بفضل الله تعالى وبتوفيق الله مرت معنا بحوث المريد السالك هو أبر اليها من شرب الماء البارد عند الظمأ الشديد لمن عرف قدر السلوك وعرف ان السلوك هو طريق موصل الى الله. فمن عرف طريق السلوك وعرف ما يكون من مريد فيه نجا وانجا من جالس واذا لم يعرف يخشى عليه من الطريق ان لا يحقق الوصول. واليوم البحث مرتبط بكل ما أخذناه من قبل. كل ما اخذ المريد من الاحوال والمقامات ومن البقاء والفناء وغير ذلك كلهم يرتكزون على بحث اليوم. بحث اليوم بحث السر. السر الذي هو بين العبد وبين ربه. السر الذي هو بين قلب المريد وقلب العارف بالله. السر ما كان مصوناً مكتوماً بين العبد والحق في الاحوال في كل ما يتحول المريد فيه في طريق الذكر بين العبد وبين ربه. فالاحوال والانوار والمقامات والصحو والفناء والبقاء كل ذلك مما يكون مع المريد في طريق السلوك. فمنه ما يكون ثابتاً ومنه ما يكون متحولاً. يتحول من حال الى حال او يثبت في قلب المريد ما بلغه من الاحوال. كل ما حصل مع المريد ان كان هذا المريد كاتماً لما حصل معه لا يتكلّم به لأحد ولا يبوح به لاحد فهذا المريد الذي يرتقي بصفائه وروحانيته حتى يبلغ المقام الاكمل في طريق اهل الله. اما اذا اباح المريد بما فُتح عليه وبما تجلى الله به عليه فهنا الخسارة الكبرى بل الطامة الكبرى. هناك بعض المريدين من يقول ماذا حصل معه. رأيت كذا وحصل معي كذا. ان قالها عن طريق عجب او عن طريق فخر فهذا يدل على انه سوف لا يتمم في سلوك الطريق مقاماً ولا يبلغ في سلوك الطريق عطاء انما ينقطع ويرتد الى اسوء مما كان عليه. لذلك على المريد ان ينتبه كل الانتباه ان السر نعمة الهية اليك. وهو امر خاص بينك وبين الله فان كشفت هذا الستر فقد خنت الامانة وسلبت منك احوالك وان كتمت ارتقيت الى فضل الله ونعم الله من مقام الى مقام حتى يبلغ مقام الولاية الصادقة. الولاية الكاملة ومنها يثبت في مقام الصدق والاخلاص حيث يتقرب الى الله عز وجل بكل عبادة وكل عمل. فالسر يجب وجوباً شرعياً على كل مريد سالك ان يكتم ما يكون معه من احوال وما يمر عليه من تجليات مما سأذكره لكم الوارد من الواردات الالهية على القلب فيجب على المريد ان لا يبوح به. ومن قبل قالوا: من باح بالسر كان القتل شيمته. وحصل لعدد من اولياء الله عندما اباحوا بسرهم وكشفوا السر الخاص فيما بينهم وبين الله فقدوا ما تفضل الله به عليهم ثم كانت نتيجتهم تهمة تقذف اليهم او ينسب اليهم نسبة كاذبة فيكونوا من اهل القتل ومن اهل الفناء. وطريقنا في طريق السر على ثلاث مراتب: سر العلم وسر الحال وسر الحقيقة. سر العلم لكل علم من العلوم له سر. المقصود هنا سر علوم القرآن وعلوم الحب. سر علوم القرآن يجب على المريد ان يكتمه في قلبه يمر على المريد فقه بعض الايات القرآنية بعلوم خفية ما اطلع عليها اهل الكتب. فان نطق بها فلينطق بها امام من يستحقها والافضل ان يدّخرها لنفسه او يقولها عن طريق سماع لا عن طريق حال. سمعت بعض الصالحين قال كذا.. سمعت بعض الاولياء قال كذا. اما ان يقول حصل معي وتجلى لي الله في كذا وكذا فهذا يُخشى من سلب العلم. والاشد من ذلك سر الحال. سر الحال يمر على المريد في حالة الذكر بعض الاحوال يفهم مراد الله عز وجل من بعض الايات او من بعض الاحاديث. فمثلاً تكون في حالة ذكر تمر عليه وهو في ذكره تمر عليه كلمة من القرآن او آية من القرآن فيفقه من هذه الاية انك انت المراد بها. سمعتها وانت المراد بها. فان استقمت بها وصلت وان لم تستقم ابتعدت. فمن طرح بقوم انه الله هيك الهمني واذا انا بعمل فيها هالشي سر يا ابني بينك وبين الله. اعطاك حالاً ليوجهك الى الكمال والاستقامة فبتحمل الطبل وبتنادي انه انا ماشي بطريق الكمال وطريق الاستقامة؟ هذا انسان خفيف العقل خفيف الفهم ما عرف ما يجري امامه. كل انسان متى اباح بالنعمة التي عنده معناها فتح آذان الحساد اليه متى ما الناس عرفوا عندك نعمة بيحسدوك عليها بعض اوقات بيقاتلوك مشانها فبتكون اوقعت نفسك في اليم الشدة والعذاب من اجل كلمة. ففي الحال دائماً اذا حصل معك وانت في ذكرك بتكون عم تذكر بيمر معك ان شيخك يريدك وانت عنده محبوب. بيطلع عند الشيخ بيطلع الشيخ بده ياه. بيقول له والله يا سيدي انا اجاني الهام انه انت بدك ياني وجيت انا لعندك فالشيخ دائماً يقول له يا ابني خليها بيني وبينك. هذا سر بين قلبي وبين قلبك. فاذا طلع وحكى للناس سلب منه هذا السر ورجع للقهقرا فلم يتذوق من مقامه شيئاً. بينما لو كتم لكان من اهل المقام. بيصير هالحال هذا معه طبيعة دائماً يباحث شيخه بسره. فيعلم ما بينه وبين الشيخ لأحوال القلب لا لاحوال اللفظ. هي كتير بتصير بين المريدين وبين الشيوخ. الشيخ بعض اوقات يكشف للمريد عن حال. يرقى فيه الى حال بس حال هذا بيني وبينك. قذف في قلبه شيئاً. متل ما حكيتلكن عن قصة الله يرحمهم بعض احباب الشيخ. هو في دكانته خطر بباله انه الشيخ بده اغراض كان الشيخ جوا البيت مواجه للجامع. وزوجته قالت له بدنا خيطان وابر وبدنا كشاتبين. فشيخنا كان فاتح الكتاب وعم يقرأ فحكى للزوجة قال لها هلق ان شاء الله بيوصلوك. هلق بيجو. ولفت رقبته وقال له يا ابو سعيد الله يرضا عليك يا ابو سعيد الله يرضا عليك جبلنا يلي الحجة بدها ياهم ابر وتوابعهم. كان اسمه ابو سعيد تركو ابنه عم يجي يحض. ابو سعيد تركو؟ ابو سعيد قاعد بالمحل ومحله قريب الشيخ فندي فز جاب كيس وحط كشاتبين 4 – 5 الوان ابر 4 – 5 اشكال عبا كيس واجا.. دق عالباب . الشيخ قال افتحوا الباب جبلكن الغراض ابو سعيد. واذ ابو سعيد جايب الغراض يلي الحجة بدها ياهن. الابر وانواع الابر والخيطان وانواعه وكل ما يحتاج له. شو هي؟ هيدا حال بين المريد وبين شيخه. كان الشيخ امين رضي الله عنه بعدما اخذ الطريق من شيخه وحصل له الصفاء كان يقول : والله وانا في بيتي كنت ارى شيخي وهو على الحال الذي هو عليه. عم ياكل عم يقرا عم يصلي.. كان يكشف حال شيخه وهو في بيته. هذا سر بين المريد وبين الشيخ. وما قالها رضي الله عنه الا في اخر حياته. لذلك من المحدثين من كان يقول: ما ذكرتُ هذا الحديث الا تأثماً شو معنى تأثما يعني حتى ما ارتكب اثم كتم الحديث فحتى عند الموت تأثماً ومنهم من قال كان يكتب الحديث عن الصحابة ويأخذ عليه العهد ان لا يقوله الا بعد الموت. حتى ما يكون في سلب للحال او عجب في الحال. فاذاً سر الحال بينك وبين شيخك او بينك وبين ربك فهذا الحال تصل به الى مراد الله الى مراد اهل الله من غير ان يدري في ذلك احد. ما حدا بيعرف هالشي. كمان ابو سعيد السلعة رضي الله عنه وغفر له ورفع درجاته. كان بيته عند الطلياني.. المشفى الفرنسي يلي بيبعته مع.. كمان كان عنده بستان وبقر. نايم بنصف الليل. ما شافوه الا فز واخد السطل. زوجته قالت له شو باك ابو سعيد؟ قال لها شيخنا بده حليب. الدنيا نص ليل ولا في سيارات شيخنا بده حليب. شو عرفه شيخنا بده حليب؟ زوجة شيخنا كانت حامل. حامل. والحامل بيصير معها وحام توحمت عالحليب. فقالت له بدي حليب. قال لها منين بدي جبلك حليب هلق بنص الليل ؟ كمان التفت ابو سعيد جبلنا شوية حليب الله يرضا عليك. فز ابو سعيد بالليل اخد السطل فات حلب وعبا السطل واجا مشي .. دق الباب خدوا الحليبات منه. شو عرّف ابو سعيد الشيخ بده حليب؟ هذا يا ابني سر بين الشيخ وبين المريدين. فالشيخ بعض اوقات بيتوجه لك بتوجه اما توجه ارتقاء واما توجه امداد واما توجه اسرار. فالتوجه على هذه الاحوال الثلاث من قلوب العارفين بالله رضوان الله عليهم. فاذا توجهوا اليك بتوجه فكن ممن يلتقط هذه التوجهات ويكتمها لا ينشرها. فبين نشرها وكتمها عز وكرامة او خسارة وندامة. واما السر الثالث فهو سر الحقيقة. هذا سر الحقيقة يعرفها اهل الحقائق تكون بإشارات روحية او لفظية من اهل الكمال. اشارة بعض اوقات بتكون بالدرس. وانت قاعد بالدرس فالشيخ بيقول عبارة او كلمة خاصة فيك ما حدا بيحس فيها غيرك ما حدا بيعرفها غيرك. البعض بيقول هي لمين؟ ما بيطلع من اهل الله كلمات برانية يا ابني. كل كلمة موجهة لقلب اخ. فقلوب العارفين بالله في مجالسهم مجالس العارفين بالله اما مستشفى يداوي فيها مرضى القلوب واما معراج يعرج بها بقلوب بعض المريدين واما تصليح لحياة اخ او لسعادته. فيا بيصحح فيك يا بيرتقي فيك يا بيمدك اذاً بدك تعرف امتى هالاشارة. والاشارة امتى بتكون معك؟ لما تكون ذاكر. لذلك كثير من المريدين الذاكرين ما بيسأل الشيخ سؤال. بل يتوجه بقلبه يتوجه بقلبه الى الشيخ فالشيخ يعطيه مراده من غير ان يدري احد بالكلام. لا بدك تكتب له السؤال ولا بدك تشرح له الحال انما روحانية الشيخ تعرف ما انت عليه فيعطيك المدد ويعطيك الحال. هذا كثير من الاحباب الذاكرين بيعرفوا هالشي. يلي ما صار له الذكر ما بيعرف هالشي. بيسمع بيقول والله معه حق الشيخ يلي عم يحاكيني. لكن لما بيطلع بينسى. اما الاخ لما الشيخ يقذف في قلبه الحال يتبدل حاله 180 درجة بيكون على حال بينتقل الى حال اخر لان حال الروح الشيخ وضعه فيه اعطاك الامداد وسلبك السوء الذي كان في قلبك. حالة العارفين بالله لا يعرفها الا من سلك الطريق. بدك تكون ذاكر. ليش منقول يا ابني قبل الدرس بنص ساعة اذكر الله حتى تعرف اسرار هذه الحقائق. فأسرار هذه الحقائق تكون بين الشيخ وبين المريد حتى يحققك في مقام اهل الكمال. لتتحقق في مقام اهل الكمال. ولا يمكن ان يرتقي بالتحقيق الا بالكتمان ان يكون كاتماً للاسرار. الاخ بيكون اول امره بيجي بيفرح بيحكي لرفيقه والله حصل معي بيني وبين الشيخ هيك بيكون يعني من فرحه ان الله امده. فهذا ينبه فان لم ينتبه خسر كل ما كان عليه. فاحذروا احواني من هالناحية حتى لا نقع فيما وقع فيه الغير فنهلك كما هلك الغير. لذلك هذا الان بحث لح يجمع كل يلي مررتم عليه حتى تنتبهوا ما تقعوا فيما وقع فيه الغير. في واحد بيحمل متل طبل صار معي هيك الشيخ عطاني كذا. دوّر عليه بعد شهر. شوفه ابصر وينه ما عاد اجا بعدين ترك. ليش؟ ما دام صار معك والشيخ توجه لك وصار لك مدد ليش؟ يقول لك يا اما مشغول يا اما تعبان يا بيحط علة والحقيقة ارواح الكاملين رفضته لانه ليس اهلاً للسر. ومن لم يكن اهلاً للسر فليس له مع اهل السر مكان. فالسر يا اخواني لطيفة مودعة في القلب. سر لطيف ما حدا بيحس فيه. مودعة في القلب كالروح. وهي محل المشاهدة الذي يشاهد والذي يشعر والذي يتلقى والذي يتذوق هو الروح. من كان له روح تذوق المعاني من كان له روح شاهد الامداد ومن لم يكن له روح.. شو بدها تعمل الماشطة مع ام وج بشع وجهها بشع وادما سرحناها وزيّناها. شو بدها تعمل. اذا ما فيك روح يا ابني شو بيصير معه ما بيعرف. بدها روح. فيا ابني السرّ لطيفة مودعة في القلب كالروح وهي محلّ المشاهدة كما ان الروح محل المحبة. المحبة ما هي جسدية يا ابني. المحبة روح تسري في قلب المحب. فهالروح يلي بتسري فيك بتغطي كل خلايا وجودك. من علامة المحبة انها تتخلل في كل خلايا الجسد. لذلك تبدل الاخلاق والصفات حتى الصفة . بيكون شكلك بحال بيصير شكلك حال تاني هذا من الحب يا ابني. فالحب مستقره وين؟ الروح. واما القلب هو محل المعرفة. معرفة اهل الكمال معرفة روحانية رسول الله معرفة الانوار الالهية من طريق القلب. فالروح محل المحبة والقلب محل المعرفة. شلون يعني؟ يعني الروح تكشف لك شهود الانوار . لو قدرنا . فالقلب يعرف اسرار الانوار. الروح تكشف لك حقيقة لكن القلب يعرف اسرار هذه الحقيقة. فاذا كان عرفت السر فاذاً السر لطيفة مودعة في القلب لانه يعرف الحقائق. اما الروح فهي محل المشاهدة. فالروح تشهد والقلب يعرف الاسرار. هي بدها شغل مع الاخ حتى يتذوق هذه المعاني. فيك قلب وفيك روح. القلب له عمل والروح لها عمل. القلب اذا تذوق الحقائق لا ينبذها مطلقاً. لذلك يا احبابي القلب موضع العقيدة. العقيدة وين محلها؟ بالقلب. تنعقد على القلب. ومتى انعقدت العقيدة على القلب خلص ما عادت تطلع ولو يُقتل. عرف ان لا اله الا الله. اله واحد. عقدت في قلبه هالعقدة هي لو بيقتلوه ما بقا بيطلع عنه. لذلك القلب موضع معرفة الحقائق والروح تكشف حالة الحقائق. السر عطاء الهي لمن صدق في طريق الحب في طريق الذكر. فاذا صدقت بذكرك وحبك عندها تنال هذا العطاء الالهي من سر الامداد. من سر العطاء الالهي وهذا السر لما بيصير معك عندها تقول كما قالت رابعة : فلا الفضل في ذا ولا ذاك لي ولكن لك الفضل في ذا وذاك. فما الحمد في ذا ولا ذاك لي ولكن لك الحمد في ذا وذاك ترى ان كمال العطاء من الله وليس لك في العطاء مكان. انت ما لك لا جهد ولا سر. السر عطاء الهي. متى يكون هذا العطاء معك. ؟ اذا صدقت الله عز وجل في سلوكك بدأ هذا السر معك. واذا حصل هذا السر معك تتخلى عن وجودك وانانيتك فلا ترى لنفسك وجود مع عطاء الله. لذلك يا ابني انا لما احكي لكم بنوّه عن هالسر من غير ما احكيلكن انه هذا سر. اقول لك يا ابني ما لك لا صلاح ولا تقوى ولا ايمان الفضل كله يعود الى الله وحده. هذا يا ابني من اسرار السلوك. فمتى رأيت ان لك فتحا او عطاءً او جهدا او قعدت ذكرت .. والله حصل لي هالنور من ذكر الله. يا ابني هذا ما لك شي انت، السر عطاء الهي يتجلى به رب العزة بمن صدق. فعندها تنسلخ عن وجودك فترى انك افقر الفقراء الى الله واذل المتذللين بين يدي الله وما لك الا ان تشكر الله تعالى على ما انعم. هذه الاسرار التي تكون مع المريد. المفروض ان يكون المريد قبر لها. كما قال العارفون بالله. قالوا قلوب الابرار قبور الاسرار. فقلبك كالقبر. كل ما حصل له من تجلي من عطاء من امداد فهذا كله كتوم عندك لا ينكشف ولا يظهر فلذلك كم من انسان يحيا ويموت ولا يدري احد بسره. ونحن نسمع دائماً شو بيقولوا سره وين؟ بأضعف خلقه. مين اضعف الخلق؟ الذي لا ينطق به. فكل ما كان في سر بينك وبين الله ما حدا يطلع عليه . متى ما اطلع عليه خسرت هذا السر. لذلك اهل الله ما بيحكوا. بتقعد مع اهل الله 20 سنة ما بتسمعه بيحكيلك لا عن اسرار ولا عن انوار. بيوجهك بيذكرك وبيعلمك ما بيقول لك احوال وانوار وتجليات وصار.. لا.. مع انه موجود عنده هالشي وعم يعطي الاحباب. ليش هو ما بيحكي؟ هذه اسرار. لذلك يا ابني لن يرتقي المريد الا بكتم سره. وما اسرك ما كتمت سرك. في سر يا ابني بينك وبين الناس. شو معك مال شو معك.. لا تحكي هذا سر خليه معك. لذلك قلت لكم اكتم ذهابك وذهبك ومذهبك. شو في معك؟ ما حدا بيعرف وين رايح منين جاي ما حدا بيعرف مع مين بتمشي مع مين بتروح ما حدا بيعرف. هي اسرار الحياة يا ابني. لان متى ما عرفوا معك ذهب وعرفوا معك مال بينزلوا عليك بالليل بيخلصوك ياه. متى ما عرف انت مع مين بيدقلك فيه.. مع الشيخ.. بيحطلك فيه 500 علة. ذهبك وين رايح.. وذهابك.. وين رايح والله رايح عند فلان بيحطلك العراقيل حتى لا تصل. فاكتم ذهبك وذهابك ومذهبك. هذا الظاهر. اما نحن عم نشتغل بحال القلب الروحي. اكتم كل ما يتجلي الله به على قلبك لئلا تخسر هذا العطاء. من اظهر ما أمر بكتمه كان كمن كتم ما أُمر بنشره. انت مأمور ان تنشر الشريعة ان تنشر العلم فاذا كتمت العلم اكتسبت اللعنة كمان اذا ابحت بالسر تصاب باللعنة يعني يلي هي الطرد من مجالسة الكاملين العارفين بالله. كمان لح امشي معكم بخطوة بسيطة في اية من القرآن. لو استمعنا الى قول الله تعالى : (فاستمع لما يوحى) انتو هلق بتسمعوها شو بتفهموا منها؟ انه الله لح يوحي لك اسمع لهالوحي. بتفهموا منها اكتر من هيك؟ يا ابني في الها .. هي سر بين الله وبين سيدنا موسى فاستمع لما يوحى يعني طهّر قلبك لما اقذفه فيه من العلوم. استمع السماع بده يوصل الى القلب فطهّر الاناء الذي يسقط فيه العلوم الالهي الربانية فاذا طهر قلبك وامتلأ بأسراري لعلك تجد (على النار هدىً) من هو الذي يجده على النار من يهديه الى مناجاة الله والتقرب اليه لذلك وصل الى النار فقيل له (فاخلع نعليك انك بالواد المقدس طوى). اخلع. فلما خلع نعليه نودي بسره الهاتف على القلب بالسر الالهي الذي هتف على القلب (اني انا الله لا اله الا انا فاعبدني). من سمع هذا النداء. قلب موسى. الذي تطهر بامداد الله وفيوضات الله وتجليات الله فلما طهّر قلبه واستمع بروحه واصغى الى الله بقلبه ملأ الله قلبه من هذه الانوار ودخل السر في قلبه. (انني انا الله لا اله الا انا فاعبدني). ما في حدا سمع. وهل قال هذا لزوجته لما رجع؟ لا. قال لعلي اتيكم منها بجذوة من النار لعلكم تصطلون. " رحم الله اخي موسى" - هذا قول النبي ﷺ –" ذهب ليقتبس ناراً فكلمّه ربه". ما جاي للنور .. جاي لياخد نار لكن اوحي اليه فاستمع. استمع لما يوحى. السماع لذلك يا اخواني ليس هو من الاذن. هذه الاذن قمع يصل الى القلب. فان استمعت فيها ما يقرب قلبك الى الله احييت قلبك وان سمعت فيها ما يحرك فيها الشهوة سقطت في الزلة وان استمعت فيها ما يملأ يدك بالمال غرقت بالدنيا. (فاستمع لما يوحى) طهّر القلب حتى اذا نزل العلم في القلب ثبت في قلبك فلم ينصرف ولم يتزحزح الى يوم القيامة. فهي بتجليات الله فأهبط الله في قلبه هذه العطايا. لذلك انتم الان فرّغ قلبك للتجليات. واعلموا يا اخواني ويا اخواتي والله ما من طرفة عين تطرف الا ولله من التجليات ما يملأ بحار الوجود. في كل طرفة عين. فان كنت اهلا لذلك اقتبس لها وان لم تكن اهل. لذلك يا ابني هلق انتشر في زماننا صار العطاء واسع. انتشر في زماننا الدش ما هيك. فيلي له دش وحاطت فيه الابرة بيلتقط من عربسات ومن غير عربسات يلتقط الاذاعة. ويلي ما معه دش. الاذاعة موجودة ولا ما موجودة؟ موجودة. شلون بدك تلتقطها؟ حوّل الدش. فقلبك حوله للتوجه الى الله. فمتى توجه قلبك الى الله التقط تجليات الله وانوار الله وتغذى القلب بذلك حتى يكون من اهل المعرفة ومن اهل الوصال. متى حصل فاعلم ان الله عز وجل ما كاشفك به من سر يكون اما كشف اما ان يفتح الله على قلبك او سر قلب او سر يقين. ما تجلى به الله على القلب اما سر فتح او سر مشاهدة او سر يقين. فاكتم سره فيما بينك وبينه. اكتم السر فيما بينك وبينه لتعمل بآية القرآن. بتتذكروا اية القرآن؟ اسمعوها: قال الله تعالى : (لا يظهر على غيبه احدا). فالله تعالى حفيظ على سر العطاء بتجي انت تفضحه وتكشفه؟ (الا من ارتضى من رسول). فاذا كان تجلى على قلبك ارتقى قلبك لهذا العطاء. فبتجي انت بتكشف تكون لست اهلا لهذا السر فيُسلب هذا السر منك. منتبهين يا ابني؟ هي اية قرآنية. فاذا كان الله لا يظهر على غيبه احدا ايرضا منك ان تظهر الغيب للغير؟ فاذا ظهرته دل على انك لست امين على العطاء. فاذا منك امين لا نعطيك سر من الاسرار. فالانسان يعامل على قدر امانته. في واحد امين على الكلام. ما بيطلع لبرا. في واحد امين على الكلام وامين عالاسرار ما بيحكي لاحد. في واحد امين على الطعام وعلى ما موجود في البيت ما بيمد يده لشيء ما لم يؤذن له. هي امانة كلها. فيا ابني المؤمن بده يكون امين على كل هذه الامور. فمتى ما كنت امين على وحدة بتصير امين على التانية. ومتى ما كان وحدة فلتانة بتفلت التانية. لذلك قالوا اذا ارسل الاب ولده. الاب بيفحص ابنه. يقول له يا ابني خود هالصحن وروح جبلنا فيه لبن. فالولد اذا بالطريق لحس من اللبنات دل على ان هذا الولد لا امانة له فلا يعطى له من اسرار البيت اي شيء. كشفه ابوه انه ما فيه امانة. مفروض رحت تجيب لا تمد يدك ولا تلمسهم انت امين. اي هلق واحد من الاحباب حكالي ابوه عنده عزيمة ومساوي سفيحة وقال له روح جبلنا سفيحات من الفرن. راح ليجيب سفيحة بالطريق عم ياكل .. كيلو سفيحة بيطلع 50 قرص . عامل 2 كيلو سفيحة 100 قرص عم يلقمش منن بالطريق مانه منتبه لما وصل عالبيت هاتو السفيحة.. قال له يا ابني امين على سر.. متل القصة يلي حكيتلكن ياها قال له يا شيخي امتى بدك تعطيني اسم الله الاعظم هي صار لي عندك 7 سنين. لك يا ابني طول بالك. جاي عند الشيخ ليتعلم اسم الله الاعظم . الشيخ قال له يا ابني طيب في عندي بس غرض وصل لي ياه للشيخ الفلاني وبتجي لعندي وبعلمك. عطاه علبة كرتون متل علبة الحلو قال له وصلنا ياها عند الشيخ محمد حبيب الله يرضا عليه. اخد العلبة هو وماشي في الطريق سمع خشخشة فيها في شي عم يتحرك. شو بعت الشيخ؟ شو الشي يلي عم يتحرك جوا؟ بطلع ما بطلع قال ما فيا شي بفتحها بشوف وبسكرها فتحها ليشوف شو فيا واذ فيها فارة نطت. ركض وراها خلص هربت ما عاد حسن عليها. طبق العلبة اخدها لعند الشيخ محمد. الشيخ محمد قال له الشيخ بعتلك هالعلبة. الشيخ فتح العلبة علبة فاضية. قال له الشيخ ما بيبعت علبة فاضية. شو حاطت فيها الشيخ وين السر يلي حاطه فيها؟ قال له سر؟ ايه ما بتعرف شو بعتلك الشيخ.. نبيل .. يا نبيل الله يرضا عليك. ما بتعرف شو السر؟ قال له الشيخ بعتلك فارة. يخرب بيتك فتحت؟ روحت السر بيني وبين الشيخ اطلع برا قليل امانة. اطلع برا. واحد خاين امانة الشيخ بعتلي سر.. بتفتحها؟. فارة! قال له انت شفتها فارة لانك مانك اد السر هرب السر منك. نزل عند الشيخ قال له شيخي بعد 7 سنين عندك فارة بتعطيني روح وصلها؟ قال له ابني فتحتها بالطريق ما هيك؟ وهربت منك قال له ايه. قال له يا ابني انت واحد خائن لا تصلح للسر. قال له جربناك بفارة ما طلعت امين على فارة شلون بدي امنك على اسم الله الاعظم الذي اذا دُعي به اجاب واذا سئل به اعطى شلون بدي امنك على اسم الله الاعظم. اذا كان فارة ما تأمن عليها. اذا كان صحن لبن ما تأمن عليه التاني اذا كان على اكلة سفيحة ما تأمن عليها شلون بدنا نعطيه السر الالهي يا ابني. فمتى ما خان سراً خان جميع الاسرار. لذلك الشيوخ بيفحص المريد مرة ومرتين وتلاتة فاذا وجد المريد لا امانة عنده كتم عنه الاسرار وحجب عنه الانوار وأصبحت صلته مع الشيخ صحبة. مجالسة عامة ما بقاله سر. اما اذا كان ممن يكتم الاسرار ويحفظ الاسرار ولا يبيح بكلمة ولا يكون التفات الى شيء فهنا يكون اهلا لسر الله. فانتبهوا يا ابني لهالناحية هي. وكثيراً ما يكون بيعة الشيخ للمريد لما يبايعه يبايعه على عهد كتم السر من جملة بيعة الذكر من جملة بيعة الرباط والحب يقول له يا ابني تكتم اسرار الحضرة. لا تحكي لأحد. بيني وبينك شو بيحصل معك بتجي بتحكيلي. ما بتحكي لاحد فاذا حكى لامه او حكى لاخوه او لاخته خسر الكل. اول ما بيجي عند الشيخ بيصير عنده حب حال بيتحرق.. بعد شوي ما بتشوفه الا فتر. ليش فتر؟ اباح بالسر فذهب منه السر. بينما المريد من وقت يلي بيجي الشيخ يبايعه يقول بيني وبينك لا تحكي لاحد .. هذا من جملة الاسرار سواء كانت اسرار علوم او اسرار احوال. وقد قال الامام الشافعي (رضي الله عنه وارضاه) من منح الجهال علماً اضاعه. ومن منح الجهال اضاعه ومن منع المستوجبين فقد ظلم. واحد مستوجب ان يأخذ من هذا الفتح والعطاء فهذا يعتبر كذلك ظالم. انتبهوا بقا لما اقول. الاسرار يا ابني تحصل للمريد. المريد هو الذي تحصل له الاسرار. وتحصل له هذه الاسرار نتيجة الجهد ونتيجة السعي نتيجة التهيؤ. اذا سعى وجدّ وتهيأ تحصل له هذه الاسرار على ان يقوم بالرياضة. الرياضة قلة الطعام يعني ان يكثر الصيام كثرة الاذكار غض البصر عن الحرام حفظ اللقم الحلال. هي كلها رياضة. اذا عرفتوا هالامور هي ممكن تحصلوا شيء. الرياضة اول شي شو هو. جد واجتهاد وسعي . اثنين بدك تحفظ اعضاءك من الحرام من لقمة الحرام . عينك. متى ما حفظت العين والبطن واليد انت صرت من اهل كتم السر. فممكن انت فيك الامور الالهية تباعا ورا بعضها البعض. والكتم يا اخواني لما يجود الله به عليك من الانوار من التجليات . حصل لك عطاء فتح . ما حدا يعرف. اكتم لئلا يعرف احد. مع هذا الجد يا ابني والسعي تحتاج الى صدق التوجه الى ارواح العارفين بالله. يعني دائما المريد بعض اوقات يا اخواني انتبهوا لهي الناحية وهي كتير من الاخوان ربي بيفتح عليهم اذا انتبهوا لها. لان انا عم بعطيكم اشياء يمكن تصير معك وما تحس فيها هالحال دائما يا ابني روح العارف بالله دائما في حالة امداد للاحباب للصادقين للمتوجهين. بعض اوقات بتكون ماشي بالطريق اجا لبالك الشيخ. ما في مناسبة يجي الشيخ لبالك. لكن معنى ذلك انه الشيخ باعتلك هدية. مدد جاييك من روحانية الشيخ. ممكن تكون عم تاكل عم تقضي حاجة. اجا لبالك. متى ما اجا لبالك الشيخ، فوراً يا ابني اربط قلبك بروحانية الشيخ. جاييك امداد روحاني من قلب الشيخ. ممكن يتكرر . بالنهار مرتين وتلاتة وخمسة وعشرة وكل لحظة في الها مدد. لحتى تعرف ان هذا مدد صحيح، بتجي لدرس الشيخ يلي وقع في قلبك بيحكيلك ياه الشيخ. انه انا بعتلك هي الهدية وصلتك؟ هذا كتير يا ابني بيصير بين المريد والشيخ. اما مريد خطر لباله الشيخ لحشها ورا ضهره. مرة تانية لحشها ورا ضهره ما التفت الها فنقول لك يا مسكين ارسلت اليك طير الحُب ليلتقط من قلبك الحَب فوجد قلبك فارغاً من كل ما في شيء. ما بتنزل الطيور من الملكوت الاعلى يا ابني الا اذا في بقلبك حب. حب الحُب. في عندك حب الحُب ؟ انزل ما في ما بتاخد شي. فلذلك انتبهوا لهالناحية يا ابني ناحية كتير من الاخوان ما بينتبهوا لها. فروحانية العارف بالله دائما بحالة امداد. ممكن الشيخ يكون قاعد عم ياكل لكن روحانيته متجهة الى الاخوان. فيا ابني للناس حال. النبي هيك وصف العارف : قال للناس حال المقبلين عليه وله حال. وله حال.. الناس منه في راحة ونفسه منه في عناء. في عناء دائماً يالله عم يبعت لفلان ولفلان. اي الاخوان اديش؟ لو كان الاخوان بعدد نجوم السماء لأمدهم لان امداده مستمد امداد كامل لا ينقطع. مثال بسيط. عندك خزان فوق حنفية تحت ادما فتحت الحنفية بينقص الخزان؟ ليش ما بينقص؟ لانه الوارد نازل. فأدما صدّر في وارد. مهما صدّر الوارد نازل. كلما صدر اكتر بتجي العطاءات اكتر. فما بيصير يا ابني ما بيجف قلوب العارفين بالله ولا طرفة عين. فالموفق يلي بيكتسب من امدادهم ومن توجههم ثم من بعض توجهات العارفين بالله يا ابني. وانت ماشي في طريقك بتكون . عينك بتحب النظر بدك تلتف ما بتشوف الا سهم اجا للقلب بدون ارادتك.. (وهو معكم).. هيدا سهم منين اجا؟ اجا من روحانية الشيخ المحيطة بروحك يلي عم يرعاك. شيخك يا ابني يرعاك في نومك ويقظتك. لكن شو معناة شيخك يا ابني. بده يرعى روحانيتك على كل الاحوال. حتى ما تقع ما تزل.. المريد بيفكر انه الشيخ اجا ساوى الدرس وبس .. لك لا يا ابني. والله الشيخ يا ابني ما درس. والدرس يا ابني ما هو درس للتعليم. الدرس يا ابني مستشفى لشفاء الارواح من العلول لشفاء القلوب من العلل مشان تخلص من العلة يلي انت فيها في بالدرس امداد تغذية للقلوب.. يا ابني انت في حال وروح الشيخ في حال. يلي ما بيعرف ما بيعرف ويلي عرف الله يزيده بالمعرفة. فيا ابني بيجي هالسر الى قلبك من غير شعور وهو معكم. ثم بيجي سر تاني بعض اوقات. وهو معكم. استغفر الله واتوب اليه بيرد يلتفت بيجيه سهم اقوى (ونحن اقرب اليه من حبل الوريد) .. ونحن اقرب اليه اقرب اليه بترن بودنه. معناتها وين غايب وين غفلان مانك حاسس وينك انت. ونحن اقرب اليه. فبيرجع من خطيئته الى توبته واستغفاره فلا تنكتب عليه الخطيئة. فالشيخ ما دفعها بس عنك محا عنك الذنوب ونبهك من الخطايا حتى لا تكتب عليك. الله يجعلنا اهل بدك يا ابني تسعى وتجد. والله يا ابني لو كان بين المريد وشيخه سبعين بحراً من النار واخترقها حتى يصل الى الشيخ والله بذل قليلاً واخذ كثيرا ما تظن ان جيتك عند الشيخ سهلة يا ابني. مهما كان في عقبات اخترقها حتى تصل اليهم ، فالنظر اليهم عز وسعادة. والمجالسة لهم قرب وكرامة. واما محبتهم فارتقاء واصطفاء. فلكل حال عطاء. نسال الله ان يفتح علينا. مع هذا ابني بعض اوقات المريد بيكون في هالحال حال عطاء بيشعر بعدها بضيق صدر. هيدا كتير من الاحباب بيصير معهم. معنى ذلك انه مر عليك حال من امداد قلوب العارفين لكنك لم تلتفت اليه. فاصبر ضيق الصدر. لا تئن ولا تعن. صبرك على ضيق الصدر هو انكشاف لحقائق تكون بعده. ما من محنة الا تكون وراءها منحة. فاصبر ولازم وتوجه لروحانيتك فتتغير فيها الاحوال. فاذا حصل للمريد في طريق سلوكه حصل له صفاء وصال تفتحت له بعض الامدادات والعطايا تفتحت اذان قلبه حصل له مع الذكر والتوجه تفتحت اذان قلبه عندها يسمع نداء خفيا في قلبه اهل الصفاء بيسمعوا النداء. نداء يحبهم ويحبونه. هذا عطاء يا ابني لاهل الصفاء. لما بيكون من اهل الصفاء وبيلازم بيجي هذا الامداد يحبهم ويحبونه. في حالة الذكر والتوجه بتسمع يحبهم ويحبونه. معناتها لازم عالتوجه ولازم عالطريق فوصلت الى الطريق. فيسمع اني قريب. يعني اسال ابكي اطلب . فتحت لك الابواب والخزائن سل ما شئت. هذا يا ابني من عطايا اهل الصفاء اهل السر. فاذا حصل هذا النداء في قلبك فالواجب عليك ان تقدس هذا العطاء. اعرف ان الله عز وجل اراد ان يقدسك بعطاء اني قريب. بعطاء يحبهم. فقدس هذا العطاء واياك ان تنشغل عنه بساعتك. هالساعة حولها كلها للتوجه. اصدق بالتوجه. بالطريق ماشي، اذا ماشي بالطريق ودخت شو بتعمل ؟ بيجي لقدام الحيط بيحط بيقعد بيحط يده. تعى عالحيط وغمض عيونك دقيقتين واتجه بروحانيتك الى قلوب العارفين ومن بعدها نقول لك تفرج يا حبيبي ويا سلام تفرج يا حبيبي ودوق من لذة الحب ما لا يعرفه غيرك . هذا يا ابني فضل الله يكون للانسان. واياك ان تذكر هذا الحال لاحد. اكتم هذا الحال. هذا سر خاص اتاك من ارواح العارفين واحيان من روح رسول الله ياتيك المدد. وبعض اوقات من تجليات الله حسب الصفاء الروحي. فاكتم السر وكن كما قال بعض العارفين بالله : سيرني الحق في الحقيقة بالعهد والعقد والوثيقة. اخذ عليك العهد وعقد بينك وبينه عقد وصيّر بينك وبينه ميثاق. عهد وعقد ووثيقة. سيرني الحق في الحقيقة بالعهد والعقد والوثيقة شاهد سرّي بلا ضميري. سر لا يطلّع عليه الضمير حتى لا تعلم شماله ما انفقت يمينه. هون القلب لا يعرف السر ما بيعرف شو صار معك. شاهد سري بلا ضميري . هذاك سري وبالطريقة. هي الطريقة كتم السر لذلك يا ابني اعقد عقدا وثيقا على نفسك ان لا يعلم سرك الا الله. ولا يطلع على سرك الا الله. لذلك يا اخواني، السر امانة عند اهل الوصال, فهمانين علي؟ السر امانة عند اهل الوصال لا يسمح لهم بالبوح به. فلا يبوح به الا خائن. فالبائح بالسر لغير المتهيء اساءة له ولنفسه. اسأت لنفسك وللي ابحت له السر. يمكن تحكيله عالسر بيروح بيبكي على حاله والله انا ما عم يصير معي هيك. ليش هو بيصير معه انا ما بيصير معي؟ يعني انا ماني نفعان؟ بلغني عن بعض الطرق ان بعض المريدين التقى مع بعض الاحباب من اخوانه وقعد يحكيله الاسرار امداد وكذا بيظهر مزود شوية. فالمريد هذا التاني راح كتب ورقة انه انا ماني اهل وانا ما بنفع وانا مطرود لذلك وجدت القتل خيرا لي من الحياة وقتل نفسه. مين يلي قتله؟ يلي حكاله من الاسرار ما لم تكن موجودة. فهذا طيب ليش هو يصير له وانا ما يصرلي؟ يا اخواني انتبهوا ان السر هذا خاص. وقد قال العارف بالله: من سايروه فأبدا كل ما سترُ ولم يراعي اتصالا كان غشاشاً. عند اهل الله البائح بالسر لغير اهله مثله كمثل الذي ارتكب الفحشاء يعني الزنا وخائن للامانة ظلوما جهولا. ومثله كمثل الستر الشفاف. حطينا برداية لكن رقيقة عم تكشف. ما لها قيمة قيمها بيقوموها بيرموها بالزبالة. لذلك لح اختم لكم الدرس بأحدين. اولا بيتين شعر قال بعض اهل الله من اهل الأسرار. قالوا هم اهل سر وللاسرار قد خُلقوا.. لا يصبرون على من كان فحاشاً. مين الفحاش ؟ والغشاش ؟ يلي بيكشف السر. هم اهل سر وللاسرار قد خلقوا لا يصبرون على من كان فحاشا. لا يقبلون مذيعاً في مجالسهم. ولا يحبون ستراً كان وشواشاً. السر الوشواش الستر الرقيق الذي لا يغطي شيء. هذا بيقيموه بيرموه. كمان اذا كان سترك رقيق وشواش دغري بتقوم بتحكيه فما بيقبلوا فيه. هذا السر قال فيه سيدنا علي رضي الله عنه قال :علم الباطن سر من اسرار الله تعالى، وحكم من احكام الله عز وجل، يقذفه في قلوب من يشاء من عباده. هذا سيدنا علي عم يحكي لكم. سيدنا علي عالم رضي الله عنه. وسيدنا علي رضي الله عنه كان من اهل الاسرار... فلذلك لما التقى بصاحبه كميل كان صاحب سيدنا علي كان يحكي له كتير اشياء. قال : مات خزان الاموال وهم احياء، والعلماء باقون ما بقي الدهر. اعيانهم مفقودة وامثالهم في القلوب موجودة. يعني شخص الشيء مو موجود. لكن المثال شو المثال روحانيته وصورته وامثالهم في القلوب موجودة ثم تأوه فقال آه آه.. شو في.. قال ان ها هنا علوماً لو وجدتُ لها حملة.. ما وجد حملة لذلك كتمها وما اخبر بها احد. هي السر. كتم السر ولم يبح به رضي الله عنه. وبالنسبة النا هلق الان يا ابني انتو الان هلق سمعتوا خذوا حديث وطبقوه . قال النبي ﷺ : "لا تحدثوا امتي من احاديثي الا بما تحمله عقولهم". على مقدار عقله. لا تحاكيه فوق عقله. الطفل منحاكيه بعقل الطفل. الرجل بعقل الرجل. فصلى الله عليه وسلم. وقال ابن مسعود رضي الله عنه : ما انت بمحدثٍ قوماً لا تسلبه عقولهم الا كان ببعضهم فتنة. فالنهاية اكتموا الاسرار التي سمعتموها. ما بينك وما بين الشيخ وما بينك وما بينه اكتمها هذا سر. فهذا عطاء خاص اليك فاذا اردت ان تبوح بسرك مثلك كمثل الذي حمل الذهب واظهره للسرقة شو بيسموهم؟ الحرامية. فاذا كنت تريد بقاء العطاء فاكتم الاسرار. هذا بحث يا ابني بيضمن لكم كل يلي مضا وارجو الله نبدأ لكم ببحوث كذلك تحتاجوها بسلوككم. فهمتوا هذا البحث يا ابني؟..واذا واحد لا فهمه ولا عرفه.. اسال الله يا ابني ان ينفعني وينفعنكم.