نحن اليوم في تفسير آية من كتاب الله وسورة هود سبق معنا قول الله (وَلَقَدْ آتَيْنَا مُوسَى الْكِتَابَ فَاخْتُلِفَ فِيهِ ۚ وَلَوْلَا كَلِمَةٌ سَبَقَتْ مِن رَّبِّكَ لَقُضِيَ بَيْنَهُمْ ۚ وَإِنَّهُمْ لَفِي شَكٍّ مِّنْهُ مُرِيبٍ واليوم وَإِنَّ كُلًّا لَّمَّا لَيُوَفِّيَنَّهُمْ رَبُّكَ أَعْمَالَهُمْ ۚ إِنَّهُ بِمَا يَعْمَلُونَ خَبِيرٌ .
يظن اكثر الناس اذا تأخر عنه العذاب او النقمة بأن الله نسيه او تركه ولم يعذبه ...واذا عمل لو اراد لعذبه ومادام ما عذبه الله معناتها تاركه و رضيان بعمله هذا ما يظنه اكثر الجهلة في الاسلام. ولكن الله بالاية.. وَإِنَّ كُلًّا لَّمَّا لَيُوَفِّيَنَّهُمْ رَبُّكَ أَعْمَالَهُمْ ۚ إِنَّهُ بِمَا يَعْمَلُونَ خَبِيرٌ . فان كل من الخلق فمن عمل خيرا او شرا لما ليوفينهم ربك اعمالهم كل انسان سيوفى عمله من فعل خير او فعل شرا كل انسان لابد ان ياخذ عقابه انه بما تعملون خبير. بكل عمل تعمله ايها الانسان ولو كان سرا الله خبير به.
الخبير هو الذي يعلم السر ..الاسرار ليش قالوا خبير لانه عارف سر المصلحة .يلي بيعرف سر المصلحة شو بيسموه ؟ خبير .اما الي بيعرف المصلحة من برا شو اسمه؟ اسمه عامل متعلم بيسموه معلم ...اما الخبير الي عرف اسرار المصلحة ..فالي بيعرف اسرار الناس اسرار قلوبهم هو الله وحده. ما حدا اطلع عاسرار الخلق من خلق .الا الله وحده هو الخالق فالله الذي يعلم السر واخفى . السر الي انت هلق ناوويه بدك تعمله انا نويت بقلبي انه اذا رحت عالبيت اتعشى هالنية الي نويتها بقلبي مين عرفها منكم؟ الله مطلع عليها ولكن نويت بكرا التقي بفلان وفلان بكرا .النية لبكرا من يعلم هذه النيه ؟ اللهم نويت بعد جمعة بعد شهر زوج الاخ الفلاني نويتها بقلبي مين عرف هذه النية؟ الله هاي الخبرة فيعلم السر يلي هلق نويته واخفى يلي لسه ما ناويته بدي انويه بعد جمعة بعد شهر الله يعلمه من الان لا تخفى عليه خافية في الارض ولا في السماء ... (وَإِنَّ كُلا لَمَّا لَيُوَفِّيَنَّهُمْ رَبُّكَ أَعْمَالَهُمْ) سواء كان طائعا فالله سيكافأه على الطاعة أو كان كافرا او عاصيا او مكذبا فسوف يعاقبه الله على حسب كفره او نفاقه او معصيته. هذه الآية تبين لنا ان الانسان الذي يعمل لا يظن ان عمله سيغيب عن الله سواء كان عملك ظاهرا او باطنا خفيا .لو انسان اراد الضرر لفلان الملائكة لا تكتب تكتب العمل اما ما كان من النوايا فالله يعلمه خبير بنوايا الخلق. فالله خبير بنيته فاذا كانت النية ما غابت عن الله العمل حيغيب عنه؟ ومع ذلك جعل الله من الملائكة نوعين نوع يسجل عليك الكلام ونوع يسجل عليك العمل. قال الله تعالى يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ ..ملك بيكتب الحسنات ملك بيكتب السيئات هاي النطق اي كلمة حكيتها عم تتسجل ان كانت حسنة سجلها وان كانت سيئة بيأخرك ساعة وساعتين فان تبت لا يسجل وان ما تبت بيكتبها سيئة.
اما العمل فالله سبحانه وتعالى قال: (وَإِنَّ عَلَيْكُمْ لَحَافِظِينَ . كِرَامًا كَاتِبِينَ .يَعْلَمُونَ مَا تَفْعَلُونَ) .يحفظون اعمالك حركاتك كرام ما بيقبلوا بالرشوة مع الحق يعلمون ما تفعلون على كل عمل ومن كل عملته الله عز وجل يعلمه لذلك لما الانسان بيصير عنده مراقبه لله ويعلم ان الله مطلع عليه حُجب عن النقائص. الملائكة تسجل له درجات وحسنات لا تسجل السيئات ..لكن سيدناعمر لما كان في الليل عم يتفقد الرعية مر بالصحرا الام عم تنادي بنتها يا بنتي نعم يا ماما قالت قومي فاقذفي الحليب بالماء قومي خلطي الحليب بالمي حيأدن الفجر فقالت البنت يا اماه الم ينهنا الامير عن ذلك طلع قرار وفي ممنوع خلط الحليب بالماء قالت الام ويحك أو يرانا عمر؟ قالت البنت اذا كان عمر لا يرانا افلا يرانا رب عمر؟ سيدنا عمر حط علامة عالبيت وراح عبيته جمع ولاده وقلهم مين منكم بدو يتزوج؟ عاصم قال انا يا بابا ما تزوجت ...قله بتروحوا بتخطبوا البنت الفلانية فانها تخشى الله وتراقبه. الله يجعلك فيها الخير ..ما بيضا ما جميله ما غنية انها تخشى الله وتراقبه. خطبها عاصم وتزوجها فأتت منها بنت كانت زوجة عبد العزيز سبحان الله طلع منه هالخير الكبير منشان اصلها تراقب الله منشان جمالها ولا والله مناخيرها صغار وشفافها رقاق خطب البنت لايمانها لخشيتها وطلع منها عمر بن عبد العزيز الله اكبر هالانسان الي ملأ الارض عدلا والُحق بالاربعة الخلفاء الراشدين فسُمي خامس الخلفاء الراشدين. فمعناها كل انسان عمل عملا خيرا ام شرا الملائكة سجلته عليه ويوم القيامة الله يأتي بالملائكة عبدي اليوم الفلاني بالساعة الفلانية عملت كذا وكذا صح ؟ نعم هل ظلمك كتبتي ؟لا مزبوط .. كيف فعلت هذا وانا اراك؟ شلون عم تعمل الخطيئة والله يراك ماشي بالطريق نظرت الى امرأة شلون متعت نظرك والله يناديك ما بس شايفك عم يقلك .قُل لِّلْمُؤْمِنِينَ يَغُضُّوا مِنْ أَبْصَارِهِمْ .الله عم يناديك وانت عم تطلع فيها هي وماشية هل علمت ان الله يراك؟ هل تيقنت انه مطلع عليك ؟ اذاً انت غافل يا ابني والغافل عن الله عز وجل اقل من الحيوان ..الحيوان بيذكر الله انت لا. فلذلك الله عز وجل عم يقول كل واحد عمله حيكافأ عليه .. قال عبد الله بن مسعود رضي الله عنه كان يقول اذا قعد يعلم الناس . انكم في ممر الليل والنهار في آجال منقوصة واعمال محفوظة .. اجلك كل يوم عم ينقص هلق لما تقيم ورقة من الرزنامة شو معناتها يوم من عمرك راح تاني تالت يوم راح شهرين راح من عمرك واعمالك محفوظة قال الله تعالى أَحْصَاهُ اللَّهُ وَنَسُوهُ. كله أحصاه .آجال منقوصة وأعمال محفوظة والموت يأتي بغته.
في حدا بيعرف ايمتى بدو يموت اي ساعة اي شهر اي سنة ..الساعة لا تأتيكم الا بغتة ممكن بالليل ممكن بالنهار ممكن انت وعم تاكل او بالسيران اوانت و مع اهلك فلا تظن الاجل يتأخر ساعة او يستقدم ساعة .فَإِذَا جَاءَ أَجَلُهُمْ لَا يَسْتَأْخِرُونَ سَاعَةً ۖ وَلَا يَسْتَقْدِمُونَ .. انكم في ممر الليل والنهار في آجال منقوصة واعمال محفوظة والموت يأتي بغتة فمن زرع خيرا يوشك ان يحصد رغبته( يوشك يعني يمكن) يرغب ان يغفر الله له ويدخله الجنة. ومن يزرع شرا يوشك ان يحصد ندامته . ياريت ما عملت ياريت وياريت تبت كلمة ياريت عمرها ما بتعمر بيت.كلمة ياريت بالآخرة ما بتفيد القضاء نفذ عذاب بدك تتحمل ..يا ليتني قدمت لحياتي انت الي خسرت ولكل زارع ما زرع لا يسبق بطيء بحظه( الكسول ما حيحصل الي حيحصله المجتهد) ولا يدرك حريص بحرصه (كمان الي عم يركض ليل ونهار المقدر لك بدو يجي ولا قرش زيادة ما لم يقدر له. فمن أُعطي خيرا الله أعطاه.. اللهم لك الحمد اشكروا الله عالنعمة. ومن وُقي شرا فالله وقاه .. اللهم اجعلنا من الصادقين ثم قال المتقون سادة والفقهاء قادة ومجالستهم زيادة الله يفهمنا على نبينا ﷺ ورد في الحديث المتقون سادة المجالس اهل التقوى يلي دايما يفعلوا الخيرات ولا نقائص في اعماله وين ما بتقعد مكرم مدلل والفقهاء قادة الفقيه في الاسلام هو الذي يقودك الى محبة الله وطاعته ومجالستهم زيادة كل ما بتجالس الفقهاء بكتاب الله بيزيدوك علم وفهم هادا رواه الطبراني في الكبير ..اذا كان يلي بتزرعه بدك تحصده شوف حالك شو زارع ؟ صار عمرك عشرين فوق ال عشرين تلاتين اربعين ماذا زرعت بهالعمر ؟هالزرعة الي زرعتها شو حتنبت شوك ولا تمر ولا زيتون مر ولا حنضل ؟انت زرعت شو زرعت؟ زرعت خيرا ام شرا زرعت ايمانا ام نفاقا شوف حالك حاسب حالك يلي بيحاسب حاله بيخف حسابه يوم القيامة وكما قال النبيﷺ بالنسبة للاعمال قال كما تدين ُتدان بالكأس الذي تُسقي به تشرب ويُزاد لان البادي لا بد له من زيادة هادا الحديث ورد ثلاث كيفيات كيفية تانية ورد قال ﷺ البر لا يُبلى . فعل الخير لا يفنى عمر جامع ما بيفنى وهب مصحف للجامع حط حصيرة حط سجادة لا يفنى البر لايفنى دعيت واحد للصلاة صار يصلي عملك دائم مادام عم يصلي وممكن يجيب ولاده عالجامع يصلوا وولاد ولاده فكله بصحيفتك ..البر لا يفنى والذنب لا يُنسى ليش لا يُنسى؟ لان ذنبك عالحيطان وبالارض وعلى السقوف واكتر ذلك انطبع بروحك. روحك انطبع فيها هالطبع.. متل الورقة طبعت هالطبع بتروح؟ فروحك صحيفة بيضاء انطبع عليها بالحبر الاسود بيروح؟ الذنب لا يُنسى الا اذا تبت وصدقت توبتك الله بيمحي اثارها من الجدران من الارض ومن السقوف وبينسي الملائكة وبنسي اعضائك الذنب هادا اذا تاب اذا ما تاب مسجل عليك لا يُنسى ..البر لا يفنى والذنب لا يُنسى والديان لا يموت .
الديان الذي دينك العافية والبصر والعقل الله لا يموت انت مديون الى الله والله عز وجل سيحاسبنا كلنا يوم القيامة انا وانتو بدنا نوقف بين ايدين الله كلنا ماذاعملت وماذا قلت ماذا فعلت؟ حكيت عفلان سبيت فلان ضربت فلان كله مسجل عنده بدك تاتي الحق غفر لك بدك تدخل الجنة قال ﷺ لا تدخل الجنة واحد من اهل النار له عندك حق .ولو ضربة ضاربه حتى اللطمة ضارب واحد كف غفر لك بدك تدخل الجنة ما بتدخل الجنة بدك تأديه من حسناتك عهالكف قديه الف الفين حسنة خود من. حسناته بيكون الواحد مقصر ارتفعت درجاته وانت الي قدام رجعت لورا .انه له حق عليك ..هذا الديان لا يموت اعمل ماشئت كما تدين تدان… هذا الحديث كذلك ورد في الانجيل مكتوب كما تدين تدان وبالكيل الذي تكيل تُكتال ..بعت بالكيل لعبت بالكيل لما بدك تشتري كمان لعبوا عليك بالكيل.
حكالنا شيخنا قصة هون بالجامع واحد من دمشق حب يتاجر بتجارة لكن ما حب يتاجر ببلده قال والله بحلب ما في جوز باخد جوز كان معود عالغش راح جاب بعر جمال .بعر جمال قد الجوزة حط بالكيس تلات ارباع بعر والربع الفوقاني جوز. حمل تجارة عشر جمال وطالع عحلب كمان واحد من حلب متل حكايته قال بالشام ما في فستق جاب كياس صار يعبي بالكيس تلات ارباع بعر معزة والربع فستق. هادا عشر جمال وهادا عشر جمال التقوا بحمص قله خير قله آخد تجارة جوز عحلب والتاني قله انا آخد تجارة فستق عالشام شو رأيك اعطيك تجارتي وتعطيني تجارتك اتفقوا هادا مفكر حاله ربحان وهادا ربحان قله بس الفستق اغلى من الجوز قله انا رضيان ما رح انزل من هون للشام هادا عم يشد وهادا عم يشد انه ما يهرب قله بالجمال قال لا جمالي الي وجمالك الك نزلوا البضاعة وكل واحد رجع عبلده واحد مفكر انه انه دق التاني خازوق طلع من راسه. وهاداك انه دقه دقة انخلعت رقبته.
باعوهم بالسوق الي اشترى اول كل شي شم ريحة اتطلع لقى بعر جمال يخرب بيته هالابن الكذا التاني التالت اجتمعوا التجار عليه ونزلوا فيه واخدوا عالسجن. و التاني اكلها قتل وسجن وخلصوه المال وخلصوه كذا صفي لا مال ولا عيال وبالسجن وبالعذاب ..كما تدين تُدان وبالكيل الذي تكيل تُكتال وين موجودة هالعبارة؟ بانجيل المسيحين ونحن حديث النبي ﷺ البر لا يفنى والذنب لا يُنسى والديان لا يموت فافعل كما شئت فكما تدين تدان.. وان كلاً لنوفيهم ربك اعمالهم لو قرأنا قول الله ..يا احبابي القرآن كانه مفقود بين المسلمين.وَأَن لَّيْسَ لِلْإِنسَانِ إِلَّا مَا سَعَىٰ وَأَنَّ سَعْيَهُ سَوْفَ يُرَىٰ .ثُمَّ يُجْزَاهُ الْجَزَاءَ الأوفى. ليوفيهم بدو يعطيك ياهن طلعلك عشرين حسنة وبعطيك فوقهم عشر حسنات زيادة .التاني عمل عشرين معصية دخلوه تحت الطابق العشرين و شدو عليه العذاب .اهل الجنة درجات بيطلع درجتين حسنتين درجتين حسنتين زايد معك بتطلع خمسين درجة. بالسيئات دركات بتنزل دركة دركةسيئة بتنزل طابق عامل خمسين سيئة بتنزل خمسين طابق لتحت حتى سفل جهنم ..نسأل الله العفو والعافية.
وان كلا ليوفنهم ربك اعمالهم وهنا قال ليوفينهم ربك ما قال ليوفينهم الله لان الأجر من عظيم كلمة الرب شو قلنا دائما بالقرآن كلمة الرب هيبة وعظمة.. بعظمته وهيبته وكرمه للمؤمنين وانتقامه وشدته على الكافرين .وان كلا ليوفينهم ربك اعمالهم حسب ما بتناسب واحد زرع بندورة شتلة بندورة شو بده يقطف منها؟ فليفلة؟بيقطف بندورة واحد زرع شجرة مشمش بيقطف مشمش واحد زرع شجرة شوك شو بده يحصد منها ياسمين؟ يلي بتزرعه بدك تحصده بكرا بتقله يا رب دخيلك خفف عني بيقولوا لسيدنا مالك سل ربك يخفف عنا يوما من العذاب. وكمان وَنَادَوْا يَا مَالِكُ لِيَقْضِ عَلَيْنَا رَبُّكَ ۖ قَالَ إِنَّكُم مَّاكِثُونَ بيطلع القرار ما في طلعة بييأسوا من الخروج.
فإذا عملك يلي حتعمله لح تاكل منه ويلي زرعته بدك تاكل منه زرعت الشوك ايديك بده ينزل منها الدم. زرعت الياسمين بدك تشم الريحة الطيبة فشوف عملك الي عم تعمله عمل صالح او سيء . شو العمل الصالح؟ العمل الصالح ما نفعك او نفع عباد الله والعمل السيء ما اساء لك او اساء لغيرك. آذاك او آذى غيرك شربت السيكارة بيأذي نفسه ولا لا؟ بيأذي واذا شرّب غيرو شو حسنة ولا سيئة؟ لما بيقدملك ياها هاي سيئة اساء لنفسه واساء الك ..ما السيكارة بس .دخان السيكارة اذا واحد حدك عم يدخن دخانها بيأذي متل الي بيشرب كمان بيأثر عالرئتين يمكن يساوي سرطان بالرئتين لذلك ما كان خير لك او لغير فهو عمل صالح وما كان فيه عمل سيء لك او لغيرك فهو عمل سيء ..فربك يسجل عليك الاعمال فإن كانت خيرا فسوف يجازيك بجنات تجري من تحتها الانهار وان كانت سيئة خذوه فغلوه ثم الجحيم صلوه ..ما قال الله تعالى وكل شيء احصيناه كتابا ..مسجله عليك فذوقوه فلن نزيدك الا عذابا يلي انت عامله ..
واحد دعيناه على عرس وتيابه قذرة وسخة لوين بيفوتوه؟ عالمطبخ او الحمام او الزريبة تاع الحيوانات فلو دخلوه بيدخلوه على مكان سيء بيتناسب مع لبسه فنحن بدنا نحشر يوم القيامة ما لح تجي بها الاواعي حتجي بثياب عملك الي حتنقلب. ورد بعض الناس يحشر بثوب ذئب بعض الناس بثوب ضبع منهم بثوب عقرب منهم بثوب أفعى هلق ما عم يعملوه هاللباس بالسيرك ما عم يلبس واحد قرون ثور او وجه ثور هادا بزماننا فبكرا بالاخرة بدك تلبس عملك فاذا كان عملك نوراني بتلبس توب نوارني واذا عملك ظلماني تلبس ثوب ظلماني واذا ما عم تعمل شي قاعد كسول تنبل شو بده يلبس هيدا ثوب ابيض ولا اسود هلق توب رصاصي لا ابيض ولا اسود ((((ضحك سيدنا)) توب رصاصي ما بيفوت عالجنة كسالى بالجنة ما في .
قال ﷺ ان الله يكره العبد البطال ..قاعد بالبيت ما عم يشتغل قال والله انا أجرت المحل وقاعد عم تجي الاجرة وقاعد .. قاعد شغل حالك بالايمان اشتغل بالتسبيح او (الله في حديث ما جبته) حاحكيه بمعنى الحديث قال بيعجز واحد منكم ان يكتسب مثل أُحد حسنات ؟ مين بحسن متل أُحد ؟ان شاء الله بكرا الضهر بحكيه للحديث.. قال سبحان الله أعظم من أُحد والحمدلله أعظم من أُحد والله أكبر أعظم من أُحد. بتنقال معكم؟ سبحان الله والحمدلله ولا اله الا الله والله أكبر .. معناتها معك مجال ليش قاعد ساكت ؟قاعد عالتلفزيون يا أحبابي التلفزيون يوم القيامة حيصرف عنك العذاب؟ حيتقلك حسناتك؟ حيخفف عنك الذنوب ؟ هالوقت الي عم تضيعه بايديك ..قعد اقرا قرآن .اجرنا المحل وقاعد فاضي ايه شو بدي اعمل؟ يا بيفتح التلفزيون يا بيفتح الراديو بيسمع اغاني ..عم تسمع اغاني بكرا يوم القيامة مين منكم الي عم يسمع اغاني ؟سعيد مؤيد عم تسمعوا اغاني ؟ لا اي الحمدلله.
غدا يوم القيامة يقال لسيدنا جبريل اسمعهم صوت الروحانين مين هدول؟ الي تحت العرش بيغنوا غناء بيدوب من لذة الغناء الي بيسمعهم ..بعد ما يسمعوا اصوات الروحانين يغيبون في لذتهم في روايه ستون الف سنة فاذا رجعوا الى صحوهم قال الله تعالى لهم اسمعتم اطرب من هذا؟ وعزتك ما سمعنا اطرب من هذا. فيقول وعزتي لاسمعكم اطرب منه .. يقولون اطرب؟ يقول نعم ياداوود اقرأ عشر من الزبور فيغيبون .. شو هاللذة لقد أوتي داوود بصوته ستون مزمارا احسن من ستين مزمار؟ اسمعتم اطرب من هذا ؟ وعزتك ما سمعنا اطرب .. فيقول لاسمعكم اطرب منه يا محمد اصعد على المنبر واقرأ لهم طه وياسين. بتسمعوهن بكرا يوم القيامة بصوت النبي ﷺ الروحاني.. طه ما انزلنا عليك القرآن لتشقى صدق الله العظيم فيغيبون في لذتهم ثمانون الف سنة . اي حياة بالجنة هاي. فإذا قاموا قال الله تعالى هل سمعتم أطرب من هذا ؟ فيقولون وعزتك وجلالك ما سمعنا أطرب منه .. فيقول وعزتي وجلالي لاسمعكم اطرب من هذا. فيقرأ ربنا الرحمن علم القرآن الرحمن ((((هنا ادمع سيدنا واختنق صوته وضحك))) الله الله يقرأ نعم هذه لذة اهل الجنة هاي الغافل الذي عم يضيعها بذنوبه وبخطاياه .النعيم الذي ما في منه لا سمع الانسان منه ولا شافه.
اذا ليوفنهم ربك اعمالهم واذا الله بده يوفي! الكريم اذا بده يعطي بيعطي على قد العمل الاجير بيكون عم ياخد مية ورقة لكن الغني قديه بيعطيه بيقله انت تعبت الله يعطيك العافية هاي الف ورقة.
هادا انسان اكرم انسان اذا بده يكرمك شو بيعطيك؟ عطاء العظيم عظيم ذَٰلِكَ الْفَوْزُ الْعَظِيمُ بدو يعطيك الفوز العظيم لذلك سارعوا يا اخواني بالعمل الصالح قبل ما تفوتكم الحياة قبل ما يجيكم الموت بغتة .. يقول الله تعالى يوم القيامة يا عبادي انما هي أعمالكم احصيها لكم ثم أوفيكم اياها ..الله عم يجمعلكم ياهم بكرا بده يعطيكم ياها فمن وجد خيرا فليحمد الله ومن وجد غير ذلك فلا يلومن الا نفسه..
خلينا نقرأ قول الله بكرا عنا سورة الكهف بدنا نقراها كلها من سورة الكهف شو بتقرا؟وَوُضِعَ الْكِتَابُ فَتَرَى الْمُجْرِمِينَ مُشْفِقِينَ مِمَّا فِيهِ وَيَقُولُونَ يَا وَيْلَتَنَا مَالِ هَٰذَا الْكِتَابِ لَا يُغَادِرُ صَغِيرَةً وَلَا كَبِيرَةً إِلَّا أَحْصَاهَا ۚ وَوَجَدُوا مَا عَمِلُوا حَاضِرًا ۗ وَلَا يَظْلِمُ رَبُّكَ أَحَدً..الصغيرة والكبيرة مسطرها هاي اعمالك خود زارع شوك خود شوك هادا غذائك وطعامك وفراشك نومك عالشوك وتاكل من الشوك ..يارب وين الجنة؟ انت زرعت. سيحصد عبد الله ما كان زارعاً فطوبى لعبد كان لله يحرث.. اذا لم تزرع وابصرت حاصدا ندمت على التفريط في زمن البذر فما لك يوم الحشر شيء سوى ما تزودته يوم الحساب الى المحشر.
بالمحشر عمل ما في يا اخواني صلاة صيام مافي. . الي موجود بالجنة الذكر. اما العبادة هون في الدنيا بكرا بدك تاخد الثواب عمل ما في .. لكن عمل الدنيا ليش يا احبابي بدكن تاخدوا مني تفهموا.. عملك في الدنيا هو غذائك في الاخرة .قديش لح تعيش مليون عشرة مليون بدك تتغذى من عمل الدنيا وعمل الدنيا الله بينميه لك ان تكن حسنة يضاعفها ويؤتي من لدنه أجرا عظيما فعملك بزودلك ياه بالآخرة .ما في عمل ما في طعام ..انت ما زرعت لا تلوم الا نفسك المقصر لا يلومن الا نفسه. جل جلال الله. ورد في حديث الامام الحاكم على صحيح مسلم قال رسول الله ﷺ .يُدعى احدكم فيعطى كتابه بيمينه ((اللهم اجعلنا منهم))) ويُمد له في جسمه ستون ذراعا طولك بكرا بدو يصير تلاتين متر ستين ذراع الذراع خمسين سنتيم قديه بيطلعوا تلاتين متر وبيبض وجه النبي عم يوصفلكم هيك عم تصير تعى سعيد تعى مؤيد اجى بيعطى كتابه بيمينه وبينظر وينكم؟ فَيَقُولُ هَاؤُمُ اقْرَءُوا كِتَابِيَهْ . إِنِّي ظَنَنتُ أَنِّي مُلَاقٍ حِسَابِيَهْ .فَهُوَ فِي عِيشَةٍ رَّاضِيَةٍ. فِي جَنَّةٍ عَالِيَةٍ .قُطُوفُهَا دَانِيَةٌ. كُلُوا وَاشْرَبُوا هَنِيئًا بِمَا أَسْلَفْتُمْ فِي الْأَيَّامِ الْخَالِيَةِ اني ظننت في الدنيا… عيشة راضية نازل عنقود العنب لتمك انت وقاعد بتاكل وبتشرب ..هنيئا بالايام الي راحت عنكم بالدنيا الي قدمته بالدنيا هلق خود. الله اكبر هادا بالاخرة ويبيض وجهه ويجعل على رأسه تاج من لؤلؤ يتلألأ تاج لولو عم يلمع عراسك لبسك التاج هونيك… الله اكبر فينطلق الى اصحابه عند اخوانه فيرونه من بعيد شايفينه جاي لابس هالتاج من بعيد فيقولون اللهم إتنا به وبارك لنا فيه .دخيلك يارب يجي لعنا ويبارك لنا هادا اخوانه حتى يأتيهم بيجي فيقول ابشروا (((بتحكيها بكرا يا سعيد )) ؟يارب تحكيها ابشروا. . خير؟ ان لكم مثل هذا ما دام كنا على تقوى وذكر وقرآءة قرآن ابشروا لكل رجل منكم مثل هذا .
اما الكافر مين متل الكافر؟ المنافق اخ الكافر .فالكافر فيسود وجهه و يمد له في جسمه ستين ذراعا على صورة آدم سيدنا آدم قديه كان طوله؟ تلاتين متر بطول الجامع ما هيك؟ ما في 30 متر أعلى من الجامع .فيرى اصحابه وجهه مسود .. نسأل الله السلامة. فيقولون نعوذ بالله من هذا المنظر اللهم لا تأتنا به ابعده عنا قال فيتأتينهم فيقولون اللهم اخزه عاهالمنظر وهالرائحة فيقول أبعدهم الله. فان لكل منكم مثل هذا. (بالكاف بدل الهاء فهموا علي) الكافر والمنافق هيك نهايته اما المؤمن ابيض الوجه لابس تاج اللؤلؤ الي عم يرصع وابشروا فان لكل رجل منكم مثل هذا.
يا اخواني العمل بلغكم انتوا هلق؟ نعم .. ما سمعتكم؟؟ بلغكم ؟؟ هون بلغكم؟؟نعم انا علمتكم الحديث فانتوا بقى بالاختيار حبيتوا تصيروا من اهل اليمين حبيتوا تصيروا من اهل الشمال حبيتوا تعملوا العمل الصالح حبيتوا تعملوا العمل السيء بلغتكم. هل بلغت؟نعم اللهم فاشهد واذا بدكن نصيحتي بدكم انصحكم ؟ نعم اعمل على كيفك ولكن بآخر الطريق يا بتطلع عالمقام الاكمل يا بتنزل على الوادي يلي كله نار طريق ماشينه الحياة ماشي عاهالعمر ماشين فيه الى آخر نفس .عند آخر نفس يا بينادولك مرحبا في الروح الطريق الى الجسد الطيب اخرجي الى روح وريحان ورب عليكِ غير غضبان او تسمع خذوه فغلوه ثم الجحيم صلوه .. كل واحد عم يشتغل على مراؤه على كيفه يا بتتقيد بشرع الله وتراقب ان الله يراك وتستقيم على الطاعات او تعطي نفسك هواها بعدين في فلقة في سجن وين السجن؟ في سجين وما ادراك ما سجين حطوه لتحت.
اللهم نسالك العفو والعافية. .وان كلاً لما ليوفينهم ربك أعمالهم يا سبحان الله عليه الصلاة والسلام مرة لما خلصوا من غزوة حنين خلصت المعركة فنزلوا بارض بالصحراء واسعة ما فيها شي فقال ﷺ اجمعوا من وجد عودا فليأت به او عضمة كل شي بيحترق جيبوه فما كان الا ساعة الا جمعوا وجعلوه ركاما هاد جاب خشبة هاد ورقة هاد عضمة وهاد حطبة فقالﷺ اترون هذا ؟شايفين هول الي جمعتوهم فكذلك تجتمع الذنوب على الرجل منكم… ذنب صغير وذنب صغير وذنب صغير شو صاروا؟ كبيرة فنعملها نار. فكذلك تجتمع الذنوب على رجل منكم كما جمعتم هذا.. بدهن يشتعلوا وانت عم تحترق فيهم فاتق الله ولا يذنب صغيرة ولا كبيرة فإنها محصاة عليه. مسجلة عليك فإذا العمل مسجل يا اخواني فاتقوا الله ..الله يجعل هالكلام في قلوبكم ما يجعل الكلام بيفوت من هون ويطلع من هون. ((((واشار سيدنا الى اذنه))) انتبهوا كل واحد بيسمع الدرس بيطلع لبرا بينسى هادا مثاله مثال هالقصة.. هاي حكيتها قبل .. بعض الصالحين مر عالمقبرة شاف واحد حافر القبور وعم يطالع الجماجم ويحطهن عجنب وعم يجيب سيخ يدخله من اذن الجمجمة الى الاذن التانية ان نفد السيخ يكسر الجمجمة ويحطها بالارض ويبول عليها. واذا ما نفد السيخ ياخدها ويغسلها ويطيبها يحطلها المسك ويعملها قبر ويدفنها.
فقرب الرجل وقله شو عم تعمل هادا حرام لا يجوز فكسر عظم الميت ككسر عظمه حيا.. قله يا شيخي لازمه قله شو لازمه ؟ قالوا هاد الي كان يسمع الحديث يفوت من هالادن ويضهر من الادن التانية فبالدنيا ما كان فيه خير فبعد الموت ما في خير فلازم نطقش عليه( (((وضحك سيدنا)) وهادا الي ما عم ينفد السيخ كان كله خير في الدنيا فلازم ندلله ونكرمه. انتوا من انيي ؟ الله يتمم عخير
قصة تانية واحد من بعض الصالحين ماشي بالطريق هو من بعض الاكابر شاف واحد من الدراويش في جورة عم ياخد رمل ويرمي بالجورة ويطم الجورة ويقول ما لازمة ما لازمة .ماسك الكرباج قله شوفي ؟ قله هون جورة النار مقدر انه هاي النار عم يطفيها ويضربها ما لازمة.مالازمة. . مسك الكرباج وضربه واخده عالبيت وقله خود الحجارة والرمل لهونيك شغله من عبكرا لعشية لا سقاه ولا طعماه كل ما عصب بالكرباج عشية قله مع السلامة قله اجرتي قله كمان بدك اجرة ضربه.. رجع عالجورة صار يطالع الرمل من الجورة لفوق يقله يا رب لازمة لازمة… لازمة ولا ما لازمة؟؟
ظلماً ولا عدلاً ؟ عدلاً جل جلال الله وان كلاً لما ليوفينهم ..ولو كانت صغائر هالشقفة الصغيرة مع هالشقفة الصغيرة شو صاروا نار وطبخوا الطبخة بهالصحرا الكبيرة ..هيك الذنوب الصغائر بتعمل بالانسان من هون نظرة من هون مسبة من هون تفه من هون هالابن الكذا اجتمعوا هات لنشوف الحسنات راحت الحسنات كلها. اتدرون من هو المفلس؟ قالوا من يارسول الله ؟ المفلس فينا من لا درهم له ولا متاع ولا بيت ولا اواعي ولا مصاري ..النبي ﷺ قال لا ما هذا المفلس المفلس الحقيقي من يأتي يوم القيامة بصلاة وصيام وحج وزكاة وعمل اعمال صالحة ولكن قد ضرب هذا وشتم هذا واكل مال هذا واساء لهذا فيؤخذ من حسناته حتى اذا فنيت حسناته ما بقى في حسنات طُرح عليه من سيئاتهم ثم طُرح في النار. هادا بحط عليه مية سيئة وهادا ميتين سيئة .وين صلاته وصيامه طُرح في النار هادا المفلس من الحسنات يوم القيامة. فاحذروا اخواني اياماً معدودة واذا ايامنا معدودة اصلحوا العمل واخلصوا لله أعمالكم قبل ان يأتي يوم لا ينفع مال ولا بنون الا من اتى الله بقلب سليم .
قال ﷺ ان الله سيخلص رجلا من أمتي على رؤوس الخلائق يوم القيامة بين الخلق بيناديه جيبوه فيُنشر عليه تسعة وتسعون سجلا كل سجل متل مد البصر (مين فيكم بيعرف النفوس ؟ راح عالنفوس الدفتر بالنفوس شلون؟ هلقد . يقال له سجل) اما سجل يوم القيامة ستين سبعين سنة كله معبى ثم يقول الله تعالى اتنكر من هذا شيئا؟ أظلمك كتبتي الحافظون؟ مَالِ هَٰذَا الْكِتَابِ لَا يُغَادِرُ صَغِيرَةً وَلَا كَبِيرَةً إِلَّا أَحْصَاهَا .أظلمك كتبتي؟ فيقول لا يارب فيقول الله تعالى الك عذر؟ عندك عذر من الاعذار شي فيقول لا يارب ما في عذر فيقول الله مبلا عندك عذر ان لك عندنا حسنة فإنه لا ظلم عليك اليوم ..الك حسنة بتاخدها لا ظلم اليوم. فتخرج بطاقة( كرت ) فيها اشهد ان لا اله الا الله واشهد ان محمد عبده ورسوله. شو فيها؟ بصوت واحد.. اشهد ان لا اله الا الله واشهد ان محمد عبده ورسوله) فيقول الله تعالى احضر وزنك تعى ميزان قدامك فيقول يارب ما هذه البطاقة مع هذا السجلات؟ شو بدها توزن ؟ فيقال انك لا
تُظلم .فتوضع السجلات في كفة الشمال والبطاقة في كفة فطاست السجلات وبقيت البطاقة .طبشت البطاقة والسجلات خفوا شو معناتها ؟قبلت الطاعات والمعاصي كلها راحت( فلا يثقل مع اسمه شيء) هالشهادة الي شهدتوها هلق هاي لحالها ارجوا الله ان تكفيكن يوم القيامة .تسعة وتسعون سجل فالله شو عمل ؟ طلعوا البطاقة شو فيها؟ اشهد ان لا اله الا الله واشهد ان محمد عبده ورسوله. ثقُلت البطاقة وطاشت السجلات.
اللهم لك الحمد على هالنعمة الي ما عم يقول هالكلمة بالشهر مرة الله يعينه. فطوبى لعبد ملأ كتابه بالخير والاعمال الصالحة. الله يهني الي بيشد همته وحاسب نفسه قبل ان يُحاسب وبؤسا ومصيبة لمن سوّد كتابه بالشر والسيئات ..انتوا هلق قاعدين عم انصحكم هالنصحية ..انووا بقلوبكم التوبة الى الله ..اني بدي توب الى الله واستغفر الله وما عاد اعمل المعاصي انوي بقلبك هالنية فعسى الله ان ينظر اليكم فيغفر لنا جميعا.
انا لح انوي التوبة مين بينويها معي ؟ كلكم بتنووها معي ؟ نعم لح اعطيكم هدية قبل ما نختم الدرس .. هدية الي عطاها النبيﷺللصحابة رضوان الله عليهم اجمعين. كان النبي في مجلس قاعد مع الصحابة نظر فيهم وقال هل يوجد بينكم غريب؟ (الغريب يهودي او نصراني ) قالوا لا يا رسول الله قال اغلقوا الباب الي برا بيتم برا .(اغلقوا الباب خلينا نعمل بالحديث) فاغلقوا الباب ثم قال النبي ﷺ ارفعوا ايديكم وقولوا لا اله الا الله لا اله الا الله ثم قال النبي ﷺ اللهم انك امرتني بهذه الكلمة ووعدتني عليها الجنة ثم قال انصرفوا ..قوموا مغفورا لكم هكذا فعل النبي ﷺ .فسنختم لا اله الا الله لا اله الا الله لا اله الا الله لا اله الا الله