الله عز وجل بين لنا في القرآن عن سيدنا يوسف صلوات الله وسلامه عليه وعن براءته من ما اتهمه به اليهود وكثير من المنافقين من من لم يؤمنو الإيمان الكامل بالأنبياء فلما هي اتهمته ودافع عن نفسه وقال هي راودتني عن نفسي وتبینت الحقيقة بعد ان شهد الشاهد قد قمیصه من قبل او من دبر لما تبين له الحق ما كان يستطيع ان يخالف امرأته كانت زوجته هي المسيطرة وهي الحاكمة وهذا اكثر من بلغ من مستوی من الوظائف تكون زوجته هي الحاكمة كان المأمونy رضي الله عنه وأرضاه كان يقول يحكم على نصف الدنيا وتحكم عليه امرأة امرأة تحكم هارون الرشيد في يوم من الأيام غضب من ابو النواس لما غضب منه وغضب الملك اذا غضب مافي غير القتل يعني فابو النواس مع لطفه وكذا قلو يا سيدي اعطيني مهلة خليني هيك جيب ورقة قال له اعطيتك مهلة شهر قال له بطلب منك بس هيك ورقة بإيدك بختم المملكة بأنه كل واحد بخاف من مرأته حطته (..جزا حمار.) ضحك هارون الرشيد حتى بهاي حطله ورقة ختمله ياها وعطا ياها غاب شهر زمان هارون الرشيد وهو قاعد بالقصر شاف غبار من بعيد ظهر شوف الغبار قالو له جيش حمير بعد شوي وصل ابو النواس وقف الحمير قدام القصر ودخل لعند هارون الرشيد قال له والله يا مولانا كانت السفرة كثير موفقة استطعت اجيب بما يقارب 4000 حمار قال له ما شفت واحد الا وبخاف من مرته قال بس يا سيدي دخلتلك على محل في بلدة كزا فرأيتلك وحدة جمالها زينتها كذا فصار يوصفلو ياها قال له هص هلأ بتسمع الست زبيدة قال له يا امير المؤمنين اذا كل واحد بدو يحط حمار اما انت لازم تحط حمارين بتخاف من مرتك كمان فإذا زوجة العزيز الزوج ما استطاع ان يحكم على المرأة فإلتفت الى سيدنا يوسف يوسف قال له انت يعني حبيب وقاعد عندي وانا عم اكرمك اعرض عن هذا اطويها الصفحة لا تحكي هل سيرة بنوب لا تجيب هل سيرة والتفت الها وقال لها انك كنت من الخاطئين انت ارتكبت خطيئة ما استطاع ان يتكلم اكثر من هذه الكلمة لأن هي حكمت طالعت القرار اما ان يسجن او عذاب أليم حكمت حكم فأكثر من هذه الكلمة ما استطاع ان يتكلم لكنها وهون النقطة هون يلي لازم تفهموها أفشت السر لهلي بيجلسو معها دائما كل انسان بيجلس مع احبابه واقاربه دائما مرت الوزير بتقعد مع امرأة الوزراء مهيك إمرأة التاجر بتقعد مع مرأة التجار العمال بيقعدو مع بعضهم دائما كل ولف على ولفه يلفي لو في وقت كنت افتكرتلكم قصة اكثر من هيك الحاصل فلما جلست معهم وهدول يلي عم يقعدو معها دائما اباحت بحبها ليوسف فلما وقعت استغلو هل الموقف اما حسدا لها واما من باب الدفاع عنها وقال نسوة في المدينة امرأة العزيز تراود فتاها عن نفسه هنا احبابي انتبهوا السر متى خرج من شفتيك لا تلم غيرك اذا كشف سرك الله بين لنا من اول السورة سيدنا يعقوب لما سيدنا يوسف حكاله المنام كانت زوجة سيدنا يعقوب موجودة الزوجة الثانية قال له (يَٰٓأَبَتِ إِنِّى رَأَيْتُ أَحَدَ عَشَرَ كَوْكَبًا) (قَالَ يَا بُنَيَّ لَا تَقْصُصْ رُؤْيَاكَ عَلَىٰ إِخْوَتِكَ) فراحت الزوجة حكت لإخواته لذلك حل بسيدنا يوسف ما حل من ما حصل كل ذلك بكشف السر لذلك كان سيدنا علي يقول ما اسرك ما كتمت سرك هذا قول سيدنا علي واما قول النبي ﷺ فقد قال استعينو على قضاء حوائجكم بالكتمان بدك تروح شي سفرة بدك تشتغل شغلة بدك تعمل عمل خليه... سرك خلي سرك اما بتحكي لهاد وبتحكي لهاد وحصلت مع بعض الأولاد بعض الأولاد باع سيارة كانت معه طب باع السيارة اخد المصاري حطهم بالبيت بعض ررفقاته قال له وين السيارة قال له والله بعناها قال له شو حطيت المصاري بالبنك قال له لا والله حطيتهم بالبيت خير انشاءالله وصدف انه بعض الأولاد سافر اجا شاف البيت منكوت والمصاري مسروقين مين دخل على البيت رفيقه يلي حكاله لذلك سرك لا تعطيه لحدا استعينو على قضاء حوائجكم بالكتمان فإن كل ذي نعمة محسود هذا كلام النبي ﷺ عليك نعمة العافية بيحسدوك عليك نعمة اللباس بيحسدوك عليك نعمة العلم بيحسدوك عليك نعمة القوة بيحسدوك الحسد دائما موجود بين بني آدم واول ذنب عصي الله به الحسد ابليس حسد سيدنا آدم فأخرجه من الجنة لذلك سرك اسيرك هذا كلام سيدنا علي سرك اسيرك فإذا تكلمت به صرت اسيره عادة الأحباب لما بيجي بيلتقي مع رفيقه مع صاحبه بيقعد معه العادة بيحكيلو بعض اسراره بالبيت ابوه مع امه شو بصير بالبيت شو كذا بيحكيله اسراره لك يا ابني انتبه الى كلام النبي ﷺ احفظوه قال ﷺ احبب حبيبك هونا ما احبب حبيبك هونا عسى ان يكون بغيضك يوما ما حبيته اليوم لكن ممكن تجي ساعة يصير خصمك وعدوك وانت حاكيله كل شيء فبيمسكك من ايدك يلي بتوجعك بيفضح اسرارك بيكشف عيوبك فخبي سرك ما استطعت فإن تكلمت به فأنت اسيره بصير يقول له مشان الله ببوس ايدك كذا عاداك وبده يكشف سرك صرت انت خادم عنده بس ما يكشف السر فرضي الله عنه وارضاه سيدنا علي قال أمناء الأسرار اقل من امناء الأموال يلي عم يأمن عل المال كم واحد بال 100 تنين تلاتة امناء السر ولا بال1000 بينوجد 3 خاصة اذا قلت له يا اخي هذا سر بيني وبينك معناتها اطلاع كشفه قال ﷺ اذا حدثك اخوك بحديث وهو يلتفت فهو امانة عم يحاكيك واتطلع في حدا سمعان هذا الحديث امانة فاذا حكيته لأختك او امك او ابوك فأنت خائن للأمانة لا يجوز ان يبحث عن هذا الكلام فأمناء الأسرار اقل من امناء الأموال وحفظ الأموال يسير ايسر من كتمان الأسرار حفظ المال اسهل ليش المال في له خزانة وله قفل بتسكر الخزانة وبتقفل القفل اما السر لسان مفتوح بذيعه وكل حديث فارق الإثنان الإثنان الشفتان شاع متى ما طلع لح يكشف خاصة في زماننا هذا لا تحكي كلمة ما الك فيها اترك الأمور لخالقها عليك من ذاتك ونفسك دور على ما ينفعك ولا تداخل بأمور خاصة قال سيدنا عمر بن عبد العزيز رضي الله عنه القلوب اوعية والشفاه اقفالها الشفتين قفل لهل الوعاء واللسان مفتاحها فليحفظ كل انسان مفتاح سره اذا حفظت لسانك انت كاتم سرك اما اذا حكيت سرك وراح فضحه بتقول اخي ما كتم السر انت ما كتمت سرك شلون هو بده يكتم السر لذلك بهل النقطة لح نبهكم على انتباه بسيط وهذا واقعين فيه اكثر الشباب واكثر الناس بكون الإنسان قاعد بمحله عم يشتغل ومتزوج وعنده 3 ولاود و4 ولاد عم تجي فتاة بتفوت لعنده بتتبكبك وبتحكيله اسرار البيت ابوها وامها واخوها بيفتحلها الطريق بتقوم بتصير بتحكيه (.بتتردد..) عليه مرة ثانية مرة ثالثة صار يكره مرته ويكره بيته ومال الها هي لو كان في عقل كان فكر انه هي لما اباحت سر بيتها سر امها وابوها لح تكتم سرك انت فكأنه عم تقلك بلسان الحال اوعك تتزوجني انا بفضح الأسرار فلو كان في عقل كان فكر بهل التفكير لكن خلص مال الها زوجته صرلها عنده 20 سنة ما عادت تعجبه صارت وسخة صار مطبخها مو منيح صار الها كذا صار كذا حط فيها كل العيوب ما شفت عيوبها 20 سنة لهلأ معناتها عينه مالت للغير ومتى ما مال الرجل للغير بيكره مرته بيكره بيته فإنتبهو ما تخلوا النساء تجي لعندك وتفتح لها مجال بدها تحكي بس مع السلامة ما عندي انا وحدة تقعد تفضح اسرار بيتها مع السلامة لا تفتحلها مجال لما انت تفتحلها مجال عم ترددد عليك وترددها عليك عم تتعلق فيها وتعلقك فيها صار بده يتزوج على مرته ما عادت عجبته مرته صار بده يتزوج عليها زواج الثاني يا اخواني خطأ الناس بتقول الله ابحلنا الله اباح على شرط لك يا ابني على شرط العدل من يستطيع ان يعدل بعد قول الله تعالى (وَلَن تَسْتَطِيعُوا أَن تَعْدِلُوا بَيْنَ النِّسَاءِ وَلَوْ حَرَصْتُمْ ۖ) سيد الخلق رسول الله ﷺ كان يعدل بين النساء وكان يقول اللهم هذا قسمي في ما املك فلا تلمني في ما تملك ولا املك الحب ما بحسن بملكه انا لذلك في الشريعة قال لو جبت لزوجتك الثانية تفاحة جولدن (.حمرة..) مهيك بدك تجيب مثل حكايتها لزوجتك الأولانية شكلا ووزنا وهيئة مثل حكايتها معقول جبتلها هي رغيف مقمر بدك تجيب للثانية رغيف مقمر هي اضحكتلها بدك تضحك للثانية من يستطيع لهذا العدل لذلك الله قال (وَلَن تَسْتَطِيعُوا أَن تَعْدِلُوا بَيْنَ النِّسَاءِ وَلَوْ حَرَصْتُمْ ۖ) لذلك لا توقع حالك بهذا الخطأ واحدة بتكفي الى يوم القيامة احرص على اولادك ومتى ما اتزوج الثانية شتت الأولاد يا ترى الثانية بيطلع فيها حنان للأولاد مثل الأولى فيا الأولاد بدهم يقعدوا مع الأولى بدهم يجوعو وبدهم يفلتو بالشوارع او بدهم يقعدو مع الخالة والخالة كل يوم بدها تقتلهم بعض الخالات يعني بحكيها والله يتوب علينا اخذناها حافظة للقرآن وبتصلي وبتصوم وماشاء الله على ولدين بالمكواية صارت تكوي جلد الولد بالمكواية الحامية تكويلو جلده طيب وين القرآن يلي حفظتيه وين الدين وين لذلك خالة وتحضن الأولاد بالحنان ما منها يمكن اذا كان انوجد بال 10000 انوجد وحدة بال 10000 يمكن هي بكون من نعمة الله لذلك انتبهوا من هل ناحية هي فالسر ما منكشف سرنا لأحد فلا بد للسريرة ان تنكشف يا ابني مهما خبت وقال نسوة في المدينة مين النسوة رفقاتها اصحابها لذلك لما المرأة بتقعد دائما هي ويلي معها دغري بيحكو عن البيت النبي مرة حكى عن الصحابة الواحد منكم اذا كان بيقعد مع رفقاته بيحكيلهن شو بصير مع مرته والوحدة اذا بتقعد مع رفقاتها بتحكيلهن فتاة من اخر الصف قعدت على ركبها.. بركت قالت اي والله يا رسول الله انهن ليفعلن ذلك بيحكو هيك فالنبي ﷺ قال مثل الرجلين المرأة والرجل لما بيكونو مع بعضهم وبيطلع لبرا بيحكي شو صار مثلهم كمثل شيطانين التقيا في الطريق شلون بالطريق نام مع مرته اي هذا عم يحكيها لبرا فكل ذلك يجب ان ننتبه اذا اخواني ما يطلع السر ولو كانت السهرة بين احبابنا خلو الأمور دائما لو تعلمنا نحكي بالإسلام ما منتعرض لهل الامور لو تعرضنا نحكي لدين الله فسرلهم حديث فسر لهم اية وجههم الى التقوى وجههم الى الهداية ما بتحكي هل الامور لكن ما في شي عنده بيقعدو بيحكو كانت الفلانة تعمل كذا وكانت الفلانة تعمل كذا وكان ابي يساوي كذا وكانت امي بيكشف اسرار العيلة واسرار مخباية بيفضحها وهو مالو دريان مفكر حاله بسهرة وعم يتضحكو مع بعضهم البعض وقال نسوة الله عم يحكيلنا ياها مشان تنتبهو خاصة النسوان خلو الجلسة اذا قعدنا الله يرحم الحجة كان لما يصير عزا وتحضر عادة النسوان اول ما بتفوت من الباب اوولي وهن بيردو عليها فكانت اول ما تقعد تقلهم يالله امسكو مسابحكم كل وحدة 100 قل هو الله احد لنوهبها للمتوفاية تشغلهم بالقرآن مافي وحدة قاعدة اشتغلو بقل هو الله احد اشتغلو بالتسبيح اشتغلو بلا اله الا الله اتمر السهرة ولا وحدة تحكي كلمة هذا يا ابني يلي بدنا نضمنه في الحياة اما واحد ما عرف بالإسلام ولا في الدعوة ولا فكر بدين الله ولا شي بده يقعد يحكي هل الامور هي فالآية اليوم الكم وقال نسوة في المدينة امرأة العزيز مرأة الزعيم مرأة الوزير عم تحب العبد الخادم بدها تحب ولا بد تحب واحد من الطبقة تبعها اما تحب خادم حق اي امرأة العزيز تراود ما قال راودت شوف اية القرآن لو قال راودت انتهت ام تراود يعني ما تزال تحبه ولا تزال تميل اليه ولا تزال تتعرض له مادام عندها وقالت نسوة في المدينة امرأة العزيز يلي تعلقت بالخادم تراود فتاها عن نفسه فتاها الفتى هو الخادم او العبد في زمانهم عبد مرت وزير بتعشق عبد المفروض تعشق غني لا يا احبابي ﷺ ركبت المرأة على 99 شهوة وركب الرجل على شهوة واحدة ولكن يمنعهن الحياء المرأة بدها تكون دائما منتبهة فإذا الرجل ما ادى الحق فالمرأة يمكن تقع هلأ بعض الرجال عم يترك زوجته ويسافر سافر شهرين ثلاثة سيدنا عمر رضي الله عنه وارضاه كان بالليل عم يطوف في الشوارع مشان يشوف حال الناس فسمع امرأة في بيتها عم تغني على الشمعة وعم تقول لقد طال هذا الليل واسود جانبه وليس الى جنبي خليل الاعبه فوالله لولا الله تخشى عواقبه لحرك من هذا السرير جوانبه مخافة ربي والحياء يعفني وحرمة زوجي ان تنال مراكبه فسيدنا عمر قال لها في شي بطريقك قالتله لا والله ولكن زوجي غايب مسافر بالجيش عندك مسافر سيدنا عمر راح وهو يبكي دغري جاب بنته حفصة زوجة النبي قال لها يا بنتي انشدك الله اصدقيني الحديث مافي حياء كم تستطيع المرأة ان تصبر عن زوجها استحت احكي امر ديني هذا قالت له اطول مدة 3 اشهر فأرسل للجيش يلي اله 3 اشهر خلي يرجع لعند اهله غير الجيش كله يرجع الى اهله هذا دين لك يا جماعة المرأة بدها رجل حكيت للإخوان البارحة عن زوجة زوجها ملياردير يعني ما مليون بيملك اكثر من 500 مليون عنده قصر بيت حول عشرين اوضة الها 5 اولاد دكاترة سمعانين كم ولد 5 اطباء زوجها كل يوم بيجي عشية دفاتر داخل والخارج اجت لعنده قالتله طلقني يا بنت الحلال مقصر عليكي طلقني ما رضي يطلقها تركته وراحت تزوجت مكنس بلدية بأوضة خشة مثل عش العقربة معها حق ولا ما معها حق معها حق فلازم تنتبهو كل الإنتباه وقال نسوة في المدينة امرأة العزيز تراود فتاها عن نفسه انتبهو يا اخواني ذنب الصغير صغير وان كان كبيرة وذنب الكبير كبير وان كان صغيرة جبلكم مثال عليها لأن اذا ما اجا المثال ما بتنتبهو عليها واحد بالسوق طلع خلقه شو هل الحالة شو هل (...) سبله مسبتين سمعوه بياخذوه بيضربوه كفين ومع السلامة مهيك طيب واذا كان شي شرطي حكا نفس المسبة في عقوبة اكثر واذا كان شي نجمتين ثلاثة نفس المسبة على السجن عقوبة اذا شي عقيد او عميد نفس المسبة وين واذا كان لواء نفس المسبة مسبة صغيرة من الصغير شو صار من الصغير تمت صغيرة ولكن من الكبير شو طلعت بتطلع كبيرة فلذلك امرأة العزيز مرت العظيم بتقع بهيك خطأ تراود فتاها عن نفسه اي شو صار قال قد شغفها حبا هون قد شغفها انتبهو لح اعرض عليكم على الشاشة لحتى تعرفو شغاف القلب اعرضولنا على الشاشة شغاف القلب اجا لبالي اليوم البارح درست الآية سألت الأطباء فالأطباء على نوعين منهم من قال شغاف القلب حول القلب من برا ومنهم من قال جوا ولكن الحال المعتمد علميا انتبهو عليها لورجيكم الشغاف وينه حط لنشوف ايوا هذا القلب هي الصورة العادية يلي الناس بتعرفها هذا الخط الأحمر هو القلب الخط الأحمر هو القلب بعد منو الخط الأخضر ملزوق بالخط الأحمر هذا اسمه الشغاف شايفونه الخط الأخضر هذا اسمه الشغاف بين الشغاف والقلب مغطى بكيس اذا بتشوفه بتروح لعند اللحام بتشوفه مغطى بكيس الكيس هذا اسمه التامور بين الشغاف وبين التامور في مائع سائل هل السائل هاد مشان اذا اجا ضغط ما يأسر على القلب جل جلال الله لذلك هل البياض هذا هذا سائل بين التامور وبين الشغاف فإذا الشغاف هو ما احاط بالقلب كله فقال قد شغفها حبها يعني حبه ملأ كل قلبها ما بس الجواني احاط بكل القلب كلمة القرآن دخيل الله ما اعظم كلام الله عز وجل قد شغفها حبا فالحب على انواع بيطلع اول الكل بحب بعد الحب بصير الهوى حب فهوى بصير بيهوى بميل الى من احب متا ما هوي بيعلق بتعلق المحبة في القلب متا ما لازم علق الحب بصير عنده الكلف الكلف تكلف الوصول الى شيء وهو ما عنده استعداد بده يوصل لمحبة الله بده يوصل لمحبة النبي ﷺ صار في عنده الكلف الكلف بيوصله للعشق بصير نار عم تشتعل في القلب عاشق بده يوصل لحبيبه بده يوصل وهذا المشاعر يلي الإنسان ما بقى بيتحمل نفسه زي بكون عاشق ومعشوق لأنه صار في نار بدها تلتقي ببعضها البعض بعد العشق بيوصل للشغف احاط بكل القلب هذا الحب ومتى ما احاط بهل القلب ما عاد في مجال لغيره يدخل ملئ القلب بمحبوب واحد ما عاد يدخل محبوب ثاني فشوف مين المحبوب يلي استولى على قلبك اذا كان المحبوب الله او المحبوب رسول الله الدنيا ما بقى لها قيمة العظيم اذا دخل الى القلب الحقير ما بقى يدخل اله اذا الملك دخل الى مكان الشحاد بيدخل اله خلي قلبك يمتلئ بالله ما عاد يدخل اله الدنيا اما القلب فارغ مافي الله بتدخل الدنيا ومتى ما دخلت الدنيا استولت على القلب فجعلته خادم للشهوات فهذا يلي اسمه الشغف بعد الشغف بيوصل الى الهيام صار بالطرقات ماشي عم يشوف حبيبه قدامه بعدين بيوصل الى الوله لا اله الى الله هذا الوله يتوله بحب الله وحده ولا يميل الى غيره كما قال بعض الشعراء تاالله هي التاء شو منعربها تاء القسم يعني والله تاالله ما طلعت شمس ولا غربت الا وذكرك مقرون بانفاسي كل نفس الذكر معه لا اله الا الله سبحان الله والحمدلله ولا اله الا الله دائما تاالله ما طلعت شمس ولا غربت الا وذكرك مقرون بأنفاسي ولا جلست بقوم احدثهم اذا قاعد بدي احكي مع الناس بدي علمهم الا وانت حديثي بين جلاسي اعلم وانا معك والله لولا الله ما اهتدينا لو ما الله معنا ما منحسن نحكي كلمة ولا جلست الى قوم احدثهم الا وانت حديثي بين جلاسي ولا شربت لذيذ الماء من ظمئ عطشان حملت الكاسة بدي اشرب الا رأيت خيالا منك في الكاس هذا الحب هذا العشق ترى صورة حبيبك دائما في الكاسة اكثر من هيك الله يتمم فضله علي وعليكم انا تميت حاول اربع ايام ما اكل بلا اكل حكو لشيخنا رضي الله ان الشيخ رجب ما عم ياكل بعت وراي خير يا ابني ليش ما عم تاكل قلتله طب ما عم احسن اكل ولا عم احسن اشرب طب ليش كل ما عم ارفع اللقمة عم شوف صورتك عليها لما عم ارفع الكاسة عم شوف صورتك فيها شلون بدي اشرب قال لك ابني كلها اشربها معلشي مشي الحال من بعد فضل الله عشق بدك دائما ولا شربت لذيذ الماء من ظمئ الا ورأيت خيالا منك في الكاس اذا كان للناس وسواس يوسوسهم دائما عندهم وسواس فأنت والله وسواسي وخناسي دائما انت الوسواس مافي شي يشغل البال الا الله مافي شي يشغل القلب الا الله عز وجل لولا نسيم بذكراكم افيق به هذا اذا كنت نايم بفيق على نسيم الحب لكنت محترقا من حر انفاسي لولا نسيم بذكراكم افيق به لكنت محترقا من حر انفاسي حب ما بيقدر الواحد ولما الواحد بده يحب والحب نتيجته لمين مين بيقطف الثمرة المحب ولا المحبوب المحب المحبوب ما دخل هلأ لو حبينا النبي كلياتنا النبي بيزداد شي نحن يلي منزداد فكل ما زاد حبك كل ما ارتقى عند الله مقامك في الجنة اي قال " شَغَفَهَا حُبًّا" حبيت الله يرضى عن سيدنا الشيخ عيسى الكردي كان من كبار العارفين بالله كان اذا اجا لعنده اخ بدو يدخل في الطريق بده يتعلم الذكر يقول له يا ابني انت حبيت لا سيدي اعوذ بالله ما حبيت حدا بقله يا ابني ما منتفق اتعلم الحب وتعى لعنا ما بينتفع بطريقنا الا المحب تعلم الحب روح شوف اهل الحب شو بيعملو اهل الحب ما بيعرف ينام الليل بالطرقات ماشي مجنون ليلى بالطرقات ماشي بالطرقات عم يتطلع على النجوم عم يتطلع وين رايح اما بده حبيبته بده احب امرأة فانية وشو احب بالمرأة احب اقبح شيئ في المرأة اما اذا انت احببت الله اقدس شي في الوجود في فرق بين اقبح شي وبين اقدس شي يا سبحان الله هذا الحب لذلك قال ابن الفارض رضي الله عنه هو الحب هو الحب فاسلم بالحشى ما الهوى سهل اذا بدك تحب اسمعوا اهل الحب شو عم يحكوا هو الحب فاسلم بالحشى اسلام بحياتك ما الهوى سهل فما اختاره مضنا به وله عقل واحد مضنا بالحب وله عقل ما عقلك صار عند حبيبك صار غذاءه من حبيبك هو الحب فاسلم بالحشى ما الهوى سهل فما اختاره مضنا به وله عقل وعش خاليا لا بدك حب ولا بدك شي وعش خاليا هي نصيحة اسمعوا وعش خاليا فالحب راحته عناء راحت الحب تعب في محب بيرتاح انو راحة هذا قال ﷺ لا راحة لمؤمن والمؤمن هو المحب لا راحة لمؤمن دون لقاء وجه ربه انا حكيتلكم ابغض كلمة بسمعها لما بقولولي ريح حالك مريض دكتور بقلي ريح حالك عندي مجلس العلم اذا متت فيه بكون انا شهيد فالحب راحته عناء واوله سقم واخره قتل اول الحب سقم مرض بدهن يضعفو كل محبوباتك هذا اول الحب كل المحبوبات بتضعف واخره قتل كل المحبوبات الا حبيب واحد وهو الله الله يدوقكم يا ابني الله يعرفني ويعرفكم ما كل ما يسمع يفهم في واحد ما بيعرف حتى يذوق خاصة الحب يا ابني مين منكم اكل عسل مين بيعرف طعمة العسل يرفع اصبعته ماشاء الله شو طعمة العسل شلون حلو يعني مثل السكر لا مثل القطر لا مثل ايش ؟ متل العسل ذوق بتعرف هو الحب ذوق بتعرف يلي بذوق الحب بيعرف شو معنى الحب وعش خاليا فالحب راحته عناء واوله سقم واخره قتل نصحتك علما بالهوا هاي نصيحة مني عالم بالحب نصحتك علما بالهوى والذي اراه انا بعد ما نصحتك لح اعطيك رأي والذي ارى مخالفتي يعني حب ولا تخاف خالفني وحب فاختر لنفسك ما يحلو بتحب تكون من اهل القرب بتحب تكون من اهل البعد فاختر لنفسك ما يحلو لا اله الا الله فإن شئت ان تحيا سعيدا فمت به السعيد يلي اله حب يلي ما اله حب ياريت يصير دب الدب بحب شوفوا الدب والدبة في حب بيناتهم ولا مافي حب فإن شئت ان تحيا سعيدا فمت به شهيدا والا فالغرام له اهل خلي الغرام لأهل الغرام ولا تتعدى وتقول انا بحب الحاصل " قَدْ شَغَفَهَا حُبًّا" عرفنا شو يعني شغفها يعني ملأ كل القلب حبا ما عاد يدخل الها حب الزوج ما بقا اله محل حب الأهالي والإخوان ما بقا اله محل حب الرفقة والأصحاب ما بقى له محل شغفت به " إِنَّا لَنَرَاهَا فِي ضَلَالٍ مُّبِينٍ " انا لنراها شايفينها انو هي فقدت وعيها فقدت عقلها فقدت مكانتها الإجتماعية مكانتتها في الدولة زوجة الوزير فقدت الكل ضلت عن الحياة والإستقامة " إِنَّا لَنَرَاهَا فِي ضَلَالٍ مُّبِينٍ " الله اكبر حتى يلي عم يقعدو معها اتهموها فلا تظن هدول اصحابنا هدول احبابنا هدول اخوانا اول من بيشمت فيك القريب لذلك قال الا قارب عقارب اول ما بيشمت فيك الأقارب لا تظهر سرك لأحد شو بدنا ناخذ اليوم من الأية سمعتوا الأية " وَقَالَ نِسْوَةٌ فِي الْمَدِينَةِ امْرَأَتُ الْعَزِيزِ تُرَاوِدُ فَتَاهَا عَن نَّفْسِهِ ۖ قَدْ شَغَفَهَا حُبًّا ۖ إِنَّا لَنَرَاهَا فِي ضَلَالٍ مُّبِينٍ" اولا اعلموا سنة الله في هذا الكون مسلم كافر مؤمن مقرب خاشع صالح فاسد اعلموا يقينا ان الإنسان اذا كتم سرا الله يكشفه للخلق اي انسان خبأ في قلبه حال الله ببينه للناس قال النبي ﷺ ما اسر عبد سريرة خبيتها بقلبك ما اسر عبد سريرة الا البسه الله ردائها ان خيرا فخير وان شرا فشر الله اكبر انت عم تعمل بالمخفي الله عم يكشف سرك بدو ينكشف لح اذكركم قصة حصلت في الحياة كان رجل يقال له حبيب ابو محمد تاجر من التجار ولكن كان يعامل الناس بالربا يدين ال10 وياخذهم 11 فمرة ماشي بالطريق الولاد يلي عم يلعبو قال بعضهم لبعض اجا اكل الربى اجا اكل الربى ما حدا بيعرفو عم يشتغل بالسر ما حدا بيعرفو فهو وماشي بالطريق نكس راسه قال يارب افشيت سري صبيان شو بيعرفهم في انا ما حاكي لحدا الله كشف سره اكل الربى اجا اكل الربى فراح جمع الأموال وجمع وقال له يارب انا اسير وانا لح اشتري نفسي منك بهل المال فهل المال كله لح رجعه لاصحابه فاعتقني رجع الأموال كلها لأصحابها ورجع الى صلاته وتقواه وايمانه بعد اسبوع ماشي بالطريق نفس الطريق ونفس الأولاد يلي عم يلعبو فقالوا اسكتوا فقد جاء حبيب العابد اول جمعة شو قالو اجا اكل الربى تاني جمعة اجا حبيب العابد فبكى وقال يارب انت تذم مرة وتمدح مرة انت يلي بتخبيه بقلبك بده يطلع بتقول هذا سر ومحدا بيعرفه الله بيكشفه لبرا وفي حديث من اجمل الأحاديث قال ﷺ لو ان احدكم يعمل في صخرة لو ان احدكم يعمل في صخرة صماء مسكرة صخرة مسكرة مافي الها ليس لها باب ولا كوة لافي الها طاقة ولا في الها باب مسكرة كلياتها لو ان احدكم يعمل في صخرة صماء ليس لها باب ولا كوة لخرج عمله للناس كائنا ماكان هو عم يخبي بقول فلان عم يخون فلان عم يرتكب خطيئة فلان شو عرفك الله كشف ستره لذلك بالحديث يا معشر من امن بلسانه بقرأ لكم الحديث انتبهوا عليه يا معشر من امن بلسانه ولم يدخل الإيمان الى قلبه لا تغتابوا المسلمين لا تغتابوا المسلمين ولا تعيروهم فإنه من عير اخاه بذنب لم يمت حتى يعمله لا تغتابوا المسلمين ولا تعيروهم فإن من كشف سر اخاه فضخه الله على رؤوس الخلائق بصير الله بيكشف سرك للكل انتبهوا يا اخوان سرك بينك وبين الله لا يدري مافي القلوب الا علام الغيوب اصلح ما بينك ومابين الله يصلح الله ما بينك وبين خلقه وهذا حديث كتبته البارحة سبحان الله طلع معي البارحة انه بعض الأحباب حكا لي انه سيدنا سلمان رضي الله عنه قال لكل امر جواني وبراني قلت له النبي قال النبي ﷺ من اصلح في ما بينه وبين الله أديت فرائضك أديت ذكرك تلاوة القرآن صيامك من اصلح في ما بينه وبين الله اصلح الله في ما بينه وبين الناس اصلح الله في ما بينه وبين الناس ومن اصلح جوانيه شو الجواني القلب ومن اصلح جوانيه اصلح الله برانيه الناس يا اخواني بتشم كان الله يرضى عنه الشيخ ابراهيم الصباغ الشيخ ابراهيم الصالحاني يقولوا له كان لما يمشي في الطريق الكافر لما يشوفه يقول اللهم صلي على سيدنا محمد اي انسان يشوفه مجرد ما ينظر اله يقول اللهم صلي على سيدنا محمد عمامة ودقن كان فنيان بحب النبي ﷺ الصغير والكبير بيشبه النبي بيشبه حبه للنبي ظهر واحد بقول اخي بحب الله هذا بحب الله هذا من احباب الله هذا من اولياء الله هذا وشو عرفك من اسر سريرة البسه الله ردائها بدك تلبس البدلة تبعها ف ردائها فالناس بتعرف السر نعم بتشم الريحة واحد بكون ما بيعرف الشيخ اول ما بيجي بقول والله كأني بعرفه من 20 سنة كأني بعرفه من 500 سنة شو عرفك فيه في رباط روحي يا ابني ارواح بتشم بعضها البعض ولو ما شافه ولو ما عارفه فسبحان الله لذلك الرجل الطيب الله ما بيجمعه الا مع الطيبين والخبيث الله ما بيجمعه الا مع الخبثاء بحياتي ما شفت نحلة وقفت على نجاسة ولا شفت خنفسة بتشم ريحة طيبة الخنفسة اذا بتحطلها ريحة طيبة بتموت والنحلة اذا بتشممها ريحة خبيثة بتموت القطة لما تجي لعندك بدك تهربها لا تضربها ولا تفركلها اذنها طالع قنينة العطر حطها قدام مناخيرها بس قولها فرقينا بريحة طيبة مجرد ما بتشم الريحة بتفرك مناخيرها وما بقا بتفوت لعندك خلص ريحة طيبة لأن بتشم ريحة الجرادين ما بتشم ريحة طيبة فإذا كنت انت قلبك طيب الله بيجمعك مع الطيبين اذا كنت انت فيك نسبة من الأولياء الله بيجمعك معهم وين محلها في القرآن في القرآن ذكرت " وَإِذَا النُّفُوسُ زُوِّجَتْ" ما قال الأجسام " وَإِذَا النُّفُوسُ" يعني الأرواح اتزوجت ارتبطت مع بعضها فالله بيجمع الصالحين مع بعضهم الأولياء مع بعضهم الأتقياء مع بعضهم وهكذا قال النبي ﷺ الا ادلك على ملاك هذا الأمر عم يسألكم الا ادلك على ملاك هذا الأمر تملك الإسلام كله ملاك الدين كله ملاك هذا الأمر اللذي تصيب به خير الدنيا والأخرة مين بده كلكم عليك بمجالس اهل الذكر عليك بمجالس اهل الذكر واذا خلوت فحرك لسانك ما استطعت بذكر الله وشو تحريك اللسان بقى تقول سبحان الله والحمد لله ولا اله الا الله والله اكبر معناتها ان قعدت بدك تذكر وان نمت بدك تذكر وان تحركت بدك تذكر فدائما على ذكر الله طولنا عليكم اليوم غفر الله لنا ولكم ولكن بدكم تنتبهو لحديث اليوم اضر شيء شو هو حفظ السر اكتم ذهبك وذهابك ومذهبك اكتم ذهبك شو في معك قديش معك شو جمعت شو مصمد ماحدا بيعرف اكتم ذهبك وذهابك وين رايح ولوين رايح شو في ما الو حدا يسأل ولو سأل ما بتجاوبه اكتم ذهبك وذهابك ومذهبك مين شيخك القرآن انا مسلم بتقول له انا شيخي فلان بحطلك خمسين عيب لأنه ما بيحبه رجل اتى الى النبي ﷺ قال له يا رسول الله انا حابب سافر هي اخر الدرس لح احكيها طولنا لكن بدي سافر يا رسول الله بتأذن لي سفره بدو يسافر مثلا من هون الى حمص فالنبي قال له من رفيقك في السفر قال له ما في حدا قال اتخذ الرفيق واحد شافه قال انا برافقك فإجا للنبي قال له يارسول الله فلان لح يرافقني بالسفر قال له احفظ وصيتي اخاك البكري ولا تأمن اسمعوا هل الوصية اخاك البكري بكر يلي من امك وابوك ولا تأمن لا تأمن له اخذ الوصية من النبي بالطريق يلي طلع معه قال له الله يخليك اذا بتستناني بس 5 دقائق او 10 دقائق اهلي هون قراب لزورهم بس وارجع لعندك لما راح تذكر حديث النبي اخاك البكري دق بالفرس وهرب واذ هداك في جماعة عم يستنوه جايب الجماعة وجاي كان نفد منه يلي نفده شو هو وصية النبي احفظوا وصية النبي اخاك البكري ولا تأمن يعني على سرك خلي سرك لحالك اللهم انا نسألك الهدى والتقى والعفاف والغنى ونسألك العفو والعافية في الدين والدنيا والأخرة شو رأيكم نختم بلا اله الا الله.