نحن نتمم اليوم بحث الاخلاص لله ﷻ خاطب النبي ﷺ بقوله (قُلْ إِنِّي أُمِرْتُ أَنْ أَعْبُدَ اللَّهَ مُخْلِصًا لَّهُ الدِّينَ) امر الهي وامرت ان اكون اول المسلمين. ما هو الإخلاص الذي امر به النبي ﷺ؟ مع ان المعلوم ان ﷺ هو اطهر قلب خلق على وجه الارض وازكى نفس وجدت على وجه البسيطة واقدس روح وجدت في هذا الوجود في ارضه وسمائه فمع ما اوتي من قدسية ومع ما حوى طهر ونقاء الله ﷻ يامره بالاخلاص ان يكون مخلصا في العبادة الاخلاص. مثاله جبنا عشرة كيلو حليب ساويناهم لبن بعد ما روبناهم لبن حطيناهم بكيس صفيناهم هالعشرة كيلو اديش بيطلعوا لبن مصفى ممكن يطلعوا 2 كيلو او 3 كيلو لبن مصفى. هذا الإخلاص ان تخلص الحليب من الشوائب ان يخلص اللبن من شوائبه الناقصة الماء الزرقة الموجودة فيه يلي ما فيها غذاء ولا فائدة لازم نطلعها بيبقى اللبن الصافي وهذا يقال له خلصنا اللبن من شوائبه .او انسان اشترى 15 كيلو عسل بشمعه ثم نزع منه الشمع فصار العسل مصفى تخلص العسل من الشوائب (الشمع او نحلة ميتة او اجر نحلة ميتة) بيتصفى من كل هالامور بيبقى العسل هذا معنى الإخلاص. فالاخلاص هو في الاصل تخليص الذهب من الشوائب بقوله هذا الذهب عيار 24 يعني ذهب خالص. اما اذا كان الذهب 21 معناها فيه 3 % نحاس واذا قالوا عيار 17 معناها فيه 7% نحاس فتخليصه من النحاس او تخليصه من الشوائب يقال له إخلاص صار ذهب خالص عسل خالص لبن خالص لذلك قال الله عز وجل (مِن بَيْنِ فَرْثٍ وَدَمٍ لَّبَنًا خَالِصًا سَائِغًا لِّلشَّارِبِينَ) من بين الدم والاوساخ يلي بامعاء الخواريف منها طلعنا الحليب الصافي الخالص هذا حليب صافي هذا بكلام الله تعالى لبنا خالصا. هاللبن الخالص وانت كمان بتخلصوا وبتصفيه بيطلع معك لبن مصفى واذا كان خضيته بيطلع منه الزبدة واذا خضيت الزبدة شو بيطلع منها السمنة فهي خالص من خالص خلصت 3 تخليصات طهرت حتى طلعت السمنة. كذلك المؤمن يسمى مخلصا عندما تخلص اعماله من كل تعلق بالخلق او بالدنيا كل تعلق تعلقه الانسان بالدنيا او باحد من الخلق فهذا يسمى خالص او مخلص تخلص من التعلق بغير الله عز وجل تخلص من كل شائبة تدخل القلب مع الله ﷻ لازم يكون حب الله عز وجل في القلب صافي حب الله ﷻ مخلص ما يدخله فلان ولا من اجل مادة ولا من اجل دنيا ولا من اجل آخرة لا يكون لك طلب دنيوي ولا اخروي انما مرادك الله عز وجل وحده هذا الإخلاص يا ابني.كل اعمالك كل طاعاتك وميولك كلها تكون خالصة لله ﷻ وحده ليس فيها شائبة لغير الله ﷻ لا منشان مال ولا منشان مادة ولا جنة ولا منشان تهرب من النار اينما عبدت الله ﷻ لله عز وجل خالصا لله ﷻ وهذا شي صعب كتير لا يدركه إلا من كتب الله ﷻ له الإخلاص الصافي.الحكم الشرعي للإخلاص هو أمر الهي واجب على كل مسلم قال تعالى (وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ) (أَلَا لِلَّهِ الدِّينُ الْخَالِصُ) واذا ما خالص ما بكون لله ﷻ (أَلَا لِلَّهِ الدِّينُ الْخَالِصُ) فاذا كان في دينك شائبة لغير الله ﷻ فدينك لا اخلاص فيه وكل عمل لا اخلاص فيه لا قبول له انما تقبل الاعمال باخلاصها وتفسد شركها وريائها ضد الإخلاص الشرك او الرياء. فالرياء ان تعمل العمل ليراك الناس ما ليراك الله ﷻ منشان يشوفوك تقي صالح منشان يقولوا عنك ما شاء الله. هذا الرياء لا يرفع وغير مقبول واما هذا اذا كان وجد الرياء فالاخلاص بدك تتخلص من الرياء ومن الشرك .الشرك ان تعتقد ان في الوجود من يجلب اليك خيرا او يدفع عنك خيرا مع الله ﷻ او بغير الله ﷻ هذا اسمه شرك متى ما قلت الله ﷻ يجزي فلان لو ما فلان ما صارت معنا هيك اشركته مع الله ﷻ. فالواقع يجب ان يكون العمل كله لله ﷻ ليس فيه شائبة. فشوف دهبك واديش عياره في واحد عياره 12 يعني اديه فيه نحاس نصفه نحاس 12 نحاس أي هذا عياره 12 شو بيساوي بين عيار 24 اديش الفرق بين هذا وبين هذا فكذلك العمل اذا كان خالصا كله لله من غير ان ننظر الى احد من الخلق او ننظر الى احد من في الدنيا او نطلب فيه اجرا او ثناء فكل عملا يطلب الانسان ذلك. فهذا عملا مخلط ما خلص لله ﷻ (أَلَا لِلَّهِ الدِّينُ الْخَالِصُ) ففسرنا الإخلاص في المرة الماضية فسرناه بالطاعة اليوم بدنا نفسر الإخلاص بالأعمال. العمل كيف يكون مخلصا لله ﷻ وما هي آفة الإخلاص وما هي علامة الإخلاص؟ هو كل عمل يقوم العبد فيه من طاعة او عبادة او عمل مادي او عملا اسروي للاهل او للاولاد او لنفسك كل عمل يحتاج الى نية عمل بلا نية لا ينفع "انما الاعمال بالنيات وان لكل امرئ ما نوى " على حسب النية بتقبض الاجرة فما هي نيتك اذا كانت نيتك للدنيا او للحياة اخذت الاجر على قدرها واذا كان العمل لله ﷻ خالصا اخذت الاجر على مقدار هذه النية اذا في نية تملأ السموات والأرض وفي نية بتاخد عليها حبة هي نية وهي نية .فاول الاعمال النية تصحيح النية هو تصحيح للعمل فمن صحح نيته صحح عمله صحح عملك بالاخلاص وصحح اخلاصك من التبرء من الحول والقوة اول شي النية الصالحة النية يا احبابي كتير لا يعرفون النية كان بعض من ينتسب للإسلام سامحهم الله ﷻ وقالوا ان النية بدعة ما بصير تنوي لكن بتجي للجامع وبتقول الله اكبر شو بدك تصلي الله اكبر مع النية الواحد فينا بدو يصلي فرض الصبح بينوي المغرب بدو ينوي الضهر بينوي المغرب هذا مع النية فاشلون اذا بلا نية شو عم يصلي ؟ صحح النية قبل العمل قبل ما تبدأ بالعمل قال النية بدعة كان النبي ﷺ ما ينوي النبي ﷺ ما قال نويت أصلي حاضر مع الله ﷻ لكن قال للمسلمين "انما الاعمال بالنيات" معناها ما في عمل تقوم فيه بتسبقه النية اخذ ذلك الإمام الشافعي بان جعل النية فرض في الأعمال قبل الوضوء وقبل الصلاة النية فرض بدك تنوي اذا ما نويت صلاتك ما صحيحة لقوله "انما الاعمال بالنيات" يعني انما صحة الأعمال بالنيات فلا يصح عمل بلا نية وقال الامام الحنفي انما قبول الاعمال بالنيات العمل اذا بدو يكون مقبول لازم يسبقه النية فنيتك ما لح نذكر النوايا الصالحة نيتك مثلا بدك ترجع الى البيت شو النية ان تنوي ادخال السرور على اهلك لان الاسلام امرك بذلك والنبي قال"من ادخل على اهل بيت من المسلمين سرورا لم يرض الله ﷻ له جزاء الا الجنة" فاذا صرت من اهل الجنة وانت رايح لعند اهلك من ادخال السرور عليهم بدك تدخل الى البيت بدك تنزل الى العمل نويت قضاء حوائج الخلق هي نية لجميع الخلق فلك الاجر بعدد الخلق هذه النية حتى تقضي حوائج الناس لما يكون العمل له نية نقول لك صحح النية ماذا تريد بهذه النية الله ﷻ ؟ ومنشان ما يزعلوا منا كمان هالنية صار فيها شرك رايح تزور بيت عمك لله ﷻ اذا ما زرناهم بيحكوا علينا منشان ما يحكوا عليك دخل مع ما يحكوا عليك فصارت النية شرك ما عادت خالصة رايح تزور ابوك منشان شو ؟ رايح تزوره والله مديون بركي بيعطينا النية صار فيك شرك. وهذه النية كلها باطلة اول النية تكون لله ﷻ مخلصا جاي للجامع ليش. والله جاي احضر الدرس منشان شوف رفيقي واخد منو الغرض الفلاني فالنية بدها تكون خالصة لا تنوي الا لله ﷻ. كمان بدو يطلع على الحج لله ﷻ بعد ما حج اشترى تلفزيون واشترى واشترى شو بدك اشتري اشتري بعد الحج معليه (لَيْسَ عَلَيْكُمْ جُنَاحٌ أَن تَبْتَغُوا فَضْلًا مِّن رَّبِّكُمْ )والله بدو يطلع لا تنسى تجبلي فيديو معك لا تنسى التياب الفلانية اي والله طالعين عالحج والمرأة بدها بدلة والبنت بدها الغرض الفلاني دخل الشرك والنية . فاصبح عملك فيه شرك وليس خالصا لله ﷻ النية الخالصة لله ﷻ ان لا يدخل فيها شائبة ولا يدخل فيها طلب لاحد او قصد احد او قصد ابعاد احد انما هي لله ﷻ وحده هذا الإخلاص تصحيح النية فمتى صححت النية لله ﷻ وحده نقول لك صح العمل بالاخلاص انني نويت لله ﷻ . فاجعل عملك خالصا له لا تطلب ثناء انسان ولا مدح ولا طلب تكريم انما تريد الله ﷻ وحده لذلك المخلص فيه صفة انه كبر على الخلق 4 تكبيرات معناها يعني راى الناس كلهم في نظره اموات ما في بالوجود الا الله ﷻ لا عاد شاف فلان ولا عاد التفت الى فلان الموجود مين ؟ الله ﷻ وحده هذا العمل المخلص اما اذا راى فلان او فلان هذا بدو مداهنة وهذا بدو منشان خاطروا وهذا منشان ما يزعل وهذا منشان يحبنا فما معناها ؟ اعمالك لوين رايحة كلها رايحة عم تحط المي بالمصفاية يا مسكين وبدو ينقل المي من البحر وبدو يعبي البرميل حاطط البرميل بعد عشر امتار وبدو يعبيه بالمي من البحر بس بشو بالمصفاية او بالمنخل اديه بدو ليعبي البرميل وانت ايمتى بدك تعبي اعمالك الصالحة منشان خاطر فلان وفلان منشان ما يزعلوا وووو والله وين بقي ؟ نسي الله ﷻ بتفكر بالخلق فلذلك المخلص هو الذي يكبر على الخلق 4 تكبيرات من اي ناحية ؟ ان لا تشغل قلبك فيهم اما بعد ما تتوجه الى الله عز وجل عملت واسطة مع فلان بعد ما قلت الله وتوجهت الى الله ﷻ واتبعت السبب الفلاني وحطيت فلان واسطة. فهادا لا مانع لذلك اول الاعمال ان تكون مع الله ﷻ هو الاول فالاول بكل نية وبكل عمل فان كان الله ﷻ هو الاول نجحت واذا نويت الخلق وبعدين الله ﷻ منقلك انتي ما صحت نيتك صحح النية اذا صحت النية يصح العمل بالاخلاص .الاخلاص كيف يكون أن لا تقصد ثناء من الخلق ولا اجرا انما تريد رضاء الله ﷻ وحده هالبحث يمكن تلاقوه كتير تقيل عليكم وحقيقة هو من اثقل الاعمال لان كل الاعمال موقوفة عليه كل الاعمال والطاعات والعبادات والاذكار والاوراد والدين من اوله لاخره (أَلَا لِلَّهِ الدِّينُ الْخَالِصُ) كل الدين بيكون لله ﷻ ما بدو يكون مع الله ﷻ احد لا طلب ولا ثناء ولا شيء هذا الإنسان الذي يعمل لله تعالى فان اخلص صححت العمل بالاخلاص صح الإخلاص ومتى يصح الإخلاص؟ عندما تتبرأ من حولك وقوتك لا حول ولا قوة الا بالله لما قال النبي ﷺ لسيدنا علي قال اتدري ما معناها شو معنى لا حول ولا قوة الا بالله الحول تحول الإنسان التفاته يمين او شمال شو يقال له تحول اذا التفت على اليمين انا تحولت هيك هلق وهيك تحولت هادا التحول فما تقدر تتحول على اليمين او على الشمال الا بقوة الله ﷻ. اما لحالك لا تقدر لا حول عن المعصية ما بتقدر تتحول عن المعصية عن الخطيئة لا حول ولا قوة على الطاعة الا بتوفيق الله ﷻ احفظوها لا حول عن المعصية ولا قوة على الطاعة الا بتوفيق الله ﷻ. اذا ما كتبلك التوفيق ما عندك قوة وين الحول تبعك هادا يلي بدو يكون مخلص فصلاتك اذا ركوعك وسجودك وقيامك بك او بالله لا حول اذا بدك تصلي والوساوس والخطرات هاي بارادتك لا تستطيع التحول عنها ولا تتقوى عن صدق التوجه الى الله الا بالله ﷻ . فالكل بدو يرجع الى الله ﷻ . لذلك المؤمن ليس له بالوجود الا إله واحد توجه واحد حب واحد الله ﷻ فقط وكل من عليها فان اذا لم يبق غير الله فاذا كنت مخلصا فانت صادق في توجهك إلى الله ﷻ صحح النية ثم صحح العمل بالاخلاص ثم صحح الإخلاص بالتبرأ من الحول والقوة لا علم ولا طاعة ولا عبادة ولا ذكر ولا خشية ولا تلاوة الا بالله ﷻ اذا كتب الله ﷻ لك التوفيق .الله ﷻ هل يمنع توفيقه عن انسان ؟ لا يا ابني التوفيق موجود فاذا طلبته ادركته اذا ما طلبتوا ما بتحصلوا ومثال بسيط تقريبي ليدخل اذهانكم الفيجة موجودة ان اخدت كاستك ورحت اليها عبيتها وان لم تذهب للحنفية كبايتك راح تبقى فاضية ف يا ابني التوفيق موجود واهل التوفيق موجودين فان قصدت التوفيق ادركته وقصدت التقرب إلى الله ﷻ ادركت كله موجود مخلوق لذلك الله ﷻ اخبرنا انه لم ينقص بالوجود ذرة قال (الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي) التوفيق ما من النعم اتممت عليكم نعمتي ما دام اتممت اذا كله موجود التوفيق موجود والإخلاص موجود والايمان والخشية والانس بالله ﷻ والقرب الى الله ﷻ والحضور كله مخلوق وموجود جف القلم لكن الشي الذي تطلبوا تدركه والشي الذي لا تطلبه انى قصرت فيه والإخلاص موجود لذلك يقولوا فلان مخلص وفلان مخلص وجد الاخلاص لانه موجود طلبوه فادركوه فانت هل يا ترى تطلب الإخلاص . الاخلاص يا اخواني روح الاعمال روح العبادات والطاعات وكما اقول لكم دائما الاعمال جسد خاوي كلها شو معنى جسد خاوي ؟ فاضي روحها ذكر الله ﷻ وروحها ذكر الله ﷻ وسرها وجود الإخلاص لله ﷻ بالروح او عبارة تانية الاعمال صور قائمة ارواحها ذكر الله ﷻ وسرها وجود الإخلاص فيها كل هذه الاعمال صور قائمة لا بد لها من روح ف روحها ذكر الله ﷻ صلاة بلا ذكر لا روح فيها عبادة بلا ذكر لا روح فيها حج بلا ذكر لا روح فيه هل يا ترى صورة المرأة ياتيك منها غلام بيتزوج الصورة بجيب منها ولد صور قائمة روحها الإخلاص فيها وسر سرها ان تكون مخلصا لله تعالى.الاخلاص اذا ان لا ترى لوجودك وجود وان لا ترى لحياتك عملا انما عملت بفضل الله ﷻ وانما سعيت بتوفيق الله ﷻ واذا اردت ان تعلم انك مخلص او غير مخلص .من علامة الاخلاص ان لا ترى ان عملك فيه اخلاص هادا من علامة الإخلاص من راى اخلاص في اخلاصه فاخلاصه يحتاج الى اخلاص دائما المؤمن لازم ان يتهم نفسه انو انا عملي مش صح يمكن انا عملي دائما عم يتهم نفسه واتهام النفس ارتقاء عند الله ﷻ ذنب الانسان يتذلل بين يدي الله ﷻ افضل من طاعة يفتقر بها بين يدي الله لذلك كما قال العارفون بالله ﷻ معصية اورثت ذلا وانكسارا خير من طاعة اورثت عزا واستكبارا شفت حالك انك عملت صليت صمت بقولك يا ابني من علامة الإخلاص ان لا ترى اخلاص في اخلاصك دائما تتهم نفسك انك ما بلغت الفضيلة وما بلغت الكمال وما وصلت الى كمال العمل وان لا تلتفت الى الخلق ترك العمل نن اجل الناس رياء منشان الناس ما يشوفوك منشان ما يمدحوك انت مرآي ذكرت لكن درس الماضي يلي صلى تأخر يوم عن الصف الاول ثلاثين سنة اعاد صلاة اديش 30 سنة منشان ما يقول عنه ترك العمل من اجل العمل رياء بقولك اخي انا ما بدي روح عالجامع منشان الناس ما يقولوا عني كذا وما بدي صلي منشان ما يقولوا عني كذا هذا عملك رياء بتجي بتصلي ولا تريد الناس انما اتيت الى الله ﷻ اتيت الى المسجد لله ﷻ. ما اتيت منشان فلان وفلان فترك العمل من اجل الناس رياء والعمل من اجل الناس شرك عملت حتى الناس يحكوا عليك او يمدحوك او يثنوا عليك فانت مشرك والإخلاص ان يعافيك الله ﷻ منهما لا تعمل للناس انما تريد الله ﷻ هادا كلام ما تظنوا بتحسن عليه ايمتى ما بدك لا يا ابني لا يمكن للانسان يحقق بهذا اذا لم يفنى بذكر الله ﷻ بدك تفنى بالله ﷻ ان لا يكون في وجودك الا الله ﷻ هادا اذا ما القلب اشتغل ليل ونهار حتى اصبح الله ﷻ احب اليه من النفس تبعو اذا ما صار هيك حبك ما بتقدر تصير مخلص عندما تذكر الله ﷻ الذكر الكثير ترى بعين البصيرة انه ما من شي الا الله ﷻ قبله اول ما تشوف العمل بتشوف الله ﷻ هو الاول ثم ترى العمل منه ترى الطاعة فضل منه واذا ختمت العمل وهو الآخر تختمه كذلك لله ﷻ بالله ﷻ ولله ﷻ والى الله ﷻ وليس لك شيء فان عملت لله ﷻ تعمل وان اطعت فالله تطيع وان توجهت فالى الله ﷻ تتوجه فليس لك في الحياة ذرة انما المراد الله ﷻ من انت؟ انت العبد الفاني العبد الذي لا وجود له ذرة هباء في هذا الوجود فاذا اقبلت على الله ﷻ وذكرت الله ﷻ كان لك المكانة عند الله ﷻ بان الله ﷻ يكتب لك التوفيق بمحبته ولما تنشغل عنو اعرضت عن الله ﷻ اعرض الله ﷻ عنك فالعافية الاخلاص ان يعافيك الله م ﷻ نهما لا بدنا الناس ولا النسناس لا الناس بعزو ولا الناس بذلو انما العز لله ﷻ والذل بيد الله ﷻ فالتجا الى الله ﷻ اكثر من الذكر يا ابني حتى ما يبقى الا الله ﷻ عمك خالك ابوك معلمك فلان ما تلتفت. اِرضِ الله ﷻ ترضى الوجوه كلها اجعل همتك الله ﷻ يذلل لك الوجود كله هذا يا ابني الاخلاص ان تكون بهذا التوجه لله تعالى لا تفرح بمدح ولا تحزن بذم ان مدحوك ما لاح يفيدوك وان وان ذموك ما لاح ينقصوك الخلق كله عبارة عن كلام بكلام لا المدح بيرفع ولا الذم بيخفض الميزان بيد الله ﷻ يخفض ويرفع (قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاءُ وَتَنزِعُ الْمُلْكَ مِمَّن تَشَاءُ وَتُعِزُّ مَن تَشَاءُ وَتُذِلُّ مَن تَشَاءُ) لذلك يا ابني يلي بدو يكون مخلص لله ﷻ بدو ما يشوف الا الله ﷻ عامل الله ﷻ بذل لك قلوب الخلق الك لا تطلب الخلق اطلب الله ﷻ والله بيده قلوب العباد كما ورد قلوب العباد بين اصبعين من اصابع الرحمن يقلبها كيف يشاء فلما انت بتكون معه صادق بيقلب القلوب كلها الى حبك الى خدمتك ف ليه هلقد عم يخدموك انت مع الله ﷻ لا تشوف انظر انه الفعال هو الله ﷻ وحده واياك ان تقصد بعملك فلان او فلان او مادة او شي اقصد الله ﷻ والحديث الذي ذكره النبي ﷺ عن عابد سمع وبلغه ان شجرة تعبد من دون الله ﷻ فغار على دين الله ﷻ شجرة تعبد من دون الله ﷻ هذا شرك فاخذ الفاس وخرج ليقطعها فعرض له الشيطان في الطريق الى اين قلوا انه بلغني ان شجرة دون الله ﷻ فانا اريد قطعها لا يكون معبود الا الله ﷻ وحده قال له لا تستطيع ذلك قال بل اقدر قال له لا تقدر قال له اقدر تعارك هو وابليس من اول جولة رمى ابليس تحته بدو يقطع راسه قال له دخيلك سامحني هالمرة لما قام مرة تانية قال له ما بخليك تروح مرة تانية تخانق هو واياه فرماه تحته 3 مرات بعدين قال له تسمع مني ماذا اقول لك انتي واحد فقير ودرويش ومسكين وما عندك شيء طيب الله ﷻ مو قادر قلو امبلى قادر وعالم نعم عالم الله ﷻ ما بيعلم انو الشجرة تعبد امبلى لو كان ما بدو اياها تعبد كان نزل عليها صاعقة حرقها ما دام ما نزل عليها صاعقة شو دخلك فيها شو رايك ؟ انت فقير ودرويش تقوم من بكير بتلاقي ليرتان تحت المخدة ليرتان ذهب كل يوم قال له واذا ما لقيتهم قال اذا لم تجدهم تعى اقطعها قال له انا كل ليلة بحطلك ليرتان ذهب ففكر العابد انو الله ﷻ قادر لو ما بدو اياها كان حرقها يبسها ايه شو بدك ب هالشغلة ارجع قام على بكرا لقى ليرتان تاني يوم ليرتان تالت يوم ليرتان رابع يوم ما في شي يخرب بيتو كذب عليي اخذ الفاس وطلع وبالمحل الفلاني طلعلوا قلوا لوين رايح قال له اقطع الشجرة قال له ارجع احسن لك ما برجع بدي اقطعها تعارك هو والشيطان الشيطان رماه تحته كمان اول مرة وتاني مرة وتالت مرة رماه الشيطان قلو بترجع والا اقطع راسك بفاسك شو رايك؟ قال له ليش اول مرة غلبتك وليه انتي هلق غلبتني قال له اول مرة كان غضبك لله ﷻ رايح لله ﷻ فكانت قوة الله ﷻ معك وقوة الله ﷻ لا يقدر احد ان يقف امامه اما هلق غضبك منشان الليرتان الله ﷻ تخلى عنك . واذا الله ﷻ تخلى عنك ما بتتحمل نفخة بغلبك بترجع والا بقطع رأسك بفاسك شوفه اديش الفرق بين الاول والتاني اخلص لله ﷻ تكون قوة الله ﷻ معك اما اذا ادخلت غير الله ﷻ يتخلى عنك وبدي احكي لكم ما علامة الاخلاص وشو افات الاخلاص لعل الله ﷻ ان يجعلنا من المخلصين من علامة الاخلاص دائما استواء الذم والمدح من العامة يلي بيمدح انا بحكي لكم في المجالس لو انتو كلكم مدحتوني وكان على طاقيتي شحارة سودا او شوية غبرة كل مدحكم بيروح الغبرة لا ولو كلكم ذميتوني واساتم ولفتي بيضا هل تتلوث لا ؟ كلامكم كلو هوى بهوى وذمكم هوى لا تفرح بمدح ولا تحزن لذم يجب ان يستوي عندك المدح والذم واحد قال لك ما شاء الله حولك وما شاء الله وكان ، واحد قلك الله ﷻ لا يعطيك العافية لا بتفرح بكلمة هيدا ولا تزعل من كلمة هاد يلي مدح الله الهمه ويلي ذم اتى بنفسه ليمتحن فيك الإيمان فهل انت مؤمن ولا لا ؟ عم يمدحك هادا يمكن يكون شيطان ننشان يغيرك ويلي ذمك ممكن يكون ملك منشان يسحب من عملك الرياء فأنت لا تفرح لهاد ولا تحزن لهاد شوف الفعال في الوجود مين كم واحد وحده ما في غيره الله ﷻ وحده بعض المخلصين كان دائما يحضر مجالس العلم الدنيا شتاء وبدو يطلع من البيت شتي ومطر وما كان في زفت كل الارض طين فمرتو ما كانت تخليه بعدين صارت تبهدلوا تسبوا شو انا حاططني خادمة بالبيت انت بتوسخ تيابك وانا بدي اغسلها انا خادمة انا كذا بهدلة ما التفت لبس وسلام عليكم قالت له روح الله ﷻ يبعتلك زحليقة تقع في الطين ما توصل على الجامع ادعي لاجل التقدير في الطريق تزحلق بالطين وقع على تيابه صاروا كلن طين لا حول ولا قوة الا بالله رجع على البيت فتح الباب وفات عم يشلح وبدو يلبس شافت اواعيه كلو طين شو هاد سبت وبهدلت شفت دواعي الحريم بتهد القرن ولما صابت بتعلم شفت انو انا الي كرامة عند الله ﷻ قال لها احكي لبس ثيابه سلام عليكم طيبما ترد بدو يروح الى الله ﷻ طلع شاف عالباب لفة ودقن اوعا هون في جورة هون في زحليقة وهون في كذا وضلوا يمشيه عالدقة والنقرة لوصله الى الجامع لما وصله قال له بخاطرك وين اخي ما تفوت تصلي صار وقت الصلاة قال ما بصلي هو الحمد لله بلدنا ما فيها مسيحية ولا يهود ليه ما بتصلي قلوا هو ابو مرة يخرب بيتك شلون بتعيني على الطاعة قلوا ما على سواد عيونك قال له اول مرة طلعت من البيت انا قعدت على لسان مرتك وصرت سبك واشتمك وبهدلك بس منشان ما تروح ع الدرس ف ما سالت عني مين يلي عم يسب الشيطان على لسان مرتو ما هي تركتك وطلعت لما زحلقت نظر الله ﷻ الى اخلاصك وصدقك فغفر لك ذنوبك كلها خفت تاني مرة تتزحلق يقوم الله ﷻ يغفر لاهل البلد بسببك بتروح شغلي يلي عم اشتغلوا ستين سنة قلت بحمل الفانوس بس ما تروح عليي شغل 60 سنة يا ابني الاخلاص حتى الشيطان بيخدمك اذا كنت مخلصا لله فاول استواء المدح والذم ثانيا نسيان رؤية الاعمال انسى انك عملت صمنا صلينا ذكرنا وقرأنا وفعلنا لا يا ابني قوم من الطريق وقل بالله ﷻ بتوفيق الله ﷻ بعناية الله ﷻ .واذا عملت وصليت والله حج مبرور دعوا لي الله ﷻ يتقبل ما شايف حالك انك عملت انما الله ﷻ وفقك الى العمل فتطلب من الله ﷻ القبول صاير انت ما شاء انت عم تقوم بالطاعات وانت عم تقوم بالهداية انت وانت لا والله والله يا ابني لو وكلنا الله ﷻ الى انفسنا طرفة عين والله ﷻ لضللنا وشقينا طرفة عين اللهم لا تكلني الى نفسي طرفة عين ولا اقل من ذلك فلا تشوف حالك يا ابني بعبادة وطاعة على عشرين مرة لكن مات على سوء الخاتمة لا تفرح بعبادة متعبدين كان سيدنا عبد القادر الجيلاني( رضي الله عنه) في خلوته وهو يذكر الله ﷻ اشتعلت الخلوة انوار انوار شو هالانوار هاي ما بيقدر الواحد ينظر كأنها عشرين شمس وسمع مناديا من السماء يا عبد القادر لقد اديت حق العبادة ونحن اسقطنا عنك التكاليف حاجتك صلاة ما بقى بدها وصيام ما بقى بدك خلص نخن قبلنا منك فرجع عبد القادر الى الشريعة فقال اخسئ يا لعين فان رسول الله ﷺ انتفخت اقدامه ولم تسقط عنه فريضة في واحد بيعمل متل عمل النبي ؟ في واحد بطاعة النبي ﷺ النبي انتفخت اقدامه من التهجد وما سقطت عنه فريضة فجاءت الان تسقط عني الفرائض كلها فانطفئت الانوار وقال لقد نجاك الله بالعلم والله لقد افسدت اكتر من سبعمئة عابد من هذا الباب 700 عابد كله من الغرور انغر باعماله انغر بطاعته انت صمت انت صليت ذكرت الله ﷻ ما شاء الله حولك اي حالك جيد وصفاءك جيد قله حط بالخرج التنك يا ابني ببين عم يلمع لما ما بينوجد الفضة ولكن اذا انوجدت الفضة التنك وين بصير والفضة عم تلمع لانه لا يوجد دهب ولما ينوجد الدهب الفضة وين صفيت بدك تكبها والدهب عم يلمع لكن لانو ما موجود الالماس لو انوجد الالماس اهل الله ﷻ شو بيطلع قيمته اي لا تشوف حالك يا ابني وفوق كل ذي علم عليم فلا تشوف العمل منك اجتنبوا يا ابني كلمة انا صلينا ذكرنا قرأنا حضرنا مجلس العلم صلينا بتوفيق بعناية الله ﷻ برحمة الله ﷻ ببركة اهل الله كله الله ﷻ ما في انا نسيان رؤية الاعمال متى ما شفت حالك انك عملت وصليت وذكرت يا مسكين عبيت المنخل تبعك لكن شو عبيتو شو راح يضل فيه لذلك صححوا يا ابني العمل فاول واحد استواء المدح والذم 2- نيسان رؤية الاعمال 3- نسيان ثواب الاعمال في الاخرة هذا هو الاخلاص اديه بدك تاخد اجر اديه الله ﷻ بدو يعطينا على الصلاة على التسبيح انت عم تشتغل للاجرة انت عبد اجرة ام عبد حب ؟ العباد ثلاث عبد العصى وعبد الاجر وعبد الحب فانت من ايهن عبد العصى يلي بيخاف من جهنم بيخاف الله ﷻ يحطوا بالنار بيركض للعبادة حتى الله ﷻ ما يحطوا بجهنم طيب اذا ما في جهنم ما بتتعبد هذا عبد العصى وعبد الاجر قديه في ثواب لصلاة الضحى اديه في ثواب اذا قريت قرآن اذا سبحت شوفي ثواب هذا عبد الاجرة اذا ما في اجرة ما بيشتغل.واما عبد الحب هو الذي يعمل لله ﷻ اثابه او عاقبه عم يعمل لله ﷻ انا بدي اياه له انا بحبو ومن حبي له ان اكرمني فذلك فضل منه وان عاقبني فذلك عدل منه فهو اما متفضل واما عادل فان عذب ف بمحض العدل وان اكرم وانعم ف بمحض الفضل فالفضل فضله والكرم كرمه وانت مالك شي لو قال لك انا قبلت طاعتك شي شو بيطلع بايدك بنقول لا الي عليك حق الك على الله ﷻ حق لله ﷻ الفضل والمنة ( وَمَا قَدَرُوا اللَّهَ حَقَّ قَدْرِهِ ) ما في احد يستطيع ان يؤدي حق الله يا ابني واما نعمة البصر لحالها بدك تؤدي نعمتها 700 سنة عبادة ما بتأدي نعمة البصر فخليك دائما (يَا أَيُّهَا النَّاسُ أَنتُمُ الْفُقَرَاءُ إِلَى اللَّهِ) انتم الفقراء اذا كان الله ﷻ عم يقولك انتي فقير لله ما تساوي حالك غني والله ﷻ هو الغني الحميد هاي علامة الاخلاص. لذلك صحح عملك بالاخلاص وصحح الاخلاص بالتبرأ من الحول والقوة اللهم لا حول لنا ولا قوة لنا الا بك يا معين اعنا على الطاعة واما افات الاخلاص رؤية العمل متى رايت العمل منك بطل العمل وين كنت والله ﷻ كنت بالجامع والله ﷻ صلينا مع الجماعة وقعدنا قرينا قران وذكرنا الله ﷻ كله انت رحت عالجامع وصليت وذكرت الله ﷻ من الذي الهمك من وفقك من يسر لك الامر من الهمك تروح عالجامع ف يا ابني الله ﷻ ما انتي اول ما يفسد العمل هو رؤية العمل لكن ما بدنا نقول صلينا وصمنا وذكرنا لا لا لا . اذا كان منك قول انا عملت اما العمل او توفيقه شو رايكم انتو هلق يلي عم تسمعوا العمل منك ولا بتوفيقه منك والله ﷻ بعنايته لو سلب منك هالعناية بيطلع بايدك تصلي ما في ناس اعقل منك وافهم منك واكبر منك واغنى منك ما بصلي مين وفقك وحرمه انت هلق انتو جئتوا الى الجامع بسبب ابائكم او امهاتكم ابوك بعتك على الجامع او امك والا انت بجهدك اجيت على الجامع اللهم لولا انت ما اهتدينا فاذا كانت الهداية بيده فلا تحط حالك انت بالنص انسى العمل خلي دائما اجمع وحط عندو في خزانئه طاعاتك عباداتك اللهم اجعل ما الهمتنيه من طاعة وعبادة اجعل لي عندك زخرا مع القبول حطها عند الله ﷻ هدية والله ﷻ بيحفظلك ياها فاذا لقيت الله ﷻ اعطاك ما حفظه لك اما انت عملت وخليتو عندك شو بدك تساوي فيه عندك عند الله ﷻ خليه هاي وحدة 2-طلب العوض عليه هاي افة من افات الاخلاص لو واحد يعطيك على حضور الدرس 50 ورقة كانك حضرت الدرس بتاخد اجرة على عملك على الصلاة بدنا نعطيك 100 ورقة بتاخد اجرة كما انك لا تقبل الاجرمن الخلق لا تطلب الاجر من الخالق هو الكريم والعليم يعطيك على قدر جوده وفضله ما على قدر عملك ف تقول له انا اذا بتعطيني بصلي متل يلي بيندر اذا الله ﷻ بخليلي ابني بدبح له خاروف واذا ما نجا له ابنه ما بدبح لذلك قال النبي ﷺ النذر يستخرج من البخيل فلا تكون مع الله بخير اعطيني بصلي ما بتعطيني ما بصلي انسى طلب الاجر يا ابني لا تاخذ عوضا على عباده ولا تاخذ عوضا على طاعه انما اطلب الله ﷻ اذا كان طلبت الله الغني بخليك جوعان في واحد طلب الله ﷻيا ابني والله نسيه؟ في واحد طلب الله ﷻ وتركوا هو العليم بخلقه لا تخفى عليه من عباده خافيه بذلك يا ابني خليكم مع الله ﷻ الا انا والله اكمل طريق بيفتحها عليكم فيه انت تقصد الله ﷻ في العمل ان لا يكون لك اجر لا الى ميل ولا الى عوض انما احببت الله ﷻ لله ﷻ فقط هذا عبد الحب ليه صليت منشان الاجرة خوفا من النار لا لاني احب الله ستنا رابعه شو قالت الهي ما عبدتك خوفا من نارك ولا طمعا في جنتك ولكن لانك تستحق العبوديه بعض قليلين الفهم ما طمعا في جنتك ما بدها جنه لك بدها جنه عم تقول اللهم اني اسالك الجنه وما قرب اليها من قول او عمل ولكن عملها لا من اجل الجنه الجنه هبه من الله ﷻ وفضل انما تتعبد لله ﷻ خالصا يلي ما يفهم على اهل الله ﷻ مسكين بحطها بمخه الاعوج بصير يقول بجوز ما بجوز ما فهمان اما المؤمن يا ابني هو عرفان ما عبدتك خوفا من نارك يعني انا ما عبد العصايه ولا طمعا بالجنه انا ماعبد الاجرة انا عبد الحب احببتك ومن حبي لكي اقوم بخدمه طاعتك ودينك حتى القاك وانت راضي عني هذا المؤمن يا ابني فطلب العوض على العمل هذا افه من الافات رضاك بعملك افه الاخلاص رضاك بالعمل شلون صلاتك والله الحمد لله شايف صلاتك منيحه ورضيان عن صلاتك لك يا ابني لانك ناقص احببت النقص لكن دائما بالاعمال والطاعات انظروا الى ما هو اعلى منكم حط صلاتك قدام صلاة الشيخ حط صلاة الشيخ قدام صلاة النبي ﷺ اذا حطينا صلاتنا قدام صلاة رسول الله اديه بتطلع صلاتنا اديش بتوزن اذا كانت صلاة النبي ﷺ وزنت الف صلاتك اديش بتوزن قدام الالف شو والله صلاتي قدام النبي ﷺ ما بتطلع ولا غبرة قدام جبل ما بتطلع حضوره وانسه بالله ﷻ ومناجاته لله ﷻ بالنسبة النا وين نحن فدائما حط عبادتك قدام عبادة اهل الكمال شو بتطلع عبادتك لا ترضى عن عملك يعني دائما دور على الاكمل انتقل دائما الى الاكمل فالاكمل فالاكمل حتى اذا وقفت في الصلاة لم يخطر ببالك من اول الصلاة الى اخرها طرفة غير الله ﷻ ما بيخطر ببالك واذا فعلت ذلك اياك ان تفرح ان صلاتك صليت منيح لا ترضى عن الصلاة مع انو ما خطر ببالك الا الله ﷻ ممكن في جواتك نقطة ناقصة ف انت شايف حالك منيح انت نظرت الى ظاهر العمل والله ﷻ ينظر الى باطن العمل فلذلك صلي وقل له يا ربي هذه عندك بضاعتي هاي البضاعة ناقصة ما عندي غيرها وهاي يلي يلي عملت لها الصحابة لما صلى طج وركع السلام عليكم يا رسول الله قال ارجع صلي فانك لم تصلي تاني مرة وتالت مرة قال له والله هيك صلاتي ما بيطلع بيدي علمني وانت يا ربي وفقتني الى الصلاة وانت الهمتني الصلاة وهذا طلع بيدي اللهم بجودك تممها بفضلك كملها باحسانك يا ربي اجعلها مقبولة اما انا ما بطلع شي فلا ترضى يا ابني على عملك او عمل عملته امام قول الله ﷻ ( وَمَا قَدَرُوا اللَّهَ حَقَّ قَدْرِهِ )هل يمكن لواحد منا ان يؤدي حق الله سبحانه ومتى ما رضيت عن عملك روحت اخلاصك هاي صارو .سكونك الى العمل ان تسكن الى العمل الذي عملته سكنت اليه اطمانيت له انو هادا عمل منيح هادا ذكر منيح اليوم ذكرنا منيح اليوم قرأنا منيح لا لا يا ابني لا تسكن الى العمل اجعل سكون القلب الى الله ﷻ وحده الى الله ﷻ انزل السكينة في قلوب المؤمنين من هو ما منك ف دائما اسكن الى الله ﷻ بدكن ذكر الله ﷻ يا ابني بدكن ذكر الله لحتى القلب ما يفكر بغير ما ينشغل بغير الله ﷻ ما يلتفت لغير الله اي وين هادا موجود موجود يا ابني عند اهل الذكر موجود يلي بيتعب على قلبه يا ابني بشوف ويلي ما تعب بيتعب على قلبه بشوف الصفاء والانس والحضور والشهود كله يا ابني ويلي ما بيتعب على قلبه ولد عم يلعب بدو يصير دكتور اي ما بصير بدو يدرس يا ابني عشرين سنة بدو يدرس ليصير دكتور اي ولد بصف الابتدائي بدو يصير دكتور بدها تعب يا ابني هاي اربع وحدات رؤية العمل وطلب العوض عليه ورضاه به وسكونه اليه والذي يخلصه من رؤية العمل مشاهدته لمنة الله ﷻ عليه لله ﷻ الفضل والمنة والجود والكرم الله ﷻ من علينا اتينا الى المسجد الله ﷻ تفضل علينا فحضرنا .الله ﷻ هو الذي اكرمنا فاتى بنا البيت بيته هو طلبك هو دعاك تحسن تروح لبيت واحد ما في بينك وبينه صلة بتفوت لبيت فلان وبيت فلان ما بتحسن تفوت بيت الا اذا هو طالبك مين طلبك لحالك والا هو طلبك ايقظك من النوم حبب لك الاستيقاظ وسهل لك الطريق وجابك مطر او ما مطر مانك سائل لذلك المنة علينا جميعا الحمد لله الذي تفضل الحمد لله الذي احسن الينا والذي يخلصه من رؤية العمل مشاهدته لمنة الله ﷻ عليك وتوفيقه له انه بالله ﷻ لا بنفسك لذلك يا احبابي (يقولون اذا أبغض الله عبدا اعطاه ثلاث ومنعه ثلاث -الله ﷻ لا يجعلكم منهم اعطاه صحبة الصالحين ومنعه القبول منهم بجالس ولكن ما بدهن ياه عم يجي يحضر شايلين من قلبن منعه القبول ايمتى الشيخ بيرفضك لما بمر عليك الوقت وانت لا تذكر الله ﷻ هذا الشيخ لا يقبله اما ما دمت ذاكر لله ﷻ ولو خمس دقايق في اليوم فلك في قلب العارفين بالله ﷻ موضع الاخ يلي ما عندو ذكر هادا يلي بيصحب فهو غير مقبول لذلك بجالس شهرين ثلاثة سنة بعدين بدير ظهره ويمشي ما صرلوا قبول.هذا الشقاء يا ابني الله ﷻ يجعلني واياكم من المقبولين الله يقبلنا في قلوب اولياء الله يجعلنا من المقبولين عندهم يا ابني الله ﷻ يسطر اسمك في قلوبهم اذا انسطر اسمك في قلوبهم يا ابني ادركت سعادة الدنيا والآخرة ان لله على قلب العارف بالله ﷻ في كل يوم 360 نظرة واذا نظر الى قلبه ورأى اسمك فيه اناله من التجلي بما أعطى العارف بالله لذلك يلي تسطر اسمه مقبول واحد لا إله إلا الله الله يجعلنا واياكم من المقبولين اعطاه صحبة الصالحين ومنعه القبول منهم واعطاه الأعمال الصالحة ومنعه الإخلاص فيها هادا يلي ما بحبو لذلك بتشوف دائما شايف حالو وعم يرائي فلان عملنا كذا وساوينا كذا هذا مرائي الله يبغضه (3) واعطاه الحكمة ومنعه الصدق فيها العالم اعطاك العلم اعطاك الحكمة لكن ما صدقت الله في ما تعلمت هاد كمان يا ابني مبغوض هذا يلي عم تتعلموه اعملوا به اجتهد ابذل جهد تطبق حتى تكون مقبول. واخيرا ح اختم لكم البحث بقول الامام مالك للامام الشافعي الامام مالك نصح الإمام الشافعي نصيحة بتقبلوها انتم ؟ انا نيابة عن الإمام الشافعي والإمام مالك ح بلغكن ياها احفظوها وسطروها في عقولكم: اجعل عملك دقيقا وعلمك ملحا عملك دقيقا (طحين) وعلمك ملحا اي الاكثر اي الاكثر ؟ الدقيق او الملح يلي بدو يعجن عجنة بحط خمس وبحطلو ربع وقية ملح او اقل اجعل عملك دقيقا كتر الاعمال لكن العلم خليه يمون متل الملح بحلي الاعمال بطيب الاعمال فالعلم مع الإخلاص هادا يلي يطيب الأعمال اللع يجعلني واياكم من المخلصين اللهم تقبل منا انك انت السميع العليم وتب علينا انك انت التواب الرحيم وادعو لي في الدرس الاتي في شي خاص ان شاء الله بيتقبل مني ومنكم اللهم اجعلنا من الذين يستمعون القول فيتبعون احسنه