كان بتوفيق الله بحثنا السابق عن الثقة بالله، الثقة بالله نعتبرها جسداً وروحها التوكل على الله فبحثنا اليوم التوكل على الله سبحانه وتعالى. التوكل له عدة معاني يأتي أولا بمعنى من توكل امره أي قضى الحاجة التي تريدها من غير تعب منك. انسان وكّل محامي فالمحامي يدافع عنه من غير ما هو ينزل على المحكمة يدافع عنه مرة ومرتين وتلاتة فتنقضي القضية بوجود المحامي يلي انت وكلته. فتوكل عن الامر فهو وكيل بقضاء حاجة من غير تعب. ويطلق الوكيل على معنى الحفيظ. اذا وكلت وكيل يحفظ مالك ويحفظ ديارك ويحفظ اهلك هذا كذلك معنى من المعاني. ويطلق معنى الوكيل على الرقيب المطلع وكلت انساناً فهو رقيب على ما وكلته عليه يراقب الأمور ويطلع عليها فيحفظها لك فهذا أيضا معنى من معاني الوكيل فالوكيل معناها اذا ان يتوكل عنك بشؤونك ومرادك واهدافك واعمالك فيحفظ لك المال ويحفظ لك الثياب ويحفظ لك الحق فكل ذلك يقال له وكيل. وكيل الأرض هو الانسان يمكن ان يخطئ في بعض الأحيان يتوكل فينام او ينسى او يتأخر فيمكن ان يضيع عليك بعض الحق اما الوكيل الحق هو الله جل وعلا يتوكل عنك في امورك وشؤونك ان كنت مؤمناً قال الله تعالى (وَعَلَى اللَّهِ فَتَوَكَّلُوا إِنْ كُنْتُمْ مُؤْمِنِين) عندما يوجد فيك الايمان بأن الله عز وجل معك وان الله سميع لقولك وان الله بصير بعملك فاذا وكلت الله عز وجل في أي شأن من الشؤون فالله تعالى يحفظه لك ويؤديه لك كاملاً من غير نقص فوكيل الأرض وكيل ضعيف ووكيل السماء وكيل قادر قوي لا يفوت عنه ذرة جل جلال الله فاذا كان المسلم اذاً توكل على الله يعني وكل امره الى الله هذا التوكل ان تؤمن بأن الله يسمع قولك وأن الله يعلم حركاتك وأن الله خبير بنواياك فاذا كان هذا الايمان موجود عندك فالله يقضي لك حاجاتك ويؤدي لك ما تريد من غير ان تفكر بالامر الله تعالى يتكفل بذلك. الله تعالى قال (وعلى الله فليتوكل المتوكلون) المتوكل توكل الله ولا تتعب نفسك فالله وكيل بما تريد وبما تحب ان يتحقق. فهذا التوكل الذي يريد ان السلوك ان يكون من السالكين فنقول لك يا ولدي لن تبلغ صدق السلوك ما لم تتحقق بصدق التوكل. لا يتحقق صدق السلوك بالوصول الى الله الا اذا صدق من التوكل على الله والتوكل من الوكالة توكل الله عز وجل بشؤونك. لكن هنا نقط لازم الانسان ينتبه لها كثير من المسلمين من اخطأ في التوكل في من المسلمين من يظن التوكل ان يهمل الأسباب ويهمل الاعمال يقول توكلنا على الله هذا الانسان جهل حقيقة التوكل التوكل ليس هو ترك للأسباب انما هو القيام بالأسباب مع التوكل على مسبب الأسباب. هيئ الأسباب ثم توكل على مسبب الأسباب انما هو القيام بالاسباب مع التوكل على مسبب الأسباب هيئ الأسباب ثم توكل على مسبب الأسباب فمثلاً بدك تاكل واحد قال نحن نتوكل على الله والله يطعمنا ممكن يقعد بلا اكل ممكن الله يجوعه لانه ترك السبب اما واحد نزل للسوق جلب اللحمة اشترى الرز وجلب الكوسا واتى للبيت حفر وحشا وطبخ وتوكلنا على الله يأكل كوسا؟ هذا يأكل كوسا اتبع الأسباب اما من ترك الأسباب وقال الله يطعمنا فالله جعل الحياة قائمة على الأسباب (فأتبع سببا) دائما الأسباب يجب ان يتبعها الانسان فاذا اتبع السبب الله عز وجل يعينه على تحقيق المراد فاذا ما في سبب أضاع الانسان الايمان اتباع السبب من الايمان أي عمل من الاعمال يجب ان تتبع السبب عنده محل يقول سكر المحل واذا الله كاتب لك رزقة ستأتيك من غير تعب هذا الله يطفره ويهينه ويجوعه لأنه ترك السبب تنزل تفتح المحل تتوكل على الله فالله يهيئ لك الرزق يأتيك الزبونات من فضل الله لا من جهدك ولا من ديكور المحل ولا من دعاية بل من فضل الله. عليك ان تفتح المحل وتقعد تنضف تشتغل تتحرك عبدي حرك يديك انزل عليك الرزق هذا التوكل اما سكر المحل وتوكل على الله وعلى أساس الله يرزقه هذا الله يجوعه مثل القصة التي حكيتها لكم ان رجل كان قاعد في محله او طالع على سيران ففي السيران رأى بومة عمياء قال سبحان الله عمياء هذه كيف ستأكل ما في بصر نظر اليها ليرى كيف تعيش وإذ بعصفور دوري حاطت بفمه دودة وصل اليها زقزق لها فتحت فمها فوضع الدودة بفمها هذا اخده الحال الله اكبر بومة عمياء الله لم ينساها انا الله سينساني؟ سكر المحل وطلع على الصحراء وقعد بمغارة ومسك المسبحة وصار يذكر الله لا يذكر الله للذكر بل يذكر الله ليرسل له لقمة الاكل ليرزقه الطعام فهذا اتخذ ذكر الله لبطنه لم يتخذ ذكر الله لله من الصبح للضهر ما حدا اجا للعصر ما حدا اجا للمغرب ما في شي للعشا ما في شي قاعد جوعان تاني يوم ما عاد في صوت يعني البنزينات خلصو والزيتات نشفوا لح يكربج الموتور ما عاد طلع الصوت الضهريات تيبست أعضاؤه وقع على الأرض صار ينفض بيديه ورجليه جوع مرقت قافلة فالقافلة قالوا يا جماعة شوب الدنيا شوب خلينا نقعد ساعة زمان بهذه المغارة بين ما تروح الشمس منكفي الطريق فاتوا على المغارة شافوا صاحبنا عم ينفض من يديه ورجليه ما شاء الله اتى واحد رش له ماء على وجهه شو باك خير ان شاء الله بيده أشار الى فمه جائع يريد طعاما ساووا لقمة شوربا قم كل ما قادر يقوم ساعدوه بالقيام كازة اسنانه متعصب بالملعقة افتحوا له فمه شوية شوربا فتح عيونه قال الحمد لله الذي لم ينس من ذكره واحد من المسافرين قال له اخي انت شو قصتك طالع عليك مشلحين؟ قال له لا والله مرتك مقلعتك؟ قال له لا والله . حماتك في بيناتك وبينها شي؟ قال لا لكن؟ حكاله قصة البومة العميا والعصفور الدوري يخرب بيتك شو ما فيك عقل والله لو اعرف قصتك ما سقيتك نقطة ماء لك يخرب بيت يلي ما بيفهم الله ورجاك البومة العمياء وورجاك العصفور الدوري ليش عملت حالك بومة عمياء ما عملت حالك العصفور الدوري كُل واطعم غيرك. الله عاطيك عيون وعاطيك حركة عملت حالك اعمى؟ ايه عمرك ان شاء الله ما تاكل لو عارف هيك والله ما دوقتك ولا لقمة اكل خليك تموت من جوعك هيدا متوكل على الله كذاب هذا ليس توكل يا ابني هذا اهمال لنعم الله الله اعطاك يدين ورجلين وحركة تغلق محلك وتأتي تقعد بالمغارة حتى يطعمك الله؟ لازم نقلع لك عيونك ونحطك بالمغارة او يأتي شي جردون يضع لك لقمة اكل هذا يا ابني الجهل الذي أصاب المسلمين يهمل الأسباب ويقول انا متوكل على الله والله يرزقنا والله يعطينا شوفوا حتى كلامه غلط يقول حتى الله يرزئنا لا يقول حتى الله يرزقنا حتى كلامه الرزء يا احبابي البلاء والمصيبة حتى الله يرزئنا يعني حتى الله يبتلينا ببلاء قل حتى الله يرزقنا حتى الكلمة ما عم يعرف يحكيها الرزق بالقاف هو المال والطعام والكساء والحياة. اما الرزء بالهمزة البلاء والمصيبة والنكبات والبلايا هذا اسمه رزق فاذا قلتي لاحدهم الله يرزئك يعني الله يبعت لك شو مصيبة وبلية ما بتطلع معك غير هيك قولي الله يرزقك حتى الكلمة ما عم نعرف نحكيها. فالتوكل على الله اذاً تهيئة الأسباب أولا تهيئ الأسباب ثم نتوكل على مسبب الاسباب. الله عز وجل انزل تعالى مما انزل (والله جعل لكم اللهم صل على سيدنا محمد (يا بني آدم قد أنزلنا عليكم لباساً يواري سوءاتكم وريشاً )
اللباس الداخلي والريش البدلة اللي بتلبسها من الجوخ أو من المخمل هذا اسمه ريشا القلابية هذا لباس العباية هي ريشا يعني الزينة من ريشا فالله عم يقول( قد أنزلنا عليكم لباسا يواري سوآتكم) يعني بيغطي عورتكم كمان زينة بتتزين بها وريشا فهذا قال نتوكل على الله والله عز وجل بيكسينا اللي خلقنا من بطن أمنا من غير أواعي وكسانا وهلأ بيكسينا لما كنت طفل حنن قلب أمك وأبوك عليه هلأ عطيك عقل وحركةقم اشتغل بتضل بلا أواعي والله بيكسي هذا توكل على الله هذا ما اسمه متوكل يا ابني هذا أهم ل الأسباب هذا بتيجي أفعى تلدغه بيجي عقرب بيلدغه بيجي جردون بيأكلوه الله عطاك حركة قوم خلق لك عينتين مع أنه بيمشي حالك بعين واحدة خلق لك رئتين مع أنه بيمشي حالك برئة واحدة خلق لك كليتين بيمشي حالك بكلية واحدة جعل لك ذلك حتى تستعمل هالنعم يلي الله عطاك إياها فيما يرضيه عنك قوم بالنسبة للحياة اشتغل حرك الله تعالى يكرمك بالرزق ويوسع عليك بالعطاء أما المسلم يلي ما فهم ذلك بيترك الأسباب وبيترك الأعمال بيقلك الله متكفل واذا االله تكفل لما كنا ببطن أمنا أخي الله كان متكفل فينا هلأ ما لح ينسينا. شوفوا القرآن لما كانت السيدة مريم صلوات الله عليها لما كانت طفلة وفي خلوتها لحالها حاطين بالاوضة لحالها كان الله يرسل لها الرزق رزق الصيف بالشتاء ورزق الشتاء بالصيف (يا مريم أنى لك هذا قالت هو من عند الله إن الله يرزق من يشاء بغير حساب) لكن لما كبرت ونفخ فيها الملك وحملت طلعت برات البلد قال لها اقعدي عند الشجرة (وهزي إليك بجزع النخلة) كنت تبعتلي الأكل ليش هلأ بدي هز واشتغل هلا صار عندك قوة صار في عندك حركة صار أنت في أسباب بدك تتبعي الأسباب هزي الشجرة (وهزي إليك بجزع النخلة تساقط عليك رطبا جنيا) فبدون هز ما بتنزل التمر عليك بدك تاكلي بدك تهزي لما كانت منقطعة للعبادة لا تستطيع العمل تكفل الله بها ولكن لما صار عندها قوة وعلم وحركة هلا أنتِ تكفلي هزي إليك بجزع النخلة لما كنت في بطن الأم كان متكفل بك عم يوصل لك الدم خالص غذاء كامل دخلت في بطن الأم ذرة لا تًرى بالعين طالعك من بطن الأم أربعة كيلو خمسة كيلو منين أجوا هدول الأربعة كيلو منين أجوا هذا الغذاء وصلك كامل غذاك وعافاك وقواك وصورك وركزك وأنت في بطن الأم لما طلعت لبرا لا ألك إيد تقطع ولا ألك سن لا سن يقطع ولا إيد تستناول ولا شي تكفل الله بك خلق لك طنجرتين حليب سخنين بالشتاء وباردين بالصيف أما هو عم يطبخ لك اياهن جل جلاله الله سخن بالشتاء بارد بالصيف بسكرهن بدسمهن بحلاوتهن تفضل تشرب عمل لك اياهن وحنفية بتنفتح على قد بلعومك الثدي فيه سبع ثقوب إلى 12 ثقب مظبوط من سبعة إلى 12 ثقب لما يولد بينفتح 3 ثقوب بعد شهر بينفتحوا 2 اخرى صاروا خمسة بعد شهرين صاروا سبعة لما بصير عمره 3 شهر بينفتحوا السبعة وممكن عشرة صار يحسن يبلع لو فتحوا العشرة لما كنت انت صغير كان اختنق مين عم يتكفل بهذه الكفالة جل جلال الله على الكرم الإلهي لو قلنا للأم أنت سكري 3 أربعة سكريهم ما بيطلع بيدها لو حطت لهم غري بينزل ما بقى يطلع تنسلخ الحلمة فالله سدهم بفضله فجل جلال الله فإذا التوكل على الله ليس هو توكل جسدي التوكل حالة روحية حالة قلبية وليست حالة جسدية يا ابنى بدكن تنتبهوا لهذه الناحية لما كان التوكل حالة في القلب ما بتوقف الأعضاء ولا بتوقف التفكير ولا بتوقف البصر يبقى التفكير يعمل والبصر واليدين والرجلين كلها تعمل وأما القلب سلم إلى الله عز وجل توكل على الله تسليما له من غير أن يشكو أو يطلب امتى الله بده يفرج عنا امتى الله بده يكشف الكرب عنا امتى هذا ليس متوكل التوكل ما بيقول امتى ما بيقول ليش توكل سلم إلى الله عز وجل. كما ان في بعض الناس مساكين أخذ بحديث النبي عليه الصلاة والسلام لو توكلتم على الله حق توكله أو لو أنكم تتوكلون على الله حق توكله لرزقكم كما يرزق الطير لو أنكم توكلتم على الله حق توكله لرزقكم كما يرزق الطير تغدو خماصا وتعود بطانا تغدو الغدو الطلعة صباحية لما بيطلع صباحا والغدو الرجعة بعد العصر هاي اسمها غدو ففي ناس أخذوا هذا الحديث من غير فهم الله عم يرزق الطير ونحنا بيرزقنا لك يا ابني الطير الله رزقه ما قاعد بعشه والله رزقه طلع من عشه طلع متوكل على الله عم ينطلق الله بيبعث له رزقه قمح ذرة كذا بيبعث له رزقه بيأكل وبيرجع معباية حوصليته فطلع من عشه أما أنت قاعد ما عم تطلع من عشك قاعد بالبيت وبدك مين يدق الباب ويعطيك خبزات ما حدا بيجي بدك تسعى كما قال الله تعالى (فامشوا في مناكبها وكلوا من رزقه وإليه النشور) فلما كان التوكل حالة قلبية ما بتعطل يا ابني الحواس حواس ايدين ورجلين ما تتعطل بدك تشغل رجليك تشغل ايديك تروح وتسعى وتشتغل وين التوكل توكل بقلبك طلعت من بيتك ما عرفان شو الله بده يبعث لك اليوم عنده محل نزل فتح المحل بيعرف كم زبون بده يجي بيعرف مين بده يشتري من عنده فتح المحل توكل على الله فتح المحل لكن يقول لك لا تقعد طول ما لك قاعد تحرك شافوا بعض الصالحين قاعد بالمحل عم يبيع قمح وعدس وحمص فقاعد عم يحرك العدسات ويحرك القمحات يحرك العدس شو عم تعامل قال تعالى: عبدي حرك يديك انزل عليك الرزق، انا عم حرك هو بيبعث الرزق بقى امتى بيبعث عم حرك فأجى واحد اشترى قمح اجى تاني اشترى عدس ثالث اشترى حمص نفق تاني يوم رد جاب غيرهن عم يتحرك متوكل على الله ما عارفان مين بده يجي يشتري هذا التوكل فمسلم بقلبه الى الله الرزق عند الله والله يرزق من يشاء بغير حساب. وكل واحد منكن في عمله ما بيعرف مين اليوم بده يجي لعنده ما بيعرف شو شغله اليوم بينزل متوكل على الله اللهم توكلت عليك بسم الله لما بتطلع من البيت بسم الله توكلت على الله لا حول ولا قوة الا بالله فاذا قالها قال الملك له كفيت ووقيت وهديت الي بيطلع من بيته شو بيقول بسم الله توكلت على الله لا حول ولا قوة الا بالله فيقول له الملك كفيت ووقيت وهديت كفيت الهم بالرزق ووقيت الشر وهديت الى الخير فيقول الشيطان لأتباعه ما تصنعون بعبد كُفي ووُقي وهدي ما بيطلع بيده شي ا تركوه وضلوا ماشيين ما عاد يحسن يقربوا عليه. ما تصنعون بعبد كُفي ووُقي وهدي، تضلونه؟ ما بتحسنوا هُديَ، تقللوا له رزقه؟ الله عز وجل كفاه كُفي ووُقي وهدي. فالمؤمن إذن يتوكل على الله فإن تعسر شيء في عمله فإن تعسر شيء فبتقدير الله ليش تعسر الأمر في تقدير إلهي لو نجح لما كان المراد بالنجاح تعسرت مشان يتحقق شيء. ب تكون انت رايح تجيب غرض رايح بدك تقضي هالشغلة تجيك شغلة تانية رايح على المطبخ بده يجيب أكلة كذا رن التليفون بيرجع على التليفون بينما يروح على التليفون بيروح بيلاقي الأكلة استويت لو أجا قبل 10 دقايق بتكون ما مستوية على النار شغلك حتى يأمن لك الكمال فإن تعسر شيء فبتقدير الله وإن تيسر شيء فبتيسير الله هذا التوكل إن تعسر فبتقديره وإن تيسر فبتيسيره الله يسر لك الأمور وتحقق الآمال والتاني تعسر الأمر حتى تعسر الأمور بتقدير الله رضا الحمد لله لو كان ما تريد لكان هلاكا لكن دائما المريد في سلوك الطريق يا ابني بيصل إلى حد أنا كان مر معي حول سنة سنة كل ما يصير معي أمر قول في حكمة لله في ذلك حكم بدي العمل لفلاني ما صار لله في ذلك حكمة طالب شيء ما تحقق لله في ذلك حكمة بعد يوم يومين يكشف الحق كشف لو صار يلي أنا بدي ياه كان هلاكا فكان منعك الشيء حكمة من الله أنه ما يهلك الإنسان الله أكبر إذن ما أراده الله لك خير مما تريده لنفسك هذا التوكل على الله ما أراده لك خير مما تريده لنفسك سلم إليه سلم اللهم إني توكلت عليك وفوضت أمري إليك وسلمت أمري إليك سلم وتوكل على الله وقالوا علامة المتوكل ثلاث أشياء علامة المتوكل ثلاث أشياء لا يسأل ولا يرد ولا يحبس لا يسأل ولا يرد ولا يحبس هي علامة المتوكل نعم لا يسأل شيئا يستطيع تحقيقه يحسن يشتغل لكن ما يشتغل يسأل الناس هذا ما متوكل على الله سيدنا عمر رأى جماعة كل واحد برقبته في مخلايه حاطت مخلاية برقبته معبيها خبز جابهم سيدنا عمر تعالوا هون خمسة ستة شو هذا قالوا له نحن المتوكلون يا أمير المؤمنين متوكلين على الله سيدنا عمر قال لهم فضوا لهم هالخراج لفوهم للدواب فضا لهم المخلاية قال لهم أنتم متواكلون عم تتواكلوا لستم متوكلين فضي الخراج تبعه مع السلامة هلق توكلوا على الله أما عم تدور على لحمة خبزة من هنا وهناك تشحد من هون ومن هون وانت متوكل على الله ما هذا التوكل مين المتوكل لكن؟ قال الفلاح هذا المتوكل صياد على البحر هذا المتوكل فلاح عم يرمي البزر بالأرض عم يغطيه بالتراب وتوكل على الله فالله ينزل له الأمطار وينبت له الزرع هذا توكل على الله ويلي على شط البحر عم يرمي الصنارة متوكل على الله مع أن السمكة عما تشوف الطعام عم تقع عم تاكل عم تجي الصنارة في حلقها مشان ياكلها توكل على الله لا يسأل السؤال يدل على أنك تحتاج غير الله أما المؤمن لا يسأل إلا الله. لما بتكون مؤمن أن الله معك والثقة لا تنسوا الثقة، الثقة بأن الله مطلع عليك وأن الله معك تتوكل وأنت مؤمن توكلت على الله ولو كان في آخر نفس الله لا ينساك وليش بتتأخر تأخرت النصرة ليش تأخرت حتى يتجوهر تصير نيتك مجوهرة ما تطلب من غير الله ذكرت لكم قصة اللي وقع في البئر ماشي بالبيب طالع على الصحراء بده يربي حاله على التوكل بده يربي حاله على التوكل هو ماشي بالصحراء عم يطلع زحلقت أجره فوقع في بئر البئر مترين مترين ونص لتحت ما عاد يحسين يطلع بئر عريض ما في محل يتمسك فيه ويطلع توكلت على الله توكل وقع مرقوا اثنين واحد حكى له التاني قال لك أخي تعال ما يجي واحد يوقع فيه تعال خلينا نغطيه قال بدي أقول لهم أنك أنا هون يا جماعة طالعوني قال انت نويت التوكل مدام نويت التوكل على الله ما تطلب من الخلق جابوا شفاية غطوا البئر هو تحت ما حكى ضل متوكل على الله صباحا ليلتها ضل بالبئر صباحا ما شاف إلا حبل قبل الفجر حبل طخين تدندل وسمع هاتف عم يقول تمسك امسك بالحبل اتمسك حبل فيه شوية خشونة تمسك انسحب الحبل شوي شوي شوي حتى وصل لتم البئر نط طلع وإذ أفعى طولها 10 متر 15 متر لما شاف الأفعى يا لطيف فسمع هاتفا يقول له لما توكلت علينا أنجيناك من الهلاك بالهلاك لما توكلت علينا أنجيناك من الهلاك لو ضل بالبئر بده يهلك بالهلاك أفعى طالعه بأمر إلهي طلعي طالعته توكل على الله فالله طالعه من البئر هذا صعب على فضل الله لا يا ابني. في أمور بتصير في الحياة الإنسان ما بيقدر شلون صارت تقدير الله عز وجل فالمتوكل لا يسأل يتوكل على الله طيب إذا كان لا يسأل قال ولا يرد إذا أتاه شيء من عند الله ما بيرده هاي صفة يا ابني المتوكل أتاه شيء واحد قاعد أجى واحد قال له هاي هدية مني ألف ليرة هدية قال له أعوذ بالله أنا ما بأخد من حدا أنا ما بطلب من حدا قال له يا ابني هدول هدية مني قال له أنا ما بأخد قال له أنت ما لك متوكل على الله ما لك مؤمن النبي عليه الصلاة والسلام قدم لسيدنا عمر مال مبلغ سيدنا عمر قال له يا رسول الله لست بحاجة أنا ما بحاجة لو تعطيه لغيري يكون أحوج مني فتأثر النبي عليه الصلاة والسلام قال يا عمر إذا أتاك شيء من غير طلب منك ولا استشراف نفس ما أنت عم تقول شو بدنا ناخد قدي بدن يعطونا إذا أتاك شيء من غير ما تطلوب فخذه ولا ترده فإنما ترده على الله الهدية لا ترد مهما كانت لا ترد فإنما ترده على الله فسيدنا عمر قال ما رددت بعدها شيئا شو بيجي أنا رضيان الهدية لا يكون لك طلب فيها ما أنت تطلبها ولا تنظر لها أنه بركي بتصير إلي الهدية تأتيك من غير طلب منك أما إذا أنت طالب بعض الأوقات بطلب من بعض الإخوان يقول لا هذه هدية لا يا ابني تأخذ قيمتها أنا طلبتها يلي أنا بطلبها بتأخذ قيمتها يلي أنت بتجيبها من غير طلب هذه الهدية بيقبلها منك واحد جايب شوي تمر هذول الهدية على عيني بقبلهم طيب لو واحد جاب لي صندوق دهب وقال هذا هدية ما بقبله بدي عارف من وين جايبه من وين جايبه صندوق دهب إذا كان هو مصمده هو جايبه وأثبت لي ذلك وهدية بسم الله باخده بحطه للجامع نحن بحاجة الآن لبناء الجامع أما واحد جايب مال ما بقبل الهدية على قدك بدك تهدي أما واحد يهدي أكبر منه هاي الهدية أكبر منك معناتها فيها شيء. مرة واحد جاب مبلغ بعرفه فقير يعني ما فيه جايب لي مبلغ شو هذا يا ابني قال هذا هدية قلت له يا ابني رجعه للذي أعطاك ياه روح قل له الشيخ ما بيأخذ من حدا أعطاني قلت له رجعه للذي أعطاك ياه باعتينه مشان يشوفوا الشيخ بيأخذ مال ولا ما بيأخذ مال روح رجعه له قال هي هدية قلت له هذا ما هدية هذا فحص وامتحان روح رجعه بيجيني بعد ثلاثة أربعة أيام بيقولي والله يا شيخي والله أنت والله أنت نفذت حالك كانوا حاطين لك فخ أنه قبض مبلغ يا ابني الله يوفقنا ويوفقكم للحقيقة يا ابني التوكل على الله الله يرضى عن سيدنا أبو حنيفة كان لما يدرّس يمد أجره كان يمد أجره فبعض الأمراء بعت له مبلغ فأبو حنيفة رده قال له روح رجعله ياه وقل له الذي يمد رجله لا يمد يداه الذي يمد أجره لا يمد يداه روح رجع له ياه فقال صدق من قال أن أبا حنيفة ملك الدنيا وما ملكته الدنيا ملك الدنيا يرد على الملوك نعم لأن الملك بده يشتري بهذا المبلغ أحكي مثلما بدنا واحكم مثلما بدنا قال له لو ردله أنا حر العالم ما بينباع بالمصاري قال إذا أجاك شي هديه واحد قاعدب بيته وندق الباب جيراننا حبينا لكم صحن الطعام قال له مين قال لكم نحنا شحاديين رجعه رديته رديته على الله الله كاتب لك الرزق خده الهدية لا ترد وكان نبينا صلى الله عليه وسلم يقبل الهدية ولا يقبل الصدقة الصدقة ما بتجوز له لكن هدية يقبلها الهدية بتطلع من محب يجوز أن تهدي أخاك بأي شي هدية ما في مانع لكن على مقدار الحاجة أما أنت تتدين مشان تعطيه هدية فهذا لا يجوز شرعا. فلا يسأل ولا يرد ولا يحبس هذا التوكل شو زاد عنا أكل خبوهن لبكرة بلكي بكرة ما أجانا أكل بلكي بكرة ما طبخنا بكرة زاد شوي خبوه لبعد بكرة هلق صار فيه براد يخبي لتاني يوم لتالت يوم المؤمن كل يوم له رزق خاص كل يوم فيه رزق خاص يوم أكلت متبل بكرة بتأكل مسبحة بعد بكرة بتأكل كشكة كل يوم فيه له رزق خاص يلي زاد طعمي عم يخلي أول يوم تاني يوم ثالث يوم خامس يوم عفنوا انتزعوا كبوهن بينما يا ابني المؤمن ما زاد أطعمه والله تعالى لا ينساك. فعلامة المتوكل لا يسأل ولا يرد ولا يحبس يعني ما بيخبي شي هذا قديش الناس عم يخبي الأكل كم يوم عم يضل بالبراد شراب عم يساوي شراب عم يحمض بالبراد بيكبه ولا بيطعمي لغيره ولا بيسقيه لغيره فهذا الإنسان عاشق للدنيا وحباب للدنيا شو بيزيد طعمي غيرك والمتكفل الله يعني فإذا جينا نحن للتوكل يا ابني التوكل إذن وكل الله فيما تريد أنت تريد مثلا في الحياة طالب بكالوريا بده نجاح طالب بكالوريا بده ينجح وعم يدرس فبيقلك يا ابني ادرس أول شيء في الدراسة تنظيم الزمن تنظيم الوقت هاي أول شيء نظم وقتك ثاني شيء عين 3 ساعات دراسة 4 ساعات دراسة طيب هي عيننا الوقت نظمنا الوقت عيننا الدراسة توكل على الله كل ما درست تقول اللهم إني أستودعك ما حفظت اللهم إني أستودعك ما حفظت فاردده إلي عند حاجتي إليه. درس وحفظ أجى أيام الفحص لا تخاف ادخل على الفحص وكلك ثقة بالله اعتماد ادخل على الفحص بيقعد بالقاعة اللهم اردد إلي ما حفظت اردد إلي شو قاله إني أستودعك ما حفظت اللهم اردد إلي ما استودعتك فيرد الله عليك علمك وحفظك فبيأخذ درجة جيدة هذا التوكل درس نظم هذا توكل. اما اطلع بالكتب يلي قراها قلب بالكتاب خلاص الله بيفتح علينا وراح على أساس الله يفتح علينا لا دارس لا منظم وقته والله بيفتح علينا بيفتح عليه الباب طالعوه برا من الباب طلع بيحرموه الفحص ليش لأنه منه مهيئ السبب هيئ الأسباب ثم توكل على الله من علامة التوكل يا ابني من علامة التوكل ان ترضى بقضاء الله يقول احدهم توكلت على الله وكذب لو توكل على الله لرضي بما يقضي الله كان رضي انسان قاعد ما حس الا آلام ببطنه الام اوجاع فز لعند الدكتور الدكتور سأله صار معك كذا كذا نعم قال له على عملية دغري هاي الزايدة وجع بطن عملية دغري شو عاملين انتم أطباء بس بدكن تعملوا جراحة بس لك يا ابني آمن بالقدر ارضى بقدر الله ما بدي اعمل عملية طيب انفجرت الزايدة بعد ساعة على المقبرة ليش ما لانه ما توكل على الله ما رضي بقضاء الله قضاء ممكن يأتيك بغير ارادة بغير علم ساعة وانت قاعد مغص الام اوجاع دخيلكم دغري على المستشفى ما بعمل عملية الدكتور بيشممه بيقول له شم هالاطراف شممه خدره ابرة وعمله جراحة بيفز ليش هيك عملتوا اه ايه لولا جراحة لحتى تسكن المقبرة كنت فا بدك تؤمن بالقدر الرضى بقضاء الله هذا علامة توكل اما هذا متوكل على الله وما امن بالقضاء فهذا كاذب غير متوكل فدائما يا ابني اذا اصابك شي توكل على الله في الامر كله فما خاب حقا من عليه توكلَ ابدا لا يمكن للانسان ان يخيب اذا توكل على الله عز وجل. توكلك على الله هل انت واثق بان الله عز وجل يعلم حاجتك شو رأيكم؟ واثق ان الله يعرف شو بدك انت واثق ان الله يعرف ما انت فيه؟ نعم فسلم سلم الى الله من غير اضطراب القلب استسلام انا عبد الله يفعل بي ما يشاء امرني فامتثلت امرني ان اقرأ باقرأ امرني اعمل باعمل امرني اشتغل بيشتغل اما شو مخبىالي؟ هلق نحن اصبحنا الله يديم علي وعليكم العافية لكن مين منا بيعرف اليوم شو مكتوب علي؟ شو كتب علينا اليوم ما منعرف نسأل الله اللطف والعفو والعافية ممكن واحد ماشي في الطريق تطرقه سيارة ممكن يتزحلق يسقط على الارض يجلس على الحجر صار معه ارتجاج دماغ ممكن ولا ما ممكن ممكن. ممكن يقع على الارض ينكسر فخذه يسحبوه على المستشفى جفصنة حطوه بالتخت 40 يوم مسطح لك يا جماعة دخيلكم توكل على الله فالمتوكل على الله يا ابني يرضى بقضاء الله ولا ينتقد على تقدير الله ليش هيك الله عمل هذا ما متوكل شو عاملين شو عاملين له هذا ما متوكل المتوكل الحمد لله رضينا بقضاء الله. سيدنا إبراهيم خليل الرحمن أعظم إنسان أتى محب لله عز وجل سلط عليه النمرود نمرود عامل حاله إله سلط عليه احرقوه اشعلوا النار احرقوه ما قال ليش شو عامل انا هذا اللي بحب الله هيك بيعملوا فيه اجا سيدنا جبريل قال له عايز شي؟ حسبي من سؤالي علمه بحالي ما هذا يلي قاله قال حسبنا الله ونعم الوكيل حسبنا الله ونعم الوكيل ع النار عالنار راضي فلما رضي حول الله له النار الى نور( يا نار كوني بردا وسلاما على إبراهيم) انقلبت النار الى نور هذا التوكل على الله يا ابني توكل على الله هذا التوكل الله بيبدل؟ نعم كم من انسان حكموا عليه بالاعدام وهو بريء واخدوه صباحا على المرجى حاطين المشنقة طالعوه على الكرسي وحطوه الحبلة برقبته وهو يقول اللهم انك تعلم باني مظلوم مظلوم طالعوه ادفش الكرسي دفش الكرسي وانكسرت المشنقة سقط والقانون اذا انكسرت المشنقة او انقطع الحبل بيطلع براءة طلع براءة شلون تنكسر المشنقة المشنقة والله مربطينه في الله يا ابني في الله براءة قال لهم الله ما بيظلم انا مظلوم الله ما بيظلم هذا اللهم انك تعلم اني مظلوم ما دامك مظلوم قال له انا بعرف انك مظلوم اكسروها انكسرت المشنقة وسقط على الارض وما فيه شي ممكن هذا؟ ممكن يا ابني ممكن وقصص في حياتنا لمن توكل على الله قصص كثيرة وما اعظم ما يبتلى الانسان في الحياة فاذا كان راضي عن قضاء الله فالله يخرجه كالشعرة من العجين واحد حكم عليه بالاعدام قاضي حكم عليه ان يعدم قال له يا سيادة القاضي انت متيقن ان انا يلي قاتل قال له ثبت عندي ان انت قاتل قال له اقسم بالله باني انا هذا ما قتلته لكن انا من عشرين سنة قتلت واحد هلأ اجا التنفيذ القضاء هذا التنفيذ مو لهاد انا من عشرين سنة قاتل واحد ظلما فاليوم اجا تنفيذ القضاء فانا راضي بقضاء الله اما هذا ما انا قتلته دوروا على القاتل اعدام اعدام بس ما هاي من هون من عشرين سنة قاتل قتيل الله اكبر قال جحي واحد تعدى عليه جحي رفع يدي قال الله يكسر رجله بعد اربعين سنة ضحكوا الناس بعد اربعين سنة؟ قال هيك جاي على بالي فالرجل هو ماشي مافي مشي تزحلق انكسرت رجله قالوا له يا جحي تعال شوف الله هلا استجبلك الدعاء يكسر رجله قال له لا يمكن واحد داعي عليه قبل مني انا بعد اربعين سنة هاي الدعوة تبع غيري اما انا بعد اربعين سنة داعي ان تنكسر رجله بعد اربعين سنة. الله ما بضيع يا ابني فالتوكل ثق بالله واعتمد على الله هيئ الاسباب وتوكل على مسبب الاسباب واحد قاعد بالبيت نزلت المطر وقع عليه السقف وانا اخي توكل على الله ماعليشي حطو طشط هون طشط هون طشط هون طيب مع هذا التوكل يا ابني جيب الطيان جيب خليه يبلط لك السقف بلط السقف هذا التوكل على الله اذا قال اخي خليها على الله وتوكل على الله بيدلف السقف بيتعب السقف بعدين حيطان بتشقق بعدين بيسقط السقف فوقه هذا يا ابني هذا اصل بالتوكل التوكل تهيئة السبب فدائما اعرفوا يا ابني ان الانسان اذا توكل على الله يهيئ الاسباب عم بحكي اليوم عن التوكل على تهيئة السبب عم بحكي لكم التوكل الظاهر اليوم التوكل القلبي غير التوكل الظاهري لان التوكل اولا بده يبدأ بالظاهر فاذا توكلت بظاهرك بعدين بيصير التوكل بالقلب هذاك ما تملك هذاك بيسلم الكل الى الله والله تعالى لا يضيع عبدا توكل عليه ومن يتوكل على الله فهو حسبه يعني يكفيه (ومن يتوكل على الله فهو حسبه ان الله بالغ امره قد جعل الله لكل شيء قدرا) جل جلال الله لذلك ورد في الحديث اكتبوا ها الحديث طويل شوي لكن لازم نحفظ مين حيكتب فيكم اليوم الله يفتح عليكم الله يرضى عليكم يلي ما عم يكتب يتدين ولو ورقة من جارك اكتبوه لانه هذا ما كل مرة بيمر معكم يقول الله في الحديث القدسي يا ابن آدم ان رضيت بما قسمت لك ارحت قلبك وبدنك وانت محمود راحة بقلبك وراحة ببدنك وانت محمود يعني تؤجر على ذلك. يا ابن آدم ان رضيت بما قسمت لك ارحت قلبك وبدنك وانت محمود وان لم ترضَ بما قسمت لك سلطت عليك الدنيا تركض فيها ركض الوحش في البرية وعزتي وجلالي لا تنال منها الا ما قدرت لك وانت مذموم يعني مرتكب الذنب مرتكب الخطيئة.