فنحن الآن في تفسير بعض آيات من سورة ص سبق معكم أن تسميتها بهذا الحرف ص لما اشتملت هذه الآية على تعليم المؤمن و المؤمنة لخلق الصبر الصبر على اداء الواجبات و الصبر على كفّ النفس و ردعها عن المحرمات و المؤذيات و الصبر عند الشدائد و الملمّات و الصبر في الفقر و في الخوف و في كل النكبات و كما يقول النبي الكريم الصبر شطر الإيمان الصبر ضبط النفس متل المكابح بيضبط السبارة لما بدها توصل للهاوية فتركها تمشي على كيفها ف بتسقط و بتصير عجين هي و من فيها و إذا وجد الفرام يكبحها و سرعتها و يوقفها عند الحدّ المطلوب سلمت و سلم من فيها فالإسلام يا ابني هو قوة دافعة للإنسان ليملأ عقله علمًا و حكمة و الإسلام مدرسة ليزرع في تربة النفس كل فضائلها و كل كمالاتها ليصل الإنسان إلى قمة السعادة في أي ميدان من ميادين الحياة يدخله و يسلكه و يستعمله مع عميق الأسف انقلب التعليم الإسلامي إلى تعليم طقوس العبادات كيف بدنا نتوضى و كيف بدنا نصلّي و كيف بدنا نصوم هاي بيتعلمها ب ٥ دقايق توضأ قدامه مرة مرتين بيتعلم صلّي قدامه مرة مرتين بيتعلم الصوم الحج أما الإسلام الذي هو بناء النفس بالفضائل و بناء العقل بالعلم و الحكمة حتى إذا قال قال صوابا و إذا عمل عمل نجاحًا و إذا عاش عاش سعادة و توفيقا هذا التعليم الإسلامي فقده المسلمون و منذ مئات مئات السنين و حينما ضعفت التربية الإسلامية بدأت فتوحاتهم تنحسر و تتراجع و عزتهم تتناقص و تتقلص و وحدتهم تتزعزع و تتمزق و عدوهم يتراجع إليهم و فيهم يطمع و إلى الآن ما عم يحظى المجتمع الإسلامي بالتعليم الإسلامي الحقيقي ف منرجع الى ص التعليم الإسلامي في القرآن ص لأنه في سورة ص ذكر الصبر مرات متعددة و قصص الأنبياء ليعلم النبي الصبر و الصمود في أدآء واجب الرسالة و النبوة التي هي تعليم و تربية و بعد النبي سورة ص موجهة لكل مسلم و مسلمة بده يتعلم القرآن كدروس مش كتلاوة بده يتعلمه كمعاني كأهداف كخط في الحياة بدو يمشي عليه متل القطار لما بدو يمشي عالسكة فإذا خرج عن سكته بقي في أرضه ما بقا شغّل الموتورات بتدور الدواليب و كرمالها بتزداد تعميقًا في الأرض فالصفحة الأولى التي مضت في الدرس الماضي الله ذكر وضع المسلم الأول النبي و الشدائد المحيطة به و الصعوبات التي عارضته لتقف دون تحقيق ما كلّف به الأعداء و الدعايات و الأكاذيب و الأحقاد و المآمرات ف بنهاية ما ذكر عن وضع المسلم الأول الله الآن ماذا يقول له؟ قال ذكر وصف المعركة بين آداء الواجبات التي هي إنقاذ الأمة و بناء الدولة و الدولة العالمية الأنبياء من قبل كانوا يربّوا الشخص الفرد أخلاقًا و سلوكًا و إنسانيّةً نبييّن فقط داوود و سليمان الله علمهم الملك و الدولة و السياسة لكن كانت دولتهم مصغرة قومية لليهود فقط أما النبي العربي الله أرسله للإنسانية ليهذب الإنسان الشخص الفرد و الأسرة و المجتمع و ليقيم الدولة لا الدولة القومية هاي القومية جائتنا من الإستعمار فرنسا هنّي اللي بآمنوا بالقومية ألمانيا بآمنوا بالقومية الإسلام يؤمن بالقومية بالوطنية و بالحقوق الفردية يضاف إليها قيم العائلة الإنسانية و الدولة العالمية بلا تمييز عنصري بمساواة كل أنواع البشر و لذلك الفتوحات الإسلامية نوابض العلماء من وين طلعوا؟ ما طلعوا من مكة و المدينة..طلعوا من إيران و أفغانستان و من باكستان و من بخارة و مالي بأفريقيا ب أواسط أفريقيا هي أول دولة حاولت إكتشاف كروية الارض قبل كولومبوس. أرسلوا أسطولين ذهبوا و لم يرجعوا هاي أفريقيا السوداء هذا بالتثقيف الإسلامي أما الفتوح الأوروبي إستعماري استغلالي استعبادي في ٣٥ مليون أفريقي الآن في أميركا هؤلاء خطفوهم كلهم كعبيد ليستعملوهم في أميركا المفتوحة و قتلوا و ألقوا في البحر أكثر من ثلثيهم لحتى وصلوا معهم الثلث أما الإسلام هكذا فعل بالأفريقي و بالآسيوي ساوى الناس مثل بعضهم البعض (إِنَّ أَكْرَمَكُمْ عِندَ اللَّهِ أَتْقَاكُمْ ۚ ) ابن الشيخ بيرمز الإسلام وضوء و بيحكيلن شي مذهبي و تعصّبي بيصير مهزلة و مضحكة للمسلم و لغير المسلم لذلك التعليم الديني ما هو ناجح و المسلمين في ضياع في تمزّق حتى نرجع إلى مدرسة القرآن نرجع إلى القرآن لا كتلاوة نرجع إلى القرآن كمدرسة كثقافة كأخلاق و تخلّق و معلم و مربّي و نصبر على ذلك حتى نأخذ شهادة القرآن فإذا ختمت القرآن ختمت دراسته و علومه فأنت من عظماء الرجال و أنت ايتها المرأة أذا تعلمتي علوم القرآن أنت من نبيلات النساء و تأخذين بطولة النساء العالمية إذا في جائزة نوبل أنت تأخذين جائزة السماء الجائزة التي هي بكتاب واحد تدرسيه و ندرس كلٌّ منّا دراسة علم و فهم و تطبيق و يجب أن نبحث عن المعلم و المدرب و المربّي و الحكيم. يقول الله تعالى من بعد ما ذكر معركة الإسلام أو معركة العلم مع الجهل أو معركة التقدم مع التخلّف أو معركة التّرقّي مع الإنحطاط و الممثل للتقدم و العلم و العزّ القوة و الوحدة شخص النبيّ و الطرف الثاني قريش الطرف الثاني هؤلاء ب جهلهم و حماقتهم و مطامعهم و أنانيتهم و خرافاتهم في شي صعب؟ قال للنبي اصبر على ما يقولون شو يقولون؟ كانوا يقولون فيه ساحر، كيف الناس عم تلحقو؟ لك عم بيفرّق بين الأب و إبنه لك المرأة عم تترك زوجها و تلحق النبي الولدعم يترك والده و يلحق النبي عم بيقاتل أمه و أبيه و إخوته هذا سحر مرة يقولون كذاب مرة يقولون لما يذكرهم بالأمم الهالكة لخروجها عن تعاليم الله يقول يأتي بأساطير الأوّلين لك هاي بألف ليلة و ليلة و هكذا قال اصبر(اصْبِرْ عَلَىٰ مَا يَقُولُونَ وَاذْكُرْ عَبْدَنَا دَاوُودَ ذَا الْأَيْدِ ۖ إِنَّهُ أَوَّابٌ) ذا الايدي هي القوة في العلم و العمل في العلم رقي الأمم و رقي الإنسان يا ابني بالعلم و بالعمل اذا كان يعلم و لا يعمل هذا ضعيف اذا بدو يعمل بلا علم هذا أضعف ف ( وَاذْكُرْ عَبْدَنَا دَاوُودَ ذَا الْأَيْدِ ۖ) يعني صاحب القوة فالقرآن يدعو إلى القوة و القوة فسّروها بالعلم و بالعمل الآن أميركا ب شو قوية؟ بالعلم روسيا ب شو قوية بالعلم اسرائيل ب شو قوية؟ بالعلم؟ نحنا بشو ضعاف ؟ بالعلم او بالجهل! ف (وَاذْكُرْ عَبْدَنَا دَاوُودَ ذَا الْأَيْدِ ۖ) ما قال ذا اليدين لو أراد الأيد كلها التي في الجسم كان قال ذا لليدين لا..قال ذَا الْأَيْدِ ۖ لأنو العمل باليد فاليد كناية عن القوة قال ليس له يدان قال له أيدِ تطول كل فضيلة و كل مكرمة و كل أمنية و أمل إنه أوّابّ لما أقول اقطع لي تذكرة لبيروت ذهاب و إياب شو معنى أوّابّ؟ يعني في كل شؤونه في كل أموره مرجعه ليس إلى رغباته و و شهواته و أنانيته و مصلحته..يرجع إلى قانون الله الله بماذا أمره؟ إذا أمره ب شيء و لو كرهته النفس ينفذه و إذا نهاه عن شيء ولو اشتهته النفس ينتهي عنه مرجعه ليس إلى شهواته ولا رغابته الشخصبة مرجعه إلى أوامر الله و إلى نواهي الله مرجعه إلى كتاب الله إلى إرشاد الله إلى تعاليم الله إلى مدرسة الله يعني هكذا أنت يا محمد اصبر بدك تصبر في المعركة على ما يقولون و عل ما يفعلون و الصمود؟ الصمود يا ابني (يَا أَيُّهَا الَّذِينَ آمَنُوا اصْبِرُوا) شو معنى اصبروا؟ اصبروا في معارك الحياة ف التاجر بيفتح محل بيضلّ شهر شهرين سنة سنتين ما بيربح اصبر! النجار الطحان المعلم الأنبياء الرسل كل شي في الحياة الزوجة تصبر على زوجها الزوج يتعلم الصبر الصبر شطر الإيمان نصف الإيمان صبر لما بتطلّع زكاة النفس تقول لك انت أحقّ أنت كيّف فيهم بدك تخالف نفسك و تصبر على مخالفتها بدك تجي عالجامع و الدنيا مطر و تلج و وحل برد وثلج و مدري شو اصبر عالبرد و على الطين و عالوحل و على كل شي. رح اذكر لكم قصة هيك بين هلالين واحد بدو يروح عصلاة الفجر و الدنيا مطر و كان ما في تزفيت ب هيداك الوقت و الطريق كله طين..زوجته نصحته خانقته بهدلته هلق يتلوّت حالك و مدري شو...ما ردّ وطلع ما مشي ١٠ خطوات تزحلق و وقع مغمور بالطين ف لبس بدلة من طين من رأسه حتى قدميه. ما رجع عالجامع ف رجع عالبيت عند مرتو مرتو كمان لبسته بدلة ثانية بهدلات..لبس كم بدلة اي هاي ما لازم ينهزم؟ المؤمن لا يهزم شلّحتو لبّستو قال لها و مشي قالت له لوين؟ قال لها عالجامع يخرب بيتك! ولك! ما فيك مخ؟!! يا مجنون يا كذا...لما طلع كان ما في كهربا شاف واحد أمام الباب معه فانوس و صار يمشي أمامه يقول له انتبه هون في جورة هون زحليقة هون في طين هون...لحتى وصّلو عالجامع لما بدو يفوت قال له ب خاطرك تبع الفانوس قال له وين ب خاطرك؟ تعا فوت عالجامع..قال له أنا ما بفوت عالجامع قال له اي ضيعتنا كلها إسلام كيف..قال له أنا من اللي ما بيفوتو عالجوامع قال له نصراني؟ قال له لأ..يهودي؟ لأ بوذي؟ لأ قال له لكن شو؟ قال له ابليس ب ذاته الشيطان..قال له الشيطان و بيعين على طاعة الله؟! قال له لك حبيبي لا تنظر ألى ظاهر العمل انظر إلى المقصد و النية...قال له أنا ظاهر عن عينك على طاعة الله لكن قصدي ما هيك قال له لكن شو؟ قال له لما تزحلقت أول زحليقة و رجعت عالبيت و ما ضعفت همتك و رجعت أقوى ممّا تكون الله غفر لك كل ذنوبك بصبرك على التحمل المشاق. قال له خفت تتزحلق زحليقة ثانية و تصبر متل أول مرّة يقوم الله يغفر لأهل البلد كلهم بسببك و يدخلهم الجنة و أنا صرلي ٤٠ ٥٠ سنة عم بشتغل فيهم لحتى إتسلّى فيهم ب جهنم و انت تروّحلي شغلي ب زحليقة طين؟؟!! (اصْبِرْ عَلَىٰ مَا يَقُولُونَ وَاذْكُرْ عَبْدَنَا دَاوُودَ) القرآن اسمه ذكر( إِنَّا نَحْنُ نَزَّلْنَا الذِّكْرَ) تذكير تعليم تربية عظة تنبيه إيقاظ اي نحنا عم نستعمله للأموات للغناء موّالات للقلقلة نتعلم تلاوة ألفاظه إذا أفلحنا أما نتعلم علومه؟ نهيّأ قلبنا هلق اذا رميت البذور من دون ما تحرث الأرض بتجي الطيور بتاكل الحب..بدك تهيّأ الأرض و تسمّدها و تريحها و تفلحها مرة و مرتين و ٣ و بعدين تطّمّ و تسقي لحتّى يطلع الزرع. (وَاذْكُرْ عَبْدَنَا دَاوُودَ ذَا الْأَيْدِ ۖ ) كان من قوته في إيمانه و عبادته كان يصوم يومًا و يفطر يومًا العبادة ليش؟ يعني الله أمرنا بالصوم لحتى ناكل من بيت المونة تبعو و عم نصير فيها بالقطع النادر؟ و صار القطع النادر عندو قليل يعني؟ و خايف يفلس او هوي عم ياكل و خايف يشاركو؟ لا يا ابني ما أمرك الله بأمر إلا لسعادتك لنجادتك لنجاحك الآن ثبت علميًّ في كل البلاد الراقية انو الصوم أعظم طبيب للبدن. حدّثني أحد اخوانكم مختص بالطب الداخلي في ألمانيا، قال لي الآن فرضوا على طلاب كليات الطب ما بيعطي شهادة لحتى يصوم ١٠ ايام على المياه ما بياكل شي ١٠ ايام فرد مرة هلق بعد ١٥ قرن أوروبا أدركت حكمة فرض الصيام الإلهي فكان داوود يصوم يومًا و يفطر أكثر أمراض الناس أكثرها من جهلهم ل أصول التغذية. (دَاوُودَ ذَا الْأَيْدِ ۖ إِنَّهُ أَوَّابٌ) رجّاع ما إلى نفسه و لا الى غرضه ما إلى خوفه لا إلى مصلحته..إلى إرضاء الله ف وليتك ترضى والأنام غضاب وليت الذي بيني وبينك عامر وبينـي وبين العالمين خـراب إذا صح منك الوصل فالكل هين وكل الذي فوق التراب تراب.
فقال( إِنَّا سَخَّرْنَا ٱلْجِبَالَ مَعَهُۥ يُسَبِّحْنَ بِٱلْعَشِىِّ وَٱلْإِشْرَاقِ) قال إذا ذكر الله و سبح الله عز و جلّ كان يسمع تسبيح الجبال تسبّح ب تسبيحه الجبال و الأحجار الصمّ كانت تتجاوب معه ف هكذا كنّ يا محمد حرّك القلوب القاسية حتّى تذكر الله ب ذكرك و تسبّح الله ب تسبيحك و تصلي ب صلاتك و تعشق الله ب عشقك و تجاهد ب جهادك و الطّير محشورة مع الجبال و الحيوانات صارت تستجيب له و هكذا أنت يا محمد هيك بدك تكون بدك تقبل على الله حتى ينعكس في مرآة قلبك نور الله بأقوى ما يكون الإنعكاس حتى يشعّ قلبك من نور الله و من حكمة و من علوم الله و من أخلاق الله حتى ينقلب الإنسان الحيوان في إنسان انسان ابني في انسان حنش ظاهره إنسان عامله ما بتشوفوه إلا لدغك لدغة يمكن تتألم اكثر منها بكثير بتفضل لدغة حيّة على لدغته بتطلع لدغته أنحس و ألعن من لدغة الأفعة الصاحب واحد لعل يفتك فيك دون منه فتك الكلب و الكلبان او الذئب الجائع الذئب الجائع ب عصاية ب كذا بتكفي شرّه بيطلع مؤذي أكثر و هذا مصداق قول الله تعالى (أَفَرَأَيْتَ مَنِ اتَّخَذَ إِلَٰهَهُ هَوَاهُ) لا يطيع الله يطيع هواه ميوله رغباته مصالحه أنانيته( أَفَأَنتَ تَكُونُ عَلَيْهِ وَكِيلًا) هذا في مكة انت بس عليك التعليم لا يحق لك أن تضغط( أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ ۚ ) هلق لو جبنا قطّ عالجامع بيسمع الدرس؟ بيسمع او ما بيسمع؟ يسمع لكن يعقل؟ أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ ۚ هل يسمعون سماع قبول؟ سماع إنقياد؟ سماع طاعة؟ سماع علم؟ لا لا علم لا سماع علم قبل السمع و بعد السمع جاهل سماع طاعة..قبل السمع و بعد السمع عاصي متمرد على الله( أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ )ۚسماع القبول و الطاعة أَوْ يَعْقِلُونَ ۚ إِنْ هُمْ إِلَّا كَالْأَنْعَامِ ۖ شو الأنعام؟ البقر أنعام التيوس أنعام الجمال أنعام فهذا الإنسان..في إنسان بقر في إنسان جمل في إنسان تيس في إنسان جدي هذا كلام الله و ليس كلامي.( قال أَفَرَأَيْتَ مَنِ اتَّخَذَ إِلَٰهَهُ هَوَاهُ أَفَأَنتَ تَكُونُ عَلَيْهِ وَكِيلًا تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ ۚ إِنْ هُمْ إِلَّا كَالْأَنْعَامِ ۖ) ا قال الأنعام تفهم أحسن منهم بَلْ هُمْ أَضَلُّ سَبِيلًا لا تنغر ب صورتك الإنسانية بدنا نشوف صورتك الجسدية؟ لا تنغش! بدنا صورتك الجوانية العقلية الروحية الأخلاقية يا ابني مين بدو يحولك من إنسان حيوان الى مؤمن إلى إنسان فاضل إلى إنسان حكيم إلى إنسان صبور إلى إنسان تقي إلى أنسان نافع محبّ للخلق نافع لهم هذا كلام الله يا ابني.( وَالطَّيْرَ مَحْشُورَةً ۖ كُلٌّ لَّهُ أَوَّابٌ) قال بدك انت تليّن الجبال حتى تسبّح معك مثل ما فعل داوود و تليّن الحيوانات اي قادة العرب قسوة قلوبها مثل الجبال..سبّحت مع النبيّ؟ تلك القلوب؟ (ثُمَّ قَسَتْ قُلُوبُكُم مِّن بَعْدِ ذَٰلِكَ فَهِيَ كَالْحِجَارَةِ أَوْ أَشَدُّ قَسْوَةً )ۚ و هون الله قال إِنْ هُمْ إِلَّا كَالْأَنْعَامِ ۖ كالدوابّ ف إذًا النبيّ قلب القلوب المتصلبة التي هي أشدّ صلابة من الأحجار و النفوس التي هي كالحيوانات و الشياطين قلبها إلى علماء فقهاء حكماء أدبآء كانوا من فقههم أن يكونوا أنبياء لكن قلب هالقلبة هاي و حوّل التحويل ب راحة أم ب عناء؟ ب جهد و صبر أم ب فرار و ملل و استصغارٍ للإسلام الناس هكذا كانواو بالنبوة هكذا صاروا العلماء الذين هم ورثة الأنبياء فليفعلون فعل الأنبياء ليس بنبيّ و لكن يفعل فعل الأنبياء. ف ( وَالطَّيْرَ مَحْشُورَةً ۖ كُلٌّ لَّهُ أَوَّابٌ ) مآب إلى من؟ إلى داوود سواء كانت حيوان الله سخّرها له كان إذا قرأ في الزّبور كانت تقف الطير تسمع لتسبيحه لأن الطير لها علم بالله( وَإِن مِّن شَيْءٍ إِلَّا يُسَبِّحُ بِحَمْدِهِ أَلَمْ تَرَ أَنَّ اللَّهَ يَسْجُدُ لَهُ مَن فِي السَّمَاوَاتِ وَمَن فِي الْأَرْضِ وَالشَّمْسُ وَالْقَمَرُ وَالنُّجُومُ وَالْجِبَالُ وَالشَّجَرُ وَالدَّوَابُّ) بلا إستثناء أما الناس و كثير من الناس ما كلّ الناس و كثيرً حقّ عليه ف الله سمّى الشجر ساجدة و سمّى كلّ شيء يسبّح بحمده و أهل القلوب أهل البصائر هذه يرونها ب نور بصائرهم و يسمعونها ب أذآن أرواحهم و يشاهدونها أبلغ ما تشاهده العين الأشياء الجسدية (كُلٌّ لَّهُ أَوَّابٌ ) كلها خاضعة لمقام النبوّة و نور النبوة و شددنا ملكه أعطيناه ملكًا قويًّا ما دولة ضعيفة ملك دولة قوية يعني دير بالك يا محمد بدنا نعطيك دولة لكن دولة ما دولة وين حدودها؟ داوود نص فلسطين كان بني اسرائيل و العرب من زمان يتقاتلوا مع بعضهم البعض ف أما أنت النبي قال سيبلغ الإسلام ما بلغ الليل و النهار يعني سيشمل الكرة الأرضية..و شملها؟ شملها ببركة تلامذته و أصحابه الذين بذلوا أرواحهم و أجسادهم و تركوا أولادهم و أزواجهم و نسائهم و ما أرادوا لا مال و لا غنيمة إلا إعلاء كلمة الله و في سبيل الله و بالحكمة و تربية سيدنا محمد هلق أنا يعني إنتو إخواني تربيتو تعلمتوا على قدر الإمكان لكن شيخنا إخوانه إلى الآن صرلوا متوفي أكثر من ٥٠ سنة لم يتغير فيهم ولا شعرة فالصحابة...فتربية النبي أعظم أم تربية شيخنا؟ إي ممكن الصحابة بعد النبي يتغيروا؟ اذا تغيروا بيكون النبي ما مربّي النبي بتكون تربيته هذا هذا الطعن في تربية النبي...نحنا منسوبين في الطريق إلى سيدنا جعفر الصادق بعدنا بألف سنة ثابتين على مبدأه و ما تغيّرنا..ف أصحاب النبي يتغيروا بعد موته ب يوم او يومين؟ منشان الدنيا؟ ما في حدا منهم عمر قصور او جمع الملايين..كلهم كانوا زاهدين متقشفين يلبسوا مرقّعات و اموالهم و ارواحهم و كل شي كله كانوا بذلوه في سبيل الله و و نشر كلمة الله.( وَشَدَدْنَا مُلْكَهُ وَآتَيْنَاهُ الْحِكْمَةَ) الحكمة يا إبني ف أنت كمان هيّئ قلبك نظّف روحك وسع وعائك نملئه حكمة..من أخلص لله ٤٠ صباحًا تفجرت ينابيع الحكمة من قلبه على لسانه..الحكمة العلمية هي أن تعرف الأشياء التي تريد ممارستها أن تعرفها ب حقائقها و بواطنها و تعرف ارتباط المسببات ب أسبابها هاي إذا فعلتها شو بينشأ عنها؟ شو بيتسببّ عنها هاي شو سببها؟ هاي المرض شو سببه؟ هاي اذا درسته هاي اسمها الحكمة العلمية تعرف القضية ما يغيب عنك بتعرف بالسيارة كل ما فيها اذا بدك تستعملها اما تعرف جزء و تجهل ب جزء ما تنجح بالسواقة و العملية هي التطبيق العمل على مقتضى العلم الآن يا ابني أوروبا ما بتدخل في شغلة حتى تتقنها دراسة..اذا دوائية أو صحية او سياسية او زراعية او حربية او سياسية اي الله آتآهم الحكمة و نحنا المسلمين من أندونيسيا إلى المغرب منقول كان أبآئنا كانوا و كانوا قال كن عصاميًّا و لا تكن عظاميًّا العظام اللي مفتخر ب أبآئه و أجداده اما عصام نفس عصامٍ سوّدت عصامًا التي أعطته السيادة همته و عزيمته نفسه الكريمة نفس عصامٍ سوّدت عصاما و علمته الكر و الأقدام ف (وَآتَيْنَاهُ الْحِكْمَةَ) طيب المسلم تعلم الحكمة العلمية؟ تدرب على الحكمة العملية؟ هلق اللي بيتعلم نجارة بيصاحب النجار بيشوف النجارة في عينيه و اذا غلط مع معلمه يقول له اعمل كذا و ساوي كذا عم بيتعلم علمًا و عملًا انت مين معلمك الحكمة؟ علما و عملا مين؟ له استاذ الحشاش له مدرسة وين مدرسته؟ يا بين البساتين بالمحششة سبع ثماني..شو بيسمّوهن..بوريّة؟ بيكون قاعد بالمدرسة اي اذا الله فتح عليه بعد شهرين ٣ ٤ بيصير حشّاش في استاذ و مدرب او ما في؟ اي انت حكيلي مين استاذك؟ بالحكمة الحكمة ثلث الإسلام يا ابني (وَيُعَلِّمُهُمُ الْكِتَابَ) هيدا ثلث (وَالْحِكْمَةَ) ثلث (وَيُزَكِّيهِمْ ۚ ) مين زكى نفسك؟ مين مزكيك؟ لست مزكّي مين حكيمك علمك الحكمة ما في حكيم مين علمك علوم القرآن علمًا و عملًا سيدنا خالد النبي لما توفّى ابو بكر اخد الآية( وَٱصْبِرْ عَلَىٰ مَا يَقُولُونَ )صبره كان معركته غير معركة النبي العرب كلها ارتدّت الجزيرة العربية كلها عملت انقلاب فأطفئ الإنقلاب ب علوم القرآن و بحكمة القرآن و بأخلاقية القرآن و أطلق الحرب ب ١٤ شهر و بإنتهاء الحرب أعلن الحرب على الدولتين الأعظم دولة المشرق كِسرى و دولة المغرب قيصر و انتصر نحنا منحارب حروبنا معروفة أما هنّي حاربوا كمان انتصاراتهم معروفة صدّام قال بدو يعمل قادسية صدّام اي سيدنا سعد عمل ٥٠ قادسية و ما سمّى حالو...بدن الله في سبيل الله هذا ما عمل قادسية و قال سقط بالبير تبع القادسية. وين هذا با ابني لأنو ما في معلم النفس بتحب المعالي لكن بين ام تحب بأسباب حقيقية و تهيأ لكل شيء..بدك القمح بتهيّأ دار القمح لكن تزرع زيوان و تنتظر الثمر كل ثمرة هيك قال ترجو النجاة و لم تسلك مسالكها إن السفينة لا تجري على اليبس ف (وَآتَيْنَاهُ الْحِكْمَةَ وَفَصْلَ الْخِطَابِ )فصل الخطاب كان إذا حكى بين الناس يفصل بين الظالم و المظلوم بين القوي و الضعيف..إذا كان الأمر مشتبه ما مبين الظالم من المظلوم بما أوتي من علم إلهي و حكمة ربانية كان يميز المظلوم من الظالم ووالغشاش من الناصح لذلك ورد بأن رجلين خصمين أتيا إليه يختصمان في محكمته أحدهما يقول بأن هذا اغتصب بقرتي عندو بقرة أخدها منه ف قال له شو البيّنة؟ ف قال له وين الشهود قال ما في لا بيّنة ولا...اي..قال لا لكن سوف أؤجل لكم الدعوة يومين ثلاثة يا بتتصالحو يا المدّعين ب إيدين أمينة. بهاليومين ٣ نزل الوحي على مين؟ على سيدنا داوود أن اقتل المدّعين ...ان اقتل شو اقطع رأسه و اشنقه؟ ..اي بقرته رايحة و فوق هيدا كمان رقبته تروح! اي و الله ابني الله ما بيغلط! الله ما بيغلط و الله ما بيظلم و الله ما بيشتغل شغلة عن غير علم سيدنا داوود وحي ما في كلام..اي لما أجو قال له أنت طلع الحكم عليك بالمحكمة السماوية ب قطع رأسك قال له يا نبي الله بقرتي راحت و هذا تعدّى عليّ و فوق ذلك كمان قطع الرأس؟ قال له هيك الوحي الإلهي الله أعدل العادلين قال له ما في خواص قال له اي ما في خواص قال له يا نبي الله حكم الله مزبوط .قال له انا بزماني قاتل ابو صاحب البقرة صحيح غصبلي بقرتي..لك انا بزماني قاتل والده و غيلة و ما حدا عرف من القاتل لكن الله عرف أو ما عرف؟ عرف؟؟ بيعرف؟ و في شغلة الله ما بيعرفها؟ اذا الناس ما بيعرفوا الله بيعرف و اذا الناس عرفوها الله الله ما بيحتاج إلى معرفتنا يا ابني قال له والله إني قتلت والده ظلمًا و هذا حكم الله العادل...يلا أنا بقبل خلّلي عذاب الدنيا ولا عذاب الآخرة و شددنا ملكه..لما الناس شافوا انو الله يأيّده بالوحي في حكمه و قضائه و دولته، يعني الله رئيس الدولة الله وهو موظف عنده أذا عجز عن شي عم بيجيي المدد في القوة في الجيش في القضاء في كل الأمور الله عم ب سدّد الخطى. النبي عليه الصلاة و السلام الصحابة جيوشهم ما معهم كانت تهزم دولتين الأعظم لكن كانوا متصلين ب الله علمًا و حكمة و تقوى و قلبًا و روحًا ف أمدهم الله ب قوة السماء (فإن يكن منكم عشرون صابرون يغلبوا مائتين و إن يكن منكم مائة يغلبوا ألفاً من الذين كفروا ) الآن العرب ٢٠٠ مليون اليهود كانوا ٥٠٠ الف ما هي النتيجة يا ابني؟ بدها رجوع إلى الإسلام بيجي الشيخ بدو يرجعنا إلى الإسلام بيقوم ب رجّعنا لورا شو ابني نحنا في أزمة التعليم الإسلامي الحقيقي مدارسنا التي تعلم الدين تحتاج إلى تجديد برامجها و برنامج التربية الأخلاقية مفقود كلّيًّا أمّا التربية الروحية ليس لها أثر ولا رائحة الحكمة ما لها وجود. بينما كان الأعرابي و البدوي في البادية كان يعرف علوم القرآن و تعلّم الحكمة و تزكّت منه النفس ما طلب العلم فريضة على كل مسلم و مسلمة؟ فانقلبت الوديان و الجبال و البوادي كلها انقلبت إلى مدارس المعلم يعلم لله يعلم الذكور و الأناث و الصغار و الكبار كلهم و تعليم بالبرنامج وزارة التربية الإلهية ف كيف بدو يطلع خريج المدرسة الإلهية؟ هلق المدرسة عندنا لكن عندما نقرأها لكن لا نفهم و لا نريد أن نفهم و لا نريد أن نطبق هلق اللي بيقرأ قرآن اسئله أنت تقرأ ناوي تفهم؟ اي و إذا ما فهمت بتسأل العالم فلو اراد ان يفهم بيسأل ولو كان العالم ب بغداد كان المسلم يسافر من هون ل بغداد من أجل ان يسمع حديثًا نبويًّا واحد و اذا سمع حديث يقول سفرتي لم تذهب ضياعًا هلق المسلم العلم بينها و بينه بيركب سيارة او ما عندو رغبة اما الذي ب مدرسة الرقص ب مدرسة الرياضة البدنية بالألوف ب عشرات الألوف فوق بعضهم البعض..بيجو عالملعب قبل ب نصف ساعة ساعة بتنزل مطر بيتحملوا شمس بيتحملوا اذا أحدهم تزلحق شي زحليقة من غير زحليقة يقول لك يا أخي ما فاضيين مفتكر انو فهمان دينه اي ما فهمان من دينه ولا شعرة من جلد الغنمة. كيف بدو يلقى الله كيف بدنا ننجح في الحياة يا ابني الأسرة ليست ناجحة أعمالنا الدنيوية ليست ناجحة أعمالنا في كل شؤون الحياة نحن في إخفاق..و الشيخ ب ذاته ليس ناجحًا لأنه ليس فهمان ف بدنا نرجع إلى مدرسة القرآن المشروحة ب أعمال النبي ب تعليمات النبي ب أعمال تلاميذ النبي هني اللي علموا الجيل اللي بعد النبي نحنا إسلامنا من وين أخذناه من النبي؟ أخذناه من الجيل الذي قبلنا و الذي قبلنا أخده من الذي قبلهم لو الصحابة كان في اسلام؟ ف قال( وَآتَيْنَاهُ الْحِكْمَةَ وَفَصْلَ الْخِطَابِ) يعني يا محمد كما انت بدك اذا سبحت الجبال تسبح معك اي ما بس الجبال سبحت معه..الهند سبحت معه و باكستان سبحت معه و الصين سبحت سيدنا داوود جبال فلسطين سبحت معه اما سيدنا محمد جبال فرنسا سبحت معه جبال سويسرا سبحت معه هلق جبال أميركا عم بتسبح هلق الإسلام حكالي واحد ب ألمانيا قال لي أسلم على يده ٢٠ الف ألماني..٢٠ الف! و واحد حكالي بالسويد قال لي اسلم على يده ٦٠٠٠ سويدي و هم مسلمين عاديين لك نحنا أساتذة العالم بالقرآن و الإسلام لكن ما منعرف نقرأ؟ ما دخلنا مدرسة القرآن علوم و هذا فرض عالنجار و عالطحان و عالفلاح و عالأستاذ و عالطبيب و عالضابط و عالقاضي وعالوزير و عالأمير و عالحاكم كلنا و بتصير تتعلم يا ابني علم من دون معلم؟ بيصير؟ هارون الرشيد كان يقف على باب الفضيل بن عياض و كان العياض أفريقيًّا أسود اللون كان يقبل يده ليش؟ كان ما يقبل يد الأفريقي كان يقبل يد العلم كان يكرم العلم كان يعظم العلم معلم الأمين و المأمون و هم أطفال كان أعمى عزمه هارون الرشيد على الغداء معه لما غسل يده أعمى قال له هارون الرشيد أتدري من صبّ الماء على يديك؟ قال لا يا أمير المرمنين قال له أمير المرمنين ب نفسه هيك كانوا يكرموا علمائهم..نحنا كيف منكرم علمآئنا...نقاتلهم نذبحهم نسبهم نعاديهم نتسلّى فيهم متل الخيار التشريني بأول كوانين منقرط قرط....و لذلك الله كمان عم يبعتلنا من يقرطنا قرط. ف النبي عليه الصلاة و السلام سبح له الكون ف نحنا لو صرنا مسلمين منصير أساتذة العالم. بأميركا من مستشفى جاءني طبيب مسلم أميركاني..قلت له من أسلمك؟ قال لي واحد سوداني من السودان..قال لي كان في رحلة صيد و رحلة سياحة بدو يتصيد وين ب غابات السودان قام اصطاده واحد سوداني و جعله تلميذه يمشي ورائه مع الفضيل بن عياض مع معلم الامين والمأمون ف وين عقلكم ؟ فلما بدو يقوم المعلم يقوم ركض الأمين و المأمون يقدمون النعل يتخانقون من يريد أن يقدم النعل للمعلم راحوا يتخانقون و يتقاتلون بعدين تصالحوا و كل واحد يأخذ فردة و يقدمها للمعلم فلما أعزّوا العلم و كرّموا الإسلام الحقيقي أعزّهم الله و كرّمهم و الآن نحنا اذا بدنا نهين الدين يا ابني و نذل الدين و نعادي الدين عم منعادي الله إي الله مين بيقدر يعاديه؟ اي الله بفك رقابنا يا ابني اي توبوا إلى الله انت بالجامع الذي تسمعون نسوان و رجال توبوا إلى الله توبة نصوحة توبوا من الجهل الجهل أكبر المعاصي ما بتفهم دينك هذا ما معصية؟ هربان من المدرسة ما معصية؟ هربان من الجندية الإسلامية ما معصية؟ تعلمت الحكمة؟ المسلم هو الحكيم هو عالم القرآن و هو ذو الأخلاق العالية أخذنا هالصفات لحتى نعطيك لقب المسلم..أنت مسلم مزوّر متل العملة المزورة لازم يحطوك عند خالتك. خالتك بالآخرة وين؟ بالمدرسة؟ وين؟ ب جهنم! بتحسنوا؟ اذا بتحسنوا على نصف سيغارة تحطها على منخارك شي ثانية وحدة بتحسن؟ اي ارحموا أنفسكم يا ابني اي عم ننذلّ بالدنيا يا ابني عم ننذل بعد ما كنّا وردة في جبين الزمان و في جبين التاريخ عندما نقرأ تاريخنا الأول شيء لا تصدقه العقول و الآن والله العظيم اذا بيرجعوا المسلمين للإسلام الى مدرسة القرآن والله منصير أعزّ مما كان أبآئنا و الآن العالم مهيّأ ل إسلام بلا حرب ولا جهاد ولا قتال و لا رصاص و لا قطرة دم. قال (وَآتَيْنَاهُ الْحِكْمَةَ وَفَصْلَ)...؟ إي إصبر لحتى توصل ل( وَشَدَدْنَا مُلْكَهُ) الله أعطى للنبي ملك؟ أعطاه! و ملك شديد او ضعيف؟ قوي أو متفسّخ؟ أعطاه الحكمة؟ أعطاه فصل الخطاب؟ قد أعطيت جوامع الكلمة..ثم قال( وَهَلْ أَتَاكَ نَبَأُ الْخَصْمِ إِذْ تَسَوَّرُوا الْمِحْرَابَ.. عم يذكرله بعض حياة نبي الله داوود الله يعلم النبي النبي وين قاعد؟ ب مدرسة الله. و الله يعلمه بالطريق العملي بالطريق المشاهد يقول له رح جبلك داوود و أريك كيف ربيته و علّمته لحتى صار ملك في الأرض و ملك في السماء أنا هيك..صارت لما النبي صار ملك جبريل قال له ملكًا نبيًّا او شو؟ قال له لا عبدًا نبيًّا. فأعظم الملوك هم الملوك المتواضعون أعظم الملوك المتجبرون؟ المتكبرون؟ أي عظمة نالها النبي؟ يأتي أحدُ من أكبر علماء أميركا يحصي عظماء التاريخ منذ ولد التاريخ يأتي ب ألف شخصية و يختار من الألف مئة و من المئة يأتي يرتّب من الأعظم ف يجعل الأعظم محمد بن عبد الله. هذا الإسلام يا ابني، يجعل المسيح بالدرجة الثالثة من بعد سيدنا محمد يا ابني خلينا نصير مسلمين حقيقيين بدكن تموتو أو لأ؟ الذي لا يريد أن يموت يرفع لي أصبعه. اه؟ كلكن ما بدكن تموتو..يعني هيك ناويين لكن ما رح عذبكم بدكم تموتو غصبن عنكم سيدنا عزرائيل اذا جاء و كان الواحد معه ٣ نجوم او كان بالمخابرات بيسأل عنه؟ او اذا كان ضابط مدفعية أو قاذفات قنابل..بيسأل عنه؟ لما كان خورباتشوف بيسأل عنه؟ بيفك رقبته وبيجعله جيفة تاكله الدود ف يا ابني لا تنغر في الدنيا لا بالشباب ولا بالمال ولا بالحكم بعدين اذا مشيت على ثقافة القرآن بتربح او بتخصر؟ إقرأ التاريخ كله..الذين نجحوا و انتصروا و انعزّوا و خلّدوا في نصب العز من؟ الذين أخذوا شهادة القرآن! و الذين فشلوا و انهزموا و لطّخوا التاريخ ب الصفحات السوداء الذين خرجوا عن تعاليم القرآن و( وَهَلْ أَتَاكَ نَبَأُ الْخَصْمِ) الله يعلّمه ب طريقته القصّة هذا التعليم هو أرقى أنواع التعليم التعليم بطريق القصة..قال اثنين تخانقوا جاؤوا إلى سيدنا داوود كان داوود يقسّم أيامه يوم بالمحكمة يوم بالجيش..يوم يتفرّغ لله ما يقابل أحد يخلو ب ربّه مع النبوة يخلو بربّه شو يعني يلعب شدّة؟ بالداما؟ يأكل بزر و قضامة؟ يخلو بربّه يعني يخلو ب ذكر الله يخلو بالتوجّه إلى الله هاي بعد النبوة! إي أنت يا شيخ اللي بدك تصير طالب علم بتعرف الخلوة بالله؟ بتعرف أنا جليس من ذكرني..بتعرف مجاهدة النفس؟ بتعرف هالأيآت..إصبر..وصلت إلى مقام الصبر؟ قال ف و هو في خلوته و إذ اثنين من فوق الحيط نزلوا عليه..ملك و نبي و من فوق الحيطان هذه علامة إنو النية سوء..يا حرامية يا بدن يغتالوه و نزول على بيت حرامية ليس وارد..الإغتيال قال (إِذْ دَخَلُواْ عَلَىٰ دَاوُۥدَ فَفَزِعَ مِنْهُمْ) الحرس و تجاوزوا كل هالشي هادول قديش و ناويين نية مزبوطة( قَالُواْ لَا تَخَفْ ۖ خَصْمَانِ بَغَىٰ بَعْضُنَا عَلَىٰ بَعْضٍۢ فَٱحْكُم بَيْنَنَا بِٱلْحَقِّ وَلَا تُشْطِطْ )لا تتجاوز الحقّ إلى الباطل و العدل إلى الظلم لأنو دائمًا الفضيلة هي وسط بين رذيلتين الشجاعة بين رذيلتين بين رذيلة الجبن و رذيلة التهوّر و الطيش و عدم التعقّل. إِنَّ هَٰذَا أَخِي لَهُ تِسْعٌ وَتِسْعُونَ نَعْجَةً وَلِيَ نَعْجَةٌ وَاحِدَةٌ قالوا انت اعطني نعجتك أي انت لو الله عرفانك بتستاهل كان أعطاك بس لأنك ما بتستاهل و أنا بستاهل خليهن كلن يكونوا عند المستاهل ما شبعان من لل ٩٩ بدو فوق منن إيش..هلق شوف الطمع دائمًا بالأغنياء الفقير ما ذاق حلاوتها لحتى يعشقها منيح لكن هذا الفقير شاف صرمايتها بالصرماية ما رح يعشقها أمّا هيداك شافها كلها بدو ياها هيي و كندرتها. ما بدو يترك من أثآرها شيئ. (فَقَالَ أَكْفِلْنِيهَا هات اعطيني ياها وَعَزَّنِي فِي الْخِطَابِ) خفت من كلامه يؤذيني (قَالَ لَقَدْ ظَلَمَكَ بِسُؤَالِ نَعْجَتِكَ إِلَىٰ نِعَاجِهِ ۖ وَإِنَّ كَثِيرًا مِّنَ الْخُلَطَاءِ ) الشركآء و المتعاملين مع بعضهم البعض كثيراً (لَيَبْغِي بَعْضُهُمْ عَلَىٰ بَعْضٍ) بيتعدّوا بعضهم على بعض الشركآء الخلطآء الأقارب الجيران الأهل (إِلّا الَّذِينَ آمَنُوا)..الإيمان نور في القلب يا ابني الإيمان تزكية في النفس الإيمان المثمر بيثمر فضائل الأخلاق و أطيب السّجايا و الطّباع وَقَلِيلٌ مَّا هُمْ ۗ يعني و قليلٌ هم..هم قليل فحكم قبل أن يستمع من الخصم الثاني إِنَّ هَٰذَا أَخِي لَهُ تِسْعٌ وَتِسْعُونَ نَعْجَةً اي والله وقت الواحد بيسمع من طرف واحد أي هيدا شي ظلم لكن ق قاضي ما بيصير تحكم لو قللك الي ٩٩ مليون نعجة و بدو ياخد نعجي ما بيصير تحكم له بركي هالكلام كله كذب؟ بركي كلامه نفاق؟ بركي كلامه له غرض اصبر قال إذا اتآك الخصم يشتكي أليك و قد قلعت عينه فلا تحكم له حتى تسمع من خصمه فلعلّ خصمه قد قُلِعت عيناه اصبر! ف لم يصبر قال ليس فقط في المعركة عليك أن تصبر أيضًا في القضاء تصبر عند السماع إذا سمعت كلام واحد على واحد لا رأسًا. لك الله يخرب بيتك الله يقطع عمرو هيك ألو حق. اصبر من اوّل ما تشوفه اسمع منه قد يكون هو الظالم و الشخص الثاني المظلوم. سيدنا داوود صبر؟ حتى يسمع من الخصم الثاني حتى يتبين له القضاء الصواب؟ ما صبر. قال له لا تكون قليل الصبر بالمعركة عليك أن تصبر و بكرا في القضاء إذا الله ملّكك الأمة أيضًا عليك أن تصبر ما تأخذ ب مجرد أن تسمع القيل و القال و لذلك ورد كان النبي يكره القيل و القال هيك قالوا و هيك قال أخي والله سمعنا الناس عم بتقول عن فلان كذا و كذا لا تصدق طيب قل له بركي انا سمعت الناس يقولون لي عنك انك حمار؟ يعني و حكمت إنك حمار يعني بكون حكمي صحيح؟ هل ترضى أنّو أنا إحكم بمجرد ما إسمع من طرف واحد؟ القضاء لا يتبين ألّا ان تسمع من الطرفين قال لكن المؤمن( إِنَّ الَّذِينَ اتَّقَوْا إِذَا مَسَّهُمْ طَائِفٌ مِّنَ الشَّيْطَانِ) إذا وقعوا في الخطأ تذكّروا ب سرعة المؤمن يرجع إنّه أوّآب لا يستمر في خطئه خصوصًا إذا تبين له الخطا إذا تبين له حالا بدو يرجع. كان النبي عليه الصلاة و السلام يقول أنّي لا احلف على شيء..إذا صممت على قضية و بدي افعلها و اكّدتها باليمين و بعدين تبين اني انا إن صممت عليه و نويت أعمله ليس صحيح أو في شي صحيح لكن في شي احسن منو إني لا احلف على يمين فأرى غيرها خيرًا منها إلا فعلت الذي هو خير عن الحسن إلى الأحسن ما عن السيّء الى الحسن هذا الإسلام يا ابني كل واحد بيقول عن حاله مسلم لك أنا يا أخي كلمتي ما برجع عنها! والله لو بتنقطع رقبته! والله لو إجت أهل الدنيا كلها هذا أسلام إبني؟ هيك القرآن عم بيقول طيب انت مسلم؟ طيب انت من اي مدرسة إسلامية تخرجت؟ أنت بكالوريا من اي مدرسة أي طبيب من اي كلية من أي دولة؟ اي ما بيعرف لا يقرا ولا يكتب و ما بيعرف الف باء و هذا طبيب قلب و هؤلاء الحكماء كذابين ما بيفهمو انا شوف ب هاللبطة كسّار حطب هوي لبط وحدة بشقلّه صدره و بداويله قلبه و إذا ما بتصدق شوف بعينك اذا قلبك وجعك اجلس لداويك. إي من البلطة قالوا سألوا الجمل شو بتشتغل؟ قال مكوّف خيطان الحرير قال اي مبين عليك وعلى أيديك رفاع و ناعمين قال مسلم شو مسلم؟ أسالوا ماذا تعني كلمة إسلام و شو هوي هذا الإسلام. هلق الحمار شو معناه كلمة حمار؟ يعني حيوان بيمشي على أربعة و له ذيل و أذنين و يشنهق. هذا ماذا يكون؟ طيب. المسلم ماهو المسلم ما هو الإسلام؟ للإسلام هو الطاعة لأوامر الله بعد معرفتها و تعلّمها كيف تطيع أوامر الدولة أذا لم يبلغوك إياها؟ إذا الشرطة قلك أخي ليش هيك عامل هذا محرم تقول له أي والله و مبارح طلع بلاغ ف تقول له إي والله أنا لم أقرأ البلاغ و لم يبلغني أحد فأنت حتى تصبح مسلم عليك تعلّم الإسلام و تعمل به و تطيع ساعتها تأخد لقب المسلم و إذا لا تعلمت و لم نفذت و ادّعيت الإسلام إسمك صار منافق. و أنتي يا خانم شو إسمك؟ اسمك منافقة خانم و الست منافقة و الآنسة منافقة و الاستاذة منافقة و القاضي منافق و الافندي و البيك و التاجر و صاحب المصلحة منافق ف أسالكم بالله مجتمعنا الاكثرية مسلمين؟ مسلمين العلم العقل العمل الطاعة؟ لكن شو فأذا قلنا اللهم انصر الإسلام و المسلمين الله بدو ينصر مين؟ أين المسلمين إذا بدكن الله ينصرنا قولو اللهم انصر المنافقين و المنافقات. لانو نحن ندّعي الإسلام و لا نعلمه و لا نعمل به و لا نريد أن نعلم ولا نريد أن نتعلم و لا نريد ان نعمل و لا أن نطبق و نعادي المعلم نحنا أعدآء العلماء يا ابني النبي يقول إذا أبغض الناس علمآءهم و اظهر عمارة أسواقهم و تألّموا على جمع الدراهم عبادتهم العملة ابتلاهم الله باربع خصال القحط من الزمان القحط كنا نصدّر يا ابني نصدّر مواد غذائية للخارج هلق شو؟ كنت أنا بعرف مصر كانت تضل جمعة كاملة ما تنقطع ولا دقيقة واحدة الثلج كنت اعرفه عنا بالحارة يضل ٤٠ يوم بالشوارع هيدا قحط. و من جملتها والصولة من العدو هلق طيران الإسرائيلي في سماء البلاد العربية و صفات ثانية يكفي هاتين الإثنتين. ما ب كفوكم؟! يعني عصايتين ما بيكفّو؟ لا نريد الثالثة و الرابعة. ف قال (و قليلٌ ) القرآن يقول (الَّذِينَ آمَنُوا وَعَمِلُوا الصَّالِحَاتِ وَقَلِيلٌ مَّا هُمْ ۗ ) هلق أنتو مؤمنين؟ انتم النسوة مؤمنات؟ طيب إذا الله بلغكم أمر الله و نفسكم تشتهي خلاف أمر الله يا ترى تعبدو نفسكم أو تعبدون الله؟ إذا أطعت أمر الله أنت عبد الله و إذا أنت أطعت أمر نفسك فانت عبد نفسك و عبد هواك إلهك ليس الله أصبح إلهك هواك (إِنَّ اللَّهَ لَا يَغْفِرُ أَن يُشْرَكَ بِهِ) انت أصبحت مشرك؟ مشرك! تطيع الله في شغلتين ٣ و تعصيه في ٧٠٠ شغلة أبغض إله عُبِدَ في الأرض هو الهوى. (وَهَلْ أَتَاكَ نَبَأُ الْخَصْمِ) يا محمد؟ أصبح لديك علم؟ قال له لا..قال له لماذا؟ قال له حتى أعلمك تصبر في القضاء غذًا سوف تصبح نبي و تصبح الجزيرة العربية كلها تحت أمرك و الناس كلها سوف ترجع إليك فالنبي تعلّم و حفظ الدرس و أبو بكر أيضًا تعلم عمر أيضًا تعلم أي بعد منها نحنا هلق نقرأ القرآن؟ لحتى نحنا نتعلم نحن مستعدين نتعلم، بدكم تتعلموا القرآن؟ هلق إذا اثنين من أولادك اخواتك جيرانك بالسوق اصدقائك تحاكموا لك أحدهم قال لك قصة تذكر قصة داوود لا تستعجل و تحكم له و تقول له ضربني و سبني و سب والدي قل له أي هذا ما تقوله حتى أسمع الطرف الثاني لانه لا يتبيّن الحقيقة إلا ب سماع الطرفين هكذا القرآن أنا تعلّمت منه. أنت لست مؤمن بالقرآن؟ إي أنا لا يجوز ان أسمع من طرف و أحكم على سماعي من الطرف الاول الكنة و الحماية لا تأتي الحماية و تفسد على كنّتها؟ لإبنها؟ اي لا يسمع كلمة أمه راسًا و بعض الاوقات الكنّة تفسد على حماتها لإبنها كمان لا يحكم إلا ليسمع من والدته ف إذا كنا مسلمين الأسلام علم و بعد العلم العمل منشان شو؟ هلق هاي الثريّا منشان شو؟ ف إذًا اشترينا الثريّا و لم نشعلها و اشتريتو سيارة و خلّيتوها بالشارع وقت تطلعوا من الجامع بتتركوا السيارة و بتمشوا يعني شو بيكون هذا الشغل شغل جنان أو لأ؟ و إذا لا سيارة و لا ركوب يعني هذا ما في امل أبدًا ف يا ابني بدنا نصير مسلمين حقيقيين والله منفوز بالدنيا بالدنيا الصحابة انتفعوا بالدنيا أولًا أو بالآخرة؟ والله بالدنيا شو كانوا كانوا صعاليك كانوا يدوبّوا للعظم. كانوا الدم ينشفوا و يأكلوه شو صاروا؟ صاروا ملوك صاروا ملوك الارض و ملوك السماء إنو أنا قارئ سورة ص إصبر على ما يقولون هذا كلامك اي على عيني و راسي لا حتى اسمع كلام الطرف الثاني هكذا غلّمني القرآن هكذا الله علّم النبي و النبي هكذا علم الصحابة و للمسلمين في زمانه و أنا هكذا على طريقتهم ....الله عم يفحصه إنو صار قاضي مزبوط أو ما صار ف عرف أنه أخطأ فاستغفر ربه هاي أوّآب رجع إلى الله تآئبًا من عجلته تآئبًا إلى الله من تسرعه في حكمه في قضآءه فهمت يا محمد فهمت الدرس (فَاسْتَغْفَرَ رَبَّهُ وَخَرَّ رَاكِعًا ) و من الركوع سجود تواضعًا لله و تذلّلًا على أنه نسي تنفيذ امره فتذلل حتى يغفر الله له زلّته فما دام تاب من ذنبه و عزم ألًا يعود إليه (فغفرنا له ذلك) ف و فوق المغفرة ما دام رجع عن خطأه إلى الصواب و عن معصيته إلى الطاعة و من جهله الى العلم (إِنَّ لَهُ عِندَنَا لَزُلْفَىٰ) شو الزلفى؟ بدنا نقربه و نضعه على الجبين نقول له تعال يا حبيبي تعال تقرّب تعال هذا الواحد اللي ب حب ابنه يقول له تعال لعندي و يبوسه؟ يضعه في حضنه؟ هاي الزلفى. بقا الزلفى بالنسبة لله تأكيد على قدسية الله عز و جلّ( وَحُسْنَ مَآبٍ )مصيره و نهايته حسنة يا عيني يا سلام هذا الخطاب موجه؟ لكل مسلم و كل مسلمة في صغار الأمور و كبارها. شو يا ابني و كان عليه الصلاة و السلام يقول إنّ المقسطين يعني القضاة الذين يحكمون بالقسط بالعدل ما يسمع لطرف و و يرفع لطرف ثاني او يميل لأحدهما ب رشوة او غير رشوة ا ب جاه او ب خاطر لا! عادل( يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ) بالعدل (كُونُوا قَوَّامِينَ بِالْقِسْطِ شُهَدَاءَ لِلَّهِ) و إذا حملت الشهادة عليك تاديتها لوجه الله (ولا تكتموا الشهادة و من يكتمها فإنه آثمٌ قلبه) في واحد ما بيشهد يقول لك أي فلان بيزعل فلان يغضب والله أنا أتضرر،( يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ وَلَوْ عَلَىٰ أَنفُسِكُمْ أَوِ الْوَالِدَيْنِ) في أغلى من أمك و أبوك؟ إذا كنت مسلم تشهد على أمك و أبوك و على نفسك و إذا راعيت نفسك و راعيت الناس و ما راعيت الله أنت مؤمن ب نفسك و لست مؤمن بالله مؤمن ب شهواتك و لست مؤمن بالقرآن اي روح جدّد اسلامك و قول أشهد ان لا إله إلا الله من أول و جديد لكن ما بالحكي على اساس انو انا أمسكت بالشهادة لاطبق مقتضاها و اعمل ب احكامها و افهم معناها أما حكي ب حكي إبني هذا حكي ب حكي بكرا بتقبض حكي ب حكي ( وَلَوْ عَلَىٰ أَنفُسِكُمْ أَوِ الْوَالِدَيْنِ وَالْأَقْرَبِينَ ۚ إِن يَكُنْ غَنِيًّا أَوْ فَقِيرًا فَاللَّهُ أَوْلَىٰ بِهِمَا ۖ ) قد يكون...الله أولى بهما (فلا تتبعوا الهوى) مصالحك و قرايبك ب عز عليك (أن تعدلوا) تعدل عن الحق (وإن تلووا أو تعرضوا) أذا كتمت الشهادة أو غيّرتها (فإن الله كان بما تعملون خبيرا) اصبر أنا عرفان كل شي الله يقول لك و بدبرك و بكرا المحكمة يا محكمة الدنيا المستعجل ب حاكمك او ب محكمة الآخرة إذا بتنفذ بتهرب من الله اي ما في حدا بيهرب من الله.( إِنَّ لَهُ عِندَنَا لَزُلْفَىٰ وَحُسْنَ مَآبٍ،يَا دَاوُودُ إِنَّا جَعَلْنَاكَ خَلِيفَةً فِي الْأَرْضِ) انت نيابة عن الله لتصلح شؤون عبادي تنقلهم من الجهل إلى العلم من الظلم إلى العدل و من العدل إلى الإحسان إن الله يأمر بالعدل و الإحسان شو العدل؟ تعطي الناس حقها و الإحسان تعطيه زايد على حقه أنت هاي في صلاة جمعة ما بيقول فيها الخطيب إن الله يأمر بالعدل و الإحسان أنت وقت عم تسمع ناوي تفهم؟ احكوا قل له يا خطيب أنا ما ناوي أفهم شوف ي عينك رح نسكر الأذنين و لا تكونوا كالذين قالوا سمعنا و هم لا يسمعون إنَّ شرّ الدّوابِّ و شر الدواب عند الله الصم البكم الذين لا يعقلون. أي عم نقرا القرآن عم نفهم؟ عم نسمع؟ عم ننطق بالحق؟ لا بكم. منعقل امر الله؟ لا نعقل الذين لا يعقلون . وين نحن يا ابني وين نحنا أعدآء الله أعدآء القرآن أعدآء الإسلام و عاملين حالنا مسلمين ليش؟ ما في معلم يعني هلق اللي بيصير طبيب بيصير معلم بيصير مهندس بيصير سنكري في أهون من السنكرية؟ بتصيرو سنكرية من غير معلم؟ بتصير نجار دهان مسبحاتي فوّال بتصير؟ ناويين تصيرو أسلام؟ بتعاهدوني؟ إسلام العلم و العمل و بعدين ما بتصير مسلم بالعلم و العمل لحتى تعلّم غيرك كمان بدك تصير معلم إذا صرت معلم بتصير مسلم إن شاء الله بتصيرو مسلمين الله لا يحيينا إلا مسلمين و لا يميتنا إلا لنكمل إسلامنا يا ابني تلقى الله ب أسلام كامل سيارتك إذا ناقصها دولاب بتنقطع بالصحرا بتموت.( يَا دَاوُودُ إِنَّا جَعَلْنَاكَ خَلِيفَةً فِي الْأَرْضِ) انت بدك تتوب عنّا لرعاية عبادتك بالإحسان إليهم ب تعليمهم بإنقاذهم ب مساعدة ضعيفهم ننصر مظلومهم فاحكم بين الناس بالحق كل واحد الله بيعطيه شيء من الحكم سواء حاكم محكوم استاذ قاضي ضابط معلم مدير كذا تحت يديه ناس بدو يكون يمشي بالحق ولا تتبع الهوا مصلحتك و أنانيتك بتنتفع بالمال بيمدحوك بيزمّوك بدك تكون مع الله من أرضى الله ب سخط الناس رضي الله عليه و ارضى عليه الناس
وقت الله يرضى عليك والناس زعلانين افرح و ارقص هاي يا ابني ألها وسام خاص لأنو وقت الله بيرضى عليك و الناس رضيانين هاي فيها عزة نفس لكن وقت الله بيكون راضي والناس زعلانين هاي هاي الجائزة الكبيرة و من أرضى الناس ب سخط الله سخط الله عليه و أسخط عليه الناس فاحكم بين الناس بالحق و لا تتبع الهوى. كيفك و رغبتك و مصلحتك و أنانينتك و صد