بتوفيق الله وبفضله معنا مجلسين المجلس الاول من ساعة الوفاة الى البعث والمجلس التاني اجى من البعث الى ما بعده. البعث كان الخاتمة والحساب بين يدي الله ثم بعد الحساب فريق في الجنة وفريق في السعير ناس في الجنة وناس في النار.
فَأَمَّا الَّذِينَ شَقُوا فَفِي النَّارِ لَهُمْ فِيهَا زَفِيرٌ وَشَهِيقٌ .خَالِدِينَ فِيهَا مَا دَامَتِ السَّمَاوَاتُ وَالْأَرْضُ إِلَّا مَا شَاءَ رَبُّكَ ۚ إِنَّ رَبَّكَ فَعَّالٌ لِّمَا يُرِيدُ . وَأَمَّا الَّذِينَ سُعِدُوا فَفِي الْجَنَّةِ خَالِدِينَ فِيهَا مَا دَامَتِ السَّمَاوَاتُ وَالْأَرْضُ إِلَّا مَا شَاءَ رَبُّكَ ۖ عَطَاءً غَيْرَ مَجْذُوذٍ.
لح نشرح الاشقياء ما حطول عليكم مناخد جزء بسيط لان الله أمركم بالتقوى ومناخد السعداء الله يجعلنا منهم يوم القيامة.
الاشقياء الذين شقوا ما هو سبب شقائهم حتى يتجنب الانسان ..الشقاء نكد العيش وسوء العيش وضيق العيش الله ذكر لنا حالة الاشقياء في الدار الآخرة عندما يدخلون جهنم وصفها ( لهم فيها شهيق وزفير) الشهيق لما ياخد الهوا الواحد ولما يعطي الهوا صار اسمه زفير) فيستنشقون هواء النار والنار عم تحرق جواتهم ويخرجون النار نعوذ بالله منها.
فيها شهيق يدخل الى بطونهم وهم نار مع ان الانسان بالاول بياخد الشهيق بعدين الزفير. ثم يخرج الزفير منهم بصورة مزعجةومرهقة ففي النار لهم زفير وشهيق فالله بدأ لهم بالزفير معناتها قصبةالهواء الي الهن سيئة قاسية بدو يدخل اليهم نار ويخرج نار فنعوذ بالله تعالى ..متل ما الانسان اذا كان بده يستنشق الهوا وكان حامي شوي كمان اذا كان بارد شوي شلون بيتأذى ؟ فكيف لو كان الهواء نار من السموم ؟ نسأل الله العفو والعافية.
فذكرلنا الزفير اولا والشهيق حالة متعبة في جهنم مع العذاب والشدة خالدين فيها كل من يدخل الجنة من غير الموحدين خالد في نار جهنم خلود ابدي دائم لا خروج منه اذا لم يكن موحدا ..كل انسان مات وفي قلبه شرك بالله وعدم وحدانية الله فهو في جهنم خالداً ابداً لا خروج من النار مهما طال الزمن فمن طول الزمن بيصير جمرة من جمرات جهنم الجمرة بتتأثر بالنار ؟ لكن الله عز وجل كل فترة ببيدل جلودهم… (كُلَّمَا نَضِجَتْ جُلُودُهُم بَدَّلْنَاهُمْ جُلُودًا غَيْرَهَا لِيَذُوقُوا الْعَذَابَ) ولو كان صار جمرة كل مرة ربنا يبدل جلودهم حتى يذوقوا العذاب بانهم كانوا في الدنيا مع اختيار الله لهم ..الله اعطاهم الاختيار والعقل وارسل لهم الانبياء والدعاة والبيوت والمساجد وعلم تركوا الكل والتفتوا الى شهواتهم وأهوائهم من غير تفكير ولا عقل فلأنهم اهملوا ما اعطاهم الله يعذبون خالدين في نار جهنم( كلما أَرَادُوا أَن يَخْرُجُوا مِنْهَا مِنْ غَمٍّ أُعِيدُوا فِيهَا وَذُوقُوا عَذَابَ الْحَرِيقِ) كل ما بدهم يخرجوا بيرد بيرجعهم اليها ونقول لهم ذوقوا عذاب الحريق ذاك العذاب( ذَٰلِكَ بِمَا قَدَّمَتْ أَيْدِيكُمْ وَأَنَّ اللَّهَ لَيْسَ بِظَلَّامٍ لِّلْعَبِيدِ ) ليش هادا العذاب ؟ الجنة دار اهل التقوى دار الصفاء والنقاء لا هم ولا غم ولا حزن ولا تشويش صفاء هؤلاء كانوا في الدنيا نجسين والنجاسة قد ما غسلتها ممكن تتطهر مهما غسلناه؟ لو اراد الانسان ان يغسل قطعة غائط كم مرة حتى تطهر؟ وهؤلاء نجسين العقيدة عقيدتهم نجسة ولما كانت نجاستهم بالشرك ما بتطهر بدها غسيل في جهنم .(يُصَبُّ مِن فَوْقِ رُءُوسِهِمُ الْحَمِيمُ .يُصْهَرُ بِهِ مَا فِي بُطُونِهِمْ وَالْجُلُودُ) كل ذلك لانه نجس لا يمكن طهارته واذا كان نجس ما بيطهر خالدين فيها هذا السبب خلود في جهنم انهم يطهرون.
اما اهل التوحيد من قال لا اله الا الله واعترف بوحدانية الله ولو أخطأ وأذنب وعصى يدخل الى النار بمقدار ما يتطهر .في واحد اذا فركناه ليفتين تلاتة بيطهر واحد وسخ اذا فركناه ليفتين تلاتة بينضف اما واحد ملوت بالدهن بالزيت ليفتين تلاتة ما بينضف بدو اكتر وكيس حمام فركه ..واحد ملوت بالدهن بتغسلوا بمي سخنة ما بينضف بدو تنضيف ببنزين بزيت الكاز كله حتى الزيت لو غسلناه بالمي بدو زيت الكاز وبالمرغانات بالسبيرتو بالمي بالصابون بعدين بينضف.
فبيتعذب بنار جهنم بمقدار خطاياه ممكن شهر سنة عشر سنين ومنهم يعذب في النار ثمانين الف سنة في جهنم مين هاد؟ الي بياكل الرشوة منشان يخفف عنهم الضريبة هادا عذابه في جهنم. لكن بالنتيجة يخرج من النار وعلى باب الجنة في عين ماء اسمها ماء الحياة بيغطوه فيها فيخرج ابيضا نقيا يدخل الى الجنة اهل الجنة بيسموهم الجهنميون متى ما دخل الى الجنة رُفع عنه هذا الاسم .فعذاب جهنم نوعين نوع خلود ونوع مؤقت ..المؤقت للموحد فممكن يكون في حياته قال مرة لا اله الا الله ثم ارتكب خطايا فهنا يعذب في النار على قدر ما ارتكب من الذنوب .. كيف ؟ منشان خفف لكم المعنى كلما ارتكبت ذنب اندهن دهنة .دهنة فوق دهنة صار مدهون عشر طوق او عشر انواع فكل نوع بده غسيل طرف فبده يقعد عشر سنين حتى ينضف بيتم عم ينضف . اما الانسان المؤمن الذي يرتكب الخطايا ثم بعد الخطيئة قال استغفر الله واتوب اليه .ندم وتاب واستغفر فالذنب يمحى والخطيئة تمحى ويلقى الله وليس عليه خطيئة فالي اواعيه نضيفة وجاكته وطقمه وصار نضيف ودُعي الى عرس بيروح ؟ بيروح نعم اواعيه نضيفة تفضل الى الجنة ادخلوها بسلام اما الملوت ما في فوتة هو ما بيرضى يفوت ولو قلنا لك فوت . مثلا واحد مكنسيان قاعد بالمحل وقفت سيارة عباب المحل نزل شرطي معه سلاح وقف له ضرب له سلام قالو سيادة الرئيس طالبك تتغدى معه هلق تفضل السيارة موجودة بيمشي معه؟ بيقله الله خليك بدي غسل ..بيقلو هلق ..بيقلوا والله ما بروح بها الاواعي ..ناطرك الرئيس عالغدا ..ما بيروح بدو يغسل ويبدل اواعيه انفتح له الباب ما راح لان ما في شي يناسب هاللقاء اما لو كان أواعيه نضيفة وقاعد عالكرسي بيروح بيمشي… ولو أمرت ان تدخل الجنة وقالوا لك تفضل بتقله يا رب دخيلك بدي اتغسل اول دخلوني غسلوني انا وسخ ما بفوت انت الي بتطلب انه تفوت عالحمام تتغسل اول..
لذلك توبوا الى الله في حياتكم من الذنوب والخطايا قبل ان تنتقلوا الى الدار الآخرة خالدين فيها ما دامت السموات والارض .
السموات والارض في الآخرة غير سموات الدنيا. (يَوْمَ تُبَدَّلُ الْأَرْضُ غَيْرَ الْأَرْضِ وَالسَّمَاوَاتُ) غير هاي السماء اما في الآخرة في سماء الجنة سماء الجنة انوار سماء جهنم كلها نار( لَهُم مِّن فَوْقِهِمْ ظُلَلٌ مِّنَ النَّارِ وَمِن تَحْتِهِمْ ظُلَلٌ ۚ) نار من فوق ونار من تحت وهني نار وعايشين بالنار ..نسأل الله السلامة. فالله عز وجل بيحطهم بجهنم (ما دامت السموات والارض) الى ما شاء الله. فالله عز وجل يشاء ان يخرج الموحدين من نار جهنم هادا عند الدخول بعد دخولهم الى النار قبل العذاب تحاسبوا وتحاكموا دخلوا الحدود على النار بس بعد ما بدأ العذاب واهل الجنة دخلوا ..ينادي المنادي يا اهل الجنة أشرفوا بيطلعوا على الشرفة ..يا اهل النار أشرفوا بيطلعوا كمان يؤتى بالموت بكبش املح بتعرفوا شو هاد؟ نعم كلهم بيعرفوا انه هادا الموت النبي ﷺ (قال يذبح على الصراط وينادي المنادي يا اهل الجنة خلود فلا موت ويا اهل النار خلود فلا موت وقال ولو قيل لاهل النار انكم ماكثون في النار عدد كل حصاة في الدنيا لفرحوا فيها) .قاعدين في النار قديش؟عدد حصاة الدنيا بيجي يوم ينتهي وبيطلعوا ما في طلعة .(ولو قيل لاهل الجنة انكم ماكثون في الجنة عدد حصاة الدنيا لحزنوا ولكن جعل لهم الابد) ابدي لا يتبدل ولا يتغير يتم عمرك متل ماهو مافي كبر هون عم تكبر كان عشرة صار عشرين خمسين اما في الجنة يتم عمرك تلاتة وتلاتين سنة من غير ان تكبر عمر دائم ناس بيستغربوا شلون؟ لا تستغرب هلق حواجبك ورمش عيونك من يوم ما خلقت لهلق قديش زاد؟ ما زاد خالد ستين سنة ورمش عيونك لو عم يزيد كل عشر سنين نص ميل كان غطى خدك لكن ما بيزيدوا قلبك معدتك ما زادت من خلقت لوقت تموت في شي اسمه خلود من غير تغيير او تبديل ..ذبح الموت. اقذفوهم في النار فيلقوا في النار يقذفوهن نسال الله العفو والعافية. لما يقذفوا في النار دخيل الله ما اعظم حكمته ..دخل المؤمنين والكفار .فبعض الكفار بينظروا الى المؤمنين انتو ما كنتوا مسلمين ؟ نعم. ما كنتوا تصلوا ؟ نعم .ما أغنى عنكم اسلامكم وما اغنى عنكم دينكم هاي دخلتوا عالنار معنا.. فيقال كانت لنا ذنوب فدخلنا بها. فيسمع الله سبحانه وتعالى ما قالوا فيأمر جل وعلا ان من كان من اهل القِبلة طلعوهن فبيطلعوا كلهن فلما رأى ذلك اهل النار قالوا يا ليتنا كنا مسلمين فنخرج كما خرجوا. لكن الله تعالى قال( رُّبَمَا يَوَدُّ الَّذِينَ كَفَرُوا لَوْ كَانُوا مُسْلِمِينَ) لكن يا ريت عمرها ما كانت تعمر بيت .. فلما بين لنا النبي ﷺ الي بيدخلوا الى نار جهنم حديث طويل.
حتى اذا خلص المؤمنين من النار والذي نفسي بيده ما منكم احد اشد منا شدة لله من استقصاء الحق من المؤمنين لله يوم القيامة لاخوانهم المؤمنين من النار. دخلوا اهل الجنة الى الجنة ودخلوا اهل النار الى النار ..اهل الجنة ما بيعرفوا يارب كان النا احباب بيقرأو القرآن وبيذكروا معنا ويصلون ويحجون فيقال لهم ..الله يقول للمؤمنين الذين دخلوا الجنة بتعرفوه؟ أخرجوا من عرفتم ..فوتوا عجهنم طالعوا يلي بتعرفوه فتحرّم صورهم عن النار بيفوتوا لابسين بدلات ما بتأثر عليهم النار فيخرجون خلقا كثيرا قد اخذت النار الى نصف ساقيه والى ركبتيه يقولون ربنا ما بقي فيها احد ممن أمرتنا ..فيقول الله تعالى ارجعوا فمن وجدتم من في قلبه مثقال دينار من خير فأخرجوه ..هاي شفاعة اهل الايمان روحوا فيدخلون النار مرة تانية فيُخرجون خلقا كثيرا ثم يقولون ربنا لم نذر فيها احد ممن أمرتنا ..فيقول ارجعوا فمن وجدتم في قلبه مثقال نصف دينار من خير فأخرجوه. قديش المؤمنين عندهم كرامة عند الله هاي كرامة المؤمنين بيردوا بيرجعوا فيُخرجون خلقا كثيرا ثم يقولون ربنا لم نذر فيها ممن امرتنا ابدا فيقول ارجعوا فمين وجدتم في قلبه مثقال ذرة من خير فأخرجه.. الله يهني يلي اله مؤمن او صاحب مؤمن يلي مجالس مؤمن الله يهنيه هاي نهايتها فيُخرجون خلقا كثيرا ويقولون ربنا لم نذر فيها ممن أمرتنا فيقول الله تعالى شفعت الملائكة وشفع النبيون وشفع المؤمنون ولم يبق الا ارحم الراحمين فيقبض قبضة من النار فيُخرج منها قوما لم يعملوا خيرا قط وفي حياته مرة واحدة لا اله الا الله. ف قد ما قعدوا بجهنم صاروا جمر فيلقيهم في نهر في أفواه الجنة يقال له نهر الحياة فيخرجون اكثر بياضا وجمالا يقال لهم الجهنميون ثم يدخلهم الله الجنة بفضل رحمته. ان ربك فعال لما يريد .فعال يعني لا يُسأل عما يفعل جل جلال الله. وأما الذين ُسعدوا (خلصنا من الاشقياء ما حنطول ) واما الذين سُعدوا الله يجعلني انا واياكم منهم. آمنوا بالله وعملوا الاعمال الصالحة واتبعوا الرسل وحلفائهم وورثاء الرسل اتبعوهم ..فلا يوجد مكان ولا زمان يمضي الا من قائم في حجة الى قيام الساعة إلا لينوجد من يعرّف عن الله ودينه في الدنيا. الملائكة تنزل تحضر مجالس العلم يصعدون الى الله تعالى فيقول لهم أين كنتم ؟ يقولون يارب كنا في مجلس علم وذكر ومن دعوا الى الله فالله يسال الملائكة شو عم يستنوا؟فيقولون يارب يرجون رحمتك ويخافون عذابك. انتو هيك؟ ترجون رحمة الله وتخافون عذابه ؟ (نعم يقول الحضور) فيقول الله تعالى وماذا يطلبون ؟ يطلبون الجنة.. فيقول الله تعالى وهل رأوها ؟ لا والله يارب لم يروها. فيقول الله فكيف لو رأوها؟ فيقولون كانوا اشد طلبا في ذلك .يتشددوا بالطلب ويقول الله مما يخافون ؟ فيقولون من النار .وهل راوها؟ فيقولون لا يارب .. فيقول الله تعالى فكيف لو رأوها؟ فيقولون كانوا أشد فرارا منها. فيقول الله تعالى اشهدوا علّي اني قد غفرت لهم... لكل القاعدين غفرت لهم فيقول الملائكة يارب فلان ليس منهم ..هادا ما جاي عالدرس هاد جاي بدو يشوف رفيقه جاي بدو يتصنت جاي يشوف شي زلة. فيقول الله تعالى هم القوم لا يشقى بهم جليسهم دخلوا فيهم.. مادام دخل فيهم دخلوه فيهم وهو معهم.. الله أكبر فإذا كان لا يشقى بهم جليسهم فمعناها اشكروا الله على ما أعطاكم مين الهمكم ؟ الله ..مين وفقكم ؟ الله. من أتى بكم الى بيته ؟الله .مين طلبكم تفوتوا على بيته ؟الله دخلكم لبيته وبيطالعكم وانتو أخصام وأعداء ولا أحباب ؟ اشكروا الله على ما انعم ..الحمدلله .
واما الذين سعدوا ففي الجنة خالدين فيها نعم في الجنة هادا نتيجة ذكر الله نتيجة التقوى خالدين فيها .. الجنة نعيم كامل عطاء لا حدود له حياة غير ما يعرف الناس في هذه الحياة اولا ما فيها تعكير لصفوك ولا حياتك (لَا يَسْمَعُونَ فِيهَا لَغْوًا وَلَا تَأْثِيمًا) الله. النبي ﷺ حدثنا بشيء يدهش العقل فلنسمع .. قال النبي ﷺ .مين سمعان ؟سمعانين ؟نعم لح يخاطبكم مين؟ يعني حديث النبي حيخاطبكم ألا شو معنى ألا؟ انتبهوا ألا هل من مشمر الى الجنة ؟ نعم عم يسألكم منقول يا رسول الله اي وصفلنا الجنة أول فقال ﷺ فإن الجنة لا خطر لها لا مثيل ولا شبيه لها هي ورب الكعبة نور يتلألأ كلها بالجنة ما في شمس ولا قمر (لَا يَرَوْنَ فِيهَا شَمْسًا وَلَا زَمْهَرِيرًا ) نورها كله يتلألأ تعيشون في هذا النور وريحانة تهتز الورود والريحان هالرائحة الطيبة عم تهز لان الريحان ما بتطلع ريحته الا حتى يهز ما هيك؟ وقصر مشيد قصر عالي قديش علو هالقصر ؟ على حسب درجاته اذا القصر فيه 20 درجة كل درجة بالف سنة يعني 20 الف سنة ارتفاع .. واذا كانت درجتك خمسين او تمانين يعني 80 الف سنة ارتفاع عن ارض الجنة .فقصر مشيد ونهر مضطرب نهر ماشي عم تتلاشى امواجه لا تطفوا انه نهر الجنة. اما النهر هون عليه حاجز قال النبي ﷺ انها تجري من غير حاجز عن اليمين والشمال أما ارض الجنة فمن اللؤلؤ وحصائها فمن الدر والياقوت واما طينها فمن المسك الأغبر شو هالمنظر؟ لا يخطر عالبال ما ممكن تفكر بها الشي اذا هون ساقية ارضها بلاط ابيض وحاطط فيه كم حجرة حمرا وصفرا فبيكيّف ....واذا كان نهر مضطرب بهالوصف . قعدنا عالنهر هيك عالناشف لا ففاكهة كثيرة نضيجة مستوية ما في فاكهة عجرة بتاكل فاكهة مستوية بتقطف من الثمرة وانت قاعد قال الله تعالى( قطوفها دانية) واصلة قدام تمك بتاخد بتاكل ترجع الثمرة متل ما هي كل واحد ثمر الجنة في قصره لا تطلع لبرا عالباب. (قُطُوفُهَا دَانِيَةٌ. كُلُوا وَاشْرَبُوا هَنِيئًا بِمَا أَسْلَفْتُمْ فِي الْأَيَّامِ الْخَالِيَةِ ) بما قدمتم بالايام الخالية بالدنيا تعبت بالدنيا هون بتاكل بدون تعب وفاكهة كثيرة نضيجة والنهر قدامك والريحان عم تهتز شو بقى بدها ؟ والله بدها كيّف يعني قال وزوجة حسناء جميلة الله ما في فنجان قهوة مرة شو حسنها ؟ انظروا يا أحبابي النبي ﷺ يخاطبنا قال المرأة تلبس سبعين حلة ويُرى مخ ساقها من فوق السبعين حلة. معناتها جسمها بلوري ولا كريستال دخيل الله شو هالجسم الناعم الابيض وشو هالاواعي الي لابستهم عم ينشاف من فوق السبعين بدلة يعني جمالها… عم يشوفوا حالهن هون اذا كانت شوي بيضا بالدنيا ايه الله يستر ما تطلع بالنسبة الهن حبشية. جمال نساء الجنة غير هون. عليه الصلاة والسلام قال لو ان امرأة من اهل الجنة ظهر معصمها لأهل الارض لملأت ريحها مسكا ولأطفات نور الشمس والقمر… ايدها اذا بينت ما بقى لا شمس ولا قمر شلون اذا كشفت عن وجهها؟ اهلا بحبيب القلب. ((((ابتسم سيدنا )))) لك يضرب الي بيبيع الفاني بالباقي. ها الحياة بتنباع بشهوة الدنيا؟ الله. وزوجة حسناء كل يوم بتلبس بدلة جديدة حرير الجنة( يُحَلَّوْنَ فِيهَا مِنْ أَسَاوِرَ مِن ذَهَبٍ وَيَلْبَسُونَ ثِيَابًا خُضْرًا مِّن سُندُسٍ وَإِسْتَبْرَقٍ) بدك تلبس اساور لمحل الوضوء بايديك واجريك والتياب الخضر من سندس يعني الحرير الرقيق والاستبرق الحرير السميك امشي بالجنة..
شافوا الامام احمد الله يرضى عنه بالجنة ماشي لابس نعل دهب وعم يتمختر قالوا لو شو هاد يا امام قال هذا جزاء من يغفر الله له .. الله غافر لي دلال تدلل هونيك وحلل كتير في مقام ابدي مافي طلعة.. ونضرة في دار عاليه سليمة بهية ..لا فيها غيبة ولا نمينة ولا حزن ولا زعل نضرة شو النضرة جمال الوجه..
ورد في بعض الاحاديث اهل الجنة. بيكونوا مع زوجاتهم فيُنادون الى لقاء الله بيروحوا لما يرجعوا بتقلهن زوجاتهم رجعتم بجمال غير الجمال الذي ذهبتم فيه فقالوا ناجانا الله تعالى فتجلى علينا. هادا الجمال هونيك ..مين المشمر لهذه الجنة؟ قال الصحابة نحن المشمرون لها يا رسول الله .مين المشمر لها ؟ ((ما طلع حسكم))) ابتسم سيدنا قال الحاضرون نحن فقولوا انشاء الله يجعلنا منهم..
مرة اب شاف ابنه فاتح كتاب قله يا ابني شو عم تقرا قله يا بابا بدي قدم بكالوريا .قله يا ابني الباكالوريا بدها هز كتاف.. قله بعرف يا بابا بدها هز كتاف يوم الامتحان دخل عالغرفة قعد صار يهز كتافه شافه المراقب قله شو عم تعمل يا ابني قله بابا قلي البكالوريا بدها هز كتاف عم هز كتافي ...قله مانك دارس قله لا طرقوا طيارتين تلاتة وطالعه برا… الجنة شو بدها؟ بدها هز قلب بحب الله بحب رسول الله هز قلب بذكر الله اذا ما حتذكر ما رح تصل لهون ..يا اخواني رزمة فجل ما بتاخدها ببلاش روح عند الخضرجي وخدها وقله الله يخليلنا ياك بقلك يا تدفع حقها يا بخلصك ياها ..جنة عرضها السموات والارض بدكن تاخدوها ببلاش ما في… لذلك جدوا واجتهدوا قيام الليل تهجد ذكر الله حفظ القرآن ابذل الجهد يا ابني احسن ما تدخل جهنم احسن ما يجوا الصالحين يطالعوك من جهنم ليش ما بتتدخل انت وبتطالع رفقاتك من جهنم ولا تقعد تستنى بجهنم حدا يطالعك وبركي ما طالعوك بسنتين و3 ونار لهم من فوقهم ظلل ومن تحتهم ظلل يا ابني جدوا حياة كل عمرها خمسين ستين سنة هادا اذا طال عمرك خمسين ستين وعيش عمرك حياة ابدية لا نهاية لها بكل عز وكرامة لا اله الا الله صليت قريت قرآن هنيئا لك اما لا تفكر يا ابني بدك تصل الى الجنة بالكلام . حتى العمل الي عم تعمله ما تفكر انه حتفوت فيه عالجنة ..الجنة لا يدخلها الانسان بالعمل لو كان عامل عمل الانبياء .. دخول الجنة برحمة الله واقتسام المنازل فيها بقدر الاعمال ممكن تقعد طابق اول طابق تاني الجنة مئة درجة الدرجة الاولى من الفضة آنيتها و اكوابها وما فيها كله فضة الدرجة الثانية من الذهب والدرجة الثالثة من اصناف الجوهر الياقوت زمرد لؤلؤ ..97 درجة ما لا عين رأت ولا اذن سمعت ولا خطرت ببال بشر لذلك شدوا الهمة الي بيشد الهمة بيصل الي بيتكسلن بيجي متأخر والنبي ﷺ قال من جاء متأخرا تأخر عن دخول الجنة. تتأخر تدخل الجنة متأخر تجي بكير تدخل الجنة بكير انتبهوا قال لن يدخل الجنة احدا بعمله قالوا ولا انت يا رسول الله قال ولا انا إلا ان يتغمدني الله بفضل رحمته( (((ووضع سيدنا على رأسه كما فعل النبي ﷺ ))). اذا نحن شو عملنا قدام عمل النبي لكن منجتهد ممكن واحد قاعد ما منتبه قال لا اله الا الله اجى عبالك قلت لا اله الا الله مخلص من قلبك هذه الكلمة لو وزنت السموات السبع والاراضين السبع بتطبش عليهن في واحد ذنوبه قد السموات والارض لا اله الا الله طلعت هيك من قلبك مخلصا فيها وزنت السموات السبع والاراضين السبع ممكن هالكلمة تسعدك سعادة الدنيا والآخرة كلمة واحدة لا تضيعوا فرصة من الفرص عليكم انت وقاعد سهران وانت عم تاكل عم تشرب مشغول اذكر الله ما بتعرف باي لحظة تكون شفاعتها لك خالدين فيها إِنَّ الَّذِينَ آمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلًا ).. شو الفردوس؟ بعض الصحابة كانت متل حكايتنا عالدروشة يعني متل حكايتكم قال لو دخلني الله عباب الجنة انا رضيان. ماني اهل فوت عالجنة سمع النبي ﷺ وقال اذا سألتم الله فاسألوه الفردوس الاعلى فان سقفها عرش الرحمن. وين اذا سألتوه عباب الجنة ؟ اخر واحد بيطلع من جهنم ما بيرضى على باب الجنة فاسألوه الفردوس الاعلى فإن سقفها عرش الرحمن .. اللهم اجعلنا من اهل الفردوس لكن عملوا عمل اهل الفردوس عملهن ذكر بلا غفلة طاعة بلا معصية اقبال بلا ادبار حب بلا جفاء هادا طباع اهل الفردوس واخلاقهم. فصلى الله عليك يا رسول الله اذا دخلتم الجنة الله يجمعني واياكم فيها بمعية شيخنا وحبيب الله سيدنا محمد رسول الله غدا تسمعون في الجنة هذا النداء اللهم اجعلنا ممن يسمعون هذا النداء ..ينادي منادٍ يا اهل الجنة ان لكم ان تصحوا ولا تسقموا ابدا صحة دائمة بلا مرض لا نحتاج الى اطباء الاطباء هون ..هونيك صحة دائمة ان لكم ان تصحوا ولا تسقموا ابدا وان لكم ان تحييوا فلا تموتوا ابدا حياة دائمة مية ميتان الف الفين مليون عشرة مليون خالدين فيها. هون حياة مؤقتة هون نوم نايمين يا جماعة صلى الله عليه وسلم قال الناس نيام فاذا ماتوا انتبهوا .انتو نايمين هلق جايين عالجامع اذا ماتوا انتبهوا زاد عليها احد اولياء الله واذا انتبهوا ندموا حيث لا ينفعهم الندم.
واحد على مذهب جحا الله يرضى عنه شاف بالمنام كان عم يقول يا عزيز يا عزيز الف ليرة انكليز.. يا عزيز يا عزيز الف ليرة انكليز فبالمنام شاف واحد عم يقله معي صرة فيها 999 ليرة بتاخدهم ؟ قله لا ما باخدهم الا الف قله كيفك. فاق لقى لا في الف ولا 999 رجع غمض عيونه وقلو هات اي بقبلهم .. بعد ما فاق من النوم راحت عليه هلق نايمين يا ابني بكرا اليقظة يا ليتني قدمت لحياتي انتبهوا هذا قرآن بعد الموت .فَيَوْمَئِذٍ لَّا يُعَذِّبُ عَذَابَهُ أَحَدٌ (الا الله) وَلَا يُوثِقُ وَثَاقَهُ أَحَدٌ (الا الله) .. الكتاب بكرا ما جاي عبالكم .ان شاء الله ربي ما يورجيكم ياها شلون كله بده يرفع .اذا حسبت شعرك كله بالخمسين ستين سنة بيطلع من ست الى سبع امتار بيرفعوا اجريك لراسك وبيربطوهن بشعرك شو صار متل الكباية. فَكُبْكِبُوا فِيهَا هُمْ وَالْغَاوُونَ . قلبة واحدة عم يقلب ليس في الجنة انتبهوا ..خلينا في الدنيا نجد والله لو عطشنا ولو جعنا ولو تعبنا والله موفاية معنا على ما ناطرنا بكرا بالآخرة من النعيم لا يحول ولا يزول اما هون قصرت قصرت عحالك الله ما بينتفع بطاعتكم يا جماعة ولا بيتضرر بمعصيتكم الطاعة الك والمعصية عليك .لها ما كسبت وعليها ما اكتسبت لذلك انتبهوا ان تكونوا من اهل الجنة. بعد ما يدخلوا اهل الجنة الى الجنة نفذ الوعد الالهي يدخل الله المؤمنين والمؤمنات جنات خالدين فيها ومساكن طيبة وجنة من جنات عدن هاي كرامة واعظم كرامة ورضوان من الله اكبر ذلك هو الفوز العظيم . بعد ما تدخلوا الجنة اربطوا فرامات زبطوا .. اللهم انا نسالك الجنة وما قرب اليها من قول او عمل .. اذا دخل اهل الجنة الجنة يقول الله تبارك وتعالى تريدون شيئا أزيدكم؟ فتوا عالجنة والله عز وجل بتحبوا اعطيكم زيادة؟فيقولون يارب الم تبيض وجوهنا وتدخلنا الجنة وتنجنا من النار شو في اعظم من هيك؟ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ ۗ ...هادا الفوز العظيم شو بدك اكتر من هيك؟ فيقوم الله بكشف الحجاب جل جلال الله فما أعطوا شيئا أحب اليهم من النظر الى ربهم .. الله الله أكبر يرفع الغطاء انظروا الى وجه ربكم .(وُجُوهٌ يَوْمَئِذٍ نَّاضِرَةٌ . إِلَىٰ رَبِّهَا نَاظِرَةٌ) اللهم متعنا بهذه النظرة يوم لقائك يا ارحم الراحمين. قال الله تعالى لِّلَّذِينَ أَحْسَنُوا الْحُسْنَىٰ وَزِيَادَةٌ ۖ الحسنى هي دخول الجنة وزيادة وهي النظر الى وجه تعالى اكثر من هيك يقول الله تعالى يا أهل الجنة انا عليكم راضٍ فهل انتم راضون عني؟ ((((الله أكبر لا اله الا انت وادمع سيدنا))))) ما عنا عمل يناسب هالعطاء ..ذَٰلِكَ فَضْلُ اللَّهِ يُؤْتِيهِ مَن يَشَاءُ ۚ.قالﷺ يبين اهل الجنة نعيمهم اذا سطع لهم نور فرفعوا رؤوسهم فإذا الرب جل وعلا قد أشرق عليهم الله اكبر الله اكبر اللهم انا نسألك الرضا بحبك يا الله. قد اشرق عليهم من فوقهم وقال السلام عليكم يا اهل الجنة الله اكبر اللهم انت السلام ومنك السلام واليك يعود السلام تباركت ربنا يا ذا الجلال والاكرام السلام عليكم يا اهل الجنة اقرأوا قول ربكم سَلَامٌ قَوْلًا مِّن رَّبٍّ رَّحِيمٍ .. ربنا يقول لكم السلام عليكم يا اهل الجنة قال فينظرون اليه فلا يلتفتون الى شيء من نعيم امام النظر وجه الله يا ابني لا يُكيّف ولا يوصف ولا يُشبه جل جلال الله كل ما خطر ببالك فالله خلاف ذلك. بيسلم عليهم وثم يحتجب عنهم ويبقى نوره في ديارهم في رواية يغيبون في لذتهم ثمانين الف سنة هادا النعيم مش شهوة خمس دقايق يا ابني الله يرزقنا العقل.
واحد بدوي اجت لعنده امرأة ارادت ان تطبقه فبدأت بالتحدث اليه فمال الها وقام ليقرب منها فما شاف الا وقف وفز وضب اواعيه وهريب شو باك وينك قالها الي بدو يبيع جنة عرضها السموات والارض بموضع اربع اصابع هادا قليل العلم بالمساحة ما بيعرف بالمساحة الله يرزقنا العقل الكامل الله يهني يلي اله مُربي يلي اله شيخ يا احبابي الله يوفقنا واياكم.
يقول الله لأهل الجنة يا اهل الجنة فيقولون لبيك ربنا وسعديك فيقول هل رضيتم؟ شو رأيكم انتو بهالقعدة ؟ رضيانين ؟ هل رضيتم فيقولون وكيف لا نرضى وقد اعطيتنا ما لم تعط احدا من خلقك. فيقول لاعطينكم اعظم من ذلك. قالوا يارب واي شيء افضل من ذلك؟ قال أُحل عليكم رضواني فلا اسخط عليكم ابدا.. اللهم اسمعنا هذا الكلام (آميين) اللهم اجعلنا اهلٌ له بفضل منك وكرم يا اكرم الاكرمين .هذا عطاءٌ غير مجذوذ .عطاء غير مقطوع ولا ممنوع في سورة من السور الصغار فلهم اجرٌ غير ممنون سورة التين والزيتون( إِلَّا الَّذِينَ آمَنُوا وَعَمِلُوا الصَّالِحَاتِ فَلَهُمْ أَجْرٌ غَيْرُ مَمْنُونٍ) غير مقطوع لا في الدنيا ولا في الاخرة ان مات خلّف اعمال صالحة خلّف ولد صالح خلّف أخ ذاكر خلّف محب يدعو له فهذا لا ينقطع عمله لا في الدنيا ولا في الاخرة .
لا اله الا الله نحن الان يا احباب شهوات ولذات الدنيا مؤقتة اما نعيم الجنة دائم لا ينقطع لح احكيلكم هالكلمتين واختم ..الجنة خالية من شوائب الدنيا وكدرها ما في تشويش عليك ما في كدر فطعام اهل الدنيا وشرابهم ينزل منهم الغائط والبول والروائح الكريهة واذا شرب المرء خمر الدنيا فقد عقله ضاع منه العقل. ونساء الدنيا يحضن ويلدن بكرا في الجنة ما في حيض واحد قال يا رسول الله اني احب الوِلد شلون بدها تجيب المرأة ولد فقال ﷺ اذا اردت ذلك يكون الحمل والولادة في ساعة واحدة تحمل وتجبلك ولد ..اجى واحد من اليهود عند النبيﷺ قال له انك تقول انه في الجنة ياكلون ويشربون فالذي ياكل ويشرب لا بد له من البول والغائط. قال له رسول الله انتم تقولون ان عيسى اله افلا يأكل ويشرب قال بلى قال الا يتبول ويتغوط ..هذا الاله؟ فانقطعت حجتهم وقال ان اهل الجنة ياكلون ويشربون ويخرج من جسدهم عرق له رائحةكرائحة المسك بيفضى بطنه طلع منه عرق .. لا يتغوطون ولا يبصقون ولا يتمخطون ويشربون الخمر (بيضاء لذة للشاربين) لا يتقيأ ولا بيدوخ ماء الدنيا اذا تركته بتطلع ريحته اما ماء الجنة فيها انهار (فِيهَا أَنْهَارٌ مِّن مَّاءٍ غَيْرِ آسِنٍ وَأَنْهَارٌ مِّن لَّبَنٍ لَّمْ يَتَغَيَّرْ طَعْمُهُ وَأَنْهَارٌ مِّنْ خَمْرٍ لَّذَّةٍ لِّلشَّارِبِينَ وَأَنْهَارٌ مِّنْ عَسَلٍ مُّصَفًّى ) الماء ما في ريحة ولبنها لا بيتغير طعمته ولا بيحمض والعسل مصفى لا فيه جناح دبانة ولا جناح بعوضة وانهار الخمر وانهار من ماء. جل جلال الله والازواج مطهرة واقوالهم في الجنة طيبة ما في واحد بيحكي كلمة باردة ولا سيئة واعمالهم واقوالهم صالحة فلا تسمع في الجنة كلمة نابية تكدر الخاطر وتعكر المزاج وتثير الاعصاب فالجنة خالية من باطل الاقوال والاعمال ( لا لغوا فيها ولا تأثيما) ولا يطرق المسامع الا الكلمة الطيبة سلاما سلاما الله الله .
من نعيم اهل الجنة كسوتهم ما منشان ما تنكشف عورتك هونيك ما في مين يطلع عالعورة واكلهم ما هو من جوع ولا مشربهم عن ظمأ ولا تطيبهم عن نتن انها لذات متتالية بدك تتلذذ بالطاعات الي كانت بالدنيا بالاخرة كل وقت صلاة ملائكة تدخل لك صينية عليها 70 زبدية كل زبدية فيها لون غير اللون التاني وطعم غير الطعم التاني بتقلك هدية صلاة الفجر هاي هدية صلاة الظهر وصلاة العصر كل الصلوات تفضل بتضمك عم تاكل بيجبولك ياها الملائكة خالصة مخلصة. الله
الحمدلله الذي بنعمته تتم الصالحات اللهم اجعلنا مما يسمعون القول فيتبعون احسنه وصلى الله عليه وآله وصحبه وسلم والحمدلله رب العالمين