نحن لا نزال في تفسير بعض من أيآت سورة يوسف قول الله تعالى و كذلك يجتبيك ربّك و يُعلِّمُكَ مِنْ تَأْويلِ الأَحاديث و يُتِمُّ نِعْمَتَهُ عَلَيْكَ و على آلِ يعْقوب كَمَا أَتَمَّها على أَبَوَيْكَ مِنْ قَبْلُ إِبراهيم وَ إِسْحَقْ إِنَّ رَبَّكَ عَليمٌ حَكيمْ. الله تعالى وجّه الخطاب لسيدنا يوسف و يتمّ نعمته عليك، و ذكرنا بالدّرس الماضي بتوفيق الله تمام النّعم نعود هذا الخطاب موجّه لسيدنا يوسف و يُتِمّ نعمته عليك بعد سيدنا يوسف موجّه الخطاب لكل مسلم كل مسلم يِعتِبِر نَفسه سيدنا يوسف والله يخاطبه بهذا الخطاب و يتمُّ نعمته عليك عليك يا يوسف لمّا نزلت على النبيّ عليه الصّلاة و السّلام و يتمّ نعمته عليك الآن عليي و على كل واحد فيكن هل أتمّ الله عليكم نعمة العافية؟ هل أتمّ الله عليكم نعمة العقل؟ هل أتمّ الله عليكم النعمة بالإيمان؟ شو بدكن أعظم من هيك! فتمَّمَ النِّعْمة و يتمّ نعمته عليك فسيدنا يوسف أتمّ الله له النِّعمة بأن جمع له نعمة الدّنيا بالمُلكْ و جمع له نعمة الآخرة بالنّبوّة فجمع النّعمة من كلّ جهاتها الدنيوية و الأخروية في الدّنيا صار ملك و في الآخرة صار نبيّ و رسول صلّى الله عليه و سلّم و المعلوم أنّ أتمّ النِّعَم في الكون هي النبوة و بعد النبوة وراثة النبوة وراثة النّبوّة من أتمّ النّعم على أمّة سيدنا محمّد فإذا وُجِدْ وارث محمّدي في الزمن فمعناها الله رضي عن أهل الزّمن كله و يسعى المسلم و يفتّش عن وجود الوارث المحمّدي الذي يأتي بعلوم الإسلام و علوم الشّريعة و يدعو إلى الله و يُحَبّب بالله هذا من أندر النوادر أن يوجد و ذلك من فضل الله على النّاس و يُتِمَّ نِعْمَتَهُ عليه بعد أن أتمّ الله النعمة على يوسف تفضّل الله على يوسف و منّ عليه قال: كما أتمَّها على أبويك إتمام النعمة على أبويك ان جعلهم الله مسلميّن ان جعلهم الله محبّون يحبّون رسول الله يطيعون الله يقولون لا إله إّلا الله هاي كلها نِعَمْ الإنسان ليس بنفسه يقول لا إله إلّا الله إنّما هو فضلُ إلهي يتفضّل عليه فالله عزّ و جلّ من تفضّل النِّعم تفضّل علينا ان جعلنا مسلمين هذه أعظم نعمة ألهمك لا إله إلّا الله و هذا أكبر فضل إلهي يتفضّل عليك بعد ذلك الهمك الطاعة و ذلك نعمة كبرى بعدها حبّبك برسوله صلّى الله عليه و سلّم و هذه نعمة عظمى من النّعم أنزل علينا القرآن و هو أعظم نعمة كلام الله سبحانه ليكون صلة بينك و بين الله هذه من النّعم العُظمى فإذًا نِعَمَ الله علينا عديدة و لو أراد المسلم أن يعدّ نِعَم الله لعجز بحياته كلها و ما استطاع أن يحصي نِعَمَ الله كما قال الله تعالى و إِنْ تَعُدُّوا نِعْمَةَ الله لا تُحْصُوهَا يعني و لو صرفتم في ذلك العُمر لو عمرك و إنتَ بَدّك تُحصي النِّعَمْ لا تحصيها خلّينا نجيب أصغر نِعْمة نعمة صغيرة من النِّعَمْ إذنك اللّي عم تِسْمع فيها هالإذن هاي شلون عمّا تسمع و تحطّ الصّوت؟ لو جعل إذنك متل إذن الحصان أو متل إذن القطّ لمّا تحكي و تقلّوا تعي بيدير إذنو يمين و شمال منين عم يجي الصّوت؟ ميشان يلتفت أمّا انت ان حاكوك من فوق أو تحت او يمين أو شمال عم تسمع فمن جعل لك هذه قوة السّمع؟ جعلك في إذنك ٣٠٠٠ عصب حتى يتمّ السمع و تسمع فيه من مدّد هذه الأعصاب؟؟ هل هذه نعمة أم لا؟؟ لو انسان فقد السمع بيفقد النطق متى فقد السمع بيفقد النطق، صمٌّ شو بده يصير؟ بكمٌ لأنّو واحد ما يسمع و يحكي ما...ما سمع ما بقا يحكي فهذه من النّعم عدّ النّعم الإلهية، لما عم تشرب نقطة المي ليش عم تنزل عالمعدة ما عم تنزل عالرئتين؟ لو نزلت نقطة عالرّئتين كنت انتهت حياتك بيسعل بيسعل بيسعل نهاية يا بيموت او بتطلع ف نقطة مي مين نزّلّك ياها عالمعدة ما نزّلها عمحل الهوا؟
نعمة الطّعام عم تاكلها حطّلّك لسان المزمار شقفة هاللحمة هاي مأمورة من طرف الله آخدي أمر إلهي لما بدك تاكل اللقمة تسدّلك محل الهوا حتى ما تنزل للقصبة تنزل للمريئ عالمعدة لما بدّك تستنشق الهواء بيسدلك محل الطّعام حتى ما يفوت الهوا عالمعدة تنتفخ. من أعطاه هذا الأمر؟؟ هل هذه نعمة ولّا غير نعمة؟ لو سبق من الطعام قد راس السمسمة دخل إلى مخرج الهواء و هذا بيصير بإساءة منّك بتكون عم تاكل بتضحك الضحك بيرتفع هاللسان بتزرد زردة بتدخل لمحل الهوا بالفم بتسعل بالفم بتسعل حتى تطلع بعض الأوقات بتزرق عيونه من كتر السعال حتى يطلع هالذرة اللي قد السمسمة. ف من الذي خلق لك هاللسان هذا؟ نعمة ولّا غير نعمة؟ ايّو نعمة من النّعم أيّو نعمة في من النّعم صغيرة بيقولو النعم الصغيرة و النعم الكبيرة في نِعَمْ صغيرة؟ كلّ النِّعَم من العظيم شو بتكون؟؟ عظيمة! النعم إذا إجت من العظيم شو بتكون دائمًا؟ عظيمة! جلّ جلال الله خلق للإنسان يعني الأذن ٣٠٠٠ عصب العين الواحدة يلّلي انت عم بتطلّع فيها فيها ٥٠٠ الف تلفزيون ملوّن..نص مليون تلفزيون ملّوّن بالعين العينتين فيهن مليون تلفزيون ملوّن وين قاعدين هادولي المليون تلفزيون؟ عمّا تشوف فيهن القريب و البعيد و الحبيب و العدو و الطويل و القصير و السمين و الرّفيع من الذي أعطاك بعينك هذه القدرة؟ هذه من نِعَم الله! (وَإِنْ تَعُدّوا نِعْمَةَ الله لا تُحْصوها) أتم نعمته عليك يا مسلم هاي ما بس لسيدنا يوسف هاي إلي و إلكن هلق انت لما بدك تقرأ هاي (ويُتِمُّ نعمته عليك) ما بدك تقول الحمد لله حمد لله أتمّ الله نعمته عليّ خلقني مسلماً و هداني للإسلام و ألهمني حب النبي عليه الصلاة و السّلام و أنزل عليي القرآن و جعلني محبًّا لله و رسوله الحمد لله هاي نعم! (و يُتِمّ نِعْمَتَهُ عَلَيك) بس عليك؟ قال لا (كما أتّمّها على آل يعقوب). و يُتِمَّ نعمته عليك. طيّب إذا كان و يتم نعمته عليك، بس علييّ؟ قال لا كمان على والديك على آل يعقوب كلمة "آل" هذه مخصصة لأهل الكرامات و الشرف نقول آل النّبي صلّى الله عليه و سلّم آل الملك...آل الملك آل القاضي لأهل المجد و العز و الشّرف أمّا الخبّاز بتقول أهل الخبّاز أهل جارنا أهل الحيّ...جيران العامّة شو منقول عنن؟ أهل أما الكبراء و العظماء شو يُقال لهُم؟ آل. فقال و على آل يعقوب ميشان يعرّفنا انّو آل يعقوب عائلة الأنبياء عائلة الرّسل إلن الكرامة و الشّرف العظيم فمعناة يوسف ابن أنبياء و هو نبيّ ف و على آل يعقوب ف ما بيصير نجي و نقول نحنا آل فلان واحد من النّاس منقول هادا آل، آل لمين؟ للعظمآء النبيّ و الرّسول و الملوك يقال آل. آل الملك آل القاضي آل الشيخ أمّا بيت أبو محمّد شو منقول عنّن؟ أهل أبو محمد أهل فلان ف الله عزّ و جلّ لما ذكر كلمة آل منشان نعرف إنّو سيّدنا يوسف من عائلة شرف من عائلة كريمة اهله كانوا كلن عظماء و أنبياء و رسل ف يتِمُّ نعمته عليك و على آل يعقوب. يا سبحان الله إذا كان و على آل يعقوب تتمّ النّعمة على آل يعقوب بإيش تمّت النعمة على آل يعقوب؟ بأن وصل الله لهم نعمة الدنيا بنعمة الآخرة. أتمّها على سيدنا ابراهيم أوّلاً أتمّها مادّيًّ بالغِنى كان سيدنا ابراهيم من أغنى أهل زمانه، كما يُذكَرْ في التّواريخ أنّه كان عنده من الأغنام أكثر من ٤٠٠٠ راس غنم غير البقر و غير الإبل و غير الجمال، كان أغنى أهل زمانه صلّى الله عليه و سلّم وهو مع ذلك أخذ الدرجة العليا أنه خليل الله..خليل الله ف هاي أعظم نعمة! و يتِمُّ نعمته عليك و على آل يعقوب ف أتمّها على سيدنا ابراهيم بالرسالة و الخُلّة صار خليل الله عزّ وجلّ و أتمّ النّعمة عليه أنجاه من النّار! هاي ما نعمة؟ النّمرود كتّف إيدي و كتّف إجريي و حطّوا بالمنجنيق و قذفوا إلى النّار يلّلي الطّير عم يقع في من حرْها و نزل إلى النّار و لم تؤثر النار لم تأكل النار منّو الّا الكتاف اللّي مكتفينو ياه ، حرقت الكتاف و إيدي ما تأثرت فكّ إيدي و نفكّت إجريي و وقعت هاي ما نعمة؟ حوّل النّار عليه نورًا فانقلبت النّار إلى نور، متل حكايتكن انتو هلق هلق انتو عايشين ب نار الله قلبها عليكن نور الكهربا كلها شو هوّي هلق نور اذا فلتت شو يتصير؟ صارت نار. ف جعل الله نار النّمرود عل النبي صلّى الله عليه و سلّم على سيدنا ابراهيم جعلها نورًا لا نارا ف هاي على سيدنا ابراهيم أتمّ الله عليه النعمة. كم وحدة؟ غِنى الدنيا و الرسالة و الخُلّة و عدم الإحراق بالنّار و فداء اسماعيل. فدالو سيدنا اسماعيل بكبشٍ عظيم، (و فديناه بكبشٍ عظيم). جلّ جلال الله هاي على سيدنا ابراهيم و أمّا على اسحاق..و أتمّها على إسحاق بأن أكرمه الله بالنبوة و الرسالة و أخرج منه يعقوب و الأسباط. يعقوب نبي و الأسباط أنبياء، أجرج منه ذرية الأنبياء، هاي كمان نعمة الله أنعمها على آل يعقوب. فقال إذًا لأهل الكرامة و الكمال آل يعقوب هالنعمة كلها حصلت لآل يعقوب و لمّا كان تمام النعمة هيّي النبوّة لزم حصولها لآل يعقوب معناته آل يعقوب لازم يكونوا أنبياء، آل يعقوب مين؟ أولاد يعقوب..فأولاد يعقوب شلون صاروا أنبياء و شلون عملوا هيك ب أخوهن يوسف؟ اولاد يعقوب شو يُقال لهم؟ الأسباط. الإسباط الله ذكرها مع الأنبياء ذكرهم ابراهيم و إسحاق و اسماعيل و الأسباط، أسباط أولاد يعقوب فهم أنبياء شلون عملوا هيك؟ هون نقطة انتبهوا إلها. أن الله عز و جل متى اختار النبي و اصطفاه أكرمه بالحصانة أن الله يعصمه من المعاصي و الخطأ، فلا خطأ و لا معصية. عندما يصطفيه إلى النبوة فيُنزل عليه العُصمة. إلا نبيّنا عليه الصلاة و السّلام، فقد كان معصومًا من طفولته! صلّى الله عليه و سلّم، نبينا عليه الصلاة و السّلام معصومًا من طفولته أمّا الأنبياء أيمتين يُعصَمون؟ لمّا بتنزل عليهم النبوّة. فإذًا لمّا فعلوا هذا لم يكونوا أنبياء، إذا ما كانوا أنبياء ما في عليهن هالحرج، ف أخطئوا و تابوا الى الله والله اصطفاهم و إذًا هالعصمة وقعت بعد ما أتتهم النبوة ف كانوا كانوا أنبياء من غير خطيئة و لا معصية.
طيب هون اذا كان بدّي علّق شوي عليها.. البداية مِجلاة النهاية، البداية مجلاة النهاية. من البداية بتعرف هالإنسان شو بده يكون. قالواالعارفين بالله رضي الله عنهن بيعرفوا الانسان من طفولته انو بيطلع رجل او بيطلع ضعيف، منذ الطفولة؟ شلون؟ قال في ولد بيلعب مع رفقاته بيقلن مين معي؟ مين معي؟ و في واحد بيقول أنا مع مين؟ هيك ولّا لا؟ واحد بيقول انا مع مين؟ لما بيلعبوا شروحة الخطّافة لو ما بيلعبوا طمّامة أنا مع مين؟ واحد بيقول مين معي؟ مين معي نفسيته نفسية العظماء من الطفولة، نفسية الرجولة من الطفولة..هيداك نفسية التبعية ماشي ورا هاد و ورا هاد ف لذلك منقول نحنا البداية مجلاة النهاية و سيدنا يوسف صلوات الله عليه نزلت به أعلام النهاية في أول البداية سيدنا يوسف نزلت به أعلام النهاية في أول البداية من بدايته (إنّي رأيت أحَدَ عشر كوكباً) كمان هالكلمة هاي الله أكبر معنى إجا لبالي هلق..الكوكب هوّي الذي يضيء و ينفع فإخواته شو شافهن؟ كواكب.. و الكوكب معناتا هداية و نور و بالنجم هم يهتدون معناتا إخواته بدن يصيرو أهل هداية ف الآية بتدلّ على إنّه صاروا أنبياء. (إني رأيت أحد عشر كوكبًا و الشمس و القمر) إمّه و أبوه (رأيتهم لي ساجدين) ف ظهرت عليه من البداية آثار النهاية، و كذلك كل ما سبق له شيء من العناية الإلهية لا بدّ أن تظهر أعلامها في أول البداية..من الطفولة! بتشوف ولد من الطفولة عم يركض يصلّي قدّام أبوه، البنت عم بتصلي قدام امها بدها تلبس بدها تحط ع راسها بدها تصلّي قدام إمها، لك يا بابا لسّاتك صغيرة بدها تحط حجاب بدها تصلّي و هيّي من صغرها. في وحدة بدها تحط حجاب و ترفعوا. قومي صلّي ما بتصلّي قوم صلّي ما بيصلّي. ليش هيداك فزّ لحاله و صلّى و هيدا ما صلّى؟ هذا يدل على أن الأول فيو روحانية التقرب إلى الله التاني ما في هالقد روحانية، ف من الطفولة منعرف الولد شو بده يكون لذلك لازم تعتني بطفلك من صغره شوفو اذا كان من صغره، هلق بفضل الله الأولاد أخوات، كلّن أولادكن أبنائكن أول ما بيفتّح عيونه على إيش بيفتح عيونه؟ على صورة الشيخ ما هيك؟ ما بينام اذا ما شاف صورة الشيخ! بده بيضل يبكي لحتى نقربله صورة لما صار شاف صورة الشيخ بينام. صارت معكن ولا لاء هيدي؟ شو معناتا؟ معناتا ابنك فيه استعداد روحي ان يجعل الله فيه نورًا اعتني فيه بيصير فيو بيطلع الولد...و قالوا الإبن نسخة عن الأب نسخة الإبن عن روح الأب. أتى بعض الصالحين دخل لعند بعض من يدّعي محبّته. جاب أولادو ليسلموا عالشيخ آموا أولادو هربوا فالشيخ قال ل اللي حولو قلن صاحب البيت لا يحبّنا يا سيدي ما داعينا لعندن، قلن لو أحبّنا لسكن أولاده لنا، كانوا أولادنا حبونا و قعدوا معنا لكن دليل انّو ما بيحبنا اولادو ما حبّوا...و الحديث قال عليه الصلاة و السلام الولد سرّ أبيه...الولد سر أبيه، بيطلع الولد نسخة عن أبوه أبوه بيحب الصالحين بيطلع بيحب الصالحين أبوه ما بيحب الصالحين بيطلع ما بيحبّن ف سبحان الله لذلك من أشرقت بدايته أشرقت نهايته! من أشرقت بدايته من بدايته ظهر فيه حركة نورانية إيمانية حبّ، هذا نهايته بتكون عظيمة. من أشرقت بدايته أشرقت نهايته. و من كانت بالله بدايته، و من كانت بالله بدايته كانت إلى الله نهايته! هذا حتى نعرف من الطفولة، و من كانت بالله بدايته كانت إلى الله نهايته يا سبحان الله من الطفولة؟ نعم! أنا عم برجع لنفسي إنو أنا شو كنت؟ الله يرحم والدي الله يرحم والدتي و يرحم آبآئكن و أمهاتكن كانت والدتي من وقت اللي كان عمري ٥ سنوات تفيقني قبل الفجر بساعتين، قوم يا ابني يا ماما نعسان! قوم يا ابني قوم اقرأ سورة البقرة و سورة آل عمران مشان الله يصرف عنك البلاء قوم! ٥ سنين! تفيّقني قبل الفجر ب ساعتين. ٧ سنوات لما صار عمري ٧ سنوات ما تخليني صلي بالبيت صلاة الصبح ما في صلاة بالبيت عالجامع الجامع قدام البيت تقلي لا بتروح عالأموي بتصلّي بالأموي ليك ما هاي الجامع قدّامنا تقلّي لا يا ماما عالأموي الأموي صلّوا في الصحابة و ما دام صلّوا في الصحابة فيه معناتا بركة الصحابة روح عالأموي. سبع سنوات لحالي والله تطالعني من البيت لحالي تفتحلي الباب و تقلّي روح الله معك عالأموي البيت كان عند جامع الطراوسية، اطلع من جامع الطراوسية عالبحصة عالمرجة على سوق الحميدية عالجامع صلي الصبح و رجعت عملتلي بهدلة، بهدلة قالتلي لو ما بحبك لطعميتك قتلة بالعصاية صلّي و بتجي؟ قالتلي ما في درس؟ في درس؟ قالتلي حضار الدرس! يا سلام الله يرضى عليها و يرحمها ف كنا نصلي الصبح و نحضر درس الشيخ عبد الحكيم المنيّر رحمة الله عليه إلى طلوع الشمس و نصلّي الضحى بعدين نجي للبيت. تقلّي هلق هلق انت صرت بحبّك! بعض الأمهات قالت لولدها قالت يا ولدي ان أباك كان من الصالحين..اتُحبّ أن تكون مثل أبيك؟ صالح؟ قال اي والله يا ماما بحب كون متل أبي، قالتلو يا ولدي كان أبوك يتعلم من رسول الله ف إنت بدك تتعلم من النبي حتّى تصير صالح قال اي وين النبي؟ قالتلو فوت عالخلوة. دخلته الخلوة و عمرو سبع سنوات. أكثر من الصلاة على النبي قاللتلو ما بفتحلك الباب حتى ترى رسول الله. هاي الأم يا ابني هاي الأم ما الأم اللي بتخلّي ابنها عالتليفون بتخلي ابنها عالموبايل و التاني عالانترنت هاي أم! فالولد بقي في خلوته عشرة ايام صلاة عالنبي صلاة عالنبي سبع سنين! يوم العاشر نادالها يا ماما يا ماما قال شو باك قلها افتحيلي رأيت رسول الله! خير شو صار بينك و بينه؟ قال قلت له أن يعلمني ف وعدني ان يأتيني غدا بالمنام فيعلمني قالتله أوفٍّ لك! انت مانك ولد انت ادخل عالخلوة بالمنام؟ و هل يكون علم المنام الا خيالًا؟ بدك تشوفه يقظةً بدك تتعلم منه فوت عالخلوة أنت مانك شفته. دخلته عالخلوة بقي في الخلوة ٤٠ يومًا و هو يصلّي على النبي عليه الصلاة و السلام حتى رأى رسول الله وعدو عند الحجر الأسود يعلّمه. قلها وعدني عند الحجر الأسود في مكة، قالتله ان اجتمعت به و علّمك كنت رجلًا و إلا فليس لك معي صلة. بترجع عالخلوة. ذهب إلى مكة فالتقى برسول الله صلّى الله و سلّم فمسح على قلبه و قال له لقد تفضل الله عليك بعلوم أولياء الله! إجا لعند امه قلْها هيك صار معي، قالتلو ما بيكفّي..ما بيكفّي علوم أولياء الله علوم أولياء الله علوم محدودة اذا ما عطاك علوم الصّديقين رجاع عالخلوة! وين نسائنا يا ترى؟ وين نسائنا؟ بدها علوم الصّدّيقين بدها ابنها يرى النبي يقظةً هاي الأم يللي بتعلّم هاي النعمة الكبرى لذلك من كانت له بداية مشرقة كانت له نهاية...من كانت له بداية محرقة كانت له بداية مشرقة! دخلّتو الخلوة مرة تالتة و خرج من الخلوة معلّمًا..بدأ يعلّم عمرو ١٢ سنة و ما زال يعلّم حتى بلغ من العمر ٦٠ سنة هوّي و عم بيعلّم و كان الناس اذا نظروا اليه كانوا يبكوا شوقًا إلى رسول الله كأنّوا روح النبي قدامه صلّى الله عليه و سلّم. هكذا التربية يا ابني هاي تربية المؤمنين هاي و يتمّ نعمته عليك فمن كانت له بداية محرقة كانت له نهاية مشرقة و من أشرقت بدايته أشرقت نهايته و من كانت بالله بدايته كانت إلى الله نهايته. هذا اللي بده يصل يا اخواني و يتِمّ نعمته عليك و على آل يعقوب..
بالنسبة لهاي خليكن ح كمّلكن ياها شوي إعلم يا حبيبنا يا أخي يا مسلم اعلم علم اليقين ان أوصاف النهاية تأتي ضد أوصاف البداية..أوصاف النهاية دائمًا تأتي ضد أوصاف البداية. الشجرة ببدايتها بتكون بذرة ب نهايتها شو بتصير؟ بتصير الشجرة كبيرة..ما طلعت متل بدايتها؟ ف دائمًا النهاية تأتي على ضد أوصاف البداية. ف كمال العزّ كمتل العز في النهاية لا يأتي الا من كمال الذل في البداية. بدك تصير ب نهايتك عزيز؟ بدك تبدأ حياتك بالذّل. مثال..منتبهين عليي؟ أنا أكلت تمرة، هالبذرة اللي بعد ما أكلت تمرة هالبذرة هاي بدي حطها بالأرض بدي ازرعها بالأرض حتى تطلع شجرة. ان وافقت قعدت بالظلمة و بالطين و انحجب عليها الهوا و انحجب عليها الشمس ان قبلت فيها طلعت شجرة و اذا قالت انا ما بقعد تحت الأرض انا بضلني فوق الأرض بتجي معزاية بتاكلها او ثور بيقضمها انتهت حياتها. ف اذا اللي بيبدأ حياتو بالذل بتنتهي حياتو بالعز، بيصير الملوك بيقعدو تحت منها. فهمتو عليي المثال؟ هذا كمال العز في النهاية لا يأتي إلا بعد كمال العز في البداية و كمال العز لا يُدرك إلا بالذّل. يللي بده يصل للدكتورا..يللي بياخد دكتوراه اذا بالبداية ما اكلّلو كم عصاية من الاستاذ مرة بيكتب الخط لفوق مرة لتحت اذا ما اتحمل الضغط و الضرب و الكذا بيصير دكتور؟ اذا قال انا ما بصير تحت ايد دكتور ما بقعد تحت إيد معلم انا لحالي بدي اتعلم بتعلّم؟ أجير عند معلم المعلم بيقلّو كنّس بيقلّو انا ماني جايي كنس انا جايي اتعلم مصلحة بيقلّو أيوا روح لبيت أهلك بيطردوا! بدك تكنس و بدك تجلي و بدك تشتغل حتى بالذل تتعلم المصلحة. هذا دائمًا اللي بده يصل لكمال الحياة بده يتحمّل في البداية. انظروا الآن إلى التجار . التاجر صار تاجر هيك من طفولتو؟ ما اشتغل أجير؟ اشتغل اجير و حمل على ضهرو و حمل و تعب بعدين كبر شوي تاجر شوي كبر صار تاجر انا بالأول شو كان؟ كان أجير...كان أجير صار تاجر ممكن يصير شيخ السوق لأن بدأ بالذّل. فكمال الغنى في النهاية لا يأتي إلا بعد الفقر في البداية..كمال الغنى في النهاية لا يأتي إلّا بعد الفقر في البداية. اما اخواني انتبهوا بده يصير غني من غير ذلّ أبوه غني ربح اخد مال أبوه مات أبوه اخد المال و هاي خصلة أكتر من عشرة أشخاص اللي انا بعرفن ابوه خلّفله عشرة مليون. سنة فقد المال ما ضل معه و لا قرش سنة! و أصبح يدوّر على شغل ما حدا عم يشغله، عم يشحد ياكل لقمة خبزة. بدأ الغِنى بالبداية فأخد الذّل في النّهاية، أما لو بدا من بدايته بالذل كان عرف قيمة الغنى و حصد و حصّل المال و كان من كبار الأغنياء. هذا يا ابني الإنسان ف يلّلي بده يحطها من الأول رافع مناخيره و انا و انا ما بيصير رجال ولا بيتعلم طالب العلم اللي بده يطلب العلم هاي أول الأمر بيحطها واطية للمعلم بيعاقبه بيذله بيخانقه..أمرك! بيصير عادي أمّا من الأول..شو إلك عليي انت تعمل هيك تخانقني انا ما بقا بدي إتعلّم! اي روح مع السلامة! بيتعلم؟ ما بقا يتعلم ب حياته!
كمال العلم لا يتحقق الا ب معرفة كمال الجهد. انت بدك تتعلم اذا ما أثبتت جهلك للمعلّم ما بي علمك. بس تجي للمعلم عامل حالك انت عالم بيعلمك؟ العالم ما بيعلّم عالم بدك تثبت جهلك انو انا ما بعرف حتّى يعلمك انا اذا اثبتت انو انت عالم ما بيعلمك! يا سبحان الله!
اذًا جلّ جلال الله ، الله عزّ وجلّ جعل ب حكمته الأشياء كامنة مخبّاية بأضدادها! الله جعل الأشياء كلها كامنة مخباية بأضدادها. فأنا لما عرفت هيك، قلت يا أخي يا أخي مين؟ مين منكن يا أخي يا أخي سمعو يا اخت. تحقق ب أوصاف فقرك يمدّك بأوصاف غناه! أظهر فقرك بين أيدين الله الله عز و جل بيعطيك الغِنى تحقق بأوصاف فقرك..يعني بين يديّ الله يمدّك بأوصاف غناه فالإجتباء لا يكون الا بعد الإبتلاء. و إتمام النِّعَم يكون بعد تقديم النِّقَم، تجي النعمة من غير نقمة ما بتصير ليش؟ لتكون أحلى و أشهى! بتجيك النقمة أول بعدين بتجي النعمة بتلاقيها شي حلوة! لذلك قدّم الله تعالى أهوال يوم القيامة على دخول الجنة. أهوال قيام موقف و شدة و عطش و كذا بعدين فوت عالجنة شوف الجنة وين! أشهى و ألذ جلّ جلال الله منشان تشعر بلذة النّعيم، و هذا طريق الحُبّ تذلّل لمن تهوى لتكسب عزّةً فكم عزّةٍ نالها المرء بالذّلّ. بدّك تنتفع تذلّل لمن تهوى، ما الهوى سهل تذلّل لمن تهوى ما الهوى سهلُ فما اختاره مضنًا به و له عقلُ. الحب ما هوّي سهل واحد بده يحبّ أهل الكمال الحب ما هوّي سهل تذلّل لمن تهوى ما الهوى سهل فما اختاره مضنًا به..مضنًا يعني مرضان فيه من كتر ما أحب فما اختاره مضنًا به و له عقلُ. وعش خاليًا بلا حبّ و عش خاليًا فالحبّ راحته عنا و أوله سقمُ و آخره قتلُ. بس هذا المعنى لازم تنتبهوا له أهل الله بيتطلعوا ضمن الشريعة، ما في خلاف الشريعة ف و عشّ خاليًا هاي كان نصيحة عم بيقلّك شو بدك بالحبّ قعود لحالك و عشّ خاليًا فالحبّ راحته عنا اذا بدك ترتاح بتكون تعبان في راحة عند الحبّ؟ عند أهل الحب ما في راحة. و أوله سقمُ مرض أوله بتمرض فيه كل الخصال الناقصة، بالحب بده يحب اهل الكمال لما حبّ الشيخ شو بيقولو هلق العوام..الشيخ اذا حب الشيخ بيقول شيخ سلبوا شو معناة سلبوا؟ سلب منّو الصفات الناقصة و عوّض عليي بالصفات الكاملة. أخذ منه النقص لكن شو أعطاه؟ الكمال! فالحب راحته عنا و أوله و سقمُ للأمراض الضعيفة و آخره قتلُ للشهوات المحرّمة. ما بقا في شهوات صار حبّه في الله طلبه الله ميوله إلى الله هاي معناها..و أوله شقمُ و آخره قتلُ نصحتك علمًا بالهوى. انا شيخ الهوى عم بحكيلك انو خليك لحالك نصحتك علمً بالهوى و الذي أرى مخالفتي. اذا بدك رأيي أنا خالفني و حبّ والذي أرى مخالفتي فاختر لنفسك ما يحلو، فاختر لنفسك ما يحلو. حبّيت تحب بدك تدفع الثمن. ف اذا هاي قال ف و يتمّ نعمته عليك و على آل يعقوب. و على آل...قلنا إنّو الآل اذا أبناء الشرفاء يُقال له آل. نبيّنا عليه الصلاة و السلام مرةً دعا الناس إلى الصّدقة فصار هيدا يجيب شوية تمر و هذا كمشة تمر و هذا..يعني صارو يجيبو كل واحد كم شوية تمر. فاجتمع عند النبي عليه الصلاة و السلام شوية تمر يعني ١٠ ١٥ كيلو اجتمعوا، و إذ بسيدنا الحسين عم يلعب بالتمرات. أخذ تمرة و حطّا بفمه، شافه النبيّ عليه الصلاة و السّلام ف أتى إليه حط يده بفمه قلبه كخ كخ كخ كخ، اما علمت ان آل محمد لا يأكلون الصدقة؟ لذلك ما في صدقة على اهل الله على الأولياء ما بيجوز الصدقة بيقدم شو بيقدّم؟ هدية..الهدية مقبولة أما قدم صدقة او قدم زكاة خاصة عليي انتبهوا انا الصدقة عليي حرام و الزكاة الي حرام. يعني بيجي هاي زكاة..ف باخدها حتى اصرفها في طريقها. اما واحد يجيب زكاة للشيخ انا الزكاة عليي محرمة و الصدقة عليي محرمة و اللي بيدفع صدقة بيكون احتقر نفسه انا اولا ما بقبلها الصدقة الها عندي ميزان بفضل الله عز و جل. أسأل الله التوفيق. ف صلّى الله عليه و سلم، لما كان عليه الصلاة و السلام في اول الاسلام تعزّبو الصحابة مرّ على آل ياسر عم يتعزّبو ف قال النّبي لهم صبرًا آل ياسر إنّ موعدكم الجنة.ف آل ياسر من الأشراف لاء لكن شُرّفوا بالشهادة فلما صاروا شهداء و الشهيد يشفع ل ٧٠ من أهل بيته فصار عندن شرف عظيم ف لذلك النبي شو ناداهم صبرًا آل ياسر ما قالها اهل ياسر صبرًا آل ياسر إنّ موعدكم الجنة.و كان ابن أبي أوفة رضي الله عنه و أرضاه كان يأتي الى النبي عليه الصلاة و السلام كان يأتيه ب هدايا ف كان النبي يقول اللهم صلّ و سلم و بارك عليه اللهم صلّ على آل أبي أوفة، اللهم صلّ عليه بيجوز تصلّي عليهم؟ نعم! صلّى الله عليه و سلّم. ذهب مرة النبي عليه الصلاة و السلام إلى دار سعد صاوات الله عليه النبي شعر بالجوع ف ربط حجرين على بطنه، حجرين منشان يسندو المعدة جوع من الجوع طلع من بيتو الضهريّيات رايح شاف سيدنا ابو بكر شو هاد ابا بكر وين رايح وين طالع ب هالضهر؟ والله يا رسول الله من الجوع طالع من بيتي جوعات قلّو ربطت حجر على بطني، رابط حجر النبي كشفلو قلّلو اذا انتي ربطت حجر ف رسول الله ربط على بطنه حجرين. يعني اذا انت جائع مرة انا جائع مرتين. كمان مشي شافوا كمان عمر. كمان عمر شو طالعك هلق؟ قللو جوع يا رسول الله رابط حجر النبي كشفلو قلّلو انا رابط حجرين. ف راحوا ل بيت سيدنا سعد رضي الله تعالى عنه و أرضاه. دق الباب المرة الاولى ما كان المرة التانية كان. طلّع شاف و عليكم السلام و رحمة الله. النبي كان يدق الباب و يسلم سلام عليكم يا آل المنزل، و عليكم السلام و رحمة الله و بركاته. وقف النبي و دق تاني دقة السلام عليكم يا آل المنزل و عليكم السلام و رحمة الله و بركاته. ما يرفع صوته منشان ما يسمّع النبي. كان النبي عليه الصلاة و السلام يدق ٣ مرات و هيك لازم تتعلموا يا أحبابي هاي أدب النبي عليه الصلاة و السلام بدك تدق الباب بده يكون بين الدقة و الدقة مقدار صلاة ركعتين. انتبهوا هاد أدب نبوي بتدق الباب بتستنّى مقدار صلاة ركعتين بعدين بتدق التانية..السلام عليكم بتوقف مقدار صلاة ركعتين ما حدا فتح؟ بتدق الدقة التالتة بتدير ضهرك و بتمشي. الدقة الأولى سمعو..الدقة التانية استعدّوا الدقة التالتة بيفتحو الباب انا نحنا شلون هلق بيحط يده عالجرس بيضل حاطط يده عالجرس لحتّى يحترق الجرس او بيمسك السّقّاطة...لك ايش طوّل بالك! ورا بعضن بده يكون واقف ورا الباب بركي عم يقضي حاجة بده يقوم ينجّس حاله منشان يقوم يفتحلك طوّل بالك! بلكي آخد شربة..لك يا جماعة بشر نحنا! بلكي مع اهله طوّل بالك مقدار صلاة ركعتين بين الدقة و الدّقة ف عم بيجاوب سيدنا سعد دق النبي التالتة و مشي. طلع سعد فتح الباب لحق يا رسول الله تفضّل . قلّو والله أنا سمعانك لكن أحببت أن تُكثر علينا من السلام، السلام منك أمان حبيت ان تكتّر علينا من السلام.فرجع النبي معه صلّى الله عليه و سلم. ولما رجع النبي عليه الصلاة و السلام معه صار يقول اللَّهم اجعل صلواتك و رحمتك على آل سعد بن عبادة. ف سعد بن عبادة طلع عالشجرة قطع عرق نخل و قال يا رسول الله تسلّوا عبال ما اذبح. اخد السكين بده يذبح النبي جايي لعندو، فالنبي قال له إيّاك و ذاك الدّر. اذا وحدة فيها حليب لا تذبحها عم بترضع ولادها. ذبح و سلخ و شوا اللحم و جاب للنبي عليه الصلاة و السلام. هالمرة كلن معه ابو بكر و عمر اكلوا و شبعوا ، لما طلعوا النبي قلهن هيدا من النعيم و لتسألنّ يومئذ عن النعيم. المرة التانية النبي كلن لحالو، النبي بده يرجع لحاله ف سيدنا سعد قدم حمار للنبي عليع الصلاة و السلام. و نادى ابنه قيس قلو يا قيس روح مع النبي عليه الصلاة و السلام مشان يرجع الحمار ف النبي قلو يا قيس طلاع ركاب وراي قلّلو اعوذ ب الله يا رسول الله انا اركب وراك؟ لا والله! قلو يا بتركب يا يترجع عالبيت قام رجع عالبيت ما رضي يركب رجع عالبيت. فالنبي ركب الحمار و راح لما وصل ترك الحمار قللو روح رجاع لحالك. فرجع الحمار وحده صلى الله عليه و سلم. ف هون معناتها صاحب البيت بده يكرم الضيف جبله مركوب يركب قلّو ركاب معه ما رضي يركب معه النبي يركب وراه؟ يخلّي الدّابة له لحالو. فصلّى الله عليه و سلّم على هالأدآب فدعالهم ف إذاً الله عز و جل اراد ان آل يعقوب لهم الخيرية الكبرى بأنهم أخذوا من ابنهم يوسف نفع أبآئه ف ال آل بالنسبة ل نبينا عليه الصلاة و السلام كلياتكن من آل بيت النبي سمعتوا؟ كلياتكم جميع الأمة المحمدية تحقيقًا أنهم من أبناء رسول الله. شو الدليل؟ قول النبي عليه الصلاة و السلام: إنّ أوليائي منكم المتّقون إن أوليائي منكم المتقون، فإن كنتم أؤلئك فذاك إن كنت من آل النقوى فإنت من أولياء النبي عليه الصلاة و السلام. و إلا فانظر لا يأتي الناس بالأعمال يوم القسامة و تأتوني بالأثقال يعني الذنوب. و سأل النبي من آل محمد؟ فقال صلّى الله عليه و سلّم كلّ تقيٍّ كلّ تقيّ مين التقي؟ التقي هو الذي يمتثل أمر الله و يجتنب محارم الله. السؤال لكم الله أمركم بالصلاة عم بتصلّوا؟ عم أسألكم..عم بتصلّوا؟ و نهاكم عن الخمر عم بتشربوا؟ ما حكيتوا؟! لا قول لا في ملائكة عم بتسجّل عليكم. أمركم بالصلاة عم بتصلّوا؟؟ نهاكم عن شرب الخمر عم تشربوا؟؟ أمركم بالزواج الشرعي عم تتزوجوا؟ نهاكم عن الزّنى عم تزنوا؟ أنتم من أهل التقوى أنتم من المتقين من آل بيت رسول الله. أنا جدّ كل تقيّ ف الرواية كلّ تقيّ أنا إنّ أولياءه إلا المتّقون و سمعت النبي صلّى الله عليه و سلّم يقول إن آل أبي ليسوا ب أوليائي أبو النبي عليه الصلاة و السلام قال أبو النبي قال هم ما بأوليائي مانن معي. إن وليّ الله و صالح المؤمنين و لكن لهم رحمٌ أبلّ ببللها. يعني الن رحم بوصل للرحم تبعوا. بعيد الحديث إن آل أبي ليسوا ب أوليائي، أنما ولي الله و صالح المؤمنين و لكن لهم رحم أبلّها ببللها. يعني بوصل الرحم أمّا ما هنّن ما في صلة صلّى الله عليه و سلّم. قالوا يا رسول الله أنا السلام عليك فقد عرفناه الله عزّ و جلّ قال يا أيها الذين آمنوا صلّوا عليه و سلّموا تسليما. قالوا السلام عرفنا فكيف نصلّي عليك؟ فقال صلّى الله عليه و سلّم قولوا اللهم صلِّ على محمد و على آل محمد كما صلّيت على آل إبراهيم في العالمين إنك حميد مجيد اللهم بارك على محمد و على آل محمد كما باركت على آل ابراهيم إنك حميد مجيد. ف التشهد اللي عم بتشهّدوا هذا صلاة على النبي عليه الصلاة و السلام شو معناة الصلاة على النبي؟ اللهم صل على سيدنا محمد ان تقرأها بالتشهد اللهم صلّ على سيدنا محمد و على آل سيدنا محمد كما صليت على سيدنا ابراهيم و على آل سيدنا ابراهيم شو معناه اللهم صلّ على سيدنا محمد معناها اللهم إنك طلبت منا الصلاة على نبيك فهي الدعاء ف أنا مالي أهل صلّي عالنبي اللهم أنت صلّي على النبي وكلت الله يصلّي عالنبي أنا مالي أهل صلّي عالنبي اللهم صلّ اللهم أنت أرحم النبي عليه الصلاة و السلام اذا الله صلّى على النبي أرسل رحمة الله تعالى على نبيه صلّى الله عليه و سلّم. كما أتمّها على أبويك من قبل. انتبهوا بالنسبة إلكم شوي ايها الأب يللي إلك اولاد إذا أنشأت ولدك و بنتك النشأة الصالحة الحسنة و ربّيتهم ترباية اسلامية انتفعت بهم في الدنيا و الآخرة، الولد البارّ ينفع في الدنيا و ينفع في الآخرة. لا تظن أنه ابنك بس بيساعدك بالدنيا، دنيا و آخرة ف عندها تمت نعمة الله عليك.
اما في الدنيا اذا ربيته ترباية صالحة يكون بارّا بك و البار يدخل السرور على قلبك و على قلب إمه دائما ما بيدخل حزن على قلب امه و أبوه أبدًا! ف هذا البارّ بيكونو بارّين بيعرفوا حقّك و حكيتيلكن عن بر الوالدين مرّت ب عدّة جلسات. انا في الآخرة اذا الأب مات قبل الولد انتقل الأب قبل الولد انتقل الأب قبل الولد ف الولد بيرفع مقام أبوه في الآخرة. قال النبي صلّى الله عليه و سلم اذا مات الإنسان انقطع عنه عمله الا ثلاث، انقطع عنه عمله الا من ثلاثة الا من صدقة جارية او علمٍ ينتفع به او ولد صالح يدعو له الصدقة الجارية الها ابواب كتيرة من أبواب الصدقة اشتريت كتاب حديث و وهبته لطالب علم. هيدي صدقة جارية ما دام عم يقرأ فيه و عم بيعلم فالثواب إلك علم الحديث مية مرة كتبلك الثواب مية مرة هاي صدقة جارية. جبت مصحف جبتوا عالجامع وهبتو للجامع كل من قرأ فيه ثوابه إلك هو صدقة جارية. أو علم ينتفع به، ما احسنت انت تعلم خود الدرس و هبه لواحد قديش حق الكركم ٥٠ ورقة قلّ له خذ هالدرس اسمعه. في أخ الله يرضى عنّه في بيروت الله عزّ وجلّ يبارك فيكن و يبارك فيهن كان كل جمعة له ١٢ درس يوزعن ع ٦٠٠ انسان، ١٢ درس كل جمعة على ٦٠٠ انسان، لك يا أخي بتقلّو كتير عليك قللي مرافعي في نشر الإسلام يللي بيربحه بهالجمعة بيشتري فيه و بيسجل و ب وزع الله هذا على يده من التجار اكتر من ١٢ تاجر صار يروح عالجامع و يدفعوا الزكاة... انشروا الإسلام. هذا من العمل الصالح او علم انتفعوا به او ولد صالح يدعوا له ولد صالح الحديث ما قال أو الولد ما في ألف و لام او ولد صالح و الآية القرآنية النّبي أولى بالمؤمنين من أنفسهم و أزواجه و أمهاتهم و هو أبوهم فمعناتها الداعي يكون أب للمدعوّين فأنتم أبنائي بتقبلوا فيها؟؟ الله يجعلها خالصة لله. ف إذًا واحد دعا بعد الموت يرفع المقامات بعد الموت شلون رفع المقامات؟ اسمعوا قول النّبيّ عليه الصّلاة و السّلام صلّى الله عليك يا رسول الله قال عليه الصلاة و السلام ان الله عز و جلّ اكتبوا اللي معه ورقة و قلم يا أخواني كتبوا إن الله عز و جلّ ليرفع الدرجة للعبد الصالح في الجنة فيقول يا رب أنّا لهذه؟ هالدرجة بشو؟ ما انا عملت هالعمل؟! ما عملت هالأعمال؟! فيقول استغفار ولدك لك الولد لما بيستغفر لوالديه ربي اغفر لي و لوالديّ الله يرفع درجات الأب في الدار الآخرة صلّى الله عليك يا رسول الله. إذا أردت ان تتصدق يا مسلم اذا اردت ان تتصدق صدقة فاجعلها عن ابويك اي صدقة بدك تتصدق اجعلها عن روح امك و أبوك فإنّه يلحقه يعني ثوابها و لا ينتقص من أجرك شيئًا، انت بتاخذ الثواب كامل و يكتب الثواب لإمك و أبوك صلّى الله على رسول الله. هلق أبو عبدو الله يرضى عليه جايب كاسة هاللبن هدية و صدقة ابو عبدو؟؟ هدية، هدية تشرب جايب كاسة هاللبن اذا قال هذه عن روح والدي و والدتي كل ما قلت انا بسم الله و شربت رفع الله درجة والديه و له الأجر، له مثل الأجر و لوالديه الأجر. هاي صدقة هاي هدية، هدية عن روح والده و والدته اي عمل بدك تعملوا انوي فيه على روح والديك، في حديث ما على أحدكم انه اذا اراد أن يتصدق ب صدقة ان يجعلها عن والديه فيكون لهما أجرها و له مثل أجرهما، مثل أجر أمك و أبوك. الن أجر يا سبحان الله ف معناتا الولد اللي عم يدعي ل والديه الله عم بيعزّ والديه فيه و عم يرفع درجة الوالدين طيب و اذا الولد ما دعا؟! قال النبي صلّى الله عليه و سلم اذا ترك العبد الدعاء لوالديه ف إنه ينقطع عنه الرزق، اذا ترك العبد الدعاء لوالديه فإنه ينقطع عنه الرزق ممكن رزق الإيمان و ممكن رزق الأبدان الله يقطع عنك الرزق ما عم بيدعي لوالديه ربّي اغفر لي و لوالديّ ربي ارحمهنا كما ربّياني صغيرا ما عم تدعي ف ينقطع عنه الرزق ممكن يكون الرزق الإيماني ينقطع عنك و ممكن رزق الأبدان ينقطع عنك لأنك ما دعيت لوالديك ف كما أتمّها على أبويك بدك اتمم النعمة على والديك. و اذا مات الولد قبل الأب هداك اذا مات الأب قبل الولد بلكي مات الولد قبل الأب مات الولد هوي و صغير عمرو ٦ سنين ٧ سنين ٥ سنين يوم مات الولد وُلد الولد و مات بدك تسمّيه اذا قال واع بتغسله بتكفنه و بتسميه و بتصلي عليه و بتدفنه، متما صرخ ولو صوت واحد و يرث و يورث انتبهتوا عليي؟ الولد اذا ولد و صرخ صوت واحد واع ماتما قال واع و مااع هالولد يغسل و يكفن و يصلّى عليه و يسمّى عليه و يدفن و يرث و يورث فاذا مات الولد الصغير ورد في حديث النبي عليه الصلاة و السلام انه يقال للولدان يوم القيامة للأولاد الصغار الله يقول لهم أدخلوا الجنة هايدول الصغار ما في عليهم سؤال و في سبب ادخلوا الجنة فيقولون يا ربّ حتى يدخل أبآئنا و أمهاتنا ما منفوت لحالنا حتى نفوّت امنا و أبونا معنا فيقول الله عز و جلّ مالي أراكم مبطئين؟ ليش متأخرين؟ صدر الأمر فوتو عالجنة ليش متأخرين ما فايتين؟ ادخلوا الجنة فيقولون يا ربّ أبآئنا و أمهاتنا ما منفوت عالجنة ما منفوّت إلا أبونا و أمهاتنا فيقول الله تعالى أدخلوا الجنة أنتم و أبآئكم! فكل ولد بياخد بيد امه و أبوه و بيفوتن عالجنة.
هذا الولد اذا مات و هوي صغير في شرط الصبر عليه اذا صبرت عليه كسبته في الدار الآخرة دخّلك عالجنة أمّا اذا بكي عليه و لطم و عمل و كذا و أشكال خسر ولده ، هالولد الصغير اذا مات شفاعة لوالديه يوم القيامة ذخر إلك في الآخرة يللي يموت له ولد صغير هذا له ذخر في الآخرة هالذخر هذا لا يدخل الجنة حتّى يدخلك معه. و هو الذي يسقيك يوم العطش الأكبر بتكون تحت الشمس واقفين بيطلعوا الأولاد من الجنة بإيديهن كاسات و أباريق من لؤلؤ بيفوتو عالمحشر ناس كلها واقفة كل واحد بيمد يده دخيلك يا ابني نقطة ماي عم بيشمّوا قل هل لك فينا ولد؟ ميّتلك ولد؟ يقلّلو والله ما متلي ولد فيقول له محروم..محروم. هذا كان في ضيعة من الضيع هاي للقصة بتحفظوها اذا سمعتوا القصة بتحفظوها. كان أهل الضيعة دايمًا يقولو للخطيب للإمام تبعهن بدنا نزوجك يا إمام بدنا نزوجك يقلن ما بتزوج عم بدرس ما بتزوج. فليلة من الليالي قبل الصبح بساعة بساعتين طلع عالمنبر و صار عم ينادي يا أهل الضيعة دخيلكن زوجوني يا أهل الضيعة دخيلكن زوجوني، فزعوا أهل الضيعة شو صايرلوا صرلنا سنتين ٣ عم منقلوا ما عم يرضى اجو اعل الضيعة شو باك؟ دخيلكن قللن زوجوني بركي بتحبل مرتي و بتجيب ولد و بيموت هوي و صغير دخيلكن. لك خير شو صرلك؟ قللن والله الليلة رأيت القيامة قد قامت و الناس واقفة بالمحشر و الشمس فوق الروس و العرق عم بيكتّ قال شفنا أولاد طالعين جايين من الجنة كأنهن اللولو. بإيديهم كاسات و أباريق. قالتوا واحد منهم الله يرضى عليك يا ابني اسقيني كاسة دخيلك قام شمّ هيكي قلّلو انت الك ولد بيناتنا قال له لا والله ما تزوجت قال له انت محروم. محروم. اجا الولد التاني لك يا ابني الله يرضى عليك نقطة..الك ولد بيناتنا؟ قلّلو لأ قلّلو محروم. بعدين مسكوا ولد قلّلو لك انتو مين؟ قال نحنا الأولاد الصغار اللي متنا ف الله عز و جلّ بيأذنّ لنا نسقي أبآئنا يوم العطش الأكبر. الله، قللن دخيلكن زوجوني بلكي بيجيني ولد بيموت بيشفعلي يوم القيامة بيسقيني يوم العطش. هذا يا إخواني الولد الصغير اذا كان صبرنا على موته.
ف منتمّم الآية اذً كما أتمّها على أبويك من قبل إبراهيم و إسحاق فإذا ابراهيم و إسحاق الله أتمّ عليهم النعم بالنبوّة ف إنّ ربّك عليمٌ حكيم. من فضل الله عليي و عليكم ميشان تصلّوا عالنبي، ما بدكم؟ ما سمعت من هون. خلّيكن أسخياء بحبّ النّبيّ البخيل كل البخيل من إذا ذُكِرتُ عنده فلم يصلّي عليّ اللًهم صلِّ عليه. قال صلّى الله عليه و سلّم، اذا دخل الرجل الجنة.. مين بده يحفظ هالحديث؟؟، مو هلق هلق كتبوا الحديث. اذا دخل الرجل الجنة سأل عن أبويه و زوجته و ولده فات عالجنة وين، وين أمي و أبي وين أولادي وين زوجتي فيُقال إنهم لم يبلغوا درجتك و عملك. وين انت عامل اعمال ليل و نهار و دعوة و شغل ما لحقوا ما وصّلوا الك. هوي بدرجة ٧٠ و هنن ب درجة ١٠ فيقول يا ربّ قد عملت لي و لهم انا عملت إلي و إلهم، فيُأمروا بإلحاقهم به. طالعولوا ياهن طالعولوا ياهن، ما بالله ما بتصلّوا عالنبي بهالحديث؟! ما بشارة من النّبي عليه الصلاة و السلام؟ عملت لي و لهم فيُأمروا بهم اي شوّيه؟ لإلحاقهم به! طالعولوا ياهن! مرته و ولاده و بناته و امه و أبوه معناتا منشتغل كلنا سوا، مقصرين! يا ربي انا عملت إلي و الهن، اي طلعولوا ياهن كرمال عين تكرم مرجعيون. ان ربك عليم، عليم بالنفس الصالحة عليم بمن أتى بالفضائل عليم بمن عمل لله عليمٌ حكيم بحكمة جلّ جلال الله بحكمة الله عزّ وجلّ لا يضع العلم الا في مواضع الكرامة و الكمال، الله أعلم حيث يجعل رسالته. كل واحد الرسالة ما باللفة و الرسالة ما بالجبّة، الرسالة إمداد إلهي للقلب فالله يجعلنا و إياكم من أهل الحكمة إن ربّك عليم حكيم و يغفر الله لي و لكم و للمسلمين و إرجو الله و منكمل ان شاء الله بفضل الله هاي الآية انتهت اخدت معنا درسين انتهت ان شاء الله و منكمل اذا الدرس الجاي بفضل الله تعالى و صلّى الله على سيدنا محمد و الحمد لله ربّ العالمين.