سبق معكم في مسيرة الاسلام وبناء المجتمع الاسلامي بيد مهندسه الاول خاتم النبيين والمرسلين انهم عرضوا عليه بحسب زعمهم حلا وسطاً ان يعبد الههم محمد يوم وهني بيعبدوا الهه شهر.. ومحمد يعبد شهر وهني بيعبدوا الهه سنة فالله ردّ عليهم لأنه حق وباطل لا يلتقيان ولا يجتمعان وانزل الله تعالى سورة (قل يا ايها الكافرون ) بهذه المناسبة وانزل ايضاً (أَفَغَيْرَ اللَّهِ تَأْمُرُونِّي أَعْبُدُ أَيُّهَا الْجَاهِلُونَ ) (بَلِ ٱللَّهَ فَٱعْبُدْ وَكُن مِّنَ ٱلشَّٰكِرِينَ) وتارة قالوا للنبي ﷺ (ائْتِ بِقُرْآنٍ غَيْرِ هَٰذَا أَوْ بَدِّلْهُ) هذا عم يسبّ أصنامنا وآلهتنا وعم يهاجم ديننا جبلنا قرآن ما يهاجم يكون حيادي.. فأنزل الله تعالى (وَلَوْ تَقَوَّلَ عَلَيْنَا بَعْضَ الْأَقَاوِيلِ) القرآن عم يجي من عند الله .. النبي ما له علاقة.. اذا بده يجيب قرآن من عند حاله لحتى يرضيهم فاذا فعلها وتقوّل على الله ونسب الى الله ما ليس صادراً من عند الله قال (لأَخَذْنَا مِنْهُ بِاليَمِين) منقطع ايده .. ( ثُمَّ لَقَطَعْنَا مِنْهُ الوَتِين) عرق القلب كمان منقطعه.. ( فَمَا مِنْكُمْ مِنْ أَحَدٍ عَنْهُ حَاجِزِينَ) .. فالايمان يا ابني ايمان النبوة او ما بعد النبوة البنّاء والمهندس لا بد ان يكون له صلة بالله اما من طريق الالهام او من طريق انشراح الصدر بيعرف من طرف الله افعل او لا تفعل.. هذا طالب العلم بده يصير مهندس بعد النبي هذه صفة الصلة بالله ما موجودة معه لذلك بده يشتغلها بنفسه.. بنفسه ما بيحسن يبني امة.. يبني امة هو والله سوا.. طالب العلم ما مزكى يا ابني فضلا عن ان يكون مزكي شلون بده يبني اسلام؟ هيدي وحدة.. يعني ما بيصلح ان يكون قدوة.. ما بيصلح ان يحمل اخلاق الداعي.. ثانياً ما عنده الحكمة العقل الاداري لبناء الاسلام..اذا اقتضت الحكمة الشد بيشد اذا اقتضت الحكمة الرخي بيرخي.. يُداس على عنقه وبيصبر اذا اقتضى الامر لذلك النبي ابيح الخمر في اول الاسلام والميسر الى ما بعد احد.. مع انه الخمر والميسر مؤذي.. لكن ما في في المجتمع طاقة تحمّل التحريم.. فهي كلها طالب العلم رأساً بده يعمل الاستاذ متل الاسلام قبل وفاة النبي بكم يوم .. هالطاقة والقوة صارت الدولة بيد النبي.. انت شو في بيدك؟ عم يعمل اسلام بوسيلة الدولة انت ما في بيدك شي.. وتارةً من جملة مراحل الدعوة وبناء المجتمع للاسلام .. النبي تارة كان جالس مع زعماء قريش .. ابو جهل وعقبة وامية والوليد وعم يعرض عليهم الاسلام بالمنطق والاسلام يلي بتقبله عقولهم.. محاسن الاخلاق .. الاصنام احجار لا تضر ولا تنفع.. بعدين قال لهم : هل ترون بما اقول بأساً ؟ يلي عم بحكيلكن ياه ما معقول؟ فقالوا : لا بأس.. معقول.. بينما هو يحاورهم جاء عبد الله ابن ام مكتوم وكان ابن خال خديجة وكان رجلا اعمى وأسلم في مكة والنبي مشتغل بأولئك القوم وقد رأى منهم مؤانسة وطمع في اسلامهم.. فصار ابن ام مكتوم يقول : يا رسول الله علّمني مما علمك الله .. علمني يا رسول الله واكثر عليه .. فشقّ ذلك على النبي.. انت مؤمن .. والنبي مشغول بما هو اهم وفي اوقات كتيرة فارغة للنبي ما بيكون مشغول بهؤلاء وكان قائده يلي ماسك بيده يأمره ان اسكت فدفعه ابن ام مكتوم.. العميان بيصيروا نزئين.. فعبس النبي ﷺ واعرض عنه.. مقبلاً على اشراف قريش.. فعاتبه الله في ذلك وانزل قوله تعالى (عَبَسَ وَتَوَلَّى (1) أَنْ جَاءَهُ الْأَعْمَى (2) وَمَا يُدْرِيكَ لَعَلَّهُ يَزَّكَّى (3) ) ما يتعلم احكام المياه التي يصح التطهير بها.. سيدنا موسى لفرعون (هل لك الى ان تزكّى).. تعال لزكيك.. الشيخ طالب العلم وصل لمقام ان يزكي غيره؟ يطهر نفسه من المعاصي والاثام والكسل والجهل والغفلة والرياء والكبر والحمق والنزق.. هي مهمة الشيخ يا ابني.. بنص القرآن.. فما قام النبي من شدة ما تأثر من العتب الالهي.. هذا ما بيصير .. هذا اقرب لي من اشراف قريش.. هيدول ما اشراف.. هيدول عندن مصاري عندن جاه بالدنيا لكن هيدا عنده جاه بالاخرة.. فمن تؤثر النبي بالعتب الالهي لم يقم من مجلسه الا وهو ارمد.. رمدت عيونه ولم يصل الى داره حتى صار يتلمّس الحيطان من كثر ما تأثر من العتب الالهي.. وكان النبي شديد الرغبة في اسلامهم رجاء ان يسلم الناس بإسلامهم فكان يسأل الله ويتضرع اليه في اعطائهم ما يسألون .. يطلبوا معجزات انه اعمل لنا جبال دهب.. النبي بيعرف انه الله بيحسن.. يا رب اعملها .. ما عملها.. ما دام عم قوله الشمس طالعة وعيون في وانت شايفها ايه ما بآمن لحتى تعمل الجبل دهب هيدا كذاب ما بده يآمن.. الشمس طالعة وشايفها .. فهي طلب المعجزة للتعجيز ما لأجل الايمان والاسلام.. فالله انزل في رد طبلاتهم عن المعجزات قال : (وَلَوْ أَنَّنَا نَزَّلْنَا إِلَيْهِمُ الْمَلَائِكَةَ ) .. لو شافوهم نازلين من السماء.. ( وَكَلَّمَهُمُ الْمَوْتَىٰ ) .. والاموات فزوا من القبور وقالوا لهم هذا محمد رسول الله (وَحَشَرْنَا عَلَيْهِمْ كُلَّ شَيْءٍ قُبُلًا ) يقابلهم ويفهمهم انه رسول الله.. ( مَّا كَانُوا لِيُؤْمِنُوا إِلَّا أَن يَشَاءَ اللَّهُ ) لأنه ابني العلم وحده لا يكفي .. بده مع العلم انقياد النفس لحقائق العلم.. الله قال : (وَمَا اخْتَلَفَ الَّذِينَ أُوتُوا الْكِتَابَ إِلا مِنْ بَعْدِ مَا جَاءَهُمُ الْعِلْمُ ) (وَجَحَدُوا بِهَا وَاسْتَيْقَنَتْهَا أَنفُسُهُمْ ظُلْمًا وَعُلُوًّا).. فقد يكون العلم شر.. ابليس ما كان ناقصه علم.. لو كان بالعلم من دون التقى شرف لكان اشرف خلق الله ابليس.. فالعلم علم الظاهر .. علم الكلام هذا ما له كل القيمة.. بده يكون العلم القلبي العلم بالله الذي يوجب خشية الله والمسارعة الى رضاء الله والاعمال الصالحة هذا ابني بده شغل جواني مع علم الجواني بده يكون في عنده عقل عنده حكمة يعرف كيف يضع الاشياء في مواضعها حتى ينتقل من نجاح الى نجاح ما من هزيمة الى هزيمة ومن خذلان الى خذلان.. النبي ما فشل في خطوة من خطوات حياته لكن تحمل فصبر فنجح.. وتارة سألوه ان يسيّر عنهم هذه الجبال ويعمل لهم انهار متل الدجلة والفرات والنيل.. هذا كله تعجيز فقال لهم : ما لهذا بُعِثتُ انما جئتكم من الله بما بعثني الله به.. مرة قالوا له خلي تنزل الملائكة تشهد لك.. كله هذا تعجيز.. فهذا كله طالب العلم بده يحطه ضمن البرنامج.. يعني بناء الاسلام ما طريق محفوف بالزهور.. بيصير محفوف بالزهور اذا صار له الايمان القلبي.. وكذلك الالام والمشقات والاخطار لا يبالي بها ويتلذذ بها.. وهكذا كانوا يسألوا النبي ﷺ اسئلة تعجيزية يقولوا له اسال ربك يقول لهم : ما انا بالذي يسأل ربه هذه الاسئلة.. انما بُعثت مبشرا ونذيرا.. يعني بُعث بالعقل بالحكمة بالدليل بالبرهان.. فبدك مع الشيوعية مع الالحاد مع كل ما يصارع الاسلام بدك تنزل المعركة بالعلم بالحجة بالمنطق .. ابو سفيان لما بفتح مكة أخذ اسير وبغير قيد ولا شرط وكان صار له 20 سنة عم يعادي النبي ما لازم يقطع راسه؟ ضل يحاوره لحتى يقنعه الى الفكر واسلم وهو كاذب وقبل منه النبي اسلامه الكاذب.. وين يا ابني السنة النبوية في الدعوة في هدي الخلق؟ النبي اشتغل بالاقناع بالتبليغ بالارشاد بالتبشير بالانذار بالتواضع بتألف القلوب بالاقوال بالاموال بالوظائف.. بعت مكتوب لخالد ابن الوليد وهو على شركه يقول له : اسلم اذا كنت تأتيني مسلماً اعطك اعنة الخيل.. بعملك قائد الفرسان.. فقائد الفرسان اذا كان في صف اخر بده يغتاله يسبه يعاديه.. النبي ما هيك.. ابو سفيان عطاه النبي 300 ناقة هو واولاده وممن اذاه ابن عمته عبد الله المخزومي قال له يوما يا محمد قد عرض عليك قومك ما عرضوا فلم تقبل.. انه اعمل لنا نهر الفرات بمكة زحلنا الجبال خلي شي سهل وبساتين وجنان وانهار كمان ما قبلت.. ثم سألوك اموراً ليعرفوا بها منزلتك عند الله كما تقول ليصدقوك ويتبعوك فلم تفعل ثم سألوك ان تعجّل عليهم العذاب فلم تفعل والله لن نؤمن بك ابدا حتى تتخذ الى السماء سلّما ثم ترقى فيه تطلع بهالسلم الى السما وانا انظر اليك حتى تأتيها ثم تنزل ومعك صك معه 4 من الملائكة يشهدون انك كما تقول.. وايم الله لو فعلت ذلك ايضا ما ظننت اني اصدقك.. اهواء مستحكمة وانانيات طاغية هي كلها ابني بدك تحسب حسابها.. وبدك تتغلب عليها ما بالتمني.. تتغلب عليها بالقوة الالهية بالقوة الربانية بقوة القلب الايمان النور الذكر حتى الله عز وجل يجعلك من اهل مقام الاحسان ان تعبد الله كأنك تراه.. وانزل الله تعالى (وَقَالُوا لَن نُّؤْمِنَ لَكَ حَتَّىٰ تَفْجُرَ لَنَا مِنَ الْأَرْضِ يَنبُوعًا *أَوْ تَكُونَ لَكَ جَنَّةٌ مِنْ نَخِيلٍ وَعِنَبٍ فَتُفَجِّرَ الْأَنْهَارَ خِلَالَهَا تَفْجِيرًا (91) أَوْ تُسْقِطَ السَّمَاءَ كَمَا زَعَمْتَ عَلَيْنَا كِسَفًا أَوْ تَأْتِيَ بِاللَّهِ وَالْمَلَائِكَةِ قَبِيلًا ) قديش نبينا تعذب وقديش حطوا السدود امام الدعوة وبقوة ايمان النبوة اخترق كل هالسدود وانتصر على كل هذه الجيوش الفكرية والحربية والادعائية.. وتارة كانوا يقولوا (مَالِ هَٰذَا الرَّسُولِ يَأْكُلُ الطَّعَامَ وَيَمْشِي فِي الْأَسْوَاقِ ۙ لَوْلَا أُنزِلَ إِلَيْهِ مَلَكٌ فَيَكُونَ مَعَهُ نَذِيرًا) .. شُبه واتهامات وطعون وسباب وشتائم.. هي الدعوة.. وقال تعالى في ان هؤلاء ميؤوس من استجابة طلباتهم فقال : (وَلَوْ نَزَّلْنَا عَلَيْكَ كِتَابًا فِي قِرْطَاسٍ فَلَمَسُوهُ بِأَيْدِيهِمْ ) لو حققنا طلباتهم (لَقَالَ الَّذِينَ كَفَرُوا إِنْ هَذَا إِلا سِحْرٌ مُبِينٌ) لو تحقق الطلب لانه الدلائل قبل هالطلب كلها تدل على صدق النبي وما عم يقبلوا .. يعني اذا جبنا 5 ارغفة قال اي ما بياكل حتى يصير 10 لك بيكفيك لو كان واحد.. معناتها ما بده ياكل هذا عم يطلب طلبات للتعجيز.. والله انزل ايات كثيرة حول هذا المعنى (وَلَوْ فَتَحْنَا عَلَيْهِم بَابًا مِّنَ السَّمَاءِ فَظَلُّوا فِيهِ يَعْرُجُونَ) لو طلعوا عالسما وشافوا اهل السما شهدوا للنبي قال ما لح يؤمنوا.. هذا كفر العناد كفر الحسد كفر الغرض بيعمل المظهر البرداية دين ومن وراء البرداية الهوا والانا.. الاهواء والشهوات.. وبيحطلها ستارة من الدين.. وتارة كان الله ينزل في حقهم (فَمَا لَهُمْ عَنِ التَّذْكِرَةِ مُعْرِضِينَ (49) كَأَنَّهُمْ حُمُرٌ مُّسْتَنفِرَةٌ (50) فَرَّتْ مِن قَسْوَرَةٍ (51) ) مثل الحمير الجهلانة اذا هجم عليها الاسد شلون بتهرب.. قال هيك كانوا يهربوا من هدي النبي.. كمان اذا هربوا منك في اول الدعوة لا تستغرب اقرأ القرآن .. وانزل الله تعالى (تَبَارَكَ الَّذِي إِنْ شَاءَ) الله عنده قدرة .. ( جَعَلَ لَكَ خَيْرًا مِنْ ذَلِكَ جَنَّاتٍ تَجْرِي مِنْ تَحْتِهَا الْأَنْهَارُ وَيَجْعَلْ لَكَ قُصُورًا) .. تارة كانوا يقولون هذا متزوج.. الله رد عليهم : (وَلَقَدْ أَرْسَلْنَا رُسُلًا مِّن قَبْلِكَ وَجَعَلْنَا لَهُمْ أَزْوَاجًا وَذُرِّيَّةً ۚ ) انت ما جايب شيء بدعة ما حدا فعلها من الانبياء غيرك .. كل الانبياء تزوجوا.. بدن يحطوا أيّ شبهة ولما كانوا يقولوا له اي نزّل علينا العذاب .. الله رد عليهم (وَإِن يَرَوْا كِسْفًا مِّنَ السَّمَاءِ سَاقِطًا) لو نزل عليهم جبال وصخور من السماء ( يَقُولُوا سَحَابٌ مَّرْكُومٌ) (فَذَرْهُمْ حَتَّىٰ يُلَاقُوا يَوْمَهُمُ الَّذِي فِيهِ يُصْعَقُونَ) العذاب بالاخرة .. قد يُعذّبوا ببعض ما يستحقون في الدنيا.. اذاً الداعي بده يصبر والصبر شطر الايمان ولا يمكن ان يصبر اذا ما كان عنده الايمان.. فبوجود الايمان متل سيدنا ابو بكر لما نتفوله لحيته ونتفوله شعر راسه والنبي كذلك كان يقول "تباركت يا ذا الجلال والاكرام".. وتارة قالوا (وَقَالَ الَّذِينَ لَا يَرْجُونَ لِقَاءَنَا لَوْلَا أُنزِلَ عَلَيْنَا الْمَلَائِكَةُ أَوْ نَرَىٰ رَبَّنَا ۗ لَقَدِ اسْتَكْبَرُوا فِي أَنفُسِهِمْ وَعَتَوْا عُتُوًّا كَبِيرًا) انتبهوا ابني انتو طلاب العلم كل هالحوار وهالجدل وهالمعارك ما هي في ميدان الاحكام الفقهية .. الفقه بعد الايمان اولا بده يعلّم الايمان والاخلاق عند ذلك اذا علّم الفقه بيصير من ايسر ما يكون.. لذلك الان هذا الايمان بده يكون في معه الحكمة.. الحكمة هي التي تزيّن الدعوة وبتخليها مرنة مع الناس.. فاذا ما كان عندك حكمة كمان بتفشل .. اذا ما كان عندك علم بالاحكام الشرعية ومراتبها ما تشدد على الناس بمذهب الشافعي لازم يكون عندك اطلاع على كل المذاهب.. العامي لا مذهب له.. في كتب الاصول يقولون: العامي هو الذي لا يعرف الحكم الشرعي بدليله.. ما حدا منكم بيعرف الحكم الشرعي بدليله.. كل حكم شرعي في دليل من القرآن والسنة والاجماع والقياس فكلنا عوام.. اذا قلّت فيسّر على الناس لا تشدد عليهم.. اي هذا بده علم ابني.. مثلا اذا قرأ متل نيل الاوطار .. اذا قرأ متل الميزان للامام الشعراني .. هذا كل عُقد التعصب المذهبي كلها بتنحلّ.. لذلك طالب علم حقيقي بيسوى امّة.. وامور كثيرة طلبات وتعجيزات من الكفار وردود من النبي بعدم استجابة طلباتهم المادية الا ان يكون المعركة معركة العقل والمنطق والحجة والدليل والبرهان.. فلما بالحجة والدليل والبرهان بيقنع بينقل النبي من الدليل الفكري الى الدليل القلبي والروحي.. الى الذكر.. فاذا علق قلبه بذكر الله هذا لو بتجي اهل الدنيا ما عاد تحسن تغيّره.. فاذا اضيف اليهما العلم .. العلم بآفاقه الواسعة بحكمته اذا اجا معه لغة اجنبية .. نحن ابني الان المسلمين عندهم قدرة يفتحوا اوروبا وامريكا.. ويوحدوا العالم.. وامور كثيرة كلها منطقية فالله خاطبهم فقال لهم : (وَمَا كُنتَ بِجَانِبِ الْغَرْبِيِّ إِذْ قَضَيْنَا إِلَىٰ مُوسَى الْأَمْرَ) بغرب الطور انت ما كنت شو بيعرّفك بموسى.. لو ما يكون صلتك بالله وبالسماء شو بيعرفك باخبار موسى واخبار عيسى واخبار هود واخبار صالح .. هذا قومك ما بيعرفوا هالشي طيب وانت ما قعدت بمدرسة ولا بتقرأ حتى تقرأ الكتب طيب من وين اجتك هالعلوم؟ هيدا دليل صدق نبوتك كله منطق.. (وَمَا كُنتَ بِجَانِبِ الْغَرْبِيِّ إِذْ قَضَيْنَا إِلَىٰ مُوسَى الْأَمْرَ وَمَا كُنتَ مِنَ الشَّاهِدِينَ) شو عرفك بقصة موسى وحياة موسى.. (وَلَٰكِنَّا أَنشَأْنَا قُرُونًا فَتَطَاوَلَ عَلَيْهِمُ الْعُمُرُ) بعد موسى الاف السنين طيب شو عرّفك لولا انه وحي من الله؟ هي عم بيجيب الدليل المنطقي على اثبات الوحي واثبات النبوة.. (وَمَا كُنتَ ثَاوِيًا فِي أَهْلِ مَدْيَنَ ) شو بيعرّفك بشُعيب واهل مدين ؟ لحتى تروي اخبارن وقصصهم لولا الوحي.. فوجود هالاخبار وانت ما كنت قاعد عندهم ولا بتقرأ الكتب هي دليل نبوتك.. (وَلَٰكِنَّا كُنَّا مُرْسِلِينَ) عملناك رسولنا ونزلنا عليك رسالة من السماء وحيا.. (وَمَا كُنتَ بِجَانِبِ الطُّورِ إِذْ نَادَيْنَا ) بهيداك الوقت انت كنت لحتى تعرف؟ لكن بعد الاف السنين من وين عرفت ؟ عرفت من طريق الرسالة والوحي.. ولكن رحمة من ربك.. واية اخرى (وَمَا كُنتَ لَدَيْهِمْ إِذْ يُلْقُونَ أَقْلاَمَهُمْ أَيُّهُمْ يَكْفُلُ مَرْيَمَ) وقت اختصموا مين بيكفل مريم قالوا طيب مين علّمك مين عرّفك لست معلّم ولا تقرأ بكتاب ولا كنت بهيداك الزمان.. طيب من اين اتتك هذه العلوم؟ هذا كله .. وما لازم نتقيد بهالادلة كمان كل عصر وكل زمان له ادلة خاصة .. بده يكون معك القديم ومعك الحديث.. قصة يوسف قال : (وَمَا كُنتَ لَدَيْهِمْ إِذْ أَجْمَعُوا أَمْرَهُمْ وَهُمْ يَمْكُرُونَ) انت كنت مع اخوة يوسف حتى تعرف مكرهم بيوسف؟ طيب شو عرفك بقصة يوسف؟ لا بمدرسة ولا تقرأ ولا تكتب ولست معلم طيب هل هذا الا لانه وحي سماوي..؟ لذلك ابني القرآن بدنا نرجع له كلنا نقرأه للعلم وكسلاح للدعوة ونمشي على منهاجه وآدابه ومواصفته ونكون اهل يعني بتاخد البارودة اذا ما كنت مدرّب عليها ما بتفيدك بشي.. بده يكون معك قلب.. ذكر.. تقوى.. كمان (وَمَا كُنْتَ تَتْلُو مِنْ قَبْلِهِ مِنْ كِتَابٍ وَلا تَخُطُّهُ بِيَمِينِكَ) ما كتبت الخط بيدك اليمين ولا كنت تقرأ كتب لو كنت هيك (إِذًا لارْتَابَ الْمُبْطِلُونَ) كان اعداءك بيقولوا هذا قرأ الكتب ويروي اخبار الانبياء من القراءة التي قرأها .. انت امّي.. اليست هذه ادلة عقلية لاثبات النبوة؟ (وَمَا يَجْحَدُ بِآيَاتِنَا إِلا الظَّالِمُونَ) اي لكن ليش كفروا هالكفر؟ قال كان ابو جهل يقول: فزاحمنا نحن وبنو عبد المطلب الشرف حتى اذا صرنا كفرسي رهان عم نتسابق نحن وبني هاشم عيلة النبي قالوا : منا نبي يوحى اليه .. هي النبوة ما بتصير بالمسابقة.. بالسخاء نبذل بالشجاعة منضحي .. اما تجي نبوة.. هي النبوة ما بتنشرى من السوق ومنسكت لهم.. بدنا نضل نحاربهم حتى نقضي عليهم.. ايه هذا الشقاء.. هذا الخذلان.. والله لا نرضى به ولا نتبعه ابدا الا ان يأتينا وحي كما يأتيه.. حسد.. وانزل الله تعالى (وَإِذَا جَاءَتْهُمْ آيَةٌ قَالُوا لَنْ نُؤْمِنَ حَتَّى نُؤْتَى مِثْلَ مَا أُوتِيَ رُسُلُ اللَّهِ ) وتارة كانوا يقولون : انما يعلمه عبد النبي الحضرمي نصرانيا .. كان النبي يجالسه رجاء هدايته وكان اعجمياً.. فرد الله عليهم (وَلَقَدْ نَعْلَمُ أَنَّهُمْ يَقُولُونَ إِنَّمَا يُعَلِّمُهُ بَشَرٌ ۗ ) لانه قعد مع واحد نصراني مشان يدعوه الى الله اجت التهمة.. ( لِّسَانُ الَّذِي يُلْحِدُونَ إِلَيْهِ أَعْجَمِيٌّ وَهَٰذَا لِسَانٌ عَرَبِيٌّ مُّبِينٌ) .. فصاحة القرآن بيعرفه هذا الحضرمي؟ لكن الشقاء يا ابني والتعتير وعدم التوفيق هيك بيجعل بصاحبه.. والى كثير من هذه المعاني تعرّض صاحب الهمزية فقال : "عجباً للكفار زادوا ضلالاً بالذي فيه للعقول اهتداء".. الشي يلي فيه الهداية وفيه الوصول الى معرفة الحقيقة ضلوا بالشيء الذي يهدي الناس الى الحق.. فهم ضلوا عن الحق بماذا ؟ ضلوا بالنبوة .. النبوة تهدي.. ضلوا بالنبي النبي يهدي.. هذا الشقي المخذول الغير موفق.. والذي يسألون منه كتابٌ منزل قد اتاهم وارتقاء.. أولم يكفهم من الله ذكر فيه للناس رحمة وشفاء.. اعجز الانس ايةٌ منه والجنّ فهلا يأتي به البلغاء؟ القرآن تحداهم انه يجيبوا سورة مثله عجزوا.. لو كان من عند البشر كانوا يجيبوا سورة او سورتين.. فعجزوا دليل على ان الامر سماوي.. "كل يوم يهدي الى سامعيه معجزات من لفظه القرّاء" قال : كل يوم القراء بيهدوا الى السامعين المعجزات من لفظ القرآن .. تتحلى فيه المسامع .. الاسماع بتسمع شي حلو والافواه كمان تنطق بالقرآن بشي حلو.. "فهو الحلى والحلواء".. بالتم حلاوة وبالنظر شي حلو.. رقّ لفظاً وراق معنى فجاءت في حلاها وحليها الخنساء.. الخنساء هي كانت جميلة في العرب.. قال اجت بكل زينتها وبكل اساورها وبكل الماسها ودهبها وهي حلوة فشلون ما بده الواحد يحبها.. "وارتنا فيه غوامض فضل رقة من زلاله وصفاء " (وَآتَيْنَاهُ الْحِكْمَةَ وَفَصْلَ الْخِطَابِ) بكلمة وحدة ما بتجعل للمستمع يتردد بين معنيين.. كلمة وحدة بتخلي المستمع يقنع.. "انما تجتلى الوجوه" الوجوه بتبين بالمرايا امتى؟ "اذا ما جُلّيت عن مرآتها الأصداء".. الجمال بيبين بالمراية اذا المراية ممسوحة ومنضفة من وسخها .. كمان عقلك وقلبك اذا كان وسخ ما رح تشوف لا جمال القرآن ولا جمال الشيخ ولا حكمه ولا حكمته ولا دعوته.. اما اذا تنضفت بتحسن بتشوف الحقيقة بجمالها الحقيقي متل المراية اذا حطيتها قدام ملكة الجمال بيبين جمالها اذا كانت المراية نضيفة "والاقاويل عندهم كالتماثيل".. وزعم ادعاءات الكفر متل الاصنام حجر وصخر فيها جمال متل الخنساء؟ .. "فلا يوهمنك الخطباء".. لو خطبوا لكن عم يخطبوا بشيء ميت.. كم ابانت آياته - القرآن – عن علوم من حروف ابان عنه الهجاء.. يلي عرفنا بالقرآن الاحرف الهجائية الكتابة.. فهي كالحب والنوى اعجب الزراع منها سناً بل وزكاء.. الزكاء النماء والسنا النور.. يعني هالحَب هذا لما يتحول الى زهور والى انتاج زراعي كذلك كلام القرآن تحول في الامة العربية والاسلامية الى عز والى مجد والى سعادة في الدنيا والاخرة.. فأطالوا فيه التردد والريب.. العرب ما اوام استجابوا.. فقالوا سحرٌ وقالوا افتراء.. واذا البيّنات لم تغني شيئاً .. اذا المعجزات ما عم تفيد الشخص معناته ميّت .. يعني اذا الجنازة جبنالها ملكة جمال والميت ما قبلها لانه هي بتكون ما بتنفع ولا لانه هو بيكون ميت؟ واذا حنش اذا لف على الميت وما هرب يعني هي شجاعة ولا هي موت؟ موت.. واذا البينات لم تغنِ شيئا فالتماس الهدى بهنّ عناء.. يعني ان يهتدوا بالقرآن ما في فائدة.. لانه من جوا بده يصير نبي ابو جهل.. واذا ضلّت العقول على علم .. عرفان انه هذا محمد نبي.. فماشي بطريق الضلال عن علم انه ضال.. واذا ضلت العقول على علم فماذا تقوله الفصحاء؟ مهما اوتيت من الفصاحة وحسن البيان ما في فائدة.. ضال مضلّ.. (سَوَاءٌ عَلَيْهِمْ أَأَنْذَرْتَهُمْ أَمْ لَمْ تُنْذِرْهُمْ لا يُؤْمِنُونَ) وقال الوليد .. هذا ابوه لخالد يوما : أينزل القرآن على محمد واُترك انا وانا كبير قريش وسيدها؟ ايه هذا اذا كان هي العلة هذا ما لح يهتدي.. ويُترك ابو مسعود الثقفي وهو عروة سيد ثقيف ونحن عظماء القريتين والبلدتين .. فأنزل الله تعالى (وَقَالُوا لَوْلا نُزِّلَ هَذَا الْقُرْآنُ عَلَى رَجُلٍ مِنَ الْقَرْيَتَيْنِ عَظِيمٍ).. جدل ومعارك .. انت بدك تقع بالمعارك هذا بيكفرك وهذا بيسبك وهذا بيحكي على مرتك وهذا بيحكي على دينك وهذا اذا كنت عاقل الاذن بينكذب عليها كتير العين بينكذب عليها اقل.. تعال شوف بعينك.. بعض الاوقات العين كمان بينكذب عليها .. هلق من كذب العين .. الشمس اكبر من الارض بكم مرة؟ مليون و300 الف مرة.. اي انتم عم تشوفوها بهالحجم ام عم تشوفوها قد الرغيف المرقدة؟ فعينكم عم تعطيكم الصدق عن حجمها ولا عم تكذب عليكم؟ بتشوف سواد براس الجبل.. ما بتعرف صخرة زلمي بقرة .. العين ما عرفتها.. وانت طالع بالاسنسور بتشوف الحيط عم ينزل وانت ثابت عينك صادقة فيما ترى ؟ حتى عينك لا تستعجل في الحكم.. خليك وزن.. حتى ما تقع في الخطأ.. (أَهُمْ يَقْسِمُونَ رَحْمَةَ رَبِّكَ نَحْنُ قَسَمْنَا بَيْنَهُم مَّعِيشَتَهُمْ فِي الْحَيَاةِ الدُّنْيَا ۚ وَرَفَعْنَا بَعْضَهُمْ فَوْقَ بَعْضٍ دَرَجَاتٍ لِّيَتَّخِذَ بَعْضُهُم بَعْضًا سُخْرِيًّا وَرَحْمَةُ رَبِّكَ خَيْرٌ مِمَّا يَجْمَعُونَ ) بالدنيا نحن قسمناها تبع الاخرة لح نتركها على كيفهم؟ تبع الدنيا ما على كيفهم.. واحد منعطيه عقل واحد ما منعطيه.. واحد منعطيه توفيق واحد ما بينعطى توفيق.. قال سيدنا موسى ربي ليش ما بتنزكل الناس وهالفقراء والمساكين ينبسطوا ويكيفوا؟ قال له هيك بتريد ؟ قال له ايه.. اصبح ذات يوم كلهم زنكلوا.. اجت الشتا نزلت المطر .. الحيط تبعه برك صار ينزل منه المطر راح لعند الطيان قال له تعى طيّن لي الحيط قال له والله يا سيدي انا الله اغناني من فضله وبعنا العدة .. والحمد لله .. راح لعند السنكري قال له والله يا سيدي انا كمان بعت العدة الله اغناني من فضله .. الباب سمنان وما عم ينطبق راح لعند النجار لحتى ينجرله ياه لحتى ينطبق قال له والله يا سيدي انا بعت العدة والله اغناني من فضله .. قال له يا رب رجّعهم انت اعرف بمخلوقاتك واعرف بحكمتك.. النبي واحد بيصير.. هلق لو لسان الله عطاك فيه 5 السنة بدك تحكي بال5 مع واحد شلون بيصير معك؟ عطاك اذنتين ولسان واحد.. لو عطاك لسانين واذن وحدة .. مرة واحد عند شيخنا صار يحكي كتير قال له يا ابني الله ليش عطا الانسان لسان واحد واذنتين ؟ لحتى يسمع اكتر ما يحكي.. لانه السمع كله فائدة لك .. اما الحكي ما بتستفيد منه عم تعطي الفائدة لغيرك .. الله عز وجل يفقهنا في دين الله يا ابني.. ظاهرا وباطنا علما وايماناً قلباً وقالباً لسانا وروحاً .. اللهم اجعلنا من الذين يستمعون القول فيتبعون احسنه وصلى الله على سيدنا محمد واله وصحبه والحمد لله رب العالمين.