فانت صاحب حضور مع الله مستأنس بالله. فالمستأنس يستوحش من الخلق الا من اهل ولاية الله فإن الانس بهم انس بالله. لما تستأنس بأهل الله بأولياء الله هذا انس مع الله لأن المستأنس بالله بده يدلك على مقام الانس. بده يعرفك بالانس بده يوجهك الى الذكر. فحضورك معه هو قرب الى الله ودلالة على الله. فلذلك الانس ان تستوحش من الخلق الا من اهل الله من اولياء الله. والحقيقة المجالسة معهم انس. لا اله الا الله. بيقعد نص ساعة ما له قلب يقوم تلات ارباع الساعة ما له قلب يقوم. ساعة.. قاعد مستأنس.. بيجوا لعندي اخوان بعض اوقات. مع انه انا ماني من اهل المقام الله يعفو عنا.. عم نكرر تكرار الله يعفو عنا ويتوب علينا. بيجي بعض الاحباب بيقولوا له الشيخ مشغول 5 دقايق عشر دقايق ربع ساعة نص ساعة تلات ارباع الساعة ساعة.. بعدين بيقولوا له قوم الشيخ عنده شغل. مستأنس ما بده يفل. والله يا شيخ لما اقعد معك انسى حياتي.. تنسى حياتك لما تقعد مع الشيخ.. فكيف لو جلست مع رسول الله؟ لو جلست مع النبي ﷺ شلون؟ بتنسى حياتك.. لذلك الله ذكر في القرآن آية في الثقلاء. الله سماهم ثقلاء. هني مستأنسين قاعدين مع النبي ما بدن يفزّوا. حط لهم اكل اكلوا. وبعد الاكل ردّ قعدوا. ايه قوموا النبي بده..عنده اشغال. سماهم ثقلاء. وهني؟ استئناس.. لما بتكون مشوب وبتقعد قدام النهر بإيش بتحس؟ بالرطوبة ما هيك؟ الك قلب تفز بقى؟ برا درجة الحرارة 40 وانت درجة الحرارة عندك اقل من 37 بتشعر بأنس. واذا كان الدنيا برد وشاعل المكيف والاوضة درجة حرارتها صارت 37 الك قلب تطلع لبرا؟ واذا كنت قاعد قدام التلفزيون وطالعة تمثيلية خارطة مشطك مستغرق فيها بتفز لتساوي فنجان قهوة او كاسة شاي؟ او بتقول ساوولنا فنجان قهوة وانت قاعد مستأنس. هذا انس يا ابني بالخلق. فكيف الانس بالحق؟ الانس بالله؟ فلذلك من استأنس بأولياء الله استأنس بحضوره مع الله عز وجل. والانس يجب على الانسان ان ينتبه في اقواله وفي افعاله. عندما تكون صاحب انس مع الله عز وجل يتغلب عليك حال المناجاة. هي من علامة الانس. متى ما حس قلبك بان الله معك يا الله يا الله.. بينفتح لك باب المناجاة ومتى ما فتح لك باب المناجاة هو محادثة مع الله طلب من الله استغاثة لله وهذا حال قرب الى الله لكن احذر ان يخرج من لسانك ما ليس فيه ادب. كن مع الله دائماً على بساط الادب واياك ان تزل عن الادب