نحن الآن في تفسير بعض آيات من سورة النحل. هالسورة سُمّيَت بسورة النحل واستعرض الله فيها شئياً مما يتعلق بالنحل إشارة إلى أنّ في كل شيءٍ في هذا الوجود، في كل شيء توجد الدروس والعِبر والعلوم والمعارف التي هي قوانين الله في هذا الوجود وفي طبيعة هذا الوجود وطريقة القرآن أنه يدلّ الإنسان على الله عزّ وجل من طريق دراسة الكون من طريق دراسة علوم الطبيعة (أفلا ينظرون الى الإبل كيف خُلقت). فادرس تشريح الجمال وادرس عظامها شرايينها أعصابها خلايا مخها قانون الخلايا قانون الكريات البيضاء والحمراء تجد قانون في منتهى الدقة والاتقان والهدف والمقصد العالي والعظيم الشأن فتدرك بعد ذلك بأن هذه القوانين ما صارت بطريق الصدفة أو من غير مشرّعٍ ومن غير مصمّمٍ ومبدع. فلتنتقل من القانون البديع ومن قانون الوجود إلى واضع القانون من جمال الخلق إلى معرفة الخالق هذا الإيمان الفكري والعقلي والعلمي والدراسي ولم يكتف القرآن والإسلام بمعرفة الله من طريق العقل والفكر بل أراد أن يكون أعمق من ذلك وأثبت أن يكون من طريق الوجدان من طريق التلمس من طريق المشاهدة فكما أن الروائح الطيبة لا تُدْرَكُ بأعصاب العين الروائح الطيبة تُدرك بأعصاب الشمّ. الأنغام الجميلة لا تُدرك بأعصاب الشم والأنف، تُدرك بأعصاب الأذن. كذلك معرفة الله الوجدانية "أعبد الله كأنك تراه" فهذه لها جهاز خاص يُسمى القلب. فهذا الجهاز إذا اهتدينا إليه وصار لك مساعد يعرّفك على حسن استعماله فكما أنّ جهاز السمع يدرك الألحان كذلك جهاز القلب والروح والنفس تدرك حقائق الإيمان التي تجعلك تعشق الله لا تعرفه فقط. تجعلك تمتلئ إجلالاً وخشيةً وأدباً مع الله عز وجل لا طاعة جافّة وامتثالاً جسدياً هذه المعرفة القلبية الوجدانية الذوقية تجعلك تتصل بالله يتصل طاقتك المحدودة بقوته وقدرته اللا محدودة في كل شيء. فمع العدو كل ما ملكه موسى العصا وذراعه. العصاية وذراعه أمام فرعون شو بدن يعملوا؟ لكن لما اتصلت روحه بربه وقلبه بنور الله انقلبت عصا موسى أقوى من دولة وأعظم من جيش هزم بها دولة الفراعنة وغرّق بها فرعون وجنوده ونجا بها ونجا معه المؤمنون به. هذا من الإيمان سيدنا المسيح (عليه الصلاة والسلام) إنسان بشر إنسان عادي. هلي بيقولوا ابن الله بمعنى الله خطأ. لا عقل الإنسان يقبل ولا قواعد العلم تقبل ولو كان ابن الله كان لازم سيدنا موسى يعرف انه الله إلو ابن. لازم التوراة باعتبارها كتاب سماوي لازم يقول انه الله وابنه. لازم سيدنا ابراهيم يعرف لازم سيدنا نوح يعرف. ايه.. الله ما صار له ولد الا بعد عيسى؟ بالأول ابن الله بدو يكون قديم كقدم الله فالشاهد عيسى إنسان رسول لكن بإيمان النبوة اتصلت روحه بربها.. وصارت روحه مراية نقية صافية قابلت شمس وأنوار الله فانعكس صورة الشمس ونورها عالمراية فالمراية عكست النور لمن يقابلها والحرارة وصورة الشمس لكن المراية ما صارت شمس، شمس المراية هي صورة أما الشمس هيديك هلي في السماء هيديك الشمس الحقيقية. فالناس غلطوا المسيحيين فقالوا عن شمس المراية حقيقة الشمس هذا خطأ. لا. منقول الشمس في مكانها والشمس واحدة ويمكن إذا بتجيب 500 مراية بيظهر 500 شمس. وصفات الشمس بتظهر بالمرايا النقية الصافية. فهذا اسمه ايمان. لكن ما بيصير صاحبه إله. ولذلك هلأ الانسان المسيحي في أوروبا ألحد ورفض المسيحية لأنه المسيح عم بيقوم بتقليد الانسان ايه هذا ما صحيح. لا يقبله لا العقل ولا العلم ولا التاريخ. فالشاهد فسيدنا عيسى بهذا الإيمان وصلة القلب بالله صار يستطيع أن يحيي الميت لكن مرة مرتين أكثر من هيك ما فيه ايه لكن خلق البحار؟ خلق الشموس ؟ خلق الأقمار فالشاهد فالإيمان بطريق القلب والذوق والوجدان أعلى من الإيمان من طريق العقل والفكر والبحث. فالقرآن أتى بالمدرستين وسلّك الإنسان في الطريقين (أفلا ينظرون الى الإبل كيف خُلِقت).. ادرسوا الحيوان (وإلى السماء كيف رفعت) (أفلا ينظرون) يعني أفلا يدرسون يفكّرون ادرس الفضاء ادرس الحيوان.. (والى الأرض كيف سطحت والى الجبال كيف نصبت) ادرس الجيولوجيا طبقات علم طبقات الارض قوانينها كيف صارت الشغلة لحالها ما ممكن. البحار هلأ اذا واحد كان على سطح القمر بشوف الارض تحت منه يما فوق منه؟ بشوف الارض فوقه. شلون الارض فوقه والبحار ما بتسقط في الفضاء؟ فهالقانون الذي جعل البحار تمسك بالارض بجاذبيتها. هلأ نحن اذا واحد بالقمر بيشوفنا فوق راسه. يعني راسنا باتجاه رأسه. ايه فكيف ما عم نسقط من الارض في الفضاء؟ فهناك القانون الإلهي بيسموه قانون الجاذبية الله ذكره (إنّ الله يمسك السموات والأرض أن تزولا) ان تسقطا.. (ولئن زالتا إن أمسكهما من أحدٍ من بعده) فالشاهد فسورة النحل الله سمى السورة "سورة النحل" لندرس الحيوان ومن نوع الحشرات النحلة حشرة لكن هي من الحشرات النافعة ادرس قوانينها طبائعها اخلاقها.. لتستفيد من هذه العلوم ثم ترقى بدراسة درجة عليا فبتفكر من صنعها هذه النحلة بتكون ماية خلية نحل ما في نحلة ممكن تدخل بغير خليتها مع انه كلن متل بعضن البعض بتبعد كيلومترات عن الخلية بترجع لا تضيع ولا تضل قال: (وأوحى ربك الى النحل) فمن علمها صناعة العسل صناعة الشمع البراويز تبع الشمع كلها سداسية لو كانت رباعية ونزلت فيها فبتدم زوايا فارغة لو كانت دائرية من برا بصير في زوايا فارغة الدوائر مع بعضن البعض فمين ألهمها أنه تعمل بيتها سداسي مسدس حتى لا في الداخل يكون فراغ ولا من الخارج ومن غير مسطرة ومن غير شو بيسموه هدا بيكار ومن غير سنتمتر وما في ثقبة أكبر من التانية أو أصغر أو أعمق أو أغمق هذا يعني في اتقان طلعت من بطن امها معلمة بلا مدرسة بتاخد الرحيق من الزهر بيكون مائع وبتاخده الى الخلية بتجمده بواسطة المرواح الكهربائية الي عندها تبع الأجنحة حتى تروح الرطوبة وبصير جامد ايه بعد ما كان متل الماي فكيف بتاخد الشمع من الأزهار كيف الله جعل لها معدة بتاخد الرحيق القطر بتبلعه في مستودع في جوفها متل المعدة فهالمعدة بتضيف إلها مواد أخرى فبإمتزاج الرحيق مع عصارة المعدة تبعها يتكوّن العسل. فالله عم يقول ادرسوا الحيوان. كمان سمى السورة كلها بإسم الحيوان هذا كله لأجل دراسة الحيوان دراسة علمية لما تعود من نفع على الانسان في الحياة وبما تعود عليه بالفائدة بالدلالة على الله والتعرف على الله. شوف نظام خلية النحل إلها رئيس يسمى باليعسوب. هذا اليعسوب هو الملكة الملك ما له شغل الا انه يلد النحل من 15 ألف لـ50 ألف نحلة وما بيشتغل الا بتدبير المملكة. الذكور حول 400 الى 500 كمان الذكور ما لهم عمل الا تلقيح الملكة. فإذا لُقِّحت بيلتموا على الذكور الملكات بيقتلوهن ليش لأنه بيدمو بيلاعبها، في مملكة النحل البطّال يُقتل. البطّال الذي ليس له عمل يُقتل وليس منه فائدة للمجتمع والحيوان يحكم عليه بالإعدام. في منهن من النحل وظائفهن الحرس عند باب الخلية بيمنعوا الأعداء من الدخول. في منهن للتنظيف (النظافة من الإيمان) في منهن حاضنات لتلبية النحل الصغير في منهن شغالات. في منهن سَقّايات للماء. هالأمة من علمها من فهمها من وضع فيها مخها الذي.. والخلية في المخ إلها عمل من الأعمال مين جعل لها ارتباط بالخلية على بعد بالدم كارتباط اللاسلكي. مين صمّم؟ مين بيحسن يعمل عقد أو خلية النحلة؟ هدا كله قصد القرآن ذكر النحل وعنوان سورة النحل لأدرس علوم الطبيعة. علم الحيوان. سورة الفيل هدا حيوان آخر غير النحل. سورة العنكبوت الحيوان الضار. سورة البقرة الحيوان النافع. سورة النمل .. فالمسلمون الأول فهموا القرآن وأهدافه. فذكروا الله حتى وجدوا نوره في قلوبهم فكان ايمانهم ذوقيا وجدانياً محسوساً ملموساً حتى كان بعضهم يقول: "أصبحت كأني بعرش ربي بارزا" وكما قال النبي : (اعبد الله كأنك تراه) ايه اذا كنت انت في حال كالرؤية ايه عاد ممكن يتطرق اليك الشك؟ بعدين من هو الله؟ ما هو انسان يتعدى عليه انسان آخر بيضربه أو يذلّه فيبصق في وجهه أو يظلمه فيمتهنه ويذلّه. (الله فاطر السموات والأرض) خالقهم (جبار السموات والأرض) لا أحد أقوى منه. (عالم الغيب والشهادة) الغني العظيم القدير المقتدر الحنّان المنّان.. فمعرفة الله من طريق العقل والعلم بعدين من طريق القلب والروح والرياضة والتجرّد لله والذكر منهما يتولد الانسان العظيم عقلاً وعلماً وفهماً وحكمة. الانسان العظيم خلقاً واستقامة وأدباً وكمالاً. الانسان العظيم قلباً وروحاً واتصالاً بالله لا ينشأ من هذا الإنسان إلا إسعاد الآخرين والعمل على خير الخير وإيصاله الى كل الخلق لا إلى كل الناس فهذا هو هدف القرآن بل هذا هو هدف الاديان.. لكن الأديان مع مرور الزمن شُوّهَت وبتعدد الترجمات حُرّفَت. فالله تولى حفظ القرآن حتى الطريق الى الله لا يتشوه ولا يتبدل من اراد الوصول الى الله فها هو الطريق واضح مبين مستقيم. (وأوحى ربك الى النحل) الوحي هو التعليم بخفاء. يعني الله علّم النحلة لكن رأينا أستاذ يعلّمها؟ تعليما خفياً. (وأوحى ربك الى النحل أن اتخذي من الجبال بيوتاً ومن الشجر ومما يعرشون) يعني ما يبنون في بيوتهم. بعض الاوقات النخل بيعلق بالسقف بيدخل بين الخشب. (ثم كلي من كل الثمرات) يعني هذه القوانين علّمها صناعة البيوت ما بتحتاج الى مهندسين ولا إلى خرائط ونماذج على الورق حتى تدخل شكل البيت من الورق الى الواقع خريطتها في رأسها. وبتشوف بيوت موحدة ما كل واحد بيعمر على كيفه. النحل في الشرق مثل النحل في الغرب يعني متخرجين من مدرسة ومن معلّم موحد. قال: (ثمّ كلي من كل الثمرات فاسلكي سبل ربك ذللاً). قال الطريق الى صناعة العسل طريق الى غذائك ما في عائق عبّدت لك الطريق فالزهرة ابوابها مفتحة. والرحيق في الزهور ناضجة مستوية ما هي فجّة ولا عجرة واذا كان الطريق ضيّق جعل لها خرطوم بتمده وبتوظفه هي في الخارج. قال (يخرج من بطونها شرابٌ مختلفٌ ألوانه) بحسب اختلاف الزهور واختلاف الرحيق (فيه شفاء للناس) فيه شفاء للناس.. فما قال فيه الشفاء. لو كان الشفاء يمكن كان بيعمّ كل مرض. شفاء النكرة في سياق الاثبات لا تعمّ. في كثير من الاحيان يكون العسل شفاءً في احيان أخرى يكون غير العسل يكون شفاء. قال (إنّ في ذلك) يعني في التفكير في عقل النحل وعلوم النحل وصناعة العسل وبيوتها واستخراجها للرحيق من الزهور . شي آخر دخولها بالزهور لأخذ الرحيق والعسل. الله جعل الزهور متل الانسان ذكرا وأنثى فإذا ما صار التلاقح في الذكر والانثى ما بيأتي الولد. فالله جعل النحل من مهمته أن يلقّح الزهور بعضها ببعض. بتدخل بالزهرة بيعلق بإجريها الطلح يعني هيدا الأصفر يلي متل الطحين. هذا مثل نطفة الرجل بالنسبة للمرأة بتدخل من زهرة الى زهرة من زهرة ذكر الى زهرة أنثى فبتأخذ التلقيح من الزهرة المذكر الى الزهرة المؤنث. مثلاً عرق اليقطين الزهرة المذكرة بتصير متل بوري صندوق.. الزهرة المؤنثة نفس الزهرة لكن بسفلها في كوساية صغيرة كوساية هي أنثى فإذا صارلها نحلة تنقل الطلح من الزهرة الذكر بواسطة إجريها الى الزهرة المؤنثة بتصير الكوساية او اليقطينة او الخيارة.. بإذن الله. واذا ما صار بيصير طرح.. الدرة تلقيحها من غير طريق النحل .. الذكر براس الشبشول فوق في براس الشبشول حب صغير متل القمح وعليه غبار هذا بذر الذكورة والأنثى هي الحبة داخل العرنوس مغلفة. شلون بدو يوصل العريس للعروس؟ راس العرنوس فيها الشعيرات هي كل شعرة مبخوش ومثقوب داخلها. فالله بيبعت الهوا بيهزّ شجيرة الدرة فبينزل هالطحين هلي هو طلح الذكر الملقّح ففي قوة مغناطيسية بهالخيطان يلي براس العرنوس تجذب ذَرّة كل حبة إلها خيط. فالحبة هلي بتاخد ذَرّة من طلح الذكر من فوق بيصير حبة ذرة. وهلي منشوفه بوسط العرنوس متل سنان العجايز سنين والباقي ما سنان الحبة ما كبرانة فشو بتكون؟ طرح لأنها ما صارلها عريس يلقحها حتى تنقلب الى حبة ايش.. حبة درة. فهذا مين صنع الذكر مين صنع الانثى من خلق الحب مين جعل رزقها بالزهر. لو ما جعل رزقها في الزهر ما بتجي من هون لهون وهلي ما إلها شيء يغري ويطمّع النحل بعملية التلقيح متل الدرة ما في رحيق فجعل طريق تلقيحه بشكل آخر بطريق الهوا والخيطان الرفيعة والى آخره. فمن وضع هذه القوانين؟ من رتّبها؟.. هدا لحالو بيصير؟ مين هالخيطان يلي براس العرنوس مين بخشها بأنو مدأب؟ وإذا كان مدأبه طري ما بيصير بدو يكون يلي عم ينثقب قاسي وهي طرية. فهي لو البستاني قال له تعال اثقب هالخيطان الرفيعة حتى تتلقح كل حبة من حبات الدرة البستاني عاجز والدولة عاجزة ووزارة الزراعة والمهندسين الزراعيين عاجزين إذاً الانسان مع كل ما أوتي في هذا العصر من علم وقوة وعبقرية عاجز يصنع حبة درة ويلقحها. ايه طيب هيدي صارت بقدرة او بغير قدرة؟ بعلم او بلا علم بإرادة او بلا ارادة؟ فمن صنع هذا الشيء وصنع كل هذا الكون فهذا هو الإله. إذاً القرآن عم بيعلمنا انه كيف ما نظرت تجد الدليل على وجود الله. في الدرة في دليل في الورد في دليل في الذبابة في الناموسة. الناموسة البرغشة هي شو فيها مخ وأعصاب وخلايا وأشكال ألوان.. مين ركّب قلبها ورئتيها ومدد شرايينها وصنع أجنحتها.. لحالها؟ إذا لحالها انت اعمل لنشوف .. انت احسن من الصدفة. فهذه طريقة القرآن في اثبات الايمان من طريق العلم والفكر وأرقى من ذلك اثبات الايمان من طريق العبادة المحاطة بالذكر وحضور القلب مع الله فينتج عن ذلك الانسان العاقل المفكر الحكيم المتقن الانسان الرباني الملائكي ذو الأخلاق بكل ما فيه من انسانية وفضائل هكذا آباؤكم العرب تخرجوا من هذه المدرسة ببركة علوم القرآن وببركة المعلم الأول سيدنا محمد ابن عبد الله الذي تولى الله تعليمه لا بطريق كتاب ولا معلم انساني ولكن.. انت بتشوف القمر أد رغيف .. ايه هالرؤية هي انو القمر أد رغيف هيدا صدق يما كذب ؟ كذب.. إذاً العين تكذب أما القلب إذا صار لك قلب وانتعش وأحيي بالله (ما كذب الفؤاد).. إذا صار لك فؤاد هلي مبني من ذكر الله واسم الله وحضور القلب مع الله (ما كذب الفؤاد ما رأى) وبيصير (وما ينطق عن الهوى) اذا بيتكلم ما بيتكلم عن هوى نفس ومصلحة شخصية. اذا تكلم ما بيتكلم تحت ضغط غضب تحت ضغط حب وهوى لا يتكلم بل ولا يعمل إلا عن علمٍ وهدى عن نور وإيمان وتقوى فهو صائب العمل في التطبيق والتنفيذ وصادق القصد والارادة فيما يعمل لا يعمل الا ابتغاء وجه الله هذا هو الايمان هذا بعض مراحل الاسلام في نفس المسلم لما كان مدرسة الاسلام قائمة واستاذها هو الذي كان يبني شخصية الانسان المسلم. قال (يخرج من بطونها شراب مختلف ألوانه فيه شفاء للناس) لأبدانهم من امراضهم واستعمال العسل لكل مرض بحسب كمان القانون الإلهي. فإذا كان الآن صار في كتب وكلها أوروبية علمية في فوائد العسل ومعالجته للأمراض فلازم الأطباء باعتبار هيدي مهنتهم يدرسوا ويجيبوا هالكتب يدرسوها بدافعين بدافع انه هيدا اختصاصن أولاً مسلم والقرآن هكذا يقول. فلازم كمسلم يصل الى يقين منطوق هذه الآيات. ما تعب في تحليل العسل وملاءمته للأمراض الأوروبيين تعبوا. خود القمح محصوداً مزروعاً مطحوناً مخبوزاً خده كله بس عندنا كسل نحنا. الي عم ياخدوا شهادات كسالى. تنابل. مادام أخد الشهادة بيطبق الكتاب وبيفتح الجيبة.. شو هو. مع انه لو فتح الكتاب والجيبة ماعليش. فما هو طالب علم إنما طالب مال. فطالب العلم متل ما النبي وصفه قال: (منهومان) منهومان يعني جائعان وجوع شديد لا يشبعان (منهومان لا يشبعان طالب علم وطالب مال) فخود جهود الأمم علوم الأمم اشرح بها.. الآن غير المسلمين أقوى على تفسير الكثير من آيات القرآن أكثر من المفسرين المسلمين. لأن في اشياء كثيرة ما كانت معروفة للانسان فأتى العلم وتتبعات وتحريات العلم فشرحها فإذا بواسطة العلم تظهر معجزات الإسلام وأنه من عند الله. قال (ان في ذلك لآية لقوم يتفكرون) يعني ادرس النحل وعلوم النحل وقانون النحل وكيف الله علمها كيف ألهمها كيف أفهمها ما تحسن به صناعتها. كيف نظامها في خليتها في جمهوريتها ودولتها في نظام عملها ونظافتها ودراستها وهي حشرة فمنين عندها نظام أحسن من نظامك عندها نظافة أحسن من نظافتك. عندها ارتباط بقائدها ورئيسها أحسن من ارتباطك بقائدك ورئيسك. عندها امتثال لأوامر أميرها أحسن من امتثالك لأوامر أميرك. فهذه الأمور من أين حصلت ومن أي مصدر حصلت لحالها؟ هي الوردة ما اجت عالطاولة لحالها وهي القنينة ما تعبت بالعطر لحالها وهذا الكتاب ما تجلد وانطبعت الكلمات لحالهن. فهي النحلة تعلمت لحالها؟ جيب شي دبور وجيب كل اساتذة جامعات الدنيا من اميركا الى روسيا الى اليابان والصين وعلملنا دبور واحد يساوي صنعة النحل. انه لك انت كبير .. لك حجمك عضلاتك اكبر راسك أكبر.. لك غار هلي ما بيغار حمار فنحلة تطلع أد ربعك عم تشتغل ما في خواص.. فإذاً التعليم الإلهي.. مين علّم خشب المشمش يصنع الزهر يصير معمل زهر.. مين علم حطب الشوك تبع الورد يطالع من الشوكة وردا ومن التراب والطين عطرا وأريجاً مين؟.. قال (ان في ذلك ) في دراسة ذلك.. سواء النحل سواء الورد سواء النبات سواء الثمار.. التفاحة مين صبغها مين لمّعها مين عطّرها؟ مين ربطها بالشجرة؟ مين لما بتنتهي عمليتها بيعطيك اشارة بألوان التينة اسودت العنب احمر إذا ما بتسارع عطاك خبر انو اتفضل إلى المائدة الإلهية انت معزوم عند الله على حفلة عنب حفلة تين حفلة تفاح إذا ما بترضى بيسقطها بالأرض لحتى تاكلها الحشرات والحيوانات. فمين رتّب هالترتيب مين نظّم هالتنظيم مين وضع هذه القوانين (إن في خلق السموات والأرض) يعني ان في دراسة خلق السموات. السموات يعني هالنجوم في الفضاء دراستها خلقها نظامها سيرها سرعتها اشعاعاتها ماذا فيها. الله قال : (ومن آياته خلق) إذاً علامات على وجود الله وقدرته ووحدانيته (خلق السموات والأرض وما بثّ فيهما من دابة) يعني ما أوجد على ظهر الكواكب من مخلوقات منتشرة ومنبثّة. فالقرآن عم يثبت وجود الدواب التي تدبّ ما على الأرض فقط قال أيضاً في الكواكب (بث فيهما) بالسموات يعني في كواكب السموات. فالقرآن أثبت وجود الحياة والأحياء بشكل صريح واضح .. قال (وهو على جمعهم اذا يشاء قدير). يعني في امكان تلاقي سكان كوكب الأرض بسكان كواكب السموات هدا نصّ القرآن. (ومن آياته) الدليل على وجود الصانع الحكيم المتقن البديع (خلق السموات والارض) يعني كواكب السموات (والأرض وما بث فيهما من دابة وهو على جمعهم إذا يشاء قدير). يا ابني هذا دين العلم دين التقدم دين الرقي دين قرن العشرين وقرن الألف قرن الأول يسمع من الانسان الخام من الانسان الحيوان من انسان الأوثان وعبادة الأحجار ليصنع منه الانسان الحكيم الانسان الملك الرحيم الانسان العالم العظيم . الانسان الملك والقاضي العادل النزيه. ليجعل من المجتمع الانساني عائلة واحدة كنفس واحدة ليكون الانسان أسعد ما يكون في حياته هذا هو الدين وهذه هي أهدافه وهذه علومه. مع الأسف المسلمين الآن بدءً من العالِم الديني لا يعلّم المسلمين علوم القرآن حسب علوم القرآن وعلوم القرآن علم من طريق الأذن والعقل والفكر وهو العلم الأدنى والعلم الأعظم العلم من طريق القلب والروح والذكر فالإنسان جسد وروح والعلم أيضاً فكر وذكر وبهما يصير المسلم مسلماً والمسلمة مسلمة.. وبهما يصير الانسان انساناً. وإلا فهو حيوان اذا كان جاهلا غبياً بالعلوم أو هو شيطان إذا كان مؤذياً وضاراً وظالماً جائراً ماكراً مخادعاً. (إنّ في ذلك) يعني في دراسة النحل وحياة النحل ونظام وقانون النحل وعلوم النحل (لآيةً) يعني لدليلاً برهاناً على معرفة الله على وجود الله لكن لمين (لقوم يتفكرون) يستعملون عقولهم بالتفكير بالبحث بيستعملوا عقولهم بتتبع العلوم. أما ناس أوتوا أرضاً فأهملوها وأُعطوا طيارةً فلم يستعملوها بعد مدة بتجف دواليبها الكاوتشوك وبيصدي موتوراتها وبتصير غير قابلة للفائدة والنفع.. أو تُركت هباء فأنبتت الشوك.. كمان عقول لا تستعملها بالفكر وتتبع حقائق العلم وما تلبي نداء القرآن هو عم يقول (لقوم يتفكرون) يتفكرون يعني تفكروا.. يعني أدرسوا استعملوا عقولكم فموتور إذا ما استعملته بيصدي بيت إذا ما استعملته بيخرب.. مرأة اذا ما تزوجتها ما بتجيب ولاد. كمان عقلك.. المسلم عقله عم يحصره والمسلمة إذا كانت مرأة لو أخدت جامعة، بعد الجامعة بتتزوج عقلها لا يتعدى البويا على وشها لا يتعدى عقلها عقل المعزاية مع التيس افندي بتجبلها شي جدي جديين تلاتة اربعة واذا الله بيسلملها ياهن بيكبروا شو بيصيروا؟ بيصيروا تيوس. يعني ما بتعرف الا التناسل وما بتعرف الا تملأ الأمعاء وتستر الجسم.. هي القاق والقاقة كمان أفضل منها لا تحتاج لا لخياط ولا لبوطات ولا لمعامل نسيج ولا لزراعة القُبُن ولا لصوف الغنم ولا لخياطة الخياط.. فإذاً القاق والقاقة أحسن.. هلأ شفتوا قاقة عند خياطة؟ بتفصلها وبتطلع بعدين البدلة يمكن ما راكزة. فكانت المرأة المسلمة عقلها فوق الثياب كان عقلها فوق الطعام والشراب كان عقلها فوق الجسد وشهوات الجسد كان عقلها مشغول بالتفكر في معالي الأمور في الجهاد، في تحويل الأطفال إلى أبطال، الجُهّال الى علماء، في تحويل الزوج الى مجاهد الى مضحي الى باذل.. كانت المرأة المسلمة في منهن وُلِدَتْ في مكّة واندفنت بالصين مع زوجها كانت تقاتل وفي منهن في قبرص.. ما كان قتالهم وحربهم حرب عدوان. ولا استعمار كان حربهم لنشر العلم والتآخي بين الإنسان العربي والصيني، العربي والافريقي الأسود.. ما الانسان الاسود فقد حق انسانيته لسواد لونه.. النبي قال لما أبو ذر شتم بلالاً وقال له يا ابن السوداء وبلال شكى ابا ذر الى النبي قال له: يا رسول الله سبني وقال يا ابن السوداء. فالنبي استدعى ابا ذر وهو مُغضب ووبخه.. وقال له: انك امرؤٌ فيك جاهلية. يعني لسا ما صرت مسلم لساتك فيك جاهلية أما علمت أنه لا فضل لابن البيضاء على ابن السوداء الا بالتقوى. التقوى العلم والعمل. فرجع أبو ذر بعد هذا الدرس الى بلال. وضع خده اليمين على الارض قال له : أقسم عليك بالله الا أن تطأ بنعلك على خدي الأيسر. حتى هالكبرياء والعنجورية والتعالي على الانسان باللون الاسود والابيض يخرج من نفسه.. هذا هو الاسلام. هي الإنسانية هذا ما يتطلبه القرن العشرين لكن لا يصل اليه. في أمريكا الأسود لا يزال محتقر للون سواده. مع أنه الحمير الحمار الأبيض ما بيتعالى على الحمار الأسود. الحمام.. ما بيتعالى الحمام الأبيض على الحمام الأسود. ايه اعقل من الانسان الحيوان. (إن أكرمكم عند الله أتقاكم) . فالإسلام كنز مدفون محجوب عن العالم حجبه جمود الجامدين حجبه الايمان ببعضه واهمال البعض الأكبر حجبه فقد الحكمة حجبه التعصب المذهبي. حجبه أشياء كثيرة دخلت فيه الاسرائيليات ونحوها حتى شوهت جماله حجبه عدم وجود العارف الحكيم الرباني الذي يظهر الإسلام في أعماله ونطقه وحكمته وإرشاده وسلوكه فتاه الإنسان ضاع وضل يكاد ان يهلك. مبارح سمعت بالاذاعة بين روسيا وأميركا واعداد كل فئة للقنابل النووية. وما هني عم يرجفوا خوفاً من الحرب الجبال ترجف. هذا لو صار في اسلام تنقلب الذرة والنواة المنفلقة من عنصر دمار وهلاك الى عنصر حياة وسعادة. فمين بدو يصنع الإنسان الذي يحسن استعمال الذرة في الخير لا في الشر في السعادة لا في الشقاء في الحياة لا في الدمار الي بدو يصنعه العالم الاسلامي.. أين العالِم الذي يحوّل الشوك الى ورد ويحوّل الجهالة الى علم وأخلاق العلم والإنسانية .. هذا ما المسلمين فاقدينه العالم كله فاقده. ولا يمكن أن يكون الا في الإسلام. فإذا وجد عالِم الإسلام يعني هذا المهندس الإسلامي ومدير المصنع اذا كان على المستوى الجيّد يشكّل مصنع القرآن فبيطالع منه رجال وأي رجال انسانيّين ما سلميّين بالسلام لا.. السلام أن لا تؤذيني ولا أؤذيك. أما انسان الإسلام ان تسعدني واسعدك ان تحبني وأحبك ان تؤاخيني وأؤاخيك.. ان تعاونني وأعاونك.. هذا الإسلام. الإسلام ما اتى للسلام أتى للحب وللحنان ولتعاون الإنسان وجعل الانسانية كلها عائلة واحدة (وما أرسالناك الا رحمةً للعالمين). شلون العائلة الفاضلة متراحمة متعاونة متحابة تتبادل الإخلاص وتتبادل المصالح فيما بينها بلا هدف الا رضاء الله. هذا العالَم الذي أراد ان يبنيه الإسلام وسيكون ان شاء الله. قال (إن في ذلك) يعني في دراسة النحل (لآيةً لقوم يتفكرون). يعني يستعملون عقولهم. بالفكر والدراسة والتتبع حتى يدرسوا كل ما يتعلق بحيوان النحل فيستفيدوا من علوم الحيوان ويرتقوا منه من علوم الحيوان الى معرفة الرحمن ثم قال تعالى.. بمناسبة النحل كان النبي يقول فيما رواه البخاري يقول (شفاء أمتي في ثلاثة: في شرطة محجم ) يعني في الحجامة وإخراج الدم (أو لعقة عسل)، قالوا: "العسل يضرّ كثيره وينفع قليله، قليله ينيم -بينوّم- وكثيره يؤرِّق". كثيره يؤرّق. وقليله ينيم. (أو كيّة من نار وأنهى أمتي عن الكيّ). شرطة محجم يعني اخراج الدم. الآن صار بدل الحجامة بيحسن الواحد يطالع الدم من الشريان ويحطه في بنك الدم، فهالدم هلي بيطلع بيكون فيه كولستيرول وفيه حامض البول وفيه أشكال ألوان ففي الحال الجسم بيعوّض عمّا فقد بدمٍ جديد. فهالدم الجديد النقي هذا بيكون سبب الصحة والعافية. فإذا الإنسان فيه كل سنة يطالعله شي وقية دم ويحطها وين في بنك الدم. أولاً عملاً بالسنة صار إخراج الدم من هالطريق أهون من شرطة ايش من الحجامة والثانية الدمات ما بيروحوا ضياع واذا هو احتاجهم فيجدهم أحوج ما يكون إليهم. ثم قال تعالى يدلل على وجوده يدلنا عليه يعرفنا بوجوده بعظمته برحمته بشفقته من طريق العقل والفكر ريثما نعرفه من طريق الذوق والذكر والمجالسة والمصاحبة . قال (والله خلقكم ثم يتوفاكم).. مين خلقكم؟ (أفرأيتم ما تمنون) هذا المني يلي انت عم تمنيه.. (أأنتم تخلقونه أم نحن الخالقون) مين خلق المني نزل الدم الى الخصيتين معملين بيحولوا الدم الى مني لما بينضج بيطلع من طريق تاني الى مستودع المني الصلب يخزن المني هناك فمن حول الطعام الى دم والدم الى مني والمني لما يفرغ في محل الخلق والمني وحده ما بيصير انسان بدو بويضة من المرأة. المرأة كل شهر بتبيض بيوضة .. الجاجة كل يوم بتبيض بيضة. فلو الله جعل المرأة كل يوم بتبيض بيضة وكل يوم زوجها بيلقحها بتصير بسنتين تلاتة أربعة بيصير عندها شي 20 -30 -40 -50 ولد .. ليش كتّر بيضات الجاجة؟ بيضات الجاجة ما بيكلفوا شي بيعملولك لحم وبيعملولك بيض ومقلى بيض من أحسن ما يكون.. اذا كنت عندك تلات اربع ولاد ما عم تحسن ايش تحملهن. (فتبارك الله أحسن الخالقين). فالحيوان المنوي لما يفرغ في مكانه بتكون البيضة جاية من المبيض الى انبوب الى الرحم، فبنصّ الانبوب بيكون الحيوان المنوي دخل الانبوب والتقى مع البويضة فإذا كان الحيوان المنوي مذكر بيجي الولد صبي. واذا الحيوان المنوي مؤنث بيجي المولود بنت. فإذاً الذكورة والأنوثة مصدرها المرأة يما الرجل؟ فهلي بتجيب بنات الحق عليها يما على زوجها؟ تقول له: يا رجال انت نطفتك كلها اناتي. أنا بدي شفلي واحد تكون نطفته أنا بحب اني شفلي صبي.. فبينما الرجل من جهله عم بيحط الحق على مين على مرته انه ما بتجيب إلا بنات والحال هو ما بيجيه إلا ايش بنات. هذا من جهة. من جهة ثانية لاقى الصبي أفضل ولد.. الأفضل الانسان المؤمن العالِم. العالِم بعقله ودراسته بعمله وأخلاقه بوجدانه وضميره ذكر أو أنثى. في كل مرأة.. كل بنت أحسن من ألف ومائة ألف صبي. ستنا مريم أفضل من أمة. لأنه قال: (خذوا نصف دينكم عن عائشة). إذا البنت علمتها فأحسنت تعليمها ربيتها فأحسنت تربيتها نشأت مؤمنةً عالمة معلمة حكيمة وليّة وابنك طلع ابو جهل او ابو لهب أو حشاش أو سباب دين ايش الفائدة.. هلأ البقر بيفرحوا الناس بالتور اكتر يما بالبقرة؟ لأنها فيها منافع أكتر. لذلك (يخلق ما يشاء).. (يهب لمن يشاء إناثا).. قدم الإناث وأخّر الذكور قال (ويهب لمن يشاء الذكور أو يزوجهم ذكراناً وإناثاً ويجعل من يشاء عقيماً). المؤمن الكامل هلي من خصائص الله ما بيعارض الله في خصائصه. خلق فيه الحيوان المنوي ذكر ذكر.. انثى انثى لكن هو مكلف يربي الذكر ويربي الأنثى حسب تعاليم الإسلام حتى يكون الابن نافع للمجتمع ولنفسه والبنت نافعة للمجتمع ولنفسها. (والله خلقكم) الخلق ما كان إلنا فيه إرادة. ولا الله شاورنا. أوجدنا بهالدنيا من غير ارادة. بغير علم ما شفنا حالنا الا .. هلأ حدا منكم اجا الله شاوره بتجي ما بتجي؟ ما شاف حاله إلا.. ثم يتوفاه.. كمان الوفاة كمان ما بإيدنا. ما دام اجا الأجل بسبب انساني او سبب غير انساني ما بتشوف الا هالروح خلعت ثوب جسدها الذي ما عاد يصلح لسكن الروح فيه وتنطلق في عالم السماء بحسب ما اكتسبت من إيمان وخير وعمل صالح. إذا ما كانت من الصالحات (إن الذين كذبوا بآياتنا واستكبروا عنها لا تُفتّح لهم ابواب السماء ولا يدخلون الجنة حتى يلج الجملُ في سمّ الخياط) وقت الجمل بيفوت بخرم الإبرة بيفوت هيداك بيدخل الجنة. ما دام الجمل ما بيدخل بخرم الإبرة ايه هيدول ما بيدخلوا الجنة. هنا ستين سبعين تمانين سنة أما هناك .. هناك (خالدين فيها أبداً). (إنّ لك ألا تجوع فيها ولا تعرى * وأنك لا تظمأ فيها ولا تضحى) لذلك لعمق ثقافة المسلم الأول بزمن النبي كانوا واستعدادهم للنقل الى العالم الثاني.. اذا واحد جوازه مهيأه وزوّادته ومصاريه وقت الحج ما بيحب يروح أبكر من كل الناس؟. هكذا كان المسلم يتشوق للخروج من كوكب الأرض الى عالم السماء. كانوا محضرين. كانوا منورين كانوا كل الأوامر والطلبات هلي الله طلبها يأدوها بس عم ينتظروا الإشارة للنقلة الى عالم السعادة والخلود والأبد.. ولذلك الله قال (فتمنّوا الموت ان كنتم صادقين ) يعني في ايمانكم (ولن يتمنوه أبداً بما قدمت ايديهم) كلما كانت ذنوبك أكتر بتخاف من الموت أكتر. وكلما كان ايمانك أقوى تشتاق الى لقاء الله أسرع وأقوى. قال (ومنكم من يردّ الى أرذل العمر) أقبح العمر.. قال (لكي لا يعلم بعد علم شيئاً) بيصير لا يحفظ لا يتذكر لا يعي قال هذا نظام فمين وضع هذا النظام مين خلق مين أمات مين أطال العمر مين أخذ الانسان في مقتبل العمر؟ قال (ان الله عليم) يعني بصنعته بخلقه بنظامه بترتيبه قدير. ما متل ما بيعتبروا النصارى أنه عيسى هو الله وبعدين ضُرب ورُكل بالأرجل وبُصِق في وجهه هذا ما عاد يقبله الطفل الصغير لذلك الانسان المسيحي الاوروبي ألحد وهذا شيء ضروري أن يلحد ولو ما ألحد ما بيكون عادي وما بيكون مفكر اما المسلم اذا ألحد يدل على جهله بالإسلام وعدم ذوقه وعدم بحثه ومعرفته بالإسلام. (والله فضّل بعضكم على بعضٍ في الرزق) وفي العقل هذا عقله اكبر ذكاؤه أكثر أخلاقه أفضل وأكمل اكتسابه للرزق بتسلمه ادارة معمل بيتقنها ايه بدو ياخد راتب على حسب ما يعطي. واحد جابوه لعند القاضي عبد شاريه واحد قال له غشني فيه وطلع ما في عقل عقله قليل. سأله القاضي قال له أي رجليك أطول اليمنى يما اليسرى؟ قال له اليمنى. ايه بتصير الاجر اليمين أطول من الشمال؟ سأله سؤال تاني كمان.. قال له اذا هيك العبد معيوب يلزم رده. فالتفضيل في الجمال.. واحدة أجمل من التانية.. منعمل الجميلة متل القبيحة؟.. واحد أعلم من التاني منعمل العالِم متل الجاهل؟ (هل يستوي الذين يعلمون والذين لا يعلمون) هل يستوي المحسن والمسيء هل يستوي الفاضل والشرير كذلك في الرزق (والله فضّل بعضكم على بعض في الرزق) لكن اذا فضّل ما معنى ذلك ان نستسلم وان تبخل وتشح.. اذا الله فضّلك بدك تعرف فضل الله فتشكره على فضله فتصل أرحامك وتعطف على جيرانك وتمدّ يدك لكل من يطلب معونة لما نزلت هالآيات كان المسلم يُعطى في الصباح ألف دينار فلا يمسي المساء الا يكون وزعها على من يستحق. كان يصير غني الأغنياء بيعمر مسجد يعمل اوقاف الى جانب المسجد مدرسة ميتم يوقف الاوقاف لأهل الحاجات كان تفضيلن على الرزق ما كانوا يحولوه الى بخل الى انانية الى حرص الى شح الى طمع لا.. كانوا يستعملوا هذا الفضل في الفضائل يستعملوا هذا الفضل في البذل ومساعدة من لا فضل له من المال. هذه (فضله في الرزق) لأنه شخصيته واحد صار دكتور معه فورد.. واحد أمّي لا بيقرا ولا بيكتب. منعامل هاد متل هاد؟ واحد زكي بيصير رئيس أركان للجيش منعمله متل واحد أمّي منقول له انت صير رئيس أركان جيش؟ ما بيصير. والله يجعل الناس كلن سواء؟.. كمان ما بيصير. سيدنا موسى مرة قال : يا رب ليش عملت الناس أغنياء وفقراء لو أغنيتهم كلهم بيخلصوا من هالعذاب ومن هالذل والفقر ومن هالهوان. قال له هيك بتريد؟ قال له: ايه قال له: طيب. أصبحوا بيوم من الايام الله رزقهم لبني اسرائيل، نزلت مطر صار تلف على الاساطيح وناس مزاريبهم خربت وناس بلاليعهن انسدت وناس تكوّم التراب والرمال امام بيوتهم.. راح سيدنا موسى سقفه عم يتلف لعند الطيان والنجار يصلحله ياه قال له : يا نبي الله انا بطلت نجارة والطينة والله أغناني شو بدي بهالشغلة تعب.. راح لعند السنكري يصلح له المزراب قال له: والله يا نبي الله تركت الصنعة الحمد لله الله كفانا واغنانا. راح لعند يلي بيشتغلوا بالفعلة يشيلوا الرملات والطينات من قدام البيت قال له: والله يا نبي الله، الله أغنانا وكرّمنا وتفضّل علينا مشان نشتغل بالفاعل؟ في عنا هالغنى مشان ايش؟.. قال له : والله يا رب انت اعلم. رجّعهم متل ما كانوا خريطتك أحسن من خريطتي. وحكمتك أحسن من فهمي. لكن ما معنى ذلك أن نترك الفقير على فقره والمقلّ على اقلاله لا.. النبي قال : (ما آمن بي ساعة من نهار - هذا ما ذاق طعم الايمان ولا ساعة- من أمسى شبعان وجاره جائع الى جنبه وهو يعلم). الإسلام اذا فضّل هذا شيء قانون الطبيعة بلغة أهل الطبيعة.. قانون الله بلغة أهل الله. لكن بس القانون فرضه ما له كمالة ؟ ما له فصول اخرى مرتبطة بعضها ببعض؟ قال له: أغنيتك.. "الأغنياء وكلائي" –الحديث القدسي- "والفقراء عيالي، فإذا بخل وكلائي على عيالي أذقتهم وبالي ولا أبالي". منآمن انو الله فضلني والله اعطاني والله ما عطاك ايه روح موت من جوعك والله لا يئيمك وخليك تنشنق.. ما هيك .. بس هي الله قالها (وفضل بعضكم على بعض في الرزق) ما قال (يؤثرون على انفسهم) ما قال (وأقرض الله قرضاً حسنا) ما قال : "الاغنياء وكلائي" .. فالله يرزقنا يا ابني الفقه في الدين والحكمة في العلم. قال (والله فضل بعضكم على بعض في الرزق) قال طيب اذا واحد هذا خطاب لأهل الجاهلية.. اهل الجاهلية غني ما كان في عقيدته بأنه يجب عليه ان يعطي ماله ليساعد الفقراء حسب فطرته اذا سخي أو بخيل قال ايه انتو بالجاهلية اذا عندك غنى عم تعطي أموالك للفقرا وتتساوى انت وياهن؟ قال لأ. قال طيب.. عم تكرهوا التساوي فيما بينكم. فكيف يا عرب عم بتساووا بين الله وبين الصنم هذا اله وهذا اله..اذا انت تفضلت بالرزق ما عم بتساوي حالك مع الفقير.. كيف عم بتساوي الصنم مع الله؟ بتجعله إله مع الله؟ شلون الله خاطب العرب بحسب عقليتهم.. الله الخالق، الصنم ما خالق. رازق ما رازق. محيي مميت الصنم ما في شي .. كان العرب عقلهم كان بحالة موت حيث يسوّي بين الحجر وبين خالق الكون والبشر. بتكرار الآيات والحوار والخطاب بالمنطق والعقل ما بالسباب والشتائم وكلام الفحش والهجر. فبهذا الحوار بهذا المنطق بهذه الحكمة صاروا جمال التاريخ وجمال الدنيا وجمال العصور والدهور. وما لم العرب والمسلمون والعالم يرجعوا الى هدي الله وإلى مدرسة الله وكتاب واحد بيكفي لإسعاد البشر بس اذا صار له مع الكتاب المعلم المربي.. الشوك الورد الجوري المحمدي كم مدرسة وكم دراسة أخد حتى صنع العطر الورد؟ من طريق التعليم الإلهي "كن فيكون". كذلك أديش الآن في علوم في الدنيا الإنسان عم بيحصلها ليسعد ما عم بيوصل لسعادته. أما لو أتى من طريق القرآن الكتاب الواحد فدرسه فأحسن دراسته وفهمه. وصار له المعلم المربي حتى يحوّل الكلام الى اعمال بهالكتاب الواحد بيكفيه.. كما أسعد العرب والأمم في سابق الدهر كذلك القرآن لا يزال يملك القدرة على هذا (لمن كان له قلب أو ألقى السمع وهو شهيد) قال (والله فضل بعضكم على بعض في الرزق فما الذين فُضِّلوا)– يعني صاروا اغنياء (برادي رزقهم عما عملكت ايمانهم) الأغنياء عم يعطوا الاموال ولا عبيدهم يلي هنن مالكيهن وهنن قاعدين عندهن حتى يتساووا؟ قال لأ. (فهم فيه سواء) يصيروا متل بعضهن البعض.. قال انه ليش عم بتساووا بين الله وبين الأصنام؟ كيف عم بتساووا بين الله وبين المسيح؟ الله قادر.. هلأ الله بيحسنوا اليهود يعملوله أطلة؟ هلي خلق الكون والكواكب اليهود بيحسنوا يهينوا الله؟ لكن عيسى اهانوه ايه دليل انه عيسى غير الله. لأ اخواننا المسيحيين وهي أقولها أخواننا وقد قالها ابو بكر من قبلي. وانا قلتها واقول من قالها. (والى عاد أخاهم هودا) الخلاصة.. فالنصارى عم بيقولوا أنه من ذُل وضُرب وأُهين وحُقّر ثم صُلِب وقُتِل هذا إله ايه العقل ما بيقبلها. لذلك النصارى بأوروبا تركوا الكنيسة وتركوا الدين لأنه أصبح العقل لا يقبله. الإسلام فاقد رَجُله. رجل الاسلام.. فاقد مهندس الإسلام الذي يبني على عرسة وساحة القلب والعقل والفكر يبني الإسلام العلم والمعرفة والايمان والخلق والشخصية اذا وجد هالمهندس هو أعزّ وأشرف وأكرم انسان يمشي على الأرض لو راح الى الصين لو راح الى موسكو لو راح الى امريكا. انا ذكرت لكم أكثر من مرة قلت في موسكو استاذ جامعة اللغة العربية في جامعة موسكو روسي بعد حديث ساعتين ونص قبّل ايد الشيخ تلات اربع مرات. من كم شهر زارني مستشرق امريكي واستاذ في جامعة واشنطن بعد حديث ساعتين ما انتهى المجلس الا قبّل ايد الشيخ تلات اربع مرات. الروسي الشيوعي والأمريكي الغربي وكلاهما استاذ الجامعة بيقبلوا ايد استاذ الجامع. يا ابني الإسلام لا يزال جوهر. الجوهر والألماس ما بيرخص. الجمال والحسن ما بتنزل قيمه. الإسلام أعظم من كل جمال. الإسلام علماً قلباً خلقاً فلسفة حكمة منطقاً المفروض كل مسلم حتى لو كان عالِم ما بدو يقرأ القرآن؟ بدو يقرأ ليفهم ولينفذ بدو يقرأ ليعلم وليطبق. بدو يقرأ ليحوّل الكلمات الى أعمال إلى قرآن تبصره العيون لا كلمات تسمعها الآذان. بدو يحوّل القرآن الى نور يسري في القلوب فبيحيي الإرادة والعزيمة والصمود هذا الإسلام بهذا المعنى يا ابني ما في انسان الا يعشقه ومهما كان بعيد عن الدين ملحد في الدين لا. ما رأى الدين ولا ألحد في الدين جبناله فطيسة خاروف قام ما رضي ياكلها صرنا بنقول عنه انه بيكره لحم الخواريف. لك ايه خاروف فطيسة ودبابير ومدود صار له سبع ايام عالمزبلة أما خاروف محشي صنوبر وفستق ومطعم الأمرا ومدري مطعم وين وروايحه طالعة والساعة 2 .. 2:30 وانحط قدامك بتلحد يما بتآمن؟ بتآمن بإيديك يما يإيديك واجريك؟ جبناله عجوز من مأوى العجزة عمرها 95 سنة و7 أشهر ومفلوجة وخرفانة وريالتها شاطة وأواعيها كلها ملوثة بالنجاسات وبدنا نجوزه انه هي اخي انت بدك بنت عشرين سنة هي عمرها 95 هي أد 5 هلأ بتاخد ليرة يما 5 ليرات؟ بتاخد انتاية يما خمس انتايات؟ بتاخد غنمة يما خمس غنمات؟ هي احسوب كل عشرين بعروس انت آخد 5 -6 شو بدك احسن من هيك؟ ايه اذا بهالمنطق بيكفر بالمنطق وبيكفر بالعرسان وبالعرس وكل هلي بيقول له يمكن بيضربه شي ضرب .. اما يا ابني اذا جابوله ملكة جمال.. ما بدنا تكون بخمسة.. خليها 17 سنة – 16 سنة يا اخي.. بيمشي الحال هكذا الايمان يا ابني إذا أُحسِن عرضه وهكذا الإيمان والإسلام إذا أسيء عرضه. قال : (فما الذين فضلوا ) يعني في الرزق (برادي رزقهم) يعطوا رزقهم (على ما ملكت أيمانهم ) على عبيدهم (فهم فيه سواء) ما حدا لح يعملها ويسوي بينه وبين عبده. كيف أنتو بتسووا بين الله وبين عيسى؟ بين الله وبين الصنم (أفبنعمة الله يجحدون) اذكروا النعم يلي الله عم ينعمها عليكم.. خلق، رزق، سماء، ارض، شمس، قمر .. حياة، نبات، رزق.. مين خلقها هي؟ كيف عم تجحدوا وتنكروا فضل الله عليكم (والله جعل لكم من أنفسكم أزواجاً) جعل لك زوجة من نفسك يعني من نوعك من جنسك. لو ما خلق لك مرأة من جنسك ما في غير حمير بقى شو رأيكن؟ ما في.. الله عملك زوجة من غير جنسك او بغال ما في غير بغلات.. شو بتعمل بحالك؟ او انت شو بتعملي بحالك.. خلق لك من نوعك من الاختراع تبعك من الموديل.. (من أنفسكم أزواجاً وجعل لكم من أزواجكم بنين وحفدة) ولاد وأولاد الاولاد. فمين رزقك الولد مين صنعلك عيونه منخاره راسه رباه.. لما طلع معدته ما بتحسن تاكل قال لك: لا يكن لك.. الي بتعجز تعمله انا بعمله. حطّلو طنجرتين بصدر امه دائما طبخ طازة بمجرد ما يحط تمه.. بيترك بينسد اوتوماتيك. عالالكترون. مين؟.. هنا الله هناك ذكّرنا بوجوده.. هنا يذكرنا بحنانه برحمته بنا بعنايته بألطافه بعطائه.. هناك لنؤمن به، هنا لنحبه من طريق العقل والفكر فإذا أضيف اليه من طريق الذكر ومن طريق أن تعبد الله كأنك تراه فبتصير ملكاً في صورة انسان وبتصير في جنة القرب الإلهي وانت لا تزال على سطح هذا الكوكب الحزين. (ورزقكم من الطيبات)، ما بس خلقكم وخلق لكم من أنواعكم ومن جنسكم أزواجا وما بس عطاكم بنين وحفدة (ورزقكم من الطيبات) هي ورد يعني منستاهل نحن الورد؟ والله ما منستاهل. مين هي خلقها؟ الله. الله الغني عنا الملك العظيم. نحن الحقراء التافهين. هو يذكرنا يعتني بنا يتودّد الينا بما نحب نحن العاجزين المفلسين الضعفاء ضرب جواز مقابلة الله بما يغضب بما يمقت.. بس ورد؟ قال خدوا هي كمان ياسمين.. بركي بالورد ما بتبين معكن اذا ضفنا للورد ياسمين وكترنالكم النعم.. كمان زنبق كمان فل.. قال اعملولهن الورد خمسين شكل وكرمالها ضرب جواز وكفر وفسق وجهل.. حي على الصلاة ما بينادي.. حي على السينما ركيض.. حي على التراويح ما في .. حي على الرقص.. ليلة عيد الميلاد سلام هي حتى مطلع الفجر.. حي على القرآن علماً وعملاً الى مجالس العلم والحكمة علماً وعملاً "وإذا ذكر الله وحده اشمأزت قلوب الذين لا يؤمنون بالآخرة وإذا ذكر الذين من دونه اذا هم يستبشرون" "قل اللهم فاطر السموات والأرض عالم الغيب والشهادة أنت تحكم بين عبادك فيما كانوا فيه يختلفون. قريبا وغير بعيد ستنعقد المحكمة الإلهية وتُسَاق الى محكمة الله لو ملك لو رئيس لو عظيم لو ملياردار لو رئيس اساتذة الجامعات كله تسلبه وما بتاخد معك الا الكفن وشوية قطن وشوية كافور لا مرتك ولا ابنك ولا دهبك ولا رصيدك في البنك الا عملك.. والقاضي الله والشاهد عليك جوارحك وأعضاءك بيجيب فيلمك آخدلك فلم وبيأرجيك الفلم. أذان يسمع المادنة واصلة للسما والمؤدن بأشجى وأجمل وأعذب الألحان لا تستجيب.. السينما مزدحمة والجامع بداخله سبع تمان أشخاص تقرأ القرآن لا تفهم.. بتفتش عالخباز مشان الخبز عالكندرجي مشان النعل على بياع القماش مشان الثياب لكن بتفتش على العالم المرشد المربي الحكيم حتى يجعلك انساناً فاضلاً ومؤمناً كاملاً لتتحقق لك سعادة الدنيا والآخرة. فبكرا اذا وقفت بين ايدين الله وسألك هدا الورد لمين خلقته وهدا الياسمين وهدا الفلّ والزوجة والابناء والحفدة والنحل والعسل.. شو بدك تجاوب الله والسمع والبصر والعيون والشمس والقمر والمعدة والقلب والشرايين والزوج.. يا ابني المسألة ما مطولة (فإنما هي زجرة واحدة فإذا هم بالساهرة) نفس طلع ما نزل لا تقول شباب لا تقول غنى لا تقول حكم وسلطان الحياة والموت بيد الله (خلق الموت والحياة ليبلوكم أيكم أحسن عملاً). قال (وجعل لكم من أزواجكم بنين وحفدة ورزقكم من الطيبات). شو طلع من الله شي عاطل؟ شو طلع من الله شي ناقص؟ شو طلع من الله شي نسيانك؟ بقرة بتولد بتاخد ابنها بتدبحه بتشويه بتقليه وإذا نطحتك نطحة واحدة بتلزقك بالحيط. بتسلم لأمر الله بتاخد حليباتها القشطايات الزبدة السمنة.. القمر.. (الشمس والقمر بحسبان) كله بترتيب لو فوضى ودق القمر بالارض واصطدموا شو بيصير؟ هلأ القمر طلع أرض فعم بيدور بسرعة 50 ألف 60 ألف في ال24 ساعة . بهالسرعة اذا ضرب بالأرض والأرض ضربت فيه شو بيصير فيكن؟ فلو كان إلو موتور وصوت على حسب السرعة والثقل ايه كان الرعد كان أخف. لا بتسمع لا صوت ولا دخان ولا سموم ولا تغير البيئة.. فهذا الإله الرحيم الحكيم البر الكريم هلي خلقك من ذرة لا تراها العيون وجعلك سميعا بصيرا غنيا حاكما انسانا فاضلا لازم تنسى الله؟ تنسى فرائضه اوامره تعاليمه تبتعد عن مدرسته وكله من اجل اسعادك.. قال (أفبالباطل يؤمنون) بالأصنام بيآمنوا الباطلة (وبنعمة الله هم يكفرون) هيدول عرب وثنيين خوطبوا بالقرآن بعد مدة استجابوا وصاروا ابو بكر وصاروا عمر وصاروا خالد وصاروا سعد وصاروا سعداء وبالقرآن صاروا ملوك وبالقرآن توحدوا كانوا 500 قبيلة و500 مذهب. العرب قبائل قبائل هلأ ارجعنا قبائل باسم مذاهب علمية أو دينية. هذا اشتراكي وهذا ماركسي وهذا شيوعي وهذا سني وهذا شيعي وهذا شافعي وهذا حنفي وهذا صوفي وهي هي.. ليش؟ بعدنا عن مدرسة القرآن.. قرأنا القرآن بقلوب ميتة. قرأنا القرآن لا للعلم والعمل.. بل تركنا القرآن لا تلاوة ولا قراءة. فقدن?