اعظم مخلوق في الوجود كله هو هذا الانسان.. فإذا الله خلقك وسخّر الكون لك فأنت لمين مسخّر؟ يقول الله في الحديث القدسي: عبدي خلقت الاشياء من اجلك فلا تتعب وخلقتك من اجلي فلا تلعب.. خلقك له.. وينك انت؟ هذا غرقان بالدنيا وهذا غرقان بالهوى وهذا غرقان بالشهوة.. ابني وقلبك وينه؟ فيا سبحان الله يا ابني.. هاللطيفة هذه اللي الله اوجدها فيك.. هالحقيقة النورانية الالهية اوجدها فيك هي اهملتها؟ يا اخواني الله اعطاك الجسد والروح .. الجسد صدفة والروح جوهرة فانت اخدت هالصدفة عم تغسلها وتقصقص اظافيرها وبالشامبو وبالمُليّن والمعطّر وعطر واكل كله للجسد.. والروح وين؟ شو عطيت الروح؟ بايش غذيتها؟ نورتها بايش؟ كله لجسدك؟ فهل انت جسد؟ الجسد ما له قيمة يا ابني.. وكليتنا عم نعرف هالجسد آخرته لوين ؟ للتراب. والدود بده ياكله.. لك عم تشتغل كله مشان اكل الدود مشان ياكلك الدود.. وقلبك يلي هو سر الله فيك ما عم تلتفت له؟ هالجسم يلي بده يروح للتراب عم تتعب فيه ليل نهار وهالروح يلي صلتك فيها بخالق الكون والوجود اهملتها وضيعتها. يا ترى في عقل يلي بيعمل هيك؟ والله ما في عقل يا ابني.. اذا الواحد اخد الصدفة واشتغل فيها واهمل الجوهرة شو بيقولوا عنه هذا؟ مجنون؟ لك يا ريت مجنون.. هيداك ترك جوهرة حقها 10 مليون ليرة واشتغل بالصدفة مجنون. اما يا ترى الروح بتسوى 10 مليون؟ شو بتسوى الروح؟ الكون كله يا ابني.. فأنت يا ابني سرّ الله في هذا الوجود