باب ما يفسد الصوم ويوجب القضاء من غير كفارة.
تعداد ما يفسد الصوم عندنا 57 شئ ولا يوجب القضاء من غير كفارة وذلك كل شئ اكله الانسان ولم ينتفع به كل شئ لا تقبله النفس. اذا اكل الانسان ارز نيئا وهو صائم فهذا الاكل يوجب القضاء فيه فقط فلا يوجد في الرز النئ اي غذاء فلا يوجب الكفارة.
مثلا العجين عادة لا يؤكل فلو اكل العجين هون النفس لا تقبله فكل شئ لا تقبله النفس ويكون غريبا في طعامه ففيه القضاء فقط.
أو سف الطحين سف ففيه قضاء اما ان كان معجون بسمنة وفيه سكر فيجب القضاء والكفارة فالنفس اصبحت تقبله اما طحين فقط لا تقبله.
الرز والطحين النئ لا كفارة عليه قضاء فقط اما الرز المطبوخ والطحين المعجون عليه قضاء وكفارة.
او عبى كفه ملح وسفه هادا عادة لا يؤكل ففيه قضاء فقط وسبب القضاء دخول شئ الى الجوف لان النفس لا تقبله فليس عليه كفارة اما لو اخذ باصبعه شوية ملح واكله ففيه كفارة وقضاء .
جزء بسيط في شوية ملح قضاء وكفارة واما لو سف سفة كبيرة عليه قضاء فقط وصومه صحيح. امرأة صايمة في رمضان لكن اصابها الوحام عادة المرأة بتاكل ترابة حلبية او الطين الارمني هاي موجودة بحلب في كتير بيتوحموا عليها وفي منهم بياكلوا مانيزا او بتصير بتفرط بالفحم عند الوحام بيصير. فلو اخدت الطين واكلتو هادا ما حدا بيتلذذ باكله. فعليها قضاء فقط لانه لا دواء ولا غذاء فيه.
اذا كل شي تكرهه النفس فيه قضاء اما تحبه النفس ففيه قضاء مع كفارة.
اذا كانت مو معتادة اكله .. اما اذا اعتادت اكلها وتلذدت بها التراب مثلا هي وبالوحام بتاكل التراب وبتلذذ فيه منقلها في عليها كفارة. اما اكل النواة او قطن نواة التمر بلع نواية بزرة مشمش او اكل شقفة قطن هون ما عليه كفارة .. هل يؤكل البزر والقطن عادة ؟لا فاذا قضاء فقط. لو ابتلع ريقه شو حكم بلع الريق ؟ما في شي ولو بلعو بتمه لا شئ فيه. او اكل كاغد شو الكاغد ؟ ورقة مكتوب عليها اخدها وبلعها ففيه قضاء فقط او اكل سفرجل لم ينضج بعد طيب لما ينضج اما ما استوى بيلف التم اكلها من جوعه منقله صيامك صحيح ولكن وجب عليه القضاء فقط. اما اذا اكلها مع عود او مستوية عليه قضاء وكفارة.
او ابتلع جوزة رطبه بقشرتها قام القشرة من برا وبلعها. بلعها سهل اما خروجها صعب. او جاب اللوزة اليابسة وبلعها .قضاء فقط اما الخضرة لو ابتلعها بيوجب القضاء والكفارة .اللوزة الخضرا شو اسمها؟ عوجة يتوجب القضاء والكفارة. اللوزة اليابسة لا تؤكل قضاء فقط. نحن منعرف في ناس بتاكل لقمة لقمة وفي ناس بيبلعوا البيضة بلع بيضتين تلاتة بلع. وهاي ما بتهضمهم المعدة اذا فات عالحمام بيطالع بيضة .. بيقولوا الرجال عم يبيض.. فلو ابتلع البيضة عليه قضاء فقط اما لو انفقست هو وعم يبلعها عليه قضاء وكفارة لانه عادة بتشرب البيضة نيئة. او ابتلع حصاة العادة برمضان بينشف الريق بياخدو حصاية بيحطوها تحت اللسان بيدر الريق فهادا ما في شي عليه. مغسولة ما في شي ولو ابتلعها عليه قضاء فقط الحديد او النحاس او دهب او فضة حطها بتمو عم يشوفها قام بلعها عليه قضاء فقط لانه عادة لا يؤكل الحديد والنحاس والذهب والفضة. هلق الليرة الدهب قديش حقها خمسة الاف هدول اذا بدهن يشتروا خبز قديش اربعة عشر الف الكيلو ب 8 الاف ال 100 كيلو ب 800 قديه 40000 كيلو شي 650 كيلو يمكن بياكلو بالسنة لو بلع الليرة الدهب ما بتشبعوا بينما الخبز بيشبع هلق هول المساكين عم يتقاتلوا عالدهب اكتر من شقفة الخبز ما بيشبع ولو بلع الدهب عليه قضاء فقط .
انتو ما شفتوا واحد اكل تراب انا شفت واحد اسمو ضبضب كان يجي للحيطان الحيطان كانت تراب ياكل من الحيطان وعمره 60 سنة وطول مانو ماشي عم يسف التراب ولك ما بيصير عم يضرك ما يرد. فمين بياكل التراب والتراب ما بيعمل رمل للانسان. الرمل بيتجمع من الاكل من الخضرا خاصة السبانخ بنفس تركيب الرمل بيتجمع
والي بيخلي الرمل يتجمع شيئين انتبهوا قلة شرب المي وحصر البول.. لازم يشرب مي كتير ولما يحس حالو بدو يبول يطلع لبكرا دوغري. ويكتر شرب المي بعد فضل الله لا يصاب بشئ. اكل السبانخ بتحرك الرمل من تكوينها.. اذا اكل حجر هل الحجر يؤكل ؟لا يؤكل لو انت صايم ومعك خاتم في حجر ياقوت واحد اجى بدو يقشطك ياه شو بتعمل بيبلع حجر الياقوت شو حقها 15 الف ليرةاو 20 الف او الماس. شو حكم صيامه صحيح بس عليه قضاء انو عادة الحجر لا يؤكل. كل الاحجار الكريمة اذا ابتلعها عليه قضاء فقط وصيامه صحيح. وبس يبلعوا موجود وين بدو يروح بيطلع لبرا وينقي حتى لا يروح منه.
او احتقن او استعطى الحقنة بياخدها عند الامساك الحقنه فيها قضاء فقط. لا كفارة فيها اخذها عن دواء لا عن غذاء مادام دخلت الجوف كدواء لا كفارة لها قضاء فقط. ولكن هل تفسد الصيام اغلب المذاهب اعتمدوا افساد الصيام بالحقنة مذهب الحنفي قال لا تفسد الصيام فقط توجب القضاء المذاهب قالوا تفسد انو كل ما دخل بالجوف افسد الصيام من اي منفذ من منافذ الجسم وهذا دخل الى الجوف ولكن نحن نقول ماء الحقنة تدخل الى الامعاء فقط لا تدخل الى المعدة. وكمان انو اريد بها الدواء لا الغذا اما لو نفذت من غير منفذ الى المعدة فوجب القضاء والكفارة. او استعطى يعني اخد الي بيعطس منه او دواء نقط في الانف .التنقيط بالانف يدخل الى الحنجرة كما الفم كلما دخل الى الحنجرة كان دواء ففيه قضاء وان كان دواء وغذاء ففيه كفارة وقضاء.
منشان الي بيعطس بيشم ما فيه الا يشم تفه تفه وجب عليه القضاء لانه لما دخلهم بانفه لوين وصلوا للدماغ وصل الاحساس الى الدماغ وكل ما وصل الى الدماغ او البطن فهذا يفسد الصيام. وهذا وجب القضاء فقط. وكمان في أوجِر شو معنى أوجر يعني صب الدواء بحلقه يعني اجباري صب الدوا هادا لما كنا صغار كانوا يجيبوا شربة زيت الخروع بدهن يشربونا ياها ما منحبها الطفل ما بيصير كان عنا شربة زيت خروع كل 15 يوم. يجي الاب يحط راسنا بين الحرية وهاتوا قمع الكاز منشان يصب الزيت ونشربها من غير القمع منشربها لا تحط القمع. هادا اسموا أُوجِر بدون ارادتو سقيناه ياها يجب عليه قضاء فقط. او أقطر في اذنه دهنا او ماء في الاصح هنا فيها تعليل هذه الناحية الفقهية الشافعي الله يرضى عنه اعتقد انه بين الاذن والجوف في مسار وبالاصح بين الاذن والدماغ في مسار الطب الآن يثبت ليش بين الاذن والدماغ في مسار وبين الاذن والجوف ما في منفذ ما في دخول للماء ولا يفسد الصيام ولكن اوجبنا عليه القضاء من اجل موافقة الامام الشافعي لانه قال اذا حط نتفة دهن بيفسد الصيام منقول نحن منقضي الصوم موافقة لمين للامام الشافعي. وقول فيه مذهب الامام الحنفي انما عادة ليس بين الاذن والجوف طريق الاذن مسدود ما فيها منفذ منوب من الانف للدماغ ومن الانف للحلق العين فيها منفذ من الانف لو وضعنا قطرة او. كحل منحس بطعم بالحنجرة واذا بصقنا بيطلع سواد اذا فيها منفذ ومع ذلك لا تفسد الصيام ولا توجب القضاء ..فالله يرضى عنهم كانوا يظنوا انو في منفذ من الاذن للدماغ او الجوف واذا أقطر في اذنه دهن وجب عليه القضاء .. اما مذهب الحنفي الله يرضى عنه في الجامع المحيط قال اذا صب ماء في اذنه لا يفسد الصيام ولا يجب القضاء ليش لان الماء يفسد الدماغ فيه ضرر واذا انوجد الضرر فارتفع الاثم وارتفع الحرج اذا واحد سبح بيدخل الماء الى الدماغ؟ لا ولا للجوف فلا قضاء فيها. يعني برمضان اذا واحد سبح عليه شي؟ ما عليه شي بس لا يبلع المي لكن اذا سكر فمه وتنفس من انفه فلا عليه شئ لا قضاء خاصة اذا كانت الدنيا صيف ونزل سبح المي باردة حتى يرطب صيامه صحيح ولا قضاء ولا كفارة.
او داوى جائفة و آمة الجائفة الشق في البطن والآمة الشق في الرأس . يعني واحد في جرح ببطنه وحطوله دوا جوا البطن برمضان بيقولوا هادا عليه قضاء اساسا الي مشقوق بطنه بيصوم؟ ما عليه صيام . فاذا صام وحطوله دوا فعليه قضاء فقط .. واذا رأسه مشقوق وحطوله دوا برأسه هادا كمان عليه قضاء ..الي بيوصل لهالحالة ما حيصوم واحد راسه مشقوق وواحد بطنه مشقوق وعامل عملية هادا اساسا ما بيقدر يصوم ولو صام ولو داووه عليه القضاء فقط. واحد ضرب التاني بالعصاية على راسه قشطلوا جلده وانكسر العضم فعم يداوولوه دماغه الله يعافينا بيجوز عليه القضاء هادا اذا داوى الجانفة وكان واصل الى جوفه او دماغه بيسموه بالعبارة لف ونشر مرتب انتبهوا للعبارة داوى جانفة او آمة بدواء .. جانفة وصل الى الدماغ والآمة وصل الى الجوف الاول بالاول والتاني بالتاني اما لو قال آمة وصل الى الجوف وجانفة الى الدماغ بيسموه لف و نشر مشوس. مثلا اذا اكلت اللحم والرمان شبعت وتفكهت لف ونشر مرتب اذا قلت اكلت اللحم والرمان تفكهت وشبعت شو اسمها لف ونشر مشوس
.
او دخل حلقه مطرا او ثلج في الاصح ولما يبتلعه كتير بتصير واحد ماشي عالطريق وتعمد فتح تمه والمطر نازل والتلج وابتلعه ففيه القضاء والكفارة اما ماشي عالطريق صايرة زوبعة هو وعم يحكي فاتت ع تمه من غير صنعه فشو عليه قضاء كمان هو وماشي فاتت ناموسة أخ أخ بلعها فهادا لو كان برمضان عليه قضاء فقط لو بغير صنعه سواء دخل الذباب او الغبار ..خاصة الي بيشتغل بالطاحون.. كنا نجرش العدس بدو يطير النخالة تبعه وهادا فيه غبرة كتير صدقوا كانت دقني سودا لما نشتغل تصير قد منها عمرتين بيضا من كتر العنبرة سواء بالطحين او بالعدس بس العدس اكتر وتدخل الغبرة نحن وصايمين فلذلك منصوص عليها غبار الطاحون لا يفسد الصوم ولا يوجب القضاء. اما اذا ابتلعه متلذذا وهادا ما بيصير ففيه قضاء فقط. او افطر خطأ بصق ماء المضمضة هو وعم يتوضى دخل الى جوفه منقله صيامك صحيح وعليك القضاء فقط هلق في ناس من خوفه بيمسح الشفتين بدل ما يتمخمض هادا ما عمل بالسنة ترك السنة بيتمخمض من غير ما يبل الشفتين وبيبزق. والرطوبة الي بتبقى في الفم شو حكمها معفوا عنها. اما اذا اخذ شوية مي وسبقه شي عليه قضاء فقط .. انفهموا هول لح ناخد امور تانية
افطر مكرها ولو بالجماع او اكرهت على الجماع هون رجل صايم صالح قاعد بالبيت دخلت عليه واحدة وسحبت عليه الفرد الا بدو يقع معها ورصاص وتيقن انها ستقتله لو لم يفعل وهو صايم شو بيعمل؟ اذا استطاع ان يعمل حيلة .وان لم يستطع فعليه القضاء فقط لانه اكره على الجماع والنبي ﷺ قال رفع عن امتي الخطأ والنسيان وما استكرهوا عليه. اذا رفع ما في عليه مسؤوليه انه اجباري. كمان المرأة في البيت أجبرها زوجها وافقت ما فيه فايدة بالاكراه بالاجبار وقع الرجل. عليها القضاء فقط وان حصل مطاوعة بعد ذلك ما عليها الا القضاء اما هنا الكفارة اذا اجبرها زوجها تقع عليه اما اذا وافقت من غير اكراه فبدها تطالع كفارة عن نفسها وهو عن نفسه .اما بالاكراه فالكفارة عليه فقط. وفسد الصيام. وما تاكل ابدا الافضل ان تبقى ممسكة الى المساء .. او افطرت خوفا على نفسها من ان تمرض أمة كانت ام منكوحة هذه المرأة صاير فيها الم بظهرها او بصلبها أُمرت بالصيام وهي بدها تشتغل وهي متيقنة انو اذا اشتغلت وجاءتها الاوجاع ما فيها خافت فأفطرت فعليها قضاء فقط. مثلا متل الفران عم يشتغل بالفرن والفرن حرارة وعم يصير معه الدوخة وبيوقع بالارض من الشغل حد الحرارة انت تنوي الصيام واشتغل ولما تحس بالدوخة بتشرب وبتاكل وعليه القضاء فقط. اما لو افطر بغير نية الصيام منقله قضاء وكفارة بدك تطلع كفارة 60 يوم انت انوي الصيام وهكذا كل الاشغال الشاقة الحصيدة المناجم تكسير الحجار منقله انوي وجرب ما استطعت تكمل عليك قضاء فقط
والأَمة سواء كانت منكوحة بامر سيدها او حرة متى ما عرفت انها بدها تمرض مثلا امراة مرضع صامت ولكن ما وصلت للضهر شافت حليبها نشف وابنها جاع ما عادت حسنت بدها ترضع منقلها بتفطري وعليك قضاء فقط ..واحد نايم برمضان وهو صايم عم يتنفس اذا اجى واحد اخد شوية مي صب له ياهن بحلقه بين ما صحي كان بلع المي فعليه كفارة او قضاء؟ هون عليه قضاء لانه من غير صنعه اما لو كان نايم قام فز ومشي وشرب ورجع كمل نومته قضاء ولا كفارة؟ بتصير هاي في واحد من غير ما يحس بياكل وبيشرب وبينام انتو ما شفتوها؟ اخي الشيخ رمضان هو ونايم فز واللحاف على راسه فتح الباب ومشي لآخر البحصة نايم واللحاف فوق راسه واتسطح ورد فاق وهو ونايم فقنا الصبح ما لقيناه نايم بالطريق ما حاسس على حاله ..هادا يا ترى هل شرب او اكل بالنهار في قضاء عليه لا كفارة.. في ناس مساكين هني ونايمين بتصير معهن ..الله يعافينا ..هادا لو فز ودبح خروف هو ونايم شو الحكم ؟ ودبيحته تؤكل او لا؟ لا تؤكل ليه ؟ ما سمى .. اذا ما سمى على الدبيحة المسلم دايما بيسمي لو ما سمى لا تؤكل ..بالتنويم المغناطيسي شو بدو الواحد بيشتغل. فلو منوم تنويم مغناطيسي ودبح الذبيحة ما الحكم لا تؤكل وهذه القاعدة العامة الافضليه لو كان صاحيا ولم يسمي تؤكل دبيحته اما نايم وغير واعي فدبيحته غير صحيحة لا نية ولا سمى.تعتبر كانها فطيسة لا تؤكل هادا كتير بعض الاشياء بتصير ممكن هادا الي عم ينومه تنويم مغناطيسي روح عند فلان اقتله بياخد الفرد وبيقتله وما حاسس ولا شاعر عم يمشي بإيحاء الغير . جرم ام لا جرم؟ الجرم على مين؟ القاتل مش الي منيمه وعم يستعملوا للقتل.
الشاب صام وهو في الصيام نسي اكل ؟فسد صيامه؟ قله والله نسيت. فإذا هادا اقر له انه فسد صيامه فهادا بسم الله اكل او شرب بعد نسيانه عليه قضاء فقط لا كفارة عليه لكن الاثم على مين على من أفتى قله فسد .. من اكل ناسيا فإنما هو رزق ساقه الله اليه .هون ما في فساد شرب الصائم بالفرض او النفل ناسيا هادا صحيح .فلو افطر الاخ منقله الصيام صحيح لكن اكله بعد النسيان شبهة نزلت في الصيام عليه القضاء فقط.قال سيدنا محمدﷺ ومن اكل وشرب وهو ناسيا فليتم صومه هو رزق ساقه الله اليه.. ولو كان يسمع الحديث ما كان اشتبهت الامور عليه. ولو كان صيام فرض او نفل كله واحد حتى لو اكل كيلو لحمة نفس الشي هو وناسي. صيامه صحيح.
متل الي وقع على مرته هو وناسي وهي ناسية بعد ما تم الامر قلها نحن برمضان شلون عملنا بحالنا هيك ولي ع هالقامة. بيروح عند الشيخ بيقله تقبل الله منك ومنها عليك القضاء فقط. بينما لو كان صحيان يتوجب عليه الكفارة الكبرى .طيب لو اكل بعد ما نوى نهارا ولم يبيت النية هادا انشأ النية على بكرا نحن قلنا انو رمضان لايمتى معه بالنية ؟ ربع النهار الاول بعد طلوع الشمس بساعة هادا نوى بالضحوة (الضحى) شو حكمه بالمذهب الشافعي غير صحيح ومذهب الحنبلي كمان بده يبيت النية .. بعد ما نوى اجى واحد قله صيامك باطل كان لازم تبيت النية .قله ما دام صيامي باطل وما صحيح هات لآكل .عليي قضاء هون انوجدت الشبهة ولما تنوجد الشبهة عليه قضاء مو كفارة لان صيامه عند الشافعي باطل. اما لو كان نوى بالفجر وبالنهار قال هات لآكل شو بيتوجب عليه قضاء وكفارة.
رجل اصبح مسافرا على بكرا ركب وتوجه الى قضاء حاجته نوى الصيام قبل بليلة او قبل الفجر نوى الاقامة بالبلد شي 4 ساعات طلع من الفجر الساعة 5 وصل الساعة 9 قال نويت الاقامة 15 يوم عطيني اكل المسافر بدو ياكل .منقلو انت اصبحت مقيم قال انا مسافر منقلو بطريقك كنت مسافر هلق اصبحت مقيم هلق لا يصح الاكل ..فوجدت نية الاقامة مع السفر. ايمتى يتوجب النيه الصبح انو بالاول انشأ السفرة وهو ناوي للصيام الاقامة حصلت بعدين شو في عليه؟منعتمد نيته الاولى هي السفر واذا اكل فعليه القضاء اما اليوم التاني اذا فطر عليه كفارة وقضاء لانه صار مقيم. اما اليوم الاول راح نصه يعتبر مسافر .. هل اليوم الاول يوم الدخول ويوم الخروج يعتبر من السفر فاصبح مسافرا فنوى الاقامة ثم اكل وهو مسافر فعليه القضاء فقط.. سواء كان مسافر فأقام او كان مقيم فسافر فوجب عليه القضاء فقط. هادا من باب تيسير الله للمسلم في حالته ..او امسك بلا نية يوماً صوم بلا نية فطر لا نوى الافطار قال اخي برمضان كله نيه منقله عليك قضاء لان النية بمذهب الشافعي فرض ..واذا ما نوى صيامه مو صحيح فبوجود الشبهة عليه القضاء او تسحر او اتى اهله شاكاً في طلوع الفجر يعني ساعة مقصرة. بدو يمسك 4 وربع تم عم ياكل 5و10 قال حيأدن الصبح فعجلوا الحمدلله طلع لبرا لقى مجهجه الضو شو حكم صيامه ؟صحيح وشو عليه؟قضاء فقط. هون عم يتحسر وهو هل عليه اثم او لا بده يتأكد قبل الكل نية صيامه. عادة نحن ببيتنا لا منشوف الضو ولا شي هلق عم. نمشي عالساعة فاذا الساعة خانت او قدمت او عالراديوا فتحه طلع الراديو عل المغرب وبالمغرب بيفطروا بعد منا ب 3 ساعات فلا الافطار او بالصيام شو بيوجب عليه قضاء فقط واحد فتح الراديو طلع الكويت عم يقرا قرآن صدق الله العظيم اذن الكويت قبل منا قريب الساعة فطر قاعد بالغرفة راخي البرادي بعد ما فطر طلع لبرا بدو يتوضى بعد الشمس ما غابت شو بيتوجب عليه ؟ قضاء اليوم فقط. او افطر بظن الغروب حصل بهالزمان عم تصير كتير .
كنت مرة بالكويت وبدنا نرجع لهون والطيارة بدها تطلع بعد الغروب ب 5 او 6 دقايق نحن وعم نحط غراضنا ما حصلنا نشرب طلعنا بالطيارة.. لما طارت الطيارة بعدها الشمس طالعة نحن لما كنا بالمطار غربت اذا غربت قدامنا مي بدنا نشرب .بالطيارة ضلت الشمس مبينة واضحة ضلت واضحة لقريب الشام ..بالمطار انا قلت هاتوا لنفطر قال المشايخ لا يجوز الافطار لانها بعدها مبينة الشمس .. فهل يجوز الافطار لركوب الطيارة او في مطار البلد؟ يعتبر البلد لا يعتبر فوق .. اذا كان هيك طلع بالطيارة بين بالعين الشمس طالعة بيمشي كل المحيط الاطلسي وهو شايف الشمس ايمتى بدو يفطر ؟ الطيارة ما هي المركز اذا كان بالارض وغربت الشمس بدنا نفطر مو بالطيارة قال ايه شفنا الشمس .. واذا شفنا الشمس في بلاد ما بتغيب فيها الشمس قديه كلهن طيب هادا ايمتى بدو يفطر ما بيفطر يعني؟ ف بده يشوف اقرب بلد له ايمتى الافطار وبيفطر . او افطر بظن الغروب والشمس باقية فهذا لا كفارة عليه لان امره فيه شك او انزل بوطئ ميتة علاك في نظري مين حيجي عباله ينزل عالميتة او عالمقبرة اي في محل هون هادا بدو يكون وحش هادا بدو يصوم ؟ بيذكروا في كتير قصص أموات وما اموات فلو فعلها هالشي شغلة كاملة ولا ناقصة ؟ ناقصة يتوجب عليه قضاء فقط أو أنزل بتفخذ أو عالكف او بين يديه المهم أخرج الماء ..اخراج الماء بشهوة يوجب القضاء وفي مذهب ابو يوسف عليه الكفارة الشب الذي يتعمد خروج المني في نهار رمضان شو يجب عليه. ؟ القضاء مع الكفارة انا هادا رأيي. اما قضاء عالحل عم يوقع نفسه في خمسين مصيبة شدد عليه شوي ما بقى يعملها ..أو انزل من قبلة او لمسة زوجته في البيت قبل زوجته لحمس عليها اخرج منه ماء شو في هون عليها؟ قضاء لأنه ليست الشهوة بكاملة أو أفسد صوم غير وقت رمضان قضاء فقط . كل نفل افسده وجب قضاءه سواء كان صلاة او صيام.
او تقرب الى اهله وهي نائمة وبالنهار أفسد صيامها هون الكفارة عليه بدو يطلع كفارة عنه وعنها. او ادخل اصبعه مبلولة بماء او دهن في دبره انتبهوا الها لما يقضي حاجته الانسان ينشف ما يكون فيه اثر الماء قبل ما يفز ينشف لانه اذا ما نشف الليتين تلتصق ببعضها فلازم ينشف هون اصبعته ادخلها في المخرج افسد صومه هذا عمل غير شريف لا يفعله اصحاب الاخلاق الفاضلة يجب عليه في ذلك القضاء الا اذا كان دواء متل التحميلة استعمال التحميلة توجب القضاء لانها دخلت الجوف كل ما يدخل فيه قضاء الرجل والمرأة الحكم واحد متل بعض. او ادخل دخانا بصنعه متل البخور ياخد بايدو ويشم منها فسد صومه وعليه قضاء اما ماشي بالطريق شم ما عليه شي فات عالجامع شم البخور ما عليه شي اما يمسك بايده ويشم لا . العطر والطيب لا يفسد الصوم ولا يوجب القضاء فله ان يتعطر ويتطيب لا يفسد الصوم ولا قضاء فيه. الا اذا شرب الدخان اذا كان قاعد حد واحد عم يشرب دخان عم يشم ويتلذذ هون شو بيوجب عليه ؟الكفارة انه صار فيه لذة الله يعافينا ويعافي كل مبتلي.
او استقاء ملأ الفم من غير دراية اذا الانسان وحده تقيأ بدون تكليف فز على بكرا نفسه عم تلعي تقيأ لوحده صيامه صحيح لا قضاء ولا كفارة يتمضمض ويكمل صيامه. اما استقاءوحط ايدو وتقيأ فهذا احد شيئين .
1 اذا تقيأ ملأ الفم فسد الصوم وعليه قضاء. 2اذا تقيأ اقل من ملأ الفم فصيامه صحيح ولا قضاء عليه. هاذا اذا خرج من فمه. اذا تقيأ شئ قليل وصل الى الفم ولم يبتلعه. اما اذا ابتلع شئ من القيء عليه القضاء فقط لانه قليل لانه من داخل الفم لا من خارج الفم. أو اكل ما بين اسنانه وكان دون الحمصة قد الحمصاية بين سنانه طالعها وبلعها اذا كانت قد الحمصايه عليه قضاء اما اقل من الحمصايه ما في قضاء. اما من خارج الفم ولو قد السمسمة عليه قضاء وكفارة من خارج الفم بيفسد .
او نوى الصوم نهارا بعد ان اكل ناسيا قبل ايجاد النية من النهار هو ونسيان اكل عليه قضاء فقط.الصيام بدون نية اكل ناسي عليه القضاء. او اغمي عليه ولو جميع الشهر اذا كان وقت النية ما نوى عم يصحى صحوة النهار قبل ما ينوي وعم يغط عقلبه اذا صحي ونوى صح الصيام. اذا يوم واحد نوى بيمشي حاله. واذا ما نوى عليه القضاء هادا اذا اغمي عليه بس شرط وقت النية يكون صحيان النية ما صحي بالصيام بيسقط ويجب عليه القضاء فقط. يعني اذا واحد أغمي عليه من قبل الفجر للضهر هادا وقت النية راح يوجب عليه قضاء لا… لا اله الا الله او من اذا جن الجنون نوعين متقطع ودائم فهل الجنون الدائم عليه قضاء لا .اما الجنون المتقطع اذا ادرك وقت النيه عليه قضاء فقط لا يلزمه اما ما ادرك وقت النية بافاقته ليلا او نهارا بعد فوات النية ما في عليه قضاء ..
والحمدلله رب العالمين