يقول نبينا ﷺ تعرض الفتن على القلوب كالحصير عوداً عودا فأي قلب أشربها نكت فيه نكة سوداء واي قلب انكرها نكتت فيه نكتةٌ بيضاء حتى تصير على قلبين على أبيض مثل الصفا فلا تَضُرُهُ فتنه ما دامت السموات والارض.
والآخر اسود مرباد كالكوز مُجَخِّيَ لا يعرف معروفا ولا ينكر منكرا إلا ما أشرب من هواه ( رواه الامام مسلم بن حذيفه رضي الله ﷻ عنه وارضاه).
نحن في بحوثنا لا نزال في بحوث القلب وكان آخر ما وصلنا اليه بعضُ امراض القلب واليوم نأخذ ما هي اسباب هذه الامراض ما دام عرفنا ان القلب اذا مرض لا تؤلمه المعاصي ولا يتوجع بجهل الحق فما هي اسباب هذه الامراض.
هذه الامراض لها أسباب كما نعلم ان الانسان اذا اصابه برد اصابه مغص في امعاؤه وفي معدته صار فيه مغص واذا صار معه كتم بصير معه وجع برأسه فكل وحده الها سبب فسبب مرض القلب هي فتنة الشهوات وفتنة الشبهات فتنتين في الحياة يمرض القلب بسببها فتنة الشهوات وفتنة الشبهات
الشهوات تتلذذ بها النفس وتميل اليها والشبهات الشك الذي يقع في قلب الانسان يقع في قلبه بعض الشكوك من ناحية الايمان من ناحية وحدانية الله ﷻ من ناحية حب النبي ﷺ من ناحية حب العلماء تقع هذه الشكوك في نفسه فهذه التي تسبب للانسان مرض القلب.
وهذه الشبهات والشهوات تأتي من مجالسة الغافلين من مجالسة اصحابهما اصحاب الشهوات واصحاب الملذات واصحاب الشك فتأتي من مجالستهما واذا جالس الانسان هؤلاء الناس اول ما يبدأ في قلبه قبل الفتنة وقبل الشهوة اول ما يبدأ في قلبه كراهة مجالسة الصالحين، يكره الصالحين ويكره مجالستهم فهذا اول مرض يدخل الى القلب وهذا اول سبب يسبب مرض القلب ثم موت القلب.
فإذا جالس الانسان الغافلين الذين يتكلمون على الصالحين ولم يثبت ايمانهم بالنبي ﷺ ، طعنوا بكلام الرسول ﷺ او بحياته او انتقدوا بعض احاديث النبي ﷺ او انتقدوا رسالة النبي ﷺ فهاؤلاء سقطوا بالفتنة ووقعوا في الفتنة والشك هؤلاء مرضت قلوبهم وهي على وشك الموت متى ضعف حب الرسول ﷺ في القلب او ضعف حب احاديثه او الشك في احاديثه ﷺ. معنى ذلك ان هذا القلب دخل اليه المرض وهو بينه وبين الموت نفس فإن استدرك نفسه ففارق الغافلين والتحق بمجالسة الصالحين يمكن ان تعود اليه الصحة والقوة وينشأ من جديد في الإيمان اما اذا بقي ملازما ومصاحبا بمجالسة هؤلاء الغافلين فهذا سوف يموت قلبه ثم يموت ايمانه.
الإنسان ما بفكر بهذه الاشياء،السبب بأن حب الدنيا غلب على القلوب حب الحياة حب الملذات حب الشهوات غلبت على القلوب . بغلبتها على القلوب صارت القلوب فاقدة لإحساس الظلمة في القلب ما عم تحس بظلمة القلب ما عم تحس بجفاء الحب ما عم تحس بلذعة الخطيئة ما عم تحس. السبب ان هذا القلب مات احساسه الذي يحي في قلبك احساسه هم الشيوخ الذي يوجد في القلب الشعور هم اولياء الله ﷻ الذي يوجد في روحك تحرك الحب نحو الله ﷻ وتحرك الشوق الى الله ﷻ هم الصالحون الاولياء المقربون، فإذا فارقهم وتركهم وابتعد عن مجالستهم معناتها مات الشوق ومات دافع الحب ومعناتها بدو يقع الانسان في المرض ومتى وقع في المرض مرض القلب سريع مباشرة يوصل الى الموت متى مرض القلب معناتا مات الايمان فلازم الانسان يستدرك نفسه قبل ان يعلو المرض ويغلف القلب فإذا غلف القلب صار عليه الران
كلا بل ران على قلوبهم / الران غطاء يغطي القلب فإذا غطى هالقلب كا قنينة او كاس غطيتها وحطيتها تحت الحنفية وفتحت الحنفية قديش بيتعبى فيها هكذا القلب اغلق عن الهداية واغلق عن الطاعة لان الشهوة غلبت عليه او الشك غلب عليه وذلك بمجالسة الغافلين وكره مجالسة الصالحين والابتعاد عن مجالسة الاولياء المقربين وهذا المسكين دخل في طريق المرض في قلوبهم مرض الله ﷻ ما ذكر أمراض الأجساد لكن ذكر مرض القلوب لان الجسد مرض سهل بياخد حبة بياخد ابرة بيمشي حالو لكن مرض القلب ما بيروح بحبة ولا بإبرة ما بيروح يا ابني إلا بالحب ما بيحيي القلب الا الحب ولا يميت القلب الا ضعف الحب لذلك لو الانسان لو حب هره بينتفع بحبه لو احببت اي شي في الحياة تنتفع لكن بينما ان يكون حبك حباً ناقصا تاخد حب ناقص تاخد نفع ناقص واما ان يكون محبتك محبة كاملة فا بتاخذ الدواء الكامل والعطاء الكامل فنحنا في الحياة اخواني كل خطوة من خطواتنا لازم نحافظ على القلب نحافظ على حياة القلب نحافظ على روحانية القلب على انس القلب بالله ﷻ على شفافية القلب ب دائما مراقبة الله ﷻ فلما بيصير عند المؤمن هذه الشفافية تبدأ الحياه تبدأ حياة القلب يشعر ان الله ﷻ معه يشعر ان روح رسول الله ﷺ لا تفارقه يشعر انه مع الصالحين في كل حركة من حركاته هذا الذي بدأت حياته وهذا بدأ الطريق هذا بدأ الحب هذا بدأ السلوك فإذا بدأت هذه البداية فدائما الانسان في سلوكه يرتقي السلوك ارتقاء فدائما تكون في ارتقاء يرتقي مرة بعد مرة بعد مرة حتى يصبح ويمسي وليس في قلبه محبة لغير الله ليس في قلبه شعور لغير الله هذا الانسان الذي يتذوق الايمان بعد هذا الحال يذوق حلاوة الايمان يذوق حلاوة الطاعة يذوق حلاوة المراقبة يذوق حلاوتها يشعر أن الله معه يتذوق الهيبة يتذوق الجلال يتذوق العظمة يتذوق الانس بيصير معه ذوق يا ابني ما هو سمع انما ذوق روحي بيشعر لما بيعرف الأنس بحس دائما انه مع الله ﷻ دائما في حالة لذة في حالة طرب هذا يا ابني الذكر وهذا الحب . لذلك يجب ان ننتبه الى القلوب ما استطعنا لاحظ قلبك في كل لحظة من لحظات حياتك في طريقك وانت جالس وانت تأكل حتى وانت في حالة قضاء حاجة في هالحال لاحظ قلبك حاضر مع الله ﷻ بهالوقت نعم
اوحى الله ﷻ الى سيدنا موسى يا موسى اذكرني على كل حال ، فقال سيدنا موسى يا رب انا نكون على حالة نجلك ان نذكرك فيها نعظم اسمك ان يذكر اسمك في هيك المكان فقال يا موسى اذكرني على كال حال والذكر قلبي ليس لساني فإذا كان في حالة قضاء الحاجة في حالة الاغتسال في حالة النوم في حالة الطعام قلبك حاضر مع الله فاذا في حالة العبادة كيف يكون في حالة الخشية كيف يكون فإذا بحالة الغفلة انت مع الله فبحالة العبادة والتوجه اليه كيف تكون هذه غاية في العبادة هذه توجد في القلب الذي داوم على صحبة الصالحين ومجالستهم ومحبتهم ثم لازم على ذكر الله ﷻ فتنشأ عنده هذه العطايا وستأتينا باستقامة القلب ان شاء الله ﷻ لذلك برجع الى الحديث الذي ذكرته لكم قول النبي(ص) تعرض الفتن على القلوب كالحصير عودا عودا يعني وحدة وحدة بتجيك في فتنة ورا فتنة فتنة بالمال فتنة بالقتل فتنة بالحياة فتنة بالصحبة فتنة بالمجالسة . الفتنة ليه سميت فتنة وما هي معنى الفتنة ( الصائغ لما ناخدلو خاتم وسخ او بناخدلو اسواره وسخة بيفتنها شو معنى بيفتنها بيشعل النار وبيحرقها هاي شو يقال لها فتنة حرق الذهب حتى يحرق كل الاوساخ ياللي فيه ثم بعدين بيغطوا بيروح الملح بيرجع ذهب عم يلمع) ما تغير فا بيغطوا بيروح الملح بيطلع ، كمان انت كمان عم تصيبك هالاوساخ والاقذاف بدك تفتن بتجيك الأشواق مر الاشواق تحرق من قلبك كل محبوب هذا اذا اراد الكن الى الله فاذا احترق بنغطسه بروح الحب فبيرجع جوهره كامل هذه اسمها فتنة تعرض الفتن الاوساخ التي تغطي القلب و تميل على القلب كالحصير عودا عودا .
مرة بتغضب من البيت بتحكي كلمة باردة مرة في الطريق مرة بتقصر في الصلاة مرة بتجالس غافل مرة بيخيبك بتشرد عن الله عز وجل هاي كلها يا ابني فتن لذلك ما رأيت في حياتي اوعى من اولياء الله يحرصون قلوبهم على كل طرفة عين تجده حارس لقلبه حتى ما يدخل الى قلبه في لحظة من لحظات الغفلة ما يدخل على قلبه شيء من غفلة او شهوة او شك لألا يصيب هذا القلب المرض . تعرض الفتن على القلوب كالحصير عودا عودا كل واحد بدو يتعرض للفتنة قال فأي قلب اشربها القلب النشفان ياللي صاير مثل السفنجة النشفانة نقطة مي دغري بيشربها واذا نقطة عرق بيشربها واذا نقطة بول بيشربها فالقلب جاف والقلب الجاف بدو يشرب فأي قلب أشربها نكتت فيه نكتة سوداء هذه الفتن ، الفتن مرة بالكلام ومرة بالغضب ومرة بالأعمال ومرة بالصحبة ومرة بميل النفس هذه هي الفتن كلها فتن تأتي إليك واحدة بعد الواحدة لكن احبابي حاسألكن سؤال هل يمكن ان يدخل الهواء الى الغرفة والشباك مسكر ممكن؟ اذن لما انت فتحت الشباك دخل الهواء وما دمت انت مسكر الشباك الهواء ما بيدخل فإنت فتحت باب الغفلة دخلت فتحت باب الميل دخلت الشهوات فتحت باب الشك دخل الشك فأما إذا كنت مغلق للباب مسكر ودائما في حالة مراقبة دائما في حالة حرص حراسة للقلب فلا يمكن ان تدخل هذه الفتن كما تمر الفتن عليكم تمر الفتن علينا صح كما كانت تمر على الصحابة وعلى المنافقين كانت تمر على سيدنا ابو بكر الصديق وتمر على سيدنا عمر لكن هل تأثر فيها او بكر كما تأثر المنافقون شو السبب السبب ابو بكر مدهون بدهن الحب نزل الماء وخرج فلم يبتل واما هؤلاء ما عندن دهن فمثل هذا وهذا ، هذا مثله كمثل البط بينزل المي بيغط خمسمية غطة وبيطلع ناشف وهذا مثل الدجاجة من غطة وحدة اختنق هذا الفرق. فنيال ياللي بيدهن حالو بدهن الحب ما دام دهنت بدهان الحب فهذا الحب اذا دهنت فيه ما عاد تأثر فيك الفتن لان كل وحدة بترجع فيها لشيخك كل وحدة بترجع فيها بتسأل هاي شو هو وهاي شو هو يعطيك مافيه الخير لك لذلك لا يتأثر اما اذا قاعد لحالو وعايش لحالو وكل وحدة بحطلها من دماغو هاي منيحا ولا ما منيحا لاء منيحا هاي ما فيها شي وهاي بسيطة وهاي وهاي عم يقع في الفتن ما عندو مين يرجع الو لذلك كان سيدنا ابو هريرة رضي الله عنه وارضاه كان كثير السؤال للنبي ﷺ يسأل سيدنا حذيفة رضي الله عنه قد كان الناس يسألون النبي ﷺ عن الخير وكنت اسأله عن الشر مخافة ان يدركني حتى ما اقع يسأل عن الشر يا سلام حتى ياخذ احتياط وياخذ الحذر فا الله حماهم وحفظهم من الفتن وكانت الفتن موجودة الليل موجود او ما موجود عم تتأثرو فيه عم تشعل كهرباء ما عم تتأثر لكن ياللي ما عندو كهرباء وعايش بالظلام والبيت كلو تراب والتراب مأوى الحشرات ممكن يلدغو عقرب وممكن تلدغو حية عايش في ظلام لذلك الظلام ياللي ما عندو نور ومن لم يجعل الله له نورا فما له من نورفإذا حتى تقوموا يا اخواني على حراسة القلب خليك دايما صحيان اولا ان لا تجالس الغافلين ليست مجالسة البيع والشراء والشغل لا يا ابني هاي ما بتأثر بيع واشتري كل يوم لخمسمئة واحد وخليهن يجو النصارى وخلي يجو اليهود يشتروا من عندك ما بأثر الذي يتأثر به الانسان ميل الحب والقلب جالست رفيقك حبيتو ملت له بهالميل ان كان غافلا انتقل الظلام الى قلبك اسرع شيء في الوجود ان يلتقط الظلمات هو القلب اسرع التقاط في الحياة اسرع من المغنطيس متى مال القلب الى غفلة انطبعت فيه ان القلب مثاله مثال المرآة بمجرد ما تتوجه الو الظلمة انتقلت الظلمة الى القلب لذلك الظلمة لا تتاخذ بالصحبة والأخذ والرد انما بميل القلب فا بدك تنتبه ان القلب لا يميل الى محبوب واحد لذلك ﷺ هاي من سر حياة رسول الله ﷺ مع اصحابه والذي نفسي بيده لا يؤمن أحدكم حتى اكون احب اليه من ماله واهله وولده ونفسه التي بين جنبيه هذا السر انك تحب النبي اكتر من حياتك وما عاد تميل لغيرو اذا احببت الكمال فسلك قلبك طريق الكمال ما عدت تميل لنقص ولما بعض الصحابة يعاملوهم انزل الله تعالى لا تجد قوما يؤمنون بالله واليوم الآخر يوادون من حاب الله ورسوله ولو كانوا ابائهم او ابنائهم او اخوانهم او عشيرتهم) اولائك ياللي مالو هيدول كتب في قلوبهم الايمان هيدول ياللي الله ﷻ مسجل الايمان في قلوبهم وايدهم بروحهم منه ويدخلهم جنات تجري من تحتها الانهار يا سبحان الله اذا القرآن ينبه والنبي ينبه لكن من الذي يتنبه ؟ صاحب القلب الذي يشعر انه قريب من الله تعالى انه مع الله ﷻ ان الله يراه انتبهوا على قلوبكم اخواني لا تظن ان في بيعك وشرائك تأثرت له انا والله بعت اليوم اجى لعندي مظلم قول لا والله يا ابني ما صحيح هل جالست غافلا فأحببته هل صاحبت غافلا فمال قلبك اليه هل احببت شهوة فمال قلبك اليها عندها بيكون دخل الى قلبك سم الغفلة كالحصير تعرض الفتن على القلوب كالحصير عودا عودا فأي قلب اشربها نكت فيه نكتة سوداء، نكتة سوداء يعني صار فيه انطباع السواد بتجي فتنة ثانية بتجي نقطة ثانية ونقطة ثالثة ونقطة رابعة حتى يتغطى القلب صار القلب كله متغطي واي قلب انكرها انكر الفتنة انكر ميله أُحلُّ عليكم رضواني حبه سألو الله يرضى عنه اولياء الله رضوان الله عليه قالولو سيدي ما حبيت غير شيخك كان الله يقدس سره ابو خير الميداني ما حبيت غير شيخك قالو والله لو مال قلبي لغير شيخي لو حب غير شيخي ولو طرفة عين لاقتلعته من صدري وارميته للكلاب ما عاد يصلح هادا ارميه للكلاب خليها تاكلوا الكلاب انا خلي قلبي يميل عن شيخي لذلك يا ابني صارو من كبار الصدقين من كبار اولياء الله من كبار اهل الله لما صدقوا في حبن لما صدق الحب ما عاد في عندن فتن يا ابني هالفتن كلها راحت ما عاد تحس انو فلان تغضب او تسب او تشتم لا يا ابني المؤمن صار في كمال لسانو صار لسان الكاملين اخلاقه اخلاق الفاضلين اعماله اعمال الصالحين تقواه تقوى المتقين فما عاد في عنده هالميل لذلك بيظهر بمظهر الكمال هذا الاخ يا ابني هذا الذي يسير نحوى الفضائل وتسري اليه الكمالات عودا عودا وحدة وحدة حتى يبلغ كمال المحبة واي قلب انكرها نكتت فيه نكتة بيضاء بيضاء هاي نورانية هيديك نكتة ظلمانية وهاي نكتة نورانيه والنكتة يعني مثل الجمرة اذا دحرجتها على ايدك او على اجرك دحرجت الجمرة شو بيصير بتلدع محل ما بتلدعو شو بيطلع بيسمو عنبايه ما هيك بتعنب بالمي هاي اسمها نكتة نكتت ففي نكتة سوداء بتجي للقلب بتغطي وفي نكتة بيضاء نورت القلب فالنكتة البيضاء امام نكتة امام وحدة تالتة فعندها شو بيصير القلب قال حتى تصير على قلبين الفتن على قلبين انت شوف قلبك من اي نوع على ابيض مثل الصفا كانو نكتة بيضا نكتة بيضا شو صار القلب كلو قلب نوراني الله ﷻ يتفضل عليكم بهالقلب الله ﷻ يتفضل عليي وعليكم بهالقلب النوراني ما هالقلب الصنوبري يا ابني الروح التي ملئة فيه بتصير روح نورانية الذكر لها نور والتسابيح لها نور وفي دورة القرآن لها نور ومدارس العلم لها نور والحب لها نور فإذا كان جمعت هذه الانوار كلها صارت روح نورانية الروح النورانية ليس فيها للظلمة مكان لان الظلام والنور لا يلتقيان ابدا ممكن؟ ممكن يجتمع مع النور ظلام لا يلتقيان ابدا فإذا وجد نور الله ﷻ في القلب فمعناتا ما في لا ظلمة نفس ولا ظلمة شهوة ولا ظلمة انانية ولا ظلمة معصية ولا ظلمة غفلة نور القلب القلب شعل بالكهربا لما شعلت راح الظلام كلو كلو طرد استنار القلب معناتا كل ما رأى فتنة ينكرها هذه ما بتجوز هذه لا اميل اليها لا افعلها لا اقول هكذا ولا افعل كذا هذا المؤمن الذي استنار قلبه على قلب ابيض مثل الصفا شو الصفا الرخام الناعم الالمس ياللي عم يلمع كان لما توقف قدامو تشوف صورتك فيه مع انو حجر لكن من نعومته شو صار مثل المراية ابيض مثل الصفا صار قلبك ناعم ما يأثر عليه اذا اجى عليه الماء او شي بتكر مع السلامة ويبقى على صفائه على ابيض مثل الصفا يا سبحان الله اذا بنمثل هذا المثال صلى عليه وسلم اصبح القلب نورانيا ابيضا لا تضره فتنة ما دام في السماوات والارض وعلى هالتعبير صل الله عليه وسلم ما دام في السماوات اديش بتدوم السماوات، السماوات بتدوم على قد عمرك ولا قبل عمرك ولا بعد عمرك السماوات مليون سنة مليونين عشرة ملايين قال لو هالقلب بعيش عشر ملايين سنة لا يمكن للظلام ان يدخل اليه لان صار القلب محصن بنور الله ﷻ تحصن بنور الله ﷻ نور الذكر نور المراقبة نور التلاوة نور الصحبة نور الحب امتلأ القلب بنور الله ﷻ ما تضره فتنة حتى لو اتى الدجال وفتنة الدجال ياللي النبي ﷺ نبه الناس عنها فتنة الدجال لا يستبقه بعض الصحابة اجى لعند النبي ﷺ اجى قالو يا رسول الله انت حذرتنا من الدجال والدجال بدو يجي بصير في مجاعة معو الطعام ومعو المال بيغري الناس بيعطي الناس مال وطعام تالناس تلحقوا قالو يا رسول الله شو رأيك لو لعبت عليه اكلت من اكلاتو وبعدين قلت لا اله الا الله بدو يلعب عالدجال شوفوا الايمان يا اخوان قالو باكل من اكلو بقلو انا معك باكل من اكلو ماتما شبعت بكفر به وأؤمن بالله اي شو بدك بهالفوتة وشو بدك بهالقعدة النبي ﷺ قالوا ليس لك في ذلك لا تدخل هالدخلة هاي قالوا ممكن تقول اخي انا رح انزل بالنهر وبطلع من هونيك ممكن يكون النهر قذّيف يمكن يقذفك ممكن ما تحسن تدافع من الافضل ما تنزل خليك آخد احتياطك فمعنى ذلك كلام رسول الله ﷺ حماية وحصن لاتضره فتنة ما دام في السموات والارض اذا كان القلب استنار بنور الله وهذا استينار القلب يا هل ترى صعبة لا يا ابني انتوا عما تدخلوا طريق نورانية القلب ان يكون القلب قلبا نورانيا استنار بنور الله ﷻ ما اعطيناكم يا ابني انوار التسابيح مع انها من الاذكار اعطيناكم نور اسم الله ﷻ الذات نور الذات الله الله ﷻ لما بتذكر الله ﷻ نور قلبك من نور اسم الذات واسم الذات هذا الاسم المقدس فإذا نورك من نور الله ﷻ هل هذا النور له مثال هل هذا النور يخرق في الظلام انتبهوا لذلك على ابيض يعني على قلب ابيض مثل الصفا لا تضره فتنة ياللي ما بدو يتضرر بالفتن يحافظ على قلبه يحافظ على نورانية القلب ذكر الله تلاوة القرآن مجالس العلم الحب وهذه كلها مسالك نور الله سبحانه وتعالى ممكن انسان يشتغل بالتسابيح والتهديد فا ما يحصل يا احبابي لما الصحابة جالسو النبي ﷺ ما علمن التسابيح ،التسابيح علمن ياها بعدين لمن لما كان في مكة المكرمة ياللي علم الصحابة علمهم التوحيد لان كان موجود الاصنام وعلمهم ذكر اسم الله ﷻ ان يخلوا بالله ﷻ ان يذكروا الذكر القلبي وهذا اقوى انواع الذكر فكانوا الصحابة يذكرون اسم الله فإنتوا الآن عم تتعلموا ما تعلمته الصحابة في اول سلوكهن مع النبي ﷺ لذلك هل تأثر احدا من العشرة المبشرين بالجنة بالفتن لاء هل تأثر احد ممن جالس النبي ﷺ وآمن به في مكة هل تأثر ؟ لما مات النبي ﷺ هل ارتد احد مما آمن به في مكة ؟ لا. لكن مين ياللي ارتد ياللي مأسلمين على ايدين الصحابة اما ياللي جالسوا النبي وصاحبوا النبي ما ارتدى منهم احد فمعنى ذلك لما يصلي الصلة الكاملة عم تاخد النور الكامل انت في امان وحصن لا يمكن ان يدخل على قلبك فتنة ما دام في السماوات والارض اما القلب الثاني ، القلب الثاني قال اسود مرباد ، مدد على بعضه سوادو ممدد على بعضه تغير لونه الى السواد هذا ما يسمى مرباد معنى مرباداً تغير لونه الى السواد صار لونو اسود كان نوراني انقلب من نور الى سواد واحد كان ماشي مع اهل الله التقى مع هؤلاء الغافلين او الذين يشكون بأحاديث النبي ﷺ هذا حديث ضعيف هذا النبي ما حاكاه بشك بالأحاديث مجالستك الن موت للقلب فأولاً دخل سهم الشك سهم ثاني واذ بالقلب مرض ولما مرض صار مربادا اسود مال الى السواد فبدل نورو بظلام مثل ما بيقولوا بدل غزلانو بقرود لك يا ريت ياريت قرد القرد قد ما كان بسليك شوي لكن اذا بدل غزلانو بشياطين نعوذ بالله اسود مربادا كالكوز مجخياً الكوز الإبريق مجخياً يعني مائلاً اذا الكاسة ميلناها شو بيصير بياللي فيها كلو نكب ما بقى فيها شي قال كالكوز مجخياً يعني مائلاً ما بقى فيو هداية ما بقى فيو نور لا يعرف معروفاً ، معروف ما بقى يعرف معروف انو هذا عرف بالشرع فضله هذا فيو ثواب هذا فيو اجر لا يعرف معروفاً ولا ينكر منكراً صار عندو كلو مثل بعضوا البعض الفساد والطاعة والكلام الناقص والانحراف كلو مثل بعضوا صار
اذا شو بيقولوا العوان كلو عند العرب صار صابون لا يا ابني ما كلوا صابون على شان هيك لا يعرف معروفاً ولا ينكر منكراً الا ما اشرب هواه شو في نفس عندو ميل هذا ياللي بيمشي الوهذا يا احبابي ياللي انتكس نسأل الله العفو والعافية من الهداية الى الفساد الى الضلال الى الشقاء نعوذ بالله تعالى فهذا يشتبه عليه الامر والنهي هذا الله امر في قال يلا حط ما فيا شي حملها وحطها منكر ما بيجوز يا اخي ما بيجوز على فلان وفلان بس عليك انت معلشي شو انت غير الناس بيلاقيلها مخرج لا يعرف معروفاً ولا ينكر منكراً فإشتبه عليه الامر و الميل اما اذا استحكم المرض نسأل الله العفو والعافية اذا استحكم المرض في قلب الانسان فعندها يعتقد المعروف منكراً والمنكر معروفاً الجَّية على الجامع بقلك هادة رجعية هذا المعروف شو قال عنو منكر والروحة على السينما والقعدة قدام التلفزيون والفيديو هاي تقدمية الرقص والغني فن والدين والتقوى جدبة هاي المعروف منكرا والمنكر معروفا هاد معناتا يا ابني استحكم المرض من القلب وما متى استحكم المرض القلب وقع في الموت الحسنة بدعة والبدعة حسنة لك يا خيي ما بيجوز ما كل الناس هيك نحنا هلق افهم من الناس كلن طب ما الناس مخالفين السنة السنة غير هيك خلص السنة بدعة والبدعة سنة مات القلب هذا يا اخواني سبب مرض القلب احذروا اول كل هذا السبب اياكم والفتن ما تركت على أمتي بعدي فتنة اشد من النساء اعظم فتنة المرأة التي لم يكن لها ايمان المرأة التي لا خشية لها لا مراقبة لها لله تتغلب عليها نفسها وتتغلب عليها اهواؤها وشهواتها فتدخل لإفساد المجتمع وافساد الجيل فما اجتمعت بإنسان ومالت إليه او ميَّلته إليها فانتبهوا اولُ فتنةٍ وجِدت في بني اسرائيل هي النساء الفتنة الثانية المال فتنة المال ، النساء اولا النبي ﷺ جعل لنا حماية فقال اياك والخلوة بالنساء اياك لا تخلو بإمرأة ما خلى رجل بإمرأة إلا كان الشيطان ثالثهما بقول يا اخي انا عم صلي انا بذكر الله ما بأثر معي بقلو مين انت لو كنت الصديّق بينخاف عليك اياك والخلوة بالنساء قال فيا رسول الله رأيت الحمو ، الحمو بيت الإحمى يعني اهل الزوجة اهل الزوجة هول شو بيعتبروا بيت الاحمى يعني اخت مرتك بنت عمك بنت عمتك هيدول كلن حمو، أفرأيت الحمو قال الحمو الموت موت الدين بيجي من هون لان هاي بتقعد معها بتحاكيها ضحكت قدامك ضحكتلها و بعد الحكي والضحك وبعدين بسلم عليها برص على ايدها وبترص على ايدو ايه وبعدين في جهنم عم تستنى فقال توقى من بيت الاحمى تزوجت الله يرضى عن سيدنا الشيخ امين الله ﷻ يرضى عنو ويلحقنا به غير مفتونين شيخنا الو اخوات كان رحمة الله عليهم فدخل بعض اولاده حكى لمرة اخوه قالها ساويلنا كاسة شاي سمع الشيخ سمع الشيخ فتح الباب قالو ولد وين مرتك انت قوم ساوي الشاي اذا مرتك مو هون انت قوم ساوي الشاي قالها فوتي انت روحي انت مسؤولة عن زوجك مو مسؤولة عنو بتخدمك مرت اخوك بدها تخدمك وهي عم تخدمك الشيطان بيحليها بعينك اخت مرتك جابتلك فنجان قهوة الله يسلم هالديات ان شاء الله منسلم هالديات
سبحان ياللي خلقلك هالديات ما انعمن بدو يخطبها بدو يتجوزها ما اختها عندك ايه ما بقى يحسن وعم تقع كتير مشاكل فلذلك انتبهوا يا ابني اول فتنة بني اسرائيل كانت النساء ثاني فتنة المال المال واياك والمال يا اخواني خدو كلمة مني احفظوها جبل من الذهب وقبضة من تراب يتعادلان جبل ذهب وكمشة تراب مثل بعضن البعض بعد الموت بعد الموت شو في فرق بين هاد وهاد لذلك لا تغتر بالمال ولا تشوف المال انو الكل بالكل لا يا ابني ما ادركته من نعمة من الحلال وان كان قرش خير لك من ملئ الارض من الحرام الناس بدو بس عبي الجيبي هات مانو شايف لا يا ابني كول اللقمة الحلال يستجاب لك الدعاء قال النبي ﷺ لسيدنا سعد يا سعد اطب لقمتك تستجب دعوتك لما الطيبة ما يحطلها سمنة ولحمة اللقمة الطيبة الحلال كول لقمة حلال الله بيستجيب دعائك بتتلذذ بصلاتك والله يا احبابي اكثر الناس ما عم يعرفوا لذة العبادة لان في اكلهن شبهة في بأكلهن حرام ما لو في حلال والله ركعتين لا يحدث العبد فيهما نفسه خير له من الدنيا وما فيها ركعتين بتحدث نفسك لما يكون القلب مع الله لما تشغل عن الله ما بيعود في حديث هذا القلب النوراني يا ابني.
مجالس الايمان هي مجالس الهداية غذاء الايمان غذاء التقوى فأسأل الله ان يجعلني واياكم من اهل التقوى فا احرصوا يا اخواني على قلوبكم اليوم اخدنا اسباب مرض القلب اذا الله احياني بالدرس الجايي صحة القلب كيف يصح القلب وما هي علامات استقامة القلب مع الله هاي بدها تجيكن الآن احرصوا الآن على قلوبكم من الفتن لا فتنة المال ولا فتنة النساء والفتنة الثالثة وهي اعظم فتنة تصيب الانسان فتنة الغضب فتنة الغضب لان الشيطان لايملك الانسان الا عن طريق الغضب بحاول الشيطان يغريك اذا كنت ذاكر ما بأثر عليك بيجيك من باب الغضب متى ما اغضبك بصير بدك تحكي وتسب وتشتم فابدك تسب لحقها بدينك سب الدين خسر الدنيا والآخرة هذا هو الخسران المبين فيا ابني الفتن اساسها ثلاث اساسُ الفتن ثلاث النساء والمال والغضب هاد اساس الفتن كلها فإذا استطعتوا ان تجتنبوا النساء ما استطعت
انا كنت بالحج الحمد لله والله ﷻ يتقبل منا ومنكم ما استطعت انزل للرجم وكلت الاخوان بالرجم بنتي موجودة كمان وكلت بالرجم بنتي عالمة من العلماء بعد فضل الله حافظة للقرآن جابت كتاب وفاتت للغرفة عم تقرا وانا عم بقرا قلتلها الله ﷻ يرضى عليك قعدي بغرفتك واقري ليش قاعدة مع ابوها مع ابوها قعدي بغرفتك اقري اصفى الك واصفى إلي كل كلمة بدك تنظري الي بدك شي عاوز شي او انا اذا بدي قلك كذا لا لا لا كأنو ما عندي حدا قومي ابي ما خليتها بالغرفة مع انها شو بتكون بنتي.مع امي رضي الله عنها غفر لها وغفر لأمهاتكم وأبائكم كنت جالس انا واياها انتبهت وطلعت قعدت عند الباب كان غرفتنا بننزلها اربع درجات قعدت عند الباب ليش قعدت هنيك يامو قلتها يامو هوني احسن لك يا ابني انزال لتحت قلتلها هون احسن بعدين قالتلي يا ابني حدن بصير عندو طراريح هون بيطلع بيقعد برا قلتها يامو اصفى لقلبي شو معنا اصفى لقلبي قلتلها حتى ما يخطر ببالي شي قالتلي ويحك انا امك قلتلها نعم امي لكن الحديث لما النبي قال ما خلى رجل بإمرأة إمرأة معرفة ولا نكرة والنكرة شو بتعمل بتعم بإمرأة فأخدت احتياطي من امي ومن ابنتي ممكن يخطر في البال هيك لكن هذا احتياط يا ابني حذر حتى ما يقع الانسان في شيئ فشوفوا ابني اذا الشيخ بهالحال انت شلون تعمل الآن بيكون عندي درس نساء من وقت بطلع بالاسنسير بقيم الكزلك وانا بس لما قيم الكزلك ما بعود شوف شي كأنو قايم العدسة البؤبؤ قايمو من العينتين ما بعود شوف شي وبفوت بدرس وبكون كاتب الدرس ما بحط الكزلك وبطلع بدرس من غيرو لا ارى إمرأة والله اوقات الحجة بتسألني فلانة اجت عالدرس والله يا حجة ما شفت حدن وما بشوف حدن هذا فضل الله عز وجل فإذا شيخك عم ياخد الاحتياط الى هذا الحد فإنت شلون لازم تاخد احتياطك بقى احذروا يا ابني عم بحكيكن هذا ما مشان بيني وبين الله أسأل الله ان يغفر لي لكن مشان تعرفوا انو الشيخ مع حفظ القرآن ومع العلم ومع التدريس ومع الذكر ومع الفضل الإلاهي وآخد الإحتياطات فإنت ما عندك ربع هالشي هادا شلون لازم تكون لازم تاخدو احتياطات قدن مني على اربع مرات حتى ما نقع في فتنة من الفتن لان الفتنة متى ما علقت بالقلب شهوة او لذة متى ما علقت بالقلب صعب تطلع صعب تطلع لقطت يعني لزقت واذا لزقت ما عادت تطلع الا اذا الله احاط بعناية ورعاية إلاهية فالنساء والمال اوعى يحلالك مال احد قرشك يا ابني اكتشفتو بجدك اجاك هدية او بجد او بعمل اخدت قرش حلال احفظ على قرشك الحلال ولا يحلو لك مال احد لا تدين من هاد ولا تاخد من هاد خليك دائما على القرش الحلال بالجد بالإجتهاد بتاكل لقمة حلال وبتم قلبك طاهر لذلك قال اولياء الله رضوان الله عليهم قالوا ما رأينا لقسوة القلب اقرب من لقمة حرام لقمة الحرام بتكفي المؤمن ما عاد يشعر لا بطاعة ولا بلذة واياكم والغضب يا ابني النبي ﷺ علمنا عند الغضب عصبت وانت قائم قعود غضبت وانت قاعد تسطح واذا قدامك حنفية مي قوم اتوضى بهالاعمال والحركة تطفئ الغضب اما اذا كنت قاعد وجدال عم ياخد ويعطي ويجادل وكل مالو عم يغضب وكل مالو عم ينرفز يا ابني هاي النرفزة اولا بتضر القلب النرفزة والغضب اول شي بيضرب اعصاب القلب يا بيصير معك ارتخاء بالقلب بصير معك تشنج بأعصاب القلب مشان تغضب 5 دقايق على شان ايش عليه الصلاة والسلام كان اذا غضب شو يقول قدر الله وما شاء فعل خلص اوعكن والغضب وهذا يا ابني بقلكن بالمية 85 لل90% من يقع في ظلمة القلب بسبب الغضب ما في واحد منا بيخلى من الغضب لكن اجعل غضبك لله لا تغضب لنفسك حكوا عليك سبوك شتموك آذوك حسبي الله ونعم الوكيل لا تتأثر لكن اذا الدين مسوه بشيء تغضب لدين الله لا تغضب لنفسك الغصب لدين الله هداية ونور اما الغضب للنفس ظلمة وقسوة للقلب فأسأل الله يا ابني ان تكونوا من اهل الانتباه لقلوبكم وشيء قليل انتبهوا الو افضل ما نطول حتى الوقت يتغير واكتر فاليوم شو بدنا نذكر اسباب مرض القلب وزيناها بحديث الرسول عليه الصلاة والسلام تعرض الفتن على القلوب كالحصير عودا عودا فأي قلب أشربها نكتت فيه نكة سوداء نسأل الله السلام واي قلب انكرها نكتت فيه نكتةٌ بيضاء حتى تصير على قلبين على أبيض مثل الصفا لا تَضُرُهُ فتنه ما دامت السموات والارض.
والآخر اسود مرباد شو يعني مرباد يعني مال الى السواد كالكوز مُجَخِّيَا شو يعني مجخيا يعني مائلا لا يعرف معروفا ولا يُنكر منكرا إلا ما أشرب من هواه
اسأل الله ﷻ ان يحفظ ايمانكم وان يحفظ قلوبكم وان يلهمكم الرشد ويجنبكم الزبد نسأل الله ﷻ ان يجعلكم من عباد الله الصالحين وان يرضى عني وعنكم رجالا ونساءا رضاء لا سخط بعده
اللهم اغفر لنا ولوالدينا ومشايخنا ولأحبابنا وللمسلمين اجمعين
وصل الله على سيدنا محمد والحمد لله رب العالمين