نحن عم نقرأ بواجبات الحج كل واجب من واجبات الحج إذا تركه الحاج يجب عليه ذبح بده يذبح خاروف كل واجب من هذه الواجبات يجب عليه ذبح .فأولاً الإحرام من الميقات إذا تجاوز الميقات من غير إحرام إما أن يرجع إلى الميقات فيحرم وإما أن يُحرم من مكانه ويذبح خاروف .المواقيت كل جهة إلى ميقات عين النبي ﷺ المواقيت لأهل الشام ولأهل اليمن ولأهل نجد كلهم هيئ لهم المواقيت،متى وصل إلى الميقات يغتسل وبينزع ثيابه بيلبس ثياب الاحرام بينوي بيصلي ركعتين بس صلى ركعتين ونوى دخل في الإحرام .واجب عليه أولاً أن لا يلبس مخيطاً أي لبس لبسه مخيطاً وجب عليه ذبح خاروف إذا مر في وقت صلاة ولابس مخيط من الظهر للعصر وجب عليه ذبح خاروف أما إذا لبس وكان نسيان ما نزع عليه صدقة وما عليه شيء بطالع صدقة. كشف الرأس كذلك الرجل من واجبات الحج يكون كاشف الرأس مكشوف الرأس هذا الإحرام بيكشف رأسه وبيلبس حرام على كتافه لتحت هذا كشف الرأس ،فلو غطى رأسه وصلى وهو مغطى رأسه وجب عليه ذبح إلا إذا تذكر وهو في الصلاة الغطى فعليه صدقة ، متى ما مر وقت صلاة وهو متلبس للمكروه ترك الواجب مكروهٌ تحريماً .متى ما ارتكب الكراهة يجب عليه ذبح ،هذا الرجل كشف الرأس أما المرأة تكشف الوجه والكفين الوجه ما يواجه به من منبت الشعر إلى طرفي الأذنيين إلى أسفل الذقن هذا الوجه فإذا غطته المرأة مقدار ركن من أركان الصلاة يجب عليها ذبح إلا في ناحية واحدة إذا كانت شابة وعليها جمال وكانت أمام رجال فلها أن تُغطي بحيث الغطى ما ينزل، في خشبة بحطوها عالأنف ترفع الغطاء بتم رافعة الغطى فهذا ما فيه شيء لو بقيت كل الحج فحجها صحيح ولا شيء عليها .السعي بين الصفا والمروة واجب من واجبات الحج وهو ركن عند الشافعي ركن من أركان الحج فالسعي بين الصفا والمروة يبدأ بالصفا وينتهي بالمروة بيروح من الصفا إلى المروة هي واحد بيرجع من المروة إلى الصفا اثنين روحة مرة وجية مرة الصفا جبل والمروة جبل هدول الجبلين سبب السعي أن أم سيدنا اسماعيل المسماة بهاجر سميت هاجر لأنه هاجرَ فأم سيدنا اسماعيل تركهن سيدنا ابراهيم حطهن بهالصحرا ودار ضهره ومشي لا خاطركن ولا السلام عليكم معها جراب فيه شوية تمر وشوية طحين ومعها جراب فيه مي فنادته وين يا ابراهيم وين تركتنا ما رد عليها يا ابراهيم لمين تركتنا يا ابراهيم الله أمرك بهذا؟فالتفت وقال نعم ثم انصرف تركها في الصحراء فالميات خلصوا والأكلات خلصوا الولد جاع وعطش بده يشرب فأمه تدور وتطلع حتى اواحد يشوف إذا في مي ولا ما في مي بتشوف إذا في طير الطير بدل على أنه في مي إذا انوجد طير بدل على المنطقة فيها ماء .لا شافت طير ولا شافت حشيشة ولا شجرة ولا شيء فدورت بعدين طلعت على جبل الصفا تطلعت ما في الولد تحت عم يفرك برجليه عطشان نزلت من جبل الصفا بالوادي ركضت هالركض يلي ركضته بالوادي صار سُنة الركض للحجاج طلعت على جبل المروة تطلعت تطلعت ما في ردت نزلت مرة تانية فسبع مرات راحت ورجعت فصار علينا واجب هذا الطواف .لنتذكر أم ابراهيم أديش كان حنانها على ولدها اسماعيل.فنزل سيدنا جبريل وضرب الأرض برجله فنبعت ماء زمزم فلما شافت مي ركضت شربت شوي وسقت ابنها وصارت تجمعها وتقلها زمي زمي خافت ان تمشي تروح بالصحرا تنشف المي جمعتها فسميت زمزم .بعدين الله بعتلها قبيلة جُرهُم هي قبيلة عربية بيعرفوا ان المنطقة ما فيها مي مروا شافوا امرأة ومعها ولد وطير قربوا لاقوا قدام مي بيعرفوا المنطقة ما فيها مي فقالوا لها بتأذني لنا أن نشرب قالت اشربوا معلش فشربوا ،بتأذني لنا نعبي؟قالت لهم لا الميات ما بكفوا خلولي ياهن وزادت زمزم وأذنت لهم ان ينزلوا قدامها فنزل قبيلة جُرهُم وعاش سيدنا اسماعيل معهم وتعلم العربية منهم عاش بيناتهم ولما شب ونضج زوجوه من عندهم زوجوه الزوجة الأولى. اجا سيدنا ابراهيم ليشوف ابنه لما أتى إلى بيت سيدنا اسماعيل دق الباب اسماعيل ما كان بالبيت طلعت زوجته ، هذا بيت اسماعيل؟قالتله نعم ،من أنت أيها الرجل المبارك؟قلها رجل عابر سبيل ماشي ،كيف أنت وزوجك كيف زوجك معك؟قالتله حياتنا كلها بأس وشدة وضيق ما في شي عنا ما في أكل ما في شرب شكت الفقر والقلة .قال لها إذا أتى زوجك فأبلغيه السلام وقولي له غيّر عتبة بيتك .اجا سيدنا اسماعيل شم ريحة والده حدا اجا لعنا ؟قالت له اتى رجل شيخ ذو شيبة وقوة سألنا عن حياتنا وسألنا عن كذا،شو قلتي له قالت شكيت له الفقر والقلة يلي نحن عايشين فيها .قلها فماذا قال لك؟ قالت له قال لي أن أقول لك غير عتبة دارك.قال لها هذا أبي يلي اجا وأمرني أن أطلقك ارجعي إلى أهلك ،طلقها وتزوج امرأة غيرها ثم رجع إليه سيدنا ابراهيم مرة ثانية كمان أتى إلى البيت ما كان اسماعيل طرق الباب أهلاً بالرجل المبارك بتريد ماء تشرب بتريد طعام تاكل؟قلها لا كيف حالك أنت وزوجك ؟قالت لقد أنعم الله علينا بجزيل النعم أفضل النعم وأكرم النعم الله متفضل ما شاء الله فقال لها قولي لزوجك أبلغيه السلام وقولي له ثبت عتبة دارك .اجا سيدنا اسماعيل مين اجا؟حكتله ،شو سئلك شو قلتيله؟ شو قال؟يقول لك ثبت عتبة دارك، قال هذا أبي وأمرني أن أثبتكي وانتِ زوجتي في الدنيا والآخرة بقيت معه إلى أن بلغ اثنا عشرة سنة إجا سيدنا ابراهيم جايب الحبلة والسكين وقال إن الله أمرني أن أذبحك القصة بتعرفوها الحاصل .إذاً السعي بين الصفا وبين المروة واجب من واجبات الحج من تركه وجب عليه الدم وأكثر ما يأتي به أربع أشواط إذا أتى أربع أشواط فأكثر بكون أدى أكثر الطواف لابد من السبعة إذا قلل ثلاثة بده يدبح والسعي المطلوب فيه المشي ما دام قادر على المشي بيمشي سبعمئة متر سبعمئة وثلاثون متر روحة وسبعمئة وثلاثون متر رجعة إلا إذا كان عاجزاً فله أن يركب والبني سعى وهو راكب ﷺ .فلو واحد عم يمشي معه نسوانه عم يطوفهن عم يسعيهن تعبوا منقلهن اقعدوا ستريحوا بيستريحوا ربع ساعة تلت ساعة بقوموا بكملوا شوطين تانيات بردوا بيستريحوا فالإستراحة بالسعي مطلوبة ولا يفسد السعي أما في الطواف ما بيصير فلا بد من المشي فيه لمن لا عزر يمنعه من المشي إذا كان أعرج أو مريض أو تعبان أو شيخ كبير فمنركبه وبيسعى وهو راكب في كراسي عالكهربا بيقعد عالكرسي زرار بيكبس الزر بيمشي بيكبس زر يمين لقدام للخلف ببطئ السرعة .فلو أن إنسان بدأ السعي من المروة بدل ما يبدأ من الصفا للمروة بدأ من المروة للصفا فنقول له هذا الشوط باطل ،وقف على الصفا وجدد النية وابدأ سبع أشواط بعد النية هذا من الواجبات .الوقوف بعرفات من الواجب أن يمتد من النهار إلى جزء من الليل يعني يأذن المغرب وأنت في عرفات فهذا واجب ، فلو واحد طلع قبل ما تغرب الشمس يجب عليه يذبح خاروف ما بيصير تطلع إلا بعد أمير الحج بيبدأ النفرة متى ما ضربوا رصاصة أو مدفع بتبدأ النفرة أول واحد بيطلع أمير الحج بالسعودية بكون بيطلع بيمشوا الناس ورا منه باصات بتمشي ومشاية بيبدأ بيمشي فمد الوقوف في عرفات إلى جزء من الليل بيبدأ موقف عرفات من بعد الضهر إلى بعد المغرب بقليل هذا موقف عرفات سنة كلها هالموقف هذا من بعد الضهر إلى بعد آذان المغرب إذا أذن المغرب ما بصلي بعرفات ،النبيﷺ لما نفر رأى رجل يصلي فقال النبي الصلاة أمامك يأخر المغرب إلى العشاء جمع تأخير بصلي في مزدلفة هذا إذا كان بدأ الموقف من الضهر بيستنى لبعد المغرب بشوي وبينفر أما إذا كان اجا متأخر دخل عرفات المغرب بيمشي بعرفات عشر دقايق وبتم ماشي صح موقفه وصح الحج إذا وقف بعرفات دقيقتين قبل أذان الفجر صح موقفه وصح حجه يمتد موقف عرفات إلى قبل آذان الفجر لذلك ليلة عرفات تابعة لليوم كل الليالي تابعة لليوم يلي قبلها إلا ليلة عرفات تابعة لليوم حتى يلي إجا متأخر واحد بكون انقطعت السيارة فيه واحد بكون الطيران تأخر وصل بعد المغرب منقله حجك صحيح ولا كراهة فيه ولا دم عليك .بينزل من عرفات مع الإمام أو نائب الإمام فما بيطلع إلا بعد الإفاضة بفيض فإذا أفضتم من عرفات قال الله ﷻ(فَاذْكُرُوا اللَّهَ عِندَ الْمَشْعَرِ الْحَرَامِ ۖ وَاذْكُرُوهُ كَمَا هَدَاكُمْ وَإِن كُنتُم مِّن قَبْلِهِ لَمِنَ الضَّالِّينَ) بينزلوا من عرفات إلى مزدلفة فيما يقارب عشرة كيلو متر أو أقل شوي من عرفات إلى مزدلفة، مزدلفة في مشعر الحرام وإن كان المشعر الحرام ما بيفتحوه إلى بعرفات إلا بالحج بفوتوا الناس على الحرم بصلوا وبناموا .مزدلفة بده يقعد فيها في المذهب الحنفي إلى الصبح بده يتم فيها إلى آذان الفجر بعد آذان الفجر بينطلق إلى منى في مذهب الإمام الشافعي ومالك رضي الله عنه وأرضاه والإمام أحمد يجوز أن يخرج من عرفات من مزدلفة بنصف الليل متى ما دخل نصف الليل بيطلع من مزدلفة إلى مكة فإذا نزل دغري لمكة وطاف طواف الإفاضة انتهى الحج إلى رمي الجمار بقي عليهن رمي الجمار والحج ينتهي بإثنين من ثلاثة أشياء بالرمي وطواف الإفاضة والحلق هدول ثلاثة فإذا أتى اثنين انتهى الحج تبعه بيبقى عليه الأمر الثالث لكن هون من الناحية إنسان نزل من مزدلفة دغري رجم الرجمة الكبرى ونزل إلى مكة طاف طواف الإفاضة وحلق انتهى الحج .بقي عليه رمي الجمار وهو سُنة .أما إنسان نزل دغري لمكة طاف طواف الإفاضة حلق منقله تحللت التحلل الأول جاز لك كل شيء أكل وشرب وتغسيل كل شيء إلا الجماع فلا يجوز حتى يرمي فإذا رميت انتهى الحج ثلاثة لابد منهم مكتوبين في كلمة( رذح )الراء للرمي والذال للذبح والحاء للحلق، بيرمي هذا إذا كان داخل بعمرة وحج قارن أو متمتع بينوي وبيذبح بعدين بيحلق انتهى الحج تبعه .الوقوف بمزدلفة ولو لحظة بعد فجر يوم النحر وقبل طلوع الشمس بالمذهب الشافعي لو انطلق بعد منتصف الليل جاز ذلك وهذا فيه سهولة أكثر بعد نص الليل بينطلق .مذهب الإمام مالك الله يرضى عنه الموقف بمزدلفة مقدار حط الرحال مقدار ما ينزل الحمال عالحصيات يحمل ويمشي صح موقفه لذلك إذا منأخذ بهالحكم هذا منصل إلى مكة فاضية ما فيها حدا لأن كلهم بدهن يطلعوا بعد نصف الليل هو طلع بكير لكن منقلك ما بطوف طواف الإفاضة إلا من بعد نصف الليل فبينتظر إلى منتصف الليل وبطوف بكون الطواف فاضي ما في حدا هذا تكتيك الحج بطوف بالطواف فاضي بقبل الحجر بكل شوط بقبل الحجر مرة .تأخير المغرب والعشاء إلى مزدلفة كمان من الواجبات والجمع بمزدلفة بين صلاتين المغرب والعشاء جمع تأخير لوقت العشاء لأن بين ما يمشي من عرفات لمزدلفة بكون خلص وقت المغرب بده أكثر من ساعة ساعة ونصف حتى يصل فبكون دخل وقت العشاء فيصلي المغرب في وقت العشاء المغرب أولاً بيجمع معه العشاء وهذا يسمى جمع تأخير .ومن واجبات الحج رمي الجمار مرتباً في أيامها بأن لا يأخر رمي كل منها إلى ثاني ، الرمي بيبدأ أولاً بعد نزوله من عرفات إذا استطاع يرمي دغري بكون أفضل لكن السيارات ما بتوقف يلي نازل مشي بيرموا وبيرجعوا إلى مكة فبيرمي أول بعدين بينزل بجوز تأخير الرمي إلى الليل إذا كان في عجقة بأخر الرمي إلى الليل بيطلع بالليل بعد العشاء بيرجم وبيرجع وهكذا ثاني يوم وثالث يوم له أن يأخر الرمي إلى الليل هذا المذهب الحنفي بدك ترمي كل يوم .مذهب الإمام الشافعي الله يرضى عنه ومالك بجوز يجمع الرجم ثلاثة أيام بيوم واحد بآخر العيد ثالث يوم بيطلع بيرجم الجمرة الكبرى بعدين الوسطى بعدين الصغرى برد بيرجع بيرجم الكبرى الوسطى الصغرى على ثلاثة أيام وانتهى الحج بصح بالإمام الشافعي والمالكي أن يرمي هذا الرمي وهذا فيه تسهيل للمسلمين كثير .وقد أذن النبي ﷺ للرعيان والنساء ان يرموا بالليل ويخرجوا حتى ما يختلطوا بالناس فهذا من باب أولى .كان بالأول تشديد السعوديين ان ما بصح يرمي إلا من بعد طلوع الشمس ثلاثة ملايين بدهن يجوا يرموا بهالمكان ثلاثة ملايين رايحين جايين وعم يدعسوا بعضهم وعم يموت منهم بالرمي عدة مرات حتى صار موت خمسة وسبعون شخص فكروا يعملوا طالع ونازل أنا والدتي لو ما أدركتها كانت راحت قلتلا وقفي دقيقة وأنا برجم عنك بين ما رجمت ورجعت لقيتها بين الرجلين عم يدعسوا عليها لأن رايح فوج وجاي فوج ميتين واحد فوج رايح وميتين راجع عم يختلطوا ببعضهم البعض فعملوا بعدين طلعة ونزلة بعدين كمان حسنوا ،هلق بيهلكوا الحاج حتى يطلع ويدور ويلف لحتى يصل للجمرة الكبرى واحد متل حكايتي أنا ما بحسن أنا بركب بالسيارة وبطلع فالرجم سُنة يجوز أن يوكل الإنسان من يرجم عنه إذا كان ضعيفاً أو عاجزاً أو أم توكل ولدها أو زوجة توكل زوجها بيرجم عنه وبيرجم عنها سبع حصايات بسم الله والله أكبر عنه بقول هدول عن أمي بيرجم عن أمه فهذا فضل الله عز وجل أنه يجوز أن توكل الزوجة زوجها والأم ولدها والأب ولده بيرمي عنه الختيار قله خليك بالبيت، شيخنا الله يرضى عنه لما طلعنا عالحج قلي شيخ رجب شو قلتله سيدي أنا رح اتوكل عنك قلي وكلتك ما في امكان ننزل قلتله لا ما في امكان ان متل حكايتنا ما بيحسن يوقف قدام هالهجمة كلهم هاجمين هجوم ما ماشيين عمهلهن هجوم وكل واحد بكتفه بينحر عاليمين وعالشمال رجمنا عنه ورجعنا قلي المبيت بمنى قلتله مارح خليك تنام ،قلي ليش؟ قلتله المبيت في مذهب الحنفي سُنة والنظرة للكعبة بعشرين رحمة فإذا قعدت ناح الكعبة بيكفي قلي الله يرضى عليك قلهن شو بيحكي الشيخ رجب امشوا متل ما بده خططنالهم هذا فضل الله.رمي الجمار مرتباً هذا بالمذهب الحنفي بأن لا يأخر رمي كل منها إلى ثانيه أما إذا أخر الرمي يجب عليه ذبح في مذهب الإمام الحنفي رضي الله عنه .قلهن المذهب الشافعي الرجم إلى الليل أو خليهن ثلاث رجمات بترجمهن سوا نحن منخليهن لثالث يوم بصح يرجم الصبح فنحن ثاني يوم منطلع بعد العشا بساعة منرجم عن ثاني يوم وننتظر لنصف الليل منرجم عن ثالث يوم ومننزل انتهت يعني فقه الأحكام بسهل كثير على الحجاج وإلا بموتوا بالرجم .بعدها الحلق أو التقصير وهذا واجب الحلق للرجل والتقصير للرجال والنساء لا يجوز للمرأة أن تحلق الحلق للرجال كمان الرجال لو قصر تقصير انا بعد ما منصل من الصفا إلى المروة خلص الطواف بدنا نتحلل بيجوا الأخوان أنا معي المقص أنا بحللن بأخذ ثلاث أربع شعرات من هون وثلاث أربع شعرات من هون وثلاث أربع شعرات من هون أخدت ثلاثة وثلاثة وثلاثة صاروا تسعة مشي الحال أما إذا بده يقصر بيعملوله شارع من هون وشارع من هون بقلن أخي حليق بالموس بفرد مرة صار منظر ما هو جميل بكون لطف بالتقصير شو الفرق بين التقصير وبين الحلق؟ النبي ﷺ لما صار صلح الحديبية تحللوا شو تحللوا انت قلت بدكن تدخلوا إن شاء الله آمنين ،قلهن قلتلكم هالسنة، قالوا لا ،فقال اي تحللوا ،ما تحللوا ،دخل النبي عالخيمة كان معه أم سلمة غضبان .قالت له خير يا رسول الله ،قلها هلك الناس أمرتهم فلم يطيعوا وإذا خالفوا النبي خالفوا أمر الله هلكوا ،فقالت يارسول الله لا تتأثر منهم ألا أخبرك بشيء ،خير ،قالت له انت ما تحكي مع حدا طلاع حط الكرسي ونادي الحلاق لما بشوفوك حلقت كلهن بيحلقوا ،انسر النبي بهالمشورة هي .طلع حط الكرسي ونادى الحلاق إجا الحلاق أول ما بدأ هجموا الناس على شعرات النبي ﷺ هذا صار يحلق لهذا وهذا يحلق لهذا فنحلت المشكلة كلها برأي أم سلمة رضي الله عنها وأرضاها .فقال النبي ﷺ اللهم اغفر للمحلقين في منهم قصر تقصير قالوا بركي منرجع فيلي حلقوا قال اللهم اغفر للمحلقين .قالوا والمقصرين؟ قال اللهم اغفر للمحلقين .ثالث مرة قال وللمقصرين .فهون المسارعة بالإجابة قصد الحلق فالآن شاب طالع لهنيك بروح بيحلق بالموس ليش يا ابني هيك حلقت؟في رخصة قصر منشان ايش حلقت؟شاف الناس عم يحلقوا حلق بيرجع للبيت أمه بتخاف منه ومرته بتخاف منه ليش هيك ؟ما عنده علم، الله عز وجل يوفقنا ،منروح علينا الأحكام بدنا عند الحج بدنا عالم يكون خبير أحكام نمشي معه فالحلق أو التقصير والواجب في الحلق أن يكون في أرض الحرم أو داخل حدود الحرم وفي أيام النحر يعني بأيام العيد الكبير بده يحلق أما إذا أخرها كمان التأخير فيها خطأ وبعد الرمية بعد ما بيرمي بيحلق أما إذا كان الواحد قارن أو متمتع بعد الذبح بيذبح بعدين بيحلق هلئ ما في ذبح بيدفع مصاري هنن بيذبحوا، بيذبحوا بالمسلخ كان الذبح كل واحد يشتري ويذبح من عشرين ثلاثين سنة كانوا يذبحوا بين الخيم وطالعة الشمس أول يوم وثاني يوم تنتفخ الذبايح وتشم الروايح ونسئل الله السلامة ،لذلك لما بتقرؤوا قول الله تعالى(وَاذْكُرُوا اللَّهَ فِي أَيَّامٍ مَّعْدُودَاتٍ ۚ فَمَن تَعَجَّلَ فِي يَوْمَيْنِ فَلَا إِثْمَ عَلَيْهِ وَمَن تَأَخَّرَ فَلَا إِثْمَ عَلَيْهِ ۚ)تعجل يعني بيومين ،(وَمَن تَأَخَّرَ فَلَا إِثْمَ عَلَيْهِ)في شرط لمن اتقى شو بده يتقي ؟بده يتقي هالجراثيم بده يتقي هالروايح صدقوا مشيت أنا ثلاث ساعات على اللحم كله ذبائح بيجيبوا شاحنة عريضة بيحفروا الأرض خندق على طول خمسين متر بيجي لهذه الذبائح بيقشطها عالخندق ويرميها عالخندق ويرشوا فوق منهم الكلس ويرمي هالتراب هيك كان يا جماعة بس خدوا الجلود سلخوهن جلود عالحل مليون خاروف كل جلد لو بخمس ورقات بيطلعوا خمسة مليون ، احكي للمشايخ يا شيخ طيب هالضحية يلي ذبحتها الضحية سُنة ذبحها ببلدك الحج العج والسج هذا هو الحج العج بترفع صوتك بالتلبية والسج بتذبح ما عملوا ما فهم عملناله مؤتمر بمكة جمعنا العلماء عملنا مؤتمر بمكة طلعنا بنتيجة إن خلينا نجيب شركة تتكفل باللحوم تعبيلنا ياهن بعلب معلبات بينسلقوا بينحطوا بعلب منوزعهن على بلاد الفقراء تعرضت شركة سويسرية تستلم الذبايح عشر سنوات بعدين بتخلي المعمل للسعودية بتتركه وبتمشي بتستثمره عشر سنوات ما رضيوا .عملوا نفق حطوا فيه اشاط يلي بدور بيمشي وعملوا جور بتذبح بترمي الذبيحة بياخذها إلى فرن درجة الحرارة فيه ثلاث آلاف بدل ما يفوت الخاروف احتراق وذاب صار صفوة كمان ضلوا عليها خمس ست سنين .يا جماعة هذا حرام ردينا عملنا مؤتمر ثالث وطلعنا بفكرة الثلاجة وافقو عليها الثلاجة صار يلي بده يذبح بيعطي المال بيذبحوله وبحطوه بالثلاجة عم يوزعوه للبلاد الفقيرة الإسلامية عم ينذبح مليون وخمسمئة راس بين جمل وبين بقر وبين خواريف طيب هدول إذا أكلوهن الفقراء مو أحسن من هيك. ذبح شاة للقارن والمتمتع، القارن مين؟ الله يكرمكن بالحج ونكون معكم ان شاء الله ونخططلكم ياها القارن يلي بقول نويت الحج والعمرة لله ،حج وعمرة هذا اسمه قارن قرن الركنين سوا والمتمتع يقول نويت العمرة والحج لله تعالى يأتي بالعمرة ثم يتحلل طلع مثلاً إلى مكة بأول ذي الحجة لتسعة ذي حجة في عنده تسع أيام جاب العمرة وبيتحلل حلق صار حكمه كحكم أهل مكة ما بقى في شي حرام عليه بثمانية ذي الحجة بيحرم من البيت بيطلع على عرفات هذا متمتع لأنه جمع ركنين بسنة واحدة منقله ذباح دم شكر لله تعالى بيذبح خاروف قال الله تعالى (فَمَن تَمَتَّعَ بِالْعُمْرَةِ إِلَى الْحَجِّ فَمَا اسْتَيْسَرَ مِنَ الْهَدْيِ)الحاج في عليه ترتيب في المذهب الحنفي بين الرمي والذبح والحلق شو الكلمة يلي حكيناها نحن ؟رذح احفظوها هذا المذهب الحنفي رمي ذبح حلق .أتى رجل إلى النبي ص فقال يا رسول الله حلقت قبل أن أذبح قال أجزئك .اجا واحد ثاني قله يا رسول الله طفت قبل أن أحلق قله أجزئك يارسول الله رميت قبل أن أذبح قله أجزئك أجزئك مشي يعني كلها ميسرة فالله عز وجل يسر أمورنا وأموركم .أما الترتيب بين الطواف وبين الرمي فسمي سُنة أول الشي يرمي بعدين يطوف طواف الإفاضة آخر شي الحاج له طواف الإفاضة هذا طواف رُكن فرض بينهي الحج بطواف الإفاضة هذا سنة فلو طاف قبل الرمي فلا شيء عليه طاف طواف الافاضة بعدين طلع رمى معلش ،من الواجبات ذبح القارن والمتمتع قبل الحلق وأن يكون الذبح في أيام النحر أيام العيد بده يذبح خاروف هذا اسمه دم شكر .الدماء نوعين دم شكر يجوز أن يأكل الحاج منه بطعمي أهله أما دم الجزاء مثلاً واحد غسل بصابون مطيب أو تعطر وجب عليه ذبح هذا دم جزاء الحاج ما بصح يأكل منه بطعمي الناس أما هو ما بيأكل منه فبده يذبح بأيام العيد .من الواجبات طواف الصدر هذا اسمه طواف الوداع هذا واجب في المذهب الحنفي سُنة في المذهب الشافعي بيمشي إلا إذا كان معذور بده يكون من برات البلد أما أهل البلد ما عنده طواف الوداع ما عنده من البلد ما عنده بده يكون جاي من السفر فبطوف طواف الوداع متى ما طاف خلص بده يمشي يسافر بقى .طيب امرأة أتتها العادة طالعة عالحج بعد ما نزلت من عرفات طافت طواف الإفاضة إجتها العادة بدهن يسافروا طواف الوداع منقلها الله يسامحك اركبي وضلي ماشية سقط عنك طواف الوداع ويجوز أن ينوي كذلك الإنسان طواف الوداع مع طواف الإفاضة بصح ويسقط عنه بدير ضهرها وبتمشي ولا شيء عليها هي من رحمة الله عز وجل أما بدها تطوف وهي في العادة فمكن ينزل دم يمكن تلوث الطواف فقلها امشي وروحي خلص سقط عنك ،المرأة الحائض والنفساء سقط عنها طواف الوداع ، من الواجب أن يكون طواف الإفاضة في أيام العيد لو أخره لأيام العيد يجب عليه ذبح بده يذبح بأيام العيد معه طول نهار لقبل المغرب أول يوم ثاني يوم وثالث يوم ورابع يوم معه لقبل المغرب إذا رابع يوم أذن المغرب وما ذبح يجب عليه الخاروف الثاني خاروف للخطأ .فعل الأقل بعد فعل الأكثر في طواف الإفاضة الأمور الأربعة الأولانيات ركن الثلاثة الثانيات واجبة فإذا جاب الأربعة الأولانيات سقط عنه الفرض منقله كمل على راحتك ،وأن يكون الطواف من وراء الحطيم نص الدائرة يلي تحت مزراب الرحمة هالنص دائرة البيضة يلي بالرخامة بده يطوف من ورائها أما لو فات من هون وطلع من هون وكمل بطل الشوط منقله هذا الشوط باطل بده يطوف من ورا الحطيم وأما حكم الطهارة الطهارة في طواف الإفاضة من الحدث الأكبر والأصغر بده يكون متوضئ طاهر أما لو طاف جنب بده يدبح جمل وإذا طاف بدون وضوء بده يذبح خاروف لازم الطواف هذا طواف الفرض بده يطوف طواف الفرض وهو طاهر بالوضوء طاهر الثوب طاهر البدن طاهر المكان ، فأكثر العلماء قالوا أن الطهارة سنة وخاصة في السعي النسيان ما فيه شي أما إذا متعمد بده ينتبه رح نوقف هون منشان خليلكم وقت للأسئلة .
الاسئلة
وصلنا عند الطهارة في الطواف الله عز وجل يوفقني وإياكم الطهارة ،يلي مهيأ أسئلة يهيئ.. كنت في السنين السابقة أدفع زكاة ذهبي مع العلم أن الكمية لا بأس بها وكنت أقتنيها بنية التزين وليس بنية التجارة ومع ارتفاع أسعار الذهب لم يعد باستطاعتي دفع الزكاة هل أبيع منه لأدفع زكاته؟لك ان تأخري للسنة الجاية وبطالعي إذا في مصاري معك غير الذهب بطالعي المصاري من يلي معك عن الذهب ما شرط ان نبيع الذهب لنطالع منه ،أنا معي مثلاً مئة ليرة ذهب وعندي عشر أونصات لفرضاً بدي بيع ليرة منشان طالع منهم ما شرط معي مصاري غيرهن أديش طلع عليهن زكاة بطالع عن المصاري يلي معي عن الزكاة لأن هدول بجمع المال كله سوا وبطالع منه هي كانت تطالع بنية التزين هلئ صار غالي بنية التزين ما بيجب عليها زكاة إذا هلئ بدها تاجر فيهن أذا نوت التجارة فيهن بيطلع عليهن وإذا خلتهن للزينة ما في عليهن زكاة .إنسان سافر إلى بلد آخر وقصد الإقامة فيه لمدة غير محدودة وذلك في رمضان فهل يجوز له الإفطار في طريق السفر فقط ؟نعم ما دام مسافر والسفر أكثر من ثمانين كيلو متر إذا كان أكثر يجوز له الإفطار وعليه القضاء أو أنه يجوز له أن يفطر في البلد الجديد ريثما يؤمن لأهله المسكن والطعام لأنه غريب بمجرد ما يصل للبلد ويتأمن السكن وجب عليه الصيام أما وصل للبلد وما تأمن سكن ولا طعام لا يزال مسافر حتى يتأمن السكن متى ما تأمن السكن وقعد بدأ حكمه كحكم أهل البلد ولو يومين .شوط السعي بالصفا والمروة هل هو ذهاب فقط أم ذهاب وإياب؟شو حكينا نحن الذهاب مرة والرجوع مرة سبعة روح وحدة ورجعة وحدة أما لو بده يكون روحة رجعة بيهلك الواحد. ذكرتم أن لا يجوز لبس المخيط المحيط نرجو منكم تفسير المحيط وهل الحزام هو المحيط في منهم بيكشفوا الكتف اليمين كشف الكتف اليمين فقط بالأشواط الأربعة أو الثلاثة الأولانيات عند الطواف كل طواف بيكشف الكتف اليمين بغطي الشمال فقط عند الطواف أما الحاج عطول كاشف كتفه بيحترق كتفه فما بصح يكشف الحرام ما فيه ولا خيط المحيط للرقبة وشلون ما قعدنا ما بينكشف طويلة وساترة بفضل الله عز وجل قليل من الحجاج يلي بيعرفوا بحط الفوطة بتفلت الفوطة صار الأخ قدام الحجر الأسود وقعت الفوطة انكشف قدام الحجر الأسود بده يبعد الناس ولا بده يستر حاله ما عرفان شو بده يشتغل .وصل لمكة بعد المغرب قبل طلوع الفجر بده يطوف طواف ولا دغري بيطلع لعرفة ؟ بطوف وبيطلع المهم قبل الفجر يكون بعرفات ويكون فيه طهور قال النبي ﷺ الطواف مثل الصلاة إلا أنكم تتكلمون فيه فمن تكلم فيه فلا يتكلمن إلا بخير ،فمثل الصلاة يتوضئ وبطوف وبيطلع لعرفات إذا كان ناوي الحج بطوف وبيسعى بطوف وبقدم السعي وبيطلع لعرفات بعد عرفات بينزل عليه طواف الإفاضة فقط وانتهى . نحر عرفات قبل أذان الفجر ؟المهم قبل الآذان بخمس دقائق لو دخل على عرفات وأذن الفجر أدرك الحج ،من مكة لعرفات بالسيارة بيتحمل معه عبارة عن تلت ساعة إلى نصف ساعة فإذا كان مقدار نصف ساعة بطوف ما في نصف ساعة بيطلع دغري لعرفات .ما في ذبح عليه؟ طواف القدوم سقط وتأخير السعي من باب أولى ما في شي .ليش عدة المطلقة أقل من عدة يلي متوفي زوجها ؟ هنا المطلقة مبينة انها ليست حامل ما بصح طلاقها إلا تكون طاهرة ما تقدم إليها دائماً الطلاق لا يجوز إلا أن يكون في طهرٍ لم يقربها فيه بطلق هذا الطلاق الشرعي أما الحامل مات فجئة وهي حامل وإذا حامل في ولد بقلبها بدنا نعرف الولد إذا تحرك معناتها في حياة إذا ما تحرك ميت منشان الميراث كمان يرث أو لا يرث. يلي طلقها جوزها عدتها أقل من يلي مات ؟ نعم عدتها أقل ثلاث حيضات إذا حاضت الحيضة الأولى والثانية دلت ان غير حامل عدم الحيض معناتها حامل فإذا كانت ما حامل انتهت حيض وطهر حيض وطهر حيض وطهر هي المطلقة إذا كانت مطلقة أما إذا كان توفى وهي حامل حتى تضع الحمل فما منعرف نحن ما شافت العدة حامل فنقول عدتها أربعة أشهرٍ وعشرة أربع أشهر بيظهر الحمل عشرة أيام بيتحرك الحمل هذا نظام أربعة أشهر وعشرة أيام يتحرك الحمل بالعشرة أيام فهي حامل أما هديك مطلقة مو حامل فإذا كانت ما حامل عدتها أقل من عدة الحامل لو قدرنا أن زوجها توفي وهي بالشهر الأول أو الثاني بدها تاخد أطول المدة أربعة أشهر وعشرة أيام أو حتى تضع الحمل وبعضهم قال لا يبين الحمل أربع أشهر وعشرة أيام إذا تبين الحمل انتهت عدتها .ما حكم نتف الحاجب للرجل والمرأة ؟أما للرجل فحرام أما للمرأة فحرام إلا بإذن زوجها المرأة لا يجوز تنتف حواجبها إلا إذا أذن لها الزوج أما إذا ما أذن فلا يجوز .ما الفرق بين الحج والعمرة؟ الحج نية وإحرام وطواف ووقوف بعرفات ومنى ومزدلفة أما العمرة ما في غير إحرام وطواف وسعي وحلق فقط .طالب ذهب للدراسة في أوروبا وإذا ظل بدون زواج من الممكن؟يرتكب بعض المحرمات وإذا تزوج لا يستطيع عندما يرجع إلى بلده يعيد زوجته معه فهل يصح له أن ينوي بالزواج وعندما يقرر العودة إلى بلده يطلقها ؟ كتير من الشباب عم يعملوا هالعمل وعم يرتكبوا خطأ كبير شاف وحدة بيتزوجها أولاً منقله إياك والزواج إلا من فتاة لم ترى الرجال لم تعرف الرجال أما إذا كان سابق لها عرفت الرجال خشية أن تكون مبتدية بمرض الإيدز فإذا حصل له الزواج يتزوج بغير أن يفكر بنية وقت ان حتى خلص ما خلص متى ما فكر بنية الوقت دخل الحرام صار زواج اسمه متعة فما بصح بيتزوج زواج عادي بيقعد معها سنة وسنتين وثلاثة لما بيرجع بقلها بترجعي معي للبلد قالتله لا ما برجع فيطلقها وبيرجع إلى بلده أما إذا آجاه ولد هي بتاخد الولد وبيتركها وبينزل ما بنزلها.هل الدخان والأركيلة تفسد الوضوء ؟ ما فيها فساد للوضوء لكنها محرمة الدخان والأركيلة محرم شرعاً وطباً .وصلى الله على سيدنا محمد والحمد لله رب العالمين