بدأنا بشروط وجوب الحج يجب الحج على المسلم العاقل البالغ الحُر .قلنا الإسلام بيخرج معنا الكافر،الكافر لا يكلف في فروع الإسلام والعاقل بيخرج معنى المجنون والبالغ بيخرج معنى الصغير فليس عليه حج وإن أخذه أبوه معه على حج يُحرم عنه ولكن إذا بلغ يُعيد حجة الفرض .والحرية فليس على العبد حج لأنه مُقيد بسيده وأما الفقير فيقع حجه عن الفريضة يعني لا يلزمه حجةً أخرى لو حج ولو بالدين تسقط عنه الفريضة ولا يلزمه إعادتها ولو أصبح غنياً لو صار غني ما مطلوب منه يعمل حجة تانية إلا إذا أحب أن يكون تطوع .ومن الشروط الإستطاعة أن يكون مستطيع بالمال مستطيع بالقوة بالنفس بالطريق أن يكون أولاً وجود المال ثانياً وجود الصحة والعافية ثالثاً أمن الطريق . إذا كان تأمن المال والطريق غير آمن لا يُكلَف بالحج .وإذا كان تأمن المال وأمن الطريق لكن ضعيف النفس لا يُكلَف بالحج .فأما الإستطاعة بالمال تكون بملك الزادِ والراحلة المال شرطه أن يكون بيملك الزاد والراحلة، الزاد الطعام ما يكفيه ذهاباً وإياباً له ولأهله .ما إنه يأمن طلعته ونزلته ويترك أهله جوعانين ، بأمن طعام أهله بغيبته روحة ورجعة وطعامه بالروحة والرجعة هذا الزاد .والراحلة بده يكون مأمن إجرة الطريق بالسيارة أو بالطيارة أو بالبحر بدو يكون مأمن الراحلة إذا ما نوجد بكون هو عنده راحلة كانوا يستعيروا الجمل ويطلعوا فيها ذهاباً وإياباً زائدتين عن نفقات سكنه هذا الزاد والراحلة زايدة عن نفقات السكن بمكة .مكة في سكن بمكة السكن أن أهل مكة إذا وصلوا الحجاج إليهم كانوا يتركون بيوتهم ويخرجون بيجوا الحجاج وبيقعدوا بالبيت مدة حجهم ويرجعوا ما في حدا يدفع شي هكذا كان أهل مكة يفعلوا يتركوا بيوتهم ويطلعوا يباتوا بالخيم والحجاج يستلموا البيت لما كان في إيمان يقعد في البيت على مقدار طعامه وشرابه ما بدق مسمار ، إذا إنسان هلئ استئجر بيت إجرة ما بجوز يدق مسمار بدون إذن صاحب البيت هلئ بخربله البيت بسلمه ياه خربان وبتم ماشي ولا بيدفع فاتورة المي ولا بيدفع فاتورة الكهربا بالإسم استئجر بخليه بيقعد سنتين تلاتة ببلاش بيطلع بخلي صاحب البيت يدفعهن ما في إيمان .لما بينوجد الإيمان بيستلم البيت بيته كأنه بيته بيقعد في بيته بيأكل بيشرب وينام .طيب زائدتين عن نفقات سكنه وأثاث بيته وثيابه ونفقات عياله الملتزم بالإنفاق عليهم زوجته وأولاده وبناته إلى حين عودته بالحد الأوسط من غير إسرافٍ ولا تقصير الحالة الوسط شلون بعيش هو واياهم ، الحج مثلاً هلئ إذا بده يحج بده يكون معه أقل ما يكون مئة وخمسين ألف ،الطائرة أديش بدها ؟ وبده مبيت مكة ومبيت المدينة خمسة عشر يوم مبيت مكة ومبيت المدينة بيت مكة بده أقل ما يكون ثلاثمئة ريال هلئ صاروا أوتيلات كلها كانت بيوت كنا نستئجر بيوت هلئ صار أوتيلات أوتيل عم يدفع بالليلة الوحدة ثلاثمئة ريال بالليلة الواحدة أربعمئة ريال حسب الأوضة يلي بياخدها فإذا قعد ثمانية أيام بمكة ثمانية بثلاثة ألفين وأربعمئة ريال وألفين وأربعمئة بالمدينة أربعة آلاف وثمانمئة هدول سكن بيجينا نقلة السيارات من مكة إلى عرفات ومن عرفات إلى مكة وبده يطلع إلى مِنى ويرجع فكمان سيارات بتكلف سبعين ريال إلى مئة ريال صاروا خمسة آلاف وأربعمئة .هذا ما في شي بس سكنة وركبة سيارة بيجي بده إذا نزل بجدة من جدة إلى مكة سبعين كيلو كمان بده سيارة بده يدفعله من مية وخمسين إلى ميتين ريال صاروا سبعة آلاف ريال .بده يأمن مصروف السُكنة ويأمن مصروف الروحة والرجعة وهون بده يترك لعياله أقل ما يمكن عشرين ألف طعام وشراب وكهربا ومي بده يأمن ، هلئ إذا اجا واحد بده يطالع حجة بدل عن أبوه بده أقل ما يكون ميتين ألف أقل ما يكون حتى يطلع حجة بدل .طلعنا بالباخرة الله ﷻ يتوب علينا ، كل يوم أنا أعمل خمس دروس للحجاج .الحجاج قالوا بدنا ننزل معك وعاهدوا كلهم بدهم ينزلوا معي لما نزلنا لعند المطوف ولا واحد إجا ولا واحد وين الحجاج؟ ثلاثة آلاف حاج عاهدوا وقرؤوا الفاتحة ولا حاج ، لما خلصنا الحج ورجعنا وين يا حجاج ؟بالباخرة اجتمعنا سوا قال والله أخدنا الشيخ فلان أخدنا حجينا معه مين الشيخ فلان؟واحد لافف لفة خضرة ومربي دقن صغيرة ،شلون حجيتوا؟عملتوا كذا ؟لا،عملتوا كذا؟لا،رحتوا كذا؟لا،حجكم باطل جيبولي اياه لشوف جابوه قعدت معه ، شلون هيك بتاخد الحجاج ؟قلي أنا صرت حاجج سبعة عشر حجة،شلون؟قلي أنا بطلع حجة ببلاش وهالمرة طالع أربعة وثلاثون حجة بدل آخد أربعة وثلاثون حجة بدل ،قلتله شلون؟قلي أنا بحج حجة وحدة وكل واحد بياخد شقفة لا عرفان الأحكام ولا عرفان تشريع مربي دقن ولافف هاللفة عم يغش الحجاج بنزلهن عند مطوف بياخد على كل حاج مئة ريال موفية معه منزل ستمئة سبعمئة حاج على كل حاج مئة ريال هذا برانيات منزل معه ثلاثين ناضور عطا لكل حاج ناضور لما منطلع من المينا بتعطوني ياهم كمان كل ناضور أديش بيربح فيه تجارة لا حول ولا قوة إلا بالله .انتبهوا لو درسنا الحج عشرين مرة لا بد إذا بدك تطلع على الحج شيخ يكون معك شيخ يكون خبير بأحكام الحج .سيدنا الإمام أبو حنيفة رضي الله عنه وأرضاه صاحب المذهب لما طلع عالحج دخل إلى حرم مكة وقف ليصلي ركعتين تحية المسجد واحد قاعد قله يا عم يا عم تحية المسجد الطواف تحية المسجد طواف وهو أبو حنيفة قله يا ابني انت من مين سامعها؟قله أنا سامعها من درس أبو حنيفة قله أنا أبو حنيفة قله والله يا ابني هيبة المكان نستني نسيت .أبو حنيفة نسي ،أنا دخلت للمدينة المنورة دغري بدي روح عالزيارة بعد العسكر يلي واقفين قلي استاذ تحية المسجد أولاً قلتله والله جلال الموقف بينسى الإنسان فلازم الإنسان يكون معه مين يذكره .فالمال لازم يكون ما يكفيه الزاد والراحلة ويكفيه إجرة الطريق والسكن مع الطعام ويخلي لأهله ما يكفيهم وهذه الإستطاعة هي التي تُشترط لوجوب الحج بده يكون عنده المال وأما بقية وجوب الإستطاعة التي تأتي بعد فالصحيح أنها لاتشترط لإفتراضه وإنما تشترط بوجوب آدائه،الصحة وأمن الطريق منقول آدائه أما متى ما نوجد المال منقله طلاع .فهون نحن بالنسبة للمال لو أن الإنسان استدان للحج أولاً منقله لا يجب عليك الحج الله قال لمن استطاع إنت لست مستطيع فتدين ما في ضرورة للدين حتى يصير معك بتطلع ،قال أنا تدينت وبوفي منقله قبل ما تطلع كتوب العقد بينك وبين يلي دينك بتستأذنه أنا طالع عالحج إن أذن لك حجيت وإذا ما أذن لك ما بصير تطلع عالحج قله أخي أنا تدينت منك هالمبلغ بدي اطلع فيه عالحج بتسمحلي؟إذا قله الله يباركلك ويتمملك بالخير وادعيلنا بيطلع عالحج، أما إذا قله لا أخي أنا بدي أول كل حقي أمنلي كل المصاري أول إذا ما أمنهم ما بصير يطلع هذه الإستطاعة بالمال .وأما الإستطاعة بالنفس فهي أن يكون المُكَلف صحيح البدن والأعضاء لما منقول صحيح البدن يعني في عافية لما منقول صحيح الأعضاء يعني لا يكون أعرج ولا يكون مقطوع الرجل ولا يكون في حالة مرض أو كعجز المُقعد بصير يطلع؟ يعني واحد مشلول بصح نطالعه عالحج؟بده يطلع عالحج قله ادفع حجة البدل لواحد من بلدك بيطلع بحج عنك وبيرجع ،بقول لا أنا بدي اطلع انت لست مُكَلف قال الله تعالى (لَّيْسَ عَلَى الْأَعْمَىٰ حَرَجٌ وَلَا عَلَى الْأَعْرَجِ حَرَجٌ وَلَا عَلَى الْمَرِيضِ حَرَجٌ)فإذا كان عاجز ما بصح يطلع بيبعت حجة بدل .تجوز حجة البدل عن الإنسان الحي؟إذا كان عاجزاً لا يستطيع أن يأتي بالمناسك في أعمى بيطلع عالحج صحيح لكن بده مين يقوده ما في مانع هذا صحيح لكن بده مين يقوده يمشي معه أما واحد رجليه مشلولة عالكرسي بده يطلع والكرسي ما بفوتوه عالحرم بيطوف من فوق بده واحد يطوفه فلذلك الإسلام سامحه ومقطوع اليد والرجل كذلك يُسامح ولا على الشيخ الكبير الذي لا يثبت على الراحلة ،الختيار لو ركبناه علة الجمل بيوقع إذا ركبناه على الحصان بيوقع بده مين يسنده فهذا كذلك سقط عنه ولا على الأعمى ولو وجد قائداً الله أسقط عنه الحج أعمى ولو وجد قائد قله انت لست مُكلف فقال القائد أنا بدفعله حجه على حسابي وطالعه معي فما في مانع لو طلع لكن ما واجب عليه الحج.ولا على المريض مثلاً إنسان في معه ضغط بده يطلع بالطيارة ممنوع بيرتفع ضغطه بالطيارة ممكن ينفجر دماغه وهو بالطيارة منقله قعود بعات واحد يحج عنك مالك مُكَلَف بالحج .وأما الإستطاعة بالطريق يعني يكون الطريق آمناً يغلبه السلام فإن خاف على نفسه أو ماله فلا يُفترض عليه آداء الحج إذا خاف على نفسه أو ماله .كان بالطريق يطلعوا لصوص يهجموا على القافلة يشلحوا القافلة ويقتلوا الحجاج ويهربوا إذا ما مأمن بالطريق لذلك كان يطلع السنجق كانوا يطلعوا كان معهم دوريات جيش الدولة كانت تبعت معهم دورية تمشي أمامهم ودورية تمشي ورائهم ثلاثين واحد ادام وثلاثين واحد ورا على حساب الدولة هدول بيطلعوا حماية للحجاج الله يرحمهم ما بقى في شيء من هذا هلئ .ومن مات قبل أن يؤدي حج الفريضة بسبب عدم أمن الطريق أو لسبب عدم صحة البدن كالمُقعد الذي لا يستطيع المشي أو الشيخ الهرم أو الأعمى وغيرهم ممن لا يتمكنون من آداء الحج بأنفسهم فيجب عليهم الإيصاء بالحج بعد الوفاة بوصي بحجة بدل بعد منه ، هون في حُكم إذا الميت أو المريض إذا أوصى بحجة بدل بدها تطلع من بلده بدنا ندفعله حجة كاملة حجة هلئ بتكلف مثلاً ميتين ألف منقله نحن مندفعلك ستين ألف .قال هذا طالع بدل ثلاث وأربعين حجة آخد من هاد خمسة آلاف ومن هاد عشر آلاف ومن هاد عشرين ألف جامع الكل وطالع حجة وحدة عنهم . بده يدفعله حجة كاملة من البلد إذا وصى أما إذا مات وما وصى فالورثة بدها تطالعله حجة بدل بصح نطالعله ياها من مكة بشوف في طلاب علم بمكة طالب علم بيدفعله ميتين ريال ثلاثمئة ريال بقله بتحج حجة بدل عن أبوه .فهون هالنقطة هي التيسير إن وصى وجب أن تخرج حجة البدل من بلده كاملةً أديش هو كان بده يدفع بيدفعها حجة بدل أما يدفعله أقل ولو بخمس ورقات الحجة لا تكون كاملة بده يدفعله ياها من بلدها هذا إذا وصى بوصي فيها، وإذا كان مريض بحياته كمان بطالعها من بلده أديش الحجة بستين سبعين ألف كنا نطلع حجة ،شيخي خود خمسين ومشيلنا ياها يا أخي انت بدك تطالع حجة عن أبوك بدك تطلع حجة كاملة موصي أبوك بدك تطالع أخدت الميراث كله وين حصة أبوك؟صرفهن لا سائل عن أبوه أخد المصاري خود خمسين بكفي أنا ما بطلع بخمسين بيروح بياخد واحد جاهل بيبعته بخمسين ألف بيرجع بحجة الأخ يلي عم احكيلكن عنه يلي بالباخرة كل حاج بالباخرة وجب عليه ستة خواريف مع الرُخص أما إذا ما بدنا نتبع الرخص عشر خواريف كل واحد بده يدبح وين حجتكم طلعت يا جماعة؟ كل واحد بده يدبح ست خواريف كل خاروف بثلاثمئة ريال ألف وثمانمئة ريال طلعت حجتهم مظبوطة يعني هذا يلي ما في عنده وعي .بقولوا يا مسترخص اللحم عند المرقة بتندم استرخصوا وضيعوا حياتهم الحمد الله .واحد من الحجاج بعرفات معنا واقفين عم ندعي عالواقف رجلينا عم ترجف وعم نبكي ودعاء هي ساعة إجابة غمز مرته أخدها فات عالأوضة عالخيمة بالخيمة نام مع مرته قال بركي بيجي الولد صالح بعد ما خلص طلع كمل الوقفة هو وجُنُب بعد ما خلص اجا عم يسئل المطوف بعد ما نزلنا من عرفات ومنى جاي عم يسئل المطوف قله في واحد نام مع مرته بعرفات شو بيطلع عليه قله تاني مرة لا يعيدها ما في شي عليه تعا لهون لوين قلتله يخربيتك مطوف ما بتفهم شي بالحج كمان ،قلتله يا ابني فسدت حجتك باطلة وحجة مرتك باطلة بدك تدبح انت جمل وهي جمل والسنة الجاية انتو تنين فرض عليكم تعيدوا الحج ،جمل عليك وجمل عليها تاني سنة بده يعيد الحج هو ومرته فرض .قله لا بقى تعيدها مرة تانية، الحاج بيطلع ما فهمان والمطوف أوتلجي ما بيفهم شي كمان الحاصل اللهم صلي على الحبيب الأعظم بوصوا بالحج قبل الوفاة بقلهن يا ابني بطالعوا عني حجة بدل ، منطالعها من التلت تبعه الميت له تلت المال الوصية تلت المال له منحج عنه منعمرله جامع منعمل خير فيه كله من التلت تبعه .إذا قلهم بتحجوا حجة بدل لازم تطلع من البلد في ناس بيبعت أمه تحج عنه حجة البدل مقبولة حجة الأم المرأة عن الرجل؟ إذا كانت عالمة تقية بتصح أما إذا كانت غير عالمة لا ما بتصح .طالع رجل عالم تقي يكون أد الحق ويلي بده يطلع حجة بدل في شروط بده يأدي الحجة كاملةً بفروضها وسننها بده يأديها بكل الأحكام إذا ترك شي بكون مشغول بين ايدين الله ،الله يتوب علينا .ولا يجوز الحج عن الغير حج الفريضة إلا بشروط يلي بده يطلع حجة بدل أن يكون المحجوج عنه ميتاً حجة البدل عن الميت أو أن يكون عاجزاً عجزاً مستمراً إلى الموت بصح نطلع عنه حجة بدل مشلول ايديه ورجليه هذا ما ممكن شفائه بصح نطالع عنه أما إذا كان قادراً لا تجوز الحجة عن إنسان قادر بقله أنا والله ما لح اطلع عالحج طلاع انت بدالي قله فرض على كل إنسان مابصير لأن الحج عبادة بدنية وجبت للإبتلاء فلا تجري فيها النيابة واحد ينيب واحد عنه ما بصح لأن الإبتلاء بإتعاب البدن وتحمل مشقة حج سفر والنبي ﷺ قال(السفر قطعة من العذاب) لو بالطيارة بيطلع بالطيارة بينقعوه بجدة يومين تلاتة أربعة لحتى يمشوه لمكة ولما بدو يرجع بينقعوه بين أربعة عشر خمسة عشر عشرين يوم قاعدين بالأرض بيتموا عم يناموا بالأرض رجال ونسوان حتى يمشوهن للطيارة ليركبوا بالطيارة الحمد الله ، فبده الواحد يتحمل هالمشقات هي يلي بلاقوها ، وإن جاز ذلك عند الموت أو عند العجز لوجود النص، النص الذي ورد في البخاري ومسلم أن امرأةً قالت يا رسول الله إن فريضة الحج أدركت أبي شيخاً كبيراً لا يثبت على الراحلة ختيار لما منحطه بيوقع أفأحج عنه؟رجل كبير اذا حطيناه عالجمل بيوقع إذا حطيناه عالحمار بيوقع ما بيثبت أفأحج عنه؟قال ص نعم حجي عنه هذا شيخ ما عد ترجع له صحته وعافيته وقوته.وأما حج النفل فإنه يقبل النيابة بغير اشتراط .واحد حج حجة الفرض بده يحج حجة نفل حجة ثانية وحجة ثالثة اي بصح يبعت واحد عنه يلي بده يطلع عالحج لازم يكون حاجج عن نفسه أولاً منشان يحج عالثاني أما هل يصح أن يحج عن غيره وهو ما حج على نفسه ؟المذهب الحنفي اسمه الحج الصيرورة بصح يحج عن غيره ولو ما حج عن نفسه بالمذهب الحنفي في الها فيقبل النفل ما في مانع وأن يكون الذي يحج ان يحج حجة الفرض هذا الفرض والوقت أي في أشهر الحج كما تقدم بيطلع عالحج في أشهر الحج أما لو واحد طلع هلئ عالحج شهر شعبان وشهر رمضان لو طلع هلئ على عرفات يُكتب له الحج؟ أو لو بشوال طلع عالحج ذي القعدة شوال وذي الحجة هدول أشهر الحج فلا تُقبل في غيرهم فإن ملك مالاً وصرفه في غير الحج قبل حلول أشهر الحج فلا شيء عليه جمع عنده مئتين ألف ثلاثمئة ألف لكن أمن غراض بيته أمن مونة لبيته بعشرة آلاف بعشرين ألف مونة اشترى سجادة اشترى براد ابنه بده يتزوج دفعله النقد ما ثبت عليه حج صرفه في غير الحج قبل حلول أشهر الحج ،هلئ بده يزوج ابنه خطبله ودفعله المهر أربعمئة ألف متقدم وسجل أربعمئة ألف متأخر ما تم معه سقط عن الحج .شروط وجوب الآداء يلي بده يأدي الحج شو الشروط تبعه ؟وهي الشروط التي إن وُجدت مع شروط الوجوب وجب أداءه بنفسه بده هو يأدي الحج أولاً سلامة البدن من الآفات المانعة من القيام لما لابد منه في السفر بالسفر بده يطلع وبده ينزل وبده يركب وينزل ويحمل غراضه بده يحمل شناتيه بده يأمن أكل هي كلها مع سلامة البدن إذا نوجدت بصح يطلع عالحج أما ما نوجد ما بيحسن يحمل غراضه سلامة البدن من الآفات المانعة من القيام بما لابد منه في السفر .السفر قطعة من العذاب بده يكون الإنسان قادر .لذلك حج المرأة فرض حج المرأة يجب أن يكون معها مَحرم إذا ما معها محرم بيسقط عنها الحج .المحرم يكون زوجها يكون أخوها أبوها يكون محرم أما هلئ يلي عم يلجؤوا له هذا يلي شفته بعيني بتجي لواحد بتقله انت أخي في الله طالعة على حسابي عالحج بتطلع معي وهلئ بالتلفزيون عم نسمع لما بكون الشيخ عم يعطي الأسئلة تقول له: أحبك في الله كلمة لا تجوز ما بصير تقول لعالم أو لولي أنا أحبك في الله هي كلمة تُقال للزوج فقط أما لا تقال لغير الزوج فإذا كانت طلعت وأخذت واحد بتحبه بالله طالعته على حسابها حجها باطل .طلعنا بالباخرة أنا حجيت بالباخرة حجتين حجيت بالبر ثلاثة أظن ثلاث حجج أو أربعة حجيت بالطيارة كذلك مطالعة أرايبها عحسابها حتى يكون محرم عليها تحطله عشا يتعشا ويحط رأسه وينام هي تفز تنزل على الباخرة مع عمال الباخرة تم أعدة معهن بين غني وبين رقص إلى الصبح الصبح تجي تتسطح قدامه ونحن رايحين بالحج بتغفر ذنوبها وبالرجعة كمان هيك .فالإسلام طلب يكون معها المحرم ليش ؟لأن الإمرأة مارح تحسن تحمل غراضها بدها تحمل شناتيها وأكلها ما بتحسن تحمل فالرجل أولاً بساعدها بالأغراض ثانياً بيحميها من خصم أو عدو ، المرة بس بدها تطلع عالحج بالسفارة ما بيسمحوا إلا يكون معها محرم ما في محرم منقلها لا تطلعي ، هلئ الزوج ما عم يسمح لمرته تطلع إذا ما سمحلها ما بصح تطلع إلا حجة الفرض إذا حجة الفرض قلها لا تطلعي بتقله أنا مقتدرة عندي مال وبدي اطلع حج حجة الفرض شو رئيك تطلع بطالعك على حسابي طلاع معي بقلها أنا ما بدي اطلع بتقله أنا لكن بدي اطلع بس بحجة الفرض لها أن تُخالف زوجها وتطلع أما بغير حجة الفرض لا يصح لها مطلقاً أن تكون إلا بإذن الزوج .فلا يجب آداءه على مُقعد وأعمى وإن وجد قائداً وشيخ كبير لا يستطيع ركون الراحلة بنفسه كما ذكرنا ما بيجب عليه الحج مُقعد منقله بتبعت مين يحج عنك أعمى بتبعت مين يحج عنك إلا إذا كان قال أنا بتحمل مشقة السفر وبتحمل كذا ويلي معه قال أنا بتحمله على كل أنواع السفر اي ما في مانع.اثنين زوال موانع الحِسة عن الذهاب للحج كالحبس أو الخوف من سلطان يمنعه منه واحد محبوس بده يطلع عالحج ما بيسمحوله بالسجن ما بيسمحوله بيطلع ما بيرجع خلوه بالسجن فهذا لا حج عليه حتى يخرج من السجن أو واحد خايف من الطريق من سلطان يعني في بالطريق مين يصادره مين يأخذ ماله فمنقله سقط عنك الحج هلئ قعود،وأمن الطريق وقت خروج أهل البلدة أهل البلد طالعين بيطلع معهم أمن الطريق شرط أن يكون .الدولة واجب عليها أن تأمن الطريق للحجاج هذا من وجوب الدولة السعودية تأمن من حدودها إلى السعودية والدولة يلي بده يطلع منها تأمنه إلى الحدود تبع السعودية فهذا أمن الطريق .فإن حصل في أي منطقة سواء ببلده هجموا عليه وخلصوه المال فالدولة مُكلفة بأن تعوض عليه ما أنفق إذا بقيت له النفس وإذا قُتل فالدولة تدفع لأهله الدية لأن الدولة هي التي قصرت والسعودية إذا حصل في طريقها فالسعودية بدها تدفعله الدية إذا قُتل أو تعوض عليه المال الذي راح هيك بيطلع الواحد هو ومرتاح إذا في أمن بالطريق بيطلع وهو مرتاح .اثنين عدم قيام العدة يعني المرة بدها تطلع على الحج لكن مطلقة طلاق رجعي أو طلاق باين أو توفى زوجها منقلها ما بيصير تطلعي بتقول أنا قاطعة بالطيارة قاطعة وبدي اطلع لكن مات زوجها منقلها لا يجوز لكي الحج مالم تؤدي العدة بيت الزوج ،هلئ المرة بتروح وبترجع وبتطلع وبترجع بعد سنتين بتقول أنا ما مسكت العدة لزوجي فبصح امسك العدة هلئ ؟عدة المرأة ثلاث أشياء حفظولي ياها عدة المرأة بعد ما بموت زوجها ثلاث أشياء أول واحد ما تنخطب ولا بتتزوج هي أول وحدة ،ثاني واحد ما بتتزين ما بتلبس ثياب زينة ولا بتتزين ،ثالث واحد ما بتبات برات البيت هي العدة ما بتبات برات بيت زوجها بتطلع عليها الشمس وهي بالبيت وبتغيب عليها الشمس وهي بالبيت هي العدة. أما عند النسوان ما بجوز تنام عالتخت هذا مذكر ما بجوز تتغطى باللحاف هذا مذكر ما بجوز تتغسل هاد ما بجوز كله ما بجوز ما بجوز تتسرح بمشط قال ما بجوز هذا مذكر ، شددوا على أنفسهم فشدد الله عليهم .العدة ما هي العدة ، العدة ثلاث أشياء حفظنا ؟ما تنخطب ولا تتجوز ،ما تتزين، ما تنام برات بيت زوجها ،موظفة بتطلع على بكرة عالوظيفة بتحضر الوظيفة الساعة تنتين بترجع عبيتها هذا إذا ما عندها حدا أما إذا عندها مين يجبلها أكل قعدي ببيتك لا طلعة ولا فوتة هذا أصل العدة تقعد في بيتها أربعة أشهر وعشرة أيام لكن هذه المرأة مسكينة داقت أخلاقها داق نفسها لكي بنت اي الي بنت متزوجة بالمهاجرين منقلها روحي زوري بنتك قعدي عندها ساعتين ثلاثة للعصر وبترجعي لبيتك ما في مانع .فالإسلام أبحلها ذلك أما ما بجوز تتغطي باللحاف لكن بشو بدها تتغطى ببطانية ما بجوز تنامي عالتخت نامي عالأرض دفتر النسوان ما له آخر كل واحدة بتطالع شيء بتخلي هالمرأة تفقع .عدة المرأة تتعلق بثلاث أشياء فيها صعوبة شي؟وحدة مات زوجها بتنخطب؟ إلا في ناحية واحدة إذا كانت المرأة حامل ومات زوجها فولدت بعد ما ولدت انتهت عدتها من الرجل بتروح بتخطب واحد وبتتزوج ما في لها عدة هون قال اللهﷻ (وَأُولَاتُ الْأَحْمَالِ أَجَلُهُنَّ أَن يَضَعْنَ حَمْلَهُنَّ)متى ما وضعت الحمل انتهت عدتها بس ما هي بدها تطرح حالها بدها تكون ولادة طبيعية . هذا هو أمن الطريق عدم قيام العدة من طلاق بائن أو طلاق رجعي ،شو الطلاق البائن والرجعي؟كل وحدة خلينا نفصللكن ياها .واحد ببيت تخانق هو وزوجته فقلها هي كذا ط ا ل ق لغز الطلاق هذه المرة صارت مطلقة شو عدتها؟منقلها بتمي ببيت زوجك لا بتطلعي منه ولا بتتزيني بتمي قاعدة ببيت زوجك لبيت أهلك ممنوع تطلعي طيب وهي قاعدة بالبيت شو بتعمل ؟منقلها خليكي طبيعية متل ما انتي ظهري بالشلحة قدام جوزك مطلقة نعم ظهري ،وانت يا ابن الحلال البس الشيال والبس الكيلوت اتمختر بلبيت انت بتمشي قدامها وهي بتمشي قدامك مطلقة اسمعوا قول اللهﷻ (لَعَلَّ اللَّهَ يُحْدِثُ بَعْدَ ذَلِكَ أَمْراً) إذا نظر الزوج إلى زوجته نظرة شهوة رجعت زوجته إليه أو قال لها بالقول رددت زوجتي إلى عصمتي عقد نكاحي رجعت زوجته .أما هلئ شو صاير بتحمل غراضها وبتروح لبيت أهلها خير يا بنتي؟والله جوزي طلقني الله يقصف عمره الله يخرب بيته هاد فوق ما عملناله كرامة وزوجناكي ياه هيك قعدي ببيت أبوكي واسع ما رح تغلي علينا خبز بيجي الزوج بده يشوف زوجته ما بتخليه بتحر برأس الأب الأب كمان ما بقى يرجعله ياها خالف دين الله قال الله ﷻ في سورة البقرة(فَلا تَعْضُلُوهُنَّ أَنْ يَنْكِحْنَ أَزْوَاجَهُنَّ إِذَا تَرَاضَوْا بَيْنَهُمْ بِالْمَعْرُوفِ)العضل منع ما بصير تمنعها اتفقت هي وزوجها قلها الله معك أمها بتقلها والله إذا بترجعي له ما لك بنتي ولا بفوتك لعندي هي ما أم هي منافقة ليست مسلمة وإن صلت المفروض ان الأم بتاخد بإيد ابنتها وبترجعها لعند زوجها أما بتحطها بالبيت تمنع ويجي الأب يمنع هذا ما بصح فهذا الطلاق الرجعي الطلقة الأولى والطلقة الثانية لها حق تبقى بالبيت تظهر أمام زوجها وزوجها يظهر أمامها حتى يراجعها إما بالقول وإما باللمس لو لمسها لمسة شهوة لو لمسها بإيده رجعت زوجته لا بدها شيخ ولا بدها كتاب، هذا عدة الطلاق ثلاثة أشهر هي ثلاث حيضات أو ثلاث أطهار مرت أول شهر ثاني شهر الرجل بده مرته راح طلب زوجته ما عطوه ياها طلبها مرة ثانية ما عطوه ياها مرت عليها ثلاث حيضات ما رجعت انقلبت الطلقة من طلقة إلى بائنة يعني ما بقى ترجع له إلا بعقد جديد ومهر جديد ورضاها متل زواج من أول شهود وزواج اول بده يدفع نقد جديد بخلوها بأخروها حتى تمضى ثلاث حيضات صارت طلقة بائنة بده يدفع نقد جديد عم يعملوها تجارة .أخ من أخوانكم بده زواج شايف وحدة مسرور فيها وبده ياها ما لها أب في لها أم قلتله خذها وانزل لعند القاضي خلي القاضي يكتبلك الكتاب نزل لعند القاضي قله يا ابني انت بدك هالبنت هي ؟نعم،قله بتعرف ان متزوجة قبل منك ؟قله لا بكر ،طالع الدفتر فقله انت الزوج رقم سبعة عشر متزوجة قبل منك سبعة عشر واحد قالولي بكر .بتتزوج بتجي أمها لعندها بتحردها قبضوا المتأخر حردتها طلقها راحت كمان تتزوج واحد تاني أمها عاملتها باب لكسب المال صلى الله عليك يا رسول الله (في آخر الزمان تأكل الأم من كسب فرج ابنتها وتأكل البنت من كسب فرج أمها ) هذا الفتن يلي بتصير في آخر الزمان هذا الطلاق الرجعي ،الطلاق الرجعي إذا ما رجعناها ضمن العدة شو بيصير؟طلاق بائن .أو واحد حلف على زوجته حلف عليها بالطلاق بالثلاثة كل طلاق في فصل ط ط ط ثلاث طلاقات متفرقات حرمت عليه هذا اسمه طلاق بائن لا يجوز للرجل أن يعود لزوجته ما لم تتزوج زوج غيره بس شلون ؟واحد عنده محل كبير بسوق الحمدية طلق زوجته نادى للصانع يلي عنده قله تعال بيني وبينك قله الليلة بتنام مع الخانوم بتروح عالبيت بتنام مع الخانوم وعلى بكرة بطلقها وهي مني خمس وعشرين ألف بتبات الليلة معها وعلى بكرة بطلقها هذا الصانع اجرته كلها عم ياخدها خمسة ستة ورقات باليوم أخذ المبلغ وراح دق البيت مين؟قلها فتحي ،بتعرفه بجبلها غراض فتحت فات عالبيت قلها بعتني معلمي على أساس الليلة منكون سوا وبكرة بطلقك قالتله تمام قعود قالتله شايف المحل وأديش فيه بضاعة قالتله هذا كله مالي أنا جبتله البضاعة وأنا شتريتله المحل وهلئ هو طلق قالتله شوف قدامك أحد حلين إذا بتسمع كلام معلمك بتاخد عشرين عصاية وبتتقلع بتسمع كلامي بطوبلك المحل لك، قلها شو بتأمري أنا جاهز بتبات الليلة ما بجوز بتنام عندي بالبيت أهلا وسهلا بس ما في لقاء على بكرة بيجي المعلم بدق الباب بتقلعه من الشباك ما بروح بتكب عليه مي قلعه وإذا قلعته المفاتيح معك قلا اي معي قالتله بكرة بنزل بطوبلك المحل لك ، قلها أمرك. اجا على بكرة صاحب المحل فلان فتح الباب شبك قله نزيل قله لوين ،قله بتروح من هون ولا بنزل بكسر رجليك ولو انت الصانع قله طلاع لبرا انت واحد كذا كذا بهدله سبه نزلت تاني يوم سجلتله المحل باسمه قالتله انت زوجي حتى تنتهي العدة هذا شو اسمه بالإسلام ؟النبي سماه التيس المستعار فقالﷺ ( لعن الله التيس المُستعار)وفي رواية (لعن الله المُحلِل والممُحلَل له)بيدخل عليها وثاني يوم بطلقها هذا حرام تيس مستعار لكن شو بده يعمل؟طلقها ثلاث مرات أخدت عدتها من الأول ثلاث حيضات طهرت بعد ما طهرت لها الحق أن تتزوج من تشاء تزوجت باختيار ما في اجبار تزوجت الزوج الثاني قعدت هي وياه شهر شهرين ثلاثة سنة سنتين طلقها إذا طلقها الثاني بتاخد عدتها من الثاني كمان ثلاث حيضات إذا حبت ترجع للأولاني بترجع بدها تاخد عدة من الأول ومن الثاني هذا الطلاق البائن .أو وفاة في حق المرأة وقت خروج أهل بلدها بدهن يطلعوا عالحج أهل البلد وقاطعة مع المكتب لكن مات زوجها منقلها ما في عليكي حج هالسنة قاطعة المكتب منقلها بتسترجعي المصاري وبتقعدي ببيتك حتى تنتهي العدة هذا ما يجب .طيب خروج زوجٍ أو محرم تأبيداً مع المرأة في مدة السفر لازم يكون زوج أو محرم حرمةً مؤبدةً .الحرمة نوعين في حرمة مؤبدة وفي حرمة مؤقتة حرمة مؤبدة الابن مع أمه ،الأخ مع أخته ،أما الحرمة المؤقتة واحد متزوج زوجة بدها تطلع أخت زوجته معه هي حرمة مؤقتة إذا ماتت زوجته بياخد أختها فبده يكون حرمة مؤبدة هي يلي بدها تطلع مع محرم .وقيل ان هذه الشروط الخمسة من شروط افتراضه أيضاً من فرض الحج وهو ظاهر بمذهب عن الإيمان رضي الله عنه وأرضاه وهو رواية عنهما عن أبي يوسف والإمام محمد .والمحرم للمرأة هو من لا تجوز مناكحته أبداً ، الابن هل يجوز أن يتزوج أمه؟أبداً إلى آخر الدهر .الأخ أن يتزوج أخته؟أبداً .البنت تتزوج أبوها كمان أبداً هذا حُرمة على التأبيد بنسبٍ أو رضاع .النسب يلي له أخت بنت هذا النسب أو رضاع مرته رضعت واحدة الحليب للرجل إذا رضعت صار ابن الرجل ابن زوجها فابن الزوجة كذلك محرمة أو مُصاهرة زوج ابنته لشب هذا الشب صار على أهل بيته حرام حماته بالنسبة له حكمها حرام كحكم أمه وأخوات زوجته محرمين مسلماً كان أو زمياً عاقلاً أو بالغاً أو مراهقاً مأموناً لكن لا تسافر مع أخيها رضاعاً .في زماننا أخوها بالرضاع ما بصح تسافر معه هذا إذا كان في رضاع مابصير .والرضاع في المذهب الحنفي مصة إذا مص مصة حرمت عليه وحدة عندها ثلاث بنات ورضعت واحد سواء مع الأولانية أو الآخرانية كل البنات أخواته كلهم أخواته رضاعاً فما بصح يسافر معهم منقله قعود هذا في زماننا بغلبة الفساد نسأل الله السلامة .الفساد يلي صاير علئ يا أحبابي انتو كشباب الله يرضى عليكم انتبهو بالبيت بدك تغير بنطلونك بدك تلبس بيجامتك أوعا تغير قدام بناتك أوعا تغير قدام أخواتك بالأوضة بتشلح بنطلونك قدام اختك وبتلبس بيجامة هذا حرام يحرم على الأخ أن يرى ركبة أخوه أما ركبة أخته من المحرمات فما بصح، بتسكر الباب وشلاح وغير أما أمه بالبيت وعم يغير ومخلي الباب مفتوح مرئت أمه وقع نظرها ارتكبت اثم ومعصية انت الناظر والمنظور هي لعنة (لعن الناظر والمنظور) فبده يسكر الباب بيشلح بغير وبيطلع فلا قدام أخت ولا قدام أخ ولا قدام ابن، بده يكون دائماً الواحد منتبه لهذا. ويأيده الفقهاء بكراهة الخلوة بها إذا ما بصح يسافر معها كمان ما بصح يختلي في البيت أخ مع أخته بالرضاعة ما بجوز ما بصح يقعد في بيت فيه أخته بالرضاع أنا هلئ بقول مع أمه ما بصح يختلي مع أخته ما بصح يخلو بهالزمان هيك لازم .بقول لا يا أخي محرم،محرم لهلي مؤمن أما واحد ما حاسس لا بإيمان ولا شي .اليوم كنت عم احكي ان التقيت بقاضي بالمحكمة عم يحكيلي اليوم اجانا قضيتين بشيبو الرأس خير، أول قضية أخين متزوجين صرلهن خمسة عشر سنة ثبت بالتحليل أن ولاد هاد لهاد وولاد هاد لهاد سا كنين ببيت واحد هاد عم ينام مع مرت هاد وهاد عم ينام مع مرت هاد، هاد جايب تلت أربع ولاد وهاد جايب تلت أربع ولاد، ولاد هاد لهاد وولاد هاد لهاد هي أول قضية نسئل الله العفو والعافية خمسة عشر سنة .القضية الثانية قال اجت امرأة تشكو أنها حبلة ولا تدري من أين حبلانة ومالها عرفانة من وين استنطقها القاضي مين في عندك ما عندها حدا ما لها غير ولد وابنها تقي بصلي ما شاء الله حوله مؤمن الله يرضى عليه قبل ما تنام بجبلها فنجان القهوة الله يرضى عليه عم يحطلها المخدر بفنجان القهوة وعم ينام مع أمه وأمه حبلانة منه جابه القاضي قله يخربيتك أمك قله بكل وقاحة الحق عليكم قله عم تحطولنا بالتلفزيون أشكال وألوان اي شو نحن حجر وفقير ما بيطلع بإيدي لا روح ولا اجي فما وجد إلا أمه بهالزمان انتبهو والله يا ابني كان بيتنا أوضة كان الها درج خشب خمس درجات أنا والوالدة خليت أمي تحت وطلعت قعدت قدام الباب يا ابني ليش قعدت هنيك ما تنزل لهون قلتلها هون أحسن طيب يا ابني نزيل قدام الباب قاعد قلتلها هون أحسن ليش يا ابني قلتلها أحسن قالت يخربيتك أنا أمك قلتلها لما النبي قال (ما خلا رجل بإمرأة )امرأة نكرة النكرة تعم أي امرأة قالتلي الله يرضى عليك خليك برافو عليك متابعة الشريعة خلي الواحد يكون آخد احتياطه ما بدنا نقع في محرمات
وصلى الله على سيدنا محمد والحمد الله رب العالمين