انا لو بتمكّن الآن ما بصرف مال في ابواب الخير الا في بناء الإسلام بناء الإسلام كيف بناء الإسلام بالحديد والإشمنتو والاسمنت ؟بناء الاسلام بناء الرجال بناء العقول بناء العقول بناؤهم العلمي الأخلاقي التربوي السلوكي الشعوري والوجداني هذا البناء هذا يحتاج الى معلمين بدنا ننشيء العلماء يكونوا على هالمستوى اذا نشأوا العلماء على هذا المستوى بنو العقول والقلوب والوجدان والسلوك وفهمو الحياة بنو للناس الدنيا والآخرة الأمة كلها بتصير فئة واحدةوطائفة واحدة وشخص واحد واذا وِجد العلماء الأكفاء تتوحد ما الوطن كسوريا بيتوحد العرب يتوحد المسلمون يتوحد العالم على قدر ما بتجيب بنائّين ومهندسين يكون انتاج البناء وارتفاع البنايات واذا فقدنا المهندسين وعمرنا بلا مهندس بدنا نعمر 20 طابق انا لو كنت شيخ بالهندسة ما بعرف اذا كنت شيخ حقيقي بفهم من الإسلام (فَاسْأَلُوا أَهْلَ الذِّكْرِ إِن كُنتُمْ لَا تَعْلَمُونَ) الإسلام يفرض علي انا شيخ لا اتدخل بالهندسة ببدي رأي اذا بدا لي " فَهم هندسي اما أُعطي القوس باريها حسن الشيخ رجب بده ياك روح لعنده قال (تبارك الذي قسم العقل بين عباده اشتاتا ان الرجلين ليستوي عملهما 2 حجو و2 صلو الجمعة و2 حضرو الدرس 2 حضرو الدرس سمعو من النبي ال2 سمعو من النبي فلما طلعو (وَإِذَا مَا أُنزِلَتْ سُورَةٌ فَمِنْهُم مَّن يَقُولُ أَيُّكُمْ زَادَتْهُ هَٰذِهِ إِيمَانًا) الله قال (فَأَمَّا الَّذِينَ آمَنُوا فَزَادَتْهُمْ إِيمَانًا وَهُمْ يَسْتَبْشِرُونَ) (وَأَمَّا الَّذِينَ فِي قُلُوبِهِم مَّرَضٌ فَزَادَتْهُمْ رِجْسًا إِلَىٰ رِجْسِهِمْ وَمَاتُوا وَهُمْ كَافِرُونَ) هي اثنين المعلم واحد والمجلس واحد ومادة التعليم واحدة واحد قال (أَيُّكُمْ زَادَتْهُ هَٰذِهِ إِيمَانًا) (فَزَادَتْهُمْ رِجْسًا إِلَىٰ رِجْسِهِمْ وَمَاتُوا وَهُمْ كَافِرُونَ) والثانية لا ما زادتهم ايمانا الأولاني(فَزَادَتْهُمْ إِيمَانًا وَهُمْ يَسْتَبْشِرُونَ) والطرف الثاني (رِجْسًا إِلَىٰ رِجْسِهِمْ وَمَاتُوا وَهُمْ كَافِرُونَ) النبي ﷺ يلي الدواب عرفته الجمال عرفته الأشجار والأحجار سلمت عليه السلام عليك يا رسول الله وابو سفيان ما عرف النبي الا بالسيف ابو جهل انقطع رأسه ومااا.. فالشاهد قال تبارك الذي قسم العقل بين عباده العقل ما المقصود بالدماغ يلي ما حاطينه بالمرستان لا هذا مريض العقل ادراك الأمور في عقل الطب درس الطب اخد عقل الطب فصار طبيب اخد عقل الهندسة عنده عقل هندسة اذا صار عندك عقل الإسلام فهمت الإسلام اول حجر اساسي بالإسلام القلب اذا ما صار لك قلب ذاكر في الخشوع في الإنابة في محبة الله في خشية الله في اجلال الله في تعظيم امر الله هذا الأساس اذا الأساس ما موجود فإذا بنيت 20 طابق على غير اساس ما ممكن 20 طابق ارض بلا اساس ما بتحمله بده يخفس ويقلب ويهلك بانيها لذلك كما قلت لكم النبي اول ما علم الإسلام ما امرهم بالصوم ما امرهم بالصلاة ولذلك هلأ اول سور القرآن شو؟ من اول سور القرآن (يَا أَيُّهَا الْمُزَّمِّلُ) ما هيك اي في (وَاذْكُرِ اسْمَ رَبِّكَ وَتَبَتَّلْ إِلَيْهِ تَبْتِيلً) النبي اول شيء فعله آوى الى الغار والى الكهف مافي لا صلاة ولا صوم الله شغل قلبه بذكر الله فتم يصفى يصفى يصفى ترك زوجته الأميرة والنبيلة وترك تجارته واصحابه وزملائه حتى بذكر الله صفا" فجذب صفائه القلبي الوحي وجبريل والقرآن والنور بواسطة ذلك الصفاء القلبي هذا الصفاء هذا كحجر اساسي حجر اساسي للسرايا بيجعلها صالحة للسكنة؟ فأتى البناء بالوحي بالقرآن والأوامر والنواهي والوصايا حتى الله قال (أَكْمَلْتُ لَكُمْ دِينَكُمْ) قال ان الرجلين لا يستوي عملهما وبرهما انفاق في سبيل الخير وصومهما وصلاتهما لكن مثل ما قلت لكم الواحد بيحط 1000 ليرة الله بيكتبلو ياها مليون وعشرين مليون واحد بيكتلو ياها 10000 ليرة هذا عرف وين يحطها هلأ انا اذا صرلي ما بشتغل الا اني هيئ المعلم الذي يعلم الناس الإسلام الأزهر ببرنامجه ما صحيح كليات الشريعة ما صحيح يلي عم يلفو لفات مع احترامي إلهم واخلاصهم يا ابني وين الإنتاج وين النتائج هلأ اذا كان زهوراتي وسلمته ارض وبعد سنة شفت الأرض شوك هذا زهوراتي يعني؟ عرف انه رمى البدار رمى البدار ودار ظهره طيب ما بيعرف انه البدار بده سقاية سقا لكن طلع حشيش قتل الورد ما عرف انه هذا بده تعشيب اي اجا تاني يوم سقا تالت يوم سقا اختنق الزرع مات الزرع فما دام النتائج ما عم نشوف الإسلام نتائجه النصر والوحدة والتقدّم غنى قوة ثروة هزيمة العدو تحرير البلاد اي بالنسبة لزماننا لازم اذا كنا اسلام بعد القلب بعد العلم تكون الصناعة الإقتصاد الزراعة الوحدة الحب الإخلاص ما يلتقى في طول البلاد وعرضها لا سارق ولا مرتشي ولا خائن ولا مغتاب ولا نمام ولا حقود ولا حسود ولا واحد يضيع وقته في ما لا يعني شو معنى (وَالَّذِينَ هُمْ عَنِ اللَّغْوِ مُعْرِضُونَ) شو معنى (وَإِذَا مَرُّوا بِاللَّغْوِ مَرُّوا كِرَامًا)؟ بكرّم نفسه انه يضيع وقته في لغو سواءً لغو القول او لغو العمل فوين يا ابني وين نظن الإسلام انه بس نعرف البول والغائض والدم والمزي والودي والحيض والإستحاضة واستقبال القبلة هذا الشيء من الإسلام ولكن في شي اهم في شي اعظم في شي ما بتعرف منه لا قليل ولا كثير كل الناس بيعرفوا انو البول والغائض انه نجس لو ما بيعرفه انه نجس بالشرع بيعرفه بالطبع الله فطر الإنسان انه يبتعد عن البول والغائض لأنه بتعريف الله ما من طريق الوحي والشرع جعل في رائحة كرهة وجعل اعصابه تدرك الريحة الكرهة ونفسه تأباها هذا شرع ذوقي هلأ لو الله عز وجل جعل الغائض ريحته طيبة وطعمته طيبة اي يمكن ما حدا بروح بيعمل تواليت بالبيت ما حدا بيعمل المرحاض بخبيهن بمونهن اي كان قتل حاله بالجراثيم والمكروبات من رحمة الله جعل فيه الرائحة النتنة والمنظر القذر حتى لو لم يكن شرع كان بدوي ولو لم يكن بالشرع كان في الوثنية والجاهلية ومن عهد آدم ايش يبتعد عن ما يؤذيه طبعا فإذا اجى شرعا شرعا وطبعا هذا التقى الشرع مع الفطرة الإنسانية وهكذا كل احكام الله على هذا الغرار قال صومهما واحد بصوم وواحد بصوم واحد صومه يرفعه اعلى الدرجات وواحد يتم على حاله صام مثل صوم الحيوان في كلاب بتتم 5-6 ايام ما بتاكل شيئ فصام عن الأكل والشرب في واحد بصوم عن بيمسك نفسه عن الرذائل عن المعاصي عن الفسوق عن الآثام عن النقائص بيمسك قلبه عن الغفلة عن محبة غير الله بيشغل قلبه بالله اي صوم هذا مثل صوم هذا؟ حجه وراح عل الحج هذا الحج ما بيعرف الا نازل من هون بياخد معه بضاعة وبالرجعة بهرب تهريبات هذا همه رايح هدام عادها" لو مافي تجارة بالروحة ومافي تهريبة بالرجعة مالو فاضي لشو الحج لوكان في مربح اكثر اي باسم الله اذا الحج صار دكان " وفي واحد تسلاية وشم هوى يمكن اذا يصير له روحة على اسطنبول بالصيف قد يآثرها لأوروبا اي احسن وين صفي الحج؟ الحج خلوة الحج انقطاع عن الخلق الإنفراد والخلوة بالله مع التوبة مع الإنابة مع ترك الدكان والبستان والسوق والتجارة والمرأة والأولاد ومع الذكر اي هذا بده قبل الحج المسلمين ما حجو حتى النبي رباهم 19 سنة وبعدين قال لهم روحو حجو 19 سنة تحت ترباية النبي حتى صارت قلوبهم انوارها مثل الشمس وحياتها بالله اصبحت كأني ارى الله في "عرشه" ايمانها بالآخرة صارت كأني ارى اهل الجنة في نعيمهم بعدين قال لهم روحو حجوا هذا اذا حج هذا حجه يرفعه درجات عالية واذا كان ما في هل شي هذا عم يحج وهذا عم يحج لكن وين قال يستوي عملهما ولكنهما يتفاوتان في العقل هذا راح زار لما وقف قدام النبي قال السلام عليك يارسول الله سمع رد سلام النبي ما رآى الشباك خرق نظره للشباك والجدار والحيط والستائر وجسد النبي ورآى روح النبي رآى صورة النبي اي هذا حج كتير من الإخوان بيجو ببلغوني سلام النبي انو والله النبي حملنا امانة ان نبلغك سلامه اليك اي هذا بحسب الظاهر يستوي عملهما وصومهما وصلاتهما ولكن يتفاوتان في العقل هذا عقله عند النبي ادرك شي شاف شي شم شي رآى شي هذاك لا شم ولا رآى ولا سمع ولا فهم " ابو خليل الله يرضى عليه قال لي واقف امام الحجرة قال لي شفت اخواننا الشيعة عم يسلمو على النبي قال وقع في خاطري خاطر وانا امامهم الحجرة عم بسلم على النبي انو يا ترى النبي بيرد اسلام على الشيعة وهني بيبغضو ابو بكر وعمر؟ قال والله يا سيدي قال لي ما استكمل الخاطر في قلبي قال لي حتى رأيت النبي قال لي واخواننا الشيعة عم يسلمو على النبي النبي عم يرد عليهم السلام وعم يرفع بإيديه وعليكم السلام كأنه ما عم ينظر الهم يلي ما هم عليه وحسب الحقيقة هني ما عم يلعنو ابو بكر وعمر عم يلعنو هالذي آذى ستنا فاطمة واحد طرحها وواحد بدو يحرق بيتها اي ابو بكر هيك عمل؟ عمر هيك عمل؟ اعداء الإسلام جابولهن ابو بكر مزور وعمر مزور هاللي بدو يطرّح ستنا فاطمة ويحرق لها بيتها عم يسبو هداك المزور اما الأصلي لو يشوفوه لحتى يبوسو رجليه ويبوسو نعليه اي لذلك النبي عم ينظر لهم هذا العذر اي طيب فواحد مثل ابو خليل "كمثال" الشيخ بشير الشيخ رجب الله يرضى عليه كثير من الإخوان كثر اي بحجه وبزيارته وبعمرته بصلاته بصومه بذكره اي العمل الظاهري عم يستوي اما الحقيقي الإدراك العقل التأثر الآثار النتائج وين لذلك عاد لما عم يحب الشيخ اي عم يحب الشيخ ك(لمة غير مفهومة) اي واحد عم يحب ملكة الجمال مفتح وهذا عم يحبها وهو اعمى قال خطرة واحد اعمى اخذ وحدة الظاهر ما كل هاد لكن هي من شيطنتها "تقلو اه لو يكون إلك عيون" شوف عيوني الخضرة شوف خدودي الحمرة تشوف مغناطيسيتي وجاذبيتي تشوف شوف شوف قال لها اي حاجة فتقتينا هلأ لو ما كان فيكي خير ما اخذك ما اخذوكي العميان كانو ركدو عليكي المفتحين فألله عز وجل يفتح لكم بصائركم يفتح لكم قلوبكم اي حتى يصير عملكم العمل مثل هذاك العمل ولكن عملك تاخد مليون بياع القزاز بجيب بجيب اناطير وتبع الألماس بجيب الماسة قد حبة الذرة بياخد ملايين وهداك بياخدلو شي 100 ورقة اذا كان قزاز مكسر ما بياخذ شي قال ولكنهما يتفاوتان في العقل كالذّرة في جنب أُحد صلاتهم واحد صلاته عن الله ثوابه كثواب ذرة وواحد ثوابه كثواب جبل أُحد حجه هيك صومه هيك مجيئه ع الجامع في واحد بيجي على الجامع بيطلع مثل الذرة وواحد بيطلع مثل جبل أُحد الكلام للقلب القلب هو الذي يعقل الحقائق ولا يكون لك قلب الا اذا مُلئ بذكر الله ما بتحسن تذكر الله الا اذا بتصحب اهل الذكر تدخل في مدرسة الذكر اي تتعلم العشق من العاشقين والحب من المحبين والصدق من الصادقين كان بعض الشيوخ اذا اجا لعنده مريد ما يخلي يصحبه يقول له لسىا ما بتعرف انت ادب صحبة الشيخ يقول له صحاب فلان حتى يتعلم كيف يصحب الشيخ كيف يحب الشيخ كيف يتأدب مع الشيخ لحتى يحسن يستفيد من الشيخ والا بكون (أيّكم زادته هذه إيمانا )وبصير مثل يلي بيعمل حاله "سيباويه" وهو أجهل الجاهلين لما سيباويه" قال له ما فعل ابوك بحماره قال له باعِهِ قال اخطأت قل باعه قال له ليش اخطأت انت لماذا قلت بحماره وانا بدي اقول باعِه قال له بحماره لأن الباء حرف جر قال له لماذا باءك تجر وبائي لا تجر فإذا المنطق من هل المنطلق اي هذا ما قال له الله يبارك لك خلي عم ياكل تبن حطلو صدر بقلاوة بشمو يمكن بسبك بقلك هذا مأكولي لكن شو ليش خبيت وخبيت المعلف فألله يوفقنا يا ابني قال ولكنهما يتفاوتان في العقل كالذرة في جنب أحد وما قسم الله لخلقه حظا هو افضل من العقل واليقين العقل يا ابني الجردون له عقل الدبور له العقل من عقله بيعرف بيعرف العنب شفتو هلأ قاعد على الحجر وعم يمتص منه ما يمتص من العنب بالعقل بيعرف فكرو بالعقل اذا واحد بدو يخربلو عشه بيهجم عليه فالمقصود من العقل هنا العقل القرآني العقل الإيماني العقل الذي يدرك قبل كل شي معرفة الله بعد معرفة الله ما بيمتلئ قلبه بالنور والذكر بينزل عقله الى مدرسة القرآن ليعقل اوامر الله ليعقل نواهي الله وصايا الله تعاليم الله قال واليقين اليقين هذا النبي قال (أقل ما أوتيت أمتي به اليقين) اليقين ادراك امور الغيب بحاسة القلب بصير حاسة القلب معك متل شاشة التلفزيون بيظهر فيها احوال الدار الآخرة فتراها "رأي عين" ترى الجنة "رأي عين " النار "رأي عين " عذاب القبر "رأي عين " ظلمة الذنوب رأي عين" انوار الطاعات رأي عين قلبك بينتعش بيشعر بيحيى بيتغذى فقال وما قسم الله لخلقه حظا هو افضل من العقل واليقين اول من طريق العقل والفكر تدرك كل شي بسلطان العقل وقانونه تصل الى اليقين فعند ذلك مثل ما مر في الحديث الذي قبل بتصير من خواص الله في ارضه يسكنهم رفيع الدرجات لأنهم كانو في الدنيا اعقل الناس كانت همتهم المسابقة الى الطاعة وهانت عليهم فضول الدنيا وزينتها يعني بالنسبة ما حط في قلبه فضول الدنيا وزينتها لو اشتغل بعدين بفضول الدنيا وقلبه مع الله فضول الدنيا بكون هدفه فيها هدف سامي النبي اشتغل بالملك بالفتح جمع الأموال اموال الزكاة والغنائم لكن لهدف سامي غيره اشتغل بالدولة واشتغل بالفتوحات واشتغل بالأموال لكن لهدف تافه وهدف حقير فاني وقال ﷺ( لما خلق الله العقل قال له أقبل فأقبل) انه عقل انه اقباله على الله فيه سعادته (ثم قال له أدبر أعرض عن المعاصي والمناهي فأدبر ثم قال له أقعُد) اي قال له اجلس في مجالس في حضرة الله في رياض الجنة في مجالس العلم في مجالس رفع الشأن (فقعد ثم قال له انطلق سارع الى مرضاة الله فانطلق ثم قال له اصمت عن اللغو عن الإثم وعن كلام والأشر (فصمت فقال ما خلقت خلقاً أحب إليّ منك ولا أكرم) أكرم شي عندي واحب شي الي العقل وانت كل واحد منكن انتو عقل فإذا كان عقل ناضج كامل بدو ينجح ويسعد وفي المعارك ينتصر وفي الأمور يتوفق وفي الشؤون ينجح الدنيوية والآخروية انت عقل عاد عقل من أنو ماركة في راديو بيسوالو 20 ورقة وفي راديو بيسوى الوف بيلقط الاذاعات من آخر الدنيا مهما يكن اذاعتها ضعيفة هو قوي في سجادة متر بمتر بتنباع ب 150 الف ليرة في وحدة بتنباع بمليون ليرة وحدة مثل حكاية هي اي بتسوالا شي 10 الآف وفي وحدة قد منها بتسوى 1000 ورقةووحدة مثلها بتسوى ملايين كذلك العقول كذلك المعادن معدن الألماس اذا شي الماسة قد حبة العنب اذا كانت قد بيضة الحمام في الماسة قد بيضة الجاجة هي بالمليارات وفي صخرة قد هل جامع قديش بتسوى .. قال أقبل فأقبل أدبر فأدبر اقعد فقعد انطلق فانطلق اصمت فصمت فقال ما خلقت خلقا أحب إلي منك ولا في ناس عقله اقبل فيدبر اصمت فيتكلم اقعد فيقوم قال خطرة"كان العميان بيمشو مع بعضهم البعض والطرشان بيعرفوا بعضهم الناس يلي الهن حردبات كمان بيعرفو بعضهم واحد اله حردبة وفز بنص الليل بنصف الشهر ظن انه الفجر طلع راح عل الحمام ظنا منه انو صار الفجر والحمام فتح لما فات لجوا واذ شاف هاللي بالحمام عينهم بالطول واجريهم مثل رجلين البقر عرف انه جن بسم الله الرحمن الرحيم اجا واحد قال له شو هل اليوم قال له الثلاثاء قال له لا هل اليوم السبت قال له الثلاثاء وما رضي بده السبت انت شو بضرك واقع" تحت سيطرته قال له اي السبت قال له شو هل الشهر قال له صفر قال له لا رمضان اذا بده يقول له لا ما رمضان صفر شو الفائدة وتحت سيطرته بده يإذيك قال له رمضان قال له شو هل سنة قال له 401 قال له 15 قال له لا قال 17 قال له 17 التفتو لبعضهم البعض قال لهم هذا فهمان في عنده عقل هل الحردبة تبعه دبرولو ياها اتسطح اتسطح ناس شدوه من ايديه ناس شدوه من رجليه واحد كبسه بوسط ظهره جلس طلع هذا وشافه رفيقه منلك" حكى له القصة وراح على الحمام نفس الفلم بذاته شو هل يوم قال له الثلاثاء قال له لا اليوم السبت قال له ما فشرت ما خصي باطك اي شو الجحش انت شو ما بتعرف السبت من الثلاثاء اي تضرب اي تضرب ما اقل عقلك وصار قال له شو الشهر قال له صفر قال له لا رمضان قال شو هل الجحش شو شو هل التيس شو هل البغل مدري ايش السنة كمان القرن ال15 لا القرن ال27 واحد قال للثاني قال له دبره اجا نفضه برجله لابس بسطار ضربه جوز آم كان عنده حردبة من ورى صار عنده حردبة من ورى وقدام فهذا ابني العقل فألله يرزقكم عقل السعداء في عقل الحشاشة يا ابني عقل الحرامي ذكي بيعرف ايمتى ينزل ما حدا يحس فيه بالبيت بكونوا عم ياكلو ويشربو ويسرقهم هذا اديش عقل " عقل المؤمن الكامل مؤمن القلب مؤمن العقل مؤمن العلم مؤمن الشيخ بتصير طبيب من غير اساتذة طب؟ عقل السلوك عقل الحياة عقل السياسة عقل الحكمة شو بظن القطة لها" عققل انا كان عندي كلبة بالمزرعة شوي آذتنا ودّيناها انا ودّيتها بإيدي حطيتها بصندوق السيارة واخذتها بصوب جوبر بعد جوبر نزلتها هونيك بعد يومين شرفت الخانم ولدانة بالمزرعة عنا ما شافت الطريق لا من وين اخذتها اي طيب نحن بعقلنا الإنساني خلي واحد ياخدنا لجهة لا منعرف الطريق لا الروحة ولا الرجعة منرجع بهل السرعة اي هي عقل لكن عقل ايش عقل كلبة الحمار لما بفضل التبن ع البقلاوة بعقل اما بغير عقل؟ لكن عقل ايش عقل دابة الله يعطيكم عقل الأولياء ما الأولياء الرهبانيين اولياء العبادة مع العبادة بده يكون عقل الحكمة عقل الفهم تفهم الواقع زمانا ومكانا واشخاصا وجلساء كل جليس له خطاب كل جليس له معاملة وبدنا ننزل الناس منازلهم تفهم ما لك وماعليك حدودك ابعادك اي اذا فهمت اي العقل ابني" قال: "ما خلقت خلقا احب الي منك، ولا اكرم، بك أعرف" يلي عرف الله عرفه بإيش؟ بالعقل بالنسب والحسب؟ بالطول وبل العرض؟ بالشكل وبالصورة؟ بك أعرف وبك أحمد الذي حمد الله وشكره لأنه عرف عقله الله حق المعرفة وبك أطاع اللي اطاع الله لأن عقله ادرك ان اطاعة الله تعطيه السعادة وبك آخذ وبك اذا بدي آخذ انسان وبك أعطي بك اذا في واحد عنده عقل الله يعطيه عنده عقل يأخذ بيده الى مرضاته ومحابّه وإيّاك أعاتب وإياك أعاتب ولك الثواب وعليك العقاب الثواب الشعور بالنعيم اذا مافي عنده عقل بيشعر بيحس اي بحس بالألم بحس بالعذاب بحس بالعقل والإدراك وما اكرمتك بشيءٍ إذا بدي اكرمك بشيء اعظم شيء أكرمك به شو هو قال افضل من الصبر اذا بدك تصبر اذا بدك تتعلم اذا بدك تصبر على العلم تذكر تصبر على الذكر اي بدك تزكي نفسك تنقلها من حال الى حال من معصية الى توبة من اعراض عن الله الى اقبال وانابة اليه بدك صبر بدك تتعلم تصبر قد تجي لعند المعلم ما تجده وينه يا اخي ما لقيناه درنا ضهرنا ومشينا ما عاد اجينا اذا جفاك اذا خانأك اذا كان يعني بمطر بوحل مشقة تعب اي ميؤوس من النتائج من الصمود من الثبات من الصبر قال وما اكرمتك بشيء افضل من الصبر وقال ﷺ لا يعجبنكم اسلام رجل حتى تعلموا ما عقدة عقله) والعقل أعظم شي بيظهر في حال الرضى كل الناس منشوفهم اما اغضبه ازعله ازعجه بتظهر حرارة ايش عقله فعند الشهوات والمحبوبات في ناس بيغلب هواه على عقله بحب ما يضره ويؤذيه لأن نفسه تشتهي مثل المريض العقل والطب والعلم يقول له لا تأكل كذا نفسه تشتهي فيطيع هواه ويخالف العقل والعلم فالعاقل هو الذي يستطيع ان يملك هواه والدين بيملك هواه بطريق العقل الدين بيملك هواه بطريق ما بقول العقل الإلاهي انه كلمة عقل لا تطلق على الله وان كان الفلاسفة بيطلقوا على الله العقل الكلي فالله يقال حكيم لا يقال عاقل هذا اصطلاح فني خلاصة فالدين قال واما من خاف مقام ربه ونهى النفس عن الهوى تحسن تملك هواك اذا غضبت هواك اذا لهوت اي هواك اذا احببت هواك اذا عاديت هواك اذا فكرت )وَنَهَى النَّفْسَ عَنِ الْهَوَى فَإِنَّ الْجَنَّةَ هِيَ الْمَأْوَى( النفس بتحب الراحة هذا هوى العقل النفس بتحب الطعام ولو كان مؤذيا بتحب الحرام ولو كان مضرا بتحب البطالة ولو كانت غير نافعة فقال لا يعجبنكم اسلام رجل لو شفته بصلي بصوم بالجامع قال حتى حتى تعلموا ما عقدة عقله ياعلي اذا تقرب الناس الى الله في ابواب البر فتقرب الى الله بأنواع العقل في نوع من العقل الطب هذا نوع من العقل الهندسة نوع من العقل الحكمة تضع الأشياء في مواضعها باوقاتها بمقاديرها تحب من تسعد بحبه تجالس من تنعم بمجالسته تصاحب من ترتفع وتعز بصحبته تخدم كان شيخنا الله يقدس روحه يحكيلنا هذا المثال يقول يا ابني امشي مع السبع واخدمه ولا تمشي مع الكلب ولو خدمك اغتنم صحبة الأكابر واعلم ان في صحبة الصغار صغارة الصغار هو الذل والهوان تصحب صغار النفوس صغار الهمم صغار الإدراك صغار العلم صغار الأخلاق صغار الإيمان اي البندورة البرتقالة التفاحة الإجاصة مهما كانت جيدة وصاحبت وحدة عاطلة بده يسري اليها الخلل وابغي من في يمينه لك يمنٌ اتطلب هلأ اذا حطيت يدك بيده اليمنى تأخذ اليمن والخير والبركة والسعادة وترى في اليسار منه اليسارَ اذا ما صرلك اليمين تمسّك باليسار لو فاتك الأفضل لا تضيع الفاضل قال تقرب الى الله في ابواب البر اذا تقرب الناس الى الله في ابواب البر فتقرب الى الله بأنواع العقل واعظم العقل ان تعرف الله تعرف الله بمعرفة العارفين بالله تعرف الهندسة بواسطة العارفين بالهندسة الطب بواسطة العارفين بالطب تسبقهم بالدرجات اذا تقربت الى الله بالعقل بالمعرفة بتسبق الأبرار في الدرجات وزلفى عند الناس في الدنيا وعند الله في الآخرة والعقل سبق معكم فإن العقل عقلاني فمسموع ومطبوع العقل قسمين في العقل الغريزي يلي هو اداة وآلة للإدراك يلي هو الدماغ وفي العقل المكتسب الذي ينال بالمعرفة بالعلم بالتأدب بالتربية بالتهذيب هذا ينال بالمعلم بالمهذب بمعلم الحكمة فإن العقل عقلاني فمسموع ومطبوع ولا خير بمطبوعٍ اذا لم يك مسموع.. يعني اذا لم يوجد المسموع المطبوع العقل مهما كنت ذكي مهما كنت عبقري اذا ما اضفت الى عقلك الفطري الغريزي العقل العلمي التربوي التدريبي فلا خير بمطبوع اذا لم يك مسموع كما لا تنفع العين مهما كانت عينك حديدة البصر ومبصرة وحطيناك بسرداب ومنعنا عنك الضوء عينك شو بتفيدك؟ بتفيد شي؟ ولا خير بمطبوع اذا لم يكن مسموع كما لا تنفع العين وضوء الشمس ممنوع العين هي الجهاز لكن الجهاز بده نور حتى يحسن يدرك العقل جهاز بده علم وتربية حتى تدرك فالعلم علمان علم اللسان وعلم القلب فالله عز وجل يعلمنا ما ينفعنا وينفعنا بما علمنا ويزيدنا علما نافعا و صلى الله على سيدنا محمد وعلى آله وصحبه وسلم والحمد لله رب العالمين ويرزقنا التوفيق العقل هذا العقل موجود هذا العقل مجلسكم هذا العقل اذا الواحد بدو عقل يجي واذا ما اجا معناته ما بده عقل بده العقل الغريزي عين من غير ضوء ودماغ من غير علم ولا تذكية شو بفيد؟ الطنبرجي عنده من الذكاء ما لو كان متعلم ومهذب يمكن بصير رئيس وزراء او بصير رئيس جامعة او بصير شيخ الإسلام لكن هل الجهاز هذا عطله هلأ البترول يلي كان عندنا قبل ما يجي العقل العلمي فيكتشفه ويستخرجه كنا بالحج اذا رحنا على الحج كنا اذا اكلنا بطيخ ورمينا القشر كان البدو يتسابقون الى القشر من الفقر مساكين" بالكويت بأبو ظبي كلهم كانوا هيك فإجا العقل العلمي فأدرك من مسافة 3000 متر عمق في الأرض ادرك وعقل هل الكنوز هلأ صار طوابق 20 و 30 طابق فالعرب شو كانوا؟ كان عندهم عقل ابو بكر الغريزي كان موجود لكن العقل التعليمي والإيماني كان موجود؟ اكتسبه من صحبة ومحبة النبي والهجرة الى النبي والتعلم من النبي تجدون الناس معادن كمعادن الذهب والفضة هلأ انتو لو كان بلا شيخ هلأ سعيد كان شو الله يرضى عليه كان استاذ طمبرجي "يلّم دق العود" استاذ مقصود وخرج تلاميذ كثير مرة دخلت عليه شفت 3-4 كمنجا على التخت ليش مكثر قال لي كل ما بتتعب وحدة منريحها منشغل الثانية قال يا سيدي "تاري في القلب قال لي في عود وفي طرب وفي كمنجا قال لي وين هيديك من هي فمرة الله يرضى عليه لما رحت للحج سنة ال 43 كان طريق رحنا بالقطار على فلسطين على بور سعيد لما رجعت من الحج سألت عنه قالوا مريض رحت لعنده خير قال لي والله ياسيدي لما مشي القطار قال لي حسيت قلبي انخلع مع القطار قال لي ورجعت مريض من وقتها الى الآن اي هذا هل الحب يلي احبه للشيخ هادا بعقل اما من غير عقل؟ خسرت ولا كسبت ابو خليل؟ هلأ صرله بالجامع حوالي 40 سنة الا قليل ولو تم 4 ملايين سنة كل ما مر الوقت بيزداد حب وعقل وسعادة استفاد في عمله المهني في صنعته من طريق الشيخ هي ما بيدركها واحد الا بدها وقت واسع للتوصيل مين اجا لعند الشيخ وارتبط الإرتباط الحقيقي الصادق العقلي والقلبي وما كان روبحه لا يثمّن ولا يقدّر فأالله يوفقكم يا ابني ويرضى عليكم ويرفع البلاء عن المسلمين ويجمع كلمة المسلمين ويوحد كلمة العرب بدها عقل اي ما عم نروح على سوق العقل منروح على سوق قلة العقل ما على سوق نربح عملة العقل منخسر عملة الله يرحمنا برحمة من عنده لكن مع الدعاء اشتغلوا يا ابني ولا تيأسوا اليأس من ترك العمل ومن ترك العلم اما اذا صار في عندك علم وفي عندك عمل هذا باب الرجاء اما دعاء من غير علم وعمل هذا تمني التمني ما بحقق شي يعني بالتمني ما بيجيك ولد بدك تخطب وتدفع نقد وتصمد نقد وتتجوز اما بالأماني بالتمني بالدعاء هذا كان وضع المسلمين من 100 سنة وقبل مئات السنين اضاعو العقل الإسلامي حتى علماؤنا اضاعو العقل الإسلامي هم كانو يقودوا الملوك شي بالتصوف شي بفروع الفقه شي بعلم الكلام هذا مع انه كله اساسه حسن لكن التنسيق والتنقية والتصفية النبي قال يبعث الله على رأس كل مئة سنة من يجدد للأمة امر دينها التصوف لوحده فروع الفقه لوحدها الترتيب العلمي الإسلام والعلم فوق ذلك يا ابني هذه من المواد بعد تنقيتها بشرط فأدوات السيارة اذا ما عرف الواحد يركبها وآلات الساعة وما عرف يعيرها السيارة الها 50 عيار البنزين له عيار والكهرباء له عيار والدبرياج له عيار اذا ركب الآلات من غير عيارات اي ما بتمشي فيك ولا خطوة ولا عرض اصبع قلبي محروق يا ابني مرة بشكي الى الله بالبكاء مرة بالدعاء مرة بالتضرع وعملي جسمي طاقتي يعني انشاء الله الله بعد مني بكملكم المسيرة عسى انه ربي يطلع رجال رجال يكونو رجال ما رجال الشعر ما رجال يلي بجيب " الجسد من جسده يلي بيحسن يجيب" عقله من عقله عقل كامل عقل نبوي عقل اسلامي هذا الرجل ويللي ما بجيب بينتج من عقله عقل هذا لساته طفل العقل ولو كان رجل الجسم الناس ما بأجسامها المرأ بأصغريه قلبه ولسانه اللسان يُنبئ عن العقل والقلب يُنبئ عن الإيمان.