عن مصعب بن سعد بن ابي وقاص رضي الله عنهما قال أُنزلت في ابي أربع آيات.. اول آية ..قال ابي في احدى الغزوات أحببت سيفا من الغنائم قلت يا رسول الله نفلنيه قال ﷺ ضعه فقلت يا رسول الله نَفِّلنِيه اُجعل كمَن لا غَناءَ له فقال ﷺ ضعه من حيث اخذته فنزلت الآية (يَسْأَلُونَكَ عَنِ الْأَنفَالِ ۖ قُلِ الْأَنفَالُ لِلَّهِ وَالرَّسُولِ ۖ ) (وَاعْلَمُوا أَنَّمَا غَنِمْتُم مِّن شَيْءٍ فَأَنَّ لِلَّهِ خُمُسَهُ وَلِلرَّسُولِ وَلِذِي الْقُرْبَىٰ وَالْيَتَامَىٰ وَالْمَسَاكِينِ وَابْنِ السَّبِيلِ) هذا غير الاصطفاء أول شي النبي ﷺ يختار من الغنيمة ما يشاء فاختار السيدة صفية ..صفية طلعت لواحد صحابي بس النبي ﷺ ارادها فاعطاه اياها الصحابي و اعطاه النبي ﷺ اثنين او ثلاثة بدالها. الاصطفاء بيشوف النبي ﷺ شي عجبه بيشيله على جنب ..النبي ما اصطفى ﷺ من الغنيمة انما أمره الله ان له من الغنيمة عشرين بالمية ينفقها على أهله واقاربه والمؤمنين والفقراء والمساكين.. فالسيف طلع لسعد بالقسمة مادام طلبه اعطاه اياه.. لما توزعت الغنيمة اما قبل الغنيمة ما في.
فرضي الله عنه وارضاه هالطلب الي طلبه وسع على المسلمين على أهل البيت.. وصارت الانفال تتوزع عالكل ما عادت نزلت من السماء نار واكلتها.. صارت للمؤمنين وللمؤمنات وكان النبي ﷺ يوزعها اجزاء الي معه حصان ياخد سهمين له سهم ولحصانه سهم والي لحاله ياخد سهم
هلق الي بيطلع عالمعركة وعم يجيب سلاح ويأمن اكل للصحابة بيعطيه من الغنائم أما لما بتصير الغنائم للدولة بيصير متل حديث قيام الساعة والغنائم تصبح دول ..الدولة اخدت الغنيمة للجيش عم تلبسه وتطعميه لذلك بترجع للدولة.. لو صار بيننا حرب مع اسرائيل وانتصرنا والنبي ﷺ قال المحروم كل المحروم… من يحرم الغنيمة منهم بدو يجي وقت كل أغنياء اوروبا تصير باسرائيل الاموال كلها ساعتها بيطمئنوا لما تصير حرب ..المسلمين بياخدو كل غنائم اسرائيل والله بيبعت عليهم دود برقابهم بيقعوا كلهم عالارض ثم يرسل الله سيلا فيسحبهم كلهم الى البحر هذا ما ورد في الحديث عن النبي الله. وتنتن الارض من ريحتهم ....الله اعلم هاي من الانفال الغنيمة كلها من المسلمين لليهود .. الله وعز وجل يجعلنا من الذين يدخلون القدس .
هذه الآية التي نزلت عن سيدنا سعد رضي الله عنه الغنيمة بياخدوها الانصار ولا المهاجرين؟ والآيه ( وَاعْلَمُوا أَنَّمَا غَنِمْتُم مِّن شَيْءٍ فَأَنَّ لِلَّهِ خُمُسَهُ وَلِلرَّسُولِ وَلِذِي الْقُرْبَىٰ وَالْيَتَامَىٰ وَالْمَسَاكِينِ وَابْنِ السَّبِيلِ) فالنبي ﷺ كان ينفق عليهم كلهم بالتساوي وعلى الاقرباء معناتها الله جعل للنبي مدخول ..يريد ان ينفق ..الدعوة بدها مال
خمس الغنيمة مثلا في غزوة حنين غنم النبي ﷺ الفين جمل والفين وخمس مائة بقرة وعشرين الف راس خاروف ..قديش بيطلعلوا للنبي ﷺ منهم.. وزع على اقربائه واهله هذه آية الانفال.
الآية التانية الي نزلت بسعد(وَوَصَّيْنَا الْإِنسَانَ بِوَالِدَيْهِ إِحْسَانًا ۖ حَمَلَتْهُ أُمُّهُ كُرْهًا وَوَضَعَتْهُ كُرْهًا ۖ وَحَمْلُهُ وَفِصَالُهُ ثَلَاثُونَ شَهْرًا ۚ ) كان سيدنا سعد ابر الناس بامه وما ورد في العرب أبر من سعد لامه .. فلما أسلم قالت له هل صبوت قال لا أسلمت قالت والله لا آكل ولا اشرب ولا استظل بظل حتى تترك محمد وترجع عن دينك.. قديش كان بار فيها تركها أول يوم ما اكلت ولا شربت قالت له خليك بين العرب كل العرب يا قاتل امك ..تاني يوم رجع يا امي كلي لا حتى تترك دين محمد تالت يوم كزّت عسنانها ما عادت فتحت تمها صاروا يفتحوا تمها بالخشبة ويفوتوا المي والطعام قالها شوفي يا امي والله لو كانت لكِ مئة روح وخرجت نفسا نفسا والله لن اترك دين محمد فان شئت كلي أو شئت موتي. قديش كان بار بس طلع الاسلام اغلى من الام فنزلت الآية (وَوَصَّيْنَا الْإِنسَانَ بِوَالِدَيْهِ إِحْسَانًا ۖ حَمَلَتْهُ أُمُّهُ كُرْهًا وَوَضَعَتْهُ كُرْهًا ۖ وَحَمْلُهُ وَفِصَالُهُ ثَلَاثُونَ شَهْرًا ۚ ) أمه ما قال امك وابوك حملته وهنا على تعب وعلى مرض وفصاله يعني فطام الولد في سنتين .والآية (وَالْوَالِدَاتُ يُرْضِعْنَ أَوْلَادَهُنَّ حَوْلَيْنِ كَامِلَيْنِ ) عم تتعب توصى فيها ونزلت الآية (وَالَّذِينَ آمَنُوا أَشَدُّ حُبًّا لِّلَّهِ ۗ ) (لَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ ۚ أُولَٰئِكَ كَتَبَ فِي قُلُوبِهِمُ الْإِيمَانَ وَأَيَّدَهُم بِرُوحٍ مِّنْهُ ۖ وَيُدْخِلُهُمْ جَنَّاتٍ تَجْرِي مِن تَحْتِهَا الْأَنْهَارُ) الاسلام اغلى ما يكون على الانسان.
ترك امه تموت اما اترك دين محمد لا يعني بهالمدة القصيرة سنة سنتين شلون صار الايمان بقلوبهم ؟أغلى عليهم من كل شئ. شو عمل معهن النبي ﷺ شو عمل فيهن أحياهم من موت وأنعشهم من غيبوبة الاسلام يعني حب النبي ﷺ .
لما خبيب صلبوه قالوا له تحب انه مكانك (الاولاد عم يغرزوا الرماح ببطنه ) اجى ابو سفيان الزعيم قله شو رأيك ننزلك تروح تقعد بين ولادك مرتاح ونحط النبي محلك ؟صار يستهزئ بالزعيم وقله والله لو عم اتقطع تقطيع ولا يصير عالنبي ﷺ شوكة باسفل اجره خليه بين اهله. فصار أبو سفيان يقول ما رأيت احد يحب احدا كما رأيت حب اصحاب محمد لمحمدا. هيك الحب هادا الحب .بدك تحبه اكتر من مالك واهلك ونفسك. كيف اصبح حبك لي يا عمر ؟قال لانت احب الي من مالي وولدي قال ﷺ ما كمل ايمانك يا عمر حتى أكون احب اليك من نفسك التي بين جنبيك ..أُقتل منشانك نعم.فقال أمدد يدك يا رسول الله لأنت احب الي من اهلي وولدي ومالي ونفسي التي بين جنبي ..فدق النبي ﷺ على صدره وقال الان كمل ايمانك يا عمر ..أما تحب نفسك اكتر من النبي . ﷺ .يضرب الي ما بحب شو دب والله الدب بيحب تفرج عالدب والدبة لما يلعبوا تحت الشمس… امك عم تموت يا سعد ما بترك الاسلام فداك ابي وامي وروحي ومهجتي وكل وجودي لنعل النبي ﷺ الي بيفهم الحب بيفهم والي مابيفهم الله يفهموا أحسن شي. ولما نزلت هالاية ( وَوَصَّيْنَا الْإِنسَانَ بِوَالِدَيْهِ إِحْسَانًا ۖ حَمَلَتْهُ أُمُّهُ كُرْهًا وَوَضَعَتْهُ كُرْهًا ۖ وَحَمْلُهُ وَفِصَالُهُ ثَلَاثُونَ شَهْرًا ۚ ) شو منستنبط فيها حمله ورضاعه تلاتين شهر واذا الرضاعة في سنتين معناتها الحمل ستة اشهر .هاي الي تدخل فيها سيدنا علي وانقذ سيدنا عمر من نار جهنم كان سيدنا علي جاي عالجامع شاف ناس ساحبين امرأة قلهن وين؟ قالوا آخدينها عالرجم .ليه زانية تزوجت وولدت بعد 6 شهور قلهن وقفوا ردوها الى امير المؤمنين .. قال له ما هذا يا امير المؤمنين ؟ كيف تحكم عليها بالرجم ..قلو ولدت بعد 6 اشهر والحمل 9 اشهر معناتها حامل قبل الزواج قله يا عمر اما قرأت (وَوَصَّيْنَا الْإِنسَانَ بِوَالِدَيْهِ إِحْسَانًا ۖ حَمَلَتْهُ أُمُّهُ كُرْهًا وَوَضَعَتْهُ كُرْهًا ۖ وَحَمْلُهُ وَفِصَالُهُ ثَلَاثُونَ شَهْرً ۚ ) (وَالْوَالِدَاتُ يُرْضِعْنَ أَوْلَادَهُنَّ حَوْلَيْنِ كَامِلَيْنِ) الرضاعة سنتين والحمل 6 اشهر فبكى عمر وقال لولا ابا حسن لهلك عمر… الله يرضى عنهم .
الاية التانية قال سيدنا سعد دخل علّي النبي ﷺ
وانا مريض قلت يارسول الله أوصي قبل مماتي بمالي كله؟ قال النبي ﷺ لا لا كثير .ليش لا. قال لك ورثة بنات انك ان تترك اهلك أغنياء خير لك من ان تدعهم عالة بتأففون ..قلت يا رسول الله فالنصف؟ قال لا كثير ..الوصية الي مقصر بالحياة يزيد عمله بعد الموت. قال يارسول الله اذا الثلث فسكت رسول الله ﷺ وفي رواية قال الثلث والثلث كثير. سيدنا عمر وصى بالربع.. لما سكت النبي ﷺ اخد الناس بالوصية ..قال النبي ﷺ ان الله تصدق عليكم بثلث اموالكم بعد مماتكم زيادة في اعمالكم.
الحمدلله مقصر بيجي بعد منك الوصية ..والوصية لما يوصي له الثلث من هالوصية حفر القبر والكفن والذهبة (اي نقله) كلها من الوصية ثم الباقي لا يجوز ان يدفع منها لاحد من الورثة لا الابن ولا البنت ولا الاخ الوصية انو وصى بحجة فتطلع بحجة وصى ببناء جامع منعمر له جامع وصى بسجاد للجامع هادا الوحيد اعمال صالحة له .. افضل الاعمال ما كان في بيت الله. هلق السجادة الي بيصلي عليها او بيقرا قرآن او بيذكر فللموصي بها او الذي وهبها بكل صوفة حسنة حتى تنهرى فكم صوفة فيها للسجادة؟ وكم حسنة؟
قال النبي ﷺ من بنى لله مسجدا بنى الله له بيتا في الجنة ومن بسط فيه حصيرا صلى عليه سبعون الف ملك حت ينقطع ذلك الحصير. قديش بيقعد الحصير 10 سنين 20 سنة صلى عليه سبعون الف ملك حتى ينقطع ذلك الحصير وفي حديث من أسرهم فيه سراجا صلى عليه سبعون الف ملك حتى ينقطع ذلك السراج هادا بالنسبة للجامع
الوصية توزع لغير الورثة قال النبي ﷺ لا وصية لوارث الا ان تشاء الورثة واحد من الورثة مريض او ضعيف فقلنا حنعطيه هول زيادة منجتمع الورثة هدول لاختكم فلانة موافقين منعطيها اما اذا واحد ما موافق ما منعطيها ياهن. واحد يقول انا ما دخلني ابوها كان متكفل فيها في بعض الاولاد نسأل الله العفو والعافية اشقياء انا عطوني حصتي منعطيه حصته ومنحسب حساب هالمسكينة بتكون مشلولة فقيرة ما بيتعرف عليها هو بدو حاله و 2 و3 اشخاص هيك صاير فبهن واحد منهم امه ما بدو يخليلها غرفة بالبيت تطلع تدبر حالها بالشوارع تنام تصطفل هو بدو ياخد عطوه حقه ما بقيت المصاري بايدو 5 اشهر صفي عالحديدة ما في ولا قرش عم يشحد وين بدو ينام مافي لجأ عند اخته المشلولة ينام عندها دخلته البيت ونيمته عندها ..لازم تخليه ينام بالشارع ..في هيك ناس نسأل الله العفو والعافية.
الوصية خاصة بالرجل الذي يوصي او المرأة التي توصي انا اتصرفت بالوصية الله يرضى عليهن الاولاد كلكن موافقين اي موافقين ورحمة الله عليها وصت تيابها لبناتها كل بنت اخدت جاكتين روبين الله معهن ما بيقولوا لا بدها تيابها ما يروحوا لبرا لبناتها ما تتزوج واحدة جديدة و تلبسها أواعيي هدول لبناتي .. على راسي رحمة الله عليها.
فسيدنا عمر وصى بالربع الوصية بالثلث. واحد ترك مية الف .الوصية منها 33 الف القبر والكفن منشيل من الوصية والباقي منتصرف فيه بيعملوا سبيل وهادا افضل شي ..سيدنا سعد سال النبي ﷺ ام سعد فلتت روحها بدي اتصدق عليها بماذا قال ﷺ بالماء فإنه افضل الصدقة. فحفر لها بئر وسماه بئر ام سعد كل واحد بيشرب على حسابها .هاي التالتة ..الاولى ايه الانفال (السيف) التانية ام سعد( حملته امه وهنا)والتالتة الوصية.
الرابعة الله يرضى عنه واحد من الانصار عمل عزيمة غدا وعزم الصحابة فأكلوا وشربوا وانتشوا من الخمر كانت لسه الخمرة ما حُرمت (زياد متى حُرمت الخمر؟ جاوب بعد غزوة احد سيدنا قال بارك الله فيك هادا فقه)..بعد غزوة بدر شو كانوا سكرجية شاربين خمر والنبي شو قال والله ان تهزم هذه العصابة فلن تُعبد في الارض ما قله ارزقهم الشهادة قال خلي لي ياهن بدهن يحملوا راية الاسلام بعد غزوة احد حُرمت الخمر. اكلوا وشربوا وانتشوا هني وقاعدين صاروا يتفاخروا هذا الفخر كان موجود عند العرب هادا قال الانصارافضل التاني قال المهاجرين افضل صاروا يتشارعوا ففز واحد حمل حنك الجمل وضرب فيه سعد اجى على مناخيرو شقلوا مناخيروا. فكان سيدنا سعد مفزور انفه مشقوق فنزل قول الله تعالى( يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنصَابُ وَالْأَزْلَامُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ )( إِنَّمَا يُرِيدُ الشَّيْطَانُ أَن يُوقِعَ بَيْنَكُمُ الْعَدَاوَةَ وَالْبَغْضَاءَ فِي الْخَمْرِ وَالْمَيْسِرِ وَيَصُدَّكُمْ عَن ذِكْرِ اللَّهِ وَعَنِ الصَّلَاةِ ۖ فَهَلْ أَنتُم مُّنتَهُونَ ) فقاموا وقالوا انتهينا .. فقلبوا الخمر من الطاولات ومشت الخمر في المدينة متل السواقي. رضي الله عنهم وارضاهم قالت السيدة عائشة لو ان الله امرنا بتحريم الخمر في أول الاسلام لما تركه احد. ما كان حدا نفذ الامر لكن الاسلام نزل بالتدرج هيأ النفوس ..اول آية شو نزلت بالخمر؟ (وَمِن ثَمَرَاتِ النَّخِيلِ وَالْأَعْنَابِ تَتَّخِذُونَ مِنْهُ سَكَرًا وَرِزْقًا حَسَنًا ۗ إِنَّ فِي ذَٰلِكَ لَآيَةً لِّقَوْمٍ يَعْقِلُونَ )
هنيئا شربوا فيها العافية تاني آية ( يَسْأَلُونَكَ عَنِ الْخَمْرِ وَالْمَيْسِرِ ۖ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِن نَّفْعِهِمَا ۗ وَيَسْأَلُونَكَ مَاذَا يُنفِقُونَ قُلِ الْعَفْوَ ۗ كَذَٰلِكَ يُبَيِّنُ اللَّهُ لَكُمُ الْآيَاتِ لَعَلَّكُمْ تَتَفَكَّرُونَ) اي عم يبيع وينتفع ويستفيد منها قسم منهم ترك الخمر الاية التالتة ) (يَا أَيُّهَا الَّذِينَ آمَنُوا لَا تَقْرَبُوا الصَّلَاةَ وَأَنتُمْ سُكَارَىٰ حَتَّىٰ تَعْلَمُوا مَا تَقُولُونَ) حتى تعرفوا شو تقولوا .. بعد الصبح بدو ينزل عالشغل ما بيعرف ينزل بيكون صحيان بين الضهر والعصر ما فيه يسكر بين المغرب والعشاء ما في وقت لبعد العشاء صار ياخد قدح قدحين وينام خف الشرب .هلق في حدا منكم عم يسكر قبل الصلاة؟ هلق المصلين عم يصلوا سكارى .. الله قلهن ما تسكروا حتى تعرفوا شو تقولوا اذا انت ما عم تعرف شو تقول معناتها انت سكران.( شارب الخمر يصحو بعد سكرته وشارب حب الدنيا يبقى طول العمر سكران.) انا اعطيناك الكوثر ان شانئك هو الابتر شو معناتها بتقول ما بعرف صارلك 50 60 سنة بتصلي مابتعرف شو يعني شانئك الابتر ما اجى بباله يسال شو معناتها. الله الصمد ما بعرف طيب اسال الشيخ انت مو مسلم ما عم يفهم الآية الي عم يقراها.. مع انه المشركين لما تنزل الاية سيدنا عمر على شركه لما سمع الآية
( إِنَّنِي أَنَا اللَّهُ لَا إِلَٰهَ إِلَّا أَنَا فَاعْبُدْنِي وَأَقِمِ الصَّلَاةَ لِذِكْرِي )
قال هادا الكلام ما حق لمن قال الا ان يُعبد غيره دلوني على محمد دوغري خدوني تأثر بآية وهو مشرك وكان سيدنا عمر في الجاهلية قاسي كان عنده عبدة يضربها حتى يتعب لانها أسلمت وفي رواية انو دفن بنته بالتراب وهي طيبة عم يحفر التراب وهي عم تنفض التراب عن لحيته دفشها عالحفرة لما خلص وهي عم تنادي يا بابا يا بابا وعم يرمي التراب عليها حتى خنقها قيل هذا حديث ضعيف.. الله أعلم لكن كان شديدا لما دخل على نساء النبي كانت نساء النبي عم يضحكوا ويدقوا ويغنوا لما اجى عمر حطت الدف تحت منها وقعدت عليه والنبي متسطح قلهن النبي متسطح وانتوا عم تدقوا ويلكن امزامير في بيت رسول الله. قال النبي ﷺ تركهن ياعمر هذا يوم عيد قال عمر اتهبنني ولا تهبن رسول الله ؟فزت ام سلمة قالت نعم لانك رجل غليظ… اما النبي لطيف رحيم الله يرضى عليهن.
انما الخمر رجس شو معناة رجس نجس لذلك اتى جماعة قالوا يا رسول الله ان ماء المدينة أمرضنا اذا شربنا منه اصفرت وجوهنا وسقطت قلوبنا أأذن لنا بقليل من الخمر حتى نتداوى. فقال النبي ﷺ ما جعل الله دواء أمتي في نجس. هذا نجس فيما حرم عليها ما جعلها دواء ...شو بدنا نعمل قال لهم اخرجوا الى البادية فاشربوا من لبن الابل . طلعوا شربوا بول الجمال طابوا. ماء المدينة وغبارها ما عجبهن النبي قال غبار المدينة شفاء من الجذام… ماعجبهم ماء المدينة لا اله الا الله كل واحد جعل شفاءه .....بعض الامراء يقول طلع الى المدينة صلى الفجر عم بيبعوا حليب بغير رمضان بعد الفجر سحلب وكعكة بياخد زبدية وبينزل على شغله شرب هادا وقلهن حليب المدينة مو طيب قلهم بيني وبينكم هونيك المعزة بتاكل كياس ورق بتاكل اكل في نايلون عم يموتوا من النايلون اي حليب المدينة ما طيب. راح عالبيت تسطح طرق النبي ﷺ الباب قله والله لا تسكن في بلد انا فيه تشرب من لبن المدينة وتقول عنه ما طيب ...قام ضب غراضه ومشي طردوا من المدينة. انطرد
الناس ما بتصدق هالقصة والله يا ابني صحيحة. انا بعرف الله عزوجل يرضى لنا العافية. لما طلعت على حارة الاكراد ضليت عشر سنين في واحد هناك الله يرحمنا ويرحمه ما حدا بيعرفها له حردبة يجي يعمل حاله شيخ على كل المشايخ يسألهم باللغة العربية بالدين يشارع منشان يقول انا افهم منك. اجى لعندي نسأل الله العفو والعافية نص ساعة اول سؤال تاني سؤال عالجنط نفّس قلعته. بده يطلع عالحج طلع هو وابنه لما وصلت الطيارة للمدينة اول ما انفتح باب الطيارة بده يطلع رجعوني رجعوني عالشام لحتى نزل من الطيارة خمسين ونش لنزله متل ما بيقولوا..ركبوا بالسيارة نزل بدهن يدخلوا صار يعوي متل الكلاب اجتمعت الناس حواليه ولا دخل ولا دخل رجع دوغري عالطيارة عالشام لا زيارة ولا حج متل الكلاب عم يعوي .عم تشوف حالك على أهل العلم وتتكبر عالعلماء رجعوه هادا ما حدا حاكالي عنها انا بعرفه بالحي. الله عزو جل يتوب علينا .. نرجع لسيدنا سعد بسببه نزلت اية تحريم الخمر رضي الله عنه وأرضاه .خمران حمل حنك الجمل الي فيه سنان ضربه فيه اجى على مناخيرو شق له مناخيرو نظر اليه سعد وقال لك مثلها واعفو عنك وأسال الله ان يحرم علينا الخمر . نزلت آية تحريم الخمر رضي الله عنه. اولا ان يكون الله ورسوله أحب اليك من كل محبوب.. هلق في انفال انفال ما في بالحرب وآية( أَنَّمَا غَنِمْتُم مِّن شَيْءٍ فَأَنَّ لِلَّهِ خُمُسَهُ وَلِلرَّسُولِ ) اهل السنة والجماعة قالوا هاي خاصة بالنبي وانتهى العمل به.. عند الشيعة الآية معمول فيها كل مربح الناس اله منه عشرين بالمية عملوا بها شو بيسموه الخُمس والخُمس لمين؟ للعالم عليه ان يجيب خُمس المال الا اذا كان بدو يطلع للحج كل ماله بيجيبه بيطالعه للشيخ بيوت ودكاكين ومحلات الخُمس للشيخ حتى يُقبل حجته .
في البُهرة نوع من الشيعة بالهند هول أغنى المسلمين في العالم عندهم مصانع طائرات ودبابات الشيخ عندهن اذا مات بيساولوا قبر من الالماس والياقوت وبيكتبوا عليه قل هو الله احد بالاحجار الكريمة ياقوت وزمرد والماس ..وعندهن كل سنة بدو الواحد بجمع كل ماله من المرابح عشرين بالمية للشيخ لذلك الشيخ عندهن يسمى سلطان اجى رئيس اميركا ليزوره ما طلع استقبله ضل قاعد عالكرسي دخل لعنده وقدم له التحية لحتى استقبله اذا بدو يطلع ولاية العرباية تبعه 12 راس خيل بيسوقها .. سلطان هادا الشيخ عندهن ..المسلمين وين حطوا الشيخ لا اله الا الله عزّوا الشيخ الله نعزّوا وأغناهم وجعلهم أغنى بلاد العالم. أعزّوا دين الله فأعزهم الله.
فهلق هاالآية بالنسبة انتو شو معمول فيها انتو من اهل السنة والجماعة ولا الشيعة لازم تكونوا من شيعة الشيخ انتو أَنَّمَا غَنِمْتُم مِّن شَيْءٍ فَأَنَّ لِلَّهِ خُمُسَهُ وَلِلرَّسُولِ الله يبارك لكم بارزاقكم ويوسع علينا وعليكم ويتقبل منا ومنكم.
مبارح اخدنا صفحة كاملة من سورة النساء عن طلحة بن ابيرق. واليوم اربع آيات نزلت في سيدنا سعد بن ابي وقاص.
السيف يسألونك عن الانفال
بر الوالدين ووصينا الانسان بوالديه
الوصية الثلث
الخمر انما الخمر والميسر.
لا اله الا الله لا اله الا الله لا اله الله لا اله الا الله