رسم مصغّر عن للكعبة المشرفة وان كان ناقص شوي لكن مناخد فيه كيف الحاج كيف يبدأ طوافه. جاي عنا الطواف بدنا نعرف. اولاً نعرف الاركان. هذا الركن فيه الحجر الاسود اسمه ركن الحجر. الحجر الاسود بيكون قريب على باب الكعبة. بين الحجر وباب الكعبة في فراغ متر هون بيسموه هذا الملتزم. الدعاء فيه مجاب لا يرد. المطلوب من الحاج عند الطواف ان يقف ويدعو الله عز وجل والدعاء مجاب لا يرد. وباب الكعبة بعد منه لا يدخله الان الا المسؤولين. الحاصله. هذا الركن التاني يقال له الركن العراقي بعد الركن الاسود الركن العراقي. بعد الركن العراقي الركن يلي تجاه الركن الاسود يقال له الركن الشامي. بين الركن العراقي والركن الشامي في مزراب الرحمة بنصف الحيط مزراب الرحمة بيصب بنفس الدائرة البيضة يلي منسميها الحِجِر. حجر اسماعيل. مزراب الكعبة بيصب بنصف حجر اسماعيل. فإذاً عنا الركن الاسود الركن العراقي الركن الشامي. تجاه الركن العراقي الركن اليماني. الركن اليماني كمان مطلوب من الحاج يمسحه من غير ما يمسح على وجهه بسم الله والله اكبر.. النبي قال : ما مررت الا وجدت سيدنا جبريل ملتزم للركن اليماني وهو يقول : يا واجد يا ماجد لا تزل نعمة انعمتها علينا يا كريم. فالركن اليماني متل الركن الحجر ملتزم ويدعو الله له. بيمسح وبيرجع. بس في نقطة هون لازم ننتبه لها قبل ما اشرح. الركن اليماني في حجاج لما بتجي بيمسك وبيمشي وهو منحني عليه هذا بيبطل الطواف. بده يمسحه وبيرجع وبعدين بيكمل الطواف. لانه اذا مال جزء منه صار في الكعبة شايفين هيدا يلي تحت هالمسافة البعيدة هيدا بيسموه الشدروان. هذا ما بيصح يكون في جزء منك جوا. بيمسح وبيرجع كذلك الحجر الاسود بيقبّل وبيرجع. الحاج لما بده يروح بده اول ما يبدأ بده يطوف 7 اشواط حول الكعبة. الطواف يبدأ من الحجر الاسود. من هنا يقف تجاه الحجر الاسود بيلتفت للحجر الاسود بسم الله والله اكبر بيكبّر 3 مرات ثم يبدأ الطواف. بكرا ان شاء الله منكون جبتلكن الفوط بالفوطة منعرّفكن كيف بده يبدأ بالطواف. بيبدأ الطواف سبع اشواط له ان يدعو وله ان يقرأ القرآن وله ان يسبّح وله ان يتوجه الى الله بالالتجاء والدعاء ما شاء. المهم ان يكون الطواف فيه ذكر ما يكون الطواف وهو ساكت. كان ﷺ اذا وصل للركن العراقي كان يقول : اللهم اني اعوذ بك من الشك والشرك والشقاق والنفاق وسوء الاخلاق وسوء المنظر في المال والاهل والولد. وكان عند الركن اليماني كان ﷺ يقول : يا واجد يا ماجد لا تزل نعمة انعمت بها عليّ يا كريم. وهنا الركن الشامي. كان ﷺ في اول ما فرضت الصلاة كان يتجه نحو الشام. يعني كان يصلي بهذه الجهة متجه نحو الشام مزراب الرحمة نازل للشام متجه نحو الشام فالنبي كان يصلي في هذا المكان بين الركن اليماني وبين الركن الحجر. هنا في دعاء خاص: ربنا اتنا في الدنيا حسنة وفي الاخرة حسنة وقنا عذاب النار. يكرر هذا الدعاء من الركن اليماني للركن الحجر الاسود. هنا في نصف دائرة تجاه مزراب الرحمة هنا اسمه حجر اسماعيل او الحطي بيسموه. حجر اسماعيل قيل ان سيدنا اسماعيل مدفون فيه تحت مزراب الرحمة. هذا فيما قيل. الانسان هو وعم يطوف بده ينتبه ما يحط يده على هذا الحجر. هذا هالنصف دائرة اصلها من جوات الكعبة . يلي بيصلي فيها كأنه صلى جوات الكعبة. لانه قريش لما بدها تعمر الكعبة انهدمت بالسيل لما بدها تعمر الكعبة قلّت معها المال فجعلت هالقسم برا وعمرتها بهذا الشكل كان هذا الحجر داخل فيها. فالصلاة فيه كالصلاة داخل الكعبة. لذلك لما بده يصلي الامام بيفضوه ما بيخلوا حدن يصلي فيه كأنه الواحد واقف جوات الكعبة والامام برات الكعبة ما بيصح اقتداء الامام اقتداءه. على كل لما بيجينا الفطوا منشرحلكن. كم ركن الكعبة لها ؟ 4 اركان الركن الاول الحجر التاني العراقي التالت الشامي الرابع اليماني. يلي مواجه الركن الحجر الاسود اي ركن بيجي؟ الشامي. ويلي مواجه الركن العراقي؟ اليماني. حطلنا ياها عجنب. بكرا نشالله منجيب فوط منعرفكن كيف يكون ان شاء الله الطواف بما فيه..
بسم الله الرحمن الرحيم نحن وصلنا البارحة الى خروج اذا المرأة لا تذهب عالحج الا ومعها محرم. المحرم هو الذي لا تجوز مناكحته على التأبيد. في عنا حرمة مؤبدة وفي عنا حرمة مؤقتة. الحرمة ناحيتين. فمثلاً : اختك او امك او بنتك. حرمتها حرمة مؤبدة الى اخر الزمن ما في . اما اخت الزوجة محرمة ما دام الزوجة موجودة فاذا ماتت الزوجة او طلقها يجوز ان يأخذ اختها فهون الحرمة مؤقتة وليست محرمة. وسواء كان التابيد بنسب او رضاع او مصاهرة سواء كان مسلم او غير مسلم عاقل بالغ مراهق. ما دام تم ذلك فلا يصح يطلع معها. واحدة بتقول هذا اخي بالرضاعة نقول لها لا يجوز ان يطلع معها جيبي غيره. بهالزمان خاصة اجمع الفقهاء رضي الله عنهم بأن الخلوة بالاخت رضاعة حرام لا يجوز. الشيطان ما مات عم تصير مشاكل واشكال.. بعض يلي نفوسهم مريضة بدك تطلعي للحج؟ مين محرم عندك؟ بتقول ما في. بيقول لها انا اخوك في الله . بتقبليني اخ لك في الله؟ بيطلع معها على اساس اخ في الله. يقول لها بكتب كتابي على بنتك. ولما نرجع، لما كتبت كتابي صرت صهرك ما بقا بيجوز بيناتنا يعني بيصح ان يكون محرم. بيطلع بيحج لما بيرجع ما بيطلق بنتها قال لها هي زوجتي ما بيطلق . وعم تقع كتير مشاكل بذلك. لذلك لازم ننتبه الاخوة بالله بين المرأة والرجل حرام ولا تجوز. هي من ناحية. من ناحية تانية ما بيجوز يكتب كتابه على البنت مشان يطلع مع امها ما بيصح عم يعقد العقد على بنتها صارت متزوجة له واذا ما طلقها لا يجوز ان تتزوج غيره. لذلك بده يكون دائماً, نرجع في ذلك الى الشريعة المطهّرة. كمان الحماية الشابة لا يجوز ان يكون صهرها محرم لها. هي عمرها 30 سنة وهو عمره 40 سنة – 35 – 40 سنة. بيقول انا صهرها اخد بنتها نقول له لا يصح تطلع. ممكن يطلق البنت ويميل لها. مع انه سألوا الحكم الشرعي العقد على البنات يحرّم الامهات. والدخول في الامهات يحرّم البنات. اذا كتب الكتاب على البنت فأمها صارت عليه حرام. اما لو كتب الكتاب على الام بعدين قلب واخد بنتها بيجوز. العقد على البنات يحرّم الامهات فإذا كان نكس العقد بيصحّ ياخد البنت اما اذا عقد العقد .. الدخول في الامهات اذا دخل عالام ما بقا يجوز ياخد البنت . اما اذا طلق الام واخد البنت يصح. طيب فاذا اجتمعت الشرائط الخمسة شرائط التكليف: مسلم بالغ عاقل، مع شرائط وجوب الاداء سلامة البدن زوال المانع امن الطريق. اذا انوجدوا هيدول مع هدول يجب على الحاج ان يأتي بنفسه اداء الحج من غير وكالة. واذا فقد بعضها مع تحقق شروط التكليف لم يجب عليه اداء الحج. انوجد معنا من شروط التكليف انوجد معنا ان رجل مسلم بالغ حر لكن غير سليم البدن لا يجب عليه الحج. انوجد مسلم بالغ حر لكن ما انوجد امن الطريق ما وجب عليه الحج. فبده يكون موجودين الشروط الاولانيين : مسلم بالغ عاقل حر ومستطيع. اذا كان موجودين مع سلامة البدن وزوال المانع وامن الطريق والمحرم بيجوز يطلع الواحد على الحج. طيب هلق لح نبدأ وصلنا للغميق. كنا عالشط وصلنا للغميق هلق. فروض الحج. كم فرض في الحج. ؟ اول شيء الاحرام. 2 الوقوف في عرفة. 3 اكثر طواف الزيارة . هيدول ال3 من اركان الحج.
الاحرام. بده الانسان ينزع الثياب كلها لا قميص ولا كلسات ولا كيلوت ولا قطنية. بيشلح كل شي. فوطة من تحت وفوطة من فوق. ها الاحرام. فوطة بيستر من السرة لتحت وفوطة بيحطها على كتافه. هذه لما تنوجد النية بينوي الحج بيكون لابس الحرامات متغسل ولابس الحرامات نويت الحج واحرمت به لله تعالى. بيصلي ركعتين صار محرماً دخل في الحج. اول شي النية من غير فاصل بين النية والتلبية. اما اذا نوى هلق وبعدين لبى خطأ. فبده يكون اولا ما دام لبس الحرامات وصلى ركعتين بيقول نويت الحج واحرمت به لله تعالى لبيك اللهم لبيك. لبيك لا شريك لك لبيك الى اخر التلبية. فهذا اول فرض من فروض الحج. الاحرام مع النية. فلو وجد الاحرام وما وجدت النية ما دخل في حج. هلق انا نويت لكن مني محرم ما دخل في الحج. فشرطه ان يكون محرم وينوي نية الحج. في الاحرام كمان بحب نبّهكن على شيء يمكن بالمية 95 ما بيعرفوه. لما الانسان بده يحرم عم يحط الفوطة عم يربطها بيكون بالحج مع الزحمة عم تسقط الفوطة. اخ من الاخوان قدام الحجر الاسود نزلت الفوطة انكشف. فمن اجل الحفظ والستر سلكت مسلك والله عز وجل تمم الفضل علينا وتحقق بتوفيق الله. المسلك الانسان لما بيكون من غير كيلوت بيتسمط قوام. بيتسمط ولا شو بيقولولها ؟ بيتسلخ يعني. بدك كيلوت والكيلوت ما بيجوز تلبسه. فلجأنا الى طريقة وقدمناها الى الافتاء في السعودية وطلع فيها مرسوم في الافتاء بجواز هذا الشيء. ساويت التبان بفضل الله من تخطيطنا بتوفيق الله التبان كيلوت لكن من غير خياطة. بيلبسه ما بيحتاج الى خياطة ابدا. مفتوح ساتر للعورة لو انكشف العورة مستورة. هذا التبان اشتغله اخونا الخياط الله عز وجل يرضا عليه وزعنا على الاخوان بالفتوى يلي طلعت من السعودية مجلس الافتاء العام بالسعودية اخد الفتوى. هي واحدة. 2. اذا ما صارله التبان الفوطة بتحطلها دكة من فوق بتربطها بالدكة ما عادت تنزل الناس بيقولوا هي مخيطة بقوله يا حبيبي المحرم ان يكون الثوب مخيطا محيطاً . محيط ومخيط. اما اذا ما كان محيط ما بيأثر. فالفوطة مفتوحة بتحطلها القيطانة بتربطها بالدكة بتضل على البدن بيسعى وبيطوف وهو في راحة. وبيساويلها جيبة كمان. بتحط فيا مسبحتك بتحط فيا مصاري جيبة لجوا وفي الها سحاب ما في واحد يحسن يفتحها ويمد ايده. هذا من التسهيلات يلي صارت في الحج بتوفيق الله. انا بطلع بالفوطة واذا كان الدنيا شوب فوطة عالحل بيكفي. بحط تحت منها الفوطة بحط الجزدان فوق منها وبالايطانة. ولا شيء في ذلك. الساعة معليش لو كانت جلدة. ما في شي على الانسان الا يستطيع يتركه. فالاحرام المفروض ان يكون ساتر من السرة الى اسفل الركبة من غير ما ينكشف. هذا الاحرام اولا.
2. الوقوف بعرفة وهذا ركن كذلك. الحج عرفة. ركن الاركان الوقوف في عرفة. الوقوف في عرفة يبدأ من بعد الضهر اليوم التاسع الى غروب الشمس. هذا الموقف . فلو كان انسان اجا متأخر. اجا بعد الغروب يكتب له موقف. كل الليالي الى الايام التي قبلها الا ليلة عرفة معنا من بعد الضهر الى قبل ادان الصبح. لو اجا قبل الفجر ب5 دقايق دخل على عرفات كتب له الحج. لو 5 دقائق وقف وهو ماشي في عرفات وقف على عرفات او ماشي على عرفات كتب له الحج. المهم ان يقف في ساعة من الساعات من ظهر التاسع الى صباح العاشر ما دام اذن الفجر انتهى الموقف. فإذاً هنا موقف عرفات هذا ركن من الاركان. نحن في عرفات نطلع من بكير وهذاالافضل يطلع بعد صلاة الصبح يطلع على عرفات اذا حسن بيوصل بعد طلوع الشمس حول ساعة من كتر الزحمة. كنت من اول نحي ليلة العيد ليلة عرفات نحييها بالحرم ما كان في حدن. تعلموا الناس صار كلن يتأخروا صرنا نطلع بكير. بدها خبير يعرف شلون يمشي. فبيطلع الحاج بيحج وبيمشي وهو مرتاح بفضل الله ما بيحس بالتعب ابداً. الحجاج بيكون باليوم التامن في مِنى. والمبيت في منى سنة. بيباتوا في منى بيصلوا الصبح في منى وبيطلعوا بعدين من منى الى عرفات بيطلعوا مشي او بالسيارة في منن ما بيصلي العصر. راسه بيدوب دماغة من حر الشمس. فالافضل صلي الفجر واطلع او يطلع من عشية. يبات في عرفات نسيم جميل وموقع ظريف بيصلي العشي بيصلي الصبح. لما بيصير الضهر يتوضا قبل صلاة الظهر ونتغدا قبل صلاة الظهر. هلق الظهر مثلا عالساعة 1 الا تلت الساعة 12 منتغدا ومنفل منغسل منتوضا منستعد لادان الضهر. ادن الضهر منصلي فرض الضهر ركعتين ومنصلي فرض العصر ركعتين. جمع العصر مع الضهر جمع تقديم. وهذا في المذاهب كلها. مذهب الحنفي مافي جمع الا في عرفات ومزدلفة. بيصلي الضهر بيصلي بعد منن العصر ونبدأ بالدعاء. غدا متغدي واكل آكل. منضم عم نشتغل بالدعاء الى الغروب. كله وقت دعاء الى الغروب. هذا يوم عرفة. الى غروب الشمس. بيمدو الخيم قبل الغروب بساعة. الحجاج بيوقفوا شايفين الشمس عند غروبها كلهم واقفين عم يدعوا ويسألوا الله عز وجل. ليش سميت عرفة؟ لان سيدنا ادم تعارف على ستنا حواء في عرفات. لما نزلوا من الجنة متفرقين. هي عم تدور وهو وعم يدور التقوا بعرفات يوم عرفة. فسميت بعرفة لمعرفة سيدنا ادم بحواء رضي الله عنها. طيب الاحرام والوقوف في عرفة. واكثر طواف الزيارة. طواف الزيارة هذا اسمه طواف الافاضة. بعدما الحاج وقف بعرفات نزل من عرفات الى مزدلفة. بمزدلفة منصلي المغرب والعشي جمع تاخير منأخر المغرب الى العشاء جمع تأخير منلم الحصيات من مزدلفة بده يلم 49 حصاية. هذا اذا كان بده يتعجل. عندنا يومين. كل يوم 21 حصاية. اول يوم وتاني يوم كل يوم 21 حصاية. اليوم الاول 7 حصيات. بيرجم الجمرى الكبرى وبيرجع. اليوم التاني والتالت 21 ب 21. لان عنا 3 جمرات كل جمرة 7 . 7 . 7. = 21 و21 = 42 و7 = 49 حصاية. بده يجمعن الحصاية اكبر من البندقة واصغر من الفولة. بهالحجم مشان الرجم. يقال لها جمرة. لا يقال لها حصاة. لذلك سميت الجمرات ورمي الجمرات. ليش سميناها جمرة ؟ لانها تقع على ابليس كالجمرة يحترق بها هذا ما يقوم به الانسان. فبعد ما نخلص مزدلفة بينزل من مزدلفة الى منى اول عمل اذا وصلنا الى منى الرمي. بدنا نرجم 7 جمرات الجمرة الكبرى. يلي عندها دبح سيدنا ابراهيم الشاة. يعني الله فدى سيدنا اسماعيل في خروف دبحه عند الجمرة الكبرى. ما دام رجم انتهى الحج نهاية اولى. تحلل تحلله الاول. بيرمي بيحلق. صح. بقي عليه طواف الافاضة. بينزل بيطوف طواف الافاضة انتهى الحج. ينتهي الحج بطواف الافاضة والرمي والحلق. 3 فروض هيدول ينتهي الحج فيهن. فلو ادى 2 من 3 بيصح. لو رمى وحلق صح. بيتحلل حلّ له كل شيء الا القرب الى النساء لا يجوز. الا بعد طواف الافاضة ما دام طاف طواف الافاضة لو طاف طواف الافاضة وحلق صح بقي عليه الرمي بيطلع باواعيه بيرجم ما في عليه حاجة. فطواف الزيارة اذاً هذا يلي بيكون بعد موقف عرفة. هذا ركن بعد موقف عرفة يطوفه الانسان وهو ركن الحج وملحق بالفرائض. والترتيب بين الفرائض اول الكل بينوي بيحرم بيوقف بعرفات بيطوف حول الكعبة. اما لو اخر الاحرام ما له حج او لو قدم الطواف ما له حج. فبده يكون الترتيب بين الفرائض. كل واحدة بمكانها صح حجه ورجع ان شاء الله مقبولاً. هذه الفرائض لا يجوز الحج الا بوجودها جميعاً. فلو ترك وحدة ما بيصح له. هلق الحاج ما عم يعرف نزل من عرفات ركب السيارة على جدة ركب الطيارة على بلده ما طاف طواف الافاضة فنقول له حجك غير صحيح. لازم يدم محرم. اما اذا لبس اواعيه وجب عليه يدبح شاة بدك ترجع تطوف طواف الافاضة وبعدين بتحلل. ما طاف بدك ترجع.. الطواف واجب فرض عليك لا بد منه والا لا يصح الحج. هذه الفرائض احفظوها كم فرض؟ 3. النية والاحرام والوقوف بعرفات وطواف الزيارة او الافاضة. هيدول الاركان اركان الحج. الواجبات. الركن اذا تركه الحج باطل. الواجب اذا تركه وجب عليه دم دبح خروف. كل واجب يتركه بده يدبح خروف. كل خطيئة يرتكبها بده يدبح خروف. دبح خواريف.
واجبات الحج : الاحرام من الميقات المكاني. الكعبة المشرفة اذا قلنا في هذا المكان في بيجو من الشام وبيجو من مصر واليمن والعراق والكويت. كله قبل ما يوصل للكعبة بمسافة 100 كلم. بده يحرم. يلي جاي من الشام يلي طالع بالسيارة اول الكل بيصل للمدينة المنورة بيزور لما بده يتوجه الى مكة بيتغسل بيحرم من البيت بيلبس حراماته بيركب بالسيارة بيمشي 10 كلم بيطلع من المدينة في هنيك مكان اسمه بيار علي. بيدخل بيصلي ركعتين وبينوي الحج وبسم الله بيتوجه الى مكة. احرم منين في 400 كلم من المدينة الى مكة. 10 كلم من المدينة الى بيار علي بيحرم وبينزل محرم. فلو تخطى الحد بدون احرام يجب عليه دبح خروف. يا بيرجع بيحرم او بيحرم من مكانه وبيدبح خروف. هذا اول الكل الميقات. فجعل النبي ﷺ ميقات اهل الشام جعلها ل بيار علي. لان بده يطلع ماشي بيمشي.. اذا طلع بالطيارة او بالبحر لما بيمر من ناح رابغ بيحرم بالطيارة او بيحرم بالباخرة وبيدخل. فلو تجاوزت الطيارة رابغ وما احرم يجب عليه ان يدبح خروف او يرجع الى رابغ حتى يحرم. هذا ميقات اهل الشام. ميقات اهل اليمن يلملم. يلملم تبعد عن مكة المكرمة بما يقارب 70 كلم. تجي من ناح عرفات. قبل ما يوصل لعرفات يلملم 70 كلم بينها وبين مكة بيحرم من هناك. يلي جاب بالبحر بينزل بمكة بده يكون محرم من رابط اما لو بالعمرة بيصح يحرم من جدة. لان من بعد جدة في الحديبية. الاحرام يصح من الحديبية. الحديبية بينها وبين مكة 60 كلمبينها وبين جدة 10 كلم. يصح الاحرام بالعمرة اما بالحج بده يحرم من وين من رابط. اذا نوى الاقامة في جدة يومين او اكثر بيصح ينوي من جدة. مثلا الطالع له اهل في جدة نزل عندن يومين بيحرم من البيت وبينزل. وهذا جائز والحمد لله. فهي واجبات الحج. اولا الاحرام. من الميقات المكاني. 2 – ترك لبس المخيط للرجل. الرجل ما بيصح يلبس مخيط ومتل ما حكيتلكن المخيط شو بده يكون محيط. مخيط محيط. القميص ما بيصح الكيلوت ما بيصح الجلابية لا تصح. بده يكون مفتوح. فمنجيب نحن الفوطة مفتوحة منحطلها ايطانة الدكة بيسموها وبيلبسها وهذا جائز ولا كراهة فيه. هذا ترك لبس المخيط. اما اكثر الحجاج ما بيعرف. بتلاقيه لابس الكيلوت والقميص ومحرم. شو هاد؟ احرمت؟ ايه محرم. لابس قميص؟ وجب عليك دبح. لا انا هيك حكولي. لك يا ابني هذا لا يجوز بدك تشلح والا في كل يوم عليك خروف. ما بيعرفوا. والله شفنا نحن من الحجاج شي بيشيب. وما بيقبل النصيحة كمان. هيك عقله خلص. لك يا حبيبي هيك ما بيصح. لا قميص ولا كيلوت ولا ابدا. يجب عليه دبح. تغطية الرأس كشف الرأس الرجل بده يكشف راسه بيضم مكشوف الرأس كل ما يكون محرم . ما دام محرم مكشوف الرأس. ما بيصح لا يحط طاقية ولا يحط شي ولا ابداً. طب والشمس؟ نقول له انت مانك ملزم تمشي بالشمس. صلاة الضهر بتصليها ببيتك. بتجي الى صلاة العصر في الحرم. الحيطان الها ظل بتمشي بظل الحيطان. او شمسية بتحمل شمسية ما في مانع. اما تحط على راسك ممنوع. كشف الراس للرجل. اما المرا ما في كشف . المرا بدها تكون ساترة. المرأة تكشف وجهها وكفيها. هذا احرام المرأة. كشف الوجه وكفيها فقط. فإذا كان المرأة كشفت ايديها بيصح الرجل يغطي ايديه؟ ما بيصح. المرا من باب اولى تكون كاشفة. هذا الحاج يلي قال بده يحج عالمذهب الشافعي. وامانة برقبتك على المذهب الشافعي. لك اخي والله ما بتحسن. ابدا امانة. عالمذهب الشافعي. ايه تفضل انزل عالحرم. نزلنا عالحرم مننطر طواف القدوم. بدأنا بالشوط الاول لسا ما مشينا 10 خطوات دعست على اجره امرأة انتقض وضوءه روح توضأ بده يروح يتوضا ويرجع كملت انا 7 اشواط وصليت ركعتين الاحرام حتى رجع. بديت الطواف التاني. ما وصلنا للركن العراقي دقت ايده بيد وحدة رد انتقض وضوءه. ارجع روح توضا. 12 طواف طفت وهو لسا الشوط الاول ما حسن يخلص. 12 ب 7 = 84 شوط حول الكعبة وكل 7 اشواط صلاة ركعتين. كلما يخلص يرد ينتقض وضوءه لك يا حاج. يا ابن الحلال قلد الحنفي. الا الشافعي. قلت له خليك لحالك. السلام عليكم. بيقعد 10 ايام ما بيصير يطوف طواف واحد. بعدين حط ايديه تحت الفوطة شو هاد؟ قلتله المرأة بدها تكشف ايديها انت شو ما بيصح طوافها. قال لي ايه ما عم بحسن. سبحان الله. انما جعلت المذاهب للتوسعة. ما جعلت للتضييق. هون مذهب الحنفي والشافعي والمالكي مناخد من هاد وهاد وهاد.. النبي ﷺ اتى رجل في الحج وقال يا رسول الله رميت قبل ان احلق. قال اجزأك. والتاني قال له حلقت قبل ان ارمي قال له اجزأك اجزأك ماشي.. هيدول لا. عالحنفي او عالشافعي قال له هذا لا يصح. الحاصله. من الواجبات : السعي بين الصفا والمروة. بعدما بيطوف الانسان بعد الطواف في قدامنا السعي. السعي واجب من واجبات الحج وهو ركن في بعض المذاهب. يسعى بين الصفا والمرة. بين الصفا والمروة 700 متر. بده يروح شوط ويرجع شوط واحد روحة وواحد رجعة. 7 اشواط بين الصفا والمروة. فان ترك السعي اتى به وان لم يأتِ به عليه دم. بده يدبح اذا ما اتى بالسعي بده يدبح. والسعي دائماً يجب ان يكون بعد الطواف . شو معنى بعد طواف. انت طالع بدك تجيب عمرة. العمرة بتطوف وبتسعى. السعي بعد الطواف. كل طواف بعده سعي في له صفة من الصفات في الطواف. اما ما في سعي عم يطوف طواف نفل. والسعي لا يكرر. احفظوها. السعي لا يكرر. مرة واحدة السعي. الحج له سعي والعمرة لها سعي. فقط. اما بتشوف هنيك يا لطيف. كل واحد ساحب 3 -4 نسوان مركضهن عم يركضهن. ولابسين اواعيهن. السعي دائماً بدك تكون محرم. قبل العيد دائما محرم. يا اخي شو عم تعمل؟ عم نسعى. يا حج السعي مرة واحدة. وانت محرم انت لابس هلق بيجب عليك دم. ما في سعي امشي امشي. بيسحبها عم يركضها.. المرا ما عليها ركض. السعي بين الميلين الاخضرين للرجل بيهرول وهو يقول رب اغفر وارحم وتكرم وتجاوز عما تعلم انك تعلم ما لا نعلم انك انت الاعز الاكرم. اما المرا بتمشي مشي ما في الها تركض عم يركضها وبالاواعي وكلما سعى سعي بده يدبح خروف. ما في عليك سعي. وليش كل هالتعب هاذا. مفكر العبادة. العبادة حول الكعبة. كل طواف الك فيه 120 رحمة. ينزل على البيت في كل يوم 120 رحمة 60 للطائفين و40 للمصلين و20 للناظرين. ايه بيقعد بيطلع 20 رحمة. هنيك العبادة. هون عم يسعى. فهذا السعي واجب فاذا تركه وجب عليه دم. واذا كرره كمان عليه دم. انه اتى بشيء ما واجب عليه. الطواف ما في راحة. بدك تكمل السبع اشواط بدون راحة. اما السعي له ان يستريح يفز يكمل. مشي شوطين قعد 10 دقايق بيفز يكمل. رد قعد رد كمّل معليش. السعي تجوز فيه الراحة اما الطواف لا تصح فيه. ولا بد من المشي فيه لمن لا عذر له يمنعه . السعي الافضل المشي الا اذا كان عاجز او ختيار فيسعى وهو راكب, والنبي سعى وهو راكب الناقة ﷺ. فلو ترك المشي بلا عذر اعاده. ارجع. فنلاقي هلق ولد شاب راكب بالعرباية. لك يا ابني في مرض؟ لا. في وجع؟ لا. عم يفز يركض ركيض. ايه ما بيصح يا ابني بدك تمشي مشي. فان لم يعده عليه دم. بده يدبح خروف. ولا بد من البداءة فيه من الصفا ايضا ولو بدأ بالمروة لا يعتد بالشوط الاول. بيبدأ بالصفا الى المروة واحد. من المروة للصفا 2 وهكذا ونقف عند مد الوقوف في عرفة. مشان يلي له سؤال يسأل.