بحثنا اليوم عن الامام الشافعي (رضي الله عنه). في حدن شافعي؟. احباب منتسبين للامام الشافعي في احكام التشريع. الامام الشافعي. ابو عبد الله بن محمد ابن ادريس ابن العباس ابن عثمان بن الشافع ابن السائب يلتقي نسبه بجد جد النبي ﷺ . هاشم ابن عبد المطلب ابن عبد المناف. ولد رضي الله عنه بغزة. التي نسال الله ان يفرج عن اهلها. ولد في يوم الجمعة اخر يوم من شهر رمضان. سنة 150 بعد النبي ﷺ. وهي السنة التي توفي فيها الامام الحنفي رضي الله عنه ولد الامام الشافعي. بعض المحبين بالغ وقال حتى اليوم يلي ولد فيه مات فيه. وهذا شوي مبالغ فيه وهذا مما يدل على صحة قول النبي ﷺ. القائل: ان الله يبعث لهذه الامة على رأس كل مئة سنة من يجدد امر دينها. تجديد امر الدين ما في تغيير بالدين. الدين واحد. لكن ما دخل على الدين ما دخل على اصحاب القلوب المنحرفة او على اصحاب الهوى. فبيجي واحد مجدد بينضف الاسلام من هالتعلاقات يلي تعلقت فيه. اما الصلاة صلاة والصيام صيام والحج حج. ما بيغير شي من الكتاب انما يطهر النفوس من بدع او من مخالفات فياتي بحقيقة الشريعة المطهرة. وفي الحديث قال ﷺ مثل العلماء في الارض كمثل النجوم في السماء يهتدى بها في ظلمات البر و البحر. اذا كان باخرة في البحر ضلت الطريق بتعتمد عالنجم. اذا واحد ماشي بالصحراء ضل بيعتمد عالنجم. في النجم القطب. يعني بعدنا بالطريق الصحيح. عليه الصلاة والسلام قال مثل العلماء كمثل النجوم في السماء يهتدى بها في ظلمات البر والبحر. فاذا انطمست النجوم تضل الهدى. يعني اذا راحت العلماء صار الناس نسيو الهداية ونسيو طريق الهداية. متل اذا كانت النجوم في السماء انخفت يلي بالصحرا بيضل ويلي بلبحر بيضل. رضي الله عنه وارضاه توفي ابوه وهو رضيع. ثم حملته امه الى عسقلان بفلسطين. فنشأ بها ثم اقام بها ثم مات فيها. مدينة من مدن فلسطين على الساحل المحيط. بين جدة وبين جبرين. فهي عسقلان يعني مع المسلمين يما مع اسرائيل. مع اسرائيل. ما لح تطول ان شاء زلله لح ترجع للمسلمين قريبا. ان شاء الله. رضي الله عنه كان يقول ولدت بغزة وحملتني امي الى عسقلاء. يعني الامام الشافعي شو هوي؟ فلسطيني. في ناس هلق اذا اتى امام فلسطيني بدو يخطب بيقوله ممنوع. واذا فلسطيني الامام الشافعي كان فلسطيني. في بعض الأنبياء كانو من فلسطين. المقدسي من القدس. كتار من الائمة من فلسطين. بالاسلام ما في فلسطيني وشامي وسوري ما في. في الاسلام في المسلم. من اي البلاد كان. فاذا اتاكم من ترضون دينه وخلقه فزوجوه الا اذا كان فلسطيني. في ناس مساكين يسيئون الحكم الشرعي وبيخلوا الناس تحكي على الاسلام. الفلسطيني مسكين بينكسر خاطره بتقوله اخي. انا متل لما اسال الله يرضا عليه محمود شو به الفلسطيني. استغفر الله العظيم. ما قصدت بذلك حطه بمقام او درجة . فممكن الله عز وجل يجعل من الفلسطيني اعظم من اهل الشام. والله الله جمعني بخلص خلص احباب الله الفلسطينيين. الله يرحم يلي توفو ويبارك بالموجودين. فسيدنا الامام الشافعي شو اسمه فلسطيني. يلي بيزعل من الفلسطينية قل له انا منسوب للشافعي. الله يرضا عنه. جده العباس المنسوب الخاص منسوب لجد جد النبي ﷺ. وقيل جد جده شافع ابن السائب صحابي صغير. التقى بالنبي ﷺ، او تابعي قبل 7. . 8 سنين لما التقى بالنبي ﷺ، عن انس (رضي الله عنه) عن النبي ﷺ في قسطاس اذ جاءه السائب ابن عدي ابن الشافع إلى النبي فنظر النبي ﷺ فقال من سعادة المرء ان يشبه اباه. ابن السعيد بيشبه والده. الشافع له اخ اسمه عبد الله ولي مكة صار والي مكة. والله تعالى قال كان ابوهما صالحا. فابوه من الصالحين ذرية بعضها من بعض. وقد تقدم معنا قول النبي ﷺ الود يتوارث والبغض يتوارث. اذا واحد بيبغضه بيجو اولاده بيبغضوه. اذا واحد بيحب بده يجوا ولاده كمان بيحبوا. الولد سر ابيه. اذا كان الوالد بيحب بيجي الولد بفطرته بيحب. واذا ما بيحب لو جاب سحر ما بيحب. الله يجعلنا من اهل الحب. الله يرضا عليهم بعض الاحباب الله يوفقهم تزوجوا وجابوا مولود. الولد لما صار عمره سنتين جابه لعند الشيخ. الولد بس شاف الشيخ ترك ايد ابوه وركض على اجرين الشيخ بوس اجريي. قلت له شو؟ قال لي والله ما عندي خبر. فلت ايدي وركض يبوس. عمره سنتين. مين يلي علمه؟ الود يتوارث والبغض يتوارث..
لذلك قالوا اذا اردت ان تعلم إذا صاحب البيت يحبك او لا يحبك انظر الى اولاده اذا الاب بيحب او الاَم بتحب بيركض ركيض. الله يرضا عليهم في اخوان من بيروت عم يجو كان طفل صغير.. سبحان الله. تلك الفتاة يلي تزوجت الشاب قالها الشيخ بعت فلان يخطبك قالتله والله لو عبد اسود انا بقبله. ما دام الشيخ قبل انا بقبله. وافقت وتزوجت. اجا اول ولد الله عز وجل يبارلكم فيه. رحت لباركلن من تم الباب الولد اشتغل بالبكا. بكي.. قلت لهم جيبولي ياه. جابولي ياه قريتله. نام. بدي يشيلو يحطو بالتخت اشتغل بالبكي خليته.. ربع ساعة.. قلتله ابني خذه سطحه. هو اخده من هون رجع بكي ما بده يفارق الشيخ. حملته رحت عالتخت سطحته بالتخت. هو نايم. انا وصلت لحد الباب اشتغل بالبكي. قلت له شو بتريدني ضم قاعد قدامك؟ هههه اقعد بقا اهدأ ركن. طلعت.. هالولد الله عز وجل اكرمه لما صار عمره 10 سنين طلع خطب خطبة الجمعة وكان موجود فيا المفتي و رئيس الوزارة. 10 سنوات. خطب خطبة الجمعة المفتي بكي ورئيس الوزارة بكي. هلق بينزل من بيروت لهون مشان يحضر الدرس ويطلع. يوم الاربعاء بيزل صباحا. من بيروت لهون بينزل مشان يحضر الدرس. في جماعة بينن وبين الشيخ كم كيلومتر وما بيجو. توفيق الهي. من الطفولة اذا كان الاب بيحب والام بتحب الولد بيطلع من الطفولة بحب. بفضل الله في من الاطفال مابينام اذا ما حطيتو صورة الشيخ قدامه. امه بتحب وابوه بيحب.. فطلع السر بالولد الولد سر ابيه. الله يجعلنا من السابقين في محبة الله ورسوله ام الامام الشافعي (رضي الله عنه) ، اسدية نسبها الى علي بن ابي طالب (رضي الله عنه). جد جده نسبه الى سيدنا محمد ﷺ. امه هاشمية. ولد هاشمي. لذلك نسبه نسب كامل. كان من ازكى الخلق. (رضي الله عنه).
عقل الامام الشافعي.. قالو لو وزن عقل الشافعي بنصف عقل اهل الارض لرجحه. بنصف عقل اهل الارض بيطبش عليهم. (رضي الله عنه). ولو جمعت امة محمد ﷺ، فجعلت في عقل الشافعي لوسعهم. اديش عنده عقل. هالعقل الناضج الكبير يلي حمل الايمان. حمل الاسلام وقام بتبليغ دين الله عز وجل . امه لما مات والده وهو رضيع حملت ولدها و اخدته على الحجاز. دخلت به الى قومها من اهل اليمن فلما بلغ 10 سنوات خافت على نسب الشافعي الشريف فحولته الى مكة. فنزل قرب شعب الخيف. هذا في منى يلي طلع منكن عالحج في جامع الخيف صلى فيه 60 نبيا. وهو المكان الذي حبس به النبي ﷺ هو واصحابه 27 شهر. هذا وادي الخيف. فمسجد الخيف نزل قدامه الامام الشافعي. فدرس وتعلم على علماء مكة (رضي الله عنه) . لكن مشكلة تعليمه كان فقير وامه فقيرة ما في مصاري ما كان معها امه اجرة للمعلم تدفع. يقول الامام الشافعي: كنت يتيما في حجر امي ولم يكن معها ما تعطي المعلم وكان المعلم قد رضي مني ان اخلفه اذا قام. شيخه لما شاف فيه هالذكاء والنباهة والحفظ سامحه بالاجرة تعا تعلم من غير اجرة. من سرعة الحفظ. يقول الامام الشافعي (رضي الله عنه) كنت انا في الكتاب الولاد مطرح ما بيعلمو الولاد الصغار اسمع المعلم يلقن الصبي قول بسم الله الرحمن الرحيم قال فاحفظها بمجرد ما يقول له ياها. فاذا فرغ المعلم من تعليم الصبيان اكون قد حفظت ما املى علي. لما شاف هيك سريع الحفظ قال ما بيجوز اخد منه اجرة. قال عنه انه كان اذا فتح الكتاب حتى يقرا بيقرأ الصحيفة هي. اذا سبق نظره يحفظ. الصحيفة دغري يحفظها (رضي الله عنه) . حفظ القران كان عمره 7 سنوات لما حفظ القران. وين ولادنا هلق صار؟ 7 سنوات وين بيكون؟ بس صف اول صار عقله وين كله بالافلام الكرتون. بينما الشافعي لم يجد ثمن ورق يكتب فيه حتى ما ينسا العلم. فعمد الى التقاط العظام ويكتب عليه. رجع حضر عند الامام مالك. (رضي الله عنه). الامام مالك عم يدرس الشافعية. عم يكتب على كفه بريقه. ظن الامام مالك انه عم يلهو. لما خلص الدرس قال له تعا يا ابني تعا. قال له يا ابني بدك تحضر الدرس الزم الادب. قال له ليش بشو اسأت الادب؟ قال له شو كنت عم تعمل. قاله كنت عم بكتب الدرس حفظت الدرس. قال له حفظت الدرس؟ قال اي. شو حكينا حكاله الدرس. فالامام مالك قبله وقال له يا ولدي اني ارى بين عينيك نورا فلا تطفئه بظلمة المعاصي. حافظ على هذا النور الذي اعطاك اياه الله عز وجل.هذا يا ابني يلي بده يصير عالم. يتعلم العلم بده يكتبه. دائما بيده قلم بيسجل لان اذا ما سجل بيروح منك. .هلق درس مبارح شو كان. نسيتو لان ما كتبتو. اما لو كاتب الدرس راح عالبيت كرره حفظ الدرس. تعلم اول درس حفظه تاني درس تالت.. صار عالم.
الشافعي طلب العلم. حتى بعض معلموه ساله منين انت؟، قال من اهل مكة قال من ايا قبيلة قال من عبد المناف. قال له بخ بخ لقد شرفك الله تعالى في الدنيا والاخرة. كان عم يدرس الشعر قال له الا وجهت همتك إلى هذا الفقه. فدرس الفقه وصار من كبار الفقهاء وهو صغير. . كان عمره 15 سنة لما اذن له شيخه بالافتاء. 15 سنة فتوى. ما بيصير قبل ل40 سنة يفتي قال له افتي يا ابا عبد الله فقد والله آن لك ان تفتي. هيدا شيخه شيخ الحرم المكي اذن له. حفظ حديث سفيان ابن عيينة محدث الحرم المكي. كتب عنه الحديث. سفيان ابن عيينة يروي الحديث فيكتب الحديث. ومتى كتب الحديث حفظه.. هذا العلم. كتابة الحديث وحفظ الحديث. بينحفظ. تاني يوم بتكتب حديث تاني. بتحفظه. اما تكتب الحديث عالدفتر وتسكر الدفتر بلا ما تحفظه ما هيك العلم يا ابني. يلي بيحفظ احاديث كل يوم جمعة بيكرر الاحاديث يلي حفظها. هيك العلم يا ابني.
اذا بيكتر ما بيمضا عليه سنتين الا بيكون حافظ شي 5 الاف حديث. صار عالم من العلماء هيك العلم يؤخذ. اما سمعنا ويلي سمعناهم حطيناهم هذا انسان لا ينتفع بالعلم ولا بينفع حياته كلها بتروح. سمعنا ونسينا سمعنا ونسينا ضاعت
اما يلي بدو العلم بيكتب بيحفظ. حكيتلكن بفضل الله عز وجل كان عمري حول 16 سنة او17. قعدت مرة سجلت الاحاديث يلي سمعتها من شيخي. كتبت 8 الاف حديث 16 سنة كان عمري. كل ما اكتب حديث احفظه. بعدين صرت اكتب كتب حديث واحفظ بفضل الله. الترهيب والترغيب بالمية، 85 منه حفظ بفضل الله. كتاب الجامع الصغير في زيادة عنه الفتح الكبير في زيادات عالجامع الصغير. 22 الى 25 الف حديث. وانا طالع لامريكا بالطريق كررت 15 الف حديث بالروحة و15 الف حديث بالرجعة. اخدت ام العيال؟ معي ما حكيتها ولا كلمة. بالروحة لما حطو الاكل قلتلها، شو بتشربي قال منيح يلي حكيت. عم كرر 15 الف حديث يلي حافظن بالطريق. فبدي حفطكم كلام النبي ﷺ الله يتقبل منا ومنكم. فرضي الله عنه لما كتب الحديث وصار يفتي وصار يقرئ القران ويحفظ القران. اتقن قراءة القرآن وتلقينه. كان عمره 13 سنة اديش اتقنه. مع هذا العلم كان (رضي الله عنه) دقيق في الرماية نيشانه نيشان صحيح كان بال100 ضرب يصيب 100 او 99 هذا بالسهم. يحط السهم ويضرب. شو هالعلم هذا. حتى بعض الملوك فحصه حط تفاحة على راس عبد. قال له بدك تضرب التفاحة. اذا اخطئت بدو يقتل العبد. اذا قتل انسان يقتل به هيدا عامل له ياها فخ. فالامام الشافعي حط النيشان فاتى في وسط التفاحة. فهذا الشيخ يا ابني بده يكون خبير بكل وحدة. نيشان متقن. امتا ما كان. الله يوفقنا عز وجل واياكم. انا الله اكرمني كنت بسعيد باشا اشتريت بارودتين بدرب الاخوان عليها. قلت له عبيها وكل واحد عطيه 5 ضروب. انا بالبيت كان عندي بارودة خردقة. حطيت ملعقة بزاوية الاوضة قلبت البارودة حطيت المراية وصبت الملعقة عالمراية. لما صار ساوو بسوريا المقاومة الشعبية. الله يرضا عن شيخنا يوميتها المشايخ دخلو فيها انا فتت مع شيخنا بعدين سلموني قيادة فرقة. اكتساح بدنا نهجم بدنا كذا.. الصور لهلق موجودة عندي نجحنا فسلمونا يوميتها بريتا كان هيدا رشاش. بيرش رشا" و دراكا". ما بيسلمو الا للاوائل. ورميت عالقنبلة. قنبلة اذا ما كان خبير واحد بيروح حاله بعض اوقات. فكيتها ورميتها واخدنا الدرجة جيدة جيدة بالرمي اخدنا 98 على مية. اجو الخمسة، الاربعة جوا ووحدة اجت عالخط. لو شوية داخلة عالخط كان 100 ع 100. فالحمدلله. فالامام الشافعي كان رامي. مع الرماية الفروسية. كان يركب ويقفز عن الخيل وكان شجاع من الشجعان. كان يمسك ادن الفرس وينط عن الفرس. ما يمسك الرسن. يمسك اذن الفرس وينط عالفرس
المشيخة هيك المشيخة. الشيخ بده يكون حركة بده يكون واعي بده يكون عنده نشاط اَما شغلة كسلنة وعدم. الاسلام حلو والله يا ابني. مرة شفت شيخ بسوق الحميدية. جبة قصيرة والشروال نازل من تحت الجبة. لابس شحاطة وماشي بسوق الحميدية الله وكيل يمكن لو ماشي على بيض ما بيتحركو البيضات. قلت انا بسلم عليه. السلام عليكم مديت ايدي. عَمل يده هيك مشان يقلب الكم ومد ايده مسكت ايده نوم رخو.. شو باك.. شيخ لازم يكون... قال لي انا من الزاهدين. قل له انت من الميتين ما من الزاهدين. ميتين. شيخ بده يكون قبضاي. نبينا ﷺ كان لما يمشي الصحابة تركض وراه ركيض. سيدنا ابو هريرة مرة قال : يا رسول الله . عليك بالهوينة امشي شوي شوي تعبنا يعني. النبي قال : اني امشي الهوينة. انا عم بمشي على مهلي. النبي ماشي على مهله وهني عم يركضو وراه ركيض. يا ابني الدين ما في دين ميت. لما سيدنا عمر شاف واحد عَم يصلي وراخي رقبته مسك الدرة ونفضه ارفع راسك متى موتت علينا ديننا؟، ديننا انسان مهيأ ما في نوم. اقتد كون قبضاي. الله عز وجل يوفقنا كونو رجال يا ابني. الاسلام ما تبين عجز الاسلام. بين قوة الاسلام نشاط الاسلام حيوية الدين كون قبضاي. والله يا ابني انا لما درست الابتدائية انا بحكيلكن بس مشان انتو تنتبهوا شلون لازم تكونوا. درست الابتدائية كان عمري 17 سنة. لان الوالد رحمة الله عليه طالعني من المدرسة كان عمري 7 سنوات. و3 اشهر كنت داخل بصف الرابع 3 اشهر. وطالعني عالشغل. في سن ال17 درست الابتدائية ليلا. في بعض الطلاب بالبسكليت كنت اتسابق والله انا وياه علبيسيكليت. انا ماشي وهو عالبسكليت اسبقه من العمارة للمرجة. ركضة وحدة. وهو عالبسيكليت اسبقه ب اكتر من 3 دقايق. شلون انت ماشي.. بدها نشاط ابني ما بدها كسل. فالاماَم الشافعي كان شجاعا وكان راميا رماية دقيقة ومع ذلك كان صاحب صوت (رضي الله عنه). الحديث ما بعث الله نبيا الا حسن الصوت. ﷺ فكان الامام الشافعي اذا قرأ يلي ورا منه يبكوا. متل شيخنا يلي حصل شيخنا لما كان يصلي فينا صلاة المغرب ما يبقى حدن بالحامع الا يشتغل بالبكاء يوقف عند الايات مواقف. وقرائته مع حنانها وعطفها ولينها وذكر الله ما يبقا حدن بالجامع الا يشهق بالبكاء. شو تم يعمل فينا الشيخ. الشيخ عم يقرأ. صلاة العيد لما يصلي فينا صلاة العيد يقرأ بسورة (ق). "ولقد خلقنا الانسان ونعلم ما توسوس به نفسه". يشتغل الجامع كله بالبكاء. فكانت قراءته بحنان. كذلك كان الامام الشافعي صوتن بالقراءة صوته عجيب. فكان بقراءته المسجد كله يعج بالبكاء. هذا القراءة مع الحضور والخشوع.كان طويل، سهل الخدين رقيقة. قليل لحم الوجه. طويل العنق طويل الرجلين. عظم الفخد والساق اسمر خفيف العارضين لحيته خفيفة كان يخضب لحيته بالحنة. جميل الوجه فصيح (رضي الله عنه). الَمطلوب من الامام الشافعي (رضي الله عنه). لما التقى الامام الشافعي بالامام مالك وسمع كلامه نظر الامام مالك الى الامام الشافعي، الامام مالك كان صاحب فراسة وله بصيرة قال له تعا يا ابني قرب لاقول لك. شو اسمك انت قال له محمد. قال له يا محمد اتق الله واجتنب المعاصي فانه سيكون لك شأن من الشأن عظيم. بكرا بدو يصير لك مكانة كبيرة. اتق الله. شأن؟ قال له نعم. اذا كان غد تجيء ويجيء َمن يقرأ لك. قال فقلت انا من اقوم بالقراءة شو بدي جيب واحد يقرالي قال فغذوت عليه اجا تاني يوم بكير فاعجبه حسن قراءتي واعرابي عم يقرأ ويوقف المواقف. مواقف القرآن لها معاني حلوة. فعم يقرأ كله ورا بعضه فقال له زد يا فتى كمل اقرا كمان قال حتى قرأت عليه القران في ايام يسيرة. كم يوم قرا الختمة ثم حفظ الموطأ في 9 ليالي. كتاب الموطأ للامام مالك حفظه ب 9 ايام وضل بالمدينة حتى توفي الاَمام مالك (رضي الله عنه). لح ناخد من حياة الامام الشافعي (رضي الله عنه) بعض كلامته حتى تشوفو هالانسان قديش كان له مكانة في العلم. (رضي الله عنه). من كلماته كان يقول. اذا صح لكم الحديث فخذوا به ودعوا قولي. ما دام ثبت الحديث لو كان مين ما حكى كلام النبي يقدم على كل كلام. بعض الناس بيتمسكوا بالمذهب. يعني البعض تقول له قال النبي يقول لك قال الامام. عم قول لك النبي قال.. قال الامام! طب الامام ولا النبي لا بيقدم الاماَم على كلامه. هذا تعصب اعمى. فالاَمام الشافعي قال اذا صح الحديث خدوا بالحديث واتركوا كلامي. الله يرضا عن شيخنا من جملة ما تعلمت منه لما استلم الافتاء كنا نصلي فرض الظهر بالدائرة. (رضي الله عنه) لما يصلي سنة الضهر يصليها 4 ركعات سوا. فبعض المشايخ قال له مولانا انت مفتي الشافعية والشافعي بيصلي كل ركعتين سوا. عم تصلي ال4 ركعات سوا. قال ثبت الحديث عندي ان النبي ﷺ صلى سنة الظهر الاربع متصلة. ثبت الحديث مادام ثبت الحديث فباخد بالحديث. ولو قال الامام خلص اذا قال ورد الحديث فنعمل بالحديث ولا ناخذ بقول الغير. و (رضي الله عنه) له كلمات كتير هائلة. قال لولا مالك وسفيان لذهب علم الحجاز. وكان الامام مالك في نظر الشافعي النجم. وكما ورد وهو نجم طمس ﷺ. كان يقول ان من اجلال الله. هذا حديث رواه الامام الشافعي. اكرام ذي الشيبة المسلم. هيدا من اكرام الله يلي بده يكرم الله يكرم الشايب. احترمه وقدره وكون معه.. (رضي الله عنه) واتى بحديث تاني (رضي الله عنه) فقال ليس منا. هذا كمان حديث عن النبي ﷺ. ليس منا من لم يجل كبيرنا. الاجلال التكريم والتعظيم. اذا واحد كبير لازم تحترمه. ويرحم صغيرنا ويعرف لعالمنا حقه.