درسنا اليوم بتوفيق الله سبحانه ما يفسد به الصوم ويجب به القضاء مع الكفارة. اثنان وعشرون شيئاً إذا فعل الصائم شيئاً من هذه الاثني عشرين شيئ اذا فعل شيئاً منها طائعاً متعمداً غير مضطر لزمه القضاء والكفارة. انتبه لهذه العبارات يلي الان ذكرناها اولاً: الصائم إذا فعل واحدة من هذه الاشياء طائعاً لما منقول طائعاً شو بيخرج معنا المكره. اذا اكره على فعل الشيء فسواءٌ كان طعاماً او شراباً او لقاء مع اهله اجبر اجباراً على ذلك فالمجبر عليه القضاء من غير كفارة.. اما إذا لم يكن مجبراً ففيه القضاء والكفارة طائعاً متعمداً بيخرج معنا الناسي والمخطىء لما منقول متعمد بيخرج معنا الناسي والمخطئ (الناسي قدم معنا انه ماذا عليه القضاء فقط والمخطىء مثل الناسي إذا الواحد اخطىء وأكل فعليه القضاء فقط. اما إذا كان متعمد فالقضاء ومعه الكفارة. وغير مضطر فلو كان مضطراً عند الاضطرار يرفع الحرج وبدل الكفارة يكون عليه القضاء فقط لزمه القضاء فإذا كان مضطراً فعليه القضاء.. اما إذا غير مضطر ففيه القضاء والكفارة. إذا 3 شروط..طائع..متعمد..غير مضطر قلنا الطائع شو بيخرج معنا المكره.. والمتعمد بيخرج معنا الناسي والمخطىء وغير مضطر بيخرج معنا المضطر. فأي وحدة من اثني وعشرين بيفعلها هذا الانسان وجب عليه القضاء والكفارة .
أول وحدة الجماع في احد السبيلين.. على الفاعل والمفعول به الجماع يلي نحن منسميه الزواج إذا تزوج في نهار رمضان طائعاً غير مكره ومضطر غير من غير اضطرار
والثالثة متعمدا.. إذا تزوج في شهر رمضان بالنهار بهذه الثلاث وجب عليه القضاء مع الكفارة. اما لو تزوج مكرهاً ولو زوجته اكرهته سحبت عليه الفرد يا بتقوصه يا بيتزوج اليوم.. لك يا بنت الحلال حرام لعشيه قالت له يا بالفرد يا.. فإذا وقع فعليه القضاء من غير كفارة. هذا شو اسمه مكره ولو كانت اكرهت المرأة اكرهها الرجل أن تكون الدخلة مثلاً في النهار اذا أكرهها فعليه الكفارة له ولها بده يدفع الكفارة عليه ويدفع الكفارة عليها.. أما إذا وافقت فبدك تطالع الكفارة هي وكفارة هو. فهون شيئين معنا اما ان يكرهها اكراهاً وهي غير راضية فعليها القضاء وعليه كفارتين ما كفارة كفارة عنه وكفارة عنها.. اما إذا وافقت يعني هددها فوافقت فهنا هي بدها تطالع ايضاً كفارة قضاءً + وكفارة هذا إذا كان الزواج صار بالنهار في نهار رمضان مكرهاً..طائعاً..غير مكره. ومتعمد عرفان شهر رمضان لكن تعمد..أنه لا لن يقدر ان يصبر لك لعشية ما بيصير هلق بدي اعمل الزوج بده يتزوج واجباري هلق ومتعمد فهذا شوفي عليه قضاء مع الكفارة هذا الجماع.
هنا العبارة يلي ذاكرينها الله عزوجل يصلحنا في احد السبيلين بالطبع الجماع في غير المكان المعتاد حرام لا يجوز للرجل ان يقرب في غير المكان الذي اعده الشرع للزواج. اما إذا تعدى ذلك فأتى في غير الموضع فيرتكب الأمر الحرام والكبيرة لكن لا تطلق الزوجة.. الزوجة لا تطلق في ذلك والكفارة على الفاعل وعلى المفعول به انزل او لم ينزل يعني بمجرد الدخول وجبت عليه الكفارة بهذه الشروط الثلاث.اولا متعمد..وطائع..وغير مضطر فيجب عليه القضاء ولو لم ينزل يعني أدخل وأخرج وجب عليه القضاء والكفارة لأنه الاتيان في نهار رمضان حرام. هذا فيه هتك لحرمة الشهر شهر محرم فلا يجوز للإنسان أن يفعل هذا في شهر رمضان. وهذا الحكم بالنسبة للزواج في نهار رمضان هذا في المذاهب كلها..المذاهب كلها توجب عليه القضاء مع الكفارة. حنيفي وشافعي وحنبلي ومالكي في المذاهب كلها من تزوج في نهار رمضان وجب عليه القضاء مع الكفارة بهذه الشروط الثلاثة.
أما لو تزوج في المساء ما فيها شيء امر عادي معه طول الليل الى قبل آذان الفجر فلو تزوج في الليل قبل آذان الفجر فلا كراهة في ذلك ولا شي عليه.
لقول الله تعالى:(احل لكم ليلة الصيام الرفث الى نسائكم) ما فيها شيء اما في النهار فهو حرام هذه واحدة.
ثانياً: الاكل والشرب الاكل في شهر رمضان او الشرب في شهر رمضان سواء فيه ما يتغذى به أو كان ما يعود به الى إصلاح البدن فهنا الاكل..الاكل والشرب في مذهب الامام الحنفي يوجب القضاء مع الكفارة.. قضاء مع الكفارة ان كان اكل او شرب وإن كان قليلاً.. اي طعام يدخل الى فمه من خارج الفم او اي شراب ولو نقطة وجب عليه القضاء مع الكفارة.. هذا إذا كان الطعام ما يتغذى به اي طعام فيه غذاء بيخرج معنا اذا مافي غذاء
لو بلع بحصة بلع ألماسة شوفي عليه القضاء فقط. اما إذا فيه غذاء شو يتوجب عليه قضاء وكفارة هذا مذهب الحنفي..
عند الامام الشافعي الذي يوجب الكفارة الزواج بنهار رمضان فقط.. يعني إذا اتى زوجته بالنهار وجب عليه الكفارة.اما أكل وشرب ما بيوجب الكفارة بيوجب القضاء فقط وكل ما راح يمر بيوجب القضاء فقط عند الشافعي.. والحكم هنا لازم ناخذ عند مذهب الحنفي مع المذهب الشافعي.. الحكم هنا لازم نأخذه كلنا لازم عند المذهب الحنفي لماذا؟ انتهبوا عليي للحكم لأن الحكم لازم يكون على حسب الزمن لما نقول انه الانسان إذا أكل أو شرب عليه القضاء فقط. إجا الصيام بالصيف الصايم بلاقي النهار طويل اييه جاع ما دام قضاء بفطر هلق وبقضيه بكرى بالشتي إييه ما بكفي لو قضيت الدهر كله يا أخي ما دام في قضاء بيقضي. أما عند الحنفي يقول له ابدا كل يوم بستين يوم.. بيفطر لذلك لازم ننبه بهالحكم هذاعلى مذهب الحنفي ولا على الشافعي على مذهب الحنفي مذهب الشافعي بيتهاون الانسان بعدين بهالحكم هذا. بيتهاون والحكم بيصير بده يفطر بيفطر وبقول أخي بقضيه بدلاً عنه وبطعم كمان عشرة مساكين بيمشي حاله نقول له.. لااا..الكفارة غير مقبولة. بدك تصوم 60 يوم متتابعات او بتعتق رقبة.. رقبة ما في هلق يشتري هلق عبد.. وهلق عبد ما في.. إذاً شوفي عنا صيام 60 يوم اي يوم بيفطر فيه لو أكل لقمة.. لو اكل نص تمرة.. لو اكل زبيبة.. لو شرب نقطة مي وجب عليه القضاء مع الكفارة 60 يوم متتابعات. فلما بيعرف الانسان بهذا الحكم بيتهاون بالشهر بيتساهل فهذا الحكم منعمل فيه على مذهب ايش الحنفي لا على المذهب الشافعي (رض) فالأكل والشرب سواء فيه ما يتغذي به أو ما يعود نفعه عليه أو يتداوى به سواء كان للتداوي أو كان للطعام يجب فيه القضاء مع الكفارة لأنه في شي الانسان بيحسن يأخره للمساء اذا الواحد بالنهار بده ياخذ إبرة فيتامين بنية الغذاء نقول له الافضل خليها الى المساء إذا قال لا انا هلق بدي آخذها.. الإبرة بيتوجب عليه القضاء من غير كفارة.. لأنها ما فيها اكل من الفم أخذها بنية التغذي أما لو كانت إبرة دوى عادية ما فيها شيء الإبر كلها ما فيها شيء.. فهنا لما نقول نحن سواء يتغذى به أو سواء يعود النفع الى إصلاح البدن يا ميل الطبع أو ما يصلح البدن هنا في الانسان إذا كان أكل ما لم تميل النفس إليه ففيه القضاء فقط..أما كل شيء تميل النفس له شو فيه.. فيه كفارة مع القضاء .. أما إنسان جاع شاف نجاصة وقام عضله عضة نجاصة شوفيها.. قضاء لأن النجاصة بتشتهيها النفس اما الصرصور ما بيشتهي. فإذاً كل ما يميل إليه الطبع وتميل إليه النفس ففيه الكفارة والقضاء وإذا لا تميل إليه النفس ففيه قضاء فقط .
على هذا الفتنة التي حصلت بين الناس أو البدعة التي ظهرت.. مثل الدخان الدخان يجب فيه قضاء أو قضاء وكفارة تميل إليه النفس؟ تميل ويشتهيه.. يشتهيه إذا شوفيه قضاء وكفارة.. طيب المسكة علك مسكة.. إذا كانت طازة فيها قضاء وكفارة اما إذا عم يعلكها 3.. 4 ايام ما بقى فيها طعمة علكها منشان يدر الريق تبعه شو فيها قضاء
هذا إذا كان لأن في ناس بتعلك مسكة برمضان يقول لك ما فيها شيء إذا كانت جديدة خاصة إذا كانت تشكلس فيها روح النعنع.. إذا اكل فيها قضاء وكفارة أما صرلوا 4 ..5 أيام عم يعلكها لا بقى فيها طعمة ولا شيء عبارة عن كوتشوكة عم يعلكها شو فيها قضاء فقط. فمتى ما عرفنا الحال هذا ان كل شيء بتميل إليه النفس فيه كفارة وإذا لا تميل النفس إليه شو فيه قضاء على الحل.
الدخان مين بيعرف متى بدأ الدخان اديش صرلوا؟ الدخان بدأ سنة 1015 هجرية مو ميلادية هلق 1400 يعني كم سنة صرلوا 400 سنة الدخان هذه البدعة صرلها موجودة ادية 400 سنة قبل 1015 ما كان معروف وهذا كان نبتة منقول الشيطان علمهم اياها.. وأول ما يشربها الانسان بحس بدوخة أو بحس بتخدير بقول أخي لما أنا بشرب سيجارة بفتر والحديث الذي ورد عن النبي صلى الله عليه وسلم قال كل مسكر ومفتر حرام نهى عن كل مسكر ومفتر(صلى الله عليه وسلم) فهذه ما بتفتر السيجارة ما بتفتر يعني هلق الغضبان لما بيشرب سيجارة شو بصير معه..هلق مروق بالدخان روق فهذا لذلك حرام والحكم الشرعي كلنا لازم نحفظ الحكم الشرعي الآن شو حكمه الشرعي الدخان حرام على الاطلاق. ففاعله كشارب الخمر وكشارب البنج شو بسموه الافيون. مثل ذلك لو واحد قال لك اخي هذا ما حرام قال لك اخي هذه صغيرة من الصغائر قل له انا معك إذا كان صغيرة من الصغائر الاصرار على الصغيرة شو بيعملها.. يجعلها كبيرة فشربه كل يوم كل يوم شو اسمه اصرار إذاً شو انقلبت السيجارة الى كبيرة من الكبائر هذا يلي قال ما حرام اما هي شو حكمها حرام مطلقاً. متل ذلك في عندنا بعض الاشياء نستعملها فيها بعض التخدير ولكنها غير حرام إلا اذا استعملها الانسان خاصة مثل جوزة..جوزة الطيب هذه بحطوها مع الفلفل مع البهارات الكيلو بحطوله جوزة اوجوزتين وهي بحجم بيضة الحمامة الصغيرة بحطوها منشان تطيب الفلفل هاي ما فيها شي ما عليها شيء..أما لو أخذ وحده وأكلها أو اثنتين وأكلهم بدوخه فلذلك شو بصير حكمها إذا استعملها خاصة فهي حرام اما استعمالها بهالجزء اليسير لتطيب الطعام هي اسمها جوزة الطيب لأنها تطيب.. لذلك لا شيء فيها لكن حرمتها دون حرمة الحشيش أقل من حرمة الحشيش هذا إذا كان استعملها خاصة منشان يخدر أو منشان يدوخ في بعض الناس برمضان بحط مضغة المضغة وين بحطها بالشفة الفوقانية أو الشفة التحتانية. هذه المضغة ما هي دخان تنباك مطحون وبحطوله ألفونة.. الألفونة مادة حارقة تستعمل للاسكار او للتخدير فا بحطولها ألفونة كان الله يرضى شيخ بدرالدين سألوه عن الألفونة قال لهم ابني إذا وقعت في بيت الخلاء تنجسه تنجس بيت الخلاء هاي بيطحنوها معه بيستعملها ويضعها دخان منشان تخدر هذه شو تعتبر كمان لو حطها تعتبر مفطرة وفيها الكفارة لأن يلي عم يحطها بحطها للذة ما عم يحطها عن كره ففيها كذلك الكفارة. بدنا ننتبه كل ما تميل إليه النفس شو بيوجب معنا يوجب معنا الكفارة.. طيب لو أكل إنسان ورق العنب (شو مصطفى انت عندك منه عندك ورق عنب ناعم ولا خشن هلق ما في..اذا اكل العنب يجب عليه القضاء والكفارة لأنه في شوية حموضة أما لما بكون خشن ما بتقبله النفس ففيه القضاء فقط . قشر البطيخ إذا نحته أكل البياض تبعه هذا عادة لا يؤكل ففيه القضاء إذا اكله هو والقشرة الخضراء قضاء... اما إذا أكل البياض على الحل البياض على الحل بسمن يلي بده يسمن ياكل قشر البطيخة البيضاء..البطيخ الأخضر فيه بياض يلي بياكل البياض بيسمن.. فإذا أكله شو يجب فيه قضاء وكفارة عم جبلكن هذه الاشياء لتنتبهوا يمكن الانسان بيوم من الأيام طيب فما يتغذى به او يتداوى أو يتداوى به يعني استعمل هالطعام هذا من أجل دواء وفيه إمكان ان يتأخر عنه الى المساء فاستعمله في النهار نقول له يجب عليك القضاء مع الكفارة ما دام الشراب مقبول أو الطعام مقبول.. بعدها ابتلاع مطر دخل الى فمه ماشي بالطريق هو ماشي بالطريق والمطر نازلة يقول يا الله يا الله وعم يفتح فمه فنزلت المطر في فمه ابتلعها يجب عليه القضاء مع الكفارة لأن هنا متسبب بدخول مطر ولو نقطة أو نقطتين يجب عليه قضاء وكفارة أو لو عم يصلي وقال سمع الله لمن حمده نزلت نقطة مطر ووجب عليه القضاء مع (نعم وإعادة الصلاة) او غير المطر او الواحد يستبعد اخي إنه المطر مالح حدى راح يعملها لكن توضىء وما نشف وهلق ما شاء الله كلكن هلق بشوارب فات المي بالشوارب وهو عم يصلي نزلت نقطة المطر على كنار الشفة وهو عم يصلي "اهدنا الصراط المستقيم" شرق الشرقة البسيطة نقول له فسدت الصلاة وفسد الصيام ووجب عليك قضاء الصلاة وقضاء الصيام مع كفارة. لذلك قبل ان يبدأ بالصلاة بده ينشف شواربه حتى ما تنزل نقطة المي ويشرقها فيجب عليه الكفارة هذا بالنسبة لابتلاع المطر. وأكل اللحم النيئ إلا إذا دود اللحم النيئ مثل في ناس بياكلوا السودة الكبدة في ناس بياكلوها نيّة بغطها بالملح وبياكلها مين منكم بياكلها هكذا نيّة ( أنتو ما بتاكلوها نيّة يعني من بطن الخاروف بقص وبياكلها.. في ناس بياكلوها بلبنان بحطوها زينة الطعام هيك نيّة بقطعها وبحطها.. فلو أنت جبنالك إياها نيّة ما في بالعادة تأكلها وضعناها لك وقلنا لك كول حطيتها وأنت هيك كازز ونزل الدم على شفايفك وأشعر بدنك وتش بدنك وبلعتها ( شو بيوجب عليك قضاء) أما يلي عم يجيبها ويغطها بالملح ويعصرلا الليمونة عم ياكل كأنه عم ياكل شقفة بقلاوة هذا شو في عليه... قضاء مع الكفارة فهمتوا هالحكم هذا. فاللحم الني بيتاكل نعم؟ .. في ناس بياكلوا اللحم الني بيقعد بنتفه تنتيف فإذا أكل اللحم الني هذا لا يأكله والا عن شهوة.. فإذا كان عن شهوة شو بيوجب فيه.. قضاء وكفارة.. اما اللحم دود نفض الدود عنه وأكله من جوعه شو بيوجب عليه.. قضاء.. قضاء فقط. لأن ما في شهوة (طيب كذلك اكل الشحم يعني اكل يعني اكل الليّة في ناس بحبوا الليّة بياكلوها نيّة ( ما بعرف كان واحد يجي عند اللحام اقطع لي دهن وقية او وقية ليّة يقطع الليّة ويغطها بالملح وياكلها هذا شو بيوجب عليه.. قضاء + كفارة) لكن حسان الواحد إذا بدنا نطعميك هيك ليّة شو بيوجب عليك اييه بعض اوقات بالطبخ ما بياكلها فإذا بده ياكلها نية فعليه القضاء من غير كفارة إلا إذا اشتهاها ففيها قضاء وكفارة.. وكذا قديد اللحم اللحم القديد فيه كفارة.. قضاء + ومعه الكفارة ليه لأن في عادة في أكله بيتعود.
اللحم القديد عرفتوا كيف القديد بصير اللحمة لحمة بالطبع بس ما حمراء عاطي على سواد هذه إذا اكلها شو فيها قضاء وكفارة لان بيشتهوها اما واحد جبناله اياها جلدة وقلنا له خود كول ما بتتاكل.. الله يعينا طيب.. واكل الحنطة وقضمها..اكل قمح إذا اكل قمحة وقضمها واستطعم فيها.. فيها كفارة اما إذا مضغها وذابت بفمه وما استطعم فيها ففيها قضاء فقط.. اذا استطعم يعني تلذذ فيها كفارة اما إذا جبنا القمح المشوي يلي شو بيتسمى فريكة إذا جبنا القمح المشوي فريكة وسفلوا شي سفة شو فيها قضاء وكفارة لأن هذه مما يشتهى..لو طلع سمسمة من برات الفم شقفة خبزة صغيرة دردورة او قد السمسمة مد لسانه وأخذها وابتلعها فقضاء مع الكفارة. إذا ما استطعم عم نقول قمحة نحن إذا ما استطعم فهون اخذها وبلعها فكل شيء نأخذه من برات الفم شو بيعمل يفسد الصيام.. نقطة المياه شو عملنا فيها افسدت الصيام وعليه قضاء كفارة.. فـ ايضاً كل شيء يؤخذ من خارج الفم لو كان سمسمة .. اما لو اخذها ومضغها فتلاشت في فمه شو في عليه قضاء.. طيب انتبهوا هذه يلي حناخدها هلق هاي بصير عليها فحوص واختبارات امتحان بيختبروه بهذه الناحية بيسألوه هالسؤال حتى يعرفوا انه بيعرف او ما بيعرف.. الطين الأرمني إذا اكل الطين الأرمني يوجب القضاء مع الكفارة فهنا لما بدهم يسألوا طالب العلم بيسألوه لو واحد اكل طين ارمني شو حكم صيامه شو هذا الطين الارمني؟ في طين ارمني وطين مسلم يعني الترابة الحلبية هاي المرأة لما بتكون حامل بتكون بالوحام بتاخدها وبتصير تقرطها قرط في كثير نساء بتقرطها قرط في نساء بيجي وحامها على المانيزا بتاكل مانيزا وفي نساء على الترابة الحلبية وفي وحدة بتسف تراب لو كانت وهي صايمة سفت تراب او اكلت الطين الارمني عرفتوا شو الطين الارمني (مين بيعرف الترابة الحلبية بيعرفها اكثركم هاي لما النساء يروحوا على الحمام يأخذوها ينقعوها بالماء ويحطوها على راسهم إلها ريحة طيبة طعمتها طيبة فـ بيجي وحامها عليها فبتاكل الترابة.. هاي النساء الله لا يبليكم بالوحام بتصيروا بتاكلوا التراب وبتتلذذوا فيه. فإذا اكلت الترابة الحلبية يجب عليها القضاء مع الكفارة لأنها هي تتلذذ به اما انا هلق لو جابولي إياها ما باكلها انا ما بحسن اقرطها اقرط تراب يزحل تحت الاسنان اكل الطين الارمني يلي هي شو اسمها (الترابة الحلبية فهذا توجب إيش قضاء وكفارة على الاكل.. كمان الطين التفل إذا اعتاد اكله.. انا بعرف رجل عاش اكثر من سبعين سنة كان الحيطان تراب يجي للحيط يأخذ من التراب ويأكل.. كانوا يطينون الحيطان بالطين الاحمر كان يأكل من الحيط. يأكل تراب وعمره كان وكان كبير .. كل ما ماشي بده ياكل تراب ما كان يصرلوا شيء شلون عم ياكل فهذا بالنسبة له التراب شو حكموا.. قضاء وكفارة اما بالنسبة لكم قضاء على الحل) واحد اخذ بأصبعه من ريقه وغطها بالملح وأخذ الملحات شو بيوجب عليه قضاء مع كفارة طيب وإذا اخذ بيده سفة ملح وسفها.. قضاء فقط ودرة الملح فيها كفارة ليش؟ لأن درة الملح مقبولة اما سفة الملح ما مقبولة واحد يحط سفة ملح ويقول له سف.. ما مقبولة لذلك فيها قضاء فقط اما لما اخذ درة إلا المرأة في البيت إذا كان زوجها سيء الخلق (هذا الحكم) يسمح لها بذوق الطعام بتطبخ وبتاخذ من المرقة وبتبزق بتاخد شوي بفمها وبتبزق الله جعل الملوحة برأس اللسان مجرد ما تاخذ بتعرف مالح ولا حتى ما تطلع الأكلة مالحة زوجها بيجي عشية إذا طلعت مالحة يكسر دياتها يقصف عمرها الله يستر ما يكب صحن الأكل بده أياها تكون لقمة مدللة فهي زيادة حطت نقول لا انت وصايمي بتحطي الملح دائما خليه خفيف إذا طلع خفيف بينرش رشة ملح اما إذا طلع ثقيل ما راح يتدبر فلذلك الاسلام قال لها معك رخصة بتاخذي برأس الملعقة شوية مرقة وبتذوقي برأس اللسان وبتبصقي متى ما بصقت ما بقى تبصق مرة ثانية وثالثة تبصق مرة واحدة يلي بتمها فلو استطعمت بشيء من الملوحة بعد ما بصقت لا شيء عليها.. هذا إذا كان زوجها سيء الخلق اما إذا كان زوجها حسن الخلق ما سيء الخلق ما بصح ان تأخذ الشيء هذا.. هذا بالنسبة للمرآة.. طيب هاي ما إلكم فيها بس مناخدها معليش الحكم الشرعي الانسان بيطلع عليه قال وابتلاع بصاق زوجته او صديقه لا غيرهما هذه بالنهار برمضان قبل زوجته وارتشف شيء من ريقها من حبه بمرأته اخذ شيء من ريقها وابتلعه شو حكم صيامه.. فسد الصيام ووجب عليه القضاء مع الكفارة.
ليه لان هذا عن لذة اما واحد يجي ياخذ بزاق الثاني اييه ما راح حدى راح يعملها. الله يرضى عنهم حاكيين شيء ما بصير بالحياة بياخذ بزاق الثاني هذا بيوجب عليه القضاء فقط. ما حدى بيعملها هذه بتصير لواحد يعني عقله كله عند مرته او صديقه حب صديقه بده ضربي على تمه فهذه ما لازمة.
طيب.. مسألة هلق انتبهوا بدي احكي كم مسألة ورا بعضهم.
رجل اغتاب انساناً بعد ان اغتاب سمع الحديث ان المغتاب يفطر( خمسة يفطرن الصائم الغيبة. فقال ما دام افطرت راح آخذ كاسة المي وشرب حطله رغيفين خبز وأكل.. هذا وجب عليه القضاء مع الكفارة.. إذا قال اخي انا سمعت ان الحديث الغيبة تفطر الصائم واغتبت نقول له لازم تسأل اول الكل عالم معنى الغيبة تفطر الصائم يعني تذهب الأجرة.. وإذا تذهب الاجر ما بصير ياكل فإذا راح وأكل وجب عليه القضاء مع الكفارة إلا في ناحية واحدة.. سأل عالماً قال له اخي انت افطرت روح ما بقى لك صيام فهذا سمع من كلمة افطرت انه ضاع صيامه فراح وأفطر. فأثمه على من افتاه على من افتاه هو بيقضيه والأثم على مين على من افتاه. اما بصورة عامة إذا الواحد اكل شو عليه بعد الغيبة بعد النميمة قضاء مع الكفارة (عم يسأل احد الحضور قال للشيخ.. إذا واحد نم ما فيعليه شي قال له سيدنا فيها قضاء نعم اما لو اكل.. نمَّ بده يقضي الغيبة والنميمة والكذب واليمين الكاذبة.. قال احد الحضور يلي افتاه لأن سأل واحد مثلاً ممكن ما يكون عالم يمكن يسأل احد يقول له اخي يلي بيغتاب النبي صلى الله عليه وسلم
قال الغيبة تفطر الصائم اخي انت افطرت ما قال له افطرت يعني راح ثوابك قال له افطرت فهذا قال ما دام افطرت هات اخي خلينا نكمّل افطرنا وأفطرنا فمنقول له وجبت عليه القضاء والكفارة لأنه لم يسأل العالم.
2- او واحد احتجم فإذا واحد حكى قال له: ماذا تفعل هلق وقت الحجامة النبي صلى الله عليه وسلم قال أفطرا الحاجم والمجوم..افطر يعني ذهب الاجر وليس فطر يقول ما دمت افطرت وخلص هات اخي طلع مننا الدم أعطونا شي وقيتين حلوى لنأكلهم وجب عليه القضاء مع الكفارة او انسان مس زوجته بشهوة او قبلها بشهوة بعد ما مسها او قبلها واحد قال له افطرت فراح اكل كل هؤلاء إذا اكل وجب عليه الكفارة اما إذا ما اكل ما في شيء ما عليه شيء.
أو دهن شاربه بعد ما أكل دهن شاربه ظاناً أنه افطر وهاي كتير من الناس بيتورعوا ان العطر برمضان ما بصح يتطيب برمضان ما بصح خاصة بعد العصر نقول له لا حبيبي الطيب والسواك تطيب النبي واستاك بعد العصر في مذهب الشافعي ما بصح الطيب ولا السواك بعد الزواج النبي صلى الله عليه وسلم تطيب واستاك بعد الزواج فلو واحد دهن شواربه وشم الريحة إجا واحد وقال له اخي انت افطرت فقال ما دام افطرت هاتوا الاكل وقعد أكل تقول له وجب عليك القضاء مع الكفارة.
اما لو واحد قال له ذهب الثواب ما فيه شيء. دهن وتعطر معليشي برمضان لو الانسان لو تطيب فلا شيء عليه بطيبه وقلنا ان الطيب ما فيه لا كراهة ولا عليه اثم من الاثام إلا إذا سمع الحديث وأوله وإذا عرف تأويله وجبت عليه الكفارة التأويل ذهب الاجر وأكل صار في تحدي للشهر يعني افطر ووجب عليه القضاء مع الكفارة. طيب والمرأة إذا طاوعت رجلاً مكرهاً واحد سحب وعطاني خنجر منشان يزني بدك تزني بهالفتاة او بدقوا بقوصه بيقتله مكره المرأة لازم تمانع فإذا طاوعت وجب عليها القضاء مع الكفارة اما إذا كانت اكرهت اكراهاً شو في عليها قضاء فقط هذه بالنسبة للأمور.
ما هي الكفارة اذا الكفارة وردت بفعل النبي صلى الله عليه وسلم لما جاء الرجل
وقال له يا رسول الله هلكت وأهلكت اتيت امرأتي في نهار رمضان فالنبي (صلى الله عليه وسلم) قال اعتق رقبة فقال له: والذي بعثك الله بالحق لا املك إلا هذه الرقبة.. فقال له طيب لكن صم 60 يوماً قال يا رسول الله انا رمضان ما قدرت صومه.. برمضان ما تحملت بغير رمضان بدي اتحمل فقال له النبي صلى الله عليه وسلم اطعم 60 مسكيناً قال له ايوجد افقر مني (ما في) فقال له اقعد فواحد جاب لعند النبي صلى الله عليه وسلم تمر فقال له خذهم واذهب اطعم 60 مسكيناً. فقال له الرجل والذي بعثك بالحق اي ما في بيت افقر من بيتنا انا ومرتي وأولادي ما عندنا اكل.. فضحك النبي صلى الله عليه وسلم وقال له اي اذهب وخذهم وكل انت وعيالك. كيف وأكل صلى الله على رسول الله فالكفارة تجب على الانسان الا إذا كان بالنسبة للأمرأة اصابها حيض او نفاس عندها بتسقط او مرض قبيح.
للفطر في يومه. فهنا يسامح في هذا اليوم. فالكفارة تحرير رقبة مؤمنة.. هلق ما في رقبة اظن بالعالم ما في عبيد.. عبيد لم يعد يوجد الآن إذا لم تجد تنتقل الكفارة الى الدرجة الثانية فإذا عجز عنه صام شهرين متتابعين ليس فيهما يوم عيد ولا ايام التشريق ايام التشريق يعني عيد الكبير ايام عيد ما بده يكون شهرين متتابعين بده يصومهم ممكن الشهرين يطلعوا 60 يوم ويمكن الشهرين يصيروا 59 يوم.
النبي لما حلف ان لا يقرب نسائه شهر حلف شهر 29 اتاها فقالوا له انت حالف شهر فقال الشهر هكذا.. هكذا وهكذا وضم الباهم شو طلع إذا 29 ممكن يكون 29. للفقراء يلي بده يطعميهم غداء وعشاء دائماً قلت لكم الكفارات شو بتكون وقعتين.. ما وقعة وحدة فطور.. وعشاء كفارة اليمين – كفارة الظهار – كفارة الصيام كلها شو بتكون ماذا تكون؟ فطور وعشاء وقعتين تقال.. بغديهم بعشيهم غداءً وعشاءً مشبعين شو بيخرج معنا.. إذا قلنا مشبعين طعماهم بس ما شبعوا حط لكل واحد رغيف مثلاً وصحن مسبحة إيه هذا ما بيشبع هذا بده رغيفين إذا كان ما شبع اثنين ثلاثة ما شبعوا بنقول لك بدك تعيد الاطعام بدوا يشبعوا اثنين ثلاثة آكلين وإجوا ولكن اكلوا اكثر من جوعانين لا يعتمد هذا الطعام بدهم ي جوعانين والله اخي اكل 5-6 كوسايات وأكل صحنين صحن بامية وصحن فاصوليا – جوعان بده يجي فشرط بدن يكونوا يجوا جوعانين او غدائين عن يومين او عشائين يقول لهم اخي بتجوا اليوم وبكرا بتتعشوا عندي اليوم وبكرة بتتغدوا عندي لستين واحد او عشاء وسحور يعني وقعتين المهم بدهم يكونوا وقعتين ما قدر ان يطعمه.. وهذا في مذهب الحنفي كمان هذه الرخصة حلوة قال ما بيقدر يطعميه يعطي كل فقير نصف صاع من برٍ او دقيق الصاع اديش بيطلع 4 مداد.. الصاع كم مد 4 مداد يعني اربع ازوار الزور نص كيلو.. الزورين يعني اديه بيطلعوا كيلو يعني نص صاع يعني كيلو بيعطي كل فقير كيلو بياكل على وقعتين قمح او طحين اوسليق.. يعني برغل كل واحد بيعطي يعني لو دفع مصاري بيمشي الحال؟ ايه بيمشي الحال بيدفع مصاري او بيعطي تمر او بيعطي المهم شي ياكل ويكفيه يومين قمح او طحين.. او صاع تمر..او برغل.. و شعير يعني 2 كيلو تمر او 2 كيلو شعير او زبيب ما انوجد قال لو قيمته بيعطي القيمة. شو بكلف هلق مثلاً كيلو القمح اديش حقه 20 ليرة 2 كيلو قمح 40 ليرة إذاً الافطار لكل فقير 40 ليرة يعني إذا كان بده يعطي قمح اما هلق بندفع القيمة اديش قيمة القمحات بندفع قدهم.. هلق نحن بدنا نجي الانسان لما بده يأكل غداء وعشاء قديه بتكفيه الوقعة حالة وسط من 30 الى 50 بين 30 و50 ..40 ورقة يعني هذا وسط 40 ورقة الوقعة الواحدة الوقعتين 80 ليرة 60.. 4800 ليرة هذه هي الكفارة. بصح نعطيهم لفقير بكون عنده ولاد وبصح نعطيهم لـ 60 فقير او نعطيهم لفقير واحد هذا الكفارة. لو الواحد اخطأ.
خطئين او ثلاثة في رمضان واحد مثلاً تزوج في نهار رمضان ثاني يوم افطر ثالث افطر ثلاث ايام كم كفارة بده يطالع باخر الشهر إذا كان الانسان اخطأ الخطىء الاول وما طالع كفارة ثم اخطىء الخطىء الثاني وما طالع كفارة ثم اخطىء الخطأ الثالث وما طالع كفارة.. فبتكفيه كفارة واحدة بآخر الشهر عنهم كلهم) اما إذا طالع الكفارة الاولى وأخطىء الخطأ الثاني بده يطالع عن الثانية كفارة.. كفارة ثانية وهكذا كل كفارة بده يطالع.
إذا قال.. وكفت كفارة واحدة عن جماع وأكل متعددٍ في ايام لن يتخلله تكفير ما كفر بهذه الايام ولو من رمضانين على الصحيح.
رمضان الاول وجب عليه كفارة وهل رمضان وجب عليه كفارة ما طالع كفارة نقول له طالع كفارة واحدة عن الاثنين. فإن تخلل يعني التكفير لا تكفي كفارة واحدة لذلك يكون قد انتهى بحثنا. الدرس الجاي بكون ما دخل رمضان مو هيك..بدنا نقرا اذا الله احيانا الدرس الجاي اذا ربي بيتفضل علينا ما يوجب القضاء فقط بكون بذلك قطعنا المرحلة الكبرى با لنسبة للصيام. الله يتقبل منا ومنكم والحمدلله رب العالمين. الاسئلة انا راح جاوبكم بعجلة الله الله الله....
هل يستطيع الولد الصيام عن والديه ووهبهم لهما ام لااا كمان جائز ان يصوم عن والديه بغير رمضان..رمضان بده يصومه عن نفسه. انسان معه مرض السكري وامره الطبيب المسلم بالافطار فما كفارة افطاره مع انه مرضه دائم.. بس خطئ مرض السكر بفيدو الصيام اعرض نفسك على طبيب ثاني يا ابني الصيام بروح مرض السكر فاعرض نفسك على طبيب تاني فاذا كان الطبيب امرك ان لا تصوم فعندها بطالع كفارة عن كل يوم اطعام مسكين. وبعد الافطار قلنا لو واحد تزوج بعد الافطار الى الفجر معلي ( اذا كان كبير في السن ولا يستطيع الصيام بطالع كفارة ما معه كفارة الله بدبروا بيتحمل عنه يعني المراد اذا فيه بطالع ما في الله اولى بقبول العذر منه. استعمال المسواك هيك ولا هيك استعمال المسواك لفوق ولتحت. اذا اكل من شفتيه في ناس كتير هيك طول ما قاعد بنتف بشفتيه هذا ليس عليه لا قضاء ولا كفارة (سال احد الحاضرين) اذا في شي وبلعه يوجب عليه القضاء راح ياكل شقفة من شفته يعني. ذكرتم ان الناسي والمخطئ يجب عليه القضاء ونحن نعلم ان الناسي لا تجب عليه الكفارة..ما في كفارة على الناسي ابني الناسي ليس عليه كفارة اذا نسي واكل مافي عليه شي حتى قضاء مافي عليه