بعد ان انتهينا بتوفيق الله بفضل الله من الطواف ونحن في سنن الحج. بعد ان انتهينا من الطواف انتقلنا الى السعي.
والسعي سبعه اشواط. ويكون السعي دائما بعد طواف. لا يكون السعي الا بعد طواف. اما طواف القدوم واما طواف الافاضة.
اما طواف القدوم اللي جاي مسافر الى مكة يطوف طواف القدوم ويقدم سعي الحج.. يسعى سعي الحج او يؤجل سعي الحج الى بعد العيد.. الى العيد.. يعني الى ايام التشريق، يطوف طواف الافاضة ويسعى سعي الحج. العمرة كذلك لها طواف ولها سعي. العمرة ما الها وقت. متى ما طلع، يطوف طواف القدوم وطواف العمرة ثم يسعى سعي العمرة ويقصّر. انتهت العمرة.
فالسعي بين الصفا والمروة يسعى ويهرول بين الميلين الاخضرين. الميلين الاخضرين عضاضتين حاطين عليهم بلورة خضراء عشان يبيّن ان هذا الميل من هنا الى هنا.. هذا الميلان الاخضرين يسعى الحاج فيهم يسعى سعي.. يسعى الحاج فيهم سعياً، يركض ركيض. هذا للرجل فقط وبقية السعي يمشي على هينته في بقيه الاشواط.. فقط السعي بين هذين الميلين.
ثم اذا انتهى من السعي، يرجع الى مكة. افضل الاعمال للمسافر الذي اتى الى مكة.. افضل الاعمال الطواف. لان الطواف كما ورد فيه 60 رحمة الهية.
فافضل الاعمال للي جاي من برات مكة، افضل الاعمال ان يطوف.
طواف فقط من غير سعي. السعي مرة واحدة.. الحج له سعي والعمرة لها سعي. لو كرر العمرة، يكرر السعي. لكن الحج له سعي واحد. اما ان يقدم السعي، اول ما يصل يطوف طواف القدوم ويسعى سعي الحج.. قدم السعي، بعد العيد ما بقا عنده سعي انتهى. وهذا السعي لا يصح الا وهو محرم.
اما بعد طواف الافاضة ممكن ان يكون لابس، يسعى وهو لابس، ما في مانع. اما السعي قبل.. اذا قدم السعي، فلا بد ان يكون محرماً.
بعد هذا الطواف، الاكثار من الطواف افضل من صلاة النافلة.واحد حب بده يصلي مثلاً سنة الاوابين بين المغرب والعشاء عشرين ركعة.. الافضل منهم ان يطوف حول الكعبة طوافاً. الطواف افضل من صلاة النافلة.
ثم يأتي من بعده، المبيت بـ منى في ايامها.
بعد ما يطوف طواف الافاضة، انتهى الحج.. بقي عليه سنة الرمي وسنة المبيت بمنى. المبيت بمنى سنّة في مذهب الامام الحنفي رضي الله عنه. ويكتفي ان يخرج بعد العشاء يرجم.. يبيت ساعة زمان ثم ينزل.. اعتبر المبيت حصل. يحصل المبيت بمقدار صلاة ركعتين. حصّل كأنه بات في منى. فبيطلع يؤجل الرمي الى الليل. يطلع يرجم.. يدور نصف ساعة زمان في منى. ويرجع الى مكة. اقام السنّة وبات فيها.
والمبيت في منى في ايامها واداء خمس صلوات في منى و الخروج من منى بعد طلوع الشمس اليوم التاسع.. هذا قبل عرفات بمنى.. بيطلع اليوم الثامن المسمى بيوم التروية. بيطلعوا يباتون في منى.. ينام.. يباتون فيها يصلون 5 صلوات وينتقلوا بعدين الى عرفات. هذه سنة و لكن قليل من يأتي بها .. بكثر العجق، انه بده ليصل الى منى، بده هلق يا بيطلع مشي يا بيطلع بالسيارة بده ساعة ونصف ساعتين حتى يصل. واذا بات بمنى وبده يطلع على بكرا الى عرفات ما يصل الى عرفات باربع خمس ساعات. بتكون حميت الشمس بدوب دماغه و هو.. و يمكن انه تصيبه ضربة شمس وياخدوه على المستشفى. راح الموقف عليه. انه اذا صابه ضربة شمس واخدوه عالمستشفى بيحطوه بالبراد حتى تروح منه هالحرارة هي .. فممكن يروح منه يوم عرفات كله. فلذلك الافضل نقول له بات بمكة وصباحاً تركب السيارة تطلع دغري الى عرفات ويسقط عنا هذا المبيت.
بالنسبة للحج والعمرة.. كل اوقات الحاج والمعتمر يجب ان تكون ممتلئة بذكر الله. كل الاوقات (وَاذْكُرُوا اللَّهَ فِي أَيَّامٍ مَّعْدُودَاتٍ) (فَاذْكُرُوا اللَّهَ كَذِكْرِكُمْ آبَاءَكُمْ أَوْ أَشَدَّ ذِكْرًا ۗ) كله ذكر ذكر فالحج هو ذكر الله. بده يكثر من ذكر الله. و اللي بيطلع للحج وما ذاكر ما بيعرف شي من الحج ولا يتذوق حلاوة الحج. سبحان الله الذاكر له حالة خاصة.. في عرفات اكثر الذاكرين بيشوفوا السما فوق راسهم. السما تكون قريبة بيقول والله لو بدي امد ايدي مسكتها. يشوفوا قوة التجلي الالهي وكثرة التجلي الالهي.. هذا اهل الذكر. غير اهل الذكر ما يحسون هذا الاحساس. لا اله الا الله.. فالاكثار من الذكر عند دخول الكعبة والطلوع من الكعبة، عند ركوب السيارة عند النزول من السيارة.. و افضل الذكر لبيك اللهم لبيك هذا لما بيكون محرم.. افضل الذكر لبيك اللهم لبيك. ثم اذا فك الاحرام، صار يكبر بايام العيد الله اكبر الله اكبر وبعدها بيقول لا اله الا الله و هذا افضل شيء.
الواجب على الحاج ان يحافظ على الطهارة. ان يكون دائماً في طهارة. كلما دخل الحرام يكون طاهر.. كل ما خرج الحرم يكون طاهر.. هذا كصورة و اما كحال، افضل ما يقوم به المعتمر والحاج ضبط اللسان. عن الكذب و الغيبة والنميمة، وعن اللغو.. كلام اللغو ما فاضيين نحكي كلام اللغو.
نحنا طالعين بالسيارة على عرفات، كان معنا الله يرضى عليه الاخ اللي عم يشتغل هنيك. هون صارت بيعة النبي عليه الصلاة والسلام من الصحابة، هون صار كذا وكذا. قلت لهم يا اخوان كل واحدة مسبحتها بايده، كل واحد مسبحته بايده.. هو عم يدلنا ونحنا عم نذكر الله. حتى ما يمر وقت من غير ذكر لقوله تعالى (فَاذْكُرُوا اللَّهَ كَذِكْرِكُمْ آبَاءَكُمْ أَوْ أَشَدَّ ذِكْرًا ۗ).
و المكروه تنزيهاً اما صون اللسان عن المكروه تحريماً والحرام هيدا واجب.
واجب انه يصون لسانه عن الكلام الحرام. كغيبة، كذب، نميمة، اتهام انسان، الطعن بانسان.. فهذا للحاج لا يصح مطلقاً. الله يؤدبنا بآداب الاسلام.
الحاج لازم قبل ما يطلعوا على الحج، لو كانوا يريدون الايمان لازم كل دولة تعمل قبل الحج، مدرسه الحج.. من شهر رمضان لازم تبدأ مدرسة الحج. اللي ما بياخد شهادة مدرسة الحج، ما منسمحله يطلع عالحج.
اما ان يدرس وياخد الشهاد، واما بيجتمع كل 20 ..30 واحد الى 50 واحد بيطلع معهم شيخ على حسابهم.. سفره وهداياه وطعامه وشرابه ومنامته كلها على حسابهم. يعلمهم اداب الحج، مناسك الحج، اخلاق الحاج حتى يحجوا الحجة مزبوطة. نحنا يبذل الحاج 200000 ويخرب حجته كلها بكلمة. بغيبة مسلم فسد حجه. الله يهدينا بهداه.
بعض اخواننا من المشايخ. بيطالع الحجاج 5 نجوم.
قلت له بس الحج خمس نجوم مسكن او خمس نجوم قبول. قال لي مسكن. قال لي منحكي معهم كل يوم درسين، ٣ دروس.. نكشة بسيطة، يفلت لسانه. هذا ما طلع خمس نجوم. ولا خمس اصفار لتحت. الله يهدينا..
طيب هذا صون اللسان عن الكلام المباح، هذا سنّة. واذا تكلم فمكروه تنزيهاً. اما عن المكروه تحريماً، فحرام واجب ان يسكت ولا يتكلم. والحاج الكامل هو الذي يكثر الذكر مع كثرة الصمت.. كثرة الذكر مع كثرة الصمت. لما بيلتقي مع الناس بيصمت. لما بيكون وحده، بتشتغل بذكر الله.. حتى ما يرتكب مخالفة.
ثم قال: والمبيت في مزدلفة، ليلة النحر. هذا المبيت في مزدلفة، ذكرت لكم ان المبيت بمزدلفة في مذهب الامام الحنفي رضي الله عنه بده يبات للصبح. يصلي الصبح، بعدين بينزل الى منى. بينما المبيت بمزدلفة عند الامام الشافعي الى منتصف الليل. عندما دخل منتصف الليل ينطلق وهذا صحيح. وفي مذهب الامام مالك رضي الله عنه وارضاه المبيت بمقدار حط الرحال.
مقدار ما ينزل، يصلي المغرب والعشاء، ياكل لقمة ويضل ماشي.. صح.
اذا واحد عمل هيك، المشايخ بيقيموا القيامة عليه، بيكون عمل على مذهب مالك.. صحيح. مذهب صحيح ولا شيء فيه. فعلى حسب الحال..
اذا كان معه نسوان. واحد طالع معه امه واخته وزوجته.. معه نسوان، نقول له: صل المغرب والعشاء، ارتاح لك خمس دقايق اركب وامشِ. ما بدها وقفة.. انزل. ارمي وارجع على مكة بتلاقي الحرم فاضي ما في حدا.
هذا اريح بالنسبة للي معه نساء. اما واحد لحاله ما معه نساء، يضل قاعد ما في عليه شيء.
اما الوقوف فيها بعد الفجر فالواجب عند الحنفية كما مر. يبات في مزدلفة ويقف فيها بعد الفجر. في الكتاب انا انتقد على هالكلمة.. فواجب عند الحنفية، لازم تكون عند الاحناف. عند الحنفية، خطأ. عند الاحناف. الاحناف كلمة اكمل من كلمة حنفية. ممكن واحد ما يكون يعرف باللغة فاكر الحنفية. ممكن ولا ما ممكن؟ ممكن.
والمبيت بمزدلفة الى ما بعد منتصف الليل واجب عند اكثر الائمة رضي الله عنهم اجتهدوا. وكل مجتهد له نص من رسول الله. لهم نص من النبي عليه الصلاة السلام.
والذهاب الى منى قبل طلوع الشمس ويكون الرمي في اليوم الاول ما بين طلوع الشمس و زوالها من يوم النحر الا اذا خاف الزحام.
هذا كثير مات فيه جماعة. بدك ترمي اليوم الاول من طلوع الشمس الى الظهر ٣ مليون بدهم يرموا بهالمكان. ٣ مليون رايحين جايين متل سير البحر.كل واحد ماشي.. كتير اللي بيندحشوا تحت الرجلين وبيموتوا تحت الرجلين. هلق عملوا طريق للروحة وطريق للرجعة. ان شاء الله ربي عز وجل صرف الاذى والسوء عن المسلمين. هذا اليوم الاول. من طلوع الشمس الى الظهر. اما اليوم الثاني والثالث يمتد الرمي الى الليل. فلذلك يؤخر الرمي الى الليل، يصلي العشاء و بيطلع يرجم الجمرة الصغرى والجمرة الوسطى والجمرة الكبرى. بيقعد بياكله لقمتين و بينزل الى مكة. ادى سنة الرمي وادى سنة المبيت ورجع الى مكة بيقعد بالحرم، النظر الى الكعبة عباده، صلاته عبادة.. كله صح.
من السنة، الحاج او المعتمر، بعد ان ينهي الطواف، قبل ما يروح الى الصفا والمروة ان يشرب من ماء زمزم. كان عليه الصلاه والسلام بعد الطواف ياتي الى بئر زمزم فيشرب عليه الصلاة والسلام قائماً، يشرب قائماً.. يطلع على السعي لانه بالسعي بده يسعى ٧ اشواط، بيعطش فبيشرب قبل ما يروح الى السعي.
كذلك الالتزام بالملتزم. عرفنا الملتزم اللي بين الحجر الاسود وبين باب الكعبة، هذا الملتزم.. بيوقف فيه مادد يديه، ناصب صدره للكعبة، يستغيث ويبكي.. و هذا مكان بعد الطواف كمان يقف به.
ومن السنن الاكثار من الدعاء بجوار جبل الرحمة ان امكن. فيه ناس يظنون انه موقف عرفات يطلعوا عالجبل.. بيقلك طلعنا على جبل عرفات.. عرفات ارض واسعة، ارض سهل واسعة فيها هالجبلونة بالنصف بمقدار 50 متر يعني مربعة.. طلع النبي على اول الصخرات صلى الله عليه وسلم لكن عرفات كلها موقف. و انا الان اقول ان وقوف الحاج على جبل الرحمة مكروه.. اذا ما كان فيه خطيئة. لانه جبل الرحمة ما فيه شمس. والشمس بعرفات بتكون حارة وقريبة لانه بنصف السما تكون حرارتها صعبة.. ما يصح يطلع من الخيمة الا حامل الشمسية. اذا بده يطلع من الخيمة، بده يشرب او بده يقضي حاجة بده يكون حامل الشمسية، فاذا بده يطلع عالجبل ومن غير شيء. لذلك بتلاقي سيارات الصحة عم تزمر رايحة وجاية.. هذا سقط وهذا وقع وهذا اخذوا عالمستشفى حطوا بالمستشفى صايبته الضربة الشمسية.. بيبقى لثاني يوم.. راح الموقف. خسر الموقف منشان يطلع. الطلعة ما فيها ثواب زيادة.. اغسطس. عرفة كلها موقف، وين ما وقف صحيح الموقف، فلا يجوز ان يطلع من برات الخيمة الا ومعه الشمسية. اللهم صل على سيدنا محمد.
نحنا بعد ما نزلنا من عرفات، بفضل الله تعالى مننزل من عرفات، منرمي الرمي الاول وهذا اذا بينزلوا مشي كلهم بيحصلوا الرمي.
ينزلون مشي.. انا نزلتها مشي مرة من عرفات الى مكة كلهم عبارة عن 20 21 كيلو متر. مع الناس الواحد ما بيحس. مليون مليون ونص اللي ماشيين كلهم. وهي حاملة ابنها وهيدا حامل اغراضه وهذا حامل على راسه وماشيين. بيمشي بيناتهم ما بيحس الواحد. فاذا وصل لمزدلفة، يلم حصاياه بعد نصف الليل ينطلق الى منى يرمي الجمرة الكبرى. والى مكة، بينزل الى مكة، الحرم فاضي، يطوف. بعد ما طاف، سعى سعي الحج. خلاص. بعد طواف الافاضة، السنّة ان يكون في اليوم الاول، يوم النحر.
يوم النحر يكون طواف الافاضة بيحلق، يتحلل التحلل الاصغر بقي عليه رمي الجمار فقط. والمبيت بمنى. هذا الحج انتهينا منه.
نأتي الى العمرة. العمرة اولاً ما الها وقت. كل السنة مفتوحة للعمرة. اي وقت احببت انه تطلع تجيب العمرة معلش الا انها في ايام الحج بيوقفوها.
متى ما دخلت ايام الحج وقفت العمرة الا لمن حج معتمراً. اللي يحج معتمراً، ينوي الحج معتمر. المعتمر يجي الحج اولاً يصل الى مكة، يطوف طواف القدوم او طواف العمرة، يسمى نفس الشيء. يسعى سعي العمرة، ٧ اشواط، بيحلق، انتهى. انتهت العمرة. هيدي العمرة للي بيطلع في غير رمضان. فاذا طالع عالحج، فيه طالع عالحج وناوي العمرة، معتمر، متمتّع، اتى بالعمرة اولاً بيحلق وبيلبس اواعيه، بيشلح الحرامات، صار حكمه حكم اهل مكة هيدا المتمتع. ٥، ٦ ايام سبعة ايام صار التامن من ذي الحجة، يحرم من البيت وبيطلع لعرفات. عليه ذبح. فلما بينزل من عرفات، دغري بينزل بيطوف طواف الافاضة. طواف الحج. انتهى ، انتهت عمرته. فالعمرة معناها الزيارة، فيقول لهم طالع عالعمرة، طالع عالزيارة. الزيارة هي العمرة. وشرعاً زيارة بيت الله الحرام على وجه المخصوص. وجه المخصوص هو الاحرام و نية العمرة.
افعال العمرة: الاحرام و طواف وسعي وحلق او تقصير.
هذه هي العمرة. لما منقول احرام فيه النية، نوى نية العمرة. ان شاء الله محمد بدك تطلع عالعمرة هالسنة؟ طلعت عالعمرة انت ما هيك؟
اولاً النية.. نويت العمرة وأحرمت بها لله تعالى.
لبس الحرامات، صلى ركعتين، نوى العمرة، هذه اولاً.
يصل الى مكة، فيه طواف و سعي و بيحلق او يقصر. انتهت العمرة، هذه هي العمرة.
هل يصح ان ياتي بعمرة تانية او تالتة؟
السعوديين كانوا بالاول يمنعوا. عمرة واحدة بيكفي. لو اتى ب 20 عمرة لا مانع من ذلك.
عبادة نكررها وتقرب الى الله يتقرب بها الى الله . فطواف و سعي وحلق او تقصير.. ما فيه مانع. الحجة في اليوم الواحد كانت في اليوم الواحد كان تجيب 12 عمرة.
لما طلعت معي كانت 12 عمرة تكتب. تطوف وتسعى ترد تطلع على منى. ترد تنزل تطوف وتسعى، تقصر ترد تطلع عالتنعيم تحرم ترد ترجع.. عبادة، تقرب الى الله فلا مانع من ذلك وهي سنة مؤكدة في العمر مرة.
والحج في العمر مرة، الا اذا انسان كان موسع، كل خمس سنوات لازم يطلع مرة. هذا اذا كان في حاله توسعة.
وقتها جميع ايام السنة. الا انها تكره تحريماً في خمسة ايام.. مكروه تحريماً في خمسة ايام: يوم عرفة، و٣ ايام التشريق ويوم قبل عرفة، ممنوع انه الواحد يأتي بعمرة فيهم. لانه فيه عبادة، بدها تدخل عبادة على عبادة، لا تصح هذه ولا تصح هذه. فخلّي العبادة لوقتها. هذا وقت عرفات، ما تدخل عبادة تانية عليها .. وقت عرفات، العمرة الها طاعة، وهيدي عبادة.
ويزاد على هذه الايام الخمسة من حيث الكراهه فعلها في ايام .. في اشهر الحج لاهل مكة.
اهل مكة بأشهر الحج اذا جاب عمرة، بايام الحج ما بقى يجيب عمرة. اشهر الحج شوال وذو القعدة وعشرة ذي الحجة، هيدول اشهر الحج. فاذا بشوال جاب عمرة، ما يصح بايام الحج ان يأتي بعمرة. تحسب معتمرا اوتحسب من جملة اللي جاب العمرة شو سميناه؟ متمتع. يحسب متمتع.
ومن في حكمهم من المقيمين.. في عندهم المقيمين في مكة، اما فعلها في رمضان ، ادعولنا الله يكرمنا، لقوله صلى الله عليه وسلم عمرة في رمضان تعدل حجة معي. ما مكملين الحديث هون. تعدل حجة.. اما في رواية تعدل حجة معي. صلى الله عليه وسلم وفي رواية عمرة في رمضان تقضي حجة او حجة معي رواه الامام مسلم.
هذا عمرة في رمضان كحجة مع النبي عليه الصلاة والسلام.
شرط العمرة الاحرام.
هذا الشرط ان يكون محرماً اما بلا احرام لا يصح. يطوف حول الكعبة انا والله عم اطوف للعمرة وباوعيه ما يصح. العمرة تحتاج الى احرام كالحج. ركنها معظم الطواف حول البيت اربع اشواط هذا معظم الطواف و ثلاثة اشواط الباقية. يعني سنّة. هذا الركن ان ياتي بالطواف. ركنها الطواف والسعي.
واجباتها: الاحرام من الميقات لمن كان خارج المواطن ومن الحلّ لمن كان في داخلها. اللي داخل مكة بده يحرم بعمرة، له ان يحرم من مساجد عائشة، من التنعيم يطلع يحرم مسافة سبعة كيلومتر يحرم ويرجع. اما من برات مكة، فايت، نحنا اللي طالعين من هون عالعمرة منحرم من رابق ويصح الاحرام من جدة. لان النبي ص احرم من الحديبية. الحديبية بعد جدة بما يقارب 17 كيلو متر. جدة تبعد عن مكه 70 كيلو متر اطرح ١٧، شو بقي؟ ٥٣ كيلومتر. فلو احرم من جدة. احرم قبل الميقات. يصح هذا. وهذا صدر فيه فتوى بصحة الاحرام من جدة وخاصة لمن كان بايت فيها. نحنا نطلع على جدة. النا احباب هنيك مننزل يوم عند الاحباب، يوم، مننزل من البيت منحرم على مكة.
اللي عم يصير اكتر الحجاج، وهذا الله عز وجل ان يرزقنا الفهم اكتر الحجاج يحرم بالطيارة.
الطيار بيقول لهم بقي لرابغ بقي معنا عشر دقايق يفز يشلح اواعيه قدام الناس عم يلبس الفوطة على بال ما يحط الفوطة الفوقانية، فرطت الفوطة التحتانية، عم ينكشف.. ليش هيك.. احرم من جدة. لا بده يحرم بالطيارة. كتير اللي عم يصير معهم هيك. وهذا يصفر وهذا يصفر وشوف التصفير وهذا ليك وهذا وين.. بدك تحرم من الطيارة، البس الحرامات من البيت. يتوضا يلبس الاحرامات بالبيت، يطلع بالطيارة تصلي ركعتين وتنوي العمرة. الله يهدينا.
السعي لها بين الصفا والمروة. هذا من واجباتها. السعي بين الصفا و المروة و الحلق والتقصير والحلق افضل للرجل ويتعين التقصير للمرأة.
المرأة اذا كان معها محرم. زوجها اخوها بياخد من اخر شعرة مقدار سنتيمتر.
يقس مقدار سنتيمتر. يعني قد هيدا الاصبع. يقص لها عبارة عن عشر شعرات. ما بيبينوا. اما بياخدوا خصلة الشعر كلها وبيخرملها 10 سنتي.
بتقول يا ريتني ما طلعت على الحج يا ريتني ما.. هذا خطأ. الاخوان لما بيطلعوا معي انا بحللهم. بحيث ما تبين. يروح عند الغير.. الغير بده يحلله الذين يعمل له من هون شارع ومن هون شارع.
٣ شعرات من هون و٣ شعرات من هون و ٣ شعرات من هون . يكفي.. هذا التقصير. واذا شعر طويل، ناخذ من راس الشعرة مقدار سنتي.. كفى. فيه فرق بالعلم او ما فيه فرق؟ بعلم او بغير علم. لا اله الا الله.
كيفية ادائها؟ شلون بدك تجيب العمرة؟
نحنا طالعين من هون. اذا راكبين بالسيارات. سيارات ما فيه سيارات هلق ما هيك. ما فيه سيارات. بالطيارة. الى جدة. مننزل بجدة. في حمامات بيفوت يتغسل. ماء ساخنة، ما بدها سخن لنا الماء. بيعمل دوش، ينشف، يلبس الاحرام من تحت و احرام على اكتافه، شلح اواعية ولبس الاحرام. بيطلع يصلي ركعتين، وينوي نويت العمرة واحرمت بها لله تعالى. دخل في الاحرام. خلاص.كل شيء كان مباحاً لك قبل.. من المشتهيات، هلق وقفته. قص اظافر ما فيه، هلق بيجي معنا.. نتف الشعر ما في، العطر ما فيه، تغسل بصابون مطيبة ممنوع فهيدول كل واحدة شو فيه علينا.. فاول الكل نوينا الاحرام. هذا اللي برات مكة.
يللي بمكة بيطلع لمحل الحل بالتنعيم يحرم ويرجع. وافضل امكنة الحل للاحرام، التنعيم ثم الجعراني، التنعيم سموها مساجد عائشة. لانه احرمت من هنيك. النبي بعتها هي واخوها احرمت من هنيك ورجعت. اما الجعراني، تبعد 32 كيلومتر سموها العمرة الكبرى. الجعراني النبي عليه الصلاة و السلام اقام بها ووزع غنائم حنين. فيه غدير انا شربت منه وتغسلت فيه. هلق مسكرينه. ماؤه احلى من العسل. صدقوا وآمنوا قد ما شربت ما بيشبع من كتر ما حلو. هالحلاوه من وين اجته؟ هذا البئر الذي بصق فيه النبي صلى الله عليه وسلم. تمضمض وبصق فيه فاصبح ماؤه كالعسل. شربت منه. وتغسلت فيه. هلق مسكرينه الا.. يعني الحمد لله. فهيدا الجعراني. يسموها العمرة الكبرى، بيطلع الجعراني يحرم وينزل الى مكة.
احكام العمرة كاحكام الحج، كأحكام احرام الحج وواجباته وسننه كلهم مثل الحج لا يصح يستعمل قص الاظافر ولا.. متى ما احرم خلاص.
اذا معه زوجته واحرم خلاص، بينه وبين زوجته كلام العاطفة ما بقا فيه اللي بين الزوجين ممنوع. يقول لهات تسلميلي يا عيوني يا حبيبتي هذا بالعمرة ما فيه، متى ما احرم ممنوع هذا الكلام. شو اسمه هذا الكلام؟ الرفث، فممنوع.( فَمَن فَرَضَ فِيهِنَّ الْحَجَّ فَلَا رَفَثَ وَلَا فُسُوقَ وَلَا جِدَالَ فِي الْحَجِّ ۗ ).
فاذا اراد ان يعتمر اول شيء يتنظف ويتطهر قبل ما يتغسل، ينظف تحت ابطه. يلق شعر العورة، يقص الاظافر. هيدا قبل ما يتغسل . متى ما تنظف، يدوش ويلبس ايزار ورداء ويصلي ركعتين ثم يقول اللهم اني اريد العمرة، فيسّرها لي و تقبلها مني. نويت العمرة وأحرمت بها لله تعالى لبيك اللهم لبيك مباشرة. التلبية بعد النية مباشرة.. نويت العمرة و احرمت بها الله تعالى لبيك اللهم لبيك اما نوى العمره وبعد ما ركب بدا يقول لبيك اللهم لبيك نقول له ضاعت منك النية الصالحة.
احرم، نزل الى مكة، فاذا دخل الى مكة، طاف بالكعبة سبعاً وصلي ركعتين عند مقام ابراهيم وسعى بعدهما بين الصفا والمروه ثم يحلق او يقصر. والحلق افضل للرجال. هذا للعمرة التي يحتاج الانسان لها.. امرها بسيط ما فيها ما فيها شيء. ارجو الله الله يكرمنا نطلع سوا بالعمرة اذا الله عز وجل فسح الطريق وارجو الله ان نكون جميعا. اذا فتح الطريق و ربي تفضل، منعمل جروب. باص او باصين منطلع سوا. الحمد لله. باصين ثلاث باصات منطلع نحرم سوا ننوي سوا نصلي سوا ان شاء الله.
اللي طلعوا عالحج، حجيت معنا انت هاني؟ الله يتمم فضله.
الاحرام كيف يكون الاحرام؟
تكرر معك ذكر الاحرام في الحج والعمرة، لذلك يجدر بك معرفة الاحرام. الاحرام نية احد النسكين: الحج او العمره.. تنوي. مع خلع الثياب المخيطة، الرجل يشلح اواعيه المخيطة كلها. ويلبس ازاراً او رداء. الازار من السرة لتحت والرداء على كتفه مع التلبية. او ما يقوم مقامها من الاذكار. وللاحرام مواقيت. هذه المواقيت موجودة الان. علامات قبل دخول مكة.
المواقيت، المواضع التي لا يجاوزها مريد الحرم الا من هالميقات، بده يفوت على الحرم، بده يحرم من هالميقات. يدخل من غير احرام، بده يذبح. ولو كان تاجراً او زائراً لاحد فيها. متى ما دخل بده يدخل محرم. لو تاجر؟ لو تاجر. داخل لتجارته. بده داخل الحرم. الحرم لما بدك تدخل الحرم، بدك تحرم. متى ما دخلت، بدك تفوت عالكعبة، بيزور الكعبة بعدين بيطلع على تجارته.
اما فايت تاجر دار ظهره وما فات عالحرم .. محروم نسال الله السلامة.
اولاً ذو الحليفة، هذا لاهل المدينة. اللي نسميه هلق بيار علي. ذو الحليفة اسمها بيار علي تبعد عن المدينة المنورة 10 كيلو متر.
انا مع الاحباب بسلك طريق. كنا بالمدينه وزرنا النبي عليه الصلاه والسلام نتغسل لزيارة النبي عليه الصلاة والسلام، تغسل، تلبس الفوط بالمدينه ، تضب اواعيك، شناتيك، تضب الكل. حمّلنا نصل لذو الحليفة نصلي ركعتين ننوي الاحرام نتيسر. اما بدو يصل ل ذو الحليفه بده يتغسل هنيك ويضب اواعيه، ينزل اغراض ويطالع اغراض لبكة يا ابني.. قاعد بالمدينة غيّر. ١٠ كم كلها.
لذلك منهم بيتاخروا الله عز وجل يهدينا .. بتتغسل بالبيت، تلبس الفوط ، تضب اواعيك، حمّل وقول باسم الله. منصلي ركعتين، ننوي الاحرام ونتيسر الى مكة. فذو الحليفة لاهل المدينة وكل من مر بها. اهل الشام من وين يمرون؟ من المدينة، بيطلع من هون على تبوك، من تبوك الى المدينة المنورة ٧٠٠ او ٨٠٠ كم. من تبوك للمدينه المنوره، فبالمدينة بينزل بيحط اغراضه، يتغسل ينزل يزور النبي عليه الصلاة و السلام. فاذا كان، بدهم يمشوا دغري، فنقول لهم احرموا من المدينة احين ما هنيك.. كانوا يحطوا حمامات من خيش. كيس خيش.. كيسان خيش يحطوا يساوي حمام متر بمتر بيشلح، بيحط اواعيه، بتوقع اواعيه، يكشف ويطلع مكشف حتى ياخد اواعيه، ليش هالغلبة. قاعد بمكة، وببيت فيه.. بالبيت احرم. بدها فهم ما هيك؟ الله يتمم الخير.
اهل المدينه لهم ذو الحليفة.
اهل نجد لهم قرن المنازل. قرن المنازل هذا جبل مطل على عرفات. اسمه قرن المنازل، هذا موقف الاحرام في دخول مكة، من اللي جاي من نجد، اللي جاي من الكويت، يحرمون من هذه المنطقة ..
من العراق، اللي جاي من العراق ومن المشرق، ذات عرق. ذات عرق كذلك، كمان هذا جنوب مكة،يبعد ٥٤ كيلومترا عن مكة، بيحرموا منه وبيرجعوا.
يلملم لاهل اليمن، الجحفة وينوب عنها رابغ التي تقع على البحر، هيدي لاهل الشام ومصر والمغرب ومن وراءهم، كل اللي يجي من البحر، بده يمر على رابغ، يحرم من رابغ. بالباخرة وهي ماشية، بيصفر انه وصلنا الى رابغ، كلهم يحرمون.
هذه المواقيت لاهل هذه الجهات ولمن مر بها او جاوزها. كل واحد بدو يمر من هالمنطقة، بدوا يحرم. ما يصح، يدخل الحرم الا وهو محرم. لذلك فيه الشرطة هنيك، اذا واحد داخل احرام، الا اذا كان شوفير عمومي.. الحمد لله.
ولو لم يكن من اهل جهتها فيلزم الاحرام عندها. ويجوز ان يحرم قبلها و هو افضل لمن امن على نفسه من محظورات الاحرام. هذه المحظورات اللي عم احكيلكم عليها، عم يشلح قدام الناس، عم تظهر عورته قدام الناس، مشان يتغسل منشان.. وانت بمكة، قاعد بالمدينه ببيت فيه ماء.. الله يرزقنا الفهم.
منوقف هون اظن، صار معنا.. منشان نأمنلكم الاسئلة. هلق نحنا بالنسبة للمواقيت، نحرم من المواقيت.