبر أما كسر خاطر الأخ لا يجبر .. كسرت خاطر أخ هذا الأخ بعد ما تذوق الكمال فممكن ينقطع ممكن ينقلب ممكن يعادي تكون انت سببه أما الشيخ إذا كان انكسر خاطره بنظرة من نظر من نظر التوجه إلى الله ينجبر خاطره يعفي ويسامح أما الأخ ما بينجبر يا ابني قاعدين الأخوان عم يذكروا هذا من الأدب يا ابني أخوان قاعدين اجا واحد صار ينط من واحد لواحد بده يقرب للامام فوق رقاب ألاخوان صدقوا تماما ما بيكمل شهر يطرد هذا قاعد مع الله في حالة حضور مع الله بيجي انت نطيت من فوق كتفه نقز عكرت عليه صفوه مع الله الملائكة بتعاقبك هذا أدب يا ابني أوعك تتخطى رقبة واحد لا في صلاة الجمعة ولا في غير صلاة الجمعة ولا في الذكر دور دورة ولا تتخطى رقبة واحد من تخطى رقاب الناس اتخذ جسرا على متن جهنم من تخطى رقاب الناس يوم الجمعة معبى الجامع تخطى مشان يقرب للامام اتخذ جسرا على متن جهنم بحطوه جسر والناس بتمشي عليه النار من تحته والناس عم تدعس من فوقه فالأدب يا ابني بيوت الله أدب مجالسة اخوان أدب الذكر حلقة الذكر قاعد عم يذكر عم يفتح عيونه وعم يطلع على هذا وذاك لك ابني اشكر الله بعدها عيونك موجودة في حلقة الذكر ما في فتح عيون في قراءة الختم ما في فتح عين غمض عيونك لأن الله يرضى عنه الشيخ عيسى اذا كان واحد فتح عيونه يقول له غمض اغمض عينيك ما تفقد عيونك لأن يا ابني تجليات الله نازلة أنوار عينك ما تطيقها فيمكن يفقد بصره الواحد غمض وقت الختم مغمضين وقت الذكر غمض عم يفتح وعم يطلع مين فات ومين طلع انت مع الله ولا مع الفايت والطالع؟ في أدب يا ابني أدب الذكر أدب المجالسة قاعدين مع الشيخ هاد عم يحكي مع هاد وهاد عم يحكي مع هاد عم تحكي معن والشيخ عم يحكي روحت عليك الفهم من الشيخ وشو انتفعت من الكلام اللي حكيته مع الآخ قاعد عم يحكي والشيخ عم يحكي هذا قلة أدب يا ابني اذا ما انتبه المريد يمكن ان يطرد لازم نأخد يا ابني احتياطنا مع الشيوخ ما في كلام كان الصحابة مع النبي عليه الصلاة والسلام إذا جلسوا كأنما على رؤوسهم الطير إذا كان الطير على رأسك كم حركة تتحرك؟؟ ولا حركة بدك تبقى قاعد مطرق الرأس أو ناظر نظر الحب هكذا عم يلتفت هون وهون أفضل الأحباب من كان قريبا من الشيخ لأنه ما عنده غير نظره إلى الشيخ أما اللي بيقعد برا هذا فات بيطلع عليه انشغل عن الدرس إذا كان أستاذ كيميا أو أستاذ الفيزياء عم يعطي الدرس S H S اثنين كذا عم يعطي الدرس والتلميذ مد إيده على الدرج عم يلعب انشغل عن الدرس بيفهم المسألة؟ ما بيفهمها راحت عليه يركض الى الطالب، الطالب يقول له ما فهمتها اي راحت عليه أتيت الى الفحص فلم يقدر ان يكتبها سقط قلة الأدب روّح سنة كاملة مع المعلم ما في التفات يا ابني يلي كان منكم يشوفني بحياة شيخنا رضي الله عنه وأرضاه لما أقعد كنت مع الشيخ وين بصري لو انهدت بناية برا بصري مايروح عم اطلع على شيخي لو مهما حصل. يذكر أن القراء كانوا عند الشيخ عم يقرؤ حفص وورش وقالون كانوا قاعدين عم يقرؤوا عند الشيخ فخرجت امرأة بيظهر عم تنشر الغسيل طبق نحاس كانوا يحطوا الغسيل فيه فطلع الهواء نسف الطبق وقع من فوق على أرض الديار فاللي قاعدين كلهم نطوا بدهم يشوفوا شو صار إلا الإمام حفص مأكد بالشيخ قال له ابني انت ما تشوف شو صار؟ قال له أنا سيدي جاي إلك لست آتٍ لبرا أنا جاي إلك قال له يا ابني أنت ستكون أقرأ قراء المسلمين وسوف تنتشر قراءتك في العالم كله هذه قراءة إمام حفص لأن كنا عم نقرأ قراءة مين؟ حفص هنا وبمصر وسوريا بأوروبا باكستان أندونيسيا قراءة حفص لأنه تأدب مع الشيخ واللي اطلعوا صارت قراءتهم مختصة في أماكن فيها ابني الآداب الله يتقبل منا ومنكم ويجعلنا وإياكم من أهل الآداب ونكمل لكم اياها الدرس الآتي إن شاء الله أسأل الله أن يتقبل منا ومنكم المراد اليوم نحن قلنا أن كل بحوثنا حتى تكون مسلما شو بينفعنا اليوم هالبحث في الإسلام؟ القصد الصحيح لما يكون لك قصد صحيح بتكون نيتك صادقة وإذا نية صادقة معناها أعمالك كلها مقبولة إذا ما في قصد معناها النية ما صحيحة الصدق الصريح عندما تكون صادقا تنال الأجر كامل (ليجزي الله الصادقين بصدقهم) فأجرك كامل طيب الآداب إذا كنت صاحب آداب فتحت لك الأبواب إذا ما في آداب أغلقت في وجهك الأبواب تدخلوا؟ ولا بترجعوا ندخل إن شاء الله تفتح لنا الأبواب بتوفيق الله عز وجل وما دمتم معي ودمت معكم نبقى ننحت بهالصخرة حتى تصير فلة وياسمينة بإذن الله لنجعلكم بتوفيق الله وفضل الله أهلاً لتكونوا أحباب الله وأحباب رسوله اللهم اجعلنا من الصادقين واغفر لنا برحمتك يا أرحم الراحمين والحمد لله رب العالمين ومن الاداب قولوا لا اله الا الله ..لا اله الا الله سيدنا محمد رسول الله صلى الله عليه وسلم
اللهم تقبل منا هذه التهليلة المباركة وأوصل ثوابها وأنوارها إلى حضرة نبينا محمد صلى الله عليه وسلم ثم إلى روح شيخنا وأستاذنا وقرة أعيننا وإلى روح والده سيدنا الشيخ محمد أمين وزوجته وولده زاهر ووالدته اللهم اوصل ثواب ذلك إليهم واجعلها نورا يتلألأ بين أيديهم اللهم زد في حسناتهم وارفع درجاتهم وانفعنا من بركاتهم واجعل يا ربي مثل ثواب ذلك في صحيفة آبائنا وأمهاتنا وبناتنا وسابقة إلى قبورنا اللهم نور قلوبنا بلا إله إلا الله اللهم اجعلها نورا لنا في قلوبنا ونورا لنا في قبورنا ونورا لنا في حشرنا ونشرنا ونورا لنا على الصراط ونورا لنا في الميزان اللهم ثقل بها موازيننا واجعلها ذخرا لنا يوم لقائك اللهم اغفر لنا ولوالدينا ومشايخنا ومن جالسنا وللمسلمين أجمعين وصلى الله على سيدنا محمد وعلى آله والحمد لله رب العالمين إلى صلاة الضحى يرحمكم الله .