ﷺ ذكر لنا القلوب اربعة.. مشان تعرف انت قلبك من اي صنف؟ القلوب اربعة. مين يلي قسمها؟ النبي ﷺ :قلب اجرد.. ما بيقولوا فلان اجرودي. شو معنى اجرودي؟ ما فيه شعر بوجهه.. ما بيطلع شعر بوجهه.. شو يقال له ؟ اجرودي.. والقلب الاجرد هو الذي تجرد من كل محبوب ما سوى الله. ما بقى في له تعلق الا الله.. هذا القلب الاجرد. ما أخدنا جوهر نوراني مجرّد يعني من الكل. القلوب اربعة: قلب اجرد فيه مثل السراج يزهر .. مثل السراج عم يلألأ عم يضوي.. شو هذا يلي عم يضوي؟ هو اسم الله الذي ينير القلب.. (الله نور السموات والارض مثل نوره) يعني في قلب المؤمن –(كمشكاة فيها مصباح المصباح في زجاجة الزجاجة كأنها كوكب) الله اكبر.. هذا حديث وافق؟ فيه مثل السراج يزهر.. الله يهني يلي اسم الله في قلبه.. الله يهني يلي عم يذكر الله.. وذلك قلب المؤمن وسراجه فيه نوره.. نور مين؟ (الله نور السموات والارض).. هذا سراح القلب. فيا ابني يلي ماشي بالعتمة متل يلي ماشي وقدامه لوكس؟ السيارة اذا اضويتها شاعلة متل السيارة يلي ماشية بلا ضو؟ اللي ماشية بلا ضو وفيه غطيتة بالطريق شلون بده يمشي؟ يا عالوادي يا بده يضرب بالجبل.. القلب المنور هذا القلب الاول.. وهو قلب المؤمن الذاكر. قلب اجرد فيه مثل السراج يزهر وذلك قلب المؤمن وسراجه فيه نوره.. 2) وقلب اغلف مربوط على غلافه.. مسكر ومربوط.. معناتها اذا حطيته تحت الحنفية شو لح يتعبى؟ ما لح يتعبى شي. اغلف مربوط على غلافه.. اغلف متل القرفة يلي بتكون مغلفة الذكر بدها قيض حتى يحسن يتزوج .. اغلف مربوط على غلافه.. فذلك قلب الكافر.. نسال الله العفو والعافية.. مغلق ما عم يدخل شي لجوا.. 3) وقلب منكوس.. منكوس لتحت بدل ما يكون لفوق ..فإذا الكاسة قلبناها لتحت شو بده يتعبى فيها؟ وذاك قلب المنافق عرف ثم انكر.. عرف الهداية وتركها عرف الذكر وتركه.. عرف الشيخ وتركه.. هذا شو قلب مين؟ منافق.. عرف ثم انكر.. الله يثبتني واياكم بقوله الثابت. كم واحد صاروا؟ واما الرابع قلب مصفّح وذلك قلب فيه ايمان ونفاق.. فيه مادتين.. فيه الروح والنفس متل ما حكيت لكم..