ما دام معك مال لا تتأخر لانّ الفريضة دائماً يجب ان يأتي بها الانسان مباشرة. ما بتعرف شو بيصير معك بكرا بتقدر تحج ما بتقدر تحج. النبي ﷺ كان يقول: تعجلوا الى الحج فإن احدكم لا يدري ما يعرض له. ما منعرف بيصير مخالفات سياسية بيمنعوا الحج بيوقفوا الحج ما في عندك استعداد ما في سيارات اذا صار معه لا يتأخر الواحد. فمن استطاع اليه سبيلا يعني فليبادر. فإذاً اجمع الفقهاء ان العجلة في الحج افضل لقول الله تعالى (وعجلتُ اليك ربي لترضى) اما تأخير الحج على التراخي هذا قول من اقوال العلماء ولهم بذلك سنة ونسأل الله ان يتقبل منا ومنهم جميعاً. ثبتت فرضيته بالكتاب والسنة بالاجماع اما الكتاب فقول الله تعالى في سورة ال عمران (وَلِلَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلًا وَمَنْ كَفَرَ فَإِنَّ اللَّهَ غَنِيٌّ عَنِ الْعَالَمِينَ) هذا كلام رب العالمين. ومن كفر يعني ترك فرضية الحج فهو كافر والله غني عنه وعن امثاله. وقال الله تعالى (وَأَذِّن فِي النَّاسِ بِالْحَجِّ يَأْتُوكَ رِجَالًا وَعَلَىٰ كُلِّ ضَامِرٍ – يعني كل بعيد مسافر على بعير مهزول - يَأْتِينَ مِن كُلِّ فَجٍّ عَمِيقٍ لِيَشْهَدُوا مَنَافِعَ لَهُمْ) هذا اصل الحج. شهود منفعة بتروح عالحج حتى تنتفع بالحج. ويذكروا اسم الله في ايام معلومات وهي ايام منى. فهون الحج ليشهدوا منافع لهم. الآن ما حدا بيحب ياخد منفعة. المنفعة هي منفعة ايمانية دينية. الناس ظنوها منافع دنيوية. هذا بيطلع بيشتري تلفزيون هذا بيطلع بيشتري فيديو.. انه هي منفعة.. هنيك ارخص من هون بيحمل. طلعنا مع اخوان في الحج اول ما بيدأ الواحد بيبدأ بالحرم. سبقونا هني اظن بين 4 او 5 ساعات. نحن نزلنا انا رايحين على الفندق مشان نحط غراضنا ونرجع ننزل .. شفته حامل على كتفه وجاي.. شو ؟ قال لي والله لقطة لقينا تلفزين لقطة. نزلت.. لسا ما صلى. دغري راح اشترى التلفزيون وجاي. هيدا رايح يحج ولا يتاجر؟ فالمنفعة في الحج منفعة دينية. ان يمتلئ قلبه من هيبة الله وجلال الله.