ممكن اليوم يكون اخر درس في تلك الاية العظيمة التي شيّبت رسول الله .. قالوا : يا رسول الله شبتَ ولم تبلغ أوان المشيب.. طلع الشيب بكير قال : شيبتني هود وأخواتها.. قالوا : وما الذي شيبك فيها؟ قال : قول الله تعالى (فَاسْتَقِمْ كَمَا أُمِرْتَ وَمَن تَابَ مَعَكَ وَلَا تَطْغَوْا ۚ إِنَّهُ بِمَا تَعْمَلُونَ بَصِيرٌ ).. الى الايات التي شرحناها بالدروس السابقة بتوفيق الله تعالى.. فهذه الاية هي من أعظم ما ورد في كتاب الله وكل كتاب الله عظيم.. هذه الاية وجهت كل مسلم وكل مسلمة ان يتجهوا الى الكمال والفضائل لذلك المسلم اذا فقه القرآن لا تجد مسلما فقه القرآن فيه نقص.. الا ان يكون على طريق الكمال ومن اراد منكم طريق الكمال مفتاحه بفضل الله معي.. من اراد مفتاح الكمال فليدرس نقائص الناس وليجتنبها.. شوف النقائص واترك النقائص بتصير من اهل الفضيلة والكمال.. ليس الكمال درجات يطلع فيها الانسان ولا الكمال دراسات يدرسها ولا صفة يتصف فيها .. الكمال خُلق وأدب مع الله سبحانه وتعالى.. متى كنت صاحب الاخلاق مع الله وصاحب الادب مع الله عز وجل فأنت من اهل الكمال لأن المؤمن دائما اذا راقب ان الله معه لا يمكن ان يخطئ او يرتكب معصية او يرتكب ذنب.. ما دام في رقيب وفي عليم وخبير ومطلع فأنت منك ماشي لحالك ومنك قاعد لوحدك.. في معك من يراقبك على كل نفس من انفاسك.. ما من نفس يخرج او يرجع الا ولله عليك فيه منة.. فضل لله عليك بكل نفس تتنفسه.. سواء خرج النفس او رجع النفس هذا من نعمة الله عليك.. فلو منع الله عنك النفس 5 ثواني شو بتكون نتيجتك؟ الموت.. فمن الذي جعل لك هذا النفس؟ الله الذي يراك .. الله الذي يطلع عليك الله الذي لا تخفا عليه منك خافية.. فإذاً راقب ان الله معك.. وان رأيت ان هذا صعب عليك فانتقل الى المرحلة التي اقل منها.. رأيت هذا كذب فاجتنب الكذب رأيت هذا اغتاب فابتعد عن الغيبة.. رأيت هذا نظر النظر الحرام فاترك النظر الحرام .. بترك نقائص الناس تبلغ درجة الكمال.. لذلك القاعدة التي اخبرتكم عنها دائماً وهي انّ اهل النقص اساتذة كمال. يدلك على الكمال لانه بلسان الحال يقول لك لا تعمل مثلي حتى لا تصل الى السوء الذي وصلت اليه.. اهل النقص اساتذة كمال لمن كان له عقل وقلب. قال الله تعالى (إِنَّ فِي ذَلِكَ لَذِكْرَى لِمَنْ كَانَ لَهُ قَلْبٌ أَوْ أَلْقَى السَّمْعَ وَهُوَ شَهِيدٌ) اذا له قلب ياخد موعظة فيصل الى الفضائل والكمالات.. فالاستقامة اذاً الله عز وجل ذكر لنا في بدايتها تحصينين. التحصين الاول قوله تعالى (وَلا تَرْكَنُوا إِلَى الَّذِينَ ظَلَمُوا فَتَمَسَّكُمُ النَّارُ) .. قبلها قال (وَلَا تَطْغَوْا).. عدم الطغيان وعدم الركون الى اهل الغفلة والمعصية هيدول تحصين للاستقامة.. تحصين الاستقامة بآية ذكر الله فيها نوعين من التحصين: (وَلَا تَطْغَوْا) – (وَلا تَرْكَنُوا إِلَى الَّذِينَ ظَلَمُوا).. الطغيان ان تزيد عن الحد.. حتى ولو في الطاعة ولو في العبادة.. واحد تاب لما تاب هجم هجمة وحدة بده يصلي التهجد وقيام الليل والصلوات والنفل والقضا وكذا.. نقول له لا يا ابني على مهلك.. ابدأ خطوة خطوة .. يلي بيهجم بسرعة بيهرب بسرعة.. امشي على مهلك.. هذا اسمه طغيان.. صار بده يصلي كل يوم 5 فرائض قضا صار بده يصلي التهجد .. نقول له يا ابني هذا خطأ هذا اسمه طغيان.. الاسلام عطاك ان تسير عندك 12 ركعة سنن بيكفوك.. من لازم عليها دخل الجنة.. 2 قبل الفجر و4 قبل الضهر و2 بعد الضهر و2 بعد المغرب و2 بعد العشا. اذا صليت 12 ركعة سنة فأنت من اهل الجنة.. بنص حديث رسول الله .. ما بدها كل هاد.. فيلي بيهجم بسرعة بيهرب بسرعة ويلي بده يقطف الثمرة بسرعة بيخسرها بسرعة.. بده يطلع على الشجرة بثانية بيسقط من فوق لتحت.. من استعجل الشيء قبل اوانه عوقب بحرمانه.. فاذاً تحصين الاستقامة : (وَلَا تَطْغَوْا) – (وَلا تَرْكَنُوا إِلَى الَّذِينَ ظَلَمُوا).. يلي ظلم نفسه بجهله ظلم نفسه بعدم حضور مجالس العلم ظلم نفسه بعدم الذكر ظلم نفسه بعدم فهم القرآن لا تقعد معه.. لا تجالسه.. لانه انسان غافل.. مجالسة الغافل.. الغفلة تنتقل بدون ارادتك.. انت قعدت معه حكيت معه لما بتقوم بتشوف قلبك قاسي ما عاد متل قبل.. السبب القلب يسرق من القلب والنفس تسرق من النفس خاصة اذا كان في ميل حبيبته ملت له فورا نفسك تسرق منه.. ممكن يجي واحد يجلس معك ونفسيته نفسية غير صالحة.. بعدما بيروح بتحس بنفسك انه صار عندك ميل غير صالح.. منين اجانا هذا ؟ ما في بالعادة.. هذا من مجالسة الذي جالسته.. لذلك الله تعالى قال (وَلا تَرْكَنُوا إِلَى الَّذِينَ ظَلَمُوا).. الركون تسكن هيك هدوء معه.. تقعد بحب بصحبة.. لا تصحب من لا ينهضك حاله او يدلك على الله مقاله.. اما ان يكون له حال يؤثر فيك ينهض بهمتك واما ان يكون له قول يدلك على الله .. هذا تجالسه.. غير هذا لا تجالس.. ((وَلَا تَطْغَوْا) – (وَلا تَرْكَنُوا إِلَى الَّذِينَ ظَلَمُوا فتمسكم النار).. نار الجفاء نار القسوة نار البعد نار الغضب.. فابتعد.. هي اثنين تحصين الاستقامة.. بعد تحصين الاستقامة الله عز وجل قال (أقم الصلاة ) اقامة الصلاة زينة الاستقامة.. لان اقامة الصلاة لقاء القلب مع الله مناجاة الروح لخالقها .. لما تقول له : اياك اياك نعبد.. مناجاة القلب لله.. فهذا جمال الاستقامة..جمال الاستقامة كإنسان جاب غوريلا ولبسها بدلة ملكة جمال تعشقها ولا بتكرهها؟ ملكة جمال تعشقها ولا تكرهها؟ تعشقها.. لكن اذا جبنا ملكة جمال ولبسناها بدلة غوريلا بتكرهها ولا تحب تجالسها.. فالاستقامة ملكة جمال .. لكن اذا حطينا لها اللولو والاماس والاحجار الكريمة بيزيدها جمال ولا بينقصها؟ فالاستقامة ملكة جمال والصلاة مجوهرات تتزين فيها.. الياقوت والمرجان والزمرد والاماس واللولو ولابسة ومزينة.. وهي ملكة جمال.. هذا جمال الاستقامة.. اقامة الصلاة.. هذا الجمال يحتاج الى كهربا تبين الحقيقة.. هالكهربا هي قوله تعالى (وَزُلَفًا مِّنَ اللَّيْلِ) تهجد الليل هو الكهرباء الذي يظهر كمال الجمال .. عم تلاحظوا معي هالجمال؟ اذا كان الجمال بالعتمة ما لح تشوفها منيح لكن لما تشعل الانوار مسلطة عليها .. الياقوت شلون عم يلمع والاماس شلون عم يلمع شو هالجمال هذا ؟ هذا الاستقامة.. الاستقامة تحصينها ان لا تطغوا ولا تركنوا وجمالها اقم الصلاة ونورها جمال (وَزُلَفًا مِّنَ اللَّيْلِ).. الله اكبر.. هي زينة وجمال .. لكن يا ترى اخلاقها حلوة ولا تنفر اوام ولا طويلة بال؟ اذا كان عندها حسنات فهذه من اكمل الكمال .. (إِنَّ الْحَسَنَاتِ يُذْهِبْنَ السَّيِّئَاتِ) فالحسنات بيزيدوها ما جمال وكمال.. بيزيدوها كمال الجمال.. كان يدفعوا فيها مليون ليرة.. صار يدفعوا فيها عشرة مليون ليرة.. هي الاستقامة يا ابني لو يعرف المسلم هالاستقامة هي ما بيفتش على غيرها.. ولا يلتفت الى غيرها ولا يدوّر على غيرها.. اسأل وين موجودة هي الاستقامة؟ مين بياعين الاستقامة؟ دوّر على بياعين الاستقامة لعلك ان تلتقي بأحدهم فيكون نظرة منه يسعدك في دينك ودنياك.. يعطيك الاستقامة الظاهرة في اعمالك واخلاقك والاستقامة الباطنة بصدق التوجه الى الله عز وجل هذا يا اخواني (إِنَّ الْحَسَنَاتِ يُذْهِبْنَ السَّيِّئَاتِ) ولا يفكر واحد فيكم في الجامع انك انت تستطيع ان تأخذ الحسنات وتعمل بالحسنات.. لا يمكن ان تتخلق بالحسنات من غير معلم له صلة بالله ورسوله.. اي عالِم جالسته ما ممكن تسعى ورا الحسنات.. الحسنات لها عالِم خاص يا ابني.. العالِم الخاص الذي يريد ان يكسبك الحسنات هو العالِم بالله.. النبي قال : افضل العلم العلم بالله.. ﷺ .. عالِم بالله شو معنى عالم بالله ؟ عالِم بأن الله معه لا تخفى عليه خافية.. عالم بأن الله مطلع عليه.. سره بيد الله وحركته بيد الله وقوله بيد الله.. فلا يقول ولا يتحرك ولا يلتفت الا بإذن الله سبحانه.. هذا العالم بالله هذا اذا جالسته يزرع الاستقامة في قلبك ويضع لك التحصين حولها ويزيّن لك اياها ويجمّل لك اياها فعندها ترى نفسك ان اصبحت الله معك وان أظهرت الظهر شعرت ان الله يراك وان دخل المغرب شعرت انك دخلت في حماية الله والعشاء بدك تنام لا يأتيك النوم الا وانت تشعر انك تنام بين يدي محبوبك الله .. الله اكبر.. الحماية والحرص والعناية والكرم.. هذه يا ابني الاستقامة.. (وَزُلَفًا مِّنَ اللَّيْلِ) ثم (إِنَّ الْحَسَنَاتِ يُذْهِبْنَ السَّيِّئَاتِ) ..( ذَلِكَ ذِكْرَى لِلذَّاكِرِينَ) ذلك ذكر للي بيتفكروا بذلك.. اما اذا كان من اهل الغفلة فلا يمكن ان يفهم هذا.. روح اسأل اياً سألت وهذه التفاسير موجودة عندكم.. ارجع الى 20 تفسير ان رأيت مثل هذا المعنى لا تجي عالجامع.. وانا عرفان شو عم بحكي بتوفيق الله وبفضل الله لو اجتمع مهما اجتمع هذا التفسير.. ذلك الفضل من الله.. وكفى بالله عليما.. هذا ليس من عندي وليس من الكتاب.. انما هو فيض الهيٌ من فضل الله ببركة وجودكم.. فجزاكم الله عنا خير الجزاء.. فبعدما هلق جبنا ملكة الجمال لابسة ومزينة ومجملة والكهربا عليها نقول لك بدها بعد شيء واحد يا ابني.. بدك تستعين لتصل لها.. انوجدت بس شو انوجدت بس لتنظر لها؟ لازم تصل لها.. اعقد عقدك عليها.. ادفع مهرها وتزوج.. ايها العاشق معنا حسننا مهرنا غالي لمن يخطبنا.. هذا كلام الشيخ محيي الدين رضي الله عنه يلي ذاق هالمعنى.. قال : ايها العاشق معنا حسننا مهرنا غالي لمن يخطبنا.. شلون صرتوا ؟ جسد مضنى.. متعب مرهق وروحٌ في العنا .. روح دائما كمان تعبانة.. وعيون لا تذوق الوسنا.. عينه ما عم تنام.. ليش ما عم تنام؟ لانه في مراقبة لمحبوبه.. كيف ينام ومحبوبه معه؟.. كيف ينام ومحبوبك يقظ؟ .. قال عبد الواحد ابن زيد رضي الله عنه وارضاه اسمعوا هالقصة.. عبد الواحد ابن زيد من كبار اولياء الله.. كانوا بالباخرة راكبين فالباخرة جنحت فيهم الى جزيرة نزلوا بهالجزيرة فتشوا ما فيها غير انسان واحد .. هالانسان حاطت قدامه خشبة وحجرة وعم يتعبد.. فاجوا لعنده شو هاد .. عم بعبد الاله.. قالوا له هيدول لا يضروا ولا ينفعوا.. الاله الذي خلق السموات والارض .. قال لهم انتم مين يلي علمكم؟ قالوا له : الله ارسل لنا رسولا.. قال هل ارسل معه شيئا من الكلام؟ نعم قال سمعوني من كلامه شيء.. فقال القارئ: (وَأَنِيبُوا إِلَىٰ رَبِّكُمْ وَأَسْلِمُوا لَهُ) انيبوا الى ربكم.. لما سمع كلمة (انيبوا الى ربكم) قال لهم: كلام الملوك ملوك الكلام.. شو هالكلام هيدا.. علموني الاسلام علموه اسلم.. ركبوا بالباخرة وهني ماشيين.. فرضي الله عنه الشيخ عبد الواحد ابن زيد التفت للاخوان يلي راكبين معه قال لهم يا جماعة هذا غريب وقديش صار له مقطوع عن البلاد وعن الامة اجمعوا له شوي خلينا نكرمه فيهم.. فلما وصلوا الى شاطئ جدة بدن ينزلوا.. سيدنا عبد الواحد ابن زيد قال له خود هيدول بتنتفع فيهم بالطريق .. هلق بدك تأمن حالك مشان اكل وشرب.. قال له : الله اكبر.. الله اكبر شو هاد؟.. قبلها ليلتها بدن يناموا وقف هذا الرجل قال لهم : يا جماعة شو لح تساووا؟ قالوا: بدنا ننام.. قال لهم : الاله الذي دللتموني عليه هل ينام؟ قالوا له : تعالى جل وعلا لا تأخذه سنة ولا نوم.. قال لهم : بئس العبيد انتم.. العبيد تنام والسيد لا ينام؟ المفروض مين لازم ينام؟ السيد.. سيدكم ما بينام وانتو نايمين؟ قالوا : والله اثّر فينا فأحيينا طول الليل.. فلما نزل من الشاطئ وعطاه المصاري.. قال : الله اكبر ما هذا؟ قال : لما كنت اعبد الحجر كان يرزقني ولا ينساني.. فالان وقد طرقت بابه ووقفت على بابه أينساني؟ ردّ المال الك الله يغنيني من فضله.. هذا ايمان ساعة ابني.. بس ايمان ساعة التقى بوجاق شاعل حط حديدته فيه قام حديدته شو صارت؟ حديدته احمرت وخشبته احترقت.. هذا الوجاق الشاعل فوراً يحيي قلبك.. فلا تظن انك تصل يا اخي الى الاستعانة على الوصول الا بده يكون لك معين.. سيدنا موسى على ما اوتي من مكالمة الله والنبوة والرسالة قال لسيدنا الخضر (هَلْ أَتَّبِعُكَ عَلَىٰ أَن تُعَلِّمَنِ مِمَّا عُلِّمْتَ رُشْدًا) بتسمحلي امشي معك ؟ سيدنا موسى كليم الله ؟ نعم.. هل اتبعك؟ نعم.. هذا مقام مسيرة مع الصالحين والتعليم منهم.. هذا مقام لا يناله كل انسان يا ابني.. لذلك بدك تصل بدك تستعين على الوصول لها .. الله عز وجل عطاك الدوا الاخير للوصول الى الاستقامة واذا وصلت للاستقامة ليس القصد الاستقامة.. القصد لتبلغ غاية الاستقامة .. غاية الاستقامة شو هي؟ (فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ ۗ).. حتى تحصل هالفوز هذا.. فاذا بدك الاستقامة اذاً لا تصل لها الا بالصبر.. بدك تصبر.. بالطريق بدك تصبر.. بالذكر بدك تصبر.. بالحب بدك تصبر بالجفاء بدك تصبر قسوة بدك تصبر.. صبر.. صبر فوق صبر فوق صبر .. حتى تشوف الصبر صار حلو.. الصبر مرّ.. لكن لما تلازم اكل الصبر بتلاقيه صار حلو.. الصبر مثل اسمه مر مذاقته لكن نهايته احلا من العسل.. بدك تصبر يا ابني اما واحد بده بيومين يصل.. انظروا يا اخواني الله عز وجل لما انزل القرآن على رسول الله هل كان الله قادراً ان ينزل القرآن دفعة واحدة ام ليس بقادر؟ وهل كان قلب النبي قادر على ان يتحمل ؟ قادر.. ليش اخره 23 سنة؟ مشان انتو تعرفوا لا تظن ان الامر بيصير بيوم او يومين مسكت المسبحة غمضت عيونك حركت المسبحة ما صار لي فتح.. ما صار لي تجليات.. وين عم تقولوا التجليات والفتح؟ قال له شو الك بالقصر؟ قال له مبارح العصر.. بده انه مبارح العصر يصير امير البلد.. لا يا ابني .. بدك تصبر.. الصبر للوصول الى المراد.. شو مرادك من الحياة؟ رضاء الله.. المراد من الحياة ان تكون يوم القيامة من اهل الجنة والمغفرة.. عال.. بدك تصبر على الطاعة تصبر عن المعصية تصبر على الحب.. تصبر عالذكر (واصبر وما صبرك) الا بجهدك؟؟ انتبهوا.. (واصبر وما صبرك لا بجهدك ولا باستعدادك ولا بقوتك ولا بعلمك ولا بشيخك .. استعداد بدنا صبر.. (اصبر وما صبرك الا بالله) اذا صبرت نهاية الصبر تصل الى ما تريد.. نهاية الصبر يصل الى ما يريد.. اما بدك بيومين تحصلها ما في واحد حصلها بومين.. واحد خطب 5 دقايق وكتب الكتاب وتزوج.. بعد جمعتين شو بيعمل؟ بيطلق.. لا بيعرفها ولا بتعرفه لا درسها ولا درسته ولا بيعرف اخلاقها ولا بتعرف اخلاقه .. طوّل بالك لا تستعجل الشيء.. من استعجل الشيء قبل اوانه عوقب بحرمانه.. هذا مثل واقعي لح احكيلكن ياه.. اخ من عنا من الجامع ابوه عنده بستان كان عند بعض رفقاته شاري مشمش من السوق من البراد وعندهم بالبستان شجر مشمش.. قال له بابا بدي مشمش قال له يا ابني لسا ما صار مشمش هلق عقد الزهر.. بيسموه قرعون لساته.. بدي مشمش.. بدي مشمش.. لك يا ابني طول بالك اصبر.. خلا ابوه ليطلع من البستان وراح جاب حطب حطها تحت الشجرة وشعّل النار قال مشان يستوي المشمش اوام.. حرق الشجرة وحرق الشجرات حواليها ولولا عناية الله كان البستان كله احترق.. هذا ابني استعجل الشيء فعوقب بحرمانه.. فيا اخواني بدها صبر.. حتى توصل اذا بدك الصبر تستعين لتبلغ الغاية من الاستقامة وهو قول الله تعالى (فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ ۗ وَمَا الْحَيَاةُ الدُّنْيَا إِلَّا مَتَاعُ الغرور) هذا الاستقامة.. فاليوم درسنا عن الصبر عندكم استعداد تصبروا؟ عندك صبر؟ وصمود تاكل صبر؟ ما بدنا ناكل صبر.. الصبر مر لا يذاق .. لكن بدك تصبر .. بتقول والله انا ما بحسن اصبر.. ما بتحسن تصبر بنفسك.. ما دام فيك نفسك ما بتحسن تصبر.. لكن لما تتخلى عن نفسك وتعتمد على الله وتثق بالله فبيصير صبرك بالله.. شوف الان الصبر جميل حلو .. مرت الايام كلها وانت صابر.. في واحد بيضج اوام في واحد بيلج .. في واحد بده بسرعة لا يا اخواني.. الصبر .. بتطول بالك باللغة العامية.. اتطول بالك والله عز وجل قرن الصبر برفيق.. يلي مين ما بيمشي بالصبر له رفيق.. شو رفيق الصبر. الله قال (وَاسْتَعِينُوا بِالصَّبْرِ وَالصَّلَاةِ) الصلاة اخت الصبر.. تصبر على الركوع تصبر على القيام على السجود.. تصبر بتأني طمأنينة قراءة بالتشهد اصبر.. شهر زمان بهالصلاة المتقنة هي بتشوف من ثمرات الصبر صارت الصلاة احب الك من الاكل.. حطولك الطعام تعا تغدا تقول لهم لصلي قبل.. نعسان بدك تنام.. يالله الفرشة مهيأة.. تقول لهم لا لصلي العشا والوتر.. صار معك ان الصلاة الذ اليك من كل شيء في الحياة.. فلما بتصير الصلاة معك دخل اخوها الصبر.. تصبر عن الاكل لبين ما تصلي.. تصبر عن النوم لبين ما تصلي.. (وَاسْتَعِينُوا بِالصَّبْرِ وَالصَّلَاةِ ۚ وَإِنَّهَا لَكَبِيرَةٌ إِلَّا عَلَى الْخَاشِعِينَ ) وانها لكبيرة عظيمة هي تحصل صلاة وصبر.. لا يحصلها الا مين.. الخاشعين.. (الذين يظنون أنهم ملاقو ربهم وأنهم إليه راجعون) القرآن يا ابني لما تقرأ ايات القرآن اقرأها وانت عم تدبر المعنى.. (واستعينوا بالصبر والصلاة).. (وانها ) الصلاة.. او الاستعانة.. (لكبيرة الا على الخاشعين الذين يظنون) الظن هون بمعنى الاعتقاد.. يعتقدون ( أنهم ملاقو ربهم ) لو انت تعرف انك بدك تلاقي الله لغيرت كل مسيرتك لغيرت كل اعمالك.. لقاء الله يعني حساب.. بدك تلقى الله يعني بده يحاسبك.. عطيتك العافية وعطيتك البصر وعطيتك القوة وعطيتك العقل شلون عملت العمل الفلاني؟ وانا معك وشايفك.. انا عطيتك النعم استخدمت نعمي في معصيتي؟ ثم نسيت هيبتي وجلالي؟ ثم نسيت لقائي؟ انت وين انت ؟ انت بتحب؟ انت ما في عندك ذرة حب.. لو عندك ذرة حب كنت دايما بتراقب.. لذلك (وانها لكبيرة الا على الخاشعين الذين يظنون أنهم ملاقو ربهم وأنهم إليه راجعون).. اصبر.. طيب اذا صبرت.. قال اذا صبرت لح يعطيك شهادة.. استقامة اذا بدك تصل صبر.. شو الشهادة؟ الشهادة (ان الله مع الصابرين) لح يعطيك شهادة انه هو معك بعنايته بلطفه بفضله باحسانه بانعامه (ان الله مع).. هالمعية هي معية الله.. الله معك بعنايته ومعونته وتوفيقه وفضله مين يلي ما بيرضاها هي؟ مين يلي بيبتعد عنها؟ هذا الصبر ابني.. لذلك يلي بده يصبر لح يحصل.. وقعت في ازمة تمر معك وكأنها نسمة هوا.. غيرك قتل حاله والتالت قوّص حاله والرابع شنق حاله.. مرت عليك متل نسمة تقول الحمد لله.. فرجت اكبر منها بتفرجها.. اكبر من هالبلية والمصيبة فرج اكبر منها بيفرجها.. بتعرفوها هالقصة؟ اسمعوا.. الله يرضا عن شيخنا .. بكل نفس من انفاسنا عم نتذكر شيخنا .. ملك من الملوك حكم على انسان بالاعدام فصار يتضحك.. لما صدر الحكم بالاعدام صار يضحك.. فكروا انه هستر.. ليش عم تضحك؟ قال له يا الله فرج اكبر منها بيفرجها.. قالوا له حطوه بالسجن بركي صاير معه خربطة بالعقل بركي بيهدى.. قال له للسجان بتسأله كل يوم يومين تلاتة اساله .. كل ما يسأله يقول له : الله فرج اكبر منها بيفرجها.. سال السجان شو.. قال له والله يا سيدي ما عم يغير.. فرج اكبر منها بيفرجها .. جيبوه لشوف جابوه لعند الملك.. قالوا له بتعرف انت بشو انحكمت؟ قال لهم ايه بعرف حكمتني بالاعدام قال له وعم تضحك كمان؟ قال له الله فرج اكبر منها بيفرجها.. قال له : اكبر من الاعدام؟ قال له نعم اكبر من الاعدام قال له احكيلي ياها.. قال له لا.. ما بحكيلك ياها لتعطيني فرمان من يدك اذا كانت اكبر منها بتعفي عني.. كتب له بيده اذا كانت قصته اكبر من الاعدام عفو.. قال له والله انا راكب الجمل مسافر .. الجمل حرن بالطريق قال صرت اضربه والجمل معروف بالحقد حقد على صاحبه.. قال له نزلت في بعض المراحل شلحت الجبة وشلح اللفة حطها فوق الجبة قال له ورحت لقضاء الحاجة .. الجمل التفت شاف الجبة واللفة شو فكر انه صاحبه نايم.. فز على تلاتة وبرك فوق الجبة واللفة وصار ينتف بسنانه ويزحل ببطنه بده يقتل صاحبه .. صاحبه شايفه قام صرخ عليه.. لما سمع صوت صاحبه معناتها ما في حدا عرف انه ضربته طلعت خايبة فزّ ولحق صاحبه.. على تلاتة.. قال له يا امير المؤمنين انا اركض وهو وراي.. والله مرق بيني وبينه كم ذراع حتى يحصلني.. قال له فشفت قدامي مغارة فدخلت المغارة قلت ما بيحسن يفوت لجوا فتت عالمغارة.. قال يا امير المؤمنين قعد على باب المغارة ومد رقبته لجوا.. قال له : انا ارجع وهو يمد شففه حتى بقي بين شففه وبين اواعيي 4 اصابع لح يستناولني يعني.. قال له فرجعت شوي شفت وراي طري قال له : التفتت رأيت افعى كرقبة الجمل.. طخنها طخن رقبة الجمل ملتفة 21 لفة.. ملفوفة.. ووالله لقد رأيت راسها كرأس الجمل.. موت من ورا وموت من قدام.. قال له خفت ان رجعت شوي بتستناولني الافعى واذا قربت شوي بيستناولني الجمل.. قال فوجدت ان اقول : يا غياث المستغيثين .. يا غياث المستغيثين .. قال : فما وجدت الا الأفعى فكت اول عقدة واستناولت الجمل من شفته فمات الجمل وطلعت الافعى وانا طلعت من بين الافعى ومن بين الجمل سالم.. شو رأيك؟ اكتر من ضرب السيف ولا ما اكتر ؟ قال له : اي والله اكتر.. وعفيت عنك.. قال له ليش لازعل ؟ ما دام الله فرج اكبر منها بيفرجها.. مرت عليه الصعوبة .. يا ابني متل نسمة الهوا.. سببها ان الله معه.. يا غياث المستغيثين.. الله اجاب.. جل جلال الله.. هذا الصبر يا ابني.. اصبر وبالله.. اياك ان تصبر بنفسك.. انت عاجز انت ضعيف.. والله اثبت لك الضعف قال (وخلق الانسان ضعيفا).. انت ضعيف ما بتحسن تصبر.. لكن بالله بتصير قوي.. الله قال (وان القوة لله جميعا).. خود من قوة الله خلي قوة الله معك وقوم في حياتك.. فاذا كان قوة الله معك مين بيغلبك؟ واذا كان حفظ الله معك مين بيؤذيك واذا عناية الله معك مين بيضرك؟ اللهم ارزقنا الايمان الصادق.. فاصبر.. قال (واصبر) طيب اذا كان واصبر.. الصبر مر.. قال معليش لو كان الصبر مر لازم عالصبر.. بدك تصل لحبيبك اصبر.. امتى.. قصة النملة.. احفظوا قصة النملة مشان تشوف انت وين صبرك.. هي القصة موجودة بحكايا كليلة ودمنة.. قال : مروا على نملة شافوها عم تحفر جبل .. شو عم تساوي؟ قالت لهم بدي احفر الجبل.. ليش؟ قالت لهم : حبيبي ورا الجبل.. فبدي احفر الجبل لحتى اصل لحبيبي.. قالوا لها هلق انت بهالاضافير الناعمة والاصابيع الناعمة بدك تحفري الجبل الصخر؟ نعم ليش مستغربين؟ بتحسني توصلي؟ قالت انا عليّ ابدأ الطريق وعلى الله يتمم الفضل.. انا عليّ ابدأ.. فانا بحفر.. ان وصلت الى غايتي فذلك المنى واذا ما وصلت الى غايتي بكون متت في طريق الحب.. هي نملة مين حبيبها نملة.. بدها تحفر جبل حتى تصل.. فانت يا ابني.. بتحسن تحفر جبل؟ اذا حبيبك ورا الجبل بتحسن تحفر جبل؟ بتحسن تصمد؟ قديش بدي ؟ ان متت متت وانت في طريق الوصول الى الحبيب واذا وصلت فذلك فضل الله يؤتيه من يشاء.. لذلك المؤمن لا يتراجع يصمد يصبر يلازم وصل.. سيدنا سلمان الفارسي لما كان ابوه هو الشيخ يلي بيشعل النار لعباد النار..يعني شيخ القبيلة.. فسيدنا سلمان بعته مرة شاف راهب عم يعلم حضر عنده شاف شي حلو.. قال والله هذا دينه احسن من ديننا فاجا سألهم وين بدي اتعلم هذا؟ قال له : هذا بدك تتعلمه في بلاد الحجاز.. حكى للقوافل اذا في قافلة بدها تروح اعطونا خبر.. اعطوه خبر.. ضب اواعيه بالخفية وركب بالقافلة ومشي.. القافية اخدوا منه المال ونزلوا في بعض المراحل باعوه عبد .. خلص عبد عبد.. خدم.. باعوه ليهودي.. خدم راح على الكنيسة سمع.. راح للنصارى سمع.. وين موجود هذا العلم؟ قالوا له : في واحد كذا انتقل من واحد للتاني للتالت للرابع.. اربعة يلي انتقل منهم من راهب لراهب كلما وصل للراهب للموت يقول له دلني على مين يكمل لي الطريق قال له: ما بقا في واحد على هالطريق الا في بلاد الشام .. اجا للشام كمان يلي بالشام قال له ما بقا في الا واحد في بلاد الحجاز رد حملوه الى بلاد الحجاز.. عم ينتقل من واحد لواحد واشتغل بعدين عند يهودي .. هو وعند اليهودي سمع واحد عم يحكي للتاني انه هو النبي هذا النبي هو ذاته ولا ما هو؟ ضربوه روح انت على شغلك شو دخلك.. الحاصل بعدما باعوه 4 مرات التقى بالنبي ﷺ.. علمه قال له كاتب سيدك.. مكاتبة اكتب كونترا بينه وبين سيده بالسنة مثلا يزرع له 500 شجرة نخل بيصير حر او بيشتغل بيجيب له 50 الف.. ان ما وصل للخمسين بيرجع المال لصاحبه وبيرجع عبد.. بده يحفر ويزرع.. فالنبي جمع الصحابة قال : اعينوا اخاكم.. هذا صار يحفر وهذا صار يحفر والنبي زرعهم بيده ﷺ حتى خلص سيدنا سلمان من الاسر.. اخلص فوصل.. وهكذا الصادق في الحب مهما طال الزمن لا بد ان يصل.. بس اصبر يا ابني.. اصبر تصل.. حبيبنا الاغلا في الحياة سيدنا رسول الله في حبيب اغلا عليكم منه؟ ﷺ .. اغلا حبيب واكمل حبيب واجمل حبيب هو سيدنا رسول الله.. بدك تصل للنبي ﷺ .. نقول لك اصبر عالصلاة عالنبي ﷺ .. صلي على الرسول اعمل ورد لحالك كل يوم الف صلاة عالنبي .. اللهم صل على سيدنا محمد النبي الامي الحبيب العلي القدر العظيم الجاه وعلى اهل وصحبه وسلم.. الف مرة .. صلي كل يوم الف مرة وانت تريد الحبيب بعدما تخلص الصلاة عالنبي ﷺ اقعد وتوجه الى القبلة غمض عيونك وعشر مرات : الصلاة والسلام عليك يا سيدي يا حبيب الله.. لاحظ عم تخاطبه .. الصلاة والسلام عليك يا سيدي يا رسول الله عشر مرات.. حط راسك ونام.. طول الليل بتشوف حالك مع النبي ﷺ هذا الحب.. حب لا طلب ولا مراد ولا شيء.. فقط بدي بس انظر الى وجه الحبيب.. ونظرة منك تغنيك في دينك ودنياك.. نظرة ﷺ لو نظرت الى رسول الله نظرة واحدة لغاب قلبك عن كل الكون عن كل الوجود.. ما في بعد جمال رسول الله الا جمال الله.. لذلك اصدق تصل.. اما مسك المسبحة 4 – 5 مرات انشغل .. بيع وشري.. ما جاي على بالك.. ما جاي لبالك انت تكون معه.. الله عز وجل ارادك ان تكون معه في كل صلاة امرك الاسلام السلام عليك ايها النبي .. الله اكبر.. كل صلاة.. السلام عليك ايها النبي ورحمة الله وبركاته .. السلام عليك.. التحية الاول التشهد الثاني.. السلام عليك.. بالسنة بالفريضة ... السلام عليك.. اديش صار لك عم تصلي وانت عم تقول السلام عليك.. شعرت شي نهار انه هو معك؟ حسيت شي نهار انه هو سمعانك؟ وهو القائل: لما قالوا له يا رسول الله كيف تسمعنا وقد بليت ؟ قال ان الله حرّم على الارض ان تأكل اجساد الانبياء.. انا حي طري في قبري اسمع صلاة من صلى عليّ.. فاذا عم يسمعك عم تخاطب؟ ولا عم تحكي بدون وعي؟ بدها صبر يا اخواني.. بدها صبر.. اجاني واحد من الاحباب دخيلك شيخي خير.. قال لي : بدي صير متلك.. اهلا وسهلا يا ابني.. شو دراستك؟ قال لي: ما بعرف اقرا واكتب.. قلت له روح يا ابني تعلم الكتابة والقراءة وتعى لعندي.. اهلا وسهلا .. راح اشتغل ما تعلم.. بعد 4 -5 سنين جاي لعندي.. شو يا ابني تعلمت؟ قال لي: لا والله اشتغلت.. وجمعت 60 الف ليرة.. ما شاء الله.. بدك تصير متلي؟ قال اي.. بدك تصير متلي ولا بدك مصاري.. ما بقا بده يصير متل الشيخ بده مصاري.. وكلا يدّعي وصلا بليلى وليلى لا تقرّ لهم بذاك.. لا اله الا الله.. (واصبروا ان الله مع الصابرين) واذا صبرت (وَلَنَجْزِيَنَّ الَّذِينَ صَبَرُوا أَجْرَهُم بِأَحْسَنِ مَا كَانُوا يَعْمَلُونَ) .. احسن ما كانوا يعملون.. شو احسن عملك ؟ كان التهجد.. بأجر التهجد بيعطيك كل الثواب.. جل جلال الله.. فلذلك في قدامك يا اخواني في مشاكل الحياة في مصائب الحياة في بلايا في نكبات فقر في شدة في قسوة.. اذا صبرت تتخطاهم كلهم بتضلك ماشي ما في شي.. واذا ما صبرت شدة واحدة ترميك بالارض.. شدة.. في واحد ما بيحسن يتحمل.. ضاقت معه الحياة هلق اكتر الشباب شو بده يسافر.. يده يترك البلد يسافر.. ليش ابني بدك تسافر؟ ضاقت معه الحياة بده يسافر.. طيب وامك وابوك؟ منه سائل عن امه وابوه.. ترك امه يلي عمرها 60 سنة وترك ابوه يلي عمره 75 سنة بده يسافر مشان ياخد مصاري.. وين الصبر يا ابني؟ اقعد اصبر على خدمة والديك حتى يختارهما الله بعدين قوم دور على شغل الله بيفتح لك الابواب كلها.. اما امك وابوك تعبوا فيك حتى صار عمرك 20 سنة بدن يمتعوا بصرهم فيك.. تخدمهم ماما بابا.. بيشوفوا هالكلمة منك اغلى من الدنيا بما فيها.. ترك وطلع.. ابوك مين بده يساعده ؟ امك مين بده يساعدها ؟ ترك الام والاب وطلع مشان المصاري.. لك يا ابني معناتها قرشك اغلا عليك من امك وابوك؟ امك وابوك ارخص في نظرك للقرش؟.. ترك والديه مشان.. ما في صبر.. اي والله ما عم نحصل هون.. ترك وطلع.. يا ابني الرزقة واحدة في بلدك وبرات بلدك بتسافر امريكا ولا في الشام.. ما كُتب لك سوف يأتيك على ضعفك.. بفكر انه اذا طلع على اميركا لح يحوّش المصاري مع الشجر.. وابوه هيك بيظن وامه هيك بتظن.. ما عم يبعتلنا.. يخرب بيته في عنده وما عم يبعتلنا.. لك عم يشتغل جلى صحون لياكل لقمته.. هون قاعد امه وابوه.. عم تغسلك اواعيك عم تكويلك اواعيك.. عم يأمنولك لقمة الاكل.. الله يرزقنا الوفاء يا ابني.. لذلك انا ما بسمح لاخ في السفر.. ليش لتسافر اقعد والله يا اخواني وانا ما بحلف يمين لكن والله لتراب قدم والديك خير لك من جوهر العالم.. والله لو اجتمع جوهر العالم تراب قدم والديك افضل.. ويلي بيفهم بيفهم ويلي ما بيفهم الله يفهمه.. ماهيك.. الله يفهمه.. بر الوالدين يا ابني هذا كنز الدنيا والاخرة.. فيلي بيفقده فقد الكنز واذا ما في كنز شو بيكون فقير.. فاصبر.. اذا كان يوم القيامة .. اكتبوا هذا شي حلو تمام.. الحديث عن سيدنا علي ابن الحسين.. قال : اذا كان يوم القيامة نادى منادٍ ليقم اهل الصبر .. هذا في الموقف كله.. ليقم اهل الصبر .. اهل الصبر فزوا وقفوا.. قال : فيقوم ناس من الناس فيقال لهم انطلقوا الى الجنة.. روحوا دغري.. لا في حساب ولا في عذاب ولا في.. روح دغري يالله.. انطلقوا الى الجنة بيتوجهوا.. فتتلقاهم الملائكة فيقولون الى اين؟ وين رايحين؟ الملايكة بتوقفهم وين رايحين؟ فيقولون الى الجنة.. قالوا: قبل الحساب؟ لسا ما صار حساب لا انتصب الميزان ولا انتشر الصراط وين فايتين عالجنة قبل الحساب؟ قالوا : نعم .. قالوا من انتم؟ مين انتم يلي ما في عليكم حساب ولا سؤال.. قالوا: نحن اهل الصبر.. قالوا : وما كان صبركم؟ على ايش كنتو تصبروا؟؟ قالوا : صبّرنا انفسنا على طاعة الله ، هي اول وحدة.. عم تحسنوا تصبروا انفسكم على الطاعة؟ بدي منكم يا ابني كل يوم قبل الفجر ولو ركعتين.. التهجد ولو ركعتين.. بتحسنوا تصبروا حالكن عليهم؟ مين بيحسن؟ بينت.. الربع ما رفعوا ايديهم.. بدكن الجنة؟ لح تخلوني احكي متل كلمة التركي.. تريدون جنات.. وهمة باردة؟ جنة وما بتفز قبل افجر.. جنة وما بتصلي الصبح مع الجماعة؟ لا يا ابني انت طالب مستحيل.. لن تصل الى ما تريد.. ولن تحقق ما تريد.. طلبك غير صحيح.. مين بيحسن يصبر على القيام قبل الفجر بنص ساعة؟ هون ما في حدا ما حدا بدو.. وهون كمان الربع ونص الربع.. بتخلوني احكي كلمة لكن ما بحكيها.. ما بقول يا اسف.. قعدتي معكم.. لكن بقول الله يشد همتكم.. الله يجعلكم من اهل الصدق يا ابني.. تاركين شغلكم وبيوتكم وجايين لهون بس مشان نسمع. ما بدكن تعاهدوا؟.. طيب اذا كان بالاخرة بتحبوا تجتمعوا مع الشيخ؟ نعم سهل.. مين بيفز عالتهجد؟ هلق صار احسن شوي.. يلي رفع يده يعتبر انه عاهد الله.. قاعدين في بيت الله.. رفعنا يدينا عاهدنا الله.. تربط الساعة قبل الفجر .. بتلتين الساعة فز بين ما تقضي حاجة وتتوضا بقي نص ساعة للفجر عم بيأدن على 4 الا خمسة بتفز الساعة 3.15 .. 5 الا خمسة.. بتفز 4 وربع.. بين ما تقضي حاجة وتتوضا صارت الساعة 4.30 .. من ال4.30 لل5 الا 5 بتصلي 4 ركعات .. بترفع يديك يا مولاي يا الله .. انت طالب مغفرة الله.. انت طالب الجنة.. واصبر.. هذا الصبر يلي بده يصل هذا الصبر.. قالوا: فما كان صبركم؟ قالوا : صبرنا انفسنا على طاعة الله وصبرناها عن معصية الله.. يا اخي بنت جارك عم تطلع مكشفة بتطلع من الباب عم تقيم الايشارب مشان تشوفها وانت قاعد عم تستنى طلعتها.. هالنظرة يلي عم تنظرها حلال ولا حرام؟ الله شايفك ولا ما شايفك؟ اما سمعت كلام الله (قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ) انت مؤمن الله عم يناديك.. فبتقعد جنب البيت عم يدرس عالشباك كل 5 دقايق بيرفع البرداية طلعت عالشباك ولا ما طلعت.. ما تصبر نفسك يا ابني عن المعصية.. صبر نفسك ممنوع نقعد عالشباك والنظر الى فلانة وفلانة.. اكتفي بالحلال.. بتحب بكرا واحد يطلع على بنتك؟ بتحب واحد بكرا يطلع على زوجتك؟ شلون عم تطلع على بنات الناس؟ قال الامام الشافعي (رضي الله عنه) ان الزنا دين فان اقرضته كان الوفا من اهل بيتك فاعلم.. من يزني يزنى به ولو بجداره.. ان كنت يا هذا لبيباً فافهم.. هذا كلام الشافعي رضي الله تعالى عنه وارضاه.. صبرنا انفسنا على طاعة الله وصبرناها عن معصية الله .. الملايكة شو بيقولوا لهم.. قالوا: ادخلوا الجنة فنعم اجر العاملين. بتحبوا تسمعوا هالكلام هذا؟ ادخلوا الجنة.. هذا الكلام في الاخرة .. ولا بدك تضل برا.. (وَنَادَىٰ أَصْحَابُ النَّارِ أَصْحَابَ الْجَنَّةِ أَنْ أَفِيضُوا عَلَيْنَا مِنَ الْمَاءِ أَوْ مِمَّا رَزَقَكُمُ اللَّهُ ۚ قَالُوا إِنَّ اللَّهَ حَرَّمَهُمَا عَلَى الْكَافِرِينَ) صبّ عليه ولو نقطة مي .. الله محرمها على الكافرين.. نعم.. فاذا الله حرمهم بدك تكون منهم ولا بدك تكون من اهل الجنة؟.. فاذاً الصبر.. اول طريق الصبر تعلموا من كتاب الله.. انا عم بمشي معكم خطوة خطوة.. يلي بده يتعلم الصبر قال الله تعالى (وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ ) اقعد معهم لازم صحبتهم لازم محبتهم.. لا طالب مال ولا جاه ولا عز ولا .. بده ياك تسعد في الدنيا... اصبر نفسك.. هذا امر الهي.. واصبر نفسك ..سبب نزول الاية يا احبابي انتبهوا.. النبي ﷺ دعا الى الله التفوا حول منه هالفقراء.. اجوا زعماء قريش.. قالوا له : يا محمد بتحب نحن نمشي معك؟ بتحب نحن نكون معك؟ هيدول مع الفقراء نحن ما منقعد طالعهم لبرا ونحن منكون معك.. هذا حق بالنسبة لهم ولا لأ؟ يعني زعيم بيقعد مع فقير؟ ما معقولة.. طالعهم لحتى نجي نقعد معك.. فهمّ النبي ﷺ ان يبعد الفقراء ويجلس مع هيدول.. لان هيدول اذا كان اسلموا اسلمت قريش كلها.. فأنزل الله الاية (وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ ) هالفقراء هيدول ( يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ بِالْغَدَاةِ وَالْعَشِيِّ يُرِيدُونَ وَجْهَهُ) (وَلا تَعْدُ عَيْنَاكَ عَنْهُمْ ) اوعك تبعد عينك عنهم ( تُرِيدُ زِينَةَ الْحَيَاةِ الدُّنْيَا وَلا تُطِعْ مَنْ أَغْفَلْنَا قَلْبَهُ عَنْ ذِكْرِنَا واتبع هواه وكان امره فرطا).. فارط امره.. هي الاية هلق.. يا مسلم واصبر نفسك.. معناتها اذا جالست جالس بصبر.. ما تجالس وانت عندك شغل ما تجالس وانت محروق بدي اشتغل بدي اعمل.. جالس وانت في صبر صابر اصبر وصابر.. ما هيك اخر سورة ال عمران ( يَا أَيُّهَا الَّذِينَ آمَنُوا اصْبِرُوا وَصَابِرُوا ) شو معنى صابروا.. تصبر بنفسك وصابر في مقابلك واحد عم يصبر انت بدك تصبر اكتر منه.. شيخك عم يصبر معك انت بدك تصبر اكتر.. الصبر انتبهوا يا اخواني.. سمعنا من شيخنا قصة الله يرضا عنه.. بلدة من البلدان كان فيها 2 من الزعماء قبضايات.. فواحد قال نحن 2.. اذا كان تعدوا على واحد بده يجي لعندي ولا لعنده.. قال له تعى لقولك الارض ما بتحمل بطلين يا انا يا انت.. خير شو مضايقك بشي انا .. قال له الارض ما بتحمل بطلين يا انا يا انت.. قال له بتقاتل انا وياك يا بتقتلني بتكون انت المسؤول او بقتلك بكون انا المسؤول قام ضحك قال له ما بدها لا اقتلك ولا تقتلني.. شو رأيك على اسهل من هيك .. نجمع الناس وانا ياك انا بحط اصبعتي بتمك وانت بتحط اصبعتك بتمي وبتبدأ المباراة انا بكز وانت بتكز.. يلي بيقول اخ قبل التاني تنازل.. يعني لو انقطعت الاصبع اسهل من ان ينقطع الانسان. قال له منيح.. اعلنوا اجتمع الشعب.. طلعوا عالتبة.. فهذا يلي جاي بده زعامة الارض ما بتحمل بطلين.. حط واحد اثنين ثلاثة.. بدأ العض.. عض.. عض عض.. قام هيدا قال له اخ.. خلص.. قال له لو صبرت طرفة عين كنت انا لح قول اخ.. هي شو اسمها؟ هي المصابرة.. هو عم يصبر وانت عم تصبر.. فصبّرك عليه هاللحظة هي فاز فيها خسر الزعامة وخسر الكل.. قال له طرفة عين لو صبرت انا لح قول اخ.. فهمتوا شو معناها وصابروا.. هلق مع الشيخ صابروا.. صابر.. في منكم قاعد ومحروق بده يفز عنده شغل . والتاني عنده اهله بالتخت.. (اصبروا وصابروا ورابطوا واتقوا الله لعلكم تفلحون) .. الله يتمم فضله علينا وعليكم.. انا والله ما لازم طول بس الوقت.. على كلٍّ.. الناس عند المصايب 4 اشخاص: شوف حالك انت من اي واحد منهم.. اول واحد يفقد شخصيته.. هذا قال الله تعالى (ان الانسان خلق هلوعا اذا مسه الشر جزوعا واذا مسه الخير منوعا).. متى ما مسه الشر بيجزع بده .. بيروح بيشنق حاله .. فليمدد بسبب الى السماء.. السبب الحبل والسماء السقف.. حط الحبل بالسقف (ثم ليقطع ) فضي تحت اجريه خليه يوقع.. (فلينظر هل يذهبن كيده ما يغيظ).. هالخنقة هي روحت الغيظ منك؟ يالله هي القرآن عم يقول لك ما عم تتحمل اشنق حالك .. اذا شنقت حالك بتخلص يعني؟ يقول الله تعالى : عبدي استعجلني في قبض روحه فعجلت به الى نار جهنم.. بده يقتل حاله بده يخلص حاله.. بيطلع على الجسر.. الجسر في امريكا جسر الانتحار.. بيطلع عالجسر ارتفاع 70 متر وبيزت حاله من فوق لتحت.. طيب راح الغيظ تبعه ؟ انقضى حاجته؟.. هذا اول انسان.. التاني انسان يصمد امام الزلازل.. امام الازمات.. يصمد امام الازمات بلذة الطاعات.. لما عم يتلذذ بالطاعة الازمات ما عادت اثرت عليه.. التالت : مع الصمود يشكر الله .. بلاء بتلاقيه شاكر.. مصيبة الحمد لله.. طيب مصيبة عم تشكر الله.. الله يرحمه كان عندي عم عمي بآخر حياته قاعد بزاوية البيت.. طول منه قاعد اللهم لك الحمد .. اللهم لك الحمد.. قلت له يا عم طيب فقدت بصرك والحمد لله؟ قال لي يا ابني الف الحمد لله.. قال لي: يا ابني بسمع انه النسوان مكشفة .. الحمد لله انه الله اخد بصري حتى ما انظر الى النساء.. هذا صابر في الله هذا.. ما بده يقع في معصية.. ففي ناس مع الصمود في شكر لله عز وجل.. وفي ناس مع صبره بتشد عليه الامور شو بدي اعمل وين بدي روح وين بدي اجي.. ما في غير يا الله .. الله ما عم يلبينا الله ما عم يرد علينا.. في ناس هيك بتقول.. طيب روح لعند غيره بتلاقي غيره بيلبيك يعني؟ هذا ضعيف الايمان.. بده مجالسة واصبر نفسك مع الذين يدعون ربهم بالغداة والعشي يريدون وجهه .. اللهم اني اسالك باسمك العظيم الاعظم ان تغفر لي ولجميع من حضر معنا... الله ينور قلوبكم ويثبت ايمانكم ويجعلني واياكم من الصادقين في محبة الله المخلصين في طاعة الله.. اللهم ارزقنا الصبر على محبتك ارزقنا الصبر على ذكرك ارزقنا الصبر على عبادتك وطاعتك.. اللهم اغفر لنا وارحمنا لكن ما ختمنا الاية (فان الله لا يضيع اجر المحسنين) من احسن الى نفسه بالصبر فالله لا يضيع اجره.. واذا الله قال : لا يضيع .. بيضيع اجرك؟ يلي احسن الى نفسه واحسن ما تحسن الى النفس الاستقامة بتحصينها وجمالها وزينتها فاذا كانت معك معناتها انت من المحسنين وان الله لا يضيع اجر المحسنين.. وهذا مما تفضل الله علينا ولو الوقت كان معي كنت عطيتكم شوية اكتر الا اذا بتصبروا معي شوي.. مين بيصبر. الله اكبر.. الكل؟ الكل.. هذا ما حدا رخا يده.. طيب.. عشر دقايق.. يا اخواني يلي بده يصبر بيصبر بالارض ولا بالسماء؟ شو الجواب؟ بيصبر بالارض.. واذا بدك تصبر بالارض تصبر بالهوا ولا بالوقت؟ في وقت ولا بغير وقت؟ في وقت.. اذا عطيت وقت الصبر حصدت الثمرة اليانعة بفوز الجنة.. الوقت يا اخواني اكسبوا وقتكم لا تضيع من وقتك ولا التفاتة .. لو التفتت قول يا الله يا رب .. اللهم اغفر لي اللهم ارحمني.. حتى التفاتتك خليها دائما مع الله عز وجل .. الوقت هو جوهر الحال الحاضر.. لا يُرى له بداية ولا نهاية.. الوقت عنا هلق وقت.. ما حسينا بالوقت لا بأوله ولا بنهايته ما هيك؟ ولا حركة.. وكل لحظة قائمة وحاضرة قبلها ماضي وبعدها استعداد.. في مستقبل.. قبل هلق شو كان؟ المجلس ببيض الوجه معكم ؟ ان شاء الله.. بعدها هلق المستقبل وين بدك تروح شو في قدامك شو بدك تعمل.. يا ترى هالصحن يلي جليته لح ترجع تحط فيه اكل ولا لح ترجع تلوته بالوسخ؟ هلق انجلت صحونكن انجلت بتوفيق الله وبفضل الله.. لح ترجع لبيتك طالع خلقك بدك تعيط وكذا ولا راجع رايق بتشكر الوالدة بتشكر والدك.. بتقعد بتذكر الله بتتمم الفضل.. هذا الوقت يا ابني لا تضيعوه.. فالوقت ماضي ومستقبل.. فاذا الماضي كسبته لا تضيع المستقبل ويلي بالمستقبل لا يلتفت للماضي.. احفظوها مني.. التفاتك للماضي ضياع وقت اخر.. الماضي ضاع بدك تتذكر الماضي ضيعت وقت تاني.. الماضي خلص ضاع.. بدنا نعبي هلق المستقبل حتى نعوض يلي فاتنا ونكون فيمن قال الله فيهم (لكي لا تحزنوا على ما فاتكم ولا تفرحوا بما اتاكم) لا تزعل عالماضي ولا تفرح بالجاي.. مشغول بالله.. لا الماضي شغلك ولا المستقبل شغلك.. بده يؤمّن مستقبله.. مستقبلك انت بتأمنه ولا الله بيأمنلك ياه؟ انا كنت مفكر بمستقبلي هيك ؟ لا والله يا اخواني ما كنت مفكر.. الله يرحم والدي شغلني بمعمل الحلاوة كان عمري 7 سنوات و3 اشهر.. من معمل الحلاوة طلعنا الى الجبن من الجبن طلعنا الى البناء انشغلنا من محل لمحل.. لكن فضل الله عليّ يلي عرّفني بشيخي.. ومشيت بالاية (واصبر نفسك مع الذين يدعون ربهم بالغداة والعشي يريدون وجهه) انتفعت؟ هذا الصبر.. هذا الصبر خدوا درس من هاللحية هي .. اسال الله ان ينفعني واياكم.. فانت بين اوقات اربعة.. اول وقت قهر للبلية.. اصابتك مصيبة بلية مرض.. بدك تقهر البلية.. ادابها .. اداب قهر البلية : الرضا والتسليم تحت مجاري الاقدار.. هي نادر عليكم.. وقت قهر للبلية.. في بلية نفسية في بلية فكرية في بلية من الجيران.. فتقهر البلية بإيش؟ ادابها الرضا والتسليم تحت مجاري الاقدار.. وقت التاني : وقت النعمة.. الله انعم عليك بنعمة.. ادابها الشكر.. (لئن شكرتم لأزيدنكم) وقت التالت : وقت الطاعة.. ادابها : شهود المنة من الله.. اداب الطاعة.. الطاعة ما منك.. لو ما الله منّ عليكم ما جابكم على الجامع.. لو ما من عليك ما صبّرك لو ما من عليك ما هداك.. فاذاً اداب الطاعة شهود المنة من الله سبحانه وتعالى.. اللهم لولا انت ما اهتدينا ولا تصدقنا ولا صلينا.. الوقت الرابع وقت المعصية وادابها التوبة والانابة.. وخير اوقاتك وقت تشهد فيه فاقتك اليه وتردّ الى وجود زلتك ذلك بين يديه.. اخطأت وعملت خطيئة افتقر الى الله واظهر ذلك بين يديه.. واكسبوا الوقت .. من ساعده الوقت فوقته وقت ومن لم يساعده الوقت فوقته مقت.. الله يرضا عن الامام الشافعي.. قال : جالست العارفين في الله 20 سنة.. قالوا له فماذا انتفعت منهم ؟ قال : بكلمتين. كل كلمة تعادل 10 سنوات للامام الشافعي.. الكلمة الاولى : الوقت سيف ان لم تقطعه قطعك.. ان لم تقطعه بالطاعات يقطعك بالمعاصي.. لا تقطعه بالذكر يقطعك بالغفلة.. الكلمة التانية : نفسك ان لم تشغلها بالخير شغلتك بالشر.. وصلى الله على سيدنا محمد والحمد لله رب العالمين..