نحن لا نزال في شروط المريد أخذنا منها من حافظ قصد صحيح وصدق صريح وآداب مرضية وأحوال زكية وختمناها بحفظ الحرمة اليوم عندنا بتوفيق الله تتمة الشروط أولا رفع الهمة والهمة تدخل في كل أحكام الشريعة وفي كل مسيرة المسلم في فهم الإيمان أو فهم الإسلام أو فهم الإحسان. فهم الإيمان بالمغيبات تحتاج إلى همة الإيمان بالله وملائكته وكتبه ورسله وباليوم الآخر تحتاج إلى همة نفسية وروحية والإسلام تطبيق أحكام الشريعة كذلك تحتاج إلى همة في تنفيذ ما أراد الله جل وعلا والإحسان وهو طريق الوصول إلى الله طريق معرفة الله وهذا يحتاج إلى همتين همة الأبدان وهمة الأرواح فمريد لا همة عنده لا وصول له ولو بذل مهما بذل المريد الذي يظن أنه إذا حضر عند الشيخ يصل إلى مقام الوصول بمجرد الحضور فهذا أخطأ الطريق ولا يصل لا بد من همة مريد الهمة الروحية أن لا يلتفت إلى السوى الهمة الروحية أن لا يشغل بغير الهدف وأما الهمة الجسدية فالمتابعة والسير على نهج الذكر والتلاوة والمحبة وهذه من آداب الجسد فكلما صدق المريد بعلو همة أكثر كلما بلغ الوصول أكثر وقد قالوا من قبل الطريق لمن صدق لا لمن سبق ممكن واحد يكون له خمسين سنة بالصحبة ويجي واحد سنة واحدة صاحب همة فيدرك ما لا يدركه من سبقه بخمسين سنة الطريق لمن صدق لا لمن سبق صدق في الصحبة وصدق في المحبة وصدق في الذكر هذا الذي ينال الطريق لذلك نذكر حديث في ذلك يجب أن تنتبهوا لهذا الحديث ورد في الحديث القدسي في حديث النبي عليه الصلاة والسلام قال صلى الله عليه وسلم: أفضل الناس من عشق العبادة فعانقها وأحبها بقلبه وباشرها بجسده وتفرغ لها فهو لا يبالي من الدنيا على يسر أم على عسر ، ممكن أول مرة تسمعوا هذا الحديث يسرت عسرت ليس سائل عنها هو في حالة عبادة وتقرب إلى الله فهنا العشق حالة من حالات الروح والمعانقة حالة من حالات الجسد أحبها بقلبه هذا روحا وباشرها بجسده هي جسدا هذا المريد صاحب الهمة صاحب الهمة اللي بيكون له الروح والجسد الاثنين يمشي فيهم سويا الروح حب وعشق والجسد مباشرة وعمل بالإثنين هذا الذي يصل بسرعة وبفضل الله وبتوفيق الله أما مرة عنده همة ومرة ما فيه همة ومرة تعبان ومرة والله منروح نشوف اليوم شوفو شو رح ناخد ومرة اليوم هذا لو بيقعد خمسين سنة لا يصل ما دام اليك ميل ذات اليمين أو ذات الشمال لا تصل ما لم تسدد الهدف وتعطي الهمة ثم بعد الهمة في عزيمة ما فقط الهمة همة هيجان في الجسم هيجان في الروح حتى تنطلق أما العزيمة أن تكون مصمم على الوصول تصميم على الوصول فإذا عزمت فتوكل على الله ما فيه أنه خلاص بعدين لما في غزوة أحد صلى الله على رسول الله جمع الصحابة قال لهم شو رأيكم انتم بالبيوت وندافع إذا فاتوا على المدينة النسوان والولاد بالحجار يضربوهم نبقى نحن بالبيوت ما منقاتل الشباب اللي فاتتهم غزوة بدر قالوا له لا بدنا نقاتل بدنا نفكش رقبتهم بدنا بدنا هو أدرى منكم بتجووا انتم تفرضوا رأيكم على النبي؟ لما فهموهم قالوهم استغفر الله لما طلع النبي قالوا له يا رسول الله نحن غيرنا رأينا ما بدنا نقاتل فقال النبي ما كان لنبي لبس حزامة الحرب ثم نزعها حتى يحكم الله بينه وبين عدوه خلص ما بقى في رجعة لبست ما بقى في رجعة (فإذا عزمت فتوكل) هيك بدكن امشوا صلى الله عليه وسلم فدائما لابد للمريد من الهمة نار تغلي في القلب هي الهمة نار تغلي في القلب كان الله يرحم والدي يحكي لي اياها كان يقول لي يا ابني لا هي من جود ولا هي من موجود هي حساسية بتضرب تحت جلود هي همة الواحد همة بتكون بيفور بيغلي غليان بده يحقق الشيء هذا ركز العزيمة ركز الهدف ركز المسيرة اما بالطريق تلف عاليمين او تلف عالشمال بتروح عليك النجاح لابد اذا من رفع الهمة اولا وهو ان يكون القصد محقق للانسان همة ثم بعد ذلك تكون العزيمة بدوام السير حتى يصل الى تحقيق الهدف فليس الطريق اذا يا ابني اماني وليس الطريق امان ان شاء الله ان شاء الله وليس الطريق دعوات اللهم واللهم وليس الطريق رغبة ثم بضيعها الطريق همم وعزائم تحقق الوصول الى الأهداف. جاءني مرة اخ بده يشوف النبي عليه الصلاة والسلام قلت له انت تتوقف عليك انت بدك؟ قال لي أي بدي قلت له اذا بدك ورجيني الهمة اذا فيه همة بتحقق املك قال لي شو الهمة؟ قلت له كل يوم بدك تصلي على النبي عليه الصلاة والسلام 6000 مرة قال لي كيف؟ قلت له غير اوقات العمل، اوقات العمل 8 ساعات 8 ساعات تانية صلاة على النبي اول يوم تاني يوم اجا لعندي قال لي والله شي متعب. قلت له لن تراه اذا ما لقيتها أعز الك من الدهب والجوهر ما بتصل. من يخطب الحسناء يعطي مهرها واحد بده يتزوج ملكة الجمال بدفعلها 100 ورقة 1000 ورقة؟ بدها 10 مليون بده يدفع 10 مليون من يخطب الحسناء يعطي مهرها انت خاطب سيد الكون سيدنا محمد صلى الله عليه وسلم شد لشوف شد وبذل واستعد شهر رأى النبي عليه الصلاة والسلام 3 مرات لكن مرة من 3 مرات انشرح صدره رأى النبي وعانقه وقبله وقال له انت حبيبي في الدنيا والاخرة شو بتسوى هي؟ هذا ابني اللي بده يصل بده يعطي همه اما بده يصل وما في همة أو همته همة أطفال بيلعب باللعبة حتى تنكسر بيتركها هذا ما بيصل بحياته رفع لهمة يعني رفع همة المريد ذكر ما نص ساعة ساعة وساعة ونص وساعتين هون ما أنت ملازم للذكر خليك عم تذكر صار معه جفاء صار معه قسوة ما عاد حس بشيء هلأ وقت الذكر هذا وقت الذكر إبني أما الذكر هو وقت اللي صار له فتح قعد ذكر وقت صار قبض ترك الذكر هذا بحياته ما بيصل يا ابني النفع للمريد ما هو بحالة الفتح النفع للمريد حالة القبض لما بصير معه قبض جفاء منك حاسس منك شاعر هذا وقت الذكر يا إبني الفتح في ساعة القبض خير من الفتح في ساعة العطاء هذا المريد اللي بدي يتذوق ليش؟ لانه لما منع عنك بقيت عالباب عالباب أنا عالباب لن أبرح الباب حتى تصلحوا عوجي وتقبلوني على ذلي ونقصاني عالباب ما بفارق الباب طيب ورد وفي بعض الحديث يقول الله تعالى يا جبريل انسخ حلاوة العبادة من قلب عبدي انسخ متعبد صالح ذاكر فيصبح العبد ولهانا شو صاير ذاكر الله وين الحال وين ذكري وين كذا انسخ الحلاوة نسخ الحلاوة فيقول الله تعالى وهو العليم يا جبريل ماذا صنع عبدي؟ نسخت الحلاوة نعم شو عمل فيقول يا رب ما زال واقفا على بابك ذاكر محب ولهان اتركه خليه جمعة جمعتين شو عمل؟ عالباب ما بفارق فيقول الله تعالى يا جبريل رد إليه ما سلبت منه وزده لأنه عبدي حقا عبد حقيقي عطيه وزده ما دام ما انقطع متى ما ضل واقف عالباب أما الذي ما بيفرح إلا بالعطاء إذا حطينا العقدة بوجهه زعلانين مني ما بقى بده لا هذا مو محبة المحب يلي بيحبك وقت زعلك متل ما بيحبك وقت فرحك ما بيتغير عنك لأنه ما حب جسدك ما حب عقدتك حب قلبك وحب روحك فإذا حب الروح والقلب القلب والروح ما بيتغير قلب منور لو حط العقدة ما معناتها القلب اسود ما معناتها القلب تغير لا يا ابني القلب لا يتبدل ولا يتغير فكون يا ابني انت مع أصحاب القلوب كن معهم على حال الروح لا على حال الجسد. فلما بيكونوا بحالة روحية وان كانت حالة قبض انت لا تنظر إلى قبضهم انظر إلى قلوبهم دائما في حالة القبض غفل عن الله ولا مع الله مع الله فانت شو بدك تعكر وجهه ولا ما تعكر تغير ولا ما تغير انت بدك قلبه مع الله ما عم يغيب عن الله خليك مع قلبه مددك من القلب ما من الوجه مددك من الروح ما من الجسد خليك مرتبط يا ابني فصاحب الهمة إذا يعشق العبادة ذكر يعشق الذكر لأنه مجالس للمذكور فإذا كان الذكر مجالس للمذكور يعشق الذكر دائما ذاكر ليل نهار ما عم يفضى من اين يفضى يا ابني كيف يفرغ يا ابني من كان فقيرا وفتحت له أبواب المال؟ بيفضى؟ دخلناه على الكنز وقلنا له الكنز أمامك فقير ما بحياته ما شايف المال قلنا له خد ياخد خمس ورقات ويضل ماشي؟ فات أخد من الدهب ياخد من الفضة أخد من الألماس أخد من الياقوت أخد خذ قد ما بدك بيعبي جيبة ولا جيبتين بيعبي جيبة هون وجيبة هون وجيبة جوة وجيبة هون وإذا معه كيس بيعبي كيس وإذا معه خرج يعبي خرج فتحوا لك الباب وقال لك عبي قد ما بدك خد فضل الله هكذا يا ابني فضل الله مثله لنا النبي عليه الصلاة والسلام بالبحر عبي من البحر قد ما عبيت من البحر ينقص؟ عبي أرأيتم ما أنفق منذ خلق السماوات والأرض ما نقص ذلك مما عنده إلا كما ينقص المخيط اذا ادخل البحر إبرة ونزلت بالبحر شو حملت هذا كل اللي الله أنفقه من يوم خلق السماوات والأرض هالنقطة شو هي أصلا البحر فضل الله هيك يا ابني فلذلك إذا فتح وقال لك خد عبي ومهما عبيت بتكون ناقص ومقصر وتحمل الكل ما بتحسن إلا في حالة واحدة ممكن يحمل الكل؟ ممكن متى؟ لما بتصدق بحب صاحب الكنز لما بشوفك صادق يقول لك هذا كله لك يترك لك إياه هذا كله لك ما دام صدقت في حبه بملكك ملكه. الله أكبر وين أهل الصدق؟ سيدنا أبو بكر صدق في حب رسول الله لكن شو أدرك أدرك بس يا ترى مكة والمدينة؟ أدرك الجزيرة العربية من حضرموت إلى الشام إلى اليمن هذا كله صار ملك سيدنا أبو بكر الصديق سيدنا عمر صدق في الحب جابوله دهب ومجوهرات بالكياس ورجعها رجعوها مال خذ، لا اعطوها للمحاربين هاي البطولة طيب ليش ما أخد لو أخد ما احسن؟ لا يا ابني يلي محصله سيدنا عمر أغلى من كل المجوهرات لو الدنيا كلها مجوهرات بيشوفها مثل الحجار لكن حصل في قلبه من مهابة الله ومن جلال الله ومن محبة الله ما أغناه عن كل الوجود هي يا ابني همة المريد انتو عم تجوا للجامع ما جاي يا ابني على البركة منا جايين للبركة نتبرك منا جايين مشان نسمع إذا ما بدك تشتغل يا ابني لا تجي إذا ما بدك تكون من أهل الهمة لا تجي لأنه ما بتنتفع حضرنا وسمعنا لا تخلي المجلس يصير عليك حجة بين إيدين الله يا بتعمل يا أما لا تجي إنت ما عندك استعداد الوصال يا ابني بده رجال الوصال بده (رجال لا تلهيهم تجارة ولا بيع عن ذكر الله) هدول اللي بده يصل يا ابني أما بده يصل هو على كسل وتنبلة وما فيه همه بحياته هذا ما بيصل هذا له فقط صحبة صاحب له فضل النظر له فضل المجالسة أما فضل الوصال ما بيحصله والوصال ما تظنه مكان يا ابني لا يصل الإنسان إلى المكان تعالى الله عن الزمان وعن المكان. الوصال وصال روح بهيبة وعظمة لا وصال مكان والرضا ليس هو عطاء مال أو جاه الرضا هو اصطفاء واجتباء يصطفيك من الخلق ويجتبيك من بين الخلق ليجعلك من المقربين المحبوبين. فتحتاج إذا إلى همة وأن يكون قصدك مولاك القصد هو الله أما إذا كان قصدك مال أو قصدك دنيا روح يا ابني لست من أهل الطريقة لست من أهل الوصال دنيا أو مال هذا الأطفال يحصلون نحن هلأ يا اخواني في زمن بدكن تكسبوا منه النفس الأنفاس أغلى من الألماس عند أهل الله الألماس قديش غالي النفس أغلى منه يا ابني موجود عندنا كيلو ألماس اللوزة من الألماس عم يطلع حقها عشرة مليون دولار قد اللوزة ألماس عشرة مليون دولار الله أكبر فإذا كان كيلو ألماس قديش حقه؟ نفس أغلى منه نفس في الله في ذكر الله في حب الله أغلى من ألماس الكون. فهكذا المؤمنون يا ابني ما بيضيع على حاله نفس من الأنفاس فدائما في حالة وصال. إذا أردنا أن أذكر لكم مثال في ذلك تقريبا للفهم المثال يقرب الفهم المثال لما ذو القرنين أتى من المغرب وأراد الوصول إلى المشرق هو وجيشه يفتح المشرق مر ببلدة يقال لها بلدة الظلمات كلها مظلم لا يوجد ضوء ليلهم ستة اشهر ونهارهم ستة اشهر وصل إلىها بأيام الليل كله مظلم ولا يوجد ضوء فقال للجيش أنتم في أرض من حمل منها ندم ومن لم يحمل منها ندم منتبهين فانقسم الجيش ثلاثة اقسام منهم قال ندم ندم عبى الخراج وعبى الجيب عبى والثاني ال ناخد شوي عبى جيابه ومشي الثالث قال اذا في ندم مشان شو بدنا نحمل ما بده يحمل. فلما طلعوا من الأرض إذا بحجارة تلك الأرض كلها مجوهرات الياقوت والزمرد والألماس وكذا فاللي عبّى الخراج قال يا ريت عبّينا الخرج التاني يا ريت عبّينا الخرج التالت عبّى خرجين ما كفى فبقى الخرج التالت يا ريت ندم يلي ما زود ويلي عبّى جيابه وقال ايه يبدحريشك شو ما فيك فهم لك شو كان بصرلك لو عبّيت الخرج كمان التاني ندم. أما يلي ما طالع وما حمل ابدا راحت منه شو ما عبّيتوا؟ أشقياء ضاع منهم هذا مثالنا يا ابني نحن هلق في الدنيا تكسب أنفاسك تندم يلي ضيعت وقت أكلك وشربك هذا كسب أنفاسه في ليله في نهاره دايماً نية صالحة وعمل وذكر لكن وقت طعامه وقت شرابه وقت رفاقه وأصحابه انشغل شوي فيندم يا ريت ما تعرفت على حدا وضليت دايماً غرقان في ذكر الله ويلي عم يذكر ويشتغل وعم يذكر يا ريتني تركت الشغل وتركت الكل بس اشتغلت في الله لأنه الحياة يا ابني حياة بالآخرة ما هي حياة ضحك خالدين فيها خالد في حياة اللبنة يا إخواني اللبنة والله أد هالجامع اللبنة الواحدة وهذا اللي الله عز وجل ورجاني إياها أد هالجامع من ياقوت اللبنة الثانية من زمرد والله أد هالجامع اللبنة القصر عرضه ستين ميل يعني 100 كيلومتر عرض القصر عرض الغرفة الواحدة هذا النبي وصفها الغرفة في الجنة عرضها ستون ميلا هي طول أديش ستين ميل يعني مائة كيلو متر عرضها هي الغرفة أنا في المدينة المنورة وهذا فضل الله عز وجل كان معي الأحباب الله يرضى عليهم رأيت هالقصور هي شي يكاد ألا يصدقه الإنسان اللبنة هلقد القصر قصرين تلاتة كم قصر؟ تلاتة وسبعين قصر لكل واحد من اللي معه قصر لما طلعنا من الحرم ناديت للاخوان كم واحد اللي جاي معنا فكروا حسبوا قلت لهم تلاتة وسبعين والله تلاتة وسبعين واحد قلت لهم أبشروا الحمد لله تلاتة وسبعين واحد كل واحد له قصر اللبنة قد هالجامع الله أكبر زمرد كله ياللي بيقعد من هون بيشوف اللي وراه مثلا المسبحة البيضاء وينها؟ يلي سبحت فيها بين الخيط فيها هذا صفاء من هون بيشوف اللي جوه واللي جوه شايف اللي برا الله أكبر شو هالعطاء هذا كل واحد له قصر نعم كل واحد له قصر قديش طول القصر قديش حد القصر قديش ارتفاع القصر ارتفاع القصر قديه الله أكبر شو هالمنظر هذا يا ابني اللي بده يصعد فبدك تصعد بدك همة وعزيمة فواحد اشتغل وواحد نشغل وواحد قال أخي من هون اليوم الله بيدبرها عم نقول لا إله إلا الله وماشي الحال بيصل لهنيك رفيقه أخد القصور رفيقه الثاني أخد هو وين تحت ماشي حالي ماشي حالي تعيس في الدنيا ما في تعاسة في الآخرة لكن وين يا ابني كرامة بينما تكون قريب من مقام الرسول الأعظم كيفما التفت ترى رسول الله في مقام الوسيلة مقام الوسيلة كل أهل الجنة بيشوفوه صلى الله عليه وسلم أجيبكم مثال لها كمان مثال جميل في عندنا في البلد السبع بحرات تعرفوا السبع بحرات طيب إذا واحد نازل من هون وقف عند المزرعة بيشوفها؟ نعم وإذا واحد جاي من الشهداء بيشوفها نعم وإذا واحد جاي من ناح شارع بغداد بيشوفها من ناح الأصع بيشوفها من ناح المحافظة بيشوفها من ناح البرلمان بيشوفها مقام الوسيلة وسط الجنة وأعلى الجنة فكل أهل الجنة يرون الرسول الأعظم صلى الله عليه وسلم فبينما تكون قريب بينما تكون بالطابق التحتاني انزل ما لك همة تطلع لفوق وهمة يقول إذا الله يحطني بباب الجنة أنا راضي تضرب على هيك همة يلي بيطلع آخر واحد من جهنم راضي ضل على باب الجنة بيفوت لجوا الحياة يا ابني ليست هي حياة نعيم وأكل وشرب إنما هي حياة نظر إلى وجه الله مجالس لسيدنا رسول الله حياة لا توصف ولا يمكن للعقل أن يحيط بها ما لا عين رأت ولا أذن سمعت ولا خطر على قلب بشر. لذلك ابني بدها همة لو بلغت من العمر 100 سنة تبقى همتك همة الشباب همة بدك تصعد يلي بده يصعد ما بيتعب بيعود بالطريق بيقى خطوتين وراء خطوتين وراء خطوتين يصعد فأولا رفع الهمة رفع درجات الهمة يا ابني في نفسك في ليل في نهار في صباح في مساء عمل ذكر حب أديش بدنا نذكر؟ وقت فراغك قديش وقت فراغك اذكر الله وقت فراغك وقديش بدي صلي على النبي عليه الصلاة والسلام وصلي على النبي عليه الصلاة والسلام وقت فراغك في طريقك في عملك وقت فراغك. يا سلام يا رسول الله كم اجعل لك من صلاتي? قال ما شئت. قال له اجعل لك ربع صلاتي. يعني ربع وقتي ربع يومي. قال ما شئت وان زدت فهو خير. قال ثلث صلاتي. قال ما شئت وان زدت فهو خير. ثلثين صلاة. قال له ما شئت وان زدت فهو خير. قال اذا اجعل لك صلاتي كلها. كل اوقات بدي اشغلها. قال اذا تكفى همك ويغفر ذنبك.. يعني معناتها المؤمن حتى يصل بده همه. اعطي همة لشوف. جيب بحصل ما لا يحصله اصحاب الكسل ولا اصحاب الامل ولا اصحاب الاماني. بالاماني لا يصل ان شاء الله بنصل. نحن عم ندرس نحن عم نقرأ نحن عم نذكر بيمسك المسبحة لا يذكر نصها نوم ونصها وساوس. هذا ذكر؟ هذا ابني رفع الهمة عند الذكر اقطع كل الصلات لا صلة بأحباب ولا صلة برجال ولا صلاة بأحد. الذكر خالصا بالله. فانقطع عن الكل وابقى مع الله. طيب والرابطة ننتركها يا ابني الرابطة حتى تجمع قلبك لما بتحس انه قلبك لح يتشتت وتنشغل عن التقرب الى الله ترتبط بالشيخ حتى تجمع قلبك. فاذا جمع ادخل على الله. ما في شيخ. ادخل على الله. فمتى تجمع القلب ما بقى فيه ميول لهون وهون ادخل على الله بقلب حاضر منفرد. انا الفرد عند الموت. والفرد في البلاء. واحشر فردا فارحم الفرد يا فرد. واحد ما ما في اتنين. ان الله وتر يحب الوتر. اما اتنين مرفوض. واحدك. هون فرغ القلب وانشغل بالرب ولا تلتفت يمينا ولا شمالا ولا يميل الى قلبك شيء من احياء من الحياة وساوس خطرات مال اترك الكل يا ابني. لذلك قالوا رضي الله عنهم بعض المريدين لما قالوا له يا شيخي والله ما عم نحسن. عما يجينا خواطر. قال له يا ابني اعتبر نفسك مت. اذا متت. كم خاطر بيجي لبالك? عند الموت كم خاطر? ما في خواطر. خلاص مت. حطوك على المغتسل ولفوك بالكفن. كم خاطر بيخطر ببالك ? ولا خاطر. اعتبر حالك ميت. بدك تذكر? اعتبر حالك مت. خلص. انا اليوم مت. ما بقى في لا التفاتة ولا شيء. اعمل مثل ما عمل ذلك الرجل الصالح رضي الله عنه وارضاه كان دائما يحضر درس الشيخ. ما يوم يترك درس الشيخ. فيوم الأيام بده يروح على الدرس مرته نادته يا ابو محمد . قال لها نعم؟. قالت له وين رايح? قال لها رايح على الدرس. يوم الجمعة وقت الدرس. قالت له يا ابو محمد ما في عنا طحين ما في عنا خبز. بدنا ناكل ما فيه. والطحنة بالطاحون. جيب لنا الطحين وبعدين. قال لها يا ام محمد اعتبريني انا متت. مين بيجيب لكم الطحنة؟ قالت له يوم مت الله بيدبرناه. قال لها وهلق الله بيدبرك. سلام عليكم. وصلت الى باب لعنده أبو محمد .ما بك؟. طيب نبعت الولد بس الحمارة ضايعة هربانة طيب منين? قال لها انا متت. خلص. ما بقا موجود. السلام عليكم. وصل الى الباب يا ابو محمد يا ابو محمد. شو بك؟ قالت له يا ابو محمد نسيت ان اليوم لازم نسقي البستان. اذا ما سقينا لح يموت الزرع .قال لها أبو محمد مات. دفنوه. دبروا حالكن. السلام عليكم. الله اكبر. شو هالهمة هي؟ ترك الكل. وراح للدرس. حضر الدرس. روق مع شيخه. ذكر. حضر الدرس. العصريات بعد العصر جاي على البيت. لما وصل الباب البيت. عم يدخل البيت. فتح الباب. ريحة خبز. خير. فات شافها عم تخبز على التنور شو هذا يا ام محمد؟ مين جيب لكم طحنة؟ قالت له والله يا ام محمد انت لك عند الله كرامة كتير. خير. قالت له انت رحت جارنا ما رضي يروح على الدرس. راح يجيب الطحنة تبعه. بدل ما يحمل الكيس تبعه. حمل الكيس تبعنا. مين توّه رأيه؟ في الله لك يا ابني. انت عم تعامل الله مع ما تعامل الناس. حمل كيس جاره. وجاء لما وصل البيت. مرته قالت له شو ابو ياسين شو هاد هذا الكيس تبع جارنا مو تبعنا. شو هالحكي؟ يا جيراننا انتو عندكم طحنة ؟ قالوا والله ايه عنا طحنة عند الطحان خدوا كيس. جاب لهم كيس الطحين. الله شغّل جاره خادم له. حمل الكيس وجابه. هو عم يحكي معها وقال له الحمار قال له انا هون ها. شو قال له الحمار؟ قال له والله كمان الحمار شغلته شغلة. خير. قالت له قاعدين بالشباكة عم نفكر شو بدنا نساوي. ما لقينا الا وحش راكض وراء الحمار وحمار فيه طرق باب البيت براسه والوحش راح. مين هذا الوحش بقى؟ مين بعت الوحش؟ والوحش الحمار يسبقه؟ الحمار سبقه قال لها ما دام هيك نطلع نشوف الارض شو صار. اذا منحسن نلحقها لنسقي الزرع طلع بدو يشوف الارض. شاف جاره حاطت المر ليفتح المي على ارضه نايم على المر. المياه طافية الى ارضه ساقية ارضه كلها وارض جاره ما مسقي منها ولا شبر. لك يا جار. فيق جاره غرقان بالنومة رجع على البيت عم يقول له يا ربي لك الحمد. انا رحت حتى انتفع انا. لازم تعطيني ليلتها ينام. يرى رب العزة في المنام. يقول له عبدي انت تركت من اجلي ثلاث تركتهم مشان العلم مشان الذكر. انت تركت من اجلي ثلاث. لقد اعطيتك ثلاث في الدنيا وادخرت لك سبعة وتسعين الى يوم لقائي. قال له لثلاث حققت لك إياهم في الدنيا. اخبأت لك سبعة وتسعين للاخرة مغفرة ورحمة. الله اكبر. هذا يلي يعامل الله يا ابني يلي بيعامل الله ما بيضيع منه شيء. فرفع الهمة حتى تصير من اصحاب الهمة والعزيمة. اما اليوم مشغول واليوم جاييني ضيوف. واليوم جاييني جماعة. واليوم مني فاضي. واليوم هذا متى يصل وهو مكبل بخمسين قيد. امتى الطيارة بدها تطير وهي مقيدة بالسلاسل. جناحاتها مقيدينهم بالسلاسل. وبدنيتها مقيدينها بالسلاسل. مربوطة السلاسل بالارض. شغل الموتور بده يطير ما عم تطلع. مقيدة بالسلاسل. بدك واحد يقطع لك هذه السلاسل حتى تطلع بالطيارة وتطير. فسلاسلك سلاسل التعلق بالاهل بالولد بالمال بالشغل بالبيت بالحياة بدك مين يقطع لك هذه السلاسل ولا تقطع السلاسل الا بالحب بدها مقص الحب يلي يقص كل محبوباتك تتركهم ويبقى لك حب واحد الله. الله ما في غيره فلما تصير الله وحده لا شريك عندها تحسن تطلع تحسن تعرف تحسن تتذوق. رفع الهمة والهمة يا ابني والله لو بدي احكي لكم عليها من هلق لبكرا مثل هلق ما بخلص. المؤمن يا ابني ليس له وقت الله يرضى عن سيدنا الشيخ أمين. علمونا الهمم بأحوالهم واعمالهم. كان مريضا رضي الله عنه. مبروء ما عم يحسن يحرك ظهره. مسطح بالفرشة. صار وقت الدرس. قال لهم ابني حطوا لي القبقاب على الباب. كانوا يلبسوا قباقيب ما كان في شحاطة. خير يا سيدي قال لهم تحطوا. حطوا القبقاب.
ما شافوه الا نتر اللحاف فز. لبس القبقاب يا سيدي دخيلك ظهرك بعدوا هيك. نزل على الدرس. حضر الدرس. سوى الدرس. ورجع للبيت تسطح. يا سيدي قال لهم يا ابني هذا الوقت لله. ما في مرض. ما في تعب.ما في وقت الله لله. بايعه. وما دام بايع لله ما في شيء غير مع الله. يا سلام. شو هالهمم هي يا ابني. همة؟ نعم. هذه الهمة الله يرضى عنهم. سمعتوا يوم الجمعة يلي كان حاضر. شيخنا الله يرضى عنه. وهو على فراش الموت. بينه وبين الموت عشر دقايق. روحه تتردد بالصدر حكى له الدكتور جبلي شوية مي بدي اتوضأ أدن الظهر جبلي شوية مي لأتوضأ . يا سيدي قال له هلا وقت وضوء هلق؟ انتو علمتونا هلق. تيمم هلق وقت الرخصة. قال له ابني. بدي قابل الله بالرخصة.؟ هلق رايح الى الله. بدي قابل الله بالرخص.؟ جيب مي. الله اكبر. في حالة وفاة. جاب مي. وضيني وضاه وقعد صلى. وبعدها سلام. هي يا ابن الهمم. فلا تظنوا انه بمجرد ما تقول ان شاء الله. والله يفتح علينا معناتها مش الحال يا ابني. اعطيني همة. لذلك بيجي المريد لعند الشيخ اسمه مريد. مريد يعني طالب تقوى ارادته لتحقيق الهدف. للوصول الى الهدف. عندك همة للارادة? ارادة فيها همة? طيب هي رفع الهمة. فاذا رفعت الهمة ما بيكفي. همة ليلة ونهار ما بيكفي. بدك نفوذ العزيمة. تنفذ العزيمة. همة بدها عزيمة. شو العزيمة? الهدف الصدق في الهدف حطيت الهدف بدك تصل. اصدق. امشي. دوام السير لا تنقطع ولا تشغل ولا توقف. في اخ بيمشي جمعة جمعتين الشيخ زعلان مني. يقف ما عاد ذكر الله. ليش ما عاد ذكرت لان الشيخ زعلان مني? مين قال لك الشيخ زعلان? انا والله شفته هيك كاشش بوجهي انت ذكرت الله اليوم؟ لا. ايه انت يلي كاشش? ما الشيخ يلي كاشش لا واحد يظن يا ابني الشيخ بيزعل منه. لا ابني. لك عند الشيخ حق فوالله ما بيضيع منه ذرة. حقك بده يصلك. فلا ظن الشيخ زعلان انه يمنع عنك حقك. ولو طرفة عين محاسبين بين ايدين الله على النفس. لك عندي حق ولو طرفة عين بعطيك ياه. لكن لا تخلي النفس تدخل مرة الشيخ زعلان مرة الشيخ متأثر مني مرة الشيخ ما يحاكيني مرة انت قطعت عن حالك يا ابني الوصال. اما الشيخ مشغول منه فاضيلك يطعمك حصتك ومشغول. والله الشيخ يا ابني اذا بيحط لكم هالوصف له وصف والله يمكن كامل. وصف الترنس تمام.
بياخذ القوة 220. وبيعطيك على قد البلورة تبعك. بلورتك عشر شمعات عشرين شمعة 100 شمعة عم ياخذ القوة وعم يعطيك على قد البلورة تبعك. حتى ما تحترق. هذا مثال الشيخ. ياخذ الامداد من قلب رسول الله. ياخذ الامداد من الله ويعطيك على قدر استعدادك. واحد جايب كاسة واحد جايب ابريق واحد جايب تنكة واحد جايب سترن يلي جايب سترن ما منحط له كاسة منعبيله سترن تبعه. يلي جايب تنكة ما منحط له كاسة. ويلي جايب كاسة ما منعطيه تنكة. على قدر اناءك تاخد. والله يا ابني انت جايب الاناء صغير. كبّر اناءك وخد. مرة جاني اخ الله عز وجل يوفقه ويبارك فيه. الله جعل على يده هداية. قال لي بركي واحد ما عنده سترن. سترن جيبه عرفتوا سترن? هاي السيارة تبع المي الكبيرة. صهريج. قال لي بركي ما عنده سترن. قلت له افتح قنال. قنال؟.نعم. افتح قنال. بين بحر رسول الله وبين بحر محبة الله. افتح قنال.
قال لي الله اكبر قنال. قلت له افتح القنال ولا تنقص من البحر شيئا. ممكن? نعم. يا ابني عند اهل الله غير الناس يا ابني غير اهل العلم. لك يا جماعة اهل العلم تقيدوا بكتاب. اهل الله مرتبطين بروح رسول الله. لك فيه فرق يا ابني بين مدد الروح وبين ورق الكتاب. ورق الكتاب غير مدد الروح. افتح قنال الى حب الله وقنال الى حب رسول الله وخذ من العطاء ما تشيب له الاطفال. ممكن يعني؟ ممكن نعم. عم تصيب من البحر؟ فتحوا قنال بين البحر الاحمر والبحر الابيض ما هيك؟ نقص البحر الأبيض؟ نقص البحر الأحمر؟ مدد الله يا ابني لا يحجبه حاجب ولا يحجزه حاجز ولا ينقصه عطاء فقم الله يا ابني بدك عزيمة هي العزيمة الهدف وبذل الجهد للوصول الى الهدف. هي العزيمة. الهمة حرارة. شغلت الموتور. هي الهمة. لكن بريمير ودوزيم وتروزيم وكاترييم وما عملنا شو بيحط? جير اول وجير تاني يطلع لرأس الجبل. في سيارات فيها جير. يعني مسننات صغيرة بصير تحط الجير تطل. على الجبل تطلع على الجبل. تصل لرأس الجبل. فيه جير اول فيه جير تاني شد. فيه واحد سيارته ما فيها غير بريمير والدوزيم. على العشرة على الخمسة عشرين. اكتر من هيك ما بتمشي. صلح سيارتها. فبدها عزيمة. عزيمة. ما عزيمة اكل تروح تاكل. عزيمة الهمة. ارادة الوصول.. لوين? الى الاصول. ارادة الوصول الى الاصول ولا يبلغ الوصول من لم يبدأ بالاصول. اذا ما صار لك يا ابني رباط بالشيخ ما بتصل. لو يقعد قد ما قعد. فكر انه اذا كان اخذ المسبحة وسبح وكذا بيصير. بعض الفلاسفة بده يعمل حاله نبي. فجاب الكتب صار يقرأ وصار يذكر وصار انه اذا قرينا وذكرنا بركي بيصير.