هنا صاحب الكتاب ابن كثير في تاريخه البداية والنهاية في حوادث سنة ال 97 هجرية في خلافة عبد الملك بن مروان وكان نائب عبد الملك في الجهة الشرقية الإسلامية بغداد وإيران وأفغان والسِند وتركستان يلي هلق بتمثّل حول 6 جمهوريات كان نائب عبد الملك الحجّاج حكمه يبدأ من العراق -ف إيران- ف أذربيجان- ف أرمينيا –القفقاس-أفغان- باكستان- تركستان إلى الصين هاي ولاية من الولايات الإسلامية وعاصمة البلاد دمشق يعني الجيش السوري و إن كان في الإسلام عم بحكي بلغة الوقت ,أن دمشق لما كان الإسلام فُقهاً وثقافة وعِلماً وعملاً و تربية كان إسلام القلب وإسلام الأخلاق و إسلام العِلم و السُلوك ,إسلام فقه القرآن هلق المسلم يقرأ القرآن القرآن لا ليفقَه لا ليفهَم لا ليتلقى من القرآن أوامر تعاليم برنامج حياة يقرأ فقط للقراءة يعني أفضل من قراءته قراءة جريدة , لما الواحد يقرأ الجريدة كيفية القراءة تبع الجريدة أفضل من كيفية قراءته للقرآن لأنه يقرأ بقصد يفهم وإذا سألته شو في بيحكيلك . إسأل قارئ القرآن شو في ما بيعرف شي .
هلق إنتو إذا سألتكم كم سجادة بأرض الصالون بعد أن تذهبوا يقول لا يعرف لأنه ما جينا لنعِّد السجادات كم مدفأة في الغرفة كمان كم مروحة كهرباء نحنا ما جينا لهذا الشي.
شو فهمت من القرآن بيقلك أنا أخي ما عم إقرأ حتى إفهم لذلك إنت عم تسألني شي أنا ماني قاصده لكن لماذا تقرأ يقول هكذاأقرأ , ليش هيك هذا حرام القرآن كتاب عِلم لتأخذ منه علوم كتاب تربية لتأخذ منه أخلاق كتاب حياة بدك تأخذ منه خريطة حياتك كتاب عائلة بدك تبني حياة عائلتك على أُسُس القرآن , حياتك كلها تصرفاتك كلها بدها تؤخّذ من القرآن يلي القرآن ما فصّله منجي لحديث النبي ﷺ منشوف النبي شرح و اذا أشكَل علينا من حديث النبي ﷺ منشوف أفعال الصحابة هي شرحت إذا أشكل علينا منشوف الأئمة أشكَل علينا منشوف مشايخنا. فإذا ما كان المُسلِم هكذا , المُسلمين الأُوَل هكذا سلكوا فا هكذا أنتجوا . هلق نحنا كل الدول العربية وهلق قالوا كمان جِهاد إسلامي مقدّس يعني ما بدنا نبهدل العرب بس بدنا نبهدل ألف مليون كمان مين إسلام ماليزيا يعني ماليزيا أقوى من العراق أقوى من مصر أقوى من سوريا لا .
ما ناقصنا عدد ولا سلاح ولا مال ناقصنا إسلام مش إسلام اللقب إسلام الهوية إسلام تذكرة النفوس إسلام صلاة بلا ذِكر الله بلا فقه كلام الله هيدا ما إسلام هيدا إسلام ميت . إذا جبنالك عروس لكن ميتة بكفنها بكافورها بقطناتها محشيين بفمها و حطينالك ياها على الأكسي(الكوشة) والله وكيل ما بفك الكفن غيرك أنت أول واحد واذا كانت الدنيا شتاء حطينالك ياها بالفرشة اذا ما حكوا لح و إجا جلس بالفرشة و شافها مبوزة حركها وجدها فرد شقفة يمكن يلتوي حنكه , فالإسلام إذا بده يلوي الحنك, بين إسلام ضحكة الواحد عم تبين أضراسه من جوا بيفرق هذا الإسلام عن هذا الإسلام أو ما بيفرق. كمان هذا وضعنا السبب يلي عمل إِسلامهم معلّم يلي عمِل إسلامهم رسول الله ﷺ سيد الرُسُل سيّد الأنبياء عمل إسلامهم مش بطريق المُعجزات بطريق الأسباب والمُسببات لو عن طريق المعجزات متل عصاية سيدنا موسى المسلمين بعد منها ما بيقاتلوا , يأخي هات عصاية موسى لحتى نشتغل متل موسى . لو متل سيدنا عيسى إحياء الميت و يشفي الأكمه و الأبرص يا أخي هات قوة متل قوة عيسى لحتى نشتغل, أما سيدنا محمد ﷺ ما اشتغل اشتغل بالسيف و بالعقل و بالفكر و بالتربية و بالصبر و بالدعوة و بالمنطق و بالإقناع و بالحجة و بالعرّق و بالجُهِد و بالسهر و قال انتو هيك لازم تشتغلوا ,اشتغلو؟
فا ولاية من الولايات الإسلامية , الحجّاج مُحافِظ لكن مُحافظته وين أولها بغداد ووين آخرها بالصين بالإتحاد السوفيتي.
هلق جيببوا المربي و نجيب العقل و نبنيه بناء إسلامي و قلب ذاكر , شوفوا إبني أنتم طلاب العِلِم لو تقرأوا كتب قد ها الجامع على مليون مرة إذا ما صرلكم قلب ذاكِر ,ما صرلكم سلوك أخلاقي , ما صرلكم مراقبة مع الله , ما صرلكم عِلم علوم القرآن علوم السُنة فا وما صار في صدق و إخلاص بنصحكم ما بدكم لا مشيخة ولا دِراسة شرعية روحوا اشتغلوا بالسوق . إذا ما ببيع الإنسان نفسه لله و ما بيكفي بدها عقل بدها فكر بدها أسباب بدها مسببات.
فالجيش الي كان مُرسَل من قِبل الحجّاج كان بالإتحاد السوفياتي و عم يحاربوا ملك تركستان كان اسمه الملك رتبيل الملك الأعظم, فالظاهر لأمر ما بعد ما وصلوا المسلمين لعاصمة تركستان المدينة العظمى على مسافة 18 فرسخ , الفرسخ 3 أميال.قال الظاهر الأتراك إرتدوا على المسلمين وأحاطوا بهم حتى ظنّ كل مُسلِم أنه هالكٌ لا محالة , عند ذلك طلب القائد و هو عبيد الله ابن أبي بكرة أن يُصالِح رتبيل, المسلمين صاروا بحالة حِصار ووين في أرض الصين , تركستان تدخل في حدود الشرقية في الصين , وأن يفتحوا للمسلمين طريقا ليخرجوا منه و يرجعوا الى بلادهم وكان فيهم في الجيش الصحابيّ شريح بنُ هانئ, هيدا شُريحٌ متخرّج من مدرسة النبيّ ﷺ بترباية النبي و ثقافة النبي ﷺ مُتخرّج من الجامع الشهادة الجامعيّة , هلق صار إذا أخذ شهادة من الجامِع منها شهادة من الجامعة الأنثى هيدي شهادة , الرجال قوامون و مستحيل و لا يمكن أن ننجح إلاّ بالجامِع, وما معنى الجامِع إلا هلق موجود لا الجامِع إلي كان بزمن النبي ﷺ موجود اللي كان يأتي إلى العقل كبزر التين بيجعلوا شجرة قد الجامِع, هيدا الجامِع بيكبر عقلك ما بيقتل العقل, حتى يجعلك حكيم و فيلسوف يجي لقلبك و لروحك, ميّت عن الله ما عنده شعور بالله ولا إقبال عليه ولا مُسارعة إلى رضاه يُحيّ القلب بالذِكِر حتى يمتلأ بالخشوع و جلال الله و خشية الله حتى يصير مصدر للإشعاع الإلهي النوراني , بعدين بها العقل و ها القلب بتنحط بذور القرآن و فقه القرآن والعمل بالقرآن شوف عاد بيصير عظماء العالم بيصيروا تلاميذك بياخدوا منك العلم و الحكمة و الأخلاق والإنسانية والسلوك فا الله عزّ وجل يهيأ للمسلمين مين يبنيلهم إسلامهم الصحيح .
فالصحابي شو اسمه شريح بنُ هانئ , فكان في الجيش وقائده عبيد الله إبن أبي بكرة قال و هو المقدّم على أهل الكوفة , كان في الجيش من أهل الكوفة كان هو يُعتبر قائد أهل الكوفة والقائد العام عبيد الله ,قال فلم يرضى بالمصالحة و ندّب الناس إلى القِتال والمُصابرة أكثر من الصبر, والكفار إذا صبروا , الفئتين عم يصبروا لكن المُصابرة تبقى صابر حتى صبرَك يغلِب صبرهم (اصْبِرُواْ وَصَابِرُواْ) مع المرض إسمه صبر أو مُصابرة ؟ صبر , أما في القِتال اسمه مُصابرة لأن بيكون في فئتين هذه تصبُر و هذه تصبُر , المقاتلة يلي عم يقاتلوا واحد أو إثنين؟ إثنين عم يقاتلوا فا المؤاكلة يعني أنا عندي أكل و أنت عندك أكل. أما الأكل أكلت وحدي أما واكلت عم آكل مع واحد ثاني . فالمُصابرة ماذا تكون؟ فنادى الناس إلى القِتال والمصابرة و النِذال والجِلاد بالسيوف والرِماح والنِبال فنهاه عُبيد الله إبن أبي بكرة, فلم ينتهِ الظاهِر لا يوجد تكافؤ وما في أمل بالنصر في القتال , فلم ينتهِ وإستجاب له شِرذمةٌ من الناس من أهل الإيمان قال فما زال يقاتل بهم التُرك أصل الأتراك ليسوا من تركيا هذه تركيا أصلها كان إسمها بلاد الروم كانت كلها روم أما الأتراك أصلهم من حدود الصين و بخارى و كردستان و أزبكستان و كشقند وسمرقند هذه إسمها بلاد الأتراك, فما زال يُقاتل بهم التُرك حتى فَنِيَ أكثر المسلمين, وجعل شريح بنُ هانىء يرتجز أي يُنشِد شعراً من بحر الرَجَز فيقول إذا كان سنة 79 ه يعني النبي ﷺ توفي بعد العام الهجري ب 10 سنين يعني هيدا صرلوا النبي ﷺ متوفي 69 سنة قبل وفاة النبي بكم قديش بده يكون عمره؟ 15 سنة, لازم يكون عمره 85 أو 90 ووين مجنّد بالصين بروسيا لماذا؟ حتى يأمن التقاعد حتى يصير جنرال؟ اسمعوا لماذا . أصبحتُ ذابثٍ ( يعني حزن و هم) أُقاسي الكِبّرَ(إِنَّمَا أَشْكُو بَثِّي وَحُزْنِي إِلَى اللَّهِ).
أَصْبَحْتُ ذَا بَثٍّ أُقَاسِي الْكِبَرَا قَدْ عِشْتُ بَيْنَ الْمُشْرِكِينَ أَعْصُرَا( عشت بين أصحاب الأوثان والأصنام مُدد من الزمن)
وثَمَّ أَدْرَكْتُ النَّبِيَّ الْمُنْذِرَا(هيدا عم يهجُم وعم يرتجز في المعركة)
وَبَعْدَهُ صِدِّيقَهُ وَعُمَرَا وَيَوْمَ مِهْرَانَ وَيَوْمَ تسْتُرَا ( هيدي معارِك فتح إيران معارك تدمير مملكة المجوس قال المعارك الكبرى كلها أنا حضرتها)
والجَـمـعَ فـي صِـفـّيـنِـهـِم والنَهرا( معركة صفّين كانت مع سيدنا علي قتال الخوارج و يوم النهروان كمان هذه معركة )
هَيْهَاتَ مَا أَطْوَلَ هَذَا عُمُرَا قال وما زال يُقاتِل حتى قُتِل رضيّ الله عنه وقُتِل معه من أصحابِه ثلاثون ألفاً, الإسلام هكذا صار ببلاش؟ نحن عم نشرب شاي أخضر وأحمر وأركيلة ونتضارب ونغتاب بعضنا وعم نركض وراء الأموال والفوائد , هذا الإسلام هذا ما هدفه, هدفه شوق إلى الجنة, و رضاء الله, والخلود في النعيم. قال ومات بسبب الجوع لأن تحاصروا , أيضاً خلقٌ كثير وبيع الرغيف بدينار. الشاهد من هذه القصة أن نحن الإسلام الآن عم يجينا رخيص و انتوا شو بذلتوا لأجل الإسلام , هيدا الصحابّي شريح بنُ هانئ دفعتوا متل ما دفع , هدول 79 سنة بعد النبي ﷺ كله كان بالعسكرية العسكرية لدينا سنتين و نصف بيعلموا و بيدربوا بها الثكنة و بيركض شوي سرّع تهيأ علّموهم النيشان الخ......
أما هون بعد وفاة النبي ﷺقريب 70 سنة وين و بعدها ماذا يريد ؟ يريد اللهم ردني إلى أهلي سالماً ؟ لا قال: هَيْهَاتَ مَا أَطْوَلَ هَذَا عُمُرَا بده يخلص من ها الجسم بده ينتقل الى عالم الخلود عالم النعيم عالم البقاء هذا الذي كان مسيطراً على قلوبهم وهذا الذي كان يقود حياتهم وما خسروا ما خسروا هلكوا , وغيرهم يلي كانوا عبيد بطونهم و عبيد الدرهم والدينار وعبيد شهواتهم كمان ماتوا. شريح بنُ هانئ مسجّل في تاريخ الدنيا , وهداك ملك وإمبراطور و كان يمكن عنده ذهب كثيير وألماس وجواهر هو والجردون متل بعضهم البعض هذا في الدنيا .أمّا في الآخرة فا هدول كسبوا الدنيا وكسبوا الآخرة فإذا بدنا نعود للإسلام هذا طريق الإسلام قبل كل شيء هذا الثمر لكن كيف البذر؟ البذر التربية والمربي, العِلم والمعلّم , الإرشاد والمُرشِد هاجروا إلى النبي ﷺ تركوا مصالحهم و بيوتهم و زراعاتهم وتجارتهم و عشائرهم وأبائهم وأبنائهم وانقطعوا إلى الله قلباً وإلى النبي ﷺ مسجداً وعلماً وبعدين يلي بذلوه البذر يلي زرعوه بأرض الإسلام ضاع بين التراب ما استطاعوا يلموه؟ أخذوا القمحة سبع سنبلات في كل سنبلة 100 حبة , نفس القمحة هاد رجعت قمحة لا سبع سنابل في كل سنبلة 100 حبة وفوقها نعيم الأبد يا إبني هذا الشي عقلك ما بيستوعبوا. صلاح الدين حارب أوروبا كلها بها الإسلام هاد, هذا الإسلام ليس إسلام الهوية و ليس إسلام محمد ابن محمود إسلام كان له شيخ كان له مربي , نور الدين الشهيد تم 25 سنة على ظهر جواده حرّر معظم سوريا وفلسطين 25 سنة وقهر إنكلترا وفرنسا وإيطاليا وألمانيا وربّى صلاح الدين , صلاح الدين حسنة من حسنات نورالدين وكان في أمراء في وقتهم وملوك مع النساء يبحثون على ألوان الطعام , إدخار الأموال لا أحد يذكرهم لا في الدنيا ولا في الآخرة , فكان ﷺ يقول إنكم ستغربلون حتى تصيروا في حثالة من الناس , حثالة يعني فضلات.
احفظوا أبيات ( شريح بنُ هانئ) يللي ما بيحفظ ما بيطلع من الجامع إن شاء الله,ها الأبيات لما الإنسان بيسمعهم و بيتذكّر ذلك العصر وذلك النشئ وذلك الجيل وتلك المدرسة يلي تعلموا فيها والمربي يلي بنى و ربى شخصيتهم بيعرف ساعتها قدي في فرق بين إسلامنا و إسلامهم وبين مدرستنا ومدرستهم والسبب انه صرلهم معلّم ولم يصير لنا معلّم صار لهم مدرسة تُعلّم و تُربي وتُرشِد , نحنا مدرستنا بلا أساتذة , جامعنا ما فيه أستاذ ما في مربي ما في مُرشِد ما في مهندس ما في بنّاء , أَصْبَحْتُ ذَا بَثٍّ أُقَاسِي...... يرى الحياة آلام ومتاعب الدنيا مع أنه أمير وقائد ( قائد الكوفة) قَدْ عِشْتُ بَيْنَ الْمُشْرِكِينَ أَعْصُرَا عم يذكر عروبته بلا إسلام ويذكر دخوله بالمدرسة الإسلامية وأستاذه قال وثَمَّ أَدْرَكْتُ النَّبِيَّ الْمُنْذِرَا ما إستكمل كملها عا الأستاذين وَبَعْدَهُ صِدِّيقَهُ وَعُمَرَا و بعدها ذكر شو إنتاج المدرسة قال وَيَوْمَ مِهْرَانَ وَيَوْمَ تسْتُرَا والجَـمـعَ فـي صِـفـّيـنِـهـِم والنَهرا ( معركة مع الخوارج) هَيْهَاتَ مَا أَطْوَلَ هَذَا عُمُرَا , هذه الأبيات إذا حفظتوهم لأولادكم وحفظتوهم قصته قد تصير مدرسة العمر بس نعرف الطريق الطريق يا ابني طريق المسجد ما المسجد يعني الحيطان و السقف مسجد يعني المعلّم يعني المربّي ليس الذي يربّي لك قلبك وروحانيتك تصير من الأولياء تصير رهباناً في الليل لا الإسلام ما رهباناً في الليل و في معه وأبطالاً وأسوداً في النهار وما أسوداً في النهار من غير رهباناً في الليل لا بدك تجمع بين الاثنين. هو ندم على إستشهاده ؟ كان خايف من الموت؟كان يُنشِد الموت ويتطلبه كما الشاب الغني الصحيح القوي الذي يبحث عن عروس تملأ نفسه وفكره ورغباته, كما الحريص حبّاب الدنيا كل شهر عم يبحث عا الأرباح بكل تفكيره وكل عقله هكذا كانوا يبحثون على ما نسميه موت و كانوا هم يسموه الحياة الكبرى والسعادة العظمى ما كان أملهم في الحياة مال أو مِتع الجسد كان هدفهم المُثُل العُليا فضائل الأعمال وجلائلها ولذلك كانت الصين حدودهم مثل ما نحنا القنيطرة حدودنا وكان المحافظ عندهم مسافة المحافظة 5000 كيلو متر طولاً وعرضاً , نحنا المحافظ يمكن مسافته شي 15-20-30 كيلو متر, فالإسلام يا إبني العروبة هذا إسم لجماعة يسكنون في بلد , إسم تطلقه على جماعة ساكنين في بلد هذا يرفع أو يخفض, يعّز أو يذّل؟ ينصر أو يهزم؟ لا الله يرحمه انا لما اجتمعت مع حسني الزعيم وكان غضبان وزعلان مني قال لي أنا بدي لبّس الناس برنيطة , رئيس جمهورية قلت له إذا بتعملها بتكون عملت عمل عظيم لا عمله لا أبو بكر ولا عمر ولا عثمان ولا علي ولا خالد قلتلوا شو أعظم من هيك بيصير لك أجر تسجّل في التاريخ, قلت له لكن بس بشرط إذا كانت البرنيطة بتحطها على رأس الناس بتجعل الجاهِل عالِم بكون عمل عظيم, شقفة خرقة صار الناس كلها مثقفين كلهم دكاترة كلهم أساتذة جامعة وإذا الغبي بيصير ذكي قلت له أطباء الدنيا ما بيقدروا يغيروا مخ الغبي حتى يصير ذكي , وإذا كان باب حسن سافِل بيصير صاحِب أخلاق عالية وفضائل؟ لكن ما أظن تعطي هذه الآثار والنتائج والدليل حط عا رأس حمار كتجربة , الأوروبية بس بدهم يصنعوا دواء أول شي بيجربوه عا الحيوانات إذا نجح بيجربوه عا الإنسان ,أول حط على رأس حمار وشوف النتيجة شو بتطلع معك , كل ما في الأمر كل من يبقى على جهله على غبائه لكن بيصير خواجة لكن خواجة حمار شو إستفدت يعني إذا كان حمار أو خواجة حمار قام فرط من الضحك,هو كان زعلان مني لأن أنا عمل إنقلاب مضى اربع أشهر قبل مقتله الله يرحمه ويغفر له , نحنا كمان عروبة كمان جامع شو الجامع ليس حيطان روح صلي وسط الكعبة هل يوجد أنظم من مكة ؟ الكعبة مسجد صغير بناه سيدنا إبراهيم مسجد "بِوَادٍ غَيْرِ ذِي زَرْعٍ", الكعبة صار لها شرف لنسبة إبراهيم إليها ووجود إسماعيل فيها وبعدين ضلت القدسيّة حتى تذكّرنا بأعمال إبراهيم وبأعمال إسماعيل كيف سيدنا إبراهيم قاسى كيف وقف أمام النمرود وكيف إقتحم النيران كيف لم يُهزم أمام بناء الإيمان وحده , هاجر بين الصفا والمروة , الإيمان واليقين "بِوَادٍ غَيْرِ ذِي زَرْعٍ" زوجته عرضُه وإبنه الصغير يتركهم في هذه الصحراء القاحلة لكن بأمر الله ما عاد يفكّر ما دام الله أمر, عرضك زوجتك هذه إمرأة وين تاركها؟ الله هيك أمر لما تركها و دار ضهروا ومشي نادته "يَا إِبْراهِيمُ أَيْنَ تَذْهَبُ وتَتْرُكُنَا, وَجَعَلَ لاَ يلْتَفِتُ إِلَيْهَا، قَالَتْ لَه: آللَّهُ أَمركَ بِهذَا؟ قَالَ: نَعَمْ(من خلال هز رأسه). قَالَت: إِذًا لاَ يُضَيِّعُنا. هذا الإسلام يا إبني , إمرأة في صحراء في وديان سوداء ما في لا أنيس ولا كنّة ولا حمايي ولا أخ ولا أب ولا ماء ولا مطعم ولا خبز ولا معجن, هذا الإيمان إذا الله أمر خلص. الصحابة هيك عرفوا الحجّ هيك طافوا هيك سعوا هيك نظروا للكعبة لكن كله ببركة النبي ﷺ شو البركة تعليمهم وتربيتهم وبناء عقلهم بالحكمة ونفوسهم بالتزكية وقلوبهم أن تعبد الله كأنّك تراه, قراءتهم للقرآن قراءة للعلم والثقافة والفقه هذا بعد 79 سنة , هذا مين شُريح هل سمعته عنه قبل أن أحدثكم عنه؟ سيدنا بلال بتعرفوه أكتر وأبو هريرة أكتر , هذا معروف من آخر الدرجات يعني معه ياسر تفيكا تبع زمان الصحابة أو بالصف الأول أو بالصف التاني إبتدائي وين؟ على حدود الصين, وشو أغلى أمانيه, الإستشهاد في سبيل الله كم معركة من معارك الفخر والمجد, هلق العرب إسألوا كم معركة من معارك الفخر والمجد بيقول لك 4 معارك , معركة القادسية واليرموك والمدائن وذات الصواري. ذات الصواري بأفريقيا والقادسية هزموا فيها الفرس واليرموك استمرت المعركة 6 أيام , معركة 6 أيام لعروبة مع إسلام ومعركة 6 أيام لعروبة بلا إسلام , اتنيناتهم 6 أيام ليش عرب اليرموك عددهم قليل أمام إمبراطورية عالمية , الآن العرب عددهم كثير أمام شرذمة وشذّاذ ...... وما ضاينا 6 أيام. وهون أنهينا المعركة على أعظم إمبراطورية عالمية في 6 أيام . بس أي إسلام يا إبني هلق الإسلام إسلام الهوية كمان بالهوية ما عاد في إسلام كمان إسلام الهوية ضيعانه فينا صرنا عرب شو معنى عرب : ثقافة , إيمان, عقيدة, تربية, جهاد, نضال هذا كله وضعه الأميركان بالجامعة الأميركية ببيروت وبالجامعة الأميركية باسطنبول , أوجدوا القومية و فرقوا بين المسلمين عرب وأتراك من هناك بدأ الحرب الصليبية الفكرية العقائدية لمسخ الإنسان العربي المسلم , هلق الإسلام مسخوه وصار مجهول ما عاد في عالِم يعرف يصنع إسلام, فا ما لازم نيأس مّر على المسلمين شدائِد أكثر بعدين يجي واحد متل الشيخ رَشيد الدين هل تعلمون قصته ؟ إذا هو رَشيد الدين صيروا انتو رْشيد الدين , يا إبني ليش رشيد الدين ما شيخ مُسلم ,أذناه ما أطول من أذاننا وعيونه ما أكبر وطوله 160 سم يمكن يكون 150 ووزنه 50 كيلو فا ليش هزم التتر ؟ لم يهزمهم بمعنى قتلهم أو قتلوه ؟ لا, أعظم من الهزيمة لم ينتصر على جيوشهم أعظم من النصر , حولهم جعلهم كلهم مسلمين من الأمبراطور لرئيس الوزراء لقوات الجيوش للجيش , كلهم حولهم من جيش يقاتل المسلمين إلى جيش يقاتل أعداء المسلمين , شخص واحد هذا مسلم العِلم نورالدين مُسلِم سياسي صلاح الدين مُسلم الحرب معاوية فتح قبرص يلا لنشوف خلي كل العرب وكل العالم خلي يحسنوا ينزلوا , بس يا إبني إسلام المسبحة هين وإسلام فرائض الوضوء هينة بدنا إسلام القرآن ندرُس القرآن قبل القرآن , القرآن لا بيفيد ولا بيعطيك أي نفِع إلا بشروط لأن الله قال "ذَٰلِكَ الْكِتَابُ لَا رَيْبَ ۛ فِيهِ ۛ (هُدًى للقارئين؟) هُدًى لِّلْمُتَّقِينَ"مين شوف صِفات المتقين في القرآن إذا صرت من المتقين بتهتدي بالقرآن إذا ما صرت ما بتهتدي فيه بِضُل فيه﴿ يُضِلُّ بِهِ كَثِيرًا وَيَهْدِي بِهِ كَثِيرًا﴾
﴿ وَمَا يُضِلُّ بِهِ إِلَّا الْفَاسِقِينَ ﴾﴿الَّذِينَ يَنقُضُونَ عَهْدَ اللَّهِ مِنْ بَعْدِ مِيثَاقِهِ وَيَقْطَعُونَ مَا أَمَرَ اللَّهُ بِهِ أَنْ يُوصَلَ وَيُفْسِدُونَ فِي الأَرْضِ ( أوْلَئِكَ هُمُ الرابحون؟)أُوْلَئِكَ هُمُ الْخَاسِرُونَ﴾ هاي الآية وقاف عندها وشوف حالك من يلي عم تهتدي بالقرآن يما من يلي عم ينضّل بالقرآن هلق الذي يقرأ لا لينتفع ولا ليتعلّم ولا ليربّي نفسه بس وحده هو وزوجته واولاده, هذا شُريح بنُ هانئ رايح على الصين دمه وروحه وماله ومنه سائل لا عن زوجته ولا على اولاده ولا على مستقبله ولا أكله ولا شربه كله من أجل الله , سيدنا إبراهيم ربنا قال له حط زوجتك "بِوَادٍ غَيْرِ ذِي زَرْعٍ" خلص الله هكذا أمرني , إبني زوجتي عرضي كيف؟ الله أمر خلص . هذه المرأة الضعيفة يلي ما معها شهادة مدرسية لكن معها دكتوراة جامعية سماوية , قالت له : آللَّهُ أَمركَ بِهذَا؟ قَالَ: نَعَمْ بهزة رأس ما في داعي للكلام , قَالَت: إِذًا لاَ يُضَيِّعُنا. ما دام الله أمر بذلك ف خلص روح لأن كانوا يعرفوا الله ,هلق إذا ولد شاف حنش يمكن يشده من ذنبه أو يضع أصبعه في فمه لماذا؟ شجاعة, بطولة, أما جهل وعدم علم ؟ يمكن يضع يده على النار فوق المنقل بيحرق إيده بيصير , كذلك نحن أطفال دون الأطفال يمكن ما إلنا وجود في الإسلام , إذا إسلامك ما عم تعرفوا زوجتك معمل أولادك بكرا هي بدها تربي, يلي أخدتها مسلمة أمّا جاهلية؟ فإذا النبي ﷺيقول ستُغَربلون حتى تصيروا في حُثالةٍ من الناس قد مرجَت عهودهم إذا عهد بعهد أخدت منه وعد , عاهدك ما في لا عهد ولا وعد " أَوْفُوا بِالْعُقُودِ" هذه الآية انتسخت كانت عا أيام النبي ﷺ, هلق صار في قرآن جديد طازة شو القرآن الجديد؟ القرآن الجديد بعدأَعُوذُ بِاللَّهِ مِنَ الشَّيطَانِ الرَّجِيمِ , ألف قلبة ولا غلبة والكذب ملِح الرجال هيدا الحديث النبوي رواه البخاري و مُسلِم والله عيب.. طيب هيدا يا ابني كيف بده يفهم الإسلام مين أستاذه؟مين مربيه؟ وين جامعه؟ وين مدرسته؟ كم سنة مضى بالدراسة بالتربية؟ هاي الصحابة مضّوا 79 سنة بالإسلام عِلماً و عملاً, قال ﷺ إنكم ستُغَربلون حتى تصيروا في حُثالةٍ مثل وسخ السيل , وسخ السيل شو بتلاقي ؟ تنك و عظام وقشر بطيخ و أشياء أخرى هذا الحُثالة. ستُغربلون أطايب الرجال العقول الأخلاق النفوس السلوك كله بيروح شو بيضّل المي الظريفة النظيفة كلها راحت. بدكم تحفظوا حديث النبي ﷺ يلي ما بيبحفظ ما بيطلع من الجامع وقصيدة شُريح بنُ هانئ ما بيستاهل انه تنحفظ قصيدته؟ هو و 30 ألف واحد ضحّوا مشان تقولوا" لا إلهَ إلاَّ اللَّه " هاي العروبة نحنا وين عروبتنا صارت بالصين أو اليابان ؟
"إنكم ستُغَربلون حتى تصيروا في حثالةٍ من الناس قد مرَجت عهودهم وخرِبت أماناتهم" الله إئتمننا على الإسلام ضيعناه , على فرائضه تركناها , على الأخلاق فسقنا , على كله , لا أمل بيننا وبين الله ولا بيننا و بين الناس ولا حتى أنفسنا عم نخون أنفسنا " إِنَّ الْخَاسِرِينَ الَّذِينَ خَسِرُوا أَنفُسَهُمْ وَأَهْلِيهِمْ يَوْمَ الْقِيَامَةِ ۗ"يلي بيضيّع ماله بيضيّع أمانته بيضيّع نفسه واولاده وعائلته وإسلامه ودينه.
"إنكم ستُغَربلون حتى تصيروا في حثالةٍ من الناس قد مرَجت( إختلطت) عهودهم وخرِبت أماناتهم" حفظتوا؟
قالوا: فكيف نفعل يا رسول الله ﷺ, طيب هيدا المرض والوباء والمصيبة والكارثة الي اجت علينا فكيف نخرج منها؟ كيف نداوي أنفسنا؟ الطبيب ما يللي بيُوصِف المرض بس كمان بهيئ الدواء , الماكنسيان ما يلي بقلك العلة بالسيارة هو الي بيصلح الموتور. قالوا فكيف نفعل يا رسول الله ؟ قال ﷺ تعملون بما تعرفون وتدعون ما تنكرون. كل شيئ الله أمركم أن تعرفوه , الأمر بالمعروف بدكم تأدوا فرائض الإسلام, وتدعون ما تنكرون عِلمنا,وثقافتنا وتعليمنا وإرشادنا وعقيدتنا من وين؟ أحدٌ أحد مصدر واحد يلي أخذ منه النبي ﷺ وسيدنا أبو بكر وسيدنا عمر وسيدنا عثمان وسيدنا علي, فما نفعل قال ﷺ:ارجعوا للوحدة وحدة الثقافة ,وحدة العقيدة, وحدة المُعلِّم , وحدة الكتاب , هذا الذي وحدّكم ما وحدكّم كعرب ووحّد معكم كل الأُمم , كنتم كعرب 500 قبيلة ومن ال 500 قبيلة جعلكم أُمة, أنتم أمة أضاف لكم 500 أمة وأمتكم كمان جعلكم أمة. هلق نحن هلق عرب قال أخي ما بدنا إسلام مشان نتوحّد طيب صرنا عرب, لما صرنا عرب صرنا 20 أُمة . الأُمة الكويتية والأُمة القطرية والأُمة الدبوية والحرستانية والدومانية, كله صار أُمم , الحزب أُمة و في 500 ألف حزب , العيلة بعد ما كان الصين لنصف أفريقيا لوسط فرنسا أُمة واحدة عقيدة واحدة هدف واحد تفكير واحد, إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ . هلق شوف الأخ وأخوه , الأب وإبنه, الزوج وزوجته ما في تربية ما في إيمان. ما في تربية لأن ما في مُربي وما في بقلاوة لأن ما في بقلاواتي وما في خبز لأن ما في فرّان وما في أحذية لأن ما في مصنِّع , ليش لحيتكم طويلة لأن ما في حلاّق , نحنا بدنا كل شيء ببلاش بالأماني, قال ماذا نفعل يا رسول الله ﷺ
قال : "أحدٌ أحد انصرنا على من ظلمنا واكفنا من بغانا " فا انتم أي بدكم تاخدوا, بتاخدوا الدعاء أمّا العمل؟
ما في حاجة تأخذوا بالأمر بالمعروف " تعملون بما تعرفون وتدعون ما تنكرون" بس منقول انصرنا لان هيديك بدها تكلفك وقت وجهد وبدك تتعلّم المعروف من المُنكَر حتى تأمر وتنهي بدك تعرف وين المعروف ووين المُنكر وما بيكفي تعرف بده يكون عندك إيمان وجرأة , قد تأمر بالمعروف وواحد يقول لك إخرس وقد واحد يضربك كف وقد واحد يطيرك من مصلحتك وفائدتك, في عندك إيمان أن الله هيك أمر؟ ومثل ما قالت ستنا هاجر " : آللَّهُ أَمركَ بِهذَا؟ إستكتر عليها كلمة مشان ما لازم يجاوب بالحكي و ستنا هاجر إكتفت بهزة رأس سيدنا إبراهيم , هلق بتسمع 500 ألف كلمة لأن القلب خربان يا ابني " ذَٰلِكَ الْكِتَابُ لَا رَيْبَ ۛ فِيهِ ۛ هُدًى لِّلْمُتَّقِينَ" والرسول ﷺ قال: " إنّما التقوى ها هنا وأشار إلى القلب" إنّ في ذلك" لِمَنْ كَانَ لَهُ قَلْبٌ" وينه هذا المُسلِم ليش عم يقرأ القرآن ,مش لحتى يفهمه و لا لحتى يعمِل به ولا حتى يطبّق أوامره , حتى يخالِف أوامره ويطبّق أهوائه ,جاهليته يقول للقرآن أنا بقرأك بضحك عليك وأهزأ بك وانا كل أمر بتأمره ما بنفذه وكل نهي ما بنتهي عنه أنا بمشي على كيفي ما على كيف الله , هذا إذا ما حكى بالحكي , الحكي أبلغ أمّا الفِعِل ؟ خلي واحد يقول لك أنا ما بحبك و تفي عليك ويملي كفّه ليرات ذهب ويضعهم في جيبك ويقول لك تفي عليك قلو مشان الله شي 50 وحدة مثل هذه التفلة, وإذا واحد قال لك يا حبيبي يا عيني تؤبرني وسلخك كف ما شفت الا الشرار طار من عينك, يا حبيبي لك تسلم لقلبي وجاب كرباج وسلخك , أيّها أفضل القول أم الفعل ؟ قالوا وإذا المقال مع الفِعال وزنته رجحَ الفِعال وخفّ كل مقالِ. يا إبني بدّك مربي واكيد ما من أول جلسة حا تستفيد, ما من أول حبة دواء بطيب المريض وما من أول أبرة , و تاخد الإبر كمان 15 إبرة دفعة واحدة , قلوا دكتور كل يوم بدي اجي 15 ابرة 15 يوم اذا بتعمل معروف اضربني ياهم كلهم هلق " خَيْرُ الْبِرِّ عَاجِلَهُ"والدواء بدل ما كل يوم نقطة نقطة عطيني القنينة, ليش كل يوم ليرة ذهب عطيني الذهب كلهم دفعة واحدة هذه لا تُقاس على هذه. الولد الله يخلقه ب 9 أشهر.
قالوا ماذا نفعل يا رسول الله ﷺ؟ قال تعملون , أول بدكم تتعلموا تعرفوا بعد العِلم والمعرفة بتبدأوا العمل والتطبيق, وتدعون ما تنكرون بعدها وتقولوا هلق نحنا ماذا نفعل , نقول أولاً وأخيراً اللهم انصرنا اللهم يتّم نسائهم آمين اللهم رمِّل نسائهم آمين اللهم زلزل حصونهم آمين , هات كل واحد 5 اوراق لها المساكين اللهم لا آمين. صرنا إسلام قول إسلام أماني , كمان نعمِل قول وأماني في واحد برا لا يقول ولا يتمنى يتمنى يخلص الإسلام ليش, إذا جابولك خاروف فطسان وبطنه عليان ما بتتمنى تخلص منه؟ ولو كنت جوعان خاروف محشي حشوة ربه حشوة رب العالمين حشوة أكرم الأكرمين حشوة ذو الفضل العظيم وإذا ما بيعرف ربه شاف ها الخاروف فطسان لأن عم ينعرض عرض سيء , قولاً وعملاً وسلوكاً وعقلاً وفهماً وحكمةً. أنا قلت لكم ببرلين نائب رئيس الدولة , نواب ووزراء ما بيكفهم, إذا قلت لكم الآن نهار خلي تكونوا كلكم أغصان بتقدروا تقولوا ليش , بتقولوا ليش بتحكموا عا حالكم بالجهل والجنون. قالوا لي إذا كان الإسلام ما تقول فا نحن كلنا مؤمنون . السفير السوفيتي هنا في دمشق بجلسة ساعتين قال لي إذا الإسلام ما أسمعه منك فأنا مسلم. روسي شيوعي سفير موسكو . أستاذ اللغة العربية في جامعة موسكو في حديث ساعتين في قلب موسكو لما انتهى المجلس قبّل يد الشيخ 4 مرات . من شهرين أو ثلاثة أستاذ في جامعة واشنطن مُستشرِق يُتقِن اللغة العربية بعد جلسة ساعتين قبّل يد الشيخ 4 مرات , ليش هذا؟ في أكبر من أستاذ جامعة في أكبر من موسكو وواشنطن ؟ يا ابني الإسلام.. ونحنا عنا بيحكي عا الشيخ من جَهلِه وحُمقِه ما شاف ولا رأى ولا سمع ولا شم مثل حكاية الجاحظ , كان زمان أول ينسبوا قلّة العقل لمشايخ الكتاتيب الجاحظ, يقول عمل كتاب على مشايخ الكتاتيب ونكت على قلة عقلهم وحماقتهم وسخافتهم آخر شي بدو يختم الكتاب اجتمع بواحد شيخ كتّاب وإذ شافه نحوي لغوي فقيه من كل العلوم مثل الصيني من وين ما رنه يرن , قال له احكيلك شي صار يتردد عليه قال فعزمت في نفسي على أن أمحو الكتاب بما أنه في مشايخ بهذا المستوى حرام نظلم الناس.
يوم من الأيام راح يزوره شافه مسكّر الكتّاب سأل عنه قالوا له عنده عزاء , قال رحت و شفت ناس فايتة طالعة ورابط راسه وعليه ملامح الحزن وما عاد حلق ذقنه وقالب البسط والسجاد والمراية حاطت عليها برداية , سأله خير من الذي توفى , قال له الوالد قال يا ريت قال له الوالدة قال يا ريت قال له أخوك قال يا ريت قال له ابنك قال يا ريت قال لكن من؟ قال له حبيبتي قال لما سمع حبيبتي قال له وما هي حبيبتك قال وتحسب أني رأيتها قال له عشقتها ولم أراها قال له كيف تعشق ما لا ترى ؟ بلغني أنها ماتت قال له كنت ماشياً في أحد الأزقة فسمعت مٌنشداً يُنشد يا أم عَمرٍ جزاكِ الله مكرُمةً رُدي عليَّ فؤادي أينما كان . لما سمعت قول الشاعر فقلت في نفسي لولا أنها تكون أجمل النساء لما تغنّى الشعراء بجمالها قال فعشقتها. الجاحظ يقول فقلت في نفسي هذه أول المناحِس ,قال له وبعد ذلك قال بعد ذلك مارق من نفس الشارع فسمعت الشاعر يقول لقد ذهب الحمار بأم عَمرٍ فلا رَجِعَت ولا رجِع الحمار, فقال فعلمت أنها ماتت ففتحت بيتي للعزاء . قال له أحكيلك كنت أنا عامل كتاب بحماقات مشايخ الكتاتيب لكن لما رأيتك أول الأمر قلت رح شق الكتاب وإمحيه لكن هلق رح حطك برأس الكتاب. هلق في ناس تعادي الشيخ لا شافه ولا جالسه عم يعاديه معاداة للإسلام , عادي يهودي خمرجي مُرابي مُلحِد كافر أبدا حاطِط على الشيخ يلي ببقاء الشيخ والعالِم يبقى الإسلام وعلى غيابه راح الإسلام , يعني إذا فقدنا الأطباء راح الطُب وفقدنا الحلوانية راحت الحلويات , كل هذا سكرة للمسلمين بدنا نصحيهم ونتحمّل ونصبر ما تنظرلهم نظرة الأحمق , نظرة الطبيب نعادي المرض ونصادِق المريض . بدنا نسحب الجهل الجاهلية وإذا بيرجع المُسلم بيفدي روحه وحياته بيفدي وجوده مع الشيخ لما بيعرف ,الماسة ما عارفها , لما يعرف الألماسات بيكّب روحه وكل شيء ولا بيكّب الألماسات, بدها صبر. قال ﷺ تعملون بما تعرفون وتدعون ما تنكرون,تقولون أحدٌ أحد انصرنا على من ظلمنا واكفنا من بغانا.فا بيتلخّص مجلسكم بحديث شُريح وهذا الحديث النبوي و بختملكم المجلس بحديث أخير قال ﷺ ما من شابٍّ يدعُ لذَّةَ الدُّنيا ولهوَها ويستقبِلُ بشبابِه طاعةَ اللهِ( أول شي بيبني إسلامه القلبي وعقله بالحكمة ويأخذ الحكمة من الحكماء والإيمان من الأولياء والعارفين بالله و يستقبل بشبابه طاعة الله تعالى أول ما بيبني شبابه على التقوى والعمل .. إلَّا أعطاه اللهُ أجرَ اثنَيْن وسبعين صِدِّيقًا ، ثمَّ قال النبي الكريم ﷺ: يقولُ اللهُ تعالَى : أيُّها الشَّابُّ التَّارِكُ شهوتَه من أجلي ( تعال عا السينما بدّك تسمحلي , عا البار بدك تسمحلي في شهوة في لذة في كِيف في طرب ),المبتذِلُ شبابَه في طاعتي ( بذل شبابه رخيصاً في طاعة الله ، أنت عندي كبعضِ ملائكتي. هذا هو الاسلام والمسلم الذي يكون إبن الإسلام كيف الإبن بيتركّب وجوده من أبوه وأمه ,فالمسلم بيتركّب وجوده النفسي والعقلي والفكري والقلبي والعاطفي والعملي والسلوكي من الإسلام لذلك يصير إبن الإسلام. لَعَمرُك ما الإنسان إلا إبن دينه فلا تترك التقوى إتكالاً على النسب (ما تقول أمي وأبي مسلمين فأنا مسلم , الإسلام عِلم وعمل وتربية وسلوك,)لقد رفع الإسلام سلمان فارسٍ وقد وضع الكفر الحسيب أبا لهب ( الحسيب النسيب عم النبي ﷺ). هلق السماع هين هلق في عاد ادامكم الفحص, هلق مكيفين مبسوطين لكن ما في طلعة ان شاء الله أو بتكتبوها أو بتحفظوها
معكم أبيات شُريح :أَصْبَحْتُ ذَا بَثٍّ أُقَاسِي الْكِبَرَا قَدْ عِشْتُ بَيْنَ الْمُشْرِكِينَ أَعْصُرَا, وُثمَّ أَدْرَكْتُ النَّبِيَّ الْمُنْذِرَا, هو كان البيت وثُم يعني مكسور البيت وأنا فكّر شلون بدي ظبطه لحتى ينظبت وزنه أُلهِمت بوضع واو قبل ثُم ركز النّظم والوزن, وُثمَّ أَدْرَكْتُ النَّبِيَّ الْمُنْذِرَا, انتوا بتسمعوها ببلاش أنا قائم من قبل الفجر وهذا الكتاب قارئه عدة مرات , 14 مجلّد وعم إختار لكم العنب والتفاح وعم إغسلها وحطها بالبراد, الصبّار مقشروا وعم قلك تفضّل , والله ماني فاضي والله مرتي جابتلي الشايات وبدي إشرب القهوة كرمال ما تزعل الخانم روحت الدرس . والشيخ 60-70 سنة يعمل ليل نهار كرمال يحضّرلك أطايب العِلم والحكمة والإيمان والهدي وأنت كيف بتفكّر تجاه هذا الشيخ. الشيخ كيف بيفكّر فيك وانت كيف بتفكّر بالشيخ كيف بيقابلك وانت كيف عم تقابله إذا بدي حاسبكم شغلة مشكلة هلق خلينا من غير الحساب. وُثمَّ أَدْرَكْتُ النَّبِيَّ الْمُنْذِرَا وَبَعْدَهُ صِدِّيقَهُ وَعُمَرَا وَيَوْمَ مِهْرَانَ وَيَوْمَ تسْتُرَا والجَـمـعَ فـي صِـفـّيـنِـهـِم والنَهرا هَيْهَاتَ مَا أَطْوَلَ هَذَا عُمُرَا. ثقافة هاي تكون بالإذاعة تكون بالتلفزيون تصير تمثيليات نربي أطفالنا شبابنا , إذا ما صارت بالتلفزيون إنت صير تلفزيون. مرة إجى واحد مزعبر مصري دق عيّط وصرّخ وقال لهم أنا بحط الطربوش بمحل وبناديلوا بيجي لعندي , تعوا اجوا الناس قلهم أي شي بيحطه طربوش طاولة طابة بيناديلوا بيجي لحاله إجوا الناس قالولوا يلا فرجينا , قلهم أول شي حطوا مصاري بعدين بنادي للطربوش,أعطوه مصاري مسكين جمعوا له , قال طربوش مين منكم اجى صبحي بك قال طربوشي , قال له إتفضل يا طربوش أفندي الطربوش ما رد عليه قال له يا طربوش بيك شرّف لعنا, يا طربوش باشا , يا شيخ طربوش , يا جنرال طربوش , ما كان يجي قال له إذا انت ما بتجي لعندي أنا بجي لعندك , قالولوا شو قالهم طب ما إجى أنا بضل واقف أنا بروح لعنده. هلق المسلم إذا ما إجى مع الشيخ شو بده يجي معه يعني بدنا نصبر وهون البطولة لما بتصبر لما بتكون وحدك بالمعركة بعدين لما بتصدُق مع الله والله حتى الله يخلي الحجار تستجيب إلك, اصدقوا مع الله ابذلوا لله اتحملوا الأذى الإعراض جهل جاهلية {إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ}