درسنا اليوم صحيفة من كتاب الله 9 آيات انزلها الله في حق براءة يهودي مما يدل على ان الاسلام لا يظلم الناس شيئا .. من الآية 105 الى الآية 113 في سورة النساء.
إِنَّا أَنزَلْنَا إِلَيْكَ الْكِتَابَ بِالْحَقِّ لِتَحْكُمَ بَيْنَ النَّاسِ بِمَا أَرَاكَ اللَّهُ ۚ وَلَا تَكُن لِّلْخَائِنِينَ خَصِيمًا . وَاسْتَغْفِرِ اللَّهَ ۖ إِنَّ اللَّهَ كَانَ غَفُورًا رَّحِيمًا. وَلَا تُجَادِلْ عَنِ الَّذِينَ يَخْتَانُونَ أَنفُسَهُمْ ۚ إِنَّ اللَّهَ لَا يُحِبُّ مَن كَانَ خَوَّانًا أَثِيمًا. يَسْتَخْفُونَ مِنَ النَّاسِ وَلَا يَسْتَخْفُونَ مِنَ اللَّهِ وَهُوَ مَعَهُمْ إِذْ يُبَيِّتُونَ مَا لَا يَرْضَىٰ مِنَ الْقَوْلِ ۚ وَكَانَ اللَّهُ بِمَا يَعْمَلُونَ مُحِيطًا. هَا أَنتُمْ هَٰؤُلَاءِ جَادَلْتُمْ عَنْهُمْ فِي الْحَيَاةِ الدُّنْيَا فَمَن يُجَادِلُ اللَّهَ عَنْهُمْ يَوْمَ الْقِيَامَةِ أَم مَّن يَكُونُ عَلَيْهِمْ وَكِيلًا . وَمَن يَعْمَلْ سُوءًا أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ غَفُورًا رَّحِيمًا .وَمَن يَكْسِبْ إِثْمًا فَإِنَّمَا يَكْسِبُهُ عَلَىٰ نَفْسِهِ ۚ وَكَانَ اللَّهُ عَلِيمًا حَكِيمًا .وَمَن يَكْسِبْ خَطِيئَةً أَوْ إِثْمًا ثُمَّ يَرْمِ بِهِ بَرِيئًا فَقَدِ احْتَمَلَ بُهْتَانًا وَإِثْمًا مُّبِينًا . وَلَوْلَا فَضْلُ اللَّهِ عَلَيْكَ وَرَحْمَتُهُ لَهَمَّت طَّائِفَةٌ مِّنْهُمْ أَن يُضِلُّوكَ وَمَا يُضِلُّونَ إِلَّا أَنفُسَهُمْ ۖ وَمَا يَضُرُّونَكَ مِن شَيْءٍ ۚ وَأَنزَلَ اللَّهُ عَلَيْكَ الْكِتَابَ وَالْحِكْمَةَ وَعَلَّمَكَ مَا لَمْ تَكُن تَعْلَمُ ۚ وَكَانَ فَضْلُ اللَّهِ عَلَيْكَ عَظِيمًا…
هذه قصة حصلت في زمن النبي ﷺ كان اهل المدينة على شغف من العيش وكانت التجارة من الشام الى اليمن رحلة الشتاء ورحلة الصيف من اليمن الى الشام. وكانوا يرجعوا جايبين الدقيق الناعم والعسل والسمن وكان عادة الرجال اطعام أهل مكة الشعير والعسل .. ولما يجيبوا الطحين الابيض يجيبوه ويعجنوه وياكله ويطعمي مرته وابنه شعير وعسل واذا كان في لحم يدبحوا ويطعموا
يقال ان بعض الصحابة رضي الله عنهم .أتت تجارة من الشام اشترى الطحين والعسل والسمن وخباهم بالبيت بغرفة وكان فيها سيفين وترسين وغطى الطحين وقفل الباب .بعض المنافقين كانوا تلات اخوان بشير ومبشر وبُشير .. واحد منهم بالليل هادا كان شغلتو يجيب أشعار ضد النبي ﷺ ومدعي الاسلام وهو من المنافقين. يكتب هالاشعار ويعطيها للبدوي منشان يحكيها .فالصحابة يفهموها دوغري هادا بشير الخبيث.
اجى بالليل وحفر الحيط ودخل واخد السيفين والترسين والطحين ..وحتى ما ينكشف خباهم عند جاره اليهودي دق عليه بالليل وقلو حطلي ياهن عندك للصباح ..فز صاحب الطحين الصبح بدو يجيب طحين ليخبز ..لا وجد السيفين ولا الترسين ولا الطحين. حتى الله يكشف السرقة كيس الطحين كان في ثقب الفارة نقابة..وهداك حامل الكيس وعم يهر الطحين متل خط عالطريق لحق الخيط لقاها واصل عند اليهودي
شكوا اليهودي عند النبي ﷺ هادا اليهودي سارق السيفين والترسين والطحين وهادا الاثر .بعت النبي ﷺ ليقتفوا الاثر ووجدوا الاغراض ببيت اليهودي معناتها بالجرم المشهود. قطع اليد بدو يكون لليهودي .اتى اليهودي وقال يا محمد والذي بعثك بالحق وضعهم عندي طعمة ابن أبيرق ..بيت أبيرق معروفين بالسرقة طعمة لما دري انو وصل الخبر للنبي ﷺ حكى لجماعته دخيلكم وبرئوني عند النبي ﷺ ..ذهبوا عند النبي ﷺ منافقين ..يا محمد هادا من الصالحين من الاتقياء من المؤمنين من المصلين الخاشعين عم يتهمونا منشان يرفعوا البلاء عن اليهودي… فالنبي ﷺ لما شاف الجماعة جايين وعم يشهدوا عالانسان فالنبي ﷺ يميل وقد قال يأتي أحدكم فيكون ألحن حجة من الآخر فاُصدق.
وكاد النبي يحكم على اليهودي بقطع اليد ..فنزلت الآيات على النبي دفعة واحدة .. واول هذه الايات( إِنَّا أَنزَلْنَا إِلَيْكَ الْكِتَابَ بِالْحَقِّ لِتَحْكُمَ بَيْنَ النَّاسِ بِمَا أَرَاكَ اللَّهُ ۚ وَلَا تَكُن لِّلْخَائِنِينَ خَصِيمًا .) هدول جماعة طعمة ابن ابيرق خونة جايين يرموا البرئ بقطع اليد .واستغفر الله مما وقع في قلبك من الهم ..الهم انو يقطع يد اليهودي والدلائل بتدل عليه وجدت السرقة عنده والطحين واصل لبيتو الدليل واضح واليهودي قال ان كان دينك دين الحق فالله يظهر الحق فنزلت الآية (وَاسْتَغْفِرِ اللَّهَ ۖ إِنَّ اللَّهَ كَانَ غَفُورًا رَّحِيمًا ) الله يحاسب نبيه على هم القلب .. نحن لا نحاسب على هم القلب وان كانت نزلت في القرآن( لِّلَّهِ مَا فِي السَّمَاوَاتِ وَمَا فِي الْأَرْضِ ۗ وَإِن تُبْدُوا مَا فِي أَنفُسِكُمْ أَوْ تُخْفُوهُ يُحَاسِبْكُم بِهِ اللَّهُ ۖ فَيَغْفِرُ لِمَن يَشَاءُ وَيُعَذِّبُ مَن يَشَاءُ ۗ وَاللَّهُ عَلَىٰ كُلِّ شَيْءٍ قَدِيرٌ )نحن لا نؤاخذ على الهم اذا فعلناه ولكن أهل القلوب يؤاخذوا… الامام الجنيد
إمام الطائفتين الشريعة الظاهرة والحقيقة الباطنة جمع الاثنين ..مرة كان طالع من الجامع شاف شب واقف عم يشحد عباب الجامع فوقع في قلبه انه هالشب يروح يشتغل ويكفي حالو ما أحسن من السؤال هيك وقع في قلبه وصل للبيت اراد ان يصلي ماقادر للصلاة قعد يذكر ما في بدو يقرأ القرآن ما قادر ..حط راسه ويتسطح وينام لحتى يفرج عن حالو شو هادا الي صابوا شاف بالمنام هالشب ميت ومحطوط بالصينية أكل وواحد عم يقولوا كُل من لحم أخيك ميتا… قلهن والله انا ما استغبتوا انا بس وقع بقلبي قلو مثلك يحاسب بخطرات القلب… استيقظ الامام وراح بدو يعتذر منو . شاف الشب جاي من بعيد قلو يا جنيد هل لك ان تتوب وأتوب معك… طلع من اولياء الله الكبار قلو استغفر الله واتوب اليه .. بس مرقت بقلبي شو انت واقف عم تشحد.. فاجاب جلست اذكر فرأيت نفسي تفتخر انو انت تذكر الله ما شاء الله عنك. فاردت ان اذلها لئلا تتكبر وقفت اذلها بان اشحد من الناس.
اذا كان الجنيد يؤاخذ فالنبي ايضا قال له استغفر الله .
فالله لا يحب من كان خوانا ..مين الخوان حفطوا اسمو طعمة ابن ابيرق. هو السارق. يستخفون من الناس ولا يستخفون من الله هو خايف من الناس يكشفوه وما خايف من الله يكشفك ويراك ..وهو معهم اذ يبيتون في الامر. يبيتوا بدهن يدبروه انو دخيلكم دبروني عند محمد حتى ما يقطعوا ايدي .دبروها فراحوا كمحامين عم يحاموا عنه .. ( إِذْ يُبَيِّتُونَ مَا لَا يَرْضَىٰ مِنَ الْقَوْلِ ۚ وَكَانَ اللَّهُ بِمَا يَعْمَلُونَ مُحِيطًا) فحفظه الله عزوجل وهو عليما ومحيط به .. ثم خاطب جماعة طعمة.( هَا أَنتُمْ هَٰؤُلَاءِ جَادَلْتُمْ عَنْهُمْ فِي الْحَيَاةِ الدُّنْيَا فَمَن يُجَادِلُ اللَّهَ عَنْهُمْ يَوْمَ الْقِيَامَةِ ) مين بدو يحامي عنهم عند الله؟جايين عند النبي عم يجادلوا فمن يجادل عنهم يوم القيامة( ِ أَم مَّن يَكُونُ عَلَيْهِمْ وكيلا) مين بدو يتوكل بقضيته… جاب اليهودي وجاب طعمة وجماعته وقال النبي تكلم الحق فان الله اطلعني عليك.. قال طعمة والله حفرت الحيط وسرقتهم وحطيتهم عند اليهودي حتى ما تتهموني… بدو يوقع اليهودي .. انظروا مملكة السماء جل جلال الله دافع عن يهودي حتى ما ينظلم وتنقطع ايدو… فالنبي جاب طعمة وبدو يقطعلو ايدو ..تدخلوا اهل طعمة قالوا لو قدية بدك نفديه يا محمد.. قلهن والله لو سرقت فاطمة بنت محمد لقطعت يدها ..مافي مُحاباة بالاسلام. الحق أحق ان يُتبع .لو استغفر الله لتاب الله عليه. ) (وَمَن يَعْمَلْ سُوءًا أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ غَفُورًا رَّحِيمًا ) لو استغفر لغفر له الله. علَيْهِمْ وَكِيلًا (109) ( وَمَن يَكْسِبْ خَطِيئَةً أَوْ إِثْمًا ثُمَّ يَرْمِ بِهِ بَرِيئًا فَقَدِ احْتَمَلَ بُهْتَانًا وَإِثْمًا مُّبِينًا) البرئ هو اليهودي ..فقد احتمل بهتانا واثما مبينا ..البهتان فوق الكذب .هادا البهتان ان تكذب عليه كذبا وهو بريء .لبستو التهمة وهو بريء فقد احتمل اثما. والاثم هو الذي يوقع صاحبه في وادي الاثام .وادي في جهنم تستغيث جهنم من حرّه تذوب فيه الحجارة وحجارته من كبريت تلتزق بالجلد حتى تذيبه ..نسأل الله العفو والعافية.
فهنا اذا القضية هاي الله كشف السرقة حتى لا يقع في ظن خاطئ .. ولولا فضل الله عليك… الطائفة من 3 الى 11.( وَلَوْلَا فَضْلُ اللَّهِ عَلَيْكَ وَرَحْمَتُهُ لَهَمَّت طَّائِفَةٌ مِّنْهُمْ أَن يُضِلُّوكَ وَمَا يُضِلُّونَ إِلَّا أَنفُسَهُمْ ۖ وَمَا يَضُرُّونَكَ مِن شَيْءٍ ۚ .)يضلوك منشان يلزقوها باليهودي واليهودي برئ وما يضلون الا انفسهم لأن النبي معصوم .هاي العصمة ان الله حفظ نبيه ولا يضلونك من شئ لا بالاتهام ولا بالحكم فالله عاصمك…( وَأَنزَلَ اللَّهُ عَلَيْكَ الْكِتَابَ وَالْحِكْمَةَ وَعَلَّمَكَ مَا لَمْ تَكُن تَعْلَمُ ۚ وَكَانَ فَضْلُ اللَّهِ عَلَيْكَ ). النبي ما عنده علم ..والقاضي اذا اجتو قضية ومبينة وشهودها بدو يحكم بالظاهر ...هادا درس للقضاة و للمحاميين وللعلماء اذا اجاك خصم قد قُلعت عينه فلا تحكم له فلعل خصمه قُلعت عيناه.. عم يقلك ضربني قلعلي عيني ممكن يكون قلعلوا الاتنين..
الله عاتب نبياً في الاسلام لتسرعه في الحكم سيدنا داوود اجوا لعنده اتنين( إِنَّ هَٰذَا أَخِي لَهُ تِسْعٌ وَتِسْعُونَ نَعْجَةً وَلِيَ نَعْجَةٌ وَاحِدَةٌ فَقَالَ أَكْفِلْنِيهَا وَعَزَّنِي فِي الْخِطَابِ ) عزني في الخطاب يعني عطيني ياها بدون ما تحكي كتير بدو يلقح نعجاته بهالنعجة السمينة لان نعجاته رفاع ..سيدنا داوود دوغري تسرع بالحكم قال له هادا تعدى عليك ظلمك ..( قَالَ لَقَدْ ظَلَمَكَ بِسُؤَالِ نَعْجَتِكَ إِلَىٰ نِعَاجِهِ ۖ وَإِنَّ كَثِيرًا مِّنَ الْخُلَطَاءِ لَيَبْغِي بَعْضُهُمْ عَلَىٰ بَعْضٍ إِلَّا الَّذِينَ آمَنُوا وَعَمِلُوا الصَّالِحَاتِ وَقَلِيلٌ مَّا هُمْ ۗ وَظَنَّ دَاوُودُ أَنَّمَا فَتَنَّاهُ فَاسْتَغْفَرَ رَبَّهُ وَخَرَّ رَاكِعًا وَأَنَابَ) كتير من الشركا بيظلموا بعض .وظن داوود ..الموضوع شريكي ما شريكي داوود اسرع بالحكم هاي منشان تفهموا الآية ..هاي في سورة ص سجدة سجدها النبي وسجد معو اهل مكة .
سيدنا داوود كان له يوم خصوصي في العبادة هاي انتبهوا الها قصة مذكورة بالتفاسير اسرائيليات لحتى ناخد بيانها وروحها. كان سيدنا داوود بالخلوة ولا يدخل عليه احد من عبكرا لعشية وعنده حرس ملك.. حط الحرس وقال ما يدخل احد. بالبيت مافي حدا طلعت زوجته شافت واحد بارض الديار شو جابو شو فوتك؟. مين فوتك؟والله ليفضحنا داوود ما رد عليها فات هو وواحد فسيدنا داوود نقز... ( إِذْ دَخَلُوا عَلَىٰ دَاوُودَ فَفَزِعَ مِنْهُمْ ۖ قَالُوا لَا تَخَفْ ۖ خَصْمَانِ بَغَىٰ بَعْضُنَا عَلَىٰ بَعْضٍ فَاحْكُم بَيْنَنَا بِالْحَقِّ وَلَا تُشْطِطْ وَاهْدِنَا إِلَىٰ سَوَاءِ الصِّرَاطِ) جايين ياخدوا حُكم. أسرع داوود في الحكم.
في تنين نساء مع كل واحدة ولد ماشيين في الطريق فهجم الذئب على ولد واخدو وهرب فبقي ولد واحد والنساء واحدة كبيرة وواحدة صغيرة هاي تقول هاد ابني وهاي تقول لا ابني اختلفوا فاتوا عند سيدنا داوود وحكوا القصة هاي ابني تقول والتانية لا ابني فسيدنا داوود حكم فيها للكبيرة انو بتهتم فيه هني وطالعين دخل سيدنا سليمان خير حكوا القصة قلهن ارجعوا للحكم الحكم ما صحيح ..داوود نبي حكم. في حكم احسن رجعهن عالمحكمة قلو لابوه بتأذن لي أحكم ( فَفَهَّمْنَاهَا سُلَيْمَانَ ۚ وَكُلًّا آتَيْنَا حُكْمًا وَعِلْمًا )ۚ فهم الحكم سليمان ابنك ولا ابنها ابني لا ابني. خلص طولوا بالكن عطوني سكين جابوا سكين خير قلن بدي قص الولد شقفتين انت بتاخدي النص وانت النص الكبيرة قالت قص الصغيرة قالت لا دخليك اذا انقص لا انا بنتفع فيه ولاهي بدو يموت .قلهن خلص هاد الولد للصغيرة مو الكبيرة. ليك الحنان وين ظهر؟ عند الصغيرة معناتها هادا ابنها .. اما الكبيرة قالتلو قص لانو ابنها راح شلون هي بدو يضل ابنها معها. فحكم للصغيرة ..بهاي العجلة اجوا الرجلين وقالوا ان اخي له تسع وتسعون نعجة…. قلهن اليوم ما في حكم ما رح احكم ..
(وَظَنَّ دَاوُودُ أَنَّمَا فَتَنَّاهُ فَاسْتَغْفَرَ رَبَّهُ وَخَرَّ رَاكِعًا وَأَنَابَ) ظنّ بمعنى تيقن انا فتناه وامتحناه شلون استعجل بالحكم
(وَخَرَّ رَاكِعًا وَأَنَابَ ) وسجد سجدة وهو يبكي يمكن يكون في شوية مبالغة حتى انهم بيقولوا بالتوراة نبت الزرع حتى بلغ رأسه اولا بتدل على انها يهودية الزرع ما بينبت بالمي المالحة والدمع بينزل من العين شو مالح فما بيطلع الزرع ..وموجودة باكتر كتب التفاسير حتى غطى رأسه معناتها كيف بدو يستنشق الهوا هاي اسرائيليات.. اذا سيدنا داوود لانه اسرع بالحكم عاتبه الله تعالى.
انت مثلا بتكون ماشي بالطريق او دخلت عالبيت بيجي ابنك بابا أخي قتلني عم يبكي بتروح انت عند ابنك بتضربوا ليش قتلت اخوك انت الظالم حكمت يحكم الظالم لانو ممكن يكون هوي الي قاتلوا ما بيصير تقتلو الا لتفهم شو عاملوا اخوه ....والله عم بلاوقني عم يعمل كذا قمت ضربتو انغاط منه حتى ضربو جيت انت ضربت صار مظلوم. هاي الاية منشان كل واحد ما يسارع بالحكم ..واحد عنده امه وعنده مرته اجت امه عم تشتكي عمرته.. مرتك مرتك اذا ما بتقتلها بغضب عليك اذا ما بطلقها طلقها وانا بزوجك احسن منها. اذا سارع بالحكم منقلوا هالاية الك انتبه ما تسارع بالحكم ..مرة واحد بالطريق يقلي مرتي عملت هيك وهيك نقلوا ما لها حق هاي ظالمة .جاي ضربها هادا ظالم .. لذلك اذا اتاك الخصم سألك سؤالا جوابه نفس السؤال مالك تحكم به حتى تفكر بالحكم ..حكم صحيح أو بيجوز او لا يجوز ..واحد تاني مرتي عملت هيك ظلمت ما بيصير تعمل هيك مرتك ظلمت.. كتير بيجوا لعندي زوجي عمل هيك بقلها هاتي جوزك وتعي.
اجوني مرة 12 واحد من ضيعة. جايين الشيخ فلاني عمل كذا وكذا .. وقفوا جايين بفتوى ولا بقضاء قال لا بقضاء قلتهم لا اقضي.. الا لتجيبوا خصمكم ..جيبوا وتعوا حتى اقضي بيناتكم ..بدي اسمع الخصمين
بعد اوقات بيحكي الزوج بتقول الحق معه وبتحكي الزوجة بتقول معها الحق. اجمع بيناتهم احكي انت وانتي احكي بيحكوا منعرف مين الظالم ومين المظلوم هكذا الحكم لازم يكون.
سيدنا داوود لما عرف انه تسرع بالحكم سجد سجدة واحدة وبقي فترة يستغفر لذنبه.
فلان ضربني وفلان آذاني جاي بدك فتوى او قضاء ما بقضي ليجوا الخصمين.. هلق فتت عالبيت مرتك عم تبكي طلقني ما بقيت اقعد بالبيت خير شوفي امك ضربتني شتمتني امك امك بيطلع ماما انت لا تتدخلي بيني وبين مرتي دوغري حكم ع امه امك بتتطلع فيك هيك شو باك انا عم اظلمك ام بتظلم ابنها لا تتدخلي بيني وبين مرتي يا ابني كبت الزيتات حق القنينة الفين ليرة عم نبهها على مهلك فهجمت عليّ وقالتلي انت ما دخلك انت كركبة روحي قعدي بأوضتك ..بيرجع بدو يقتل مرتو لا. ظلم هون وظلم هون بيجمع ببناتهن..
هاي امي الله يرحمها جيت عند مرتي قلتلها هاي امي كل يوم في زوجة بس ما كل يوم في أم انتبهي الزوجة في منها 2و3و4 كل شوكة. بتمس اجرها كانها فاتت بعيني ..فهمتي خلص.. جيت ماما تلطفي فيها لساتها صغيرة تكرم يا ابني الله يرضى عليك صارت أغلى واحدة على والدتي ووالدتي صارت أغلى شي عليها .. ما حدا خدم والدتي متل حكايتها بكلمتين تلطفت بين هون وهون..
فلما جاب جماعته طعمة وقالوا هادا رجل صالح وهو منافق خبيث لا تحكم للنبي هادا عم يطلع الاشعار ويطعن بالنبي واليهودي برئ ..ها انتم جادلتم عنهم. هاالآية للمحامين لا تجادل بالباطل جادل بالحق والحق هو أحق ان تُتبع وبياخد زيادة لان الحق دائما بينتصر اما يجادل بالباطل بيفشل بالقضية وخسر المال وبيطلع اسمو بين المحامين انو فاشل ....مين صاحب الحق بياخد حقه.. ومين الظالم لازم يؤخذ منه. فالنبي قال لا تنصر اخاك ظالما او مظلوما.. عرفنا كيف ننصره مظلوما اما كيف ننصره ظالم قال ان تأخذوا على يديه ..ردوه الى الحق .. مالك حق لازم ترجع الى الحق.
المسلم لازم لا يتسارع بالحكم لو اجى عم يبكي لا يغرّك البكي ...بعض القضاة كان قاعد عم يحكم فاذا الخصم الي بين ايديه صار يبكي قاعد حده صاحبه قالوا والله يا سيادة القاضي شايفو مظلوم. قلو شو عرفك انو مظلوم ...قلو ما شايفو كيف عم يبكي. قال القاضي لا تغتر ان اخوة يوسف قتلوا اخوهم وجاءوا عشاء يبكون.( قَالُوا يَا أَبَانَا إِنَّا ذَهَبْنَا نَسْتَبِقُ وَتَرَكْنَا يُوسُفَ عِندَ مَتَاعِنَا فَأَكَلَهُ الذِّئْبُ )ۖ وهادا قميصه ملطخ بالدم ..الكذاب اوام بيبين قلهن لو ان الذئب اكله لمزق قميصه .القميص مو مممزق شو شلحوا القميص وبعدين اكله؟ بظن الكذاب انو الكذبة تبعو بتغطيه بالعكس الكذب بيفضحه ..الحق احق ان يُتبع (قَالَ بَلْ سَوَّلَتْ لَكُمْ أَنفُسُكُمْ ) في بنيتكم نية ضد أخوكم وين رحتوا فيه ؟اكله الذئب مين الي علمهن انو اكله الذئب( قَالَ إِنِّي لَيَحْزُنُنِي أَن تَذْهَبُوا بِهِ وَأَخَافُ أَن يَأْكُلَهُ الذِّئْبُ وَأَنتُمْ عَنْهُ غَافِلُونَ) هو علمهن شو يحكوا فإجوا قالوا له اكله الذئب.
لذلك في القضاء لا تُعلم خصمك المخرج ..المخرج من القضية.. مرة مع شيخنا قلتلو ..حُطوا باب منشان ندخل منه منشان ما يفلتوا.. قلي يا ابني لا تعلم خصمك الباب الي بدو يمسكك منه خلي دائما عدوك يكون جاهل بحقك.. العدو بدو منك غفلة ولو لحظة ليدخل منها. خبي حالك ..الحق واضح واضح ما حدا بيتخبى منه واذا كان هميت بشئ فاستغفر الله. ان الله كان غفورا رحيما ..
هادا طعمة ابن ابيرق نزلت الصحيفة بحقه ..يختان نفسه منافق اراد ان يوقع برئ في الحد بدها تنقطع ايده سيفين وترسين وكيس طحين شو النتيجة؟خذوا طعمة واقطعوا ايده قاموا جماعته شو تنقطع ايده نعلنها حربا قام النبي قال اذا تدخلوا النار جميعاً .. قطعوا ايده ما في مواربة السارق تقطع يده واليهودي برئ مع السلامة ..برئ اليهودي وقطع يد المسلم ..(والله لو سرقت بنت النبي ما في مواربة لقطعت يدها .
اليوم الدرس الكن د. محمد زوجتك قاعدة .ابنك قاعد قرب اخوه ابنك ما الو حق يضرب اخوه ..تجي انت تجيب الضارب والمضروب ليش ضربتو والله يا بابا عم يعمل كذا ..اترك ما عم يرد قمت ضربتو. وانت ليش عم تعمل هيك والله هو آذاني كذا..(ان الله يصلح بين عباده فاصلحوا بين أخويكم ) ايه لهيدا فركة ادن لهادا طيارة بيمشي الحال امت تضرب بدون سبب فيكون ظالم والنبي قال من قتل عصبية فليس منا . ضربت واحد قتلته عصبية او عم يقاتل كرمال عمه او منشان أخوه هاي بتصير عصبية. جاي شاف عمه عم يضرب اخوه شال الخنجر وقتل عمه ليش عم يضرب اخوه ممكن اخوك هو المعتدي عليه. فقتل ظلما لا يجوز القتل تحت راية عمية او عصبية او حمية
وفي من الصحابة نزل عالمعركة وكان يقاتل قتالا مريرا قتل هاد وهاد فقالوا يا رسول الله لقد كفانا القتال اليوم وهاد قاتل قد عشرة. فقال النبي انه من اهل النار. ليش؟وقعوا في شك واحد عم يجاهد في سبيل الله ..واحد من الصحابة قلهن انا بجبلكن خبره. صار يمشي وراه عم يقاتل يمين وشمال فانجرح كتير فحط السيف واتكى عليه وقتل نفسه. ركض الصحابي عند النبي اشهد انك رسول الله قال له خير قال الي قلت عنه من اهل النار مشيت وراه فانصاب جراح كتير حط السيف واتكى عليه وقتل نفسه. فقال ان الرجل ليعمل بعمل اهل الجنة حتى يكون عليه ما بينه وبينها ذراع فيعمل عمل اهل النار.
في رواية سأله ليش عم تقاتل قال حتى انصر قومي طلعت الحمية بالاخير . من كان عمله لله ختم الله خاتمته بالحسن. ومن كان عمله لغير الله ختم له بخاتمة السوء .. نسأل الله السلامة .
لذلك لا يصلح الا الاخلاص لله تعالى .فقصتنا اليوم كانت عن طعمة ابن ابيرق المنافق الذي اراد ان يوقع اليهودي في الحد في قطع اليد فالله دافع عن اليهودي ..شو هالدين هاد بيقولوا في ظلم… جل جلال الله( إِنَّ اللَّهَ لَا يَظْلِمُ النَّاسَ شَيْئًا وَلَٰكِنَّ النَّاسَ أَنفُسَهُمْ يَظْلِمُونَ ) قصة بشير وبشر ونبشر هول بني ابيرق وهكذا اظهر الله الحق وقطع يد السارق.
اجوا تنين عند النبي من الانصار عم يختصموا بالمواريث هاد عم يقول له : يا رسول الله اكل من مالي وهاد عم يقول مالي.. جلس بينهم النبي وقال انتم تختصمون اليّ وانما انا بشر ولعل بعضكم الحن بحقه من بعض وانما اقضي بينكم بما اسمع فمن قضيت له من حق اخيه شيئا فلا تأخذه فانما يقطع له قفصا من النار ياتي بها انتظاما في عنقه يوم القيامة ..بيرخي رقبتو يوم القيامة ..فالاثنين بكيوا وقال واحد منهم يارسول الله انا حقي لأخي والثاني قال وانا حقي له ..قال مادام توخيتم الحق بينكم روحوا اقتسموا وتوخوا الحق ثم ليحلل كل منكم صاحبه .
بس ما يكون في حق في ظلم .
اللهم تقبل انك انت السميع العليم وتب علينا فانك التواب الرحيم واغفر لنا ولوالدينا ولمشايخنا وللمسلمين والحمدلله رب العالمين