مرحبا لكم جميعاً .. بدي احكيلكن ياها بأثناء الدرس يما بحكيلكن ياها قبل الدرس .. هي خاصة لطلاب العلم. أولاً في، تجدون كتير في كتب التفسير وغيرها ينسب إلى النبي حديث: (إن الله خلق آدم على صورته). بتتذكرها.. هيدا الجملة بنَصّها الحرفي مأخوذة من التوراة من سفر التكوين يلي هو الصفحة الأولى من التوراة. مما يدل على أنه مكذوب على النبي لأنه يصطدم مع قواعد ايش الإسلام. في السطر الأخير أو قبل الأخير بسطرين (وقال الله نعمل الإنسان على صورتنا كشبهنا فيتسلط على سمك البحر وطير السماء والبهائم وعلى كل الأرض وما يدب عليها فخلق الله الإنسان على صورته. فهي.. والمشايخ بيتحيروا بالتفسير وبالتأويل وهو كله بالأصل بدو نفض وكب لوين.. بعدين شو الفرق بين القرآن وبين التوراة. قال: (ثم قام في تلك الليلة -يعقوب- وأخذ امرأتيه وجاريتيه وأجازهم الوادي فبقي يعقوب وحده - فبقي يعقوب وحده- وصارعه إنسان- وصارعه إنسان- حتى طلع الفجر. سيدنا يعقوب تصارع مع انسان لإمتى؟ إلى طلوع الفجر. ولما رأى انه لا يقدر عليه ضرب حُقّ فخذه فانخلع حق فخذ يعقوب في مصارعته معه. وقال أطلقني لأنه قد طلع الفجر قال لا أطلقك إن لم تباركـني. فقال له ما اسمك؟ قال يعقوب. قال بل اسمك إسرائيل لأنك جاهدت مع الله). فهالإنسان عم يعتبروه ايش الله وصارت المصارعة بين يعقوب وبين الله. ومن قبل كانت الرواية انه مسكه من خصيتيه – هي غيروها شافوها الزمان ما عاد ايش يقبلها فصرخ.. انا بدي اذكر الرواية عند الدكتور – ههههه- الله يحفظه.. فصرخ آخ باركتك يا يعقوب بس اترك ايش اترك العدة.. ايه هاد عاد يا ابني اوروبا يما غير اوروبا بتآمن؟ هادا عاد ما بدو يصير إلحاد؟ نحن هيك في عنا؟ ف.. (وقال أطلقني لأنه قد طلع الفجر، قال لا أطلقك ان لم تباركني فقال له ما اسمك؟ قال يعقوب قال بل اسرائيل لأنك جاهدت مع الله والناس وقدرت). كانه مسكه مسكة – ههههه.. (وسأل يعقوب وقال أخبرني باسمك فقال لماذا تسأل عن اسمي وباركه هناك فدعا يعقوب اسم المكان فينائيل قائلاً لأني نظرت الله وجهاً لوجه ونجيت نفسي). لطفوها بإيش بهذا.. بهذا الشكل.
فهذا ايش رح سمعكم مقطع آخر بصفحة 601 بسفر أشعياء. وبس... (قال أُخرجن يا بنات صهيون وانظرن الملك سليمان بالتاج الذي توجته به امه في يوم عرسه. الاصحاح السابع: (ما اجمل رجليك بالنعلين يا بنت الكريم. دوائر فخذيك مثل الحلي صنعة يداي صنّاع. سُرّتك كأس مدوّرةٌ لا يعوزها شراب ممزوج).. كاس ما بتحتاج العرق انه هيدي بيشوفها بيسكر من غير ايش من غير ما يشرب. (بطنك صبرة حنطة) متل كوم القمح... ثدياك كخشفتين توأمي ظبية .. الخشفة .. البز .. لما بنت الغزال.. ف.. (عيناك كالبرك انفك كبرج لبنان الناظر تجاه دمشق رأسك مثل جبل الكرمل وشعرك –ههههه – وشعرك كأرجوان. ما أجملك وأحلاك أيتها الحبيبة باللذات قامتك هذه شبيهة بالنخلة وثدياك بالعناقيد) .. ايه هي الصلاة يلي بدو يصلي فيها؟؟ (ورائحة أنفك كالتفاح وحنكك كأجود الخمر).. هاه – ههههه – متل نزار قباني. (اشربوا كلوا ايها الأصحاب اشربوا واسكروا ايها الاحباء).. ايه طيب سكر وعرق ورذالة ودين.. الناس ما بدها تلحد؟ ف.. (يا اختي العروس قد سبيت قلبي بإحدى عينيك بقِلادة واحدة من عنقك.. ما احسن حبك يا اختي العروس كم محبتك أطيب من الخمر وكم رائحة دهانك أطيب من كل الأطياب.. شفتاك تقطران شهداً تحت لسانك عسل ولبن.. ورائحة ثيابك كرائحة لبنان. أختي العروس جنة مغلقة عين مقفلة ينبوع مختوم. عيناك حمامتان..) ايه كله من.. ف .. إذا صار إلحاد هناك شو ابني.. وإذا أنكر الأديان ايه هيدا كله شيء ايش؟ شيء طبيعي.. (فقال لهم ريفاقي هل إلى سيدك وإليك أرسلني سيدي لكي أتكلم بهذا الكلام أليس إلى الرجال الجالسين على السور ليأكلوا عذرتهم ويشربوا بولهم معكم ) .. متل هيدا يلي بيقول له كول كع بقى هي التوراة. هيك الله بيقول؟؟.. في آية تانية ما بيقول العذرة بيقول الخر الخي وري هيدا ايش؟ هيدا كلام الله... هيدا كلام الله ابني؟؟..
لذلك كلهم علماء الجامعات أثبتوا بطلانها وأنها ليست كتاباً سماوياً. يعني التحريف الذي نطق به القرآن لم يثبته علماء الإسلام وعلماء المسلمين بس آمنوا فيه ايمان اما الي أثبت التحريف وانه ليس كتاب الله هم علماء اليهود والنصارى. فنحن عم نعيش الآن بالنسبة لكثير من حقائق القرآن والإسلام عيالا على غيرنا هنن تتبعوا التاريخ تتبعوا العلوم تتبعوا الآثار حتى أثبتوا التحريف علمياً حسب قواعد العلم العصري. فالشيخ لسا ما بيعرف كيف يثبت التحريف الذي نطق به القرآن كتب التوحيد والعقائد ما بيقرّوا هالأمور هي كلها هالأمور لازم تكون مسجلة مكتوبة العلم العصري.. ال.. هلأ (يُضَاهِئُونَ قَوْلَ الَّذِينَ كَفَرُوا مِنْ قَبْلُ ) انه التثليث دخل على النصرانية من أديان وثنية أخرى. هي المفسرين آمنوا ايمان ما كان بزمانهم يوجد هالعلوم الحديثة .. العلم الحديث كله الآن أثبت انه التثليث في العقائد البوذية.. انا من اقل من شهر اجتني مجلة بوذية باللغة العربية فيها احدى صور التثليث : الأب والابن وروح القدس في العقيدة البوذية وفي الهند في مع ابن الله البكر وصلبه والعذراء ايه وكله... ايه هيدا ابني الشيخ اذا ما بيعلمه كعلم.. اما الهداية بدها قلب. الهداية بدها نور إلهي الهداية بدها أخلاق القرآن النبوية الهداية بدها جهاد وصبر الرجال يقين الأنبياء معركة الرسل والهدف اسعاد الخلق العملية عملية الطبيب مع المرضى. الطبيب لا يقتل المريض ولا ينوي له ايش السوء.
ابو سفيان اديش حارب النبي اديش قاتل النبي .. اديش كاد للنبي اديش روّح المسلمين.. قتلوا عمه حمزة وشقوا بطنه ومثلوا فيه وطالعوا كبده وأكلوه وأرطوه.. ومع ذلك لما علق فيه وبحسب قوانين الحرب بلا عهد ولا ميثاق قوانين الحرب لو النبي قطع راسه لا يُلام. مع ذلك ضم يلاطفه ويؤانسه من المساء إلى طلوع الفجر.. أسلم وهو كاذب.. حتى صارت معركة حُنين وهو كاذب، وأظهر الشماتة بأول الهزيمة لأنه كان منافق. لما صار النصر ووزعت الغنائم النبي أعطاه 100 جمل. فقال له لابني معاوية قال له: لأخوك مال .. أعطاه 300 جمل. هذا الداعي إلى الله .. هذا العمل الإسلامي. يأتي إلى ألدّ أعدائه الذي يريد هدم الإسلام واستئصال الإسلام وتخريب الإسلام. فالنبي شو عمل للعرب الي كانوا عادوا الإسلام هذا العداء صبر وحلم وأحسن وصفح وأكرم وأعطى فجعل منهم.. فجعل من ابي سفيان راحت عينه بإحدى المعارك وعينه التانية راحت بالمعركة ايش بالمعركة الثانية.
اعرابي معه جملين والنبي عنده بعض الأموال. قال له اعطتني من المال الذي عندك وليس من مالك ولا من مال ابيك وشد النبي شدة أثّرت برقبته. فالنبي (عليه الصلاة والسلام) قال له :(صدقت. هذا المال ليس مالي ولا مال ابي) .. شوف هالأخلاق خلي واحد يشدك من جبتك ويحاكيك هالكلمة ايه ويكون فيها حق لكن بس التنفيذ بالفظاظة والغلاظة شلون بدو يكون موقفك؟ إذا كنت العلماء ورثة الأنبياء بدو يكون فيك هالحلم وفيك هالسعة الصدر وهالأناة.. فقال له : (ولكن لي عليك القَوَض والقصاص) ليش شديتني انت هالشدة؟ ما لك حق انا بدي اطلب بحقي منك وشدك متل ما شديتني. النبي رئيس الدولة، ايه كان ما لازم يسلخه شي 20 كف؟ لازم كان يأمر بقطع راسه هي اهانة للدولة وشرف الدولة ومدري ايش.. قال له : (بدي منك القصاص والقوض).. قال له: (لن تستطيع ذلك).. ما بتحسن تطالبني بالقوض وبالقصاص. قال له : (ولم لا أستطيع). قال له : (لأنك لا تقابل السيئة بالسيئة ولكن تقابل السيئة بالحسنة).. شو.. فضحك رسول الله وعفا عنه واعطاه حملين حملاً من تمر على جمل والحمل التاني من قمح.
هذا العلماء ورثة الأنبياء.. بدو يكون طبيب بدو يكون حكيم بدو يحط الدواء والمرهم على الجرح. ما يحط السم.. بيكون مريض ينتقل من مريض إلى ميت لا يرجى له لا شفء ولا نجاة. فهي يا ابني ما بتصير لحالها .. هي بدها تربية وبدها قلب وبدها روح.. وبدها مجاهدة النفس.. (رجعنا من الجهاد الأصغر إلى الجهاد الاكبر جهاد النفس والهوى).. بدها تطيب القلب طهارة النفس تزكيتها (ان تحب للناس ما تحبه لنفسك).. في الكلام وفي الأفعال وفي الأعضاء وفي البديهيات .. يا ابني.. الله شو قال له للنبي: ((فَلَعَلَّكَ بَاخِعٌ نَفْسَكَ عَلَىٰ آثَارِهِمْ إِنْ لَمْ يُؤْمِنُوا بِهَٰذَا الْحَدِيثِ أَسَفًا). عم تركض وراهم مشان تنقذهم من الشقاء ومن الهلاك ايه رح تموت شو صاير عليك طوّل بالك عمرن ان شالله ما يهتدوا.. الله عم يقول له هيك وما في خلاص. (فلعلك باخعٌ) يعني مهلك نفسك على آثارهم.. هني هربانين وانت راكض وراهن. (ان لم يؤمنوا بهذا الحديث أسفا). مهلك نفسك أسفا.. إذا ما كان الشيخ فيه هالنفسية و فيه هالشعور وفيه هالصدق وفيه هالعطف وفيه هالرحمة وإلا الناس بتهلك يا ابني.. إذا كان بيكفّر هاد وبيلعن أبو هاد وبيحسد هاد وبيكذب على هاد وبيئفك وبيفتري حسداً أنانيةً غيرةً هادا ابني هادا.. هادا.. (يا ايها الرجل المعلم غيره هلا لنفسك كان ذا التعليم). هذا بدو رجعة عالمدرسة والمستشفى نداويه ونعلمه حتى يصير صحيح.. بعدين نعلمه الطب ونفحصه عملياً ونظرياً إذا نجح عند ذلك منعطيه شهادة ايش شهادة طبيب. وهيدا عنده شهادة انه قرا الكتاب. إذا كان مسلول وقرا كتاب السل وما استعمل الدوا يا ترى قراية الكتاب بتفيده شي من غير استعمال الدواء؟ يا الله... ايه.. ف..
الله.. الله يرجع الإسلام للمسلمين يا ابني. الله يهيء المرشدين المربين المهندسين الذين يتقنون بناء الشخصية الإسلامية علماً وعقلاً وخُلقاً وقلباً. هي واحدة في شيء تاني..
عم بيبلغني في كثير من الشباب من ابناء المسجد لما بيتزوجوا ما بيفكروا بالبنت الصالحة وبالزوجة التقية المؤمنة المهذبة المرباية بيمشي في موضوعه بقيادة مين امه هلي ما بتعرف غير حفر الكوسا.. والقباوات وبتعرف منخارة صغير.. الجردونة كمان منخارها صغير. والفارة منخارة أصغر. وبتعرف انه بيضة.. ايه في الحمارة بيضة ابيض من ايش ابيض من الكلس.. وطويلة ..يا سلام.. في الحية طولها اربع ايش اربع متار.. ما بتعرف الا جسد. أما تعرف تدرس عقل أو خلق أو ايمان أو علم. بيقول لك اخي ايه هيك اهلي.. ايه لكن انت روح .. روح اربط حالك بدنب الحمار وامشي وراه. النبي قال (عليكم بذات الدين تربت يداك).. هالابن الجامع يلي عم بياخد بنت الجامع عم بيشوف الكنز.. كنز السعادة.. كنز الأخلاق.. أحدهم الأستاذ سعيد الله يرضى عليه.. سعيد بغدادي لما تزوج بنت الجامع شهر العسل انا كان الاخوان عاملين سيران بالبسيط رحت لعندهم واذ شفت سعيد طالع هو وزلمته بشهر العسل.. سعيد مشغول عم يلقي لهم محاضرات ويعلمهم وتارك مرته بشهر العسل تحت الخيمة هي بتكون قريبتي وبكون انا خالها من الرضاعة.. دخلت عليها عم تتغسل تغسيل بعرقها.. هيدا شهر العسل بهالشوب ضهرية الحمرا وهاداك أخونا بالله نازل آخده الحال متمشيخ.. قلت لها : لك شو هاد؟ شهر العسل شو؟ .. قالت لي: ايه لكن .. قالت لي: انا بدي ساعده على الدعوة إلى الله .. قالت لي : لازم انا شجعه.. لازم ايش.. تشجعه.. قلت لها: يا بنتي لك ما بيصير.. قالت لي: لأ ما بيصير لازم.. الشيء يلي عم يعمله هادا ايش.. قلت لها : وانت عرقانة هلكانة مسلوقة سلق .. قالت لي : خليني انسلق خمسين سلقة.. بعدين جبته لهون قلت له: تعى لهون إذا كان هي هيك كمان هي آخدها الحال.. لكن انا ما آخدني الحال؟.. يلا قوم من بعد العصر بدك تطلع على كذا.. روح انت وياها.. الشاهد هَي بكرا انت منك فاضي تربي اولادك..انت بشغلك بعملك.. هَي.. هَي هِي المدرسة هي الام مدرسة.. لكن بس النقد بدي اجعله مضاعف يا مكعب.. لأن هي ابني هي كنز هي.. خاصة إذا كانت من طالبات المعهد يا سلام .. بس انا عم أخّر زواجهم وعم بمنعهم من الزواج كمان.. لكن البعض منهم لح اسمح لهم بشرط مواصلة ايش.. كما اني ما بسمح لواحد من الاخوان يتزوج إلا ياخد متل ما الله قال: ( وَلَأَمَةٌ مُؤْمِنَةٌ خَيْرٌ مِنْ مُشْرِكَةٍ وَلَوْ أَعْجَبَتْكُمْ ).. فإذا كان في شباب وفي جمال وفي علم وفي ايمان وفي قلب وفي ارشاد وفي دعوة وفي علم هي بتنوزن بتقلها الماس... انا محمد بالنسبة الك لح نعاملك معاملة خصوصية.. فلكن بهالشرط بدها تكمل ايش..بدها تكمل الدراسة.. يا سلام.. فما بتربي لك بناتك بدها تربي بنات الامة. وما بتربيها على دين جمود ولا تزمّت ولا تخلّف ولا رجعية.. الاسلام كله تقدم .. كله تقدم إلى العلا إلى النصر إلى العلم إلى العقل إلى العمل إلى الانتاج إلى الوحدة إلى المحبة إلى الإخاء..
هلي عم يتهموا الدين بالرجعية هيدولي مانن فهمانين.. أو شافوا بعض المنتسبين للتدين فظنوا أفعالهم دين. هادا خطأ. يعني إذا كان شوفور طمبرجي وساق السيارة وهوّرت بالناس وانكسر يلي انكسر ايه هادا اذا سب السيارة بيكون فهمان يما حيوان متل حكاية السويق؟ يعني السويق وهلي عم يحكم عالسيارة كلاهما في الرجعية سواء. سيدنا ابو بكر.. النبي.. مين وحّد العرب؟ مين مجّد العرب مين حفظ اللغة العربية.. مين مين اوجد الحضارة العالمية غير الامة العربية ببركة الاسلام.. لكن ابني الحق على المشايخ وكمان عالشباب ..يعني اذا رؤوا بعض الجامدين او المتزمتين او المغرضين او الله اعلم بدوافعهم بيصير يعمّموا الحكم ؟.. اذا رؤوا بردقانة معاينة بيحكموا على كل البردقان ما بينفع؟ إذا رؤوا شقفة بقلاوة ملوتة بالتراب بيقولوا اكل البقلاوة حرام.. كمان هذا هروب وكمان هذا ضرر.. وكمان هذه رجعية.. هذه رجعية وتخلف وهيدول عم يفهموا الدين متل ما الأوروبيين فهموا التوراة.. قرآننا ما في هالسخافات هي. وما فيه هالأمور التافهة.. هيدول كفروا لازم يكفروا.. متل البغل يلي حامل الملحات نزل بالنهر دابوا الملحات كان رح ينكسر ضهره فنجا.. أما نحنا متل الفرس هلي حاملة الصوفات إذا بدها تنزل بالنهر تقليداً بتكون حاملة 100 كيلو شو بيصيروا 500 كيلو؟ ايه بينكسر ضهرها.. فتقليد بلا فهم بلا علم بلا عقل بلا .. بلا انصاف.. بلا دراسة.. ف.. والمسؤولية علينا جميعاً.. ما رح حمّل المسؤولية انا على فئة.. كلنا مسؤولين.. فالله عز وجل يرجعنا إلى الحقيقة نعشق الحقائق ما يكون حكمنا ظالم ولا جائر .. ولا حاقد يكون حكمنا عادل معتدل بحنان الأبوة ودافع الإنصاف والإحسان.. النبي (عليه الصلاة والسلام) لو عامل العرب بمثل ما عاملوه لما دخل مكة شو كانت تكون النتيجة؟ ما خلوا نوع من انواع الحقد والعداء والقتل .. نغزوا الجمل ببنته فأسقطت وطرحت وأجهضت وماتت.. عمه حمزة شقفوه شقفة شقفة.. قطعوا مذاكيره ومناخيره وقلعوا له عيونه وشقوا له بطنه واكلوا كبده .. فمع ذلك قال لهم : (اذهبوا فأنت -ايش- الطلقاء).. هذا بالنسبة للأعداء فكيف العربي بيحقد على الاسلام؟ هذا ما بيصير. بيحقد على الدين؟ ما بيصير.. هادا مريض كمان نحن ما منحقد عليه كمان نحنا لازم نلتقي به لقاء الأخ لأخيه ونتفاهم لأن كل خلاف واختلاف لا يستفيد منه إلا اليهود. لا يستفيد منه إلا اسرائيل. لا يستفيد منه الا الاستعمار. فالله يلهمنا جميعاً الرشد..
اجتكم هالاستدعا.. عم بيقول نحن كنا قد تزوجنا سابقاً من غير بنات المسجد ومستعيدن للتكفير عن السيئات بالزواج مرة ثانية - ههههههه - من بنات المسجد فما رأيكم؟.... بدنا نغلّي نقدهن.. والله ان شاء الله ..لحتى نقدهن .. نقدهن الواقع ما بيتمن.. والله فيهن كل واحدة والله لو وزنتها بالأماس.. الماس أغلى.. أرخص .. هي أغلى .. حافظة لكتاب الله .. عالمة بدين الله ... صاحبة قلب صاحبة دعوة يا سلام .. شو.. لا .. لا هيدولي.. إذا كان بيحسن يصلح زوجته أما تنتين انا ما بوافق. والله ابني حصّنتن بالله. وهالثقافة هي ابني مفقودة الثقافة الاسلامية. علم مع التربية مع الدعوة مع .. ما بعرف اوصفهن.. بهالوقت هيدا شي ايش.. مفقود.. فإن شاء الله المفقود الله بيكتّره حتى تتوحد الأمة.
أنا ابني بنظر للأمة كلها من منطلق واحد. حتى لو كان مسيحي ... سيدنا مغيرة لما النبي أرسله سفير إلى المقوقس.. من جملة خطابه للمقوقس.. شو قال له مغيرة للمقوقس.. قال له: (إنا لا ننهاك عن المسيحية ولكننا نأمرك بها). وهي كلمة منقولة أيضاً عن سيدنا علي بن أبي طالب (رضي الله تعالى عنه) .. تعاليم سيدنا عيسى نحن نؤمن بها. المسيحيين لما شيعا .. تعاليم أكثرها تعاليم بولس هلي غيرت تعاليم سيدنا المسيح (عليه الصلاة والسلام) وهيدا كله ما من عندي انا ولا من عند المسلمين.. كله كلام علماء أوروبا.. فلذلك مهمة الإسلام يا ابني الجمع لا التفريق، والمحبة لا العداوة، والحنان لا الأحقاد والانتقام، والانقاذ لا الإهلاك.. يا ابني هيدي بدها أخلاق.. بدها سعة الصدر بدها دوام الدعوة بدها القلب النوراني ..( ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ).. شو النبي صنع من ابي سفيان هلي حارب النبي 20 سنة.. شو صنع منه؟ صنع منه وليّ حميم. هذا هو الدين. المتدين يرى أخاه المتدين يصلي ويصوم وعالِم وداعي إلى الله لا يسلّم عليه.. ولا يجلس إلى جانبه.. بإيحاءات الشيطان والكذب والأضاليل والافك.. و( ( إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ) لأ ما بيتبينوا.. و( (وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ).. بقول لأ ما أولياء بعض.. ((إِنَّمَا الْمُؤْمِنُونَ إِخْوَةٌ) بقول لأ ما انما المؤمنون اخوة.. وبيدعي انه هو سمسار الدين وهو تاجر الدين وهو يلي بدو يوزع دين وإسلام على.. هيدا اسلام سيدنا محمد ؟؟؟ والله هيدا اسلام الأهواء والأنانيات والتفريق والأحقاد وتشميت أعداء الإسلام والعمل لمصلحة اليهود من حيث يدري ومن حيث لا يدري... رح نروّح عليكم الدرس.. بس شو رأيكم بالنسبة لهيدولي يلي غلطوا بالزواج؟.. بتوافقوا ياخدوا واحدة تانية؟ آه؟.. ما في .. ما في .. هيدا شي نادر.. لسا عنا العدد ايش.. بعشر سنين ما منلحق لهلي موجودين بالجامع.. على أساس ما واحدة .. لو ينقسموا ما بينقسموا.. فإن شاء الله ربي بيصلح. يصلحنا جميعاً ..
ايه فنحن وصلنا إلى قوله تعالى : ((هُوَ الَّذِي أَنْزَلَ مِنَ السَّمَاءِ مَاءً ۖ لَكُمْ مِنْهُ شَرَابٌ وَمِنْهُ شَجَرٌ فِيهِ تُسِيمُونَ)
السوم هو الرعي وتسيمون يعني ترعون فيه أنعامكم وأغنامكم وجمالكم .. ((يُنْبِتُ لَكُمْ بِهِ الزَّرْعَ وَالزَّيْتُونَ وَالنَّخِيلَ وَالْأَعْنَابَ وَمِنْ كُلِّ الثَّمَرَاتِ ۗ إِنَّ فِي ذَٰلِكَ لَآيَةً لِقَوْمٍ يَتَفَكَّرُونَ) .. ((هُوَ الَّذِي أَنْزَلَ مِنَ السَّمَاءِ مَاءً ۖ لَكُمْ مِنْهُ شَرَابٌ وَمِنْهُ شَجَرٌ فِيهِ تُسِيمُونَ)حياة (ومنه شجر) سواء شجر كبير أو كان شجر الكلأ الربيع.. فيه -في هذا الشجر- من اوراقها إذا كانت شجرة كبيرة أو حشيش الربيع وكلأه إذا كان صغير.. (فيه تسيمون) يعني ترعون دوابكم.. (ينبت لكم به ) ايضاً (الزرع).. القمح والشعير والأرز والبطاطا وما شابه (والزيتون والنخيل والأعناب ومن كل الثمرات إن في ذلك) - يعني في دراسة ذلك.. في التفكير في ذلك .. في دراسة تشريح النبات.. في دراسة كيفية انزال الماء من السماء.. في كيفية تحويل وتحوّل البزرة الى زرع الى حصاد إلى حبوب الى ثمر الى زهر الى الوان الى عطور الى رحيق تأخذه النحل لتعمل منه العسل.. (ان في ذلك) يعني في دراسة وبحث وعلوم وتفكير في ذلك لآية يعني لدليلاً وبرهاناً يدلّ على وجود الله وأن هناك صانعاً خالقاً مبدعاً واضع قانون هذا الوجود الذي على أدق ما يكون بلا خلل ولا نقص ولا عيب.. هذا الماء الي عم تشربه من السماء منين كان وين مستودعه ؟ كان مستودعه في البحار. مين طالعه من البحار بالدلو أو في الموتورات أو بالبواري أو بنقل الرجال أو بالقِرب أو بالسطول.. وانت شو عملت مجهود شو حطيت مال شو صرفت من وقت لحتى تروح على بحر بيروت.. وتطالع مي من هنيك وتصفيه من الملح المصافية الاصطناعية الي بيعملوها في مثل الحجاز عم تكلفهم مئات الملايين ومع ذلك بتطلع الماي فيها ايش فيها شيء من الملوحة.. ما بتتصفى ايش .. تمام.. .طيب هي إذاً بدها نقل وبعد النقل بدها تصفية.. وبهالماء المصفى بدها مستودعات تُحفظ فيها.. ففي مستودعات بيحطها بالعالي برؤوس الجبال ثلجاً مجمداً يذوب طول مدة الصيف وفي مستودعات في باطن الأرض ولها مصافيها من الرمال بيخليها محافظة على برودتها في وقت ايش الشتاء. فمين اشتغل هالشغلة ومين رتب هالترتيب ومين وضع هالخطة الخمسية الثالثة.. خطة الخمس سنوات خطة العشر سنوات خطة المليون سنة.. فمين بيطالع الماء من البحار بخاراً مصفىً من أملاحه.. الشمس خانم.. هيدي الشمس مين على مسافة 93 مليون ميل يعني قرابة 150 مليون كيلومتر بيننا وبينها مسافة، لو كانت اقرب من ذلك مسافة لتبخرت البحار ولم يبق فيها نقطة ماء.. ولو كانت أقرب إلينا من ذلك لتجمدت البحار ولم يتبخر منها نقطة ماء، رغم انه لا الشمس ثابتة ولا الارض ثابتة ماشيين بسرعة الف كيلو متر في الساعة؟ بسرعة 3000 كيلو متر بالساعة اسرع من الصوت؟ سرعة الأرض حول الشمس 107 آلاف كيلو متر في الساعة.. و الشمس كمان الها من السرعة بعد بمثل هذا او اكثر من ذلك حول شمس اكبر منها وكلاهما يدور حول نفسه.. وفي فلك.. يعني طريق وسكة وشارع لا تحيد عنه مليمتر بالمليون سنة وسرعتها ما بتتناقص بالمليون سنة ولا ثانية واحدة ولا كيلومتر واحد عن السرعة المنظمة. فمين وضع للشمس خطها وفلكها.. ومين وضع للأرض خطها وفلكها. مين ضبط سرعتها.. مين أوجد محروقاتها.. البترول عم يغلا.. فلو كانت الشمس حرارتها من البترول وغلي ونقصت الشمس على نصف حرارتها ما بتبخر الماء من البحار ما بصير سحاب ولو صار سحاب وضم فوق البحر متل غطاء الطنجرة ما بيطلع منها البخار وبيعلق بغطاء الطنجرة لكن وين بينزل بعدين؟ بينزل من المحل هلي خرج منه.. فلو ما السحاب نزل فوق البحار ما استفدنا.. من البحر وإلى البحر.. فبيرسل الرياح.. ( (وَهُوَ الَّذِي أَرْسَلَ الرِّيَاحَ بُشْرًا بَيْنَ يَدَيْ رَحْمَتِهِ ۚ وَأَنْزَلْنَا مِنَ السَّمَاءِ مَاءً طَهُورًا)
. (أَلَمْ تَرَ أَنَّ اللَّهَ يُزْجِي سَحَابًا ثُمَّ يُؤَلِّفُ بَيْنَهُ ) - يزجي يعني يسوق بيرسل الرياح ليسوق السحاب. فأنت بتحسن تعمل قانون لحرارة الشمس لمسافاتها وهي متحركة بسرعات خيالية مع هالسرعات المسافة عم بتضم مزبوطة بحسب ما يأمّن كل هذه النتائج حتى تستقر الحياة والهناء والسعادة للإنسان. فهل فكرت في ذلك هل فكرت في صانع الشمس مصمم الأرض هل فكرت فيمن خطط سيرها وضبط سرعتها وضبط حرارتها حتى تكون منها هذه النتائج؟.. فالله عم بيقول لك: (ان في ذلك).. في هذه الدراسات في هذه العلوم في تتبع قوانين هلي بيسموا الطبيعة.. لا شو هي الطبيعة هي بتعرف تعمل قوانين بهذا النظام؟.. الطبيعة ما لها عقل ولا فكر متل هالعضاضة.. متل هالحيط. الحيط بيحسن يعمل قوانين بيحسن يعمل نظام؟ وملايين السنين مضبوط بلا خلل، بلا خطأ يعطي هذه النتائج الهائلة ف.. (إن في ذلك لآية).. لدليلاً برهاناً يدل على وجود الله.. وفي كل شيء له آية تدل على انه واحد. الملحد بيقول لك ورجيني الله.. أرجيني الله.. لأنه متل الحمار ما بيعرف الشي الا بالنظر .. فالحمار بيحسن يثبت وجود الهواء؟ الهواء ما بينشاف بالعين.. الهواء يُعرف بآثاره من تحريكه للأشياء بالنسبة للانسان العادي. اما بالنسبة للانسان المتعلم الهواء عم يفرّغوا البلور من الهوا عم تكون فارغة من الهواء.. فالعالِم بيعرف انه هون في هواء في اوكسجين ما في اوكسيجين.. القمر ليس فيه هواء.. فالريحة الطيبة بيقول لك انا ما بآمن بالريحة الطيبة لحتى تأرجيني ياها.. ليش الريحة الطيبة تُدرك بالعين ام بأعصاب الأنف؟ هاه.. بأعصاب الأنف. الروح.. المنام.. المنام يُرى لكن هل يُرى بعين الرأس أم بعين اخرى؟.. الروح بيقولوا: طلعت روحه.. لأ كذب.. شفتها انت بعينك انها طلعت؟ فصغر عقل الانسان بإسم العلم وغروره بالعلم. فظن أنه إذا صار عنده علم الهندسة صار يعلم كل شي حتى يعلم الطب. بيكتب المهندس والطبيب.. والنجار والطيان والمبلط، ليش لأنه اخد شهادة هندسة فلازم يعرف ايش- كل شي.. والخياط والطباخ والشوفور وعامل السيرك.. اخي انا مثقف، معنى مثقف يعني انا بعرف ايش - كل شي.. وكمان بدو يحكم بالدين انه هادا صحيح وهادا ايش غير صحيح.. ولا درس الدين ولا علم الدين ولا صار له المعلم ولا المناقشة تقليداً أعمى وغروراً وجهلاً مركباً.. مثل ذلك النحوي.. ذلك النحوي المغرور .. فسأله واحد قال له: (ما فعل أبوك بحماره؟) بقى بدو يبين حاله انه هو صار ايش نحوي قال له: (باعِه).. شو قال له .. بدل ما يقول له باعَه.. شو قال له باعِه.. قال له: (ليش قلت باعِه قل باعَه .. باعه فعل ماض)... قال له : (انت ليش قلت بحمارِه؟) .. قال له : (بحماره في حرف جر (ب)). قال له: (انا كمان باعه في بباعه (ب)). قال له: ( ال(ب) تبعك ما حرف جر. تبع (بحماره) حرف جر). قال له: (كيف باؤك تجر وبائي لا تجر؟).. هذا قال عم يحكي بالعلم.. عم يحكي.. فهذا يقال له : زادك الله جهلاً يا خطيب يما علماً ؟ هذا.. هذا مغرور.. فأنت طبيب ما درست الدين بدك تدرس درست طب في كلية الطب على الاخصائيين بدك تدرس الدين دوّر على اخصائي حتى يفهمك بأنه انت دون الطفل لأنك لم تدرك وجود الخالق العظيم.. بتثبت انه مروحة الكهربا هي الها 50 مهندس و50 صانع.. والمذياع الو 50 صانع والتلفزيون الو 100 صانع. وهندسة وعلوم وإلخ.. هالكون كل شي في هذا الوجود دماغ الناموسة السويلخة لاحظ كيف خرطومها الضعيف بيخرق في جلدك وبيمتص الدم كيف عندها من العقل مين عطاها هالمزراب المثقوب. مدما تحركت أقل حركة بتعرف صار عليها خطر بتطير.. الجرثوم الكريات البيضاء.. الحمراء.. خلايا الجسم.. هل تتبعت الصانع المهندس المبدع؟ فإن درست (ان في ذلك لآية ) يعني لدليلاً وبرهاناً على وجود الله على وجود الخالق العليم الحكيم الرؤوف الرحيم.
عندك كريات بيضاء في الدم هي تقتل الجراثيم... إلى نسبة معينة في وقت الصحة المعتدلة .. إذا صار معك امراض انتانية او جراثيم في الدم.. حالاً تتوالد ووين الجرثومة وين الدملة ؟ في ضهر كفك؟..كل هالكريات البيضاء كلها بتتجه نحو العدو المهاجم حول الدملة.. ما منشوف غير صار ورم وصار حَمار.. هادا الحمار اثر المعركة بين الكريات البيضاء وبين الجراثيم.. والعملية يلي بيصير قيح وعمل هي الكريات البيضاء الي استشهدت في المعركة دفاعاً عنك.. خلق الله لك جيشاً حارساً ( (لَهُ مُعَقِّبَاتٌ مِنْ بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ ) (وَمَا يَعْلَمُ جُنُودَ رَبِّكَ إِلَّا هُوَ ).. فأنت بتشيل العملات وبتتقذرهن وبتكبن وبترميهن ولو عرفت الحقيقة يمكن كنت بتعمل بتعملن القبر الجندي المجهول .. هيدوليك دافعوا عن الوطن اما هيدول دافعوا عنك شخصياً.. حتى استشهدوا لا قصّروا ولا توانوا ولا ظنوا بالحياة وقالوا من اجل هالفاعل التارك هالكاف واللام والبا... هلي بينكر وجود خالقنا ما بيعترف عليه نحن كمان خلينا ما نعترف عليه وخلي الجراثيم اتفه شي تقتله. ما بيفعلوا هيك.. لأنه مأمورين من قِبل الخالق الرحيم الكريم الحليم على كفره وعلى الحاده، والحاده الحاد الجاهل المغرور، الحاده من نوع باعِه، قياساً على (ما فعل أبوك بحماره).. فأديش هادا فهمان واديش مسقف هادا بالكاف هادا سكافي.. ما ثقافة.. فيا أسف على امة لا تعرف العلم ولا تفتش عنه ولا تقدره..
انا زارني كان في وفد الماني جايي بزيارة رسمية يزور البلاد.. رئيسه بروفيسور في جامعات برلين. جلسوا عندي ساعتين ما تكلمت بكلمة الا سجولها. الا كتبوها.. بيقعدوا مع رجال السياسة لا بيكتبوا ولا بيسجلوا ليش عم بيشوفوا شيء شيء جديد.. شيء غريب.. شيء مستغرب. هي الأمم الراقية هي الأمم المتعلمة تتعشق الحقيقة تبحث عنها إذا رأت مظنة لها تعطي كل طاقاتها وكل اهتمامها.. فالله يرجّع ما المسلمين .. الله يرجّع العالم إلى ربهم.. لأنهم اذا رجعوا اليه دخلوا في السلام دخلوا في السعادة في الاخاء في العلم في الحضارة في التقدم.. الامة العربية بماذا تقدمت؟ بماذا تحضرت؟ بماذا توحدت؟ بماذا انتصرت؟ بماذا صار لها المكانة العالمية؟ بماذا خُلِّدت لغتها؟ فهل يفكر العرب بهذه المعاني؟.. لما على مذهب (ما فعل ابوك بحماره شو قال له ؟ ايش باعِه).. فإذا كان النحوي تبعنا هيك يا سلام على هذا النحو وعلى هذه الفصاحة..
لذلك اسرائيل يمكن بضم بالبلاد العربية ألف سنة وما بتتزحزح.. وكان بالأول خريطتها من النيل الى الفرات الآن عملت خريطتها إلى منابع البترول.. وبكرا بتعمل خريطتها الى كل الجزيرة العربية.. على مذهب البومتين يلي خطبوا لبعضن البعض.. اذا ما بيرجعوا العرب الى الاسلام لا الإسلام يلي عليه الناس بيسموه اسلام لا .. هذا ما اسلام هذا ظلم للاسلام.. نرجع الى اسلام القرآن الى اسلام فهم القرآن الى اسلام القلب القرآني النفس القرآنية نرجع الى اسلام ما كان عليه سيدنا محمد وأصحابه، اسلام العلم العقل الفكر الأخلاق الانسانية العدل الاخوة الحب العمل البناء الاقتصاد التصنيع التكنولوجيا بناء السدود تعمير الصحارى .. هيدا كله. هيدا كله اسلام. اخونا بالله فهمان الاسلام متل ما فهمان انه باعِه حرف جر، ليش بحماره الباء بتجر والباء في باعه ما بتجر.. فإذا كان هيك بدنا نفهم العلم والثقافة، يا هنيئاً للعرب بثقافتهم ام يا تعاستهم.. هي صار الجامعات 40- 50 سنة ولساتنا متخلفين.. هي الصين هي كوريا فيتنام اليابان كانوا كلهم امم متخلفة لكن هم مع العلم حرصوا على الأخلاق، حرصوا على التربية.. فعلم بلا اخلاق ولا تربية قد يوقع في الغرور وفي التخلف وفي الانانية.. فالله يرحم الامة العربية.. لكن إذا نحنا ما طلبنا وأخلصنا ان نرحم انفسنا الله ما بيرحمنا.. الله قال: ( اذكروني -ايش – اذكركم) .. (ان تنصروا الله ينصركم) .. (والذين اهتدوا - هلي بيطلبوا الهداية- زادهم هدى وآتاهم تقواهم) .. أما اذا صرنا اعداء الهداية واعداء الله واعداء القرآن وأعداء الاسلام من طريق واحد جاهل او متزمت او حاقد او عميل باسم الدين يسيء الى الدين بإسم الدين لينفّر من الدين. فما قرينا التاريخ ما درسنا القرآن ما درسنا حياة النبي ما درسنا كيف كان العرب نترك كل هذه الأمور.. ومنصير من الذين يستمعون القول فيتبعون اسوأه.. متل يلي فات على بيت الملك وراح رأساً على ايش على التواليت الخربان كمان.. شو شفت ببيت الملك؟ بيصير عاد بيوصف شو شاف بالكوع تبع ايش؟.. فإذا كان هذا وجهة نظره معناته هذا جردون لأن الجردون إذا فات لبيت الملك وين بيقعد؟ جنب الملك؟ بيقعد بخزانة الكتب؟ بيقعد بصندوقة الحديد عند المجوهرات؟ ..بيعرف وين المحل المخصص الو.. النحلة اذا راحت طلعت من عشها وين منشوفها؟ ما منشوفها الا بين الزهور.. تأخذ العطور تأخذ الرحيق (فيه شفاء للناس) ومع ذلك الله.. مع انه هي ذبابة ومع انه هي بعوضة .. شرفها تشريفا أنزل سورة سماها باسمها سورة ايش النحل. اما فيه سورة الجردون؟ .. لكن يا ابني.. الله يجعلكم نحل.. نحل يعني مثل النحل.. لا تأكلون الا الطيبات ولا تجلسون الا على الطيبات ولا توجدون الا في الفراديس وفي الجنان. (هو الذي انزل من السماء ماءً).. لما بينزل المطر قول له تعى لدلك على الله شايف هالمطر.. لما بتشرب الكأس الماء قل له بتحب دلك على الله ارجيك الله لكن ما بالنظر هلأ نحن منشوف المهندس ومخترع المروحة يما منشوف المروحة منقول اذاً في مهندس وفي مصنع وفي مخترع. ف.. قال : (لكم منه شراب) من الشراب تكون الحياة. من الشراب يكون اعتدال الجسم.. من الشراب بيصير عملية الهضم، من الشراب بيتركب الدم بتنوجد الخلايا (ومنه شجر) سواء ذو خشب او شجيرات صغيرة متل الحشيش قال: (فيه) في هالشجر والأعشاب (تسيمون) يعني ترعون ايش (أنعامكم ودوابكم).. بس للرعي؟ قال لا.. أيضاً شراب ومرعى (وينبت لكم به الزرع والزيتون).. مشان تاكل كاتو تاكل بقلاوة.. تاكل خيره وبتعبد غيره.. وتكفر به بدل ما تشكره.. كنت حيوان منوي وكنت بيوضة .. فوين خلّقت وانت حيوان منوي؟ خلقت في خصيتي والدك.. ليش ما عملك تخليقك بالدماغ بالكتف بالصدر؟.. عرفانك اسود راس.. عرفانك تاكل وتنكر.. عرفانك مغرور متكبر.. ومع ذلك لما طالعك كمان ما طالعك لا من منخار ابوك ولا من تم ابوك.. طالك من مجرى البول.. ودخلك لا من ادن امك ولا من كتفها كمان في مجرى البول.. ورد طالعك من مجرى البول بيعرفك اسود راس.. والدليل على ذلك اذا صار عندك شوية مصاري اعطاك الشباب قوة الشباب جمال الشباب اعطاك الجاه اعطاك الحكم اعطاك السلطان ما بشوفك الا طغيت وبغيت وكفرت وفسقت وعصيت وبغيت وتعديت ولا تؤدي فرائضه ولا تتورع عن محارمه، لا تهتم بوصاياه وتعاليمه . ايه وبعدين شو بدو يعمل فيك ؟ شو بدو يعمل فيك بدو يتركك؟ ( (أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْ إِلَيْنَا لَا تُرْجَعُونَ)فتعالى الله الملك الحق لا إله إلا هو رب العرش الكريم. هادا الخدود تبعك بكرا الدود بدن ياكلوهن والشفف بدن يسلتوا والمنخار الارنبة تبعه بدها تروح وبدك تصيري جمجمة وبعدين كمان بدك تصيري تراب.. لكن اعمالِك وأعمالَك لو كنت ملك المشرق والمغرب لو كنت ملك الملوك رئيس الرؤساء اغنى الاغنياء عالم العلماء اجمل ملكات الجمال لا تنغرّ( فَلَا تَغُرَّنَّكُمُ الْحَيَاةُ الدُّنْيَا ۖ وَلَا يَغُرَّنَّكُمْ بِاللَّهِ الْغَرُورُ) اذا كنت حاكم او ملك اذكر من كان قبلك.. في العصر الحديث أو القديم.. القديم فرعون والنمرود ..والحديث هتلر وموسوليني وتشرشل وروسفيلت وستالين وين صفيوا؟.. الاغنياء وين صفيوا.. الجميلات والجميلين وين صفيوا؟ فلا تنغر لا تغر الغرور خسارة، الغرور خيبة، الغرور ضياع، الغرور هلاك.. الي بيشرب السم مغتر فيه انه من ماء الفيجة ايه بدو السم يفعل مفعوله وغروره ما بينقذه وجهله.. ان في ذلك لآية، قال هي علوم طبيعية، قال ادرس الطبيعة بحسب لغة الزمن وبلغة القرآن ادرس ( (هَٰذَا خَلْقُ اللَّهِ فَأَرُونِي مَاذَا خَلَقَ الَّذِينَ مِنْ دُونِهِ ).. اذا كان هي الطبيعة هذا صنعها بيدل على عقلها على علمها على اتقانها على دقتها على اختيارها على ارادتها.. اما ممكن لما خلقت الانسان الطبيعة لا عقل لها هل من لا عقل له يستطيع ان يصنع من له عقل؟ الله يرحم الصافي النجفي كان يقول: (هل في عيون الملحدين عماء ام في عقول الجاحدين غباء؟ أيصح عقلاً ) يعني هل يصح في دين العقل وشرعته أيصح عقلاً (ان عقلاً مبدعاً) العقل هلي ابدع الطائرات والصواريخ والتلكراف واللاسلكي والتلفزيون وإلخ.. أيصح عقلا في لغة العقل ان عقلاً مبدعا (قد اوجدته طبيعة عمياء؟ واذا الطبيعة أوجدت وتصرفت).. إذا كان عندها هالعقل وهالعلم وهالارادة وهالدقة وهالابداع .. (قلنا الطبيعةُ والإلهُ سواءُ).. لأ نحن منسميه الله.. إله.. إله يعني ينبغي ان تتوله وتتعشق له القلوب .. ليش؟ خلقك من شوية بطاطا اذا منقول لك يا شوية بطاطا وشوية فجل وشوية كزبرة لا تزعل، لأن من الكزبرات والمجدرات صاروا شوية دمات راحوا الى الخصيتين، الخصيتين صنعوا الحيوان المنوي.. والبويضة نفس العملية هيداك يمكن يكون من شوية مسبّحة وشوية فول مدمس وكلن ما بيسولون شي ورقة سوري نص ورقة سوري.. فهلأ صرت تبرم شواربك وتحطي حمرة شففك وما تتعرفي على الله.. ايه بكرا لما بيحطوك بالكفن وبيشلحوك اواعيك.. والطقومة والموضات وبعدين بيحطوك بالعلبة متل علبة السردين.. بتقولوا ولي على قامتي دخيلكن ما تحكوا هالحكي.. طيب هالشي حقيقة واقعة اديش عقلك قليل تقولي دخيلكن لا تحكولي عالدلف اي انا بيكش بدني اذا قالوا الأسطوح بالليل.. إي اذا الكلام بيدلف فإذا اجت الشتي ونزلت السقف عليك بالمزاريب شو بدو يكش بدنك؟ هاه.. اذا كان من اسم الموت بتخافي فبكرا اذا اجاك عزرائيل وعيونه عم تشعل شعل، وبإيده كرباج من نار، وقال لك: يا عدوة الله يا هلي اهملت اوامر الله. هذا هلي خلقك من لا شيء.. ( هَلْ أَتَىٰ عَلَى الْإِنْسَانِ حِينٌ مِنَ الدَّهْرِ لَمْ يَكُنْ شَيْئًا مَذْكُورًا)هل اتى.. هلا كنتو قبل 100 سنة موجود حدا منكم؟ ما كنا كلنا عدم؟.. هلا هلي صار بيك وهلي صارت خانم وهلي دكتوراه وهلي ليسنساه ولي بأبو رمانة ولي بأبو بطيخة .. هلا شافوا حالن على الله ؟.. ايه بكرا منشوف لما بيحطوك بالكفن ولي على قامتي دخيلكن ما تحكوا.. لك ايه الكفن اذا اجا لكن شو بتعملي بحالك؟ السهلية لا تحكوا.. مكتب دفن الموتى لا تحكوا.. اليوم اسمك خانم بكرا اسمك جنازة بكرا اسمك قبر بكرا اسمك شقية.. او سعيدة. مؤمنة او كافرة.. فكوني مؤمنة وطبيبة.. كوني مؤمنة وغنية كوني مؤمنة وجميلة.. كون غني وحاكم وعالم وطبيب ومهندس ومؤمن وتقي.. وايمان وتقوى هي التي ما تضعف العقل هي التي تغذي العقل وتكمّل العقل وتدفع إلى التقدم.. العرب هيدوليك كانوا عرب، هيدوليك لما فهموا الإسلام حق الفهم بحسب مقتضى اللغة العربية وطبقوه فصاروا خير واعظم وارفع امة اخرجت للناس. والآن نحن بالعربي ما عم منعرف نحكي.. خطنا بالعربي ما منعرف نكتب.. شوف مكاتيبه متخرج من الجامعة ما بينقرا خطه .. باللغة العربية ما بيعرف لا بالنحو ولا بالصرف ولا بالبلاغة ولا بالكتيبة ولا بالعقيدة ولا بالتاريخ.. وقال اسمه ايش عربي وهو بدو ينصر ايش العروبة وبدو يعادي المبدأ الذي وصلت به العروبة إلى أفق السماء. من جهة إلو عذر لأنه ما عم يظهر الاسلام بحقيقته يا ابني.. بدنا نطعمي الناس صبّارة بشوكها اذا كمان انا بعذر الناس. لأني انا ما رأيت انسان لا عربي ولا عجمي ولا شرقي ولا غربي ولا شيوعي ولا غير شيوعي ولما قدم له الإسلام كصبارة مقشرة ومنقاية ومن البراد.. هلي ما بيحب الصبارة بهالشكل يرفعلي اصبعته.. خلى يكون شيوعي. إذا ما بحب الصبارة معناته ما فيه ذوق. ولا فيه فهم ولا فيه عقل.. هيدا ما شيوعي هيدا مجنون.. انا الشيوعيين بألمانيا الشرقية كلهم شيوعيين وكلهم من كبار الشيوعيين وكلهم اساتذة جامعات كلن رجال دولة كلن بفضل الله قالوا لو كان الإسلام ما تقوله فنحن مسلمون. ف. لكن طعميهن الصبارة.. الصبارة صبارة ابني من اللوح وباللوح قل له افتح تمك بيقول لك لك ما فيك ذوق ايه تمي هالأد عرضه وجايبلي لوح هالأد عرضه.. هيدا بدو تم حمار.. فإذا كان بدنا نعمل الدين هيك وكفرنا عاد بالدين وبالصبارة كمان الناس ايش معذورين.. لكن اذا انت رحت لعند فران وشفت خبزاته محروقين ورفضت الخبزات بتضم على هالفران يما بتدور على فران تاني وتالت ورابع لحتى تشوف الخبز المناسب اذا بدك شقفة جوخ بياع الجوخ ما شفت الجوخة يلي على كيفك.. ما بتروح لعتد تاني وتالت ورابع بتروح على بيروت بتوصي من اوروبا.. لجسمك هيك بتعتني ولقلبك ولخلودك الأبدي ولدينك وآخرتك بل ولدنياك ووطنك ولعروبتك ولقوميتك بل لإنسانيتك وعالميتك لازم تكون أحرص.. لكن هلي بيعرف الالماس بيعرف شو يدفع له من تمن وهلي ما بيعرف الاماس يمكن ما بيشتري الالماس يلي بتسوى 100 الف دولار ما بيشتريه من السوق.. بيقول لك .. يمكن بيشتري حق تبع الخل بأكثر مما يشتري ايش الالماسة يلي يمكن بتغنيه لولد ولده.. قال: (وسخر لكم الليل والنهار).. لو خلق لكم النهار لبلا ليل . ( (قُلْ أَرَأَيْتُمْ إِنْ جَعَلَ اللَّهُ عَلَيْكُمُ النَّهَارَ سَرْمَدًا إِلَىٰ يَوْمِ الْقِيَامَةِ مَنْ إِلَٰهٌ غَيْرُ اللَّهِ يَأْتِيكُمْ بِلَيْلٍ تَسْكُنُونَ فِيهِ ۖ أَفَلَا تُبْصِرُونَ ).. قال.. رأيت في بعض المجلات العلمية قالوا : لو كان نهار ولا ليل لأن الظلام لا بد للإنسان منه. لان خلايا الدماغ اذا استمرت حياة الانسان في النور بلا ظلام تتفجر وتضمحل وتتلاشى.. خلايا الدماغ اذا راحت يعني الانسان .. قال : (لتسكنوا فيه).. وجعل النوم سباتا.. يعني راحة.. لما بتنام بأثناء العمل من اجهاد خلايا الدماغ بتتحلل املاح تختلط بالدم فبينتزع تركيب الدم وبيضعف بتضعف بنية خلايا الدماغ بالنوم فهالأملاح رد بترجع إلى خلايا الدماغ وبتستعيد ما فقد منها والدم يتصفى مما دخل فيه مما هو من غير جنسه. مين رتبلك هالترتيب؟.. خلق لك النوم خلق لك الليل خلق لك الراحة.. (وسخر لكم الليل) هيدا الليل منين اجا.. ولو كان كمان كله ليل ما في شمس لا بيطلع معكن ولا رز ولا قمح ولا مشمش ولا بطاطا ولا حياة ولا مطر ولا.. ليل ونهار ومتعاقبين وهو الذي جعل الليل والنهار خلفة إذا راح واحد بيخلفه التاني وإذا راح التاني بيجي التاني .. وحياة خالك ماني مفارقك.. فلم؟ ما هي الحكمة؟ ما هو السر؟ قال : ( (وَهُوَ الَّذِي جَعَلَ اللَّيْلَ وَالنَّهَارَ خِلْفَةً لِمَنْ أَرَادَ أَنْ يَذَّكَّرَ أَوْ أَرَادَ شُكُورًا) اذا بدك تتذكر الله وتؤمن بالله انظر في الليل والنهار او اراد شكورا.. عرف الله عرف فوائد الليل عرف فوائد النهار الضو الظلام الشمس عكسها، بتقول يا الله.. ايه اديش بدنا نشكر الله، لو كان نهار بلا ليل أو ليل بلا نهار لو كان ليل بلا نهار اديش بيكلفكن بس حق كهربا وبعدين ما بيطلع شي والارض ما عاد تصلح للحياة ولو كان نهار بلا ليل كان المزروعات ممكن تحترق وخلايا الدماغ يمكن تتفجر والحياة تنعدم فإذاً خلق الليل والنهار خلفة ايه عاد لازم نشكر الله نقول له: يا رب ما احنّك ما اعظم حنانك احسانك رحمتك عطفك عطاءك كم نحن غافلون كم نحن جاهلون كم نحن نعلن عصيانك والحرب على شريعتك التي ليس لك منها فائدة ونفع انما النفع والفائدة مردودها كلها إلينا وعلينا. ابني (انه كان ظلوما جهولا) ظلم نفسه ام ربه وجهل بالحقائق ام علمها.. فالله يبعت للناس المعلم. صار طبيب مما معناها يعني تعلم يعمل سفيحة.. جيب رئيس كلية الطب وقل له خود هي اللحمات وهي العجينات والبصلات والملحات واعمل لنا شي كم ارص سفيحة بيقول لك : انا ما من اختصاصي.. ليش منك دكتور ومثقف؟ لك انا مثقف بالطب.. ايه اعمل لنا هالكندرة هي مفخوتة رقعلنا ياها بيقول لك: انت عم تحقرني عم تدعي اني انا سكافي.. هي علم وثقافة السكافية.. ايه اذا كان علمك محدود بشيء وبتحتاج لعلم تاني ليش ما بتاخده من اهله؟ واذا ما رأيت الكفاءة والكفء ليش ما بتدوّر عالكفاءة؟ إذا قصدت واردت ايه كل شي بتوصل إليه لكن منا عرفانين قيمة الالماس لذلك ما عم ندور عليه، وقد نراه في محل العرض ما بنبذل الثمن في شراؤه كل ذلك سببه الجهل. (وسخر لكم الليل والنهار).. الليل والنهار تسخيرهن بسبب دوران الأرض.. فحجر طاحون اذا بدنا ندوّره بدنا موتور كم حصان؟ اذا معمل شركة الخماسية بدنا ندور آلاتها بدنا قوة كهربائية بكم حصان؟ فإذا الكرة الارضية هي كم حصان بدها لحتى ندورها؟ وكم طن مازوت وبنزين كل مازوت السعودية وايران وباكو وروسيا وفنزويلا ومدري ايش يمكن ما بيدوروا الارض ربع دورة.. وبعدين هلي ليل بضموا على ليل وهلي نهار بضموا على نهار.. وثم هالموتور هيدا قرقعته موتور بشي خمسين حصان بيملي الدنيا صراخ وقراقيع ما بتحسن تنام.. فإذا كان دوران الارض موتورها بدو يقرقع على حسب قوة الموتور اذاً ما بيضم فيكن ولا طبلة ادن الا تنفخت.. ومنصير بلغة ايش.. الطرشان.
ايه منقرا القرآن لألفاظه لمعانيه لعلومه لنصل بذلك إلى معرفة الله لنحبه لنعشقه لنطيعه ليعطينا سعادة فوق سعادتنا.. وعلما فوق علومنا ما طلب منا الايمان بالغيب..طلب منا الايمان من طريق العلوم .. قال: ادرسوا الطبيعة ادرسوا النبات ادرسوا الفضاء ادرسوا الجغرافيا ادرسوا دوران الارض ومن طريق هذه العلوم اعرفوني وهذه الدراسة هي دينكم. دين هو هذا، دين يجعل العلوم سلماً إلى الايمان.. ويقول: الايمان الحق ما اتى من طريق علم الفضاء من طريق علم الزراعة من طريق علم التشريح من طريق علم الاقتصاد من طريق علم الصحة والطب.. هذا دين ابني هذا بدو امم راقية.. احد كبار الألمان بعد كم حديث قال لي: اي دلني على بعض تفسير يكون حديث لحتى ازداد من دراسة ايش القرآن. رأساً هيدا بجلسة جلستين الزلمي بدو ايش بدو يزداد علم، ليش لأنه ربوا الاوروبيين على عشق الحقيقة وعشق البحث عنها.. نحن علومنا وشهاداتنا وثقافتنا بياخد الشهادة لحتى يجمع له شوية مصاري لحتى ياكل ويشرب ايه بتاع سوق الها هيدا ريّح حاله لا تعب حاله علق عقله بالبصلات والبطاطات ويخنة واطبخ عم بيجيه اكتر من استاذ الجامعة اذاً هيداك افهم وازكى.. بأوروبا طلب العلم ما للمال... وهيدا بياخد الشهادة بيطبق الكتاب وبيفتح جيابه وبيفتح بطنه. هيداك بيخاد الشهادة بعد الشهادة بيضم بيزداد علم من المهد إلى اللحد. كأنما حديث (طلب العلم من المهد الى اللحد) كأنه هم المسلمون ونحن الكافرون بالإسلام - إلا القليل والقليل النادر..
ان شاء الله العرب بيرجعوا الى عروبة محمد عروبة ابي بكر وعمر عروبة هلي عم