كمثال بسيط تقريبي للذهن.. عروس تزوج.. شاب يقال له عروس ولا عريس؟ عروس. عروس تزوج وهو مغرم بحبيبته بزوجته مغرم بها عشقانها ونزل الى السوق لحتى يجيب خبز وخضرا وهو بالسوق عقله وين عم يفكر؟ احكوا.. بعروسته ما هيك؟ واذا نزل للشغل وين عقله ؟ بعروسته .. هذا يا ابني حب.. فلو احببت الله كما احبّ هذا عروسته لكان قلبك دائماً يذكر الله ودائماً يفكر بالله فهذه الروح اللطيفة يا ابني مسكنها القلب الاعلى.. القلب قلنا هو الوسط لكن لما الروح تقوى جذبت القلب اليها فاصبح اسم الله في قلبك فوق البز.. بيصير جسمك وعروقك وخلاياك كلها صارت تذكر.. متى القلب حيّ بالله صار كل جسدك ينطق بالله .. ليلك ونهارك صرت مع الله.. وكل ماله بيزداد حضوره وخشوعه وقربه الى الله هذا اذا صار الروح.. وانت بهذه الروح ستقابل الله .. هالروح مسؤولة ..عليها العقاب والعطاء.. لها الامداد ولها العطاء وعليها السؤال.. بكرا بدكم تنسألوا بين يدي الله وهذه الروح معكم.. فيا ابني القلب مثله كمثل السراج. صلاح السراج بنوره.. السراج لبلورته ولا للنور يلي موجود فيه؟ صلاح السراج بنوره وذلك النور هو نور التقى واليقين. فلما بيصير نور التقى بالقلب معناتها صرت ملك.. ما عاد تؤذي احد ولا عاد تضر احد. واليقين ان الله معك في كل نفس.. فاخذت الدنيا والاخرة.. هذا يا ابني اذا كان شعل السراج في القلب.. متى ما شعل السراج بيظهروا فيك هالصفتين الكاملتين: التقى وهي انك لا تؤذي احداً من خلق الله بل تنفع جميع الخلق.. واليقين تشعر ان الله معك على كل حال.. هذا الانسان الكامل .. هذا الانسان الحقيقي هذا القلب يا ابني..