فهالقلب هو هاللطيفة هذه التي سكنت فيك.. مسكنها في الطرف العلوي.. هذا مسكن #الروح.. لذلك الذاكر اول ما بيذكر بيذكر بالقلب. والقلب هو المتوسط تحت بز الشمال باصبعتين.. بيذكر في #القلب اسم الله الله. لما يتمكن اسم الله في القلب بيرتفع الذكر بيرتفع من الوسط الى الاعلى ثم الى الاعلى فبيصير بيذكر في #الشريان التاجي موضع الروح.. هنا يذكر الله عز وجل. ولما بيطلع لفوق لما بيذكر الله بيصير اعضاءك وعروقك وشرايينك كلها تذكر الله مع ذكر القلب.. فهذا الذكر ابني.. لذلك استعدوا يا ابني هيئوا ارواحكم خليها تضل طاهرة ونقية.. الله فطر الانسان على فطرة الكمال.. كل مولود يولد على الفطرة يعني على الصفاء الروحي .. لكن عم يتعكر بوجود المجتمع.. فانتم الآن دخلتوا حمام التنقية حمام التصفية.. تصفية الروح من شوائبها تصفية القلب من المحبوبات.. فإذا تجاوبتم وذكرتوا الله عز وجل واجتهدتوا بذكر الله سواء ذكر جهري يا ابني او سري.. السري متل يلي بيركب طيارة.. الجهري متل يلي بيركب سيارة. هذا ذكر وهذا ذكر.. بدك توصل من هون لمكة حرسها الله وزادها شرفاً. بالسيارة بدك يومين بالطيارة قديش بدك؟ ساعتين. واذا كان راكب حمارة بيوصل.. لكن بعد قديش؟ بعد شهرين.. فشوف حالك بدك توصل بسرعة اشتغل بالقلب.. بطيء الوصول؟ اذكر ذكر جهري.. اما ما تقعد بلا ذكر.. خليك دائما على حالة ذكر حتى تقوى يا ابني الروح.. واذا قويت الروح وجذبت القلب لفوق.. صار القلب خفيف لطيف صار القلب شفاف صار القلب مقدس بنور الله صار القلب منوّر بنور الله.. هذا القلب اصبح يصبح ويمسي ولا يفكر بغير الله.. جسمك عم يشتغل لكن قلبك وين؟ حاضر دائماً.