موت الفجأة هذا الناس بيعرفوا موت الفجأة لكن الموت الفجأة له مقدمات كثيرة منها ما يعرفه الإنسان ويشعر فيه وقد ما يعرفه ومنها ما لا يشعر فيه. قبل هذه المشاعر في أسباب يعملها الإنسان أكثر الناس بتجهلها تسبب لهم أمراض القلب تنتهي بموت الفجأة فلو كان عندن علم بالوقاية بيتحاشوا هذه الأمراض ويكونوا في عزلة منها.لكن مع الأسف لا المدارس بتعلم. المدرسة منشان بتعلمنا ما نحن بضرورة اليه بتعلمنا الحساب لأنه مضرورين للحساب أضر من الحساب أنه ما يكون واحد ابن 30 و40سنة ولاده صغار يسلت مثل ما بتسلت الخيمة إذا انكسر العمود تبعها وهذا ما له علاقة بالأجل الأجل هذا من فروع القدر الأجل ما لنا تصرف فيه بدك تتصرف في ما تملك من وسائل وأسباب يعني هل من الأجل أن تزت حالك من فوق الأسطوح إيمانا بالقدر وإيمانا بالأجل لا لكن لو تعثرت أو واحد دفشك أو كذا ففعل ما ينبغي في الوقت وعلى الشكل .فإذا صار معه كوليرا يعني الشرع بيفرض عليه أنه يستسلم وما يداوى أه لما منكم بيتداوى بقول له اخي الأجل محدد شئت تداوى النبي قال( تَداووا عبادَ اللهِ) فصلاة الجمعة حق هلأ نصليها لكن وقت ما يصير وقتها الإيمان بالأجل الإيمان بالقدر عند الوقوع أو عند أداء واجب .إذا كان حب الحياة بدو يمنعك من اقتحام الأخطار والإسلام عم بيأمرك بأن تقتحم وبيجي الحرص على الحياة بدو يعرقل اقدامك فعل ما ينبغي في الوقت الذي ينبغي .الصحابة هيك كانوا آمنوا بالقدر ما تركوا العمل آمنوا بالقدر ما تركوا الأسباب الواقية من الأذى والضرر آمنوا بالقدر ما تركوا الوسائل التي تحقق لهم الأعمال النافعة . فهذا يا ابني هذا العلم هاللي العالم لازم أن يعلمه للمسلمين شو نتيجته بيصير فيه شخصية شخصية الأعمال العظيمة يصير عنده شخصية عدم الفشل في الحياة يصير عنده شخصية يحسن بيتحمل واجباته بكل كفاءة وبكل طاقة وبكل قدرة. لأنه ما تعلم الإسلام بيفهم الأشياء خطأ في عليه واجب أن يعمله ما بيعمله بقلك تركها لله أنا مآمن بالقدر. بيمرض روح تداوى بيقلك أخي المسألة أجله هذا جهل بالإسلام الإسلام ما هيك قال له الإسلام قال له على لسان النبي (تَداووا عبادَ اللهِ فإنَّ اللهَ لمْ يُنزلْ داءً إلا وقدْ انزلَ لهُ دواءً إلا إيش إلا الهرم). الهرم الآن الأوروبيين عم يأخروا الهرم عم يأخرو الهرم هذا كله قوانين الله كل الأسباب والمسببات الحكمة معرفة ارتباط المسببات بأسبابها .فالنبي بده يعلمنا الحكمة ليش لحتى نعرف الأسباب وما يتسبب عنها فإذا أسباب الخير لازم نعملها حتى يتسبب لنا الخير ونتجنب أسباب الشر حتى ما نقع في الشر. الأوروبيين واليابانيين والأميركان وأسرائيل كلها علمت شعوبها كل هذه الحكم ما من طريق الدين من طريق العقل وتطور علوم الإنسان. نحن في الإسلام هيدا دين يا ابني فلا تعلمناه من طريق الدين ولا تعلمناه من طريق العقل والعلم الحديث. قدم لنا شيء اسمه علم لكن ما هو علم .العلوم الدينية ما هي العلوم اللي بتحقق لك حقائق الدين في بعض وكثير منها تبن. هلأ الشيخ اللي بيجي على الجامع بيجي بعلم الناس الوضوء.في واحد بيجي على الجامع ما بيعرف يتوضى؟ قد في بعض أمور ما بيعرفها لكن في أمور ما بيعرف منها ولا بالمية واحد فبدنا نعلمه ما يجهل. الإسلام قسمين في إسلام الحياة إسلام الدنيا واجباتك الإسلامية في هذه الحياة الدنيا وفي إسلام الآخرة إسلام ما بعد الحياة فمعرفة كيف تحافظ على جسدك على صحته على اعتداله على قوته هذا من إسلام ايش؟ من إسلام الحياة من إسلام ربنا آتنا في الدنيا حسنة. الصلاة فيها إسلام الحياة وما بعد الحياة إذا كانت بتنفعك بالدنيا اذا كنت بس بتعرف تصلي اذا صار عندك فقه الصلاة لأن الصلاة الحقيقية ما بالجسد فقط بالجسد هذا جزء من الصلاة في الصلاة بالقلب أن يصلي قلبك مع جسدك لسانك يقرأ وجسمك يركع وقلبك يكون حاضر مع الله ويخشع. فكون قلبك ذاكر حاضر حتى واسجد. اقترابك من الله ما اقتراب مكاني ومسافة بينك وبين الله عشر متار تقربلك خمس متار القرب من الله قرب حسي شعوري علمي يصير عندك علم بأن الله معك بأن الله شاهد عليك يكون عندك علم بأن الله سامع لما تقول عندك علم بأن الله يطلع على خفايا قلبك ونفسك. فاذا كنت مسؤول في الأمن وانت بحضرته تحسن تعمل شيء مخالف لقانون الدولة فالصلاة لكن فقه الصلاة يا ابني مين بدو يعلمك الصلاة بكل واجباتها الجسدية والقلبية الشعورية والوجدانية هالي بتعطيك الإرادة على الإقبال على كل مسعد والإحجام عن كل مشقي. عم اقرأ بهذا الكتاب ذاته عن أضرار التدخين التتن يا لطيف الطب شو عم يذكر وبعدين نفسهم بيقولوا أنه الأطباء أكتر من 57 بالمية بيدخنوا .هدول إذا نصحوا الناس يتركوا التدخين ما عاد يقبلوا كما أنه بيقول من الصعوبة بمكان على المدخن يتركوا التدخين. لأنه هذا ما تربى إيمانياً إسلامياً أما المربى أنو صعوبة؟ أهون من شرب كاسة الشاي. الكتير من أخواننا ما تربى؟ ما صار مسلم؟ الشيخ ما صنعه؟جاب شمينته هاللي هو مثل الطحين وحط معه المي والرمل والحديد بنسبة صار جامع .أما الحديد وحده وشمينته وحده والمي وحدها بتصير جامع ؟كلمة واحدة قلت له شو رأيك تترك التتن؟ قال لي إذا بتأمرني بتركه قلت له إيه تركه قال لي تركته .بعد أربعين خمسين سنة وهلأ تركه خلص تركه هو وغيره. في واحد ثاني من شهرين تلاتة شب من أخواننا قلت له أبو عمر فلسطيني هوي أبو عمر إيش؟ اللحام ورفقاته قال والله لنفتن عليك للشيخ عم تشرب سيجارة قالن والله ما تفتنوا عليي لأفعل و أترك قالن ما بحسين بتركها كما إنه إذا الشيخ حكاله ما بيحسين يخالف وهددهم تهديد عملي وحكولي. وبحضوره هو سمين شب مليان زنود وجسم وطول وعرض.ما هو كان معه دوالي ومتقرحة مجروحة صومته طاب من اليوم الثامن جراحة الدوالي شوفيت للواحد وعشرين مشي حاله ان شاء الله. قلت له يا أبو عمر صحيح بتشرب تتون عدت قلت له صحيح بتشرب تتون صغر صغر صغر صغر وتلملم قلت له الله يرضى عليك شو رأيك تتركها. بقا وين المراجل والعنتريات قال لي سيدي اذا بتأمر بتركها قلت له اي الله يرضى عليك تركها قالي تحت امرك خلص لما طلع من عندي قال لهم عملتوها معي .طيب فأي سعادة يا ابني لعلماء أوروبا وأمريكا عم بيقولوا ما بيحسن ما عنده قدرة. يجي بتربية الشيخ ما تكلف الشيخ غير كلمة وهداك ما تكلفه ولا أي جهد يعني ترك التتون ما يجد عجز في الترك لا يجد عجز في الترك لا يجد عدم القدرة في الترك خلص هذا اسمه ابني الإيمان هذا شو اسمه شب. خطرة كنت بالحج كان معي من الإخوان بيطلع ستين واحد ونحن على الباخرة بالبحر ما بعرف شو المناسبة قلتلن مين منكم بيشرب تتون يرفع لي إصبعته طلعوا ستة عشر واحد قلت لهم شو رأيكم هيك هيك حاجين وخلي من جملة بركات الحج كمان تتركوه قال إذا بتأمرنا نترك قلت لهم ايه انا بحب منكم تتركوه كل واحد طالع العلبة على البحر الباكية على البحر وكلهم تركوا. يا ابني كان النبي يقولهم اتركوا أرواحكم انزلوا الى الجهاد ما حدا يقول ابني بنتي أختي ولادي مالي. يا حبذا الجنة واقترابها طيبة وبارد شرابها والروم روم قد دنى عذابها علي إن لاقيتها خرابها. بعدين تتذكروا شي ايه. فلما انهزموا الصحابة في أحد طبعا ما كلهم انهزموا ايه الناس درجات. عم أنس ابن مالك هجم رجعوه الصحابة ما عدت فيه اختلت الموازنة. يقولهم اني لاجد ريح الجنة من قبل جبل أحد اني لاجد ريح الجنة من قبل جبل أحد. هدول عرفوا الموت ما بعين الجسد ولا في حياة الجسد عرفوا الموت بعين القلب والروح عرفوا الموت بانه انتقال الى حياة اعلى وسعاده ارقى ونعيم خالد فما كانوا بالجهلاء او الاغبياء او الحمقاء لا يا ابني كله عن علم هذا العلم يجهله المسلمون الان ما هذا وكل شيء .فبالنسبة لامراض القلب وموت الفجأة والنوبات القلبية فأولا النبي كان يقول وهذا من معجزاته.( في آخر الزمن يكثر موتُ الفَجْأَةِ )وفي رواية يكثر الموت الابيض موت الابيض شو فسروه العلماء بالموت الفجأة الموت الاحمر الموت بالحرب .فموت الفجأة عم يخيف اكثر الناس وعم يشكل كوارث خاصة بالنسبة للشباب .هذا المسلم كمسلم لازم كان يعرف شو اسبابه لان( وَلَا تُلْقُوا بِأَيْدِيكُمْ إِلَى التَّهْلُكَةِ ۛ )الاسلام يحبذ لك الحياة او الموت ؟لأ الحياة النبي قال (خيركم من طالَ عمرُه ، وحَسُنَ عملُه) .النبي قال وددت لو اني اقتل في سبيل الله ثم احيا .بعد القتل طلب القتل ليش قال اذا كان بناء الاسلام ما بصير الا بقتلي يا رماح خذيني .لكن بعد ما قتل قال رب بدي احيا قال لحتى اقتل مرة ثانية وثالثة ورابعة فهذا يا ابني هاي التربية هاي التربية لو تصير عندنا في جيوشنا العربية بصير دولة إسرائيل؟ اذا كان الجندي يريد الموت في معركة الشرف بعقيده تزول الجبال وهي لا تزول. نفس الفلسطينيين هني الموجودين بيكفوا وبيزيدوا كان حادثة ما من بيع أراضينا. السوريين باعوا واللبنانيين باعوا الفلسطينيين ايش ما اخذوا اراضيهم في اول الامر لما استحكموا صاروا دولة صادروا الباقي اخذوا القصبة اللي بعشرة بالف لكن لما صادروا الباقي طالعوا الفرق. فامم الراقية تعمل بعقل تعمل بعلم تعمل باخلاق اخلاق وطنية استعملوا الاخلاق مع مواطنيهم اما مع غير المواطنيين وحوش .الافرنسي مع الافرنسي الطلياني مع الطلياني الاسرائيلي مع الاسرائيلي اما مع غيرهم مع العرب مثلا مافي انسانية مطلقا. اما الاسلام انسانيته ما وطنية انسانيته عالمية ما عالمية انسانيته حياتية حتى مع الحيوان مع الثعبان مع الضبع مع الذئب. النبي قال( إذا قَتلتُم فأحسِنوا القِتلةَ) مع عدوك (وَلَا يَجْرِمَنَّكُمْ شَنَآنُ قَوْمٍ عَلَىٰ أَلَّا تَعْدِلُوا ۚ اعْدِلُوا هُوَ أَقْرَبُ لِلتَّقْوَىٰ) وشو معنى لا يجرمنكم ؟وشو شنآن؟ الشنآن هو البغض والعداوة( إِنَّ شَانِئَكَ هُوَ الْأَبْتَرُ )يعني ان مبغضك وعدوك .قالوا محمد ابتر لان ما اجا ولاد صبيان وعاشوا انقطعت ذريته فالله قال له ان شانئك هو الابتر هو اللي مقطوع عن الخير ليش الخير بالولاد خير النبي هلأ قائم اولاده اللي بيعملوه. (اللهم لا خير الا خيرك ولا طير الا طيرك ولا حول ولا قوة الا بك) شو معنى ولا طير الا طيرك تعرف ابو هاني؟(نعم التطير يعني التشاؤوم) فلتحيا. هذا فقط هادا منين تعلمتا من القاموس؟ ايه.. من الشيخ. هاي مدرسة الشيخ هي يقول الانسان اذا بدو يتشأم من شي- استاذ اسامة تعالى هون الله يرضى عليه الاستاذ اسامة الله يرضى عليه وزيده رضاه وتوفيق ولولاده ولولادكم ولكم كلكم ولكل الاخوان الله يرضى عليه- فهذا الدعاء النبي امرنا ان ندعوه اذا الواحد تشأم من شيء تطير من شيء انوهم من شيء يقول اللهم لا خير الا خيرك ولا طير الا طيرك. ما في ضرر الا هاللي الله رايد له بالازالة استحقاقه ولا طير الا طيرك ولا حوله ولا قوة الا بك. ماعاد يتشأم لا من الاجير ولا من الفرس ولا من البيت ولا من الدكان ولا عتبتها تنفع ولا عتبتها ما تنفع هذا كله خرافي وكله وهم. المسلمين شو دينهم كله جهل وكله اوهام كله لا اخلاق لا علم اخلاق وعلم كله من الشيخ يا ابني. الفستق والسمن البلدي والسكر والسميد كله بدو يكون عند البقلاواتي حتى تأكل بقلاوة .كل المعاني عند الشيخ وين الشيخ اللي بدي يجمعلك هالامور حتى يعملك بني ادم حقيقي يجعلك انسان صحيح يجعلك مسلم حق الاسلام تكون حياتك حياة اسلام وموتك موت اسلامي .هلأ المسلمين هاللي بيصلي وبصوم اسلام وتمني واماني وغرور واهواء وانانيات وشهوات ماله معلم ماله شيخ ومافي شيخ روح على بغداد يا بتلاقيه يا ما بتلاقيه روح على مصر يا بتلاقيه يا ما بتلاقيه ولو لقيت بتعرف؟ ولو عرفت بتعرف تستفيد من الشيخ؟اذا اجتمعت السيارة وعرفتها وما بتعرف تسوقها شو استفدت منها؟ صرلك مزرعة ومالك مزارع شو استفدت؟ سمعت من الشيخ وماعرفت شلون تستعمل الشيخ شلون تستفيد من الشيخ شلون تتأدب مع الشيخ شلون تستخلص وتجذب اليك نوره حكمته علمه ارشاده هديه قلبه هذا اللي بدو يستفيد من الشيخ يا ابني. هاللي كيف يعيش مع الشيخ متل ما بتعيش مع سيارتك متل ما بتعيش مع حنفيتك متى ما بتعيش مع كندرتك متل ما بتعيش مع قزلكك متل ما بتعيش مع حمامك وقت بتنام بتنام بالحمام هيك ادب الحمام لما بتنام بالكبينة فالشيخ عم تعرف كيف تعيش معه الكنباية شلون بتعيش معها تحطها تحتك وانت فوقها لما هي فوقك وانت تحتها. اشترى والله طقم لكن طول الليل حامله على كتفه أي هيدا هلاك حامل التخت وغرفة النوم على راسه وبدو ينام أي بصير؟ فالاسلام يا ابني الاسلام العرب أمة الاسلام علوم وأخلاق وتربية. العلوم يعني عالم معلم الأخلاق يعني تربية ومربي. فهاللي إله عالم معلم ومربي ومزكي وبيرتبط فيه مثل ارتباط البريز والفيش ببلوراته بتضوي وراديوه بيغني وغسالته بتنظف ومعمله بيشتغل ومن غير هالرابطة من غير هالاتصال هذا مستحيل يا ابني هذا مسلم كذاب هذا منافق هذا خبيس هذا شرير هذا مهدم مهدم لدين الله مهدم للاسلام لو قرأ قرآن .قراءة القرآن يا ابني قراءة القرآن للعلم والعمل لو اجا على الجامع. كان المنافقين يجوا على الجامع والله قال عنهم واذا ما انزلت سورة ينزل الوحي على النبي شو موقفهم شو المردود (فَمِنْهُم مَّن يَقُولُ أَيُّكُمْ زَادَتْهُ هَٰذِهِ إِيمَانًا ۚ )مع انه يرفض الوحي ويرفض هدي النبي يصد الناس عن سبيل الله يشكك الناس في الوحي فاما الله رد عليه قال (فَأَمَّا الَّذِينَ آمَنُوا فَزَادَتْهُمْ إِيمَانًا وَهُمْ يَسْتَبْشِرُونَ .وَأَمَّا الَّذِينَ فِي قُلُوبِهِمْ مَرَضٌ فَزَادَتْهُمْ رِجْسًا إِلَىٰ رِجْسِهِمْ )مثل مية المطر اذا نزل على الحية وشربته بزيد سم واذا نزل عالتين والعنب بزداد حلاوة .فالاسلام انت كانسان انسان عربي عربي اما مسلم لا الاسلام علوم هل تعلمتها من معلم ؟تربية هل تلقيتها من مربي اخلاق ؟هل صارت صفاتك وواقعك وحياتك العملية؟ الاخلاق ابني بلا شيخ مستحيل مستحيل. يا ابن اعراب الناس اعراب بدو في الاسلام أبناء بادية ما ابناء عاصمة( الْأَعْرَابُ أَشَدُّ كُفْرًا وَنِفَاقًا وَأَجْدَرُ أَلَّا يَعْلَمُوا حُدُودَ مَا أَنزَلَ اللَّهُ عَلَىٰ رَسُولِهِ ۗ ) بيحملوا جدارة الجهل وما بيعرفوا شي من الحلال والحرام معرفة المؤمن معرفة المؤمن يكتفي بالحلال ويمتنع عن الحرام فهذا هيك يصير لحاله يا ابني؟ الهجرة ليش فرضت على المسلمين 450 ؟ كيلو متر بدو يجي مشوار ولعند النبي ما يرجع لحتى يموت اما جهادا واما موتا طبيعيا فبهذه التعاليم بهذا الهدي شو صار بالامة العربية كانت الدول كانت قبائل 500 قبيلة فحولهم لدول؟ حولهم لدولة واحدة امة واحدة جيش واحد مستعمرين حررهم من الاستعمار جهلاء من الجهل خرافيين من الخرافة متفرقين من التفرق هذا كله ابني لازم نتحد متل واحد بقلك اخي لازم ناكل بس بالحكي لازم ناكل الكلمة لازم ناكل يعني بيشبع؟ الخطرة واحد الظاهر 2 او 3 من رفقاته في عنده ديك حبش تموا يحطوا عليه الا ايش يعملهم غدا و يدبح لهم الديك. ودبح لهم الديك وطبخه وكذا غاب واجا وإذ في عنده قط من القطط الكبار شافوا نازل ايش بالديك صار يقول له هل يجوز لك ان تأكل ديكنا وتسود وجهي امام ضيوفي وانت القط الفاضل وانت الادمي وانت المحشوم وهيك ما بيحقلك والقط نازل مانو سائل قالو قليل من الخجل قليل من الحياء تم يعملوا محاضرة ايش ساعة كاملة حتى القط هو ومرته وولاده ما خلوله غير ايش غير عظمة فالمسلمين صايرين قوالين مسيك ادنو وشدلو ياها وما بدا كل ايش كل هالحكي ايش الفاضي المسلمين قوالين متمنين كذابين منافقين ما كلهم لكن المؤمن الحقيقي المؤمن الحقيقي يا ابني صار اندر من النادر فما بدو يأدي ولا واجب كل واحد بيرمي الواجب على مين على غيره بينما القرآن يقول( لُعِنَ الَّذِينَ كَفَرُوا مِن بَنِي إِسْرَائِيلَ عَلَىٰ لِسَانِ دَاوُودَ وَعِيسَى ابْنِ مَرْيَمَ ۚ ذَٰلِكَ بِمَا عَصَوا وَّكَانُوا يَعْتَدُونَ )وين محبة العلماء وين الادب مع العلماء( مَّن يُطِعِ الرَّسُولَ فَقَدْ أَطَاعَ اللَّهَ ۖ) (فَلَا وَرَبِّكَ لَا يُؤْمِنُونَ حَتَّىٰ يُحَكِّمُوكَ فِيمَا شَجَرَ بَيْنَهُمْ) الشيخ بحكم نائب عن النبي لو امر المسلمين بأمر قال لهم تعالوا صلوا جماعة عم يصلوا؟ ليلة عيد الميلاد وين؟ ليلة عيد المسيحيين وشو(من أحيا ليلتَيِ العيدِ لم يمُتْ قلبُه يومَ تموتُ القلوبُ) وين بيحيوها بالبارات والكازيونات ما هيك؟وعيد الاسلام والقرآن والنبي بيحيوه بالمساجد يا ابني طيب وين طاعة الشيخ ( لَا تَرْفَعُوا أَصْوَاتَكُمْ فَوْقَ صَوْتِ النَّبِيِّ )وين( لا أيمانَ لمنْ لا محبة لهُ) ثلاث مرات النبي قال لا ايمان كررها. محبة مع مين محبة للنبي (أنْ يكونَ اللهُ ورسولُهُ أحبُّ إليك ممَّا سواهُما) هلأ بدك تحب الشيخ لان ما بتحسن تحب النبي اذا ما حبيت الشيخ ولا بتحسن تعرف الله اذا ما حبيت الشيخ. الحب تعرف الحب روح تعلمه من القطاط القطاط بيفهموا الحب اكتر منك القطة وقت بتحب بشباط بتترك بيتها وفرشتها وتحت المنقل وجنب الصوبيا . ولما بتحب لما بجيها ولدها بتصيد فارة وما بتاكلها بتكون خواصرها لزقاني بعضها البعض حتى تقدمها الى من تحب الي هني أولادها.
بيجي الكلب الكلب القط ما في اخوف منه مرة كان عندي قط حاطه بحضني واجا الكلب عنا كان كلب بالمزرعة وهجم بدو يخطف القط من حضني ومعي عصاي لكن ما كثير راكزة انكسرت على ظهر الكلب وما رجع الكلب وبعدين الخلاصة بعد ما نحلت المشكلة دورنا على القط ما لقيناه واذ طالعة تمشي متل الهندي مخبي فوق الشاد مع كل هالخوف رأيت انا قطة هجمت على كلب خوفا على اولادها الحب علمها ان تهاجم اخوف من تخافه هذا شو اسمه؟ الحب انت عم تعرف تحب الشيخ؟ بتعرف تحب؟ حبك كلامي حبك اهوائي تمني حبك نفاقي ما بتعرف شو معنى الحب فواحد وقت بيحب وحدة عكروته الليل ما بينامه بيحط شواربه تحت كندرتها ولو كل الناس عاتبوه بيرد عليهم كلهم بينهزم؟ لو كانت عبده سودا ببيجاوبهم انه حب حبيبك لو كان عبد. مع الشيخ ليش ما بيكون هيك؟ ما في ما في ما في الايمان الحقيقي هاللي من ثمرته الحب في الله. كان المسلم يحط صدره قدام صدر النبي ويقول صدري لصدرك وقاء وروحي لروحك فداء .يبذل كل ماله في محبة النبي عليه الصلاة والسلام حتى مثل سيدنا ابو بكر لبس العباية على طاق الزلط. المرأة تفقد في يوم واحد في ساعة كل اقاربها ما يأثر عليها تقولن ورسول الله يقولوا لها بخير فتقول كل مصيبة دون رسول الله جلل. هذا ابني تسمعوه بالحكي. ما ممكن تنالوا حقيقته الا تصيروا اصحاب القلوب.
اذا ما ذكرتوا الله حتى صرلكن العين السادسة الحاسة السادسة او العين الثالثة ويصرلك اذن الثالثة ويصرلك منخار تاني ويصرلك لسان تاني واجرين تانين وايدين تانين ووجود تاني. لا يدخل ملكوت السماوات من لم يولد مرتين هاي كلمة لسيدنا عيسى. فما لم تذكر الله تفنى في الله قل هو هو قبلتك اربع ركعات والصلاة لكم قبلة لقبلة واحدة ما كل ركعة لقبلة قبلتك الله وانت بتمام الطهارة ما طهارة الجسد الاجانب ما وصلوا للطهارة والاستنجاء وصلوا للعطر فوت ع الكبينة تبع الطيارة فوت عالكبينة تبع الاوتيلات الدرجة الممتازة وصل الكبينة حطينلها كولونيا الاسلام ما قال حطوا بالمرحاض كولونيا هني سبقونا بنظافة الجسد لكن نظافة النفس هني انجس من القليط. اما المسلم الحقيقي هذا هو الانسان الطاهر هذا ما بيصير انسان حقيقي مقدس لحتى يتنظف النظافة الجوانية التوبة الصادقة. هاي التوبة يا ابني بدك فقيه التوبة عالم التوبة معلم التوبة التوبة ظاهرا وباطنا ما قولا وصورة وجدانا وحسا وشعورا ما عاد يخطر لبالك الذنب ما بس هيك ما عاد يخطر لبالك الا الفضائل الا الكمالات الا الخير الا رضاء الله الا كل خلق جميل هذه هي الطهارة على هالاساس تدخل في ذكر الله تجلس مع الله. هاللي بيجلس مع التلج بيبرد واللي بيقرب على الصوبيا بيحمى وبعدين بيزيح اللي بيجلس مع الله تسري فيه كمالات الله اخلاق الله تسري فيه انوار الله تسري فيه الحياة الربانية السعادة التي لا يجدها لا في مأكل ولا مشرب ولا منكح ولا ملك ولا سلطان كان بعض الاولياء يقول لو علم الملوك ما نحن فيه من النعيم لقاتلونا عليه بالسيوف. هذا كان الايمان تبع المؤمنين والمسلمين الاول وفي الان لكن قليل كتير لان هالطريق لا يرى بالعينين ولا يسمع بالاذنين فقط( وَلَا تَكُونُوا كَالَّذِينَ قَالُوا سَمِعْنَا وَهُمْ لَا يَسْمَعُونَ) فبدها توبة صادقة ودخول على الله بكل اقدام وبكل مواصلة ذكرا وصدقا وحضورا ومداومة (الَّذِينَ يَذْكُرُونَ اللَّهَ قِيَامًا وَقُعُودًا وَعَلَىٰ جُنُوبِهِمْ) فبيعرف عاد عند ذلك اذا اتلقى الاوامر الالهية بيشوفها اشهى اليه من الطعام عند الجائع واشهى اليه من الماء البارد المحلى عند العطشان فعند ذلك يتمنى الموت في سبيل الله. تتحرر فلسطين وتتطهر فبصير امر بالمعروف ناهي عن المنكر بصير عندو حكمة بصير حكيم يتكلم موضع الكلام يسكت موضع السكوت يقاتل موضع القتال يعلم في موضع العلم . ما صلاة الجمعة فرض لكن اذا صليتها هلأ بتكون معصية شو بتكون؟ الحج فرض ركن من اركان الاسلام اذا هلأ رحت على عرفات هي معصية. التلبس بالعبادة الفاسدة شو حكمه؟ حرام . اذا صلى بلا وضوء شو حكم الصلاة؟ حرام. فبرجع لموضوعكم فموت الفجأة امراض القلب فالناس عم تخاف. كان لازم المدارس تعلم والتلفزيون يعلم والجامع يعلم والصحف تعلم اسباب موت الفجأة والنوبات القلبية والخناق الصدري وتصلب الشرايين كله سببه تضيق شرايين القلب القلب فيه اطباء هون عندنا من اخواننا؟ ما اذكر اذا كان القلب له شريانين او ثلاثة يسموهم الشريانين التاجيين فهدول هاللي بيغذوا عضلات القلب. القلب مثل الموتور اللي بيضخ الماء القلب كمان بانقباضه يطلع الدم لوين؟ الى الشرايين وبانفتاحه بمص الدم هاللي جاي من الاوردة فهاللي بيحرك القلب عقدة عصبية في ضمن القلب هي هاللي بيشغل القلب كهربائيا. فعروق القلب الشرايين اللي بتغذي عضلات القلب وخلايا القلب تخنها قد تخن الرصاص بقلم الرصاص هاي اذا الانسان قليل الدين هذا اللي بيصرله النوبة القلبية قليل الدين لان الدين بيأمر بالعلم (وَكُلُوا وَاشْرَبُوا وَلَا تُسْرِفُوا ) سببه الجهل بها الاية الاسراف في الطعام والشراب فاذا الانسان اسرف واكل زيادة من الدهنيات الحيوانية من السكريات من القطايف وايماء العرب ايمئ من الاشاطي من السمن البلدي. وحركة ما عم تتحرك لحتى يحرق لان هاي الادهان كلها كناية عن مواد احتراقية اذا ما احترقت تدخل مع الدم تترسب وين؟ في شرايين القلب في الشريانين التاجين او ثلاثة رايح عن بالي انا. فمرور الوقت الشريان وكل عرق كناية عن ثلاث عروق ملبسين فوق بعضهم البعض قميص فوق منه قميص فوق منه ايش قميص؟ فكثرة الادهان الحيوانية كثرة الزعل والهم والكدر تعمل ترسبات في الدم بتخلي تصير كمخة في طريق مجرة الدم تبع شرايين القلب قلة الحركة كمان تعمل الترسبات في شرايين ايش؟ القلب الدخان والتتن كمان يعمل ترسبات في شرايين القلب ترسبات من مادة الكلس وترسبات من مادة الدهن الحيواني مثل السمن واللية والشحم وما يتفرع منه عاد من القشطة من الزبدة ايه ومن الاشاش والمشاش والى اخره. ومع عدم الحركة لان اذا ما عملت حركة شو بيوقف نص ساعة عند الباص بيكون مشواره خمس دقايق. لك أي امشي ما عاد يمشي خلص مطر شوب ما عاد يمشي فسيئاته ما بيلاقي لها محل فولذلك ما بيشوف الا- وهذا ما بيحس فيه -ايه بينسد شوية شوية شوية شوية شوية شوية فعوامل اخرى بيتجلط الدم يعني بيتجمد فبيكون كمان الشريان تبع القلب مضيق فبتجي الجلطة لمحل الديق اذا سدته الشريان الرئيسي وقف القلب ما عاد يمشي الدم فهالدم هاللي بدو يغذي عضلات القلب حتى تدفع الدم فبعض الاوقات بتكون الجلطة ما للشريان الرئيسي من فوق فرع من فرعه فهالفرع هاللي بيغذي قسم من عضلة القلب بتموت فموت هالعضلة او هالمساحة هاي بيسموها احتشاء شو بيسموها ايش؟ الاحتشاء شو سببه انسداد الشريان هاللي بيغذي هالعضلة فلا يسمى احتشاء الا اذا كان مسافته سنتيمترين مربع فما يزيد هذا بيصير ايش؟ احتشاء من كرم الله اذا واحد بيروح على مكة سيارته كم دولاب بيكون فيه معه خمسة او اذا راح بأربعة؟ حضرة الله تحسن انت بتعيش بكلوة واحدة كلوة واحدة تكفي للجسم حطلك كلية تانية تحسن انت بتعيش بريئة واحدة حطلك رئة تانية تحسن بتعيش وبتشوفه بعين واحدة حطلك عينتين تحسن بتعيش بادن واحدة حطلك ادنتين. ليش ما حطلك لسانين؟ههههه اذا حكيته اتنين ما حدا بيفهم عليك فالله مذوق فهيم ؟ لما انت الفهيم واحد كنا مع شيخنا صار يحكي كتير قال له يا ابني الله خلق الانسان لسان وادنتين لحتى يسمع اكتر ما يحكي حتى يسمع فكذلك حط لتغذية عضلات القلب كمان حط شرايين احتياطية حط شرايين ايش؟ احتياطية فيما اذا نسد بعض الشرايين الفرعية الشرايين الاحتياطية بتبدأ بالعمل مثل اللي عنا الكهرباء ما جبنا احنا موتور كهرباء اذا انطفيت اوتوماتيكيا هداك بيشتغل. الشرايين الاحتياطية اللي بيشغلها الحركة اذا بيحرك تشتغل اذا ما بيحرك ما بتشتغل هاي بيسموها في عرف الطب التعويض. انا من عشر سنين دخلت مستشفى موسكو للفحوص قال ايه صار معك انسداد لكن مشتغل عواض المنسد الشرايين الاحتياطية اللي بيسموها التعويض ايه واذا تم على حالته كمان هاي بتنسد .فاذن امراض القلب النوبات القلبية الاحتشاء الخناق الصدري كله بيرجع لجهلنا بالقرآن لان القرآن اللي هو كتاب الاسلام الاسلام ما هو دين الاخرة فقط هاي جريمة في الاسلام اللي اوقعنا بها من قبلنا اهملوا اسلام الحياة اسلام الارض اشتغلوا باسلام السماء اشتغلوا باسلام الروح اهملوا اسلام الجسد اشتغلوا باسلام ما بعد الموت اهملوا اسلام الحياة فمن اسلام الارض والحياة والجسم (وَكُلُوا وَاشْرَبُوا وَلَا تُسْرِفُوا )فالاسراف في الدهنيات بيسد الشرايين الاسراف في السكريات السكر كمان بينقلب الى دهن السمنة كمان خطر ايه كتر الزعل بقلك اخي ما بيحسن ما بتحسن لانك ما لك مؤمن .( الإيمانُ بالقدرِ يذهِبُ الهمَّ والحزنَ) من معجزات القرآن العلمية العلمية او من الاحكام الاسلامية العقائدية الايمانية عند المصائب بدك تتحملها بصدر رحب بصدر منشرح ومنفتح برضى وتسليم( إِنَّ الْإِنسَانَ خُلِقَ هَلُوعًا . إِذَا مَسَّهُ الشَّرُّ جَزُوعًا. وَإِذَا مَسَّهُ الْخَيْرُ مَنُوعًا. إِلَّا الْمُصَلِّينَ ) ان المؤمن لا يجزع عند الشدائد المسلمين كلهم بيجزعوا عند الشدائد اذا ضاع الجزدان اذا حكوا معه كلمة باردة اذا خسرله شي خسارة ماتت مرته مات جوزها مات ابنها مات ابنه هورت السيارة سقعوا الزرعات صار حريقة. المؤمن كان المسلم ما يبالي كيف رسول الله بخير كل مصيبة دون رسول الله جلل.سيدنا عمر زعل من زوجة مين؟ ابي عبيدة بحضور جوزها قال لها لاغيظنك هلأ بدبرك اصبري عليي. قالت له لن تستطيع ذلك. لن ما بتحسن تحدته بحضور جوزها قال له.بلا يا امير المؤمنين تستطيع ذلك بدو يبرد الشغلة قالت له لن تستطيع لا انت ولا هو تحدت جوزها مع سيدنا عمر مين سيدنا عمر؟ قاهر كسرى وقيصر نحنا شو قاهرنا؟ ما قاهرنا حدا عم نقهر حالنا لحد هلأ اسلامهم كان اسلام علم وعالم ومعلم كان اسلامهم اسلام اخلاق وتربية ومربي نحن اسلامنا اسلام هوية بالهوية كمان راح استبدلنا بالعروبة وبالسوري ايه طيب استغرب انه في شي قال لها كيف لا يستطيع ذلك؟ قالت له هل تستطيعان انت وهو ان تسلباني إسلامي؟ تحسن تاخدوا مني الاسلام تبعي وايماني؟ قالوا لا شو نحن بدنا نروح لك اسلامك اما بدنا نزود لك ونقوي لك اسلامك. قالت له ما دام اسلامي سليم فلا يحزنني شيء يفوتني ولا يحزنني اي شيء يصيبني مادام اسلامي سليما لا نقص فيه يعني .هاي اذا مات جوزها ابنها اخوها بيتها صحتها عينها اجرها رأسها اذنها ما راح تحزن اذان شرايين قلبها ما راح يصير فيهم كمخة ما راح يصير معها انسداد شرايين وموت فجأة ونوبات قلبية وخناق صدري ابني الاسلام مجهول.هلأ الشيخ بيعرف هالشي ؟اللي بدرسوه بالمدارس بالازهر؟ ما بدرسوه. هذا تفسير القرآن بس هيك؟ علماء الطب القلبي قالوا كما ان الهم والحزن والقلق والاضطراب بسد الشرايين كذلك الفرح الشديد الكثير والسرور الزايد كمان بسد الشريين كمان وفيه خوف من الفرح الزائد من موت الفجأة. فاذن لازم ما تزعل ما تكدر ايه طيب لا تزعل ايه طيب شو بايده؟قال ايه صير مؤمن ما بتزعل (الإيمانُ بالقضاء والقدر –كلام النبي-ِ يذهِبُ الهمَّ والحزنَ) هلا اذا بالشتي صار الحرارة صفر بتزعل؟ اه بتزعلوا؟ ليش؟ لان بتعرفوا شي لا بد منه ما في منه مفر. فهاللي ما في منه مفر النفس تستسلم له. اذا اجا الليل وغابة الشمس وبدك تصرف كهرباء بتزعل؟ما بتزعل لانه ما بتحسين تدفع فاذا عرفت انه هيدا قدر لا يدفع ترضى .هذا فكرا لكن بدك قلب اذا ما صرلك قلب ما بتحسين تآمن بدك قلب بدك ذكر ابني بدك تدخل مدرسة الذكر بدك لو تبذل حياتك وروحك وبتملك جبل دهب وبتنفقه حتى يصرلك قلب ذاكر مانك مغلوب ومانك مغبون وانت الرابح. فعند ذلك اذا بتقرأ القرآن بيأثر فيك. تسمع كلام الشيخ بيأثر فيك. الله بيامرك تمتثل. بينهاك تنتهي. اما بلا قلب ذاكر لأ. والله قال (إِنَّ فِي ذَلِكَ لَذِكْرَى لِمَنْ كَانَ لَهُ قَلْبٌ). ان في القرآن ذكرى. وهدى هدا للمتقين. في القرآن ( ذَٰلِكَ الْكِتَابُ لَا رَيْبَ ۛ فِيهِ ۛ هُدًى لِّلْمُتَّقِينَ). هلأ المسلمين بيقروا وبيسمعوا بأعذب الالحان والانغام وما حدا عم بيستفيد شي. ليش؟ لانه يقرؤونه ويسمعونه بقلوب ميتة. فنجي للقرآن يقول (مَا أَصَابَ مِن مُّصِيبَةٍ فِي الْأَرْضِ وَلَا فِي أَنفُسِكُمْ) في الارض بيتك بستانك دكانتك شغلك ولا في انفسكم في صحتك راحت عينك راحت اجرك قطعولك ايدك مدري شو صرلك ( إِلَّا فِي كِتَابٍ مِّن قَبْلِ أَن نَّبْرَأَهَا) كل هذا موجود في علم الله من قبل ما توجد في عالم الارض. وعلم الله بهالامر الغيبي المغيب عنك بالنسبة لله ان ذلك على الله يسير. ايه ليش اخبرناكم بهالحقيقة؟ اللي لازم كون هي جزء من ايمانكم قال ( لِّكَيْلَا تَأْسَوْا عَلَىٰ مَا فَاتَكُمْ) اذا فاتك شي من الرغبات من المنافع من المطالب فقدت احباب مال كذا قال لحتى ما تحزن. انا ما بيهون علي زعلك ما بيهون علي كدرك ايها الانسان مين الله؟ ايه ومين انت لحتى الله عم بيقلك انا ما بيهون علي فيك؟ ايه بوليس بالكاراكون ما بيسأل عنك جلواز بلدية. خالق الكون فاطر السماوات والارض عم بيسأل عنك يخرب بيتك شو قليل وجدان. طيب ما بتسأل عنه؟قال( لِّكَيْلَا تَأْسَوْا عَلَىٰ مَا فَاتَكُمْ). طيب بس؟ قال لااا لان الحزن على ما فات بيضر. قال في واحدة تانية قال شو التانية؟ قال ( وَلَا تَفْرَحُوا بِمَا آتَاكُمْ ۗ). كمان في شدة الفرح كمان بتضيق الشرايين كمان يخشى من موت الفجأة. واحدة بيكون ابنها غايب بالعسكرية او كان شاكة بيموته بيدق الباب نص الليل مين؟ اجا عادل اجا عدنان الام تسمع من وراء الباب بتشهق شهقة وبتموت.ما هيك؟
لذلك فإذا سمعتي ان ابنك الله فرج عنه او رجع من سفره قبل كل شيء اذكري الله قولي الحمد لله لك الحمد يا رب هذا بفضلك هاي بصير حجاب ودرع عن صدمة الفرح قال ايه هذا القرآن هيك بيحكي فانت يا شيخي من اين عم تقول ان الفرح بيسد الشرايين والكدر بيسد الشرايين القرآن ماهيك عم بيقول ايه اسمعوا شو عم بيقولوا علماء الطب في الموضوع هاي في علم الطب صلاح الطب بيسموها الشدة النفسية فالشدة النفسية في الحسرة والكدر والشدة النفسية في الفرح والسرور. قال فوجدوا ان الاهمية الكبيرة قد راح بعض الباحثين يفتشونا عن نوعية المناسبات التي يحدث فيها الموت الفجائي ففتشوا عند مئة من مرضى الشرايين القلبية عملوا احصاء لمية مريض بانسداد الشرايين وتضيقهم وتوصلوا بعد البحث واستجواب الاهل والاصحاب حول بعض النقاط التي تتعلق بحياة المريض في شتى جوانبها كالمكان الذي كان فيه المريض قبل موته وانشغالاته وهمومه وعاداته الحياتية فوجدوا ان الأهمية ...سترس(Stress) ليكون ستريس يعني الشدة؟ ليكون ترس؟ههههههه شو ترجمتها؟- انفعال- انفعال قال فوجدوا بعد ما بحثوا عن اسباب الوفاة توصلوا انه كان الشدة الانفعالية قال وأحيانا ما دائما الانفعال والغضب والقلق والكذا قال وأحيانا بسبب ظروف ومناسبات مفرحة وسارة. الانفعال السلبي بالحزن والقلق والاضطراب والانفعال الايجابي قال بسبب ظروف ومناسبات مفرحة وسارة كالانتصار في مباراة الحصول على عمل بعد طول انتظار صرلوا سنة سنتين عم يدور على وظيفة وقام توظف واذا عند عبكرا تشوفوا ميت بالفرشة مافي شي هذا من كثر ايش فرحه. قال أو الطلاق بعد مشاحنات ودعاوى مرهقة وغير ذلك .نجح بالفحص ومانو متأمل وصل لعروسته هاللي كان ما مفكر يعطوا ياها .طلعله جائزة يا نصيب بشكل مفاجئ .ملك من الملوك مر على شط بحر شاف صياد اواعيه مهرهرة وفقير وعدمان قام عطاه عشرين دينار ذهبي لما رجع من المشوار وابنه للصياد معه شاف الصياد ميت وابنه عم يندوب عليه شو باك قال له مات ابوي ليش مات قال له ما بعرف هاللي عطيته ياه بعد ما عطيته ياه قام مات. صار يتناوئ فيه ومدري ايش الوزير قال له قتلته بما اعطيته قال له لو عطيته نص دينار وبعدين نص دينار وبعدين نص دينار فأعصابه ما تحملت فشاهدي شوفوا عظمة القرآن (مَا أَصَابَ مِن مُّصِيبَةٍ فِي الْأَرْضِ وَلَا فِي أَنفُسِكُمْ إِلَّا فِي كِتَابٍ مِّن قَبْلِ أَن نَّبْرَأَهَا ۚ إِنَّ ذَٰلِكَ عَلَى اللَّهِ يَسِيرٌ)قال أما الدكتور أنجيل أو أنجول أو مدري ايش قال فقط قام بدراسة لمائة وسبعين حالة موت فجائي تابعها على مدى أعوام من ستة تم ست سنين يدرس أسباب موت الفجائي على مية وسبعين موت فجائي فوجد أن أسبابها وبالترتيب من حيث أهمية ونسبة حصولها .هي قال في سبعة وعشرين بالمية خطر شخصي يفاجئ الإنسان أو خوف من مشكلة كبيرة بيقع مشكلة وبيخاف شلون بدو يحلها ومدري ايش شرايينه بتشنج بشكل عصبي وبيروح فيها بيجي الإسلام وقعت بالمشاكل الله بيقلك( أنا عندَ ظَنِّ عبدِي ، فَلْيَظُنَّ بِي الظن الحسن) (ومن يتق الله يجعل له مخرجا) بضم يحقنك أبر حسن الظن والرجاء والأمل واللا مبالة حتى هاي أول واحدة بتروح .قال السبب الثاني قال المشاكل الكبيرة والخطر هاي الدرجة الأولى . الدرجة الثاني الموت فجأة لقريب إذا أحد أقاربك مات بشكل مفاجئ كمان هاي بتسبب موت الفجأة قال في واحد وعشرين بالمية من هاللي ماتوا بالفجأة طلع واحد وعشرين بالمية هذا السبب عشرين بالمية.قال بعد فترة مشاكل ومتاعب وقلق لا تقل عن أسبوعين فهمانين أسبوعين قلق وتشوش وكدر ومدري إيش قال من هالمية وسبعين حالة عشرين بالمية كان سبب موتهم قلق ومشاكل مدة إيش أسبوعين. بالمية تسعة الخوف من فقدان عزيز ابنك بتعملوا له عملية حالته خطرة مرتك أمك جوزك سلميه لله فالإيمان بيقاوم هالمشاكل اما ما يقاومها؟ بيقاومها. أما الإيمان الحقيقي ولي ما عنده إيمان ولي على قامته وضرب حاله بالصرماية وفيه من غير موت الفجأة بيروح بقوص حاله وبيخلص من هالمسألة. الخامس قال حدث سعيد واجتماع سار ستة بالمية من موت الفجأة إذا مات مية فجأة ستة بالمية بيكون سببه من حدث سعيد أو اجتماع بأحباب وصار معه سرور .( إِذْ قَالَ لَهُ قَوْمُهُ لَا تَفْرَحْ ۖ إِنَّ اللَّهَ لَا يُحِبُّ الْفَرِحِينَ ) )حبُّ الدُّنيا رأسُ كلِّ خطيئةٍ( ستة قال فقدان الاعتبار الشخصي نتيجة لفشل ما شديد الوقع والتأثير فيه ستة بالمية أيضا إذا ما احترموه ما حطوه بالمنزلة اللائقة بيزعل بيتأثر قال إذا مات مية واحد فجأة بيكون ستة بالمية لفقد الاعتبار .المؤمن ما بيسأل عن اعتبار الدنيا العبرة أن يكون معتبر عند الله لذلك ما بتأثر عليه بيقوصوا عليه بيطلع القواص ما بيصيبه بروح ايش عالفاضي .قال السبعة أثناء مناسبة وفاة او ذكرى وفاة في ثلاثة بالمية من الحالات بتذكر بتتذكر موت جوزها وفاة زوجته ابنه أخوه بيزعل قال من موت الفجأة بالمية ثلاثة بيروحوا بسبب ايش ؟الذكريات .فالسبع أسباب لموت الفجأة والنوبات القلبية. ولذلك في موضع آخر كمان عاملين احصاء -مسجلة لكن ماني مسجلة بيقفا الكتاب - يقول موت الفجأة موجود عند الغربيين أكثر ما هو موجود عند الشرقيين لأن الشرقيين بيغلب عليهم حالات الإيمان لذلك عم يكون التأثير قليل هاللي عم يفقد الإيمان عم يصير مثل ايش؟الغربيين .فطالب العلم الشيخ إذا إجا بالجامع يعملن درس للوضوء أهم لما هالدرس هاد أهم؟ أه ابني ما في حدا بيجي عالجامع ما بيعرف يتوضى؟ والوضوء مرة واحدة بيعيد بيفتق مية مرة ما عاد حدا بعود بيدرسه فهذا بيلتقي مع إسلام الحياة إسلام الأرض إسلام (رَبَّنَا آتِنَا فِي الدُّنْيَا حَسَنَةً) أنا يمكن ألقيت تحدثت في المؤتمر حول هالموضوع دهشوا مهددين لكن ما بهالموضوع الخاص بشكل إيش استخراج المعادن التكنيك التصنيع وحدة الأمة تجميع جهودها لنقف كلنا صفا واحدا أمام إسرائيل نترك توافه الأمور ونشتغل بمهمات الأمور فأبني هذا كله اسمه دين وكله اسمه حكمة فهاللي ما عنده دين بيخمن الناس يعني ما بيصلي. الصلاة من الدين العقل من الدين وضع الأمور في مواضعها من الدين حفظ الصحة من الدين حفظ المال من الدين حفظ السمعة من الدين الذكر من الدين الشيخ هو رأس الدين رأس الإيمان. لا إله إلا الله محمد رسول الله ما بتنفعك بلا شي. وهاي المسلمين ما بيقولوا لا إله إلا الله شو نافعتهم؟ بيخمر وبيسكر وبيفسق وبيفجر وبيكفر وبيرتد بياكل حرام بيفعل كل شيء وبيقول لا إله إلا الله وبيقرأ قرآن كمان ما له شيخ وهاللي إله شيخ هاللي إله شيخ إيه إمتى بيكون إلك شيخ لما بيكون هو قائدك في كل شيء إيمتى بتستفيد من الطبيب ما إذا رفع العيادة ما إذا كتب لك راشيتة وما إذا دفعت حق الراشيتة بدك تستعمل وتنفذ الدواء والحمية وكل كلمة بيحكي لك إياها وبمقدار ما بتخالف بمقدار ما بتعرض صحتك للضرر هذا الطبيب. إذا انت انتسبت للمدرسة وسجلوا اسمك ورحت جمعة وأربع جمع ما رحت تستفيد شيء؟ما بتستفيد شي. سيارتك إذا أخدتها على الميكانسيان بمجرد ما تاخدها تفوتها على الكراج للتصليح يعني تصلحت؟ بدك تسلمها له تدفع تبدل تغير بتصير سيارتك. مزرعتك كل شيء في الوجود إلا الدين المسلمين بعدوا عن الدين بعدا هائلا صفيان الإسم. الاسم الله كمان يا ابني إذا الواحد عارف اسم أبوه لو ما وجده لكن بيسأل بركة الله بيدله أما إذا ضيع الاسم. إذا راح البيت وواحد أخده ظالم وورقة الطابو يمكن بترجعلك ياه وإذا روحنا كمان ورقة الطابو ضاع الأمل. لذلك الله يجعلنا مسلمين يا ابني وأول الإسلام هو إيش؟ هو الشيخ المسلمين شو عم بيعاملوا مع الشيخ عم يدبحوه فالمريض اذا عم يدبح الطبيب بطيب؟ والجوعان إذا عم يدبح الطباخ يعني بدو يتم بعد منه هوي؟ والعريان من الحمام طالعين بالظلط دبح الخياط وعدو الخياط تنستر عورته؟ الله يعين المسلمين بالاسم مسلمين الاسم ولسه بدنا نشوف أكثر من هيك كثير يا ابني لأنه إسلام بالأقوال ومهدمين الإسلام بالأعمال نحب علمائنا بلا شخصيات أما نعادي علمائنا بالشكل الشخصي. الشيخ يذوب لحما وعظما وعقلا وفكرا كل يوم بيخوض خمسين معركة خطر من أجل المسلمين والمسلمين بيخوضوا خمسين معركة محاربة للشيخ وإيذاء للشيخ وتخريب للشيخ هذا غير أداء حقوق الشيخ. مبارح شفت جريدة لبنانية بطرك من البطاركه عنا خمس ست بطاركه لحارة واحدة من حارات النصارى عاملين له عزيمة ببيروت أحد الوزراء ما مخلين وزير ولا أمير ولا سفير ولا تعظيم ولا تكريم ولا بيار الجميل تبع الكتائب. حكالي بطرك مات من سنة واحد عزمه من بغداد يحضر عرس بنته بإيش قيم وكرم جيته لعنده؟ قدم له سيارة كديلك جديدة ودعاه لما كنت بالنمسا عمل له فحوص بالنمسا بأوروبا ما اكتفى هون. هاي شو بتكلفه سفر وإقامة؟ هذا الأمم هيك بتفعل .سمعت إذاعة إسرائيل ما أدري إذاعتنا والله راح عن بالي أن الدروز في منهم أخذوا هوية إسرائيلية هلأ قال إجوا مشايخ الدروز حرموهن من الدين هلأ رجعوا عن الهوية رجعوا لهم دينهم هون هلأ إذاالشيخ قال له أنت مالك مؤمن بيسب الشيخ إذا قال له أنت منافق. لذلك يا ابني هاللي بدي يعملك مسلم تعرف الواجب لتؤديه الخلق لتتخلق به الاستقامة لتستقيمها يكاد أن يفقد وتصير مسلم لحالك مستحيل الموتور المكربج المكسر لحاله بصير؟ الطاولة المكسرة المهشمة من غير نجار بتصير ؟المسلمين هيك بدون يصير إسلام المسلمين. الله يثبتكن يا أبني فأنتوا على كل حال بقدر أمكانكم في حدود الطاقة أبذلوا الجهد وبالحكمة ونسأل الله التوفيق والمعونة ورفع البلاء وصلى الله على سيدنا محمد وآله والحمد الله رب العالمين.