فهذا يا اخواني هذا القرب الى الله. من اراد التقرب الى الله هذا باب القرب.. فلا تظن باب القرب انه قاعد بغرفة وبدك تجي لعنده.. تعالى الله عن المكان وعن الزمان.. انما القرب يا ابني قرب الروح قرب الحضور ولا يكون لك الحضور ان لم يكن رسول الله هو بابك الى الله.. هو الباب هو يلي بده يرفعلك البرداية.. اما انت لحالك؟ يا ابني امتى كان زبال يدخل على الامراء؟ ممكن؟ امتى كان مكنس يدخل على ملوك؟.. الله تدخل عليه وانت بذنوبك وخطاياك من غير روحانية رسول الله؟ هذا لا ممكن يا ابني.. ويلي بيظن حاله انه يدخل نقول له روح يدخل على الشيطان على الهوى على خيالات لا يدخل على حقائق.. اما يلي بده الحقائق يا ابني.. الحقائق لها ابواب ولكل باب مفتاح.. فالشيخ مفتاح رسول الله ورسول الله مفتاح القرب الى الله فمن اراد التقرب بده ياتي بالمفتاح ما في مقتاح ما بتدخل. ولو بيغني 50 سنة نقول له عيّط ما استطعت ما ممكن يا ابني.. يلي بيدخل من الباب يقولون له اهلا وسهلا وبيوصلوه للمحراب. لكن يلي بيدخل من الشباك شو بيقولوا له؟ حرامي.. بياخدوه عالسجن.. بدك تدخل من الاساطيح بيدخلوك على السجن.. تدخل في سجن الهوى في سجن الضيق والشدة في سجن الهم والغم في سجن الطرد والبعد.. اما يلي بده يتقرب سلك الباب سلك الطريق فوصل. وما وصل من وصل الا من الطريق وما رجع من وصل. متى تذوق وعرف ما بقا في رجعة.. والله يا ولدي والله لو كان الي 50 روح متل روحي وبصرفها بشوف حالي لا زلت في اقل التقصير.. كيف الوصول الى ليلى ودونها قلل الجبال ودونهن حتوف.. شلون بدك توصل اذا ليلى قدامها ابواب كتير.. فكيف الوصول الى الله؟ الوصول الى الله قريب لكن من الباب.. فمن اراد التقرب فاليوم اخدتوا مفتاح القرب الى الله من باب رسول الله ﷺ.. فأكثروا ما استطعتم من الصلاة على رسول الله واجعلوا صلاتكم صلاة الاقتداء والتوجه واسال الله عز وجل ان يجعلني واياكم من اهل محبة الله ومن اهل التقرب الى الله.