ذلك فضل الله يؤتيه من يشاء والله ذو الفضل العظيم. واعلم يا اخي هذا كلام مؤلف الكتاب الامام الشعراني رضي الله عنه وأرضاه. من تحقق بالعمل وهو باتباع السنة قولا وعملا صار من رؤوس اهل السنة والجماعة.وكان هو في عصره. ومن لم يلقبه بذلك فقد ظلمه .. رئيس أهل السنة والجماعة الذي يتقيد باتباع ذلك قولا وعملا فإذا ما لقبناه بذلك منكون ظلمناه. ولا اعلم له أحد في مصر تحقق بهذا العمل والعهد هذا بزمنه. غريب وتقيد في أقواله وأفعاله وعقائده بالكتاب والسنة الا بعض أفراد العلماء أما المجتمع ما في حدا. كالشيخ عبد الرحمن التاجوري المغربي.
والعمل بالسنة نادر. الذي يطبقه في حياته قليل قولا وعملا .متى تعمل به كل ما بلغك حديث بتطبقه وبتنفذه عملا وهذا نادر
من يقوم به.
وقلت لقد منّ الله علّي في العمل فيه ببعض أقواله وأفعاله ما قال كل اقوالي وافعالي بل بعض فكذب وافترى من نسبني الى البدعة المخالفة لجمهور اهل السنة والجماعة .يعني اتهموه اتهامات وطالعوا على لسانه مخالفات .هادا في منه بكل زمان متى ما الانسان نجح بدو يدفع ضريبة النجاح. الحساد والمتآمرين والمنافقين والكفرة كلهن بدهن يعادوه .. ولا بد للمؤمن من أربعة أعداء .مؤمن يحسده ومنافق يبغضه وكافر يقاتله وشيطان يضله في كل مكان.
فان هذا ما هو نفسه مبتدع هالكتاب وهو المبتدع اللهم الا كان يريد الابتداع في شئ فيه من المحاباة بحكم العمومات فهذا لا يحرج عليه .. هلق في اشياء من الابتداعات عم ناكل بالمعلقة هاي بدعة ولكن مباحة عم ناكل تلات مرات بدعة ولكن مباحة عم ناكل عالطاولة بدعة ولكن مباحة. لان هذا الامر قل من سلم منه من العلماء فضلا عن غيره بما انها مباحات لا شئ فيها.
فاعلم واحمي سمعك وبصرك في حق العلماء حط تحتها خط احمر سمعك وبصرك منشان يحمي حق العالم لا تسمع منه ولا تطلع فيه ممكن يكون حسد ممكن عداوة ولا تصغي الى قول حاسد منهم قط. ورد في قول شهادة الناس بعضهم على بعض جائزة. ولا تجوز شهادة العلماء على بعضهم لان لهم قوم حسد( حسد الصفة والكار و المصلحة ..الحلاق بيحسد الحلاق واللحام بيحسد اللحام والشيخ بيحسد الشيخ. ولا تصغي الى قول حاسد قط.. الا اذا اجتمعت باحد منهم وفوضته بالكلام بتلك البدعة .فان رأيته متخلقاً بها وعرفته بالبدعة وصمم على العمل بها .. فهناك حذر الناس منه شفقة عليه وعلى المسلمين .
اذا كان عرفنا الشيخ عم يعمل البدعة الفلانية ونبهناه عليها وأصر انه يعملها منقلكن أوعى تطيعوه ...عم قول منشان ينتبهوا العالم والناس. حتى لا يقع منهم في الاثم لا المبتدع ولا لمن تبعه. انتوا ما دخلتوا فيها اذا واحد بدو يحكي على أحد العلماء لا تسمعوا منه ولو كان انا بدي احكي على العلماء او طعنت باحد العلماء بدي قول اسمه بينعرف اما بصورة عامة ما بينعرف مين. لا تسمع منه اي من كان يتكلم واياك ان تُحذر من اتباع أحد من العلماء اذا واحد قلك لا تروح تقعد،مع الشيخ الفلاني والشيخ الفلاني لا تسمع كلامه. بقول أحد من حساده بغير اجتماع به.. فربما يكون بريئا مما نُسب اليه .
متل ما حصل مع بعض أحبابكم كان في بعض المساجد عم يصلي ما حنذكر باي جامع بتعرفوا ساعتها شو الاسم. طلع الخطيب عالمنبر و نص الخطبة طعن بالشيخ رجب بكلام لا يليق بكرامة الانسان ..نسب ناقصة جدا فلما نزل هالأخ سألوا وين هالشيخ رجب جاوب ما بعرف قله ما بتعرف وين محلو ما زرته؟ قال له ما بعرفه قله نص الخطبة عم تطعن فيه وانت ما بتعرفه وما اجتمعت فيه ؟قله والله ما بعرفه بس هيك بسمع.. فهالاخ طلع من خرجه التفت قلهن يا جماعة الخطيب خطبته باطلة باطله عيدوا صلاتكم يطعن باهل الله وهو لا يدري من هُم .. فعاد الناس كلهم صلاتهم.. وقالوا له اذا مرة تانية بتخطب منكسر اجريك.. لاقى جزاءه ..ما دام ما بتعرفه روح بالاول تعرف عليه.. نسأل الله السلامة.
إياك ان يحذرك البعض من اتباع احد من العلماء لقول احد من حسادهم من غير اجتماع به فربما يكون بريئا مما نُسب اليه فيكون عليك اثم قاطع الطريق على المريد باتباع الشريعة.
رضي الله عن سيدنا الشيخ محي الدين قال.. قُطاع الطريق 3.
1.قاطع الطريق في السفر.
2.قاطع الطريق في البيت.
3.وأشدهم بلاءً قاطع الطريق من العلماء.
قاطع الطريق في السفر بيخلصوه ماله وبيقتله ومع السلامة.
قاطع الطريق بالبيت الاب بيقله لابنه ما تروح عند الشيخ بحرمك من كذا وامه بتقله اذا بتروح عند الشيخ ما بعود بطعميك او بعطيك هاي. واشد الناس بلاء من العالِم الي بيقلك لا تروح عند الشيخ . انا بدأت بدقني الشيخ الي كنت ادرس عنده .والشيوخ أغلبهن .. الشيخ حكواتي لما لازمت معه صار يحضر معي عند شيخي قلتلو شو رأيك حكواتي قلي كنا حمير مقفل على قلوبنا متل ما كانوا يحكولنا لكن الحقيقة الشيخ عارف زمانه… انتبهوا كانوا كتار هدول فيكون عليك اثم قطع طريق اتباع على المريدين عالشريعة.. واحد بدو يجي عالجامع بتقله اوعى تروح عند الشيخ. الشيخ بيعمل كذا وكذا ..بتقطعه عن الدرس عن الجامع هادا قاطع طريق .....هاداك قاطع طريق على الارض وهادا قاطع الطريق الى محبة الله. فإنك حينئذ تُحذر من اتباع السنة المحمدية وهذا واقع كثيرا في الاقران في هذا الزمان .بين الاقران الشيوخ هدول لا تروح لعندهن .لا تحضر عند الشيخ الفلاني ليش خليك عنا. انا هيك قلتلكن؟ انا بقلك روح حضر عند مين ما بدك ان عجبك كمل ما عجبك بترجع لعندي هذا فضل الله روح ادرس.. اجاني اخ بعد 12 سنة دارس عند المشايخ وقاري لكن قلي والله ضيعولي قلبي ..فقدت قلبي فراجع بتقبلني؟ اهلا وسهلا.
المشايخ بيطعنوا ببعضهم المهم انه خليك عنا لا تروح لبرا ..لا يا ابني روح ادرس واعلم شوف اذا لقيت اجمل .. الله يباركلك ما لقيت بترجع اهلا وسهلا .. فترى كل واحد يحذر الناس عن الآخر وكل منهم يزعم انه من اهل الطريق والجماعة كل واحد بيقول انا وغيري ما بيفهم هادا خطأ. اذا لقى انه ما في أفهم منه فهو جاهل يحذر الناس من غيره وكلهم يزعم انه من اهل الطريق والجماعة. النبي ﷺ قال ما أنا عليه وأصحابي (النبي على أيش كان ؟).. على تبليغ الرسالة على نشر الاسلام على تعاليم القرآن .. هذا ما كان عليه النبي ﷺ واصحابه ..الله يوفقنا.. فيختل الامر لعدم التوفيق على واحد منهما .. فالله يحمينا بمثل ذلك بمنهِ وكرمه لازم التنبيه والتحذير من قُطاع العلم .
حكيت لكن عن أحد المشايخ قال لي عم تربي دقن اسمع من هاللحية بدك تصير شيخ انا مني مصدق ايمتى شيل اللفة واحلق هالدقن وصير كرسون بالكبارية بهاللفظ . التاني قلي ما مصدق كمان شيل اللفة واحلق الدقن وصير شوفير تاكسي. والاول صار كرسون بالكبارية يقدم الخمر للناس والنسوان مع الراقصات والتاني شوفير تاكسي. وانا قلت بدي صير شيخ والله أكرمني. ذلك الفضل من الله. مساكين .مفكر حاله انه فهمان انه لا تعمل شيخ من جملة ما حرّضوا عليّ أبي قلي شو بدك تربي دقن بكرا بتقمل دقنك. قلتله خلص بدي ربي دقني صارلي 12 سنة لوصلت لهون الحمدلله الله يوجه له الخير الشيخ نزار يقول لي سبحان الي خلقك على هاللحية مااحلاها ما أنعمها .ما حلقت منها شي.
وكان سيدنا ابو الحسن الشاذلي يقول لا تكمل عبادة فقير حتى يصير يشاهد الشرع في كل عبادة عملها . هون الفقير بمعنى المريد. يعني يعملها بحضرته ﷺ على الكشف والمشاهدة كأنه مع النبي ﷺ اذا بده يطبق السنة. عم يقلد النبي ﷺ لا على الايمان والحجاب عم يصلي السنة عالحجاب المريد الذي دائما يلاحظ مع رسول الله على الكشف والمشاهدة في الصلاة… الصلاة والسلام عليك ايها النبي بده يلاحظ انه يسلم على رسول الله ﷺ ثم قال فإن قال قائل ما دليلك على ذلك ؟شو الدليل ليلاحظ انه بالسنة عليه الصلاة والسلام قلنا له قد رأيت النبي ﷺ في واقعة من الوقائع فقلت ما حقيقة متابعتك في العمل على موافقة شريعتك؟ هي ان تعمل العمل مع شهودك للشارع حال العمل لازم تكون مع شهودك للشارع مش شرع في العمل وبعد العمل تلاحظ شهودك للنبي ﷺ .
بدكن تفطروا .عند الافطار على أيش عم نفطر عتمرة لما تفطروا عتمرة بتلاحظ انه النبي ﷺ بيفطر عالتمرة تفطر والنبي أمامك نفطر عالتمر واللبن وانا باكل التمر ووراه بشرب اللبن هكذا كان يفعل ﷺ .شو السر فيها ؟لما باكل وانا شايف النبي ﷺ قدامي عم آكل النور وانظر الى النور وحياتي كلها صارت نور ومختلطة بالنبي ....الله يا اخواني بالجامع كنت درّس في صلاة الفجر 12 واحد فمر معي حديث للنبي ﷺ انه أضاف مع بعض الصحابة على خبز الشعير خل .قلتلهم للاخوان شو رأيكم نقلد النبي ﷺ بهالاكلة ..خبز شعير ما لقوا جابوا خبز درة وخل وقعدنا حلقة هون على ركبة ونص متل ما كان النبي ﷺ يجلس ونغمس الخبز بالخل والله أطيب طعام في حياتي دقته هالطعام .. يشهد الله ما ذقت قبله ولا بعده متله. قاعدين ملاحظين النبي قاعد تركنا محل بيناتنا وعم ناكل وعم نتطلع عالمحل كأنه معنا .كنا 8 ستة منهم بتوفيق الله شافوا النبي ﷺ بالمنام شافوه فرحان ضحكان واحد منهم قله ﷺ انا كنت عم آكل معكم هنيئا ..هاي خبزة وخل هيك لازم انه اي اكل بدك تاكله تلاحظ انه النبي ﷺ عم ياكل فبتعمل العمل مع شهودك للشارع مين الشارع ؟النبي ﷺ. حال العمل وبعد العمل ويحتاج من يريد العمل بهذا العهد الى الاحاطة بادلة جميع المذاهب المستعملة والمندرجة التي لاحت في افعال و أقوال علماءها حتى لا يخفى دليل من ادلتهم .. ما شرط انه تعرف كل الادلة .. الكل شي بيحير. يعني انا عم بقذفلكم صحيح مسلم منشان كلمة بسم الله الرحمن الرحيم هل الاية من الفاتحة ولا لاء .مجلد قريت عليها 300 صحيفة ما قال الشافعي والحنفي والمالكي والحنبلي مجلد قريت عليها عرفع الايدين بيرفع الايتدين ولا ما بيرفع ايتدينو 66 صحيفة انتو بتاخدوها بعشر كلمات حتى لا يكاد يخفى عليه دليل بين ادلتهم ولا قول من أقوالهم في مأمور به او منهي عنه مباح .بدنا نعرف كل حكم من الاحكام ..الاحكام هلق بدأنا . بالامام مسلم واحد واحد فمناخد الحكم منعرف انه عم ناخده عالمذاهب كلها الله يرضى عنه شو شددوا شو بحبشوا شو وسعوا بقول بسم الله الرحمن الرحيم ولا ما بقول شو طلعت النتيجة ان قريتها او ما قريتها منيح. اسبوع ضليت عم اقراه ..فالشيخ يا ابني اذا بده يجيب الخضرة وبده يطبخ ويعطيك ياها خالصة مخلصة. الله يوفقنا .
ثم بعد ذلك لا بد له من شيخ صادق يسلم اليه نفسه يتصرف فيها بالرياضيات والمشاهدات بدو يوجهك لتجاهد نفسك. تستعمل الرياضيات حتى تستطيع ان تسلك حتى يزيل عنه سائر الصفات المذمومة ويحليه بالصفات المحمودة هادا شغل الشيخ اذا حضرت معه يطهرك من النقائص ويجملك بالفضائل شغل الشيخ دائما يمحي عنك النقائص ويزينك بالكمالات والفضائل ..فليش الشيخ بيزعل فلان ليش تأخر وفلان ليش ما اجى لان به المجلس صار فيه تغسيل لعدة قلوب كان انغسل قلبه معهم لكن ما حضر ضيّع عليه غسيل قلبه .فما بتعرف باي مجلس يتجلى ويتفضل الله ..الله يرضى عن شيخنا كان يقول لا تتاخر عن أول المجلس يمكن البركة بأوله او بالوسط أو بالنهاية ..فاحضر من الاول لعلك تدرك هذا العطاء .هادا صار معنا بمجلس الخميس من الاول بدأنا اجى الفضل . فألله يتمم فضله.
فالانسان بيزعل بيحط العقدة بوجهه .هادا ما عرف شي ..لان الشيخ ما أساك شوي حتى يزيل الصفات المذمومة ويحليه بالصفات المحمودة .دائما سلوك الطريق يتعلق على شيئين ..التخليه والتحلية. بيقولوا الشيخ بيسلب لا تروح عند الشيخ بيسلبك صح؟ شو يعني بيسبلك بيسلب منك الصفات الناقصة ويعطيك الصفات الكاملة نعم هذا السلب بيصفيك من الاخلاق الناقصة بيعطيك الاخلاق الكاملة بيصفيك من الغفلة بيعطيك الذكر هاي ..التخلية أولا كاسة وسخة بتعبيها ولا بتغسلها اولا نضفتها من الاوساخ وبعدين عبيتها وهكذا يا اخواني الشيوخ ما يتوجه بنوره الى قلبك وقلبك معبى بغير الله حتى يطهر القلب مما سواه من الاغيار .يملأه بالانوار. طهر قلبك بكثرة الاستغفار بكثرة الذكر فاذا اتطهرت ممكن بتوجه واحد الله يجييك الى ما شاء الله (الله يجعلنا من الصادقين) ويحليه بالصفات المحمودة ليصلح ان يكون جليس الله وجليس رسول الله .. شلون بدك تجالسهم اذا ما تطهرت ولا ممكن. اذا الواحد منكم دخل الى بيت الخلاء وتتطرش شوية نجاسة شو بيعمل بيشلحها وبيغسلها اذا شوية نجاسة ما قبلت فيها.
اذا كان قلبك منجس بالغفلة والاعراض عن الله والانشغال عنه هادا أبلغ من النجاسة .شلون قلبك بدو يكون حاضر مع الله ؟شلون قلبك بدو يتذوق حلاوة الايمان و حلاوة القرآن فلا بد لك من تطهير القلب أولا لمجالسة الشيوخ فالله بيفتح عليك.
فان غالب الناس قد ادعو مجالسة الله ورسوله مع تلطخهم بالقاذورات الممانعة من دخول حضرة الله ورسوله فازدادوا مقتاً وطرداً .عم ينسب لنفسه انه يجالس الله ومعه حال مع رسول الله ﷺ وهو واقع بالقاذروات بالغفلة والكذب والنميمة .هادا كله عم يزيد بعد عن الله. وقد ورد في الحديث من لم تنهه صلاته عن الفحشاء والمنكر لم يزدد من الله الا بعداً.
نصيحة الشيخ الشعراني رحمه الله فاعمل يا اخي على جلاء مرآة قلبك من الصدأ والغبار (الصدأ. الغفلة) (الغبار. الذنوب) فطهر قلبك من الغفلة والذنوب ..الصدأ بكثرة الذكر والغبار بالتوبة الى الله .فالحديث ان القلوب لتصدأ كالحديد جلاءها بذكر الله. وعلى تطهرك من سائر الرذائل حتى لا يبقى فيك خصلة واحدة تمنعك من الدخول الى حضرة الله سبحانه وتعالى أو حضرة رسوله .السب رذيلة الشتم النظر الاستهزاء بالناس .. النظر غدر الى انسان رذيلة .بده يتطهر من هذه الرذائل كلها حتى يدخل.
لا يصلح يا ابني ان يجالس الانسان الملوك بثياب نجسة ممكن؟ بيدفوله رقبته.. ملك الملوك بدك تجالس الله بده يكون قلبك طاهر من الاغيار كل ما سوى الله غير. القلب بده يتطهر من السوى ولا يبقى في القلب الا الله وحده. وتطهرك الفعلي والقولي من سائر الرذائل حتى لا يبقى فيك خصلة واحدة تمنعك من الدخول الى حضرة الله او رسوله.
طيب شو بدي أعمل حتى يكون معي؟ قال فان اكثرت من الصلاة والسلام عليه فربما تصل الى مقام مشاهدته ﷺ .الاكثار من الصلاة هادا الي مالو شيخ .بده يتخذ شيخه النبي ﷺ بده يكثر صلاة عليه وهي طريق الشيخ نور الدين الشوني والشيخ احمد الزواوي هؤلاء كانوا يرون رسول الله يقظة والشيخ محمد بن داوود المنزلاوي وجماعة من شيوخ اليمن. فلا يزال احدهم يكثر من الصلاة عليه ﷺ حتى يتطهر من كل الذنوب ويصير يجتمع به يقظة أي وقت يشاء مشافهة يتحاكى مع النبي ﷺ .. ومن لم يحصل له هذا الاجتماع فهو الى الان لم يكثر من الصلاة والتسليم على رسول الله الاكثار المطلوب يحصل له هذا المقام.
اخبرني الشيخ أحمد الزاووي هادا كان يسأل الرسول ﷺ يقظة كان لم يحصل على ان يراه يقظة حتى صلى عليه صلاة سنة كاملة كل يوم وليلة خمسين الف مرة. (المية بدها ربع ساعة )خمسين الف مرة ..أتى رجل الى النبي ﷺ قال يارسول الله كم اجعل لك من صلاتي قال ﷺ ما شئت قال اجعل لك ربع صلاتي قال ﷺ ما شئت فان زدت فهو خير قال اجعل لك تلت صلاتي قال ﷺ ما شئت وان زدت فهو خير قال اجعل لك نصف صلاتي قال ﷺ ما شئت وان زدت خير قال اذا اجعل صلاتي كلها لك قال ﷺ اذاً تكفي همك ويغفر ذنبك وتقضى حوائجك .هادا الي بيصلي عالنبي. ﷺ
وكذلك أخبرني الشيخ نور الدين الشوني انه واظب اكثر من سنة وهو يصلي على النبي كل يوم 30 الف مرة ..نحن عم نصلي؟ نحن اذا صلى عالنبي 100 مرة بيشوف حاله. ما شاء الله حوله وسمعت سيدي علي الخواص رحمه الله ..لا يكمل عبد في مقام العرفان حتى يصير يجتمع برسول الله ﷺ أي وقت شاء ايمتى ما بدك صار عندك الصفاء بالمراية بتجتمع فيه كل ساعة .. قال ممن بلغنا انه كان يجتمع بالنبي ﷺ يقظة ومشافهة من السلف. الشيخ ابو مدين شيخ الجماعة رضي الله عنه كان يحدث رسول الله ﷺ وهو في طريقه ..فمن وين بده يجيب العلم بقى؟ ﷺ والشيخ عبد الرحيم القناوي والشيخ موسى الزوري وابو الحسن الشاذلي والشيخ ابو العباس المرسي وابو السعود ابن ابي العشائر والشيخ ابراهيم المدبولي. والشيخ جلال الدين الاسيوطي كان يقول رأيت النبي ﷺ واجتمعت به نيفاً وسبعين مرة ..اكتر من سبعين. هادا متل العلماء ؟متله متلنا؟ فليبك على نفسه على من ضاع عمره وليس له فيها نصيب و لا وصل. بدها بكاء ولا لا؟ اذا كان له شيخ ربع الصلاة بتكفيه واذا ماله شيخ منقله القصة واكثر من الصلاة..
واما سيدي ابراهيم المدبولي رضي الله عنه فلا يحصي اجتماعه به ﷺ لانه كان يجتمع به في أحواله كلها ويقول ليس لي شيخ الا رسول الله ﷺ ..له الحق يحكي هالكلمة انه ما دام في كل الاوقات عم يجتمع فيه .شيخه رسول الله.
وكان ابو العباس المرسي يقول لو احتجب عني رسول الله ﷺ ساعة ما أعددت نفسي من جملة المؤمنين .ساعة لو ينحجب عنه معناتها قديش عم يشوفه من 12 ساعة هادا حياته حياة وحياتنا حياة؟ تقاس الملائكة بالحدادين؟ هاد من جملة الملائكة ونحن من جملة الفحامة بياعين الفحم. في نسبة بين هاد وهاد؟ هاد الي بده يصل. فالي عم يصلي عالنبي خمسين الف مرة بدها خمسين الف ساعة معناتها ليل و نهار ونهار وليل معناتها ما عنده شغل الا يصلي عالنبي جدّوا فنالوا. يلي بيزرع بده يحصد ويلي بيطبخ بده ياكل والي بيقصر بده يقعد جوعان .. ما تكونوا متل الي سألوها وين شعرك وهي قرعة قالتلهن بنت عمتي عندها كل ضفيرة بهالطول.. وانت شوي ما تفرح بالغير لان صارله وصارله ..انت وين مقامك؟ اخدنا البكالوريا وليسانس وماجستير ودبلوم وحصل دكتوراه. منقله قبض جهل مركب بينسب حاله للجهل.
قال حمار الحكيم يوما لو أنصف الدهر كنت أركب.. لانني جاهل بسيط وصاحبي جاهل مركب. جاهل ما بيعرف حاله جاهل مفكر حاله فهمان وين انت من هؤلاء ..هدول شيوخ وانت شيخ؟ سبحان الله لو بترجع الي يااخواني تنظيف مراية القلب والي له شيخ بيشتغل بالذكر معه الرابطة والله ما بده كل هالتعب امسح مرايتك ووجهها للشمس الشمس كلها بتنزل بقلب مرياتك .قرص الشمس وين بتنزل بهالمراية شو النتيجة حولها عا الظلمة بتضوي الظلمة فحسب مرياتك. كبر مرياتك ونضفها بتنطبع فيها ﷺ جمال كمال ما في جمال بالوجود مشابه جمال النبي ﷺ وما جمال يوسف بالنسبة لجمال النبي ﷺ الا اذا وضعنا واحد امام الألف صلى الله عليك يا رسول الله هادا جمال الحبيب.
هل لك قوة بصرية ترى هذا الجمال في ناس بيشوفوا النبي ﷺ بالمنام لكن بيشوفوه عاطيهم ضهره لانه انت عاطي ضهرك للسنة .عاطيك ضهرو ما بده يفرجيك حاله لانك انت منك أهل ..اتبع واعمل بالسنة واكثر من الصلاة على النبي ﷺ بيلتفت الك صعب واحد يدرك نور النبي ﷺ (حكيت مرة في درس من الدروس في الدرس حصل معي شي لا اله الا الله. وعزة الله لو وُجدت الشمس امام وجه رسول الله لكانت فحمة سودا امام نور النبي ص وانا صادق فيما اقول ..الشمس عم تضوي الكرة الارضية ماهيك ؟اما نبينا ضوى أهل الارض والسماء ماهيك حتى ملائكة العرش ضوت بنور رسول الله. ﷺ الحاصل طهر قلبك طهر مرآة القلب من الصدأ والغفلة .الصدأ هو الغبار والغفلة بدها ذكر الله والذنوب بدها توبة الى الله.
يا اخواني لازموا عالصلاة الي علمتكم ياها اللهم اجعل أجمل صلواتك وأكمل تحياتك على سيدنا محمد النبي الامي وعلى آله وصحبه وسلم .لازموا عليها وستجدون الخير ان شاءالله.
في بعض الاحباب بظنوا انه رؤية النبي ﷺ عن طريق الشيخ . صحيح بدها تكون عن طريق الشيخ والشيخ هو الرابطة .مع روحانية النبي تنعكس في مرآة القلب ..أولا بتشوف خيال ثم تشوف انه مو خيالات ثم تنكشف الخيالات ثم يرى النبي ﷺ مع الملازمة تراه في اليقظة لانه اهل العلم ما صدقوا و ما وافقوا ..معقول النبي ﷺ بالمدينة بده يطلع من قبره ويمشي لعندك؟ منقله شو عرف الشو اسمو بأكل الزنجبيل ؟ شو بيعرف الي مافهمان ..شو بيفهموا هادا الحب بتصلي عالنبي ﷺ. حتى الصلاة ما بتحبه ؟لو بيحبه ما كان صلى عالنبي؟ بيصلي عالنبي مع الارتباط الروحي يتحقق له الامال ..
وأعلم ان مقام مجالسة رسول الله عزيزة جدا وقد جاء شخص الى سيدي علي المرصفي. وانا حاضر ( الامام الشعراني) قال يا سيدي قد وصلت الى مقام أرى رسول الله يقظة أي وقت شئت. والشيخ علي من كبار العارفين بالله فقال له الشيخ (الله لا يفضحنا) قال له يا ولدي بين العبد وهذا المقام متئا الف مقام وسبعة واربعون الف مقام حتى ترى النبي يقظة .(.247 الف مقام؟ )ثم قال له.. ومرادنا تتكلم عن عشر مقامات منها فما درى ذلك المدعي ما يقول وافتضح وين جاي ؟ جاي بده يقول شفت وشفت ..انا شايفك عايش بالعتمة وكل الي حواليّ بالانوار ..سؤال واحد فضحه .جبلنا عشر مقامات طيب خمس مقامات ما بيحسن كذاب.. بيقولوا طحان ما بيغبر على كلّاس الي بيشتغل بالكلس غبار كتير وكمان الطحان عنده غبار كتير. لكن غبار الطحان متل غبار الكلاس.؟ رحم الله امرء عرف حده فوقف عنده.
لو كان مشاهد بيحكي مقام و2 و3 وعشرين ومية مقام ويذكر عند اهل الله اما اذا ذكر عند غير اهل المقامات ما بيعرفوه يعني واحد عميد بالجيش وجاي مجند عم يقله انا عميد ..اذا سأله سؤال واحد ..حطوه بالسجن ما هيك؟ والله يهدي من يشاء الى صراط مستقيم ولنشرع في بيان جملة الاحاديث الحاثة على اتباع الجماعة والسنة ..روى داوود والترمذي وابن ماجة وابن حبان في صحيحه قال المنذري (صاحب الترغيب والترهيب)وهذا حديث حسن صحيح عن العرباض ابن سارية رضي الله عنه .. قال وعظنا رسول الله ﷺ موعظة وجلت فيها القلوب وفاضت فيها العيون فقلنا يا رسول الله كأنها موعظة مودع فأوصنا فقال ﷺ ( هاي الكم كمان) أوصيكم بتقوى الله والعمل والسمع والطاعة ..شو التقوى ؟ ( علم وعمل علم بشرع الله وعمل به ) ذكروا لها اكثر من مية تعريف هادا اخف تعريف .. والعمل بالتقوى بالسمع والطاعة لمن يعلمكم وللمعلم وان تأمر عليكم عبدٌ حبشيٌ مُجدع الاطراف ( مقطع الايدين والرجلين) وحبشي بدكم تسمعوا وتطيعوا فإن من يعش منكم فسيرى اختلافاً كثيرا فعليكم بسنتي وسنة الخلفاء الراشدين المهديين من بعدي ..فمين الخلفاء؟ ابو بكر وعمر وعثمان وعلي وعمر بن عبد العزيز. عضوا عليها بالنواجذ. بتاخدها حتى تخشى تفلت منها واحدة.
واياكم ومحدثات الامور فان كل بدعة ضلالة وكل ضلالة في النار ..البدعة ما خالف شرع الله تعالى من كتاب الله او من سنة رسوله ويكون البقية في الدرس الآتي ان شاءالله بتوفيق الله سبحانه وتعالى