نحن في درس جديد في مدرسة سيدنا هود يقول الله تعالى (فَلَا تَكُ فِى مِرْيَةٍ مِّمَّا يَعْبُدُ هٰٓؤُلَآءِ ۚ مَا يَعْبُدُونَ إِلَّا كَمَا يَعْبُدُ ءَابَآؤُهُم مِّن قَبْلُ ۚ وَإِنَّا لَمُوَفُّوهُمْ نَصِيبَهُمْ غَيْرَ منقوص)
هذه الاية فيها عدة احكام تشريعية في حياة الانسان. اولا فلا تك من اصل تكن حُذفت النون لجمال الاية جمال اللفظ في القرآن.. في كتير ايات بالقرآن لانها تعطي اللفظ جمالا اكثر.. فلا تك في مرية .. المرية هي الشك يعني اياك ان تشك بأن هؤلاء اذا عبدوا غير الله انهم على حق.. كل انسان مال عن محبة الله او عن طاعة الله فهو في خسران ابداً.. ليس له كرامة وليس له سعادة ابدا.. فلا تك في مرية يعني لا تشك مما يعبد هؤلاء.. يعبدون اصناماً لا عقل لها ولا بصر ولا سمع ولا حياة.. فكيف يكون فاقد الحياة يعطي حياة.. كيف فاقد البصر يعطي البصر.. فاقد العقل كيف يعطي عقل.. فالاصنام لا عقل لها ولا علم لها ولا سمع ولا بصر.. فكيف عم يعبدوها انه هي الالهة التي اعطتهم السمع والبصر والعقل والحياة.. هي فاقدة للحياة لا تتحرك فاقدة للعقل لا تفكر فاقدة للسمع لا تسمع.. ففاقد الشيء القاعدة العامة في الحياة فاقد الشيء لا يعطيه.. فاذا هي فاقدة السمع والبصر والعقل كيف تعطيها لهم.. فاذاً عبادتهم لها عبادة ضلال عبادة بغير تفكير.. ما عبدوها عن عقل ولا عن علم انما عبدوها تقليد للآباء.. والاسلام حرب على التقليد.. تقلد انسان متل البغبغاء.. حرّم الاسلام التقليد الا اذا كان التقليد فيه منفعة عقلية او دينية او اخلاقية.. اما اذا ما في منفعة عقلية ولا دينية فما بيجوز تقلد.. واحد عمل عمل بتجي انت بدك تقلده هل فيه منفعة لدينك او عقلك او اخلاقك؟ اذا لا فلا يجوز ان تقلد.. فهؤلاء ما عبدوا الاصنام عن علم او عن عقل او عن خبرة انما عبدوا الاصنام تقليداً للآباء.. (مَا يَعْبُدُونَ إِلَّا كَمَا يَعْبُدُ ءَابَآؤُهُم مِّن قَبْلُ) اذاً مقلدين للاباء من غير فهم مقلدين للاباء من غير علم.. فالاسلام علّم المسلم ان يكون له عقل.. هذا العقل يختار فيه المنفعة يختار فيه السعادة.. اما تضيع عقلك وتصرف عقلك من غير فهم من غير علم وتجلب لنفسك شقاء من غير حق الاسلام نها عن ذلك.. فلذلك الكافر الذي يعبد الصنم الاسلام هدده بالعذاب لانه اهمل عقله اهمل حياته.. ما في مخلوق الله خلقه في الحياة الا وضع فيه عقلاً.. عقل الانسان عقل حياة عقل الحيوان عقل لاجل ان يعيش .. القطة فيها عقل؟ فيها عقل .. حطها بصندوق السيارة وصلها لمنطقة تانية بعد يومين وين بتلاقيها ؟ في البيت.. وصلت بعقل ولا بغير عقل؟ لا شافت الطريق ولا دلت الطريق.. مخباية بالكيس وبصنوق السيارة ووصلت لبيتها.. وصلت.. فكيف وصلت؟ عقل غريزي لحياتها.. اما انت عقلك له شعبتين.. كل مسلم عقله له شعبتين : شعبة للدنيا وشعبة للآخرة.. شعبة للحياة المؤقتة وشعبة للحياة الخالدة.. فاذا اهملت الشعبة الاولى.. عطيت شعبة الاخرة اكتر من الدنيا فالاسلام لا يرضا منك.. قال ﷺ : ليس بخيركم من ترك دنياه لاخرته ولا من ترك اخرته لدنياه ولكن يصيب منهما جميعاً.. فالاسلام عطاك العقل بفرعين بدك تشغل الفرعين.. وانزل لك في القرآن (رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ) فاذا كان الاسلام جعل لك في الدنيا هذا العقل المزدوج.. عقل للدنيا ان تعيش فيها سعيدا حياة حسنة.. وعطاك العقل الاخروي كذلك ان تعيش حياة سعيدة.. فاذاً قديش الاسلام له فضل عليك في الحياة.. ما عطاك عقل غريزي متل عقل القطط .. ما عطاك عقل غريزي متل عقل الدياب.. يركض ورا الغنمة لحتى يصيدها لياكل بس ما بده اكتر من الاكل ما في.. اما هل يعرف ما يضره او ما ينفعه.. لو اصابه شوكة بيحسن يطالعها؟ لا.. اما انت اعطاك الحياة كاملة عقل لكل الحياة.. فاعرف ما هذا الفضل الالهي الذي فضلك الله به على كل المخلوقات.. الطير له عقل.. الطير بيطير 34 الف كلم من شرق الارض الى غربها وبيرجع الى البيت يلي طلع منه.. بعقل ولا بغير عقل؟.. سمك السلمون بعارض المياه يصل الى مكان يلد فيه يبيض بيضاته ثم يموت .. بيطلع البيض بيمشي الطريق يلي محل ما كان عايش ابوه بيرجع له.. بعقل ولا بغير عقل.. فلا تظنوا ان الانسان اخد عقل غريزي.. هذا عقل الحيوان.. اما انت عقلك بدك تشغله بمحورين.. محور الدنيا ان تعيش سعيدا ومحور الاخرة ان تعيش فيها كريماً.. كرامة الدنيا وكرامة الاخرة.. المسلم وين ربى عقله؟ عقل الدنيا وين ربيته؟ عقل الاخرة وين ربيته؟ العقل بده تربية.. متل ما جسمك عم تربيه بطعام وغذاء.. كذلك العقل له طعام وغذاء.. والقلب له طعام وغذاء.. لكن المسلم عاش على هامش الحياة..شاف الناس عم تاكل اكل متلها ناموا نام مثلهم اشتغلوا اشتغل مثلهم.. اما مين انا ليش الله خلقني ؟ شو مهمتي في الحياة؟ ما سأل حاله.. الانسان ما سأل نفسه انا مين ليش الله خلقني انا شو مهمتي بهالحياة؟ ما حدا سأل حاله.. مين انا؟ انا المخلوق الذي خلقني الله في هذا الكون نيابة لان يكون خليفة له في الارض.. (إِنِّي جَاعِلٌ فِي الْأَرْضِ خَلِيفَةً) خليفة لايش؟ خليفة لنشر العدل لنشر الايمان ليعرّف الخلق بخالقهم.. هي الخليفة.. طيب هذا خليفة في الارض انا شو مهمتي اذاً في الحياة؟ انا ليش خلقت؟ خلقت لتكون الانسان الذي يبني سعادة الابد.. سعادة 50 مليون سنة الى ما شاء الله.. بدك تبني السعادة.. ارادك الله ان تكون سعيدا لتكون في جواره يوم القيامة.. فارادك الله له.. لذلك الحديث : عبدي خلقت الاشياء من اجلك فلا تتعب وخلقتك من اجلي فلا تلعب.. ما تضيع فرصة حياة.. انت مخلوق لتكون جليس الله في الاخرة لتكون مع الانبياء في الاخرة فاذا اهملت وضيعت روحت عليك هذا العطاء وهذا المقام واصبحت ممن يدخلون الى النار فيعذبون فيها.. لان ارتكبت ذنوب في الارض.. ذنوب الارض لوتت الروح النقية الصافية البيضاء.. جعلتها روح سوداء.. ولا تدخل الجنة الا اذا كانت بيضا.. بدها تفوت الى جهنم تضل تتغسل حتى ينقلب السواد الى بياض.. لا اله الا الله فالانسان اديش عم يضيع حياته في هذه الحياة..
(فَلَا تَكُ ) الخطاب موجه اولا للرسول ﷺ بعد الرسول هلق موجه لنا.. (فَلَا تَكُ فِى مِرْيَةٍ مِّمَّا يَعْبُدُ هٰٓؤُلَآءِ ۚ) هؤلاء اليهود والنصارى .. هؤلاء المشركون يلي كانوا يعبدون الاصنام.. ( مَا يَعْبُدُونَ إِلَّا كَمَا يَعْبُدُ ءَابَآؤُهُم ) لو جينا الان كأخوة في الوطن.. لو جينا لأخ مسيحي قلنا له : هالنحاسة الصليب يلي عم تصليلها شو بتنفعك؟ شو بيقول ؟ بيقول يصرف البلاء يكشف الغم.. شقفة نحاسة.. حاطت الصورة.. صورة السيدة مريم.. هالصورة هي لو دعيتها او طلبت منها شو بتعطيك؟ ولا شيء.. بيقول هيك اباءنا.. فاذاً ما يعبد هؤلاء الا كما يعبد اباؤهم.. اما له عقل يفكر؟ انا التقيت ببعض الرهبان.. راهب.. قلت له السيد المسيح لما خُلق خُلق من لا شيء او خُلق من شيء؟ قال : خلق من شيء.. منين؟ خُلق من امه مريم.. منين طلع؟ طلع من مخرج البول.. اله يخرج من مخرج البول؟ ليش ما طلع من تمها ليش ما طلع من عينها من محل كرامة.. من هون طلع؟.. قال لي : ما حكولنا هيك ما عنا علم هيك نحن.. ما عرف.. طيب الحمد لله الحاصل.. ( مَا يَعْبُدُونَ إِلَّا كَمَا يَعْبُدُ ءَابَآؤُهُم مِّن قَبْلُ ۚ ) اذا حياة تقليد.. لا يجوز ان تقلد اي انسان.. لإي انسان اذا قلدته يهلكك او يشقيك او يضيعك.. بدك تقلد واحد اذا قلدته يسعدك.. مين يلي اذا قلدناه بيسعدنا؟ الله جعل في الحياة نزلك قاعدة اذا بدك تقلد ولا بد قال لك لح اعطيك اعظم انسان في الحياة مثالية تقلد المثالية.. (لَّقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ) يعني قدوة حسنة.. قلّد سيد الخلق قلد امام الرسل قلد سينا محمد.. الله اكبر.. اذا قلدت اعظم مخلوق في الحياة معناتها انت شو لح تقلد لح ترتقي الى اعلى مقام.. ما عطاك اي انسان.. طيب اعطينا واحد تاني.. عطاك سيدنا ابراهيم .. قلّد سيدنا ابراهيم الانسان الذي تغلب بحبه لله على النار فأطفأها بحبه.. لولا حبه لله ما انطفأت النار.. (يا نار كوني بردا وسلاما على ابراهيم) لما كان محب لله فنور ايمانه اطفأ النار.. وهكذا قال ﷺ اذا المؤمن دخل الى نار جهنم تخاطبه نار جهنم تقول له : جُز يا مؤمن جُز يا مؤمن فإن نورك اطفأ لهبي.. انطفأت اللهبة عن المشركين.. صار مرور المؤمن على جهنم رحمة للمشركين.. جُز يا مؤمن فقد اطفأ نورك لهبي.. يا سبحان الله.. فإذاً بدك تقلد قلد المثاليين في الحياة.. اصحاب العقول .. اصحاب النجاح اصحاب العز والكرامة هيدول قلدهم.. اما تقلد واحد مكنس.. ما احتقارا للمكنس معاذ الله لكن في نظر الناس ما له هيدا قيمة.. ممكن يكون عند الله هو اعظم مني.. تقلد واحد ما له قيمة في الحياة.. انسان سكرجي خمرجي ما بيقوم بعمل .. بدك تقلده؟ شقاء لك.. فاذاً الاسلام وجّه المسلم ان يكون انسان العقل والتفكير.. فلا تظنوا يا اخواني الاسلام صلاة.. الصلاة يا اخواني جزء.. الصلاة مشان ايش؟ ما مشان الله اكبر سمع الله لمن حمده.. الصلاة يا اخواني مدرسة تنمية للعقل.. تنمية للروح.. الصلاة تنمي فيك عقلك وروحك .. اما تنمية العقل فبتلاوة ايات القرآن.. واما تنمية الروح فبالتوجه الى الله.. خالق الروح.. لما تلتجئ له تتوجه له يمدك من هذه الروح فتستطيع لها ان تغذي قلوب الخلق.. هذه الصلاة .. اما فزينا وركعنا وفزينا هي ما صلاة يا ابني.. انت عم تقلد الصلاة.. اما ما صليت الصلاة الحقيقية التي تجعل لقلبك صلة بالله دائمة في كل وقت يا الله يا الله.. لبيك يا عبدي.. هذا المصلي.. فاذاً التقليد نوعين : تقليد كامل وتقليد ناقص.. فالاسلام رغّب بالتقليد الكامل من غير تقليد ناقص.. هلق في بعض الاحباب مساكين بيكون كمبتدئ بيجي بيقلد الشيخ مثلا بمشيته بيقلد الشيخ ضهره انحنى بيحني ضهره.. لك يا ابني الشيخ عمره قد عمرك على 3 مرات.. جلس ضهرك.. الشيخ تعب في حياته.. بده يقلده بمشيته.. قلد الشيخ يا ابني بهمته بعلمه بانطلاقته الفكرية انطلاقته الروحية .. هذا هون قلد الشيخ.. اما قلد الشيخ بمشية.. هذا شيء رخيص.. هذا معناته عقله قد الخطوة.. بدنا نقلد ما منقلد الشيخ بمشيته او .. منقلد الشيخ بالهمم بالعزائم بالاعمال بالصدق بالاخلاص بالوفاء.. هي ابني التقليد.. (فلا تك في مرية) لا تشك ولا يكون للمؤمن شك.. صاير الان حال المسلم كحال السقيم الذي يريد ان يذوق الطعام.. منطعميه اللقمة.. مُرة.. امه تقول له لك يا ابني والله ما مُرة.. بتعطيه كاسة المياه .. لك يا ماما والله المياه مرة.. لك يا ابني والله المياه ما مرة.. لكن فمه مُر.. فبدك تاخد ذوق الطعام من المريض؟ او اعمى ماشايف الشمس.. بتقولوا في شمس وما في شمس.. وقام هو قال ما في شمس.. اعمى هو فاقد البصر.. وانت اعمى منك شايف ؟ تقليد.. قلدوا اباءهم كما يقال كان في رجل عتال يحمل عالدواب فكان عنده حمارين. حمّل الحمار الاول سفنج وحمّل الحمار التاني ملح.. الملح تقيل فماشي الحمار غصبا عنه من تقل الحمل.. يلي حامل سفنج عم يركض ركيض.. وصلوا الى نهر بدن يقطعوا النهر نزل الحمار الاول يلي حامل الملح .. الملح لما وصل للمياه داب الملح خف الحمل طلع الحمار ركيض.. هيداك قال له شو باك طلاع ما في بالعادة تسبقني .. قال له : لك راح الحمل لك انزل بيروح حملك.. فقلده الحمار التاني نزل حامل سفنج.. السفنج لما نزل للمياه شو صار شرب المياه فتقل انكسر ضهره بنص النهر ما عاد حسن يكمّل.. قال له غشيتني.. قال له والله ما غشيتك والله انا خف الحمل.. هذا حامل ملح .. انت حامل اسفنج.. فيا اخواني ما كل واحد بيتقلد.. فانكسر ضهره بنص النهر وراح غريق هو والاسفنجات.. لا تقلّد الا من كان على فضيلة وكمال.. اما ان تقلد من كان على جهل او كان على غباوة او كان على عدم فهم فهذا يدل على عدم عقلك وعدم استعدادك للحياة.. (فلا تك في مرية) لا اله الا الله.. فلا تكن في شك.. الان انتم كسؤال قبل ما كمل الدرس.. انتم الان على يقين ان الله اله واحد؟ نعم.. في شك؟ في حدا بيشك ان الله اله واحد؟ لا شك في ذلك.. طيب فاذا اجا وقال لك.. الالهة عشرة اذا صدقت شو بيكون عقلك ؟ ما في عقل.. انت على يقين فلا تقع في شك.. الشك يزول باليقين.. انا اذا قلت لكم معي مسبحة وصدقتوني شو بيكون؟ ايمان.. صدقتوني انه معي مسبحة.. هذا اسمه ايمان.. فاذا قلت لكم معي مسبحة وطالعتلكن ياها هذا شو صار اسمه؟ يقين.. اليقين تلات درجات : اول وحدة علم اليقين وعين اليقين وحق اليقين.. لجبلكن مثال.. مثال المسبحة انا معي مسبحة.. طالعت المسبحة من جيبتي وورجيتكن ياها هيدا شو صار اسمه ؟ عين اليقين.. واذا عطيتك ياها وسبحت فيها شو صار حق اليقين.. اما مثال اعظم من ذلك.. في مرطبان عسل.. امنت عندي مرطبان عسل.. هذا شو اسمه ؟ علم اليقين. فاذا اعطيتك ياه وصار معك شو صار اسمه ؟ عين اليقين. فاذا اخدت منه وذقته شو صار اسمه؟ حق اليقين.. فانتم على وحدانية الله علم اليقين ولا عين اليقين ولا حق اليقين؟ بدي اسمع.. حق اليقين ان الله اله واحد.. فاذا حق اليقين ما في شك.. علم اليقين فيه شك.. لما نقول لك علم اليقين معي مسبحة وصدقت هذا علم ممكن يكون صح وممكن ما يكون صح.. لكن لما شفتها شو صار اسمه عين اليقين صار في شك ؟ راح الشك.. فاذا العلم فيه شك ما لم ينتقل الى العين والعين في اضطراب ما لم يتيقن.. بدك تدوق.. مادام دقت العسل بتحسن تشك انه حلو؟ فلذلك اوعى يا اخواني يدخل عليك شك اوعى تظن ان احد من المشركين على حق.. في نقطة هون اكتر الناس يقعون فيها.. يقول لك اخي اذا كان الدين على حق ليش المسلم فقير والكافر غني؟ ما واردة هي ؟ هذا ذليل وهيداك عزيز هذا فقير هيداك غني ليش؟ الله اعطى .. يا ابني في زمن سيدنا موسى كان في 2.. واحد فقير مؤمن مع سيدنا موسى وواحد كان على غير دين سيدنا موسى.. فكان يلي على دين سيدنا موسى يأمر هيداك تعى احضر الدرس اتقي الله امن بالله كذا.. هيداك قال له اخي لسا بتدعيني تعى لامتحن انا وياك انا باخد شبكة وانت بتاخد شبكة ومننزل عالبحر منرمي هالشبكتين.. يلي بتطلع شبكته معباية اكتر بيكون الله رضيان عليه اكتر.. قبل المسلم تفضل.. نزلوا عالبحر.. هذا رمى شبكته والمسلم رمى الشبكة.. ساعة زمان سحبوا الشبكتين المسلم طلعت الشبكة تبعه فاضية ولا وحدة.. المشرك طلعت الشبكة تبعه معباية.. قال له شو يا اخونا مين دينه افضل بقى؟ فالمسلم مسكين انكسر خاطره .. مشرك... راح حكى لسيدنا موسى.. سيدنا موسى قال له يا رب شو الحكمة؟ المشرك بتعبيله الشبكة تبعه والمسلم بتطلع شبكته فاضية؟ فأوحى الله اليه يا موسى لو علم الفقير ما اخبأت له عندي لشكر نعمتي... ولو علم الكافر ما أخبت له عندي لبكى وآمن.. هذا المؤمن خبيت له عندي جنات تجري تحتها الانهار وهذا الكافر له نار تلظى لا يصلاها الا الاشقى.. فأيهما اربح؟ المؤمن يربح اكتر.. لا تظن الدنيا .. الدنيا ليست دار كرامة يا ابني.. النبي قال : ان الله يعطي الدنيا من يحب ومن لا يحب.. ولا يعطي الاخرة الا من يحب.. الله اكبر.. فمعناتها الدنيا ليست دار كرامة.. لا تظن الدنيا لها كرامة ولا رفعة الدنيا ليس لها قيمة عند الله.. لو ان الدنيا تساوي عند الله جناح بعوضة ما سقى منها شربة ماء لكافر.. فجل جلال الله فالدنيا يا اخواني حقيرة.. وليش الله عز وجل خلق الدنيا بهالحقارة هي؟ وين الايمان والاسلام ما لازم يكون.. يا اخواني الله عز وجل خلق الدنيا دار امتحان ما دار كرامة دار امتحان.. انتم قاعدين الان في الفحص.. الله يفحص المؤمن مصايب وبلايا ونكبات وتعدي وبلايا.. هل انت صابر ام غير صابر؟ من علامة الحب ، المحبوب بيصبر على اذى حبيبه.. هي علامة الحب يا ابني.. وبجبلكن ياها للنكتة انا مشان تضحكوا بس لتاخدوا درس.. لما يكون العريس والعروس قاعدين مع بعض ومكيفين.. لما عروسته بتعضه عضة بيقول لها تضربي بهالاسنان يكسر سنانك؟ هيك بيحكيلها؟ يقول لها اه يا عين الله يرضا عليك عضة تانية.. عضة لقاها حلوة لانه يحبها.. واذا اجا شي واحد بده يعضه عضة شو بيعمل فيه؟ بيكسرله اسنانه.. ليش هون صبر وهون ما صبر؟ في حب .. فأنتم يا اخواني في امتحان.. الله يمتحنك.. هل انت راضي بقضاؤه او غير راضي؟ راضي الحمد لله.. اجا الامتحان.. يفعل ما يشاء ويحكم ما يريد.. طيب وهذا المشرك دنيا وكرامة وعطاء.. الله نزلك في القرآن اسمع كلامه (ونمد له .. مدا ) يعني للظالمين نمد له مدا عافية ومال وكرامة ومكانة .. نمد له مدا.. (حَتَّىٰ إِذَا رَأَوْا مَا يُوعَدُونَ فَسَيَعْلَمُونَ مَنْ أَضْعَفُ نَاصِرًا وَأَقَلُّ عَدَدًا) الله اكبر.. هلق خلي ياخد كرامته.. لذلك ورد في الحديث : الدنيا والاخرة .. اذا الانسان المسلم عمل عملا في الدنيا يؤجر عليه اجرا في الاخرة خاصة اذا كان بذل شيئا لله يؤجر عليه.. اما الكافر اذا عمل عملا يأخذ في الدنيا اجره وليس له في الاخرة شيء.. بالاخرة ليس له ثواب.. لنقل مثلا.. عنتر اخد الصيت في الدنيا اما ما له في الاخرة؟ وما له في الاخرة من نصيب.. طيب حاتم الطائي.. اخد في الدنيا الصيت ما له في الاخرة؟ ليس له في الاخرة شيء.. طيب غيره.. يلي اخترع الكهربا.. يلي اخترع كذا .. اخد الصيت بالدنيا اما ما له في الاخرة؟ بعض المسلمين من عدم علمه يقول له اخي والله فلان المسيحي احسن من المسلم.. يا ابني مسلم لو كان عاصي وقال لا اله الا الله كلمة لا اله الا الله تدفع عنه النار يوم القيامة.. اما هيداك ما قال لا اله الا الله.. لذلك ستنا عائشة قالت له يا رسول الله كان ابن جدعان كان يطعم الطعام ويكرم الايتام ويكرم الضيوف وكان وكان .. شو حالته في الاخرة؟ قال في عذاب الله لانه لم يقل يوما رب اغفر لي ذنبي.. ما في يوم من الايام سأل الله.. بده عزة الدنيا اخد عزة الدنيا.. اما المؤمن دنيا واخرة.. لذلك الدنيا يا اخواني لا تفكروا انه اذا واحد ما عنده دنيا معناتها الله ما حابه.. لا يا ابني.. بعض الناس بيكون عم يشتغل والله فاتح عليه.. فجأة بتضيق عليه.. شد عليه.. دخيلكن شو صار.. تغيرت الحياة.. كان فوق صار تحت.. مؤمن؟ نعم.. ليش؟ من حب الله له.. الله حبك بدلك المال الكبير بحالة متوسطة.. ليش؟ لانه المال لح يغرك لح يطغيك لح ينسيك طريق الاخرة لح يشغلك عن الايمان فخفف لك ياه حتى تعيش حياة سعيدة في الدنيا وتأمن الاخرة تبعك هيدا من فضل الله عليك ومن نعمة الله عليك .. وهو ما عرفان ليش هيك صاير؟ من علامة رحمة الله لك ان لا يجعلك تغتر بالدنيا .. لا يجعلك في الدنيا تنسى الاخرة او تنسى طريق الايمان.. فعطاك يا اخواني من الدنيا ستر.. لو النبي اراد ان تكون الدنيا له.. الله بيعطيها ولا لأ؟ الله عز وجل عرض على النبي ﷺ أن تكون جبال مكة معه ذهباً.. تسير معه حيثما سار وين ما بدك جبال دهب. فقال النبي لا يا رب.. اجوع يوما واشبع يوما.. فان جعت تضرعت اليك وان شبعت حمدتك.. بيكفي.. اما جبال تمشي معك دهب ما في مانع.. فاذاً لا تفرح في الدنيا خليك دائما في الدنيا اسعى وراء الحياة الدائمة.. حياة مؤقتة وحياة دائمة.. الحياة المؤقتة يا ابني ما لها قيمة .. الحياة المؤقتة متل يلي استأجر بيت ل6 اشهر .. واحد عنده بيت ملك.. هذا مثل هذا؟ بعد 6 اشهر يقول له اخي تفضل اطلع.. اخي انا جبت ومديت بالبيت وعمرت بالبيت.. خلاص الاجار انتهى فضيه.. بدك تطلع خلص.. فانت مستأجر الان اجرة في الدنيا يا اخواني منكن قاعدين خالدين.. الخلود لله وحده.. ما تفكر انه عايش لح تعيش عمرك كله .. متى ما واحد صار له مستوى ومكانة بيفكر حاله لح يضل خالد.. ما حدا لح يخلد.. (أفإن مت ّ فهم الخالدون) (كل نفس ذائقة الموت).. فاذاً بدك تنتقل تطلع من البيت يلي مستأجره هو ملك بتزعل على حالك؟ اترك البيت الاجرة واطلع الى بيت ملك.. شلون ملك؟ الله قال : (اصحاب الجنة) اصحاب .. شو معناة اصحاب؟ معك ورقة خضرا.. ورقة طابو خضرا.. (أَصْحَابُ الْجَنَّةِ يَوْمَئِذٍ خَيْرٌ مُسْتَقَرًّا وَأَحْسَنُ مَقِيلا).. تستقر قاعد بيت ملك.. وقيلولتك فيها بالنهار وبالليل.. هذا ابني.. فاذاً الدنيا اولا كنظرة خلينا ننظر .. الدنيا قال الامام علي فيها : الدنيا جيفة وطلابها كلابها .. فاذا كان الدنيا جيفة.. الجيفة طاهرة ولا نجسة؟ نجسة.. فاذا كانت محبة الدنيا فيها نجاسة ممكن تدخل بتوب فيه نجاسة الى مسؤول؟ مدير شركة او وزير بتدخل بأواعي نجسة؟ او سهرة او مولد بتفوت باوعي نجسة؟ فاذا كان ثوبك محبة الدنيا شلون بدك توقف فيه بين يدي الله؟ فيا اخوان ما معنى الدنيا يعني كسب المال.. انتبهوا في ناس بيظنوا انه الدنيا شغل وكسب المال.. لا يا ابني .. اشتغل واجمع المال ما في مانع .. الدنيا ما شغلك عن الله.. كل ما شغلك عن الله فهو دنيا.. وكل ما قربك الى الله فهو اخرة.. فاذا اشتغلت بشعراتك عن الصلاة فأنت صاحب دنيا.. اذا اشتغلت بأكلك انت صاحب دنيا .. بدها تكون الاخرة اغلى عليك من الدنيا.. فالدنيا ليست بدار كرامة انما هي دار امتحان.. واذا كان دار امتحان بدك انت تكون مؤدي للامتحان.. صبر عن تقدير الله عز وجل رضا بتقدير الله وتدبير الله .. طاعة تقرب الى الله عز وجل .. بعدها انسان محب والمحب يرضا من محبوبه بكل قضاء.. هذا المؤمن.. فميت القلب اشد نجاسة من الدنيا يا ابني.. النبي شو سماه؟ ميت.. والميت طاهر ولا نجس؟ الفرق بين الذاكر والغافل كالفرق بين الحي والميت .. انت ذاكر ولا غافل؟ فاذا كنت غافل فانت نجس.. نجس الروح نجس القلب .. فكيف تريد ان ينور الله قلبك بنوره الطاهر وقلبك نجس؟ هل يمكن يا اخواني لواحد منكم يحط كم زيتونة بصحن وسخ؟ شوية لبن بتحطه بزبدية وسخة؟ لا.. نور الله الغالي الطاهر النقي بدك الله يحطلك ياه بقلبك النجس بغفلة وعدم الذكر؟ طهّر قلبك الله يملؤه لك بالانوار وبالاسرار ويجعلك من اهل القرب ومن اهل الانس بالله سبحانه وتعالى والا الانسان ما عم يعرف يدبر حاله.. طيب هيدول يلي اشركوا.. ما بدنا نخرج عن الاية.. (فَلَا تَكُ فِى مِرْيَةٍ مِّمَّا يَعْبُدُ هٰٓؤُلَآءِ ۚ مَا يَعْبُدُونَ إِلَّا كَمَا يَعْبُدُ ءَابَآؤُهُم مِّن قَبْلُ ۚ ) اما بالنسبة للحياة (وَإِنَّا لَمُوَفُّوهُمْ نَصِيبَهُمْ غَيْرَ منقوص) معناتها لما اتبعوا الاسباب اعطاهم الله ما يطلبون بالاسباب.. طلب الغنى بالاسباب فأغناه الله.. طلب العلم ان يكون عزيزا فاعطاه العلم.. طلب ان يكون سيد فصار سيداً.. طلب يصير وزير اعطاه الوزارة.. فشلون الاسباب في الحياة.. الله جعل في الحياة اسباب .. تتبع الاسباب تصل الى مسبباتها اما تركت الاسباب لا تصل.. خياط.. الابرة شو هي سبب.. ما هيك؟ الابرة والكشتبان سبب والخيط سبب للخياطة.. فاذا ما انوجد الابرة ولا الكشتبان ولا الخيط بيخيط؟ الطبيب .. الابرة تبعه سبب للشفاء فاذا ما انوجدت الابرة ولا انوجد الدوا ممكن المريض يصح؟ بدك تتبع السبب.. قال هيدول لما مشيوا في الاسباب في الحياة نوفيهم اجرهم نعطيهم.. ما دام اشتغل.. واحد قاعد وواحد عم يشتغل.. مين يلي الله يغنيه؟ يلي عم يشتغل.. .مين يلي بيتكرم بالحياة؟ يلي عم يشتغل.. ويلي قاعد؟ بعض اخواتكم بعتتلي رسالة زوجها لا يعمل 24 ساعة فاتح التلفزيون صلاة ما بيصلي لا بيقوم ولا بيقعد .. جيبي كاسة المي لعندي وفنجان القهوة وكاسة الشاي.. روحي جيبي الخبز جيبي الطبخة هي بدها تجيب وتقدمله وهو قاعد على التفزيون ما بيتحرك.. شو رأيك؟ قلت لها ابزقي بوجهه وقلعيه لبرا وسكري الباب بوجهه.. هذا زوج هذا؟؟ قاعد والمرا بدها تأمن له واذا ما أمنت له بهدلة ومسبات وشتائم.. هذا رجل هذا؟ فاتبع السبب.. (وَإِنَّا لَمُوَفُّوهُمْ نَصِيبَهُمْ ) منعطيه الاجر.. معناتها يا اخواني .. الحديث : عبدي حرّك يديك انزل عليك الرزق.. العوام بيقولوا : الله بيقول يا عبدي قوم لقوم معك.. هذا ليس بحديث.. ما بيجوز.. لفظ اللفظ لا يجوز تقوله.. اما الحديث ما هو ؟ عبدي حرك يديك انزل عليك الرزق.. قوم اشتغل تحرك.. اما قاعد والرزاق الله .. الله يعطيني.. بطال ما عم يشتغل والله بيعطينا.. بيروح لعند هذا بده ياخد منه وهذا بيعطيه بيروح لعنده.. عايش على صدقات فلان وصدقات فلان.. هذا لا نعطيه.. خليه يموت من جوعه لا اعطيه.. قوم اشتغل.. الله اعطاك حركة قوة.. لا تكونوا متل ذلك الانسان .. واحد كان فاتح محل وقاعد .. هو وقاعد بدكان شاف بومة عميا قاعدة على كنار الطريق .. منين عم تاكل هي.. والله لشوف منين عم تاكل.. قعد يراقبها .. نص ساعة زمان واذ عصفور دوري جاي حامل توتة بفمه زقزق فتحت فمها وقام حط التوتة بفمها.. اخذه الحال .. الله الله دخيل الله.. شو باك؟ قال الله ما نسي بومة عميا الله لح ينساني انا؟ سكر المحل وطلع عالصحرا شاف مغارة فات قعد بهالمغارة.. قعد بالمغارة شو بده يعمل قال خليني اذكر الله مشان الله يرزقني.. عم يذكر الله مشان حب الله ولا مشان الاكل؟ اشتغل.. اه اه اه.. هذا الذكر؟؟ بدك تذكر الله الله الله الله.. هذا الذكر.. فضل يقح يقح للضهر ما حدا اجا للعصر ما حدا اجا للمغرب ما في حدا.. للعشا .. ما عاد فيه.. بات ليلتها على جوع.. تاني يوم فز يا الله .. اه اه اه اه.. للضهر ما في نشفوا البنزينات وخلصوا الزيتات تقطق جسمه انرمى بالارض عم ينفض ايديه واجريه .. جوع.. العصر مارقة قافلة واحد من القافلة قال لهم لك يا جماعة الدنيا حامية هلق شوب فوتوا خلينا نقعد شوي بهالمغارة نتغدى ساعة زمان ونقوم نمشي فاتوا عهالمغارة شافوا اخونا بالله عم ينفض بايديه واجريه .. خير ان شاء الله.. طالعين عليك مشلحين؟.. قال لهم لا.. حماتك مقلعتك؟ لا .. متخانق انت ومرتك؟ لا.. ما عاد حكا كمان كزوا سنانه جوعان.. شو باك؟؟ شو معناتها ؟ بده ياكل.. ساووا شوية اكل اجوا بدن يطعموه لك افتح.. بالملعقة نزلوا شوية شوربا .. الحمد لله الذي لم ينسا من ذكره.. فواحد منهم قال له لك اخي شو قضيتك انت ؟ حكاله قضية البومة العميا والعصفور الدوري.. قال له يخرب بيتك والله لو اعرف قصتك ما سقيتك نقطة مي.. يخرب بيتك ما فيك عقل؟ الله ورجاك البومة العميا وورجاك العصفور الدوري.. ليش ساويت حالك بومة عميا ما ساويت حالك عصفور دوري؟ كول وطعمي غيرك... يخرب بيتك والله ما كان لازم نطعميك لقمة.. سكر دكانته وطلع قال مشان الله يرزقه.. هذا يا ابني الجهل.. الله يرزقك لما تشتغل.. اعملوا.. سيدنا داوود نبي الله .. الله شو قال له ؟ (اعملوا ال داوود شكرا).. ما قال له قولوا.. قال له : اعملوا.. شكر بالعمل.. اعملوا ال داوود شكرا.. ما تظنوا ان العلماء صاروا هيك يا ابني.. سيدنا الامام ابو حنيفة رضي الله عنه وارضاه كان يشتغل بالتجارة كان بياع قماش.. يشتغل من الصبح للعصر من العصر يقعد هو واخوانه ابو يوسف والامام محمد والامام.. يقعدوا يراجعوا الايات ويطالعوا الاحاديث عمل وانتاج.. انا ما هيك صرنا.. اشتغلت عدة صنعات بفضل الله اتقنت فيهم 4 صنعات : طحّان عند الوالد اتقنتها.. الحلاوة بالطحينة اتقنتها 9 سنوات شتغلت فيها.. الحليب والجبن 3 سنوات .. بالبناء اشتغلت 3 سنوات مكنسيان شتغلت سنتين ونص.. ما فيا شي.. وانا عم بدرس وانا عم بقرأ.. اما قاعد بده يجي الرزق من السما .. ما بيجي.. ﷺ : لو توكلتم على الله حق التوكل لرزقكم كما يرزق الطير تغدو خماصاً بطونها فاضية.. وتروح وترجع معبى بطنها.. مين رزقها؟ الذي يرزق الخلق.. رزاق العباد كلها.. فيا ابني بدها همة ما بدها كسل.. اجتهدوا لتكونوا بهمة الايمان.. (وانا لموفوهم نصيبهم) فالكافر الله بيعطيه.. اليهود الله يرزقهم يسقيهم المياه ويطعمهم والنصارى والمجوس.. وبقية الخلق الوحوش عم يطعمها والنمل والفيل وكل الخلق الله يطعمهم.. بس قوم تحرك.. الوحوش بيقعد بالعش تبعه وبيستنا تجي الفريسة لعنده؟ بيطلع بالبراري حتى يشوف الغزلان بيهجم عليهم .. اذاً بدك تسعى وراء السبب.. فالله عز وجل ما بينقص انسان في حياته شيء.. الله رزاق لجميع الخلق.. بس انت تحرك نحو الرزق الله يرزقك.. هذا كرزق للدنيا.. رزق الدنيا الحقير الله ضامنلك ياه.. رزق الاخرة بدون شغل؟ بدك انت تشغتل يا ابني.. اذا كان 5 ليرات بدك تشتغل ساعة .. ساعة ونص.. مشان جنة عرضها السموات والارض بتجيك ببلاش؟ الاخرة بدها عمل جهد حب اخلاص توفيق.. توبة.. بدك تجد لتصل لها.. فلا تظنوا ان الايمان بالكلام ولا تظن انه اذا صليت يعني صرت صاحب دين.. لا يا ابني.. بدك تجمع العلم والايمان والعقل والاخلاق.. بيجمعهم يلي بيحضر مجلس علم بتوفيق الله الله عز وجل بيوفقنا.. فالله عز وجل يجازي الكفار في الدنيا على حسب اجتهادهم واتباعهم للاسباب الله يعطيهم.. (وانا لموفوهم) نعطيه الاجرة الكاملة.. (وانا لموفوهم نصيبهم غير منقوص) ما مننقص عليهم.. طيب كفرة ما اجتهد؟ بياخد على قد اجتهاده.. طيب المسلم ما عم يجتهد.. منعناه.. ما عمل.. الدنيا دار عمل ولا اجر والاخرة دار اجر ولا عمل.. بالاخرة بتاخد الثواب صلاة ما في صيام ما في حج ما في.. بالاخرة بتاخد ثواب الطاعات يلي عملتها في الدنيا.. اما هون بتعمل وهونيك الاجرة.. (وانا لموفوهم نصيبهم غير منقوص) .. ﷺ .. لما دخل سيدنا عمر لعند النبي ﷺ .. دخل لعنده شايفه نايم على حصير اثّر بجنبه.. سيدنا عمر بكي.. خير يا ابن الخطاب شو باك؟ قال يا رسول الله كسرة وقيصر يتنعمان على الحرير وانت رسول الله قد أثّر في جنبك الحصير؟ فقال النبي يا عمر : الا ترضا ان تكون لهم الدنيا ولنا الاخرة؟ بالاخرة ما لهم نصيب.. وما له في الاخرة من نصيب.. ما في لهم بالاخرة.. بالدنيا اخدوا بالدنيا.. الدنيا كلها ما بتسوا قشرة بصلة.. راحت.. عم يجمع.. جمع .. اكبر الاغنياء قديش جمع؟ اظن 300 مليار دولار.. هذا اكبر الاغنياء.. كتب الوصية تبعه .. ظننت ان لذة الدنيا بالنساء.. فجمعت النساء حتى مللت منهن.. وظننتها بجمع المال فجمعت المال حتى كنت اغنى انسان في العالم وظننت انها تكون باللهو واللعب فمللت اللهو واللعب.. ما وجدت السعادة.. قال : فحاولت ان اقتل نفسي لعلي اجد السعادة.. قتل نفسه وتارك 300 مليار دولار.. وين السعادة؟ (ولنذيقنهم من العذاب الادنى دون العذاب الاكبر).. هذا كان يا سبحان الله .. لو التقى بمسلم وعلمه كان وجد السعادة.. وجد السعادة يلي ما في بعدها سعادة.. لا اله الا الله.. الله يجعلنا من الصادقين.. اذاً (وانا لموفوهم نصيبهم غير منقوص) قال ﷺ : من احب دنياه اضر بآخرته ومن أحب اخرته اضر بدنياه فآثروا ما يبقى على ما يفنى.. وفي حديث الامام مسلم قال : ان الله لا يظلم مؤمناً حسنة يعطى بها في الدنيا ويجزى بها في الاخرة.. دنيا واخرة.. واما الكافر فيُطعم بحسنات ما عمل بها لله في الدنيا .. عمل ميتم اكرم ايتام اكرم فقراء عمل.. اعمال صالحة.. يُكرم بها في الدنيا.. حتى اذا افضى الى الاخرة لم تكن له حسنة يُجزى بها.. فاذا اخد حصته في الدنيا بالاخرة ما له شي.. (مَّثَلُ الَّذِينَ كَفَرُوا بِرَبِّهِمْ ۖ أَعْمَالُهُمْ كَرَمَادٍ اشْتَدَّتْ بِهِ الرِّيحُ فِي يَوْمٍ عَاصِفٍ) الرماد الصفوة .. طلع عليها الريح شو بيعمل فيها ؟ طيرها كلها.. هيك اعمالهم هيك صارت.. (وَالَّذِينَ كَفَرُوا أَعْمَالُهُمْ كَسَرَابٍ بِقِيعَةٍ ) السراب يلي بيكون ماشي قدام بيشوف كأنه في مياه لما يصل ما بيلاقي .. هيدا السراب اسمه.. (وَالَّذِينَ كَفَرُوا أَعْمَالُهُمْ كَسَرَابٍ بِقِيعَةٍ يَحْسَبُهُ الظَّمْآنُ مَاءً حَتَّىٰ إِذَا جَاءَهُ لَمْ يَجِدْهُ شَيْئًا وَوَجَدَ اللَّهَ عِندَهُ فَوَفَّاهُ حِسَابَهُ والله سريع الحساب).. اسال الله ان يجعلني واياكم من اهل محبة الله وان يرضا عنا وعنكم رضاء لا سخط بعده.. خليكن يا احبابي دائماً التقليد لاهل الايمان واهل التوفيق.. اما اياكم ان تقلدوا.. هلق اكثر الناس عم يقلدوا المشركين.. عم يقلدوا الكفرة .. ان طلعوا بموديل بيصير كل الناس بدها تعمل فيه الرجال والنساء .. طولوا سوالفهم طولنا سوالفنا عملوا شارلستون عملنا شارلستون .. هلق صار الحلاقة المنكرة في الاسلام.. ناعم من جنبيها ومن نصها النص طالع.. هذا عمل المشركين.. عم نطبق عمل المشركين وتركنا سنة النبي الله عز وجل يرحمنا ويرحمهم جميعا ويرحم يلي بيقول كمان لا اله الا الله..