فالصفاء إذاً لحتى الاخ يدرك هالنقطة هذه يلي عليها مدار الروح مدار الحب مدار الذكر.. اذا صار لك هالصفاء معناتها انت الانسان الذي يتذوق حلاوة الايمان الذي قال فيه النبي ﷺ: (ثلاثة من كن فيه ذاق حلاوة الايمان ان يكون الله ورسوله احب اليه مما سواهما) لما بده يكون احب اليه هون بتذوق الحلاوة.. فيه حلاوة لحب النبي عليه الصلاة والسلام؟ نعم يا ابني. هالصحابي يلي اجا وقف امام النبي ﷺ ليدافع عنه بوجوده طابب عالنبي حتى ما يصيب النبي ﷺ اذى والسهام تدخل بظهره صار ظهره متل ظهر القنفذة من السهام وعم يصفى دمه.. السهم عم يدخل واذا دخل السهم بجلده شو بيساوي؟ عم يطلع الدم يصفي الدم من جسمه وهو طابب عالنبي ﷺ ما عنّ ما أنّ ما قال اخ.. 90-100 سهم في ظهره وهو طابب عالنبي ﷺ حتى ما يصيبه اذى. فلما شاف انه ما عاد عنده قوة ان يقف نادى لرفيقه.. سقط.. اجا رفيقه طب.. شو هالانسان؟ هذا بشر؟ رماح عم تدخل.. سهام واحد ورا التاني ورا التالت ورا الرابع.. ٩٠ سهم يدخلون في الظهر والدم عم يصفي وما عنّ عنة وحدة هذا شو؟ هل هذا انسان؟ هذا يا ابني صفاء الحب.. لما صار له هالصفاء هذا سقط وهو يطلب من النبي ﷺ كلمة واحدة يقول يا رسول الله اسالك مرافقتك في الجنة.. بس هذه.. مرافقتك.. ايه وين! هذا بشر هذا يا ابني.. التاني اجا سهام ولم يئن.. يا ابني قدّر هذه لو كان خيال يا ترى نصدقها ؟ بتتصدق؟ عم يصفي دمه ,ينقط ,صار بقعة دم وما تحرك؟ هذا يا ابني صفاء الحب. هذا الصفاء الذي جعله لا يطلب جنة ولا مقام انما طلب الصحبة فقط ما بدي غيرها. هذا يا ابني القصد فيا ابني ناويين نصير من اهل القصد هذا؟ نحن نعيش في جو واهل الله عايشين في جو نحن في حياة وهم في حياة. لكن هل تعتبر حياة الزلاحف متل حياة الملوك؟